غدا التقيك

[تسنيم خالد]

غداً
سألتقيك فى الطريق صدفة وستدخلني الصدفة فى حالة من الفرح الخرافي
وبعد غدا
ستطرق بابي لتهديني باقة ورد معطرة ........
وبــعد بــعد غد
سترسل لي رسالة حب ملتهبة
وبعد بعد بعد غد
ستهاتفني لتقول لي انك تحبني بجنون
وبعد بعد بعد بعد غد!! وبعد وبعد وبعــــــــــــــــــد
ستقف تحت شرفتي لتصف لي طعم الحياة فى غيابي
وبعد ...بعــــ....ـــد ... غد
عفواً ... أنا لاأنجم
أنا فقط أحلم ... وأتمنى
مجرد أحلام اعبث بها واسطرها فى سطوري المتواضعه
مجرد احلام ذابله لاتعرف الهدوء ولحظات الصمت
كلماتي اصبحت لحظات جنون





لكم ودي....

[shaggy999]

وبعد بعد بعد يحصل خطوبه


وبعد بعد بعد شويه عرس وكده



وبعد بعد بعد دستت عيال





وبعد بعد بعد طلاق بالتلاته


يمه في شنو




ههههههههههههههه



كنت نايم وصحتني امي

بعد بعد ماطلقتها

وتسلمي

[تسنيم خالد]

الله يجازيك يا خالد هههههههههههههههههه دي تنفع نهاية بالجد
تسلم علي المرور

[نيازى كشك]

اروع مافى الحياة الصدفة
لانها اكثر صدقا وصفاء
احلمى
فانكى لن تخسرى ما كنتى لا تملكية

[تسنيم خالد]

علي قولك نيازي.... وعلي القول الذي يقول احلموا فانها ليست لاحد

[ود المطامير]

فشلّتى علىّ مفاجأتى !!!

[تسنيم خالد]

اول شئ كل عام وانتم بخير والسنة الجاية علي امانيكم

واشكركم كتير علي الردود الحلوة (وانشاء الله نجيكم في سمحكم):d

[تسنيم خالد]

مسافر كدي ورينا مفاجأتك نشوفة اكيد ما فشلت

[ود المطامير]

بعد إية ؟ ما خلاص حرقتى كل أوراقى
قلت أجيك بالشوق لقيتك عارفة طريق أشواقى
وكل القصة عندك واضحة وضوح البوح الرائع وراقى

[راسكال]

تسنم ما اجمل الصدفه

ولكن الاجمل منها جنون المشاعر


وكل سنه وانتى ينبوع العطاء

[شبارقة]

الما معقول:
سنلتقي عفواً بلا ميعاد
وأرسم في مخيلتي صباح الغد
أترصد اللحظات .. حتى أراك..
ثم أراك
اليوم .. غداً .. بعد غدٍ ... لا يهم
وأهيم في محياك ...
أهوى عيونك ... أعشقك حتى الثمالة ..
وتبادليني حباً بحب..
ونتزوج
(ونعيش في سعادة وهناء)
***
المعقول:
نلتقي عفواً بلا ميعاد..
وأحلم أن تحبيني .. وأرسل لك خطاب..
ويقع الخطاب في يد أبوك ...
وتاخدي انت علقة (بنت كلب) ..
ويزرّوني أنا (زرة كلب في بيت فلاته..)
ويقولوا لي: (والله تاني نشوفك رسلت ليها ولا عاينت ليها بطرف عينك الا نعلقك )
وتنتهي القصة بمأساة متوقعة ومعقولة..
****
لكم خالص ودي

[Almostshar]

وبعد بعد الغد و بعد بعده وذلك اليوم
الصدفه سبقت الغد واستمرت إلى الغد

أعترف لو لم ينقضي ذلك الغد فسأنتضر غدا تاليه

إن كانت الصدفة تتبعني بغد فسأكمل النوووووووووم
ونصيحة لا أريد أن يوقضني أحـــــــــــــــــــــــــــــــــــد

شكرا تسنيم على الصدفة ويوم غد والدبلة والخطوبة ويا ناس الطلاق
فكرتو فيه قبل العقد أخير صحوكم من النوم هههههههههه

وشكرا

[المسافر]

هى تلك الصدفة الجميلة
التى هى خير من ألف ميعاد
وهو ذلك القدر ...
الى يجعل لقائنا بشخص ما
فى لحظة ما ...
ينقلنا الى دروب جديدة
قد تكون يسيرة..
وقد تكون عسيرة
ولكنها دروب قدر لنا
ان نجتازها ...
بحلوها ومره

فما المستحيل أو التنجيم في أن نلتقى بشخص يقدم لنا كل جميل في هذا الكون . . .
لا تدعي ذلك الحلم الرائع أن يذبل ودعيه أمام ناظريك دائماً إلى حينه

[تسنيم خالد]

تسلموا علي الردود الرائعة بالجد بتعقدوني بحرد الكلام البكتبو
شبارقة راسكال مستشارمسافر ربي يخليكم بالجد تسلموا علي التعقيبات الحلوة

[تسنيم خالد]

يا مسافر المرة الجاية استعجل في الفكرة عشان ما تتحرق تاني

تسلم

[ود المطامير]

قلتى كدا ؟ أووووووكى .

[تسنيم خالد]

تسلم ونحنا في انتظار مفاجآآآتك

[Almostshar]

أتى إلى الباب وعندما أراد طرقه
سرح به الخيال بعيدا
هل ترى أنها هنا
وعندما هم بطرقه
ذهبت

[ابو حمزة]

تسنيم خالد

بعد بعد بعد بعد روحي !! ثم بعد وبعد بعد ...

جميل أن تعيش في الخيال المحض وتلتقط الفرشاة للرسم المسجى على حمامتين!!
أن تتطلع لأمرأة نخلة تحمل عنك ثقل الدنيا!!
عذب هو اللقاء الأول بطعم اللا مذاق له حتى نوصفه!!
عذب أن يخفق قلبك بين جناحيك مضطرباً حين تقع العين على العين!!
هواء أو مثله الذي تبتلعه عند تلك اللحظة !!!
أحلام وآمال عراض تثور وتغلي وأعذبها ما كان برعماً صغيراً ( ننــــــو)!!

[محمد مصطفي]

تسنم ما اجمل الصدفه

ولكن الاجمل منها جنون المشاعر


وكل سنه وانتى ينبوع العطاء




دمتي بود،،،،،،

[Madanawi]

والله ما مسافر انت البراحة زاتو،،،،،،،

يعني البنت تسنيم دي تقعد تتمتم وتقطع في الكلام وناس الحلة ضبحوا الخرفان وقطعوا اللحم وهي لسة تقطع في كلام الريدة الجميل دا وبرضوا تقول لي حرقت ليك اوراقك وطيرت منك العصفورة،،،،،،

الله يكون في عونك والمرة الجاية تعال بدري عشان الكنبة الطيش تدي فرصة لي ناس غيرك يقعدوا فيها،،،،،،،،،،،،،،،،،،،،،،،،،،،،،،،،

وتسلمي تسنيم على البوست الرائع وتسلم يا ود الشرق على المداخلة الجميلة

[تسنيم خالد]

مدناوي كبك او حمزة مستشار نورتوا الصفحة وتسلموا علي المرور

[ود المطامير]

والله ما مسافر انت البراحة زاتو،،،،،،،

يعني البنت تسنيم دي تقعد تتمتم وتقطع في الكلام وناس الحلة ضبحوا الخرفان وقطعوا اللحم وهي لسة تقطع في كلام الريدة الجميل دا وبرضوا تقول لي حرقت ليك اوراقك وطيرت منك العصفورة،،،،،،

الله يكون في عونك والمرة الجاية تعال بدري عشان الكنبة الطيش تدي فرصة لي ناس غيرك يقعدوا فيها،،،،،،،،،،،،،،،،،،،،،،،،،،،،،،،،

وتسلمي تسنيم على البوست الرائع وتسلم يا ود الشرق على المداخلة الجميلة
هو منو فينا اللى قاعد يتمتم ... وأخوك الرجفة ماسكاهو
والحمّة شبت والقلب , المليون ... ذمان دقات فاتو وإتعداهو
وأحفظ ليها كلام سمح وكت .... أشوفها يتلخبط كيانى وأنساهو
أخوك مابدورلو لكزة ويصحى ... حديث السمحة جد حسّاهو
عِلا ماعندو قلب للريد قليبو .... لبت النويرى زمان أدّاهو
شايلاهو فوق رموش العين .... وفى الصفحة شايلة جناهو
من كل قلبى بتمنى ليها الخير ... وأحسن منى إنشاء اللّة بتلقاهو

[ود المطامير]

السكوت كالسكاكين تقطّع قلبى

[تسنيم خالد]

سلمتوا من كل شر









دمتم

[رضا أبوعيسى]

لحظات... كثيره ... صدف ... عديده... اتمنى انني لم اعشها ,,,, واه انا ... يقال ان رب صدفة خير من الف ميعاد.. ولكنهم اخطأو فيها... ياليتني لم اعش تلكم اللحظات.... ياجماعه الحلم حلو .. لكن الاحلام المستحيل انو الواحد حتى يحلمها او انو يحاول يسرح في خيالاتها,,, حرام نحلمها عشان ما نزيد الم القلوب ونزيفها...

ودمتم سالمين

[تسنيم خالد]

رضااااا احلموا فأنها ليست لاحد ...عش الحلم عسي ان يصبح واقعاا






سلمت علي المرور