مشاهدة النسخة كاملة : ركن زكريات العجائز...
نزار حسن محمد
04-01-2007, 01:10 AM
ركن زكريات العجائز...
***مع مرور الايام وعند المناسبات مثل الاعياد تعود بى الذاكره لى ايام مضت ...اتذكر جيالى انا .. وكيف كانت الحياه حلوه وجميله ..
اليوم افتح هذه النافذه واعود للوراء.. واتذكر تلك الايام وكيف كنا نستمتع ونتذوق الحياه بجميع ضروبها .. وكيف كان التنافس فى جميع المجالات [
الفن...
[كان يبداء التنافس من القمه وسريعا ما ينتقل للقاعده كان عندما ينتج الفنان محمد وردى اغنيه ويتباهى بها معجبيه تجد محمد الامين انتج اغنيه اروع وعندما يصدح فنان العاشقين عثمان حسين بى احدى روايعه تجد ابوسيد عليه الرحمه اخرج احد درر الشاعر ادريس جماع ..كذلك زيدان ابراهيم ونده ابوعركى البخيت وكمال ترباس ونده عبد الوهاب الصادق .. وهكذا ..هذا من ناحية الفن
[SIZE="6"]ثم تاتى الرياضه ...
وكيف كانت المنافسه بين الانديه وخاصه هلال مريخ وتلك الاسماء التى عشقها الملايين مثال عزالدين الدحيش وكمال عبد الوهاب ،وعلى قاقارين وبشرى وهبه وكاوندا وكورى اخوان وسليمان وزغبير والنقر جاء والفقيد سامى عز الدين ومصطفى عبده وهذا عهدى بالرياضه.[COLOR="DarkSlateBlue"][SIZE="6"][COLOR="Red"]
الخطاب السياسى SIZE]
ثم ياتى التنافس حتى فى الخطاب السياسى وكان فارس الخطاب الاديب المرحوم عمرالحاج موسى عندما تم افتتاح تلفزيون الجزيره وكان قد القاء كلمته المشهور والتى مازال التلفزيون يحتفظ بها وكانت حديث المجتمع واتذكر منها عندما قال مدنى محمد سلام وقام اتعزز الليمون عشان بالغنه فى ريدوه.
الاذاعه والتلفزيون...
"]كذلك كان التنافس بين الاذاعه والتلفزيون وتلك البرامج التى خلدات عند المستمعين والمشاهدين مثال برنامج امسيات لمقدمه متوكل كمال وبرنامج اضواء المدينه لمقدمه حمدى بولاد ودنيا دبنقا لمقدمه محمد سليمان وفى
الاذاعه برنامج ساعة سمر لمقدمه عمر عثمان ومن خارج الاستديوه لمقدمه صلاح طه وللسان العرب للفقبد د/ عبدالله الطيب .. وذلك كل اعمال الفنان القدير السر قدور. وام المسلسلات فكانت هناك اعمال خالده مثل الدهبيه وخطوبة سهير وعمالقة التمثيل مثال مكى سناده
المدن ...
ثم تاتى المنافسه بين المدن ... ولاتحيزا كانت مدنى ام المدائن فى جميع مجالات الابداع ... ومازالت برغم كل الحاصل... والندا لها مدينة ام درمان ... اكتفى حتى هنا اليوم وللحديث بقيه .. لكم الحب حتى نلتقى
الاخ نزار ايدكم مبارك كل سنة وانتم تبيين تيبين ياولدي ذكرتني أيام زمان حليل زمان وايام زمان بجد يا ابو النزر الحياة بمختلف نواحيها كان ليها طعم ومذاق خاص الآن فقدت طعمها ومعناها وذلك بسبب أشياء كثيرة لاحصر لها.
في الماضي الناس مشبعة بالثقافة بالطيبة بنقاء النفوس و مافي جري ورى الحياة ناس متيقنه بالقسموا ليها ربنا كان تحمل في دواخلها كثير من المعاني الآن خواء في كل شيء
نزار حسن محمد
05-01-2007, 06:03 AM
صدقت والله ياجدى ناسا ..حليل زمان وايام زمان كدى بالله احكى لنا عن ايامك مع ناس ناسا..والاجواء الفضائيه ..قالوا المركبه بتاعتك كانت مرسيديس وبتمشى عبر المدون من غير بترول..والبترول الفيها بدفقه كرامه لتثبيت الشوارع ..شيخ والله انت .
عمك تنقو
05-01-2007, 08:52 PM
ا اجمل الذكريات عزيزي نزار وهذا فعلا كان تعايش عموم اهل السودان في ذلك الوقت - الرياضة والفن والسياسة ولكل ذوقه الفني ولونه الرياضي والسياسي واذكر عندما قامت ثورة مايو كنت منتظر توزيعي للمدارس الثانوية بعد انتهينا من المدارس الوسطي وكنت صبيحة 25 مايو 1969 في امدرمان ( بيت المال ) نسمع موسيقي الجيش والانقلاب العسكري الشهير الذي قام به نميري ورفاقه وفي أمسية نفس اليوم كنت مع ابن عمي الذي يعمل في الاذاعة السودانية وذهبنا بارجلنا للمنزل وفي طريقنا رأينا مجموعة من الأنصار متجمهرة وذهبنا نحوهم ووجدنا السيد / الصادق المهدي يخطب فيهم ويحثهم علي معارضة هذه الحكومة وبأنها شيوعية بحكم وجود بعض اليساريين فيها مثل هاشم العطا وماهي الا لحظات حتي طوقتنا الجيش والشرطة ولآول مرة في حياتي اشوف مسيل الدموع واحس به واعتقلت في ذلك اليوم وانا ابن الخامسة عشرة عام - وفي المعتقل صاح فيني المحقق انت ود الصادق المهدي مش كده ؟
قلت ليهو مرتجفا ابدا والله انا جيت عشان اشوف الصادق المهدي !
فضحك الضابط مستلقيا ضاربا الطاولة بكلتا يديه وكانت لي مخرجا بالفعل !
( قال ابونا الشيخ فرح ود تكتوك - الصدق كمّا فكاك الكضب ما فكّك ) ... وما اجملها مقولة
لك كل الود عزيزي نزار لهذا البوست الرائع
رضا حسن محمد
06-01-2007, 12:21 AM
الاخ ابو النزر
برجع بالزمن مرات واتذكر بركات الابتدائية والمتوسطة ، اتذكر استاذ الاجيال الاستاذ احمد حسن انه رجل بقامة التاريخ وااستاذ محمد على عليه رحمة الله واستاذ عبدالله الريح يرحمه الله واستاذ صلاح السمانى شقيق صديقى محى الدين السمانى ،كما اتذكر اساتذة بركات االمتوسطة الاجلاء ابتداء بالاستاذ العظيم احمد عبد الحميد الذى كان مديرا للمدرسة واستاذ عبدالله واستاذ عبدالقادر وعبد الوهاب وكارورى ويوسف شاطر وخضر وسيف وقشى وعصام الفادنى الذى علمنا اللغة الانجليزية واستاذ عبدالكريم وعبد الالاه وسنهورى شكرا لهم لتعليمنا الحروف وتنوير الطريق
برجع ليك يا ابو فايزة
جزاك الله خير ياولدي نزار لو بتذكر أيام كنت في الدورة المدرسية وايام احتفلات بركات لمن انت كنت شايل القرد بتمثل وكنت تعطر سماء بركات ومدني بصوتك الرائع.
وايام كنت بتجي انت واصحابك جمال محمد عبدالرحيم وصلاح محمد عبدالرحيم وايام فريق الافندية وجيرانكم الطيبين ناس الدالي عليه رحمة الله وناس فؤاد وناس محمود حافظ ........الخ الله ايديك العافية ولدي نزار
نزار حسن محمد
06-01-2007, 10:09 AM
ا اجمل الذكريات عزيزي نزار وهذا فعلا كان تعايش عموم اهل السودان في ذلك الوقت - الرياضة والفن والسياسة ولكل ذوقه الفني ولونه الرياضي والسياسي واذكر عندما قامت ثورة مايو كنت منتظر توزيعي للمدارس الثانوية بعد انتهينا من المدارس الوسطي وكنت صبيحة 25 مايو 1969 في امدرمان ( بيت المال ) نسمع موسيقي الجيش والانقلاب العسكري الشهير الذي قام به نميري ورفاقه وفي أمسية نفس اليوم كنت مع ابن عمي الذي يعمل في الاذاعة السودانية وذهبنا بارجلنا للمنزل وفي طريقنا رأينا مجموعة من الأنصار متجمهرة وذهبنا نحوهم ووجدنا السيد / الصادق المهدي يخطب فيهم ويحثهم علي معارضة هذه الحكومة وبأنها شيوعية بحكم وجود بعض اليساريين فيها مثل هاشم العطا وماهي الا لحظات حتي طوقتنا الجيش والشرطة ولآول مرة في حياتي اشوف مسيل الدموع واحس به واعتقلت في ذلك اليوم وانا ابن الخامسة عشرة عام - وفي المعتقل صاح فيني المحقق انت ود الصادق المهدي مش كده ؟
قلت ليهو مرتجفا ابدا والله انا جيت عشان اشوف الصادق المهدي !
فضحك الضابط مستلقيا ضاربا الطاولة بكلتا يديه وكانت لي مخرجا بالفعل !
( قال ابونا الشيخ فرح ود تكتوك - الصدق كمّا فكاك الكضب ما فكّك ) ... وما اجملها مقولة
لك كل الود عزيزي نزار لهذا البوست الرائع
العزيز الراقى عمك تنقو
سعدت جدا بمرورك الكريم
لكن بالغته ياريت لو قلته انا ولد الصادق المهدى تعرف ماتشوف هرشت الضباط ده تحت تحت المعامله كانت بتتغير ... لكن كلام الشيخ الفرح مابقع واطه ..تسلام ياغلى وخليك قريب
نزار حسن محمد
06-01-2007, 10:14 AM
الاخ ابو النزر
برجع بالزمن مرات واتذكر بركات الابتدائية والمتوسطة ، اتذكر استاذ الاجيال الاستاذ احمد حسن انه رجل بقامة التاريخ وااستاذ محمد على عليه رحمة الله واستاذ عبدالله الريح يرحمه الله واستاذ صلاح السمانى شقيق صديقى محى الدين السمانى ،كما اتذكر اساتذة بركات االمتوسطة الاجلاء ابتداء بالاستاذ العظيم احمد عبد الحميد الذى كان مديرا للمدرسة واستاذ عبدالله واستاذ عبدالقادر وعبد الوهاب وكارورى ويوسف شاطر وخضر وسيف وقشى وعصام الفادنى الذى علمنا اللغة الانجليزية واستاذ عبدالكريم وعبد الالاه وسنهورى شكرا لهم لتعليمنا الحروف وتنوير الطريق
برجع ليك يا ابو فايزة
عبد الرضى ..اتفق معك واتمنى ان نفعل شى لهذا الاستاذ القامه احمد حسن وفعلا انه رجل باقامة التاريخ..مارايك فى ان نتكفل بان ندعيه لى اداء عمره على حسابنا..منتظرك
نزار حسن محمد
06-01-2007, 10:19 AM
جزاك الله خير ياولدي نزار لو بتذكر أيام كنت في الدورة المدرسية وايام احتفلات بركات لمن انت كنت شايل القرد بتمثل وكنت تعطر سماء بركات ومدني بصوتك الرائع.
وايام كنت بتجي انت واصحابك جمال محمد عبدالرحيم وصلاح محمد عبدالرحيم وايام فريق الافندية وجيرانكم الطيبين ناس الدالي عليه رحمة الله وناس فؤاد وناس محمود حافظ ........الخ الله ايديك العافية ولدي نزار
لكن مابلغته ياجدى ناسا الله ايدك الصحه والعافيه وماشاء الله على ذاكرتك الحديديه ..لكن ما رجعت لى ايام لاتنسى كدى اسل حبوبتى ام ماب عن ايام زمان وجيرانا العزاز .. والريد الريد يااهل متين لدياركم نصل..الله ايدك الصحه والعافيه جدى العزيز ...
رضا حسن محمد
06-01-2007, 09:27 PM
العزيز ابو النيز
والله اقتراحك فى السلك ، اوافقك تماما واشد على يديك القويتين ، ويلا نبدا
عليك الاوامر وعلينا التنفيذ
بالمناسبة جيرانكم العزاز مش الريد يا اهل ولكن الساكن قصادنا ياين قلبو رادنا ( الانا وهلولة لعبنا ليها باكات )
محمد السر احمد
07-01-2007, 12:38 AM
و الله اقتراحك جد رائع اخي نزار لانو ذلك السرخ استاذنا احمد حسن ذلك المربي و الاب و يندر ان ياتي الزمان بمثلة
ودمتم
نزار حسن محمد
07-01-2007, 01:05 AM
الدرب الأخضر - عثمان حسين -حسين بازرعه
مهداء لكل الاحباب ....
الدرب الأخضر
تميل خطواتي نشوانة تعانق دربك الأخضر
وحات اللوعة والآهات يا مشوار ما تقصر
على دربك زرعت الحب
جمال و كمال رياض وزهـور
غزلت صبابة العشاق
أماني تزيد صباح وعـطور
شلت اللهفة والأشواق
هيام وسـلام ومنابع نور
مواكب روعه وإبداعات
سلام وخيال قصادة شعور
ما بدلت الأيام ولا في مره أتغير
وحات اللوعة والآهات يا مشوار ما تــقصر
أمانه تطـــول وتتجدد
وأوعه تبقى لينا حـدود
عليك مقصر الأعمار
وعود و وصال ما قاسينا نار حـرمان
وما عانينا جور وصدود
وكم مرت بلاك أيام
وقفته في طريق مسدود
وشوفوا الليلة وإشـراقات
سنا و نوار بيتقطر
وحات اللوعة والأشواق يا مشوار ما تقــصر
يا مشوار يا رائع
بدون أول بدون آخر
معاني لا نهائيا
عليك دفق حنان زاخر
عليـك روح
واحضن قلـب
وأبهج عين
وسر خاطر
فيك يا شوقي ما ترتاح
وفيك أفضل دوام سارح
معاك فرهد شباب الحب
ورف على جناح اخضر
وحات اللوعة والأشواق يا مشوار ما تقصر
مقتول هواك يابركات من زمان
حبوبتك أم مآب بتسلم عليك وعلى جيرانكم وبتقول ليك :
لي أماُ تقول ياداري بده الحال
ولي خالتاُ تقول ياجامع الأشمال
ولي أختاُ تقول ود أمي يا البلال
وبت الناس تقول سافر يجيب المال(وهي الكسبانه).
شيخ نزار رأيك شنو في كلام عبدالرضي القالوا ليك بتاع الباكات
نزار حسن محمد
07-01-2007, 06:48 AM
والله ياناسا انتوا ناس مشاكل ودايرين تجيبوا لى الهبايب وعمك عبد الرضى ده زول حاقد على الشباب
ياخى بكات الهينه دى ديل وقفه لى شوكت حوت ...لقايت ماجانا الحرامى يوم الوقفه وسرق جلاليب الصلاه وهم فى النقه للصباح حتى الحرامى لعبه ليه باكات لكن صبر ونال...
البراء
07-01-2007, 07:08 AM
انت يانزار لمن الحرامي جا انت كنت وين خيارات
الجيران
كوستي
حلفا
نزار حسن محمد
07-01-2007, 10:08 AM
لا انا كنت مع الجيران ... وانتوا ياناس القصيص وياناس السلع ..اصبرو لى ..انا عارف عبد الرضى غير المصائب مابجيب لى خير...
ولدي نزار كتاباتك دي واحده من ركن العجائز رجعتك كده كم سنه؟
ود المطامير
07-01-2007, 10:49 AM
أنا هسّى نعسان بكرة ح تشوف ؟
رضا حسن محمد
07-01-2007, 09:21 PM
ابو النيز
عليك الله احكى ليهم لما كنت فى المتوسط وكنت مكيس (فلانة ) وكنت انت راجى صبحى قاعدين قدام بيتهم وجاء ابوها كان داير يدقشك بالعربية وانا كلمت الوالد وقام هرشو لمن امن
احكى يا لذيذ
ولدي نزار كدي بالله احكي لي امن كنت في المتوسط وكان داير تدقشك العربية؟
محمد السر احمد
08-01-2007, 03:13 AM
امسك الخشب يا ابو فايرة
ولدي نزار انت لبته مالك انشاء الله عافية مايكون هرشوك؟
محمد السر احمد
08-01-2007, 11:17 PM
والله دي زوقة عديل يا نزار
نزار حسن محمد
09-01-2007, 04:55 AM
زوقه ساهله ..دى.. تانى كان تشوفنى تشوف حلمة اضنيكم ..انتوا.. ناس مشاكل..
رضا حسن محمد
09-01-2007, 05:22 AM
مرة ابوى جاء من مصر كان عندو كورس وجاب لى معاهو بالطو سمح شديد ، الدورة المدرسية كانت فى مدنى ونزار كان مشارك ، انا جيت البيت لقيت البالطو بتاعى مافى ،سالت امى قالت لى شالو نزار ، بسرعة كسحت المعسكر بتاع الدورة المدرسية لانو نزار حنين وممكن يديهو هدية لاى جكساية ، وفى المعسكر قالوالى الجماعة ديل عندهم رحلة فى البحر ، وكسحت هناك ، وما خلب ظنى ولقيت ليك ابو النزر خالط ليهو واحدة كدة تشبه قزازة الببسى الباردة وشايل البالطو بتاعى الما بغبانى فى يدو واخر خفة دم ، جيتهم طالع زى الجن وقلت ليهو شايل البالطو بتاعى مالك ؟ البالطو دة سعرو 300دولار ، طبعا ابو النيز اتهجم فى عمرو ، البنت حاولت تخفف دمها وقالت لى ادينى البالطو دة هدية ولا غالى على ؟ قلت ليها طبعا غالى عليك دة تمنو 300دولار ، البنت قالت ياى يا نزار اخوك فظيع !
قال ما عرف يقول ليها شنو قال ليها اصلو رضا دة متخلف ونحن مسمنو العربى ، قالت ليهو هو ما بعرف يتعامل مع الجنس اللطيف ولا شنو ؟ انا قلت ليها جنس لطيف بتاع شنو والله انتى احرف جزار ما يطلع منك كيلو ، نزار اغتاظ منى وقال لى يلا امشى البيت وقلت ليهو طيب ادينى البالطو بتاعى ، قال اتفضل ، بعد داك قلت ليها نزار دة لا بحبك ولا حاجة عندو عشرين جكساية وهو بسف صاعوط ، وكسحت فللى
ولدي نزار جدك مابدور ليك المشاكل ,المشاكل بجيبها ليك ولدي العربي ده حاول أدخل معاه في اتفاقية نيفاشا؟
ولدي نزار جدك مابناع مشاكل, المشاكل بجيبها ليك ليك ولدي العربي ده كدي حاول شوف ليك معاهوا اتفاقية نيفاشا؟
البراء
10-01-2007, 11:21 AM
ياابو النزر اسعد الله اوقاتك بكل خير نرجو ان تحدثنا عن الراحل المقيم محمود عواض ومعرفته عن تاريخ بركات
رضا حسن محمد
10-01-2007, 11:36 PM
ابو النيز
العفو والعافية
يلا احكى لنا عن محمود عواض ذلك الضخم الحنين الممتلى بالجزر والبحر والشمس ، طيب القلب حبيب الاطفال والكبار والنادى الاهلى ، جعل الله قبره روضة منرياض الجنة
احكى وانا بشيل معاك يا سمح يا زين
محمد السر احمد
15-01-2007, 09:38 AM
يلا يا ابو فائزة احكي لينا عن ذلك الهرام الكبير و الاب الحنون ذلك الرجل الانسان ونح مستنك علي احر من الجمر
ودمتي
نزار حسن محمد
16-01-2007, 07:09 AM
صبرا يبل الابرى ...مشغول شديد اليومين ديل لكن بجيكم برواقه.. مراه واحده تجنن بلد... مابالكم بى اربعه حريم ...لكم ودى .
نزار حسن محمد
23-01-2007, 12:37 AM
اليوم سوف نتحدث عن انسان عطوف حنون ..عندما تنظر اليـــه ترتعب خوفا ..وذلك لتكوينه الجسمانى فقد كان ببنية الصحابه ضخم قوى العضلات.. ولكنه داخل هذا الجسم يحمل قلب طفل برى تسبق الدمعه ابتسامته انــــه
الفقيد المرحوم / محمود احمد عواض
سليل عائلة ابو المكارم احمد عواض... واحد اعمدة العائله الكبيره ... بداء حياته العمليه بورشة رئاسة مشروع الجزيره ببركات .. وكان معروف لدى الجميع احبوه اهل بركات وكل القرى المجاوره واهل مدنى وخصوصا اسرة نادى الاهلى ..كان رياضيا منــذ الصغروقد لعب فى خانة حراسة المرمى ثم اتجاه بعد ذلك للتحكيم وهنا...
لابد من ذكر تلك الطرفه التى ظلت بأذهان الجميع ففى احدى مباريات النادى الاهلى كان الفقيد حكم خط واثناه سير المباره احرز احد لاعبى الاهلى هدفا فما كان من عاشق الاهلى حكم الخط الا
ان وضع راية التحكيم تحت اباطيه واخذ يصفق ناسيا انه حكم!!!
كان ومازال صالون الفقيد قبلة لجميع الاهل وذلك لما يحتفظ به من صور لجميع افراد العائله الكبيره فلا تجد .. مكان بالحائط الا وهو يحمل صوره حتى امتلا الى اخيره بالصور والباقيه بالبومات ..صور يرجع تاريخها لزمن بعيد..
ايضا كان الفقيد يحب الحدائق فتجد فى منزله انواع نادره من شجرالفواكه مثل العنب والباباى والرمان وجميع الحمضيات
كذلك كان عاشقا لتربية الانواع النادره من الكلاب ..بجميع
انواعها.
لم يكن ميسور الحال ولكنه كان محبوبا جدا من جميع اخوانه واخواته وابناء اخوانه واخواته وكل من تعرف عليه وذلك لطيبة قلبه الكبير... كان ساخرا .. وشجعا لايخاف احد فى قول الحقيقه ..
رحل عنا وهو مبتسم ..
الا رحم الله الحاج محمود احمد عواض وجعل البركه فى ذريته اللهم ارحمه واجعل الجـنه مثواه اللهم امين
اخوتى سوف تجده هذه البوست ايضا على بوست بركات طراوة والزول حلاوه...
رضا بمناسبة طراوه ((بالله دايرك تكتب عن هذا الانسان نورالدين طراوه))
محمد السر احمد
23-01-2007, 02:29 AM
هههههههههههههههههههههههههههههههه
لكن يا نزار العربي دا بالجد بتاع مشاكل اعمل حسلبك منو .
والله يا رضا جد انت مبالغة عليك الله متعننا بكلامك السمح دا وزيدنا حكاوي
رضا حسن محمد
24-01-2007, 05:43 AM
ابو النيز
تعال نفعل الاقتراح بتاع استاذ احمد
انا بقترح انو بدل العمرة نجيبواهو ومرتوحج ويكون نبمساهمة اكبر قدر من طلبتو وانت المسئول يا رجل المهام الصعبة
سامر حسن
24-01-2007, 10:47 PM
أثني بشدة
طيب محمد السر ما تشوف لينا أخبار أستاذ أحمد يمكن يكون محتاج حاجات مهمة مثلا هل ممكن الناس تساهم في ايجاد قطعة سكنية له في القرية ، وبعدين مسألة الحج دي ساااهلة وناس كتيرة ممكن تساهم بس هو عندو الجانب المعنوي .. مرة في الرابطة كرمناهو بقيادة موكب خريجي الرابطة من كبري فلاته لحد دار الرابطة وافتتاح الدار ثم لقاعة سينما المشروع وكانت أصوات الزغاريد على جانبي ترعة بركات مؤثر جدا ومنظر الخريجين يبهج .. وفي القاعة كانو مجهزين نشيد قم للمعلم ومسك ماهر يوسف يد الاستاذ أحمد وصعد به خشبة المسرح وتعالت الزغاريد فبكى الاستاذ أحمد حسن وعدد كبير من الحضور ... أتمنى تكرار ذلك المشهد!!!
ودي
محمد السر احمد
25-01-2007, 01:48 AM
طيب محمد السر ما تشوف لينا أخبار أستاذ أحمد يمكن يكون محتاج حاجات مهمة مثلا هل ممكن الناس تساهم في ايجاد قطعة سكنية له في القرية ،
جدا انت تامر يا سامر ود هينة
رضا حسن محمد
29-01-2007, 08:48 PM
ابو النيز
انشاءالله ابوى وامى يرضوا عنى ذى ما راضين عنك
بالنسبة لاقتراح استاذاحمد انا برى انو نشوف العندو رغبة يساهم يخطرك والمسالة دى ممكن نبداها بعد شهرين لانو الحج باقى ليهو سنة بس نعمل حسابنا على استاذ احمد وزوجته
يلا فلج اللعب
الاخوان الاعزاء أنقطعت فترة عن المنتدي لأسباب فنية, اليوم وانا اقرأ هذا البوست شعرت بأنني بينكم ومعكم وما أحلي التلاقي من بعد التجافي ... وحركة من حركاتك ياكرومة
معتز حمدتو
30-01-2007, 01:16 AM
سيادة النقيب ابوفائزة ركن العجائز قلب عائلي خالص وانا قلت اتم الناقصة واخليه العائلة مع النسابه وبما انك بتحكي عن ناس بركات فياريت تحكي لينا عن الداية الزوزي ( تغمدها الله بواسع رحمته ) .
طبعا مستعجب عرفة المعلومه كيف لكن ده بتعرفُ بعد ماتحكي لينا عنها وعن هداياك ليه بعد ان ترجع من السفر بحكم علاقتك الوطيده بها منذ اول يوم لمولدك .
في انتظارك ياسيادة النقيب وعقبال ما تجيب الصقر .
محمد السر احمد
30-01-2007, 04:49 AM
غسو والله ذكرتني بحاج السر زمان لمن تلفزيون الجزيرة يقطع ارسال يقول دي حركة من حركات كرومه
البراء
30-01-2007, 04:57 AM
الاخوان الافاضل لكم مني كل التحيه والاحترام من منا لا يتذكر التعب الذي كان يتعبه ذلك الاب الرائع والاستاذ الفاضل استاذ الاجيال احمد حسن ايام الامتحانات عندما كان يجمع الطلاب عند الخامسه والنصف صباحا لكي يراجع لهم قبل دخلوهم لجلوس الماده ونحن نثني رائ الاخ سامر في معرفه مايحتاج اليه وبعدها نسعي ويسعي لجميع لتقديم العون ودمتم سالمين
سامر حسن
24-02-2007, 09:12 PM
فالح تقول انت تأمر بس يا سامر ...
شن سويت يا ولدي
في انتظار الخبر وعاوزين فكرة الصندوق الخيري لبركات
جلناره
25-02-2007, 09:46 PM
احب العوده الى زكريات تلك الايام التى لم يسمح لى عمرى بالاستمتاع بها فعشقتها روحيا,,لاانقص من قدور ابناء جيلى ولكنها دعوه لهم للاستفاده من تلك الدرر
نزار حسن محمد
26-02-2007, 12:17 AM
جلناره ...
مرحبا بك ياحبيب ... وتعظيم سلام لسعادتك بيننا هذه اول مشاركاتك بالمنتدى وهذا مايسعدنى بان تكون بين ركن زكريات العجائز على العموم نحن فى انتظار زيارتك باستمرار لك الود ...
عبدالله الخطيب
12-03-2007, 09:57 AM
الاخوة نزار, رضا,محمد السر , سامر , غسان لكم التحية ... رجعت بى الذكريات لسنين لايام بركات الجميلة من اللقد لغرب الترعة ..............لن ننسى ايام مضت قضت خلت مرحا قضيناها هناك.
بالمناسبة نزار ده كان اكتر زول بكاى فى بركات .....لو ليمونة صفرت فى بيت ناس .......... كان ببكى .
لكم منى كل الود والمحبة
رضا حسن محمد
12-03-2007, 09:22 PM
ازيك يا ود الخطيب
والله العظيم الشوق مطر
انت وين يا فردة ياخى رجعتنا لايام بركات الجميلة ايام كنت تقطع مصاريينا بالضحك
سلام كتير والله
العزيز عبدالله "بوسشن"
لك التحية يارائع كعمك قمر
نحنا طبعا صغار ماقدركم لكن سيرتكم العطرة كانت دائما حاضرة في مجالس بركات المعقمة من التلوث
التحية لك ولآل الخطيب
مودتي
عبدالله الخطيب
14-03-2007, 10:51 AM
اولاد حسن الظرفيين واللة انا مشتاق ليكم كتير و مازلت اذكر ملاح البامية بتاعكم الطاعم ومورسكم البدخن . رضا باللة رسل لى عنوان هبار لانو . غسان اىو انت صغير لكن متظكر لمن كنتو بتسرقوا نبق شجرتنا .لكم منى كل التحيات وغالى الاشواق.
انا ساكن لى فى بلد زى بركات شوف الصورة بس مافيها نبق و لقد .http://www.hoopla.pl/images/articles/olsztyn/olsztyn.jpg
محمد السر احمد
19-03-2007, 01:02 PM
عبد الله الخطيب معانا هنا والله ما بصدق مرحب حبابك عشرة طبعا يا اخونا عبد الله دا كان قاطع قلبنا و معذبنا لمن نمشي الترعة ولمن نقبض الطير واما العاجلات دي كان كلامه براه وشجرة النبق ههههههههههه دي براها قصة
نرجو منك الماصلة وعدم الانقطاع وخبر ناس المفازه شنو
عبدالله الخطيب
19-03-2007, 03:21 PM
محمد ود السر .... كم انا سعيد بيكم .......ما شاء الله كبرتو و جضومكم كبار اكون ده من النبق .....كانت ايام جميلة . وينك انت فى خريطة الشتات وعامل شنو . صورتك ماواضحة كان الواحد
اخمن انت وين ! واخبار الاسرة والاهل عساهم بخير . المفازة طبعا من التسعينات فارقوها.
نتلاقى فى الماسنجر abdul_pol@hotmail.com
سمل الحلفاوى
19-03-2007, 07:19 PM
اخوى نزار جيتكم ... ولى عودة
ود حنتوب
21-03-2007, 01:24 AM
ياااااااااااااه
اخيرا لقينا ناس من دفعتنا والله ....
يا جماعة مافى زول قرا معانا فى مدرسة البوليس الابتدائية .....
زمن جميل ايام الاستاذ حجازى والاستاذ عبدالله هلال وقصته الاثيرة امومة وقد حببنا فى الادب منذ ذلك الزمن والناظر عمنا وداد الذى لم اجد مثله فى شرح التربية الاسلامية وبكل صدق معلوماته الادانا ليها لى يوم الليلة ما لقينا اكثر منها لقد كان علامة وموسوعة ...
مدرسة البوليس كان يجاورها قسم موسيقى البوليس فكنا نستمتع بالعزف ونحن داخل الحصص ونتمايل واحيانا ندق بارجلنا على الارجل فالموسيقى حماسية طبعا واحيانا موسيقى اغانى شائعة ..
بجانب مدرسة البوليس كانت عدة اشياء فالبيطرى من ناحية والسجن العمومى من ناحية ومكاتب البوليس ورئاسة البوليس من ناحية .....
ياخى ديك ايام ما بتتعوض ابدا من جمالها وروعتها ...
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir