هواجس الغُربه والإغتراب

[nasa]

ليجلس كل منا رجالاُ ونساء داخل الوطن وخارج الوطن خصوصا في ساعة صفاء وليبدأ يفكر ماهي المحصلة الأخيرة من الغربه والاغتراب في الزمن الصعب من كل النواحي إقتصادية ونفسية وإجتماعية
بطبيعة الانسان السوداني الذي يتعامل بالعاطفه, تفكير المغترب ماذا عمل في السودان؟ هل أوفى التزاماته تجاه أسرته سواء الكبيرة أو الصغيرة؟ ماذا يريد أن يعمل؟ هاجس التفنيش أو التوطين أو السعوده؟ حالته النفسية هو واسرته إن كان له أسرة؟ وإذا كان عذابي متى سوف يتزوج ويستقر؟ ده بالنسبة للموجدين في الخارج.
أما الموجودين في الداخل يفكروا في الاغتراب وتحسين أوضاعهم؟ وكيفية الخروج ؟ هل يحصل فيزا؟
هل يحصل عمل؟ حسابات كتيره وفي النهاية بنقول الرزق بيد الله .

[عماد عبدالشكور]

حقيقة الوضع في الغربة اصبح صعب ولكن الاستقرار والرجوع للوطن بعد سنين طويلة اصعب
وياريتنا ما اغتربنا وما طلعنا من بلدنا . الحمد لله على كل شيئ

[zoolfrda]

حقيقة يا nasa

قد تطرقت إلى موضوع حساس ومشكلة حقيقية تشملنا جميعاً شئنا أم أبينا

فجميعنا إن لم أقل معظمنا فينا المغتربون أو في بيتنا أو في حينا

وحقيقة الاغتراب كما في ظاهره كثير الإيجابيات إلاّ أن هناك سلبيات كبيرة في باطنه

هذه مجرد بداية وسأعود بالمزيد كلما سنحت لي الفرصة

موضوع جميل

أبقى عافية

[nasir]

اخي ناسا كيف الحال والاحوال
قد تطرقت إلى موضوع حساس ومشكلة حقيقية تشملنا جميعاً شئنا أم أبينا
وللعلم لدي بحث للحصول علي درجة الماجستير من جامعة الجزيرة بعنوان
المشاكل الاقتصادية والاجتماعية المترتبة للهجرة السودانية ( السعودية)
تحت اشراف بروف احمد حمد النوري ودكتور عبدالحليم الفاروق
وقد استاذنك في هذا البوست واحاول ادرج لك بعض المشاكل وان استذيد منه
وسوف ادرج الاستبيان واتمني ان يدلو كل واحد منا بدلوه
وختاما سوف انشر البحث بعد اكتماله واجازتة .
وحقيقة هي هواجس وتفاعلات وامنيات وتمنيات
اعاننا الله واياكم ورد غربتنا جميعا
لك ودي وتقديري

[رضا حسن محمد]

العزيز ناسا
اهلنا قالوا فى الغنا
الاغتراب يا اخونا ما طول الغياب
الاغتراب حال البخونك وازدريك

وايضا قالوا
كان اخونا البرة جانا ولا صلح الحال معانا
شن الغربة الماخرانا
وعموما طبيعة السودانيين لا تتفق مع الاغتراب
واعتقد ان الاغتراب عموما سى
وانا فى اقرب فرصة برجع بلدنا
الموضزع شيق يا ناسا وبرجع تانى

[البراء]

اخي الفاضل مع المعذره لما سوف اقوله الا ان الغربه اصبحت كالشي الذي يعذبنا ونحن نتلذذ من عذابه لان كل منا يدرك ان الاغتراب اصبح دون فائده في وقتنا الحالى ومع ذلك فنحن عندما نعلم ان احدهم اذا اوقفوة من العمل نحس بانه لاحولة ولاقوه له ولكن نقول انشاء الله ربنا يسهل

[امير عبدالباقي]

الاخ ناسا
حقيقه الاقتراب ضياع لشباب الانسان وفقد للمه الاهل والاصدقاء وتيهان للابتسامه وفقد للامل

[nasa]

حقيقة الوضع في الغربة اصبح صعب ولكن الاستقرار والرجوع للوطن بعد سنين طويلة اصعب
وياريتنا ما اغتربنا وما طلعنا من بلدنا . الحمد لله على كل شيئ

أخي emad mohamm طيب ابقى الحل في الحاله دي شنو نأخذ قرارنابأنفسنا ولا يأخذوا لينا القرار بالتفنيش لابد أن نتعامل مع الموضع بروية وتأني

[nasa]

حقيقة يا nasa

قد تطرقت إلى موضوع حساس ومشكلة حقيقية تشملنا جميعاً شئنا أم أبينا

فجميعنا إن لم أقل معظمنا فينا المغتربون أو في بيتنا أو في حينا

وحقيقة الاغتراب كما في ظاهره كثير الإيجابيات إلاّ أن هناك سلبيات كبيرة في باطنه

هذه مجرد بداية وسأعود بالمزيد كلما سنحت لي الفرصة

موضوع جميل

أبقى عافية

عزيزي zoolfrda الغربه بقت سلبيات أكتر من ايجابياتها ايجابياتها ده كان زمان لكن برضو برجع بقول البديل شنو؟

[nasa]

اخي ناسا كيف الحال والاحوال
قد تطرقت إلى موضوع حساس ومشكلة حقيقية تشملنا جميعاً شئنا أم أبينا
وللعلم لدي بحث للحصول علي درجة الماجستير من جامعة الجزيرة بعنوان
المشاكل الاقتصادية والاجتماعية المترتبة للهجرة السودانية ( السعودية)
تحت اشراف بروف احمد حمد النوري ودكتور عبدالحليم الفاروق
وقد استاذنك في هذا البوست واحاول ادرج لك بعض المشاكل وان استذيد منه
وسوف ادرج الاستبيان واتمني ان يدلو كل واحد منا بدلوه
وختاما سوف انشر البحث بعد اكتماله واجازتة .
وحقيقة هي هواجس وتفاعلات وامنيات وتمنيات
اعاننا الله واياكم ورد غربتنا جميعا
لك ودي وتقديري

أستاذي nasir انشاء الله ربنا يوفقك لنيل درجة الماجستير وتحيه لأساتذتي الأجلاء بجامعة الجزيرة
وأتمنى منك تقديم عمل علمي مؤسس بجد موضوع بهم كل أهل السودان في الداخل والخارج من منا ليس له مغنرب سواء من البيت أو الأهل أو الفريق أو الحله . أرجوا طرح الاستبيان مع الموضوع لكي تعم الفائدة بصورة علمية وربنا يوفقنا جميعا لما فيه مصلحة الجميع .

[nasa]

العزيز ناسا
اهلنا قالوا فى الغنا
الاغتراب يا اخونا ما طول الغياب
الاغتراب حال البخونك وازدريك

وايضا قالوا
كان اخونا البرة جانا ولا صلح الحال معانا
شن الغربة الماخرانا
وعموما طبيعة السودانيين لا تتفق مع الاغتراب
واعتقد ان الاغتراب عموما سى
وانا فى اقرب فرصة برجع بلدنا
الموضزع شيق يا ناسا وبرجع تانى

أخي رضا حسن
الاغتراب ماكان بايدينا المكتوب على الجبين لابد تشوفه العين وكان في السابق لتحسين وضع لفترة محددة الآن أصبح الى ما لانهاية بلا هدف بل من أجل نأكل ونشرب فقط وشكرا على مداخلتك الجميله

[nasa]

اخي الفاضل مع المعذره لما سوف اقوله الا ان الغربه اصبحت كالشي الذي يعذبنا ونحن نتلذذ من عذابه لان كل منا يدرك ان الاغتراب اصبح دون فائده في وقتنا الحالى ومع ذلك فنحن عندما نعلم ان احدهم اذا اوقفوة من العمل نحس بانه لاحولة ولاقوه له ولكن نقول انشاء الله ربنا يسهل

شكرا شكرا ملهمي البراء
هل نحن نتلذذ بعذابنا عذاب لعذاب نتعذب في بلدنا ولا هنا العذاب أخف وطأةُ ده كل لوكان في بلدنا تتوفر أساسيات الحياة لما وصل بنا الحال الى هذه الدرجة .

[nasa]

الاخ ناسا
حقيقه الاقتراب ضياع لشباب الانسان وفقد للمه الاهل والاصدقاء وتيهان للابتسامه وفقد للامل

أخي أمير عبدالباقي
اتفق معك في هذا الكلام إذنا ما الثمره التي نجنيها من فقدان لمة الأهل وطعم الأبتسامة , هل النتيجة مادية مافائدة المادة بعد فقدان الاحساس بانتماء للوطن والأهل وهذا إذا توفرت المادة ومشكور أخي أمير .

[رضا حسن محمد]

ناسا الغالى
زمان عندما يسافر احدهم من مدنىللخرطوم يقدمو اهله الى محطة البصات وهم يبكون ويبكى معهم سيد التاكسى ، بدا السودانيون بالاغتراب اواخر السبعينات ، ثم انبهلوا الىكل انحاء المعمورة امريكا ،خليج ،اوربا وبلاد تركب الافيال ، توالدت اجيال جديدة فى الغربة وتزاوجوا وهم لا يعرفون شيئا عنالوطن الغالى
ترى ماذا نقول لحيطان بيتنا اذا لا قدر الله رجعنا ووجدنا ان الغاليين رحلو
حريقة تحرق الدولارات والريالات يا شيخ
(خلتنى ابكى العمر روح فات ندمان عليك يا عمرى ندمان على الكلمات )

[nasa]

ناسا الغالى
زمان عندما يسافر احدهم من مدنىللخرطوم يقدمو اهله الى محطة البصات وهم يبكون ويبكى معهم سيد التاكسى ، بدا السودانيون بالاغتراب اواخر السبعينات ، ثم انبهلوا الىكل انحاء المعمورة امريكا ،خليج ،اوربا وبلاد تركب الافيال ، توالدت اجيال جديدة فى الغربة وتزاوجوا وهم لا يعرفون شيئا عنالوطن الغالى
ترى ماذا نقول لحيطان بيتنا اذا لا قدر الله رجعنا ووجدنا ان الغاليين رحلو
حريقة تحرق الدولارات والريالات يا شيخ
(خلتنى ابكى العمر روح فات ندمان عليك يا عمرى ندمان على الكلمات )

أستاذنا ومعلمنا عبدالرضي
ياحليل أيام الحنية والناس كان بتبكي اتغير الزمن . الغربة بتقسي القلوب وكلامك (ترى ماذا نقول لحيطان بيتنا اذا لا قدر الله رجعنا ووجدنا ان الغاليين رحلو )ده ثمن الغربه وسخفها دي واحدة من الاشياء التي لانتاولها حتى مع أنفسنا(خايفة كانت سافرت ترجع تلقى فاضي البيت براي حينا مابتفع فلوسك ومابتجيبلك أم سواي ماني عارف سبب رحيلك ياوليدي شنو الحكاية إلا تبقى براك شايف في فراق الوالده غاية)

[رضا حسن محمد]

العزيز ناسا
كتب اسحق الحلنقى :
غايب السنين الليلة مالو غنو العصافير جننو
طراهو زولا كان ولوف كمرضا خاطرو وطيبو
سمع قليبو كلام حنين هدهد مشاعرو ودوبو
الناس سعيدم فى الحياة لا ضاق فراق لا جربو
وانا حالى فى بعد الوطن دفعنى ضى الين تمن

تعرف يا ناسا الاغنية دى كتبها الحلنقى عندما سافر اول مرة من كسلا الى الخرطوم ، يعنى غربتو كانت فى الخرطوم
اما شاعرنا الكبير اسماعيل حسن فعندما جاء من الشماليةالى الخرطوم شاهد طير الرهو فى الخرطوم وكان يظن انه لن يراهو الا فى الشمالية وكانت غربته فى الخرطوم عاملة معاهو عمايل ، فكتب
والله يا طير الرهو ما كت مصدق انى بلقاك يا رهو
اشكو ليك من جور زمانى كيف رمانى
شوف براك شوف الزمن كيفن بسو
الزاد كمل واليل طويل
طولا غريب مافيهوضو

[طارق حنينة]

مساك خير اخي العزيز
الغربه حقيقي عباره عن هموم تتراكم
حتي تصير عباره عن امراض
نسال الله السلامه؟

[nasa]

اخي رضا
رائعة ابراهيم عوض بهديها باسم السودان لكل مغترب؟


لو داير تسيبنا جرب وانت سيبنا
لو داير تحب حب وانساه ريدنا
يوم ترجع تصافي نسامحك يا حبيبنا

****
يا عايش في دينا من أوهام خيالك
يا تاعب ضميرك وما رضيان لحالك
ما تودر شبابك وروق وهدي بالك
رفقا بي قلوبنا ورفقا بي شبابك

****
لو حنيت لي قربي أو جافيتنا زاتك
لو فارقت دربي هواك في دماي جاري
يكبر ويبقى قصه أرويها بحناني
نعيش ونموت عليها ويقولو غرام مثالي

****
انت غرامي عارف غرام محراب وراهب
غرامي اختيرت مذهب من أسمى المذاهب
ينور لي طريقى ويفتح لي مواهب
أشوف املي في جزيره وحبك يبقى قارب

[nasa]

مساك خير اخي العزيز
الغربه حقيقي عباره عن هموم تتراكم
حتي تصير عباره عن امراض
نسال الله السلامه؟

أخي طارق طيب نحن الجابر علي المرض ده شنو الواحد فينا لورجع بلده سالم بعتبر اتكتب ليه عمر جديد ؟

[رضا حسن محمد]

ناسا الفردة
95% او اكثر من الذين رجعواالى السودان نهائيا وجدوا وضعا افضل مما كانوا عليه ،اولادهم نفسيا واجتماعيا اندمجو فى المجتمع السودانى الجميل ، دة بالاضافة الى الحياة الاجتماعية التى ترد الروح فى بلدنا العالى الغالى ، يعنى لمن تكون فى مناسبة بكا فى السودان بتكون فى تظاهرة اجتماعية ، يا راجل جلسة فى بيت بكا فى السودان احسن من حفلة عرس فى السعودية ، اخبرنى احدهم ان رجلا جاء الى السعودية وعمره 18 ورجع نهائى وعمره 65 وكل العملو اتشترى ليهو بيت فى السودان ، شوف بالله كيف الغربة اكلت عمرو مفابل بيت ,الله انه ضحى بالكثير مقابل اليسير وبعضهم يقضى نفس المدة ولا يعمل بيت ولا يحزنون ، واحد فلا تى فى جدة بشترىمنه الاقشى ، قال لى ان السودانى يقضى عمره كلو فى الاغتراب عشان يشترى بيت ولمن يرجع يموت فيهو ويقولوافى الاذاعة توفى فلان فى منزله الكائن فى الحتة الفلانية اهم حاجةحكاية الكائن دى

[محمد السر احمد]

اولا اوشكرا الاخت ناسا علي الموضوع الشيق لكن بالجد السودان بقي لا يحتمل من التغيرات الكثيرة والسياسات الخاطئة وبالجد الواحد لو بايدو يمرق و تاني ما يرجع وبعدين انتو قاعدين برة لامين الريالات و والدولارات وتقول الغربه حارة بالله تعالو اقعدو وشوفو براكم مش اواحد يجي يقعد شهر اجازة ويقول الوضع كويس و اخيرا بقول حمدو في بطنو
ودمتم

[nasa]

ناسا الفردة
95% او اكثر من الذين رجعواالى السودان نهائيا وجدوا وضعا افضل مما كانوا عليه ،اولادهم نفسيا واجتماعيا اندمجو فى المجتمع السودانى الجميل ، دة بالاضافة الى الحياة الاجتماعية التى ترد الروح فى بلدنا العالى الغالى ، يعنى لمن تكون فى مناسبة بكا فى السودان بتكون فى تظاهرة اجتماعية ، يا راجل جلسة فى بيت بكا فى السودان احسن من حفلة عرس فى السعودية ، اخبرنى احدهم ان رجلا جاء الى السعودية وعمره 18 ورجع نهائى وعمره 65 وكل العملو اتشترى ليهو بيت فى السودان ، شوف بالله كيف الغربة اكلت عمرو مفابل بيت ,الله انه ضحى بالكثير مقابل اليسير وبعضهم يقضى نفس المدة ولا يعمل بيت ولا يحزنون ، واحد فلا تى فى جدة بشترىمنه الاقشى ، قال لى ان السودانى يقضى عمره كلو فى الاغتراب عشان يشترى بيت ولمن يرجع يموت فيهو ويقولوافى الاذاعة توفى فلان فى منزله الكائن فى الحتة الفلانية اهم حاجةحكاية الكائن دى

البيت ذاتو بقى صعب ياعبدالرضي وحتى لو الواحد عمل البيت نبقى لي الكائن ده غايتو ربنا ارد غربتنا بالسلامة .

[nasa]

اولا اوشكرا الاخت ناسا علي الموضوع الشيق لكن بالجد السودان بقي لا يحتمل من التغيرات الكثيرة والسياسات الخاطئة وبالجد الواحد لو بايدو يمرق و تاني ما يرجع وبعدين انتو قاعدين برة لامين الريالات و والدولارات وتقول الغربه حارة بالله تعالو اقعدو وشوفو براكم مش اواحد يجي يقعد شهر اجازة ويقول الوضع كويس و اخيرا بقول حمدو في بطنو
ودمتم

ود السر أولا منو قال ليك ناسا بنت ناسا ابوشنب وانت داير تغترب ليه ماعندك اسامه اسألوا عن الغربه والاغتراب داير تعرس مش كده من بورتسودان شيطان انت ياكتاحه

[ابورجاء]

الغالي ناسا
اولا تسلم ويديك الف عافية
فعلا الغربة موضوع به من السلبيات اكثر من
الاجابيات لكن سؤال يفرض نفسه ما هي اسباب
الغربة منها المادي ومنها الاضطهاد السياسي
ومنها حب الغربة والسفر والترحال وطلب العلم
وكثير من الاسباب لا مجال لذكرها كلها.
ولفه صغيره كده :ـ
يا ود السر فعلا قاعدين بره وخامين الريالات والدولارات
وبنقول الغربة حارة عشان خاطر عيون الحلوين المنتظرننا
بي هناك غصبا عننا نتحملها ونتوجع بي صمت ونقول للعندو
فكرة الغربة دي ضريبة ان كانت لابد منها ضحي وتعال لكن لو
عشان تكون نفسك وروحك بس بلدك اولى بيك وهناك بتتكون
بس اصبر وتاني اصبر وتاني اصبر لحدي ما يمل منك الصبر
او تمل انت منو لكن تاكد انك وانت بين اهلك وناسك ملك زمانك
ونحن عبيد الريال والدولار دايرن رضاكم ودعواتكم بانو ربنا يفك
اثرنا ويرجعنا للبلد سالمين ما شرط غانمين ونعيش الايام الباقيه
بينكم وبين ربوع الوطن القارة الحب والمنشأ ..
ودوما في رعاية الله وحفظه..
مع كل الود باقة ورد...

[محمد السر احمد]

يا اخوي انت العملتو دا من وين ما كلو من الاغتراب ولي اسه بقي كعب و بعدين انت من زمن بورتسودان

[nasa]

الغالي ناسا
اولا تسلم ويديك الف عافية
فعلا الغربة موضوع به من السلبيات اكثر من
الاجابيات لكن سؤال يفرض نفسه ما هي اسباب
الغربة منها المادي ومنها الاضطهاد السياسي
ومنها حب الغربة والسفر والترحال وطلب العلم
وكثير من الاسباب لا مجال لذكرها كلها.
ولفه صغيره كده :ـ
يا ود السر فعلا قاعدين بره وخامين الريالات والدولارات
وبنقول الغربة حارة عشان خاطر عيون الحلوين المنتظرننا
بي هناك غصبا عننا نتحملها ونتوجع بي صمت ونقول للعندو
فكرة الغربة دي ضريبة ان كانت لابد منها ضحي وتعال لكن لو
عشان تكون نفسك وروحك بس بلدك اولى بيك وهناك بتتكون
بس اصبر وتاني اصبر وتاني اصبر لحدي ما يمل منك الصبر
او تمل انت منو لكن تاكد انك وانت بين اهلك وناسك ملك زمانك
ونحن عبيد الريال والدولار دايرن رضاكم ودعواتكم بانو ربنا يفك
اثرنا ويرجعنا للبلد سالمين ما شرط غانمين ونعيش الايام الباقيه
بينكم وبين ربوع الوطن القارة الحب والمنشأ ..
ودوما في رعاية الله وحفظه..
مع كل الود باقة ورد...


التحية لك ابورجاء حقيقة هنالك اسباب ودوافع ادت الى الغربه والاغتراب لكن الضريبه البدفعها الواحد منا احيانا تكون اكبر من الخروج من وطنه واهله والى متى الغربه؟ والى متى الهروب؟يفترض تكون الغربه لفترة معينة لكن الآن أصبحت الى مالانهاية ماالحل؟

[nasa]

ولد عمي الغالي شنو العملنا ماعملت ولاحاجة نقول الحمد لله زمان الاغتراب كان منو فائده لكن الآن أصبح تأكل وتشرب حاليا انت وقعت في مدمدني ولا وين؟

[محمد السر احمد]

ود عمي الغالي انا لسه في الجو ما وقعت لكن انت عرست من الاغتراب وعندك بت واحمد ربك علي الانت فيهو لانو لو جيت السودان بتسف التراب من الحاصل واسال اخونك بورك الحاصل و ما تكلم ساي انت تعال اقعد هنا وشوف يا غالي

[محمد السر احمد]

عزيزي ابو رجاء انتو بتقولو كلام ساي عليك تعال واقعد مدة طويلة يعني ما شهر وبعدين حاول تفتش ليك شغل براك بتشوف الحاصل ولو ما عنك ضهر او تكون من الجامعة الطيبين واسلو القاعدين في السودان
وتسلم يا غالي

[ياسر كوستى]

الحقيقة انو الفى السودان ما عاجبو ولا المغترب برضو عاجبو طيب الحل وين يا شباب
خلوها على الللة واسكتو بس فى الختام سلام

[nasa]

ود عمي الغالي انا لسه في الجو ما وقعت لكن انت عرست من الاغتراب وعندك بت واحمد ربك علي الانت فيهو لانو لو جيت السودان بتسف التراب من الحاصل واسال اخونك بورك الحاصل و ما تكلم ساي انت تعال اقعد هنا وشوف يا غالي

انت واقع طبيعي ياكتاحة القاعدين في السودان ماعروسوا ياحبيب الواحد ما بغترب للعرس في مسؤوليات اكبر من العرس عارف انو الوضع في السودان صعب لكن هنالك اشياء جميلة بقروش الدنيا كلها ممكن تضحك من قلبك, مقابل الدراهم البنلقاها بتنحرم من اشباء جميلة نقول الحمد لله والشكر لله.

[nasa]

الحقيقة انو الفى السودان ما عاجبو ولا المغترب برضو عاجبو طيب الحل وين يا شباب
خلوها على الللة واسكتو بس فى الختام سلام

ودكوستي احمد الله كثيرا واكون من عباده الشاكرين الدنيا مافيها راحه الموجودين في السودان بفتكروا المغتربين مرتاحين في اشياء موجودة في السودان مامكن تلقاها في بلاد الغربه برغم نضال اهل السودان ومن معاناتهم في الحباة وكذلك في الغربه ممكن تكون الحباة سهلة لكن هنالك اشياء يفتقدها المغترب وصبر جمبل والله المستعان .

[محمد السر احمد]

ود عمي انت العملتو في سنة الفي السودان عشان يعملو ذيو محتاجين لسنين عشان يعملو جزءو منو لكن الحمد لله علي النفس الطالع ونازل وبعدين انا ما بقع بساهل
وشكرا

[ابورجاء]

عزيزي ابو رجاء انتو بتقولو كلام ساي عليك تعال واقعد مدة طويلة يعني ما شهر وبعدين حاول تفتش ليك شغل براك بتشوف الحاصل ولو ما عنك ضهر او تكون من الجامعة الطيبين واسلو القاعدين في السودان
وتسلم يا غالي
حبيبنا هدي السرعة واقبض فرامل اليد
انا فعلا بجي وبقعد مده طويله وبشتغل
فيها والحمد لله مع انو ضهري محني
وما من الجماعة الطيبين والله يعلم.
وانا معاك في شح في الوظائف الحكومية
لكن برضو بلوم الشباب ليه ننتظر الحكومة
وليه ما نبدأ مشاريعنا الخاصة حتقول لي كيف
اقول ليك مليار وسيلة وصدقني ما محتاج واسطة
محتاج تفكير وتوكل على الله وكلامي ما كلام افلام
زمان لكن حقيقة وواقع عايشو بنفسي وما عيب الواحد
يبدأ صغير لابد يوم يكبر وده المطلوب اسعى يا عبد والرب
في التدبير وقول يا لطيف ....
ودوما في رعاية الله وحفظه...
مع كل الود باقة ورد....

[ابورجاء]

الغالي ناسا
تسلم علي التعقيب الجميل ودوما رائع
في طرحك للمواضيع والمناقشات الثرة.
وكما قلت الدوافع كثيرة لا سبيل لحصرها.
وفعلا الضريبة ثمنها غالي شئ من الصحة والعمر
والعقل .ومعرف عننا السودانيين ما مثل الاجناس
التانية الواحد لو اغترب الكل ينتظر منه المساعدة
عشان كده غربتنا بطول وما بيكون ليها نهاية وده
شئ نفتخر بيهو بين كل العالم...
الحل يا اخوي الصــــــــــــــــــــــــــــــبــــــــــــــــ ـــــــر..
ودوما في رعاية الله وحفظه...
مع كل الود باقة ورد...

[nasa]

ود عمي انت العملتو في سنة الفي السودان عشان يعملو ذيو محتاجين لسنين عشان يعملو جزءو منو لكن الحمد لله علي النفس الطالع ونازل وبعدين انا ما بقع بساهل
وشكرا

حبيبنا واخي ودالسر اقول الحمد لله لي في الغربه حوالي السبع سنوات والحمد لله لاامتلك متر من الارض لو الله ادى العافية بعمل الكتير في حين لي زملاء من دفعتي موجودين في السودان عملوا بيوت وعربات وربنا يزيدهم كمان وكمان لانو ياودعمي كل الاشياء المادية مكتوبة ومسطرة منذ الأزل وكل واحد فينا بحمد ربنا بالقسموا ليه ربنا وانشاء الله ربنا يفتحها عليك ويسهل كل امورك وانت بين اهلك وفي بلدك صدقني يامحمد كل مغترب بتعرفوه اكد ليك ده ما الشخص الكنت بتعرفوه اول لازم تكون الغربه غيرت فيه اشياء كثيرة؟ صدقني يامحمد الغربه بتاخذ مقابل الماده أشياء جميلة من حياة الانسان ودي يمكن يشعر بيها كل مغترب.

[nasa]

الغالي ناسا
تسلم علي التعقيب الجميل ودما رائع
في طرحك للمواضيع والمناقشات الثرة.
وكما قلت الدوافع كثيرة لا سبيل لحصرها.
وفعلا الضريبة ثمنها غالي شئ من الصحة والعمر
والعقل .ومعرف عننا السودانيين ما مثل الاجناس
التانية الواحد لو اغترب الكل ينتظر منه المساعدة
عشان كده غربتنا بطول وما بيكون ليها نهاية وده
شئ نفتخر بيهو بين كل العالم...
الحل يا اخوي الصــــــــــــــــــــــــــــــبــــــــــــــــ ـــــــر..
ودوما في رعاية الله وحفظه...
مع كل الود باقة ورد...

الرائع أبورجاء الله يديك العافية كلامك القولتوه ده واقعنا وممكن نصبر لكن البلاد التي نعمل فيها ممكن تصبر علينا؟ العمر والسنين تمر من عمر الانسان؟ ابورجاء بهذه الصورة لابنكون استفدنا من غربتنا ولااستفادوا الموجودين في السودان من غربتنا لانو مابكون في شيئ محسوس اتعمل في السودان استفاد منه الجميع لابد ان نحكم عقولنا لكن تكمن المشكلة ما في حد بقدر افهم الكلام ده من اهلنا الموجودين في السودان بفتكروا دي كعوبية مننا يمكن افهمها المغترب لانو عايش نفس الواقع؟؟؟ طرحي كيف نتوصل لحل هذا الوضع.

[Moeiz Elagib]

أخي Nasa ما حا أقول أكثر من أنك هبشت الوتر الحساس الجواي اتخيل انت في غربة نفسية وثقافية وأجتماعية وكل شي مختلف نعم أنا في العالم الأول لكن هذا العالم فاقد كتير انا مشتهي كتاحة مشتهي قعدة في الخور بتع الفريق بعد الدافوري الما مشتهيهو شنو.
المحصلة النهائية صفر لانو المفقود اكتر من أي دخل مادي ممكن تجنيه.

[حافظ الليبى]

والله ما قلت الا الصاح

[حافظ الليبى]

اسمع يا ود السر انا بديك نصيحه اطلع طوالى شوف ليك اى تاشيره الى بلد اخر وبتشوف الفرق
ماتسمع كلأم اى ذول الغربه ماحاره ولأ اى شى انا من 98 فى السعوديه ورجعت قعت فى السودان وتانى رجعت السعوديه وتانى ما راجع (شوف ليك مخارجه ياحبه)

[محمد السر احمد]

تسلم اخي حافظ و ربنا يديك العافية ويا ناسا وابو رجاء ربنا يسهل ليكم اموركم عشان ترجعوا السودان وتعيشوا ذي ما دايرين وشكرا ليكم

[nasa]

[/COLOR]=Moeiz Elagib;138866]أخي Nasa ما حا أقول أكثر من أنك هبشت الوتر الحساس الجواي اتخيل انت في غربة نفسية وثقافية وأجتماعية وكل شي مختلف نعم أنا في العالم الأول لكن هذا العالم فاقد كتير انا مشتهي كتاحة مشتهي قعدة في الخور بتع الفريق بعد الدافوري الما مشتهيهو شنو.
المحصلة النهائية صفر لانو المفقود اكتر من أي دخل مادي ممكن تجنيه.

]عزيزي معز العاقب تحديديا النقطة التي تناولتها قدرت بالجد احس بيك ربنا اديك الفي مراضك ودمت[/SIZE]

[nasa]

تسلم اخي حافظ و ربنا يديك العافية ويا ناسا وابو رجاء ربنا يسهل ليكم اموركم عشان ترجعوا السودان وتعيشوا ذي ما دايرين وشكرا ليكم

ودالسر نحن مامختلفين لكن بس داير اوضح ليك نقطة في اشياء مامكن تلقاها في الغربه بغض النظر عن الوضع الاقتصادي في السودان ممكن في السودان تكون مفلس وزهجان وماعارف تقبل وين يجي مجنون يخليك تضحك لمن تدور تقع من كترة الضحك دي في الغربة تلقاها في الشاشة والسينما الغشاشة.

[nasa]

اسمع يا ود السر انا بديك نصيحه اطلع طوالى شوف ليك اى تاشيره الى بلد اخر وبتشوف الفرق ماتسمع كلأم اى ذول الغربه ماحاره ولأ اى شى انا من 98 فى السعوديه ورجعت قعت فى السودان وتانى رجعت السعوديه وتانى ما راجع (شوف ليك مخارجه ياحبه)

اخي حافظ ماتطرقت الى انو الغربه حارة نحن الآن في قرية صغيرة مع وجود الانترنت والاتصالات بس بتبقى في حاجات ماليها طعم ابسط حاجة لمن يجي العيد كدي ياحافظ اعمل مقارنة بين العيد في جزيرة الفيل وسط اهلك والعيد في السعودية بالله شوف؟

[ابورجاء]

الغالي ود السر يا حبيبنا
تسلم يا عزيزنا وربنا يناولك الفي مرادك.
وبهديك الكلمات دي ان شاء الله تعجبك...

كلمات الشاعر/ عثمان عوض عثمان
حبى أنا ليها كان أملى وأمانى حياتى فى الدارين
الا ظنونا والعزال محو الحلــم الرعيتو سنين
شلت هواها فى الأعماق وفى قلبى العليها أمين
وفى أحلام ليالى ا لغربة وفى أنات غريب وحزين
وفى فجر الصباح الباكى فى آهات يتيـم مسكين
وفى أنفاس عميرى الباقى فى قيـــم الضمير والدين
واسترجع معاها الذكرى وأشكيلا الفــــــراق والبين
وأحدثا عن مآسى الغربة وأشواق الفـــــؤاد والعين
واصناف العذاب الشايفو والنار البقـــــــــــت نارين
وما كان حبى ليها خداع ولى غيرا الحنــــان واللين
وأبداً ما عشقت خلافا وما قلبى البشـــــــــــيل إتنين
ولا سويت مشاعرى شواطى للتايه مـــــــن الوزين
ولا شيدت للريد قِبْلة بيها ألمــــلم الضالين
وحات البينا كان عامر وحات الجوة لســـــة دفين
ما حبيت معاها إنسان ولا جــــربت نوم شقين
ومديت صبرى فى الأيام بدل واحد بقـــــن صبرين
دة كلو عشان أتم مشوارى وارجع للعـــديل والزين
وزى ما كان تعد أياما تسأل عــن رجوعى متين
وتحلم بالعديل والحنة والعش البفــــوح ياسمين
وتبسم لى خيال أحلاما بى قلباً ملايكى حــــنين
وترقص بالفرح تتنى تتمـــــايل شمال ويمين
عليها أنا كان يطير قلبى زى عصفــــور بلا جنحين
وينزل فى ديارا يغنى يتمنى ويقــــــــول آمين
ويمسح من عيونا الدمعة من جوفــــــــا وقليبا أنين
وحتى الروح تسافر ليها والإحساس رفـــيق ومعين
شن فضَّل معاى فى الغربة غير جسدى وسهــد عينين
يساهرو مع الحبيبة النايمة والعهـــــد الوثاقو متين
ويحلموا بالطبول والزفة والعقـــــد اليباركو الدين
ويعملو لى تلاقى أرواحنا والفــــــرح البزيل حزنين
ولما وصلت قبل سلامى كان النَّاس بتســـأل وين
واتلمَّ الشتات فى دارنا من كـل القبايل هين
وابتدت الخلوق تتبارى زى العــــادة فى التخمين
أريتم عرفو حالى البى واريتـــم كانو بس عارفين
إنو هواها روح لى روحى وإنو قلوبنـــــا متعاهدين
وإنى أنا ما بسيب إنسانة شالت ريدى ستة سنين
وما بنسى البسيمة الحلوة والسمــح الكلامو رصين
والذكرى الصداها بحسو فى أعماقى ليهــــو رنين
الا العـــــادة مابتتخلى للناس الدوام فارغين
لفوا الحلى بى أركانا جاطـــــوها وملوها طنين
قالو تِحِتْ تِحِتْ أخترت حلوة من أجمـــــــل الحلوين
ليه صدقتى يا مسكينة ناساً كان متــــــين صادقين
واستعجلتى ما اتأكدتى مرّقْتى الكـــلام الشين
وقلتى العود خلاص إنشقَّ والطــق سمعتو الأضنين
وإنى أنا ما بساوى ترابك السارت علـــــى الكرعين
وإنى من رموز الكانو دايماً للعهـــــود خاينين
وخميتى الرماد وبكيتى سيلتى الدمــــوع نهرين
بدل ما تمد أياديك زهرة شربـــــــت من نزيف قلبين
وكبرت فى رعاية الريدة طالت وطلَّعــــــــت فرعين
بدل ما تقولى لىَّ ســـــلامة لو ما قلتى مشتاقين
أرهفتى السمع صدقتى للناس البجــــوك واشين
وصاحبتى البجوك يتســــــلو ما فكرتى ليه جايين
ورسلتى العزول برسالة حادة وأحـــــــــدَّ من سكين
وقلتى خلا ص نهيتى البينا قلتــى وقلتى لىْ آسفين
سفاينك ما بتلم فى ساحلى والشاطــى الهجرتو سنين
وفى لحظة غضب إخترتى فى لحــظة عذاب وأنين
والدرب الصبرت عشانو فى آخــرو اتفرق دربين
ما إنتى البراك أبحرتى عز الهيجـــة بين موجتين
وحاتك لى قلب مجروح ومحروم من مُنى العاشقين
جمال الدنيا يا مغرورة إلفـــة وريدة بين إتنين
تعالى نعيد سنينا الضايعة نرجــع للعديل والزين
وأحسن ننسى كل الفات قبل ما يفوت عمــرنا حزين
ومهما يقسى قلبك إنتى ويفضــــل فى عنادو سجين
بكرة مصيرو لىَّ يعود ويرجــع تانى لىَّ يلين
لأنو الريدة جمرة نار يعيش فى الجوف رمادا سنين..

[محمد السر احمد]

يسلم اخي ابو رجاء علي الكلمات الحلوه دي
تسلم

[nasa]

لك الشكر أبو رجاء على الأبيات الراقية وتحمل كثير من المعاني والعبر تسلم أخونا أبورجاء

[nasa]

ودعمي السر كيف اخباركم

[رضا حسن محمد]

ود السر
كيفك
اولا البعرس ما داير ليهواغتراب
بعدين فى الظروف الراهنة دى كان اغتربت حق العرس ما حتقدر تلمو
سلام يا جميل

[رضا حسن محمد]

حافظ الليبى
ازيك
يعنى انت هسع مبسوط فى السعودية ؟
سلام

[محمد السر احمد]

انت يا رضا ما جيت قبل كدا وجبت عفشك وقلت تاني ما راجع بعد شويه رسلت سوقتا مرتك و من ديك وعيك انت تعال اقعد في البلد

[رضا حسن محمد]

ود السر
انا عارفك جليط وحتقول لى كدة , لكن ادينى كم شهر كدة وراجع نهائى ، بعدين انت ما لقيت تكيس الا فى بورتسودان ، البسير معاك منو
سلام

[محمد السر احمد]

انت ما عرست من كوستي وسفرت الناس باللوري كان في زول سالك ولي ليكم حلال ولينا حرام واسمع كان زمان يعني ايام الجهل لكن اسه ما فايت مدني تب

[رضا حسن محمد]

ود السر
امانة فى زمتك انا سفرت الناس باللورى ؟ يا هجام
تتذكر لمن قالو ليك كب بنزين فى عربية صاحب احمد الجاى من جدة مشيت كبيت فى عربيةجاركم العمرها ما اتملت فل ، دة كان فى زواج الرشيد يا كرور
سلام يا حبة
اختانى انا دفان الشمار الشال السرج وكفت الحمار

[محمد السر احمد]

هههههههههههههههههههههههه ودي كانت دقسة لكن قالو لمن جيت السودان وخليت اولادك هنا ورجعت بعد يومين بس دقيت الجرسة وقلت يا امي انا قلت الرووووووووووووووووووب ورسلو لي اولادي وقالو رسلت طيارة خاصة نزلت في كوستي والناس محتارة ليوم الليلة الطيارت نزلت كيف ما عارفين لانو كوستي ما فيها مطار ولي الكابتن كان حريف
ههههههههههههههههههههههههههههههههه

[nasa]

عذرا للاخوان والاخوات عن التوقف بسبب ظروف قاهرة ولكن انشاء الله يكون العود أحمد اولا سوف اقوم بنسخ موضوع من موقع سودانايل لانه صراحة مرتبط بموضوعنا هواجس الغربة والاغتراب ويعكس حال كثير من السودانيين الموجودين في داخل الوطن وخارجه واستسمح كاتب الموضوع النور علي سعد النور بعنوان يوميات مغترب

ما زالت فكرة شراء المنزل تعشعش في مخيلة أبو عبد الله، ليكون هذا المنزل ملجأً له ولأسرته بعد الله متى ما حانت لحظة العودة إلى الوطن الغالي، وحتى لا يستضاف في البيت الكبير الذي اعتاد النزول فيه في عطلته الصيفية و(الذي يريحه هو نفسياً ولا يريح بقية أسرته) أو في بيت نسابته (الذي يريح زوجته نفسياً ولا يريح بقية أسرته) خاصة إذا طالت فترة الاستضافة، فيتململ الجميع .. وعلى الرغم من أن جميع الأطراف تقدرهم وتتلهف إلى يوم عودتهم من الإجازة ويحسبون لهم الأيام والليالي، إلا أن مثل هذه البيوت أصلاً تعج بما فيها، وقد فرض هذا الوضع المعقد على أبي عبد الله ودفعه لإنهاء فكرة شراء المنزل ...



وفي ليلة من ليالي الصيف الحارقة ببلد الغربة وفي مدينة قابعة وسط الصحراء، تشتد فيها الحرارة والرطوبة معاً، وأبو عبد الله مستلقٍ على سريره ... والمكيف يهدر دون جدوى، فما عسى المكيف أن يفعل – غير الاستسلام – في هذه الأجواء الحارقة، وفي هذه اللحظة تذكر أبو عبد الله واجتر كعادته شريط الذكريات ... فتذكر عندما كان ينام في الحوش الكبير في البلد ويتطلع إلى نجوم السماء – في ليلة حالكة الظلام – فيعد نجومها تارة ويتأمل في جمال هذه النجوم وبريقها وتلألئها تارة أخرى ويأتيه النسيم العليل - من الخلاق لا من الحلاق - من كل جانب، فيطبق عليه النعاس ويستسلم للنوم دون أن يشعر بذلك ويدخل في ثبات عميق وهو لا يدري ... حتى يصبح عليه الصباح، فيستيقظ على صياح الديك أو شاة تحاول جاهدة فتح باب الحوش لتدخل لتلتهم ما يطيب لها من خيرات البيت من دون استئذان ...



وتنفيذاً لما كان يخطط له منذ مجيئه إلى بلد الغربة، قرر أبو عبد الله ذات يوم التقدم لإدارة الشركة لأخذ قرضاً بضمان حقوقه لنهاية الخدمة، وبعد الإلحاح الشديد وسلسلة من المكاتبات والتبريرات، وافقت إدارة الشركة مشكورة – استثنائياً - منحه قرضاً حسناً لا بأس به لهذا الهدف، حيث كانت علاقة أبو عبد الله قوية مع مديره "أبو تركي" وكان محبوباً ومحترماً من قبل الجميع، بعد استلام مبلغ القرض .. سافر إلى السودان في صيف عام 2002 لقضاء إجازته السنوية ولإكمال عملية الشراء، وكان مليئاً بالغبطة هذه المرة، حيث اعتاد على الذهاب إلى السودان ومعه مبلغاً متواضعاً ينتهي خلال أسبوعين من عمر الإجازة، ثم يبدأ اتصالاته بزملائه في بلد المهجر لتدبير مبلغ وتحويله له لمقابلة ما يستجد من طوارئ واستكمال إجراءات السفر ودفع الضرائب والزكاة .. على أن يقوم بتسديد ذلك لهم بالتقسيط بعد عودته ..



بدأ أبو عبد الله رحلة البحث إلى شراء بيت أو شراء أرض على الأقل ... وبدأت أيام الإجازة تجري .. دون أن يشعر أبو عبد الله ... وقد أوشك شهر الإجازة على الانتهاء ... ولم يُنه عملية الشراء ... حينها أدرك أنه ليس بالإمكان حسم هذا الموضوع في هذا الوقت الوجيز ..



في تلك الأثناء كان زوج شقيقته "عوض" بصدد شراء منزل .. والشراء متوقف على دفع كامل مبلغ الشراء نقداً وفوراً .. وتحت إلحاح عوض وبضغط من شقيقته "سامية" – استجاب لطلبهما وقام بتسليفهم كامل المبلغ ليستكملا عملية الشراء،.. فتم لهما ذلك، وتحقق حلمهم، واتفق معهم على أن يتم رد المبلغ له في أقرب فرصة ممكنة، وأن يساعدوه في عملية البحث..



ثم إن "عوض" لما رأى أنه ليس بإمكانه رد المبلغ لأبي عبد الله نقداً ودفعة واحدة والذي كان يتابعه بالهاتف من فترة إلى أخرى ... وكان عوض يتهرب منه .... أكد له بأنهم سيبيعون قطعة أرض لهم ويتوقع أن يفي سعرها بمبلغ الدين .. واتفقا على ذلك .. فلما كان العام التالي، حدث بعض المستجدات، اضطر نتيجتها أبو عبد الله السفر إلى السودان .... فتلاقيا في السودان .. فتفاجأ أبو عبد الله، أن العوض وشقيقته قد قاما ببيع قطعه الأرض واستلما قيمتها نقداً، إلا أنهما قد استهلكا قيمتها في إعادة إصلاح وتأهيل البيت الذي أشتروه العام الماضي (بفلوس أبو عبد الله المسكين) وبناء بعض الملحقات به..، فاعتذروا له وقالوا له سنسدد لك المبلغ بالأقساط الشهرية (من راتب العوض ومن صناديق وجمعيات (ختة) مشتركين فيها على مدى سنوات .... فتنفس أبو عبد الله الصعداء قائلاً: .. لا حول ولا قوة إلا بالله ... هذه هي أختي وهذا هو زوج أختي وابن عمي ...



أولاً رفض هذه الفكرة وأكد لهم أنه يريد كامل المبلغ وهذا هو حصاد الغربة وشقاه وعرقه، قائلاً: كما أنتم تفكرون وتحاولون جاهدين في إيجاد مأوىً لكم، أنا كذلك اغتربت لذات الهدف وأسرتي تدفع هذا الثمن وهذا القرض أخذته من أجلهم، أرجو أن لا تدخلوني في إحراج أكثر من ذلك؟ فأنا مستدين لهذا المبلغ ولكي أسدده أحتاج إلى سنين من عمري الذي شارف الخمسين، فصار في نظرهم شخصاً سيئاً وبلا مشاعر ! وتحت إلحاحه الشديد ... دبروا له ثلث المبلغ وطلبوا منه أن يقسط لهم بقية المبلغ على قسطين. فنزل عند رغبتهم واستسلم واستلم ثلث المبلغ، قائلاً: "المال تلتو ولا كتلتو" .... وقد مضت الأعوام ولم يتسلم بقية المبلغ .. فهل تظنون أن هناك أمل في استرداده؟ فما عساه أن يفعل غير الصبر والاحتساب .. إنها الرحم والقرابة ...



توفي زوج أخته "عوض" قبل أن يتمكن من سداد ثلثي المبلغ من المتبقي وترك لشقيقته خمس أطفال لا عائل لهم، وتحت ضغط سامية "شقيقته" اتصلت به أمه الحاجة "دار السلام" وطلبت منه أن يدبر مبلغ ويرسله لهم لشراء حافلة لأولاد أخته ليسترزقوا بها ولتعينهم على الحياة .. وإرضاء لوالديه، وبعد تردد، وعبارات أمه على أذنه (لو عاوز ترضيني اشتري لأولاد أختك اليتامى الحافلة)، واستحى أن يقول لأمه أن ظروفه المالية لا تسمح له بشراء المطلوب في الوقت الراهن، وهي الغالية والعزيزة على نفسه، وهي التي باعت له كل شيء ليأتي إلى بلد الغربة، وهي ... وهي ... وعلى الرغم من السنين العديدة التي قضاها في بلد الغربة إلا أن جيبه دائماً خالي الوفاض، لأساب تتعلق بأسرته الصغيرة في بلد الغربة ولالتزاماته المالية الشهرية التي يرسلها إلى والديه وإخوانه في الجامعات في السودان وعدد من الأطراف الأخرى،



كل الطرق انسدت أمام أبو عبد الله .. واستحى من أصحابه داخل العمل وخارجه الذين كان عادة ما يستدين منهم ومن بينهم جنسيات عربية وغير عربية (هندي، فلبيني، سيرلانكي، وجنسيات عربية ممن اضطرتهم ظروف الحياة إلى هجر بلادهم – كأبي عبد الله - من أجل لقمة العيش الكريمة والبحث عن حياة أفضل) والذين كانوا لا يبخلون أبداً على أبي عبد الله بالدين، حيث كان صادقاً معهم في السداد على الرغم مما يعاني منه من أزمات مالية متلاحقة. وذات مرة سأل أبو عبد الله أحد زملائه الهنود، قائلاً " "أنت فين تضيع هذا الفلوس ... أنا راتبي أقل منك بكثير ويكفيني وأسرتي، كما أحول منه إلى حسابي في أحد البنك الهندية شهرياً، ولي الآن مبلغ جيد في البنك، يكفيني وأسرتي متى ما رجعت إلى بلدي ... وأردف قائلاً: لا تنسى أنا موظف عادي وأنت مدير .. فأين تهدر هذه الأموال" ... فتبسم أبو عبد الله في وجهه ... قائلاً : إنها الظروف، إنها اختلاف الثقافات ويكفي هذا ... ولا استطيع أن أشرح لك أكثر من ذلك، قد يصعب عليك فهمه أو تقديره من زاويتك ومعاييرك ..



وفي ظل هذا الحيرة والتفكير تزرف عيناه كأنها قطرات من نهر منهمر تارة، ويسترسل في التفكير في كيفية تدبير المبلغ تارة أخرى، وبينما هو كذلك تأتيه زوجته "أم عزة" فتقول له ما دهاك ؟ إني أراك مشغول ليل نهار، فأخبرها بتفاصيل الموضوع، وهي تعرف أنه لا يملك شيئاً، فخرجت من الغرفة التي كانا يجلسا فيها إلى غرفة أخرى من الشقة، وبشهامة السودانيين المعروفة، جاءت له بكل ما تملك من ذهب وحلي ووضعته بين يده، وقالت له، لمثل هذا اليوم كنا ندخره، فثق بأن الله سيبدلنا خيراً منه، طالما أنه سيذهب إرضاء لوالديك، لم يستغرب منها هذا ! فهو يعلم أنها بنت الكرم والحسب والنسب وأن هذه المبادرات عندها سجية، ولذلك تخيرها لتكون شريكة لحياته، فذهبا سوياً فباعا جزءاً كبراً منه، فقام بتحويل المبلغ المطلوب، فذهب عنه الحزن، فشكر لها صنيعها، ووعدها بشراء ذلك لها تدريجيا كل ما تحسنت الظروف وزيادة ..



فتم له إرضاء والديه وشراء الحافلة، إلا أن الحافلة المشتراة بواسطة أحد أقارب العائلة، جاءت بآخر رمق وجثت أمام المنزل كجثة هامدة، قابعة بلا حراك تلفظ في أنفاسها الأخيرة.. فلم يفكروا في صيانتها وبث الحياة فيها من جديد .. فلم تغنه من إرسال المصاريف لهم ولا لوالديه اللذين أقنعاه بأن هذه الحافلة ستدبر لهم المصاريف وسوف لن يحتاج بعدها لإرسال أي مصاريف لهم ... كل هذه لأماني– أمام لامبالاة أولاد أخته واهتمامهم بصيانتها - راحت أدراج الرياح ....وكأنك يا أبو زيد ما غزيت ..



لما رأى ذلك منهم .. حول مبلغاً لصيانتها، وإحياءً للقليل الذي فيها لكن القليل لم يثمر و ضاع هباءً فعادت كما بدأت تنتظر الموت .. وتنتحب ولا حياة لمن تنادي .. ثم كان أمر بيعها.. فبيعت تقسيطاً لا نقداً (بالشيكات) .. يدفع المشتري لهم شهرياً شيكاً بمبلغ محدد .. وعندما يسأل أبو عبد الله عن الأقساط، يقال له، ذهبت مصاريف في البيت والمدارس ..الخ، فيا ترى من الجاني ومن الضحية؟! فَدُّق في نعشه مسماراً آخراً من مسامير جحا ...

اخواني واخواني هذا هوا تعاملنا بالعاطفة ارجو مناقشة الموضوع بكل جوانبه؟

[محمد السر احمد]

يا اخوي ودعمي نحن سودانين وما بنقدر نتخلي عن عادتنا السمحة البتودي في دهية دايما لكن نقول شنو نحن سودانيين ولو ما عملت كدا يشلو حسك في البلد و البلدين ماف حل غير انك ترضي بالواقع المرير

تسلمي اخي ناسا ونحن في انتظار المزيد

[nasa]

يا اخوي ودعمي نحن سودانين وما بنقدر نتخلي عن عادتنا السمحة البتودي في دهية دايما لكن نقول شنو نحن سودانيين ولو ما عملت كدا يشلو حسك في البلد و البلدين ماف حل غير انك ترضي بالواقع المرير

تسلمي اخي ناسا ونحن في انتظار المزيد

يا ودالسر نحن نفتخر بسودانيتنا لكن هل نقضي كل العمر غربه وشوق بدون فائده لينا ولي الناس في داخل الوطن؟

[رضا حسن محمد]

دة شنو يا ناسا القصة البتعكر الدم دى

[محمد السر احمد]

طول بالك يا رضا حسن

[رضا حسن محمد]

يا ود السر
عليك النبى دى حالة دى
بعدين انت عرسك متين ؟الاجازة قربت