المساعد الشخصي الرقمي

مشاهدة النسخة كاملة : خِفي الملح وزيدي الالم



كف المطر
12-01-2007, 09:04 PM
الصمت من الم الدموع ابلغ شعور
وحتى الألم مرات بكون للصمت نور
والعين الماشافتك ذرفت دموعا بحور
والقلب الحسا بيك بفرفر بالألم مسرور

لكن شكيتك
للبرق وللرعد
وحتى المطر لمن نزل مجبور
وشكيتك لى وليك
وللبستاني البداعب فى الزهور
وقعدت تحت ضُل السِدر
ارسم خطوط جوه الصخور
ومن الالم فى صباعى صرخ الصخر
مالك على بتعاملني جور
انت تتعذب براك
وتكُب علي دمعك بِحور

حتى الصخر حسا الألم
لمن كتبت بدمى عليه حبة سطور
لكنو قلبك كان على
قاسى شديد
ومن غير حضور
الا قلبي عليك أصيل
وحبك معاى شايلو دهور
لكنى من المي الشديد طالبك طلب
خِفى الملح من جرحى ده
والله ما من الألم
انا المي من جُرحِك صبور
لكنِ عاوز احملك جوه القلب
عسلاً أصيل ما فيهو جور
عسلاً اصيل ما فيهو جور

المسافر
13-01-2007, 12:20 AM
الا قلبي عليك أصيل
وحبك معاى شايلو دهور
لكنى من المي الشديد طالبك طلب


هذا أروع ما كتبت . . . في زمن يعتبر ذلك ضرباً من الخيال

وتسلم أنامك

ود المطامير
13-01-2007, 12:39 AM
وأنا تانى فى رجاك شان تزيد

ابوطاقية
13-01-2007, 01:57 AM
الصمت من الم الدموع ابلغ شعور
وحتى الألم مرات بكون للصمت نور
والعين الماشافتك ذرفت دموعا بحور
والقلب الحسا بيك بفرفر بالألم مسرور

لكن شكيتك
للبرق وللرعد
حقيقة تسلم يارائع وياريت نشوف منك الجديد

كف المطر
13-01-2007, 11:29 PM
الاروع هو انت بتنسمك لحروفى اخى المسا
فر ..


ود المطامير
ابشر وابشر كمان ..


ان شالله اخى ابوطاقية ..

أبنوس
15-01-2007, 03:14 AM
الصمت من الم الدموع ابلغ شعور
وحتى الألم مرات بكون للصمت نور
والعين الماشافتك ذرفت دموعا بحور
والقلب الحسا بيك بفرفر بالألم مسرور

الله الله الله عليك يا كف المطر
وصل الحساس لمن أخترق العصب!!!

كف المطر
15-01-2007, 05:52 PM
ابنوس:

عندما يخترقنا الالم نصرخ الا ان اختراق الحب احاسيسنا
يجعلنا نتألم فى صمت خوفا على الحبيب .

شكراً ابنوسة