ياسر السماني
15-01-2007, 03:15 AM
[center]تاني القمرة رسمت خطاوي البسمة غي ملمح وشيك
رشت غناوي البهجة يوم كان الصباح مشتاق كتير
لفح الشعاع حر السموم واتكت مصابيح الكلام .....
رقدةحنينة تنده للجهال وتقص ليهم ....
فاطمة السمحة ختفها الغول
ولسة الغول بقلع عش العصافير الحزينة البقت مكسورة جناح
خايفة الهبوب
والريح ملت جدران قلب خايف يجيك
راسم غناوي الالفة شوق
زارع عمر اللهفة حفيان بيجري على الهجير
والرمضة شوك
تطعن جلد صبر
كمل غناوي اللقيا يوم دق البخور
الا خايف جراحك تمس ....
حسي المستف شنطة ابوي يوم قال : .........
السفر : هو الحل الوحيد البعرفو
هو القرش البجيب سكات الصبية الرغيدة يوم تصرخ تقول :
هدوم العيد وناس الوية جابو الجزم حتى الشرايط عندهم
يوم شلهت القمر النجوم
فاضت بحار غرقت هموم
سافر ابوي
ورجع الزمن حركة ورا
وشفنا الخطاوي الراسمة في همسك خفوت
يا جلدي المبرقع قميص الصاقعة في حرب البسوس
تلقاها يوم حاضنة الاسى
محزونة وتئن
تسأل علي اطفال بنادو على النجوم
شليل وين راح
وشليل عيوني الفيها كلام الحنينة يوم تصدح تقول
بي صوتا اسيف مليان وداع ........
" ياعشاي الغربة مرة وكان سافرت ونأيت الشوق رضى وآمان الله ليك"
ورحل وليدا مع نجم الدغش
عد الشهر وكمين سنة
وشم النسيم فرحة لقاك
قال جاييك بالفال العديل
مد ايدو يسالم الحب القديم لكن ........
لمح ...........
ضفر العروسة محننة
سب القروش
ختم على قلبو المغص
وشرد صبح الخلاص عدم
رشت غناوي البهجة يوم كان الصباح مشتاق كتير
لفح الشعاع حر السموم واتكت مصابيح الكلام .....
رقدةحنينة تنده للجهال وتقص ليهم ....
فاطمة السمحة ختفها الغول
ولسة الغول بقلع عش العصافير الحزينة البقت مكسورة جناح
خايفة الهبوب
والريح ملت جدران قلب خايف يجيك
راسم غناوي الالفة شوق
زارع عمر اللهفة حفيان بيجري على الهجير
والرمضة شوك
تطعن جلد صبر
كمل غناوي اللقيا يوم دق البخور
الا خايف جراحك تمس ....
حسي المستف شنطة ابوي يوم قال : .........
السفر : هو الحل الوحيد البعرفو
هو القرش البجيب سكات الصبية الرغيدة يوم تصرخ تقول :
هدوم العيد وناس الوية جابو الجزم حتى الشرايط عندهم
يوم شلهت القمر النجوم
فاضت بحار غرقت هموم
سافر ابوي
ورجع الزمن حركة ورا
وشفنا الخطاوي الراسمة في همسك خفوت
يا جلدي المبرقع قميص الصاقعة في حرب البسوس
تلقاها يوم حاضنة الاسى
محزونة وتئن
تسأل علي اطفال بنادو على النجوم
شليل وين راح
وشليل عيوني الفيها كلام الحنينة يوم تصدح تقول
بي صوتا اسيف مليان وداع ........
" ياعشاي الغربة مرة وكان سافرت ونأيت الشوق رضى وآمان الله ليك"
ورحل وليدا مع نجم الدغش
عد الشهر وكمين سنة
وشم النسيم فرحة لقاك
قال جاييك بالفال العديل
مد ايدو يسالم الحب القديم لكن ........
لمح ...........
ضفر العروسة محننة
سب القروش
ختم على قلبو المغص
وشرد صبح الخلاص عدم