ياسر السماني
18-01-2007, 01:37 AM
تمهيد:
هذه القصيدة كتبت بعد احداث جامعة الجزيرة التي استشهد فيها الطالب معتصم من الدفعة 20زراعة
النص
في الحي الفيهو بنسكن
وقبل اعوام
كت بتذكر
وماراح انسى
خالتي الزينة كيف ماكانوا بنادو عليها
وخالتي الزينة
زولة حنيييييييييييييينة
وعاقلة رزينة
من اولات اياما
بتسأل الله يديما عليها
عافية وسترة
وعيشة كريمة
وفي صلواتا تسبح وتسأل في خالقنا
ميتة سمحة
ما مغوسة
وخالتي الزينة مرة دغري ما بتنافق في شان يرقد عيشا
ولا بتتملق شان ما تلحس اصابع العمدة
ويومو المات عايل بيتا
باعت الكسرة
شانما تربي وليدا
وغرست في اعماقو حب الخير
للناس والدنيا
وصدق الكلمة الما بتنافق
غلط السلطة ولا خلافو
وكنا سغار ...
وكتنا الندخل بيتا ....
بنحس الدنيا مسيخة وزايلة وبرضو جميلة
هناك راكوبة
وكوخ اسيان على جدرانو
بمبر وشدرة
وزيرا بارد تحت الشدرة
من نقاعو كنا بنغسل في ايدينا
شان ما نأكل ونشرب
ونضحك من اعماقنا
وتجينا الزينة بي صوتا يحنن كل طبقات الجو
لحدة هسى ....
صوتا يدندن في اضني ....
يا وليدات دحينما شبعتو
وفجأة كبرنا
اتمطق فينا طموح يوم باكر
جينا الجامعة
شايلين آمال
كنا جماعة
صوتا واحد بدور الاحسن
وكان قايدنا
كان بنصحنا
وارزن زولا فينا
كان الخير
ما امو حنينة وعاقلة رزينة
لازما كان تديهو صفاتا
ورضع الخير من لبن امو فضايل الخير
والخير بيقولو اغرف وشيل
شب الواعي
كان في الجامعة منارة وسارية
للحزنان نلقاهو يواسي
للمسكين تلقاهو يساعد
للمحتاج يكاتفو يعاضد
يا ابو الخير ..
الخير الفضل منك صاينو العهد
متشابي الخير لخير الناس والجامعة
متصدي هموم الكل
والشوق اليومي بيكبر بين احلامو
في الحرية
في الايمان
في الحب الصادق بين الحاكم والمحكوم
وفي يوم من نفسو كان حردان
متكي الخير على آمالو
في الجامعة الحرة جونا ؟؟؟؟؟؟
لعلعو جاطو
كبروا الله
وكان تكبيرهم يمة ............
جطنا وجاطو
ثرنا عليهم
وكان الخير لنفسو يغالط
بفكرو بعاند
انو المشهد ما هو حقيقي
ما فيش انسان بعادي الطلبة
ما فيش احزان تجينا بغلبة
ما فيش في الكون زولا بحقد
وفجأة الطوب اتحول نار
وزاد الجو كمان بمبان
وطاشت طلقة او .... ما طاشت ...
ما عارفين الحاصل ايه
وغاصت جووووووووة في الاعماق
والخير بيناضل شان الخير ما يفضل فينا
شلنا الجتة ردمنا ترابا
وجيت بتذكر شان ما اواسي الخالة الزينة
لقيتا بتبكي وتشكي لالله
وتسأل فينا
شر في ال؟؟؟؟؟؟؟ ولا الطلبة ؟
شر في الدنيا ؟
كت بتمنى ميتة سمحة ما مغوسة
وماتت يمة خالتي الزينة
لكن ممغوسة والمغسة تشق
المغسة تشق
هذه القصيدة كتبت بعد احداث جامعة الجزيرة التي استشهد فيها الطالب معتصم من الدفعة 20زراعة
النص
في الحي الفيهو بنسكن
وقبل اعوام
كت بتذكر
وماراح انسى
خالتي الزينة كيف ماكانوا بنادو عليها
وخالتي الزينة
زولة حنيييييييييييييينة
وعاقلة رزينة
من اولات اياما
بتسأل الله يديما عليها
عافية وسترة
وعيشة كريمة
وفي صلواتا تسبح وتسأل في خالقنا
ميتة سمحة
ما مغوسة
وخالتي الزينة مرة دغري ما بتنافق في شان يرقد عيشا
ولا بتتملق شان ما تلحس اصابع العمدة
ويومو المات عايل بيتا
باعت الكسرة
شانما تربي وليدا
وغرست في اعماقو حب الخير
للناس والدنيا
وصدق الكلمة الما بتنافق
غلط السلطة ولا خلافو
وكنا سغار ...
وكتنا الندخل بيتا ....
بنحس الدنيا مسيخة وزايلة وبرضو جميلة
هناك راكوبة
وكوخ اسيان على جدرانو
بمبر وشدرة
وزيرا بارد تحت الشدرة
من نقاعو كنا بنغسل في ايدينا
شان ما نأكل ونشرب
ونضحك من اعماقنا
وتجينا الزينة بي صوتا يحنن كل طبقات الجو
لحدة هسى ....
صوتا يدندن في اضني ....
يا وليدات دحينما شبعتو
وفجأة كبرنا
اتمطق فينا طموح يوم باكر
جينا الجامعة
شايلين آمال
كنا جماعة
صوتا واحد بدور الاحسن
وكان قايدنا
كان بنصحنا
وارزن زولا فينا
كان الخير
ما امو حنينة وعاقلة رزينة
لازما كان تديهو صفاتا
ورضع الخير من لبن امو فضايل الخير
والخير بيقولو اغرف وشيل
شب الواعي
كان في الجامعة منارة وسارية
للحزنان نلقاهو يواسي
للمسكين تلقاهو يساعد
للمحتاج يكاتفو يعاضد
يا ابو الخير ..
الخير الفضل منك صاينو العهد
متشابي الخير لخير الناس والجامعة
متصدي هموم الكل
والشوق اليومي بيكبر بين احلامو
في الحرية
في الايمان
في الحب الصادق بين الحاكم والمحكوم
وفي يوم من نفسو كان حردان
متكي الخير على آمالو
في الجامعة الحرة جونا ؟؟؟؟؟؟
لعلعو جاطو
كبروا الله
وكان تكبيرهم يمة ............
جطنا وجاطو
ثرنا عليهم
وكان الخير لنفسو يغالط
بفكرو بعاند
انو المشهد ما هو حقيقي
ما فيش انسان بعادي الطلبة
ما فيش احزان تجينا بغلبة
ما فيش في الكون زولا بحقد
وفجأة الطوب اتحول نار
وزاد الجو كمان بمبان
وطاشت طلقة او .... ما طاشت ...
ما عارفين الحاصل ايه
وغاصت جووووووووة في الاعماق
والخير بيناضل شان الخير ما يفضل فينا
شلنا الجتة ردمنا ترابا
وجيت بتذكر شان ما اواسي الخالة الزينة
لقيتا بتبكي وتشكي لالله
وتسأل فينا
شر في ال؟؟؟؟؟؟؟ ولا الطلبة ؟
شر في الدنيا ؟
كت بتمنى ميتة سمحة ما مغوسة
وماتت يمة خالتي الزينة
لكن ممغوسة والمغسة تشق
المغسة تشق