المساعد الشخصي الرقمي

مشاهدة النسخة كاملة : انت ساكن وين ؟ واسم الحي يعني شنو؟



الفارس البنفسجي
20-01-2007, 07:38 AM
عندي فكرة الكل بستفيد منها تكمن الفكرة في أنو كل واحد ساكن في الحي يقول لينا دلالات أما معنى أو معاني اسم الحي اللي هو ساكن فيهو وياريت لو أضاف لينا بعض المعلومات عن الحي دا عشان الفائدة تعم (تتضمن أهم عشرة معالم في الحي) وحا أبدأ ليكم بي نفسي
أنا ساكن في حي ودكنان وسمي حي ودكنان بهذا الإسم نسبة إلى الشيخ ودكنان المدفون في حي ودكنان وهو حفيد الشيخ ودمدني السني وقبتو موجودة لحد الآن في ودكنان وتعتبر مزار لي كثير من المحبين يوم السبت من كل أسبوع ... يعني لو جيت يوم السبت تلقى ناس كتيرين من أهل مدني وخاصة أهل الكريبة لأنو الشيخ ودكنان دا جدهم
من أهم المعالم بحي ودكنان :
1) مدرسة فريني الثانوية للبنين والبنات سابقاً
2) قبة الشيخ ودكنان.
3) ضريح الفكي سورج
4) مدرسة ودكنان الإبتدئية بنين وبنات.
5) جامع حسين عوض
6) جامع وزاوية الشيخ عبد المحمود محمد سرور (الطريقة السمانية).
7) زاوية الشيخ سيف الدين محمد عبد الله (الطريقة الأحمدية).
8) زاوية الشيخ يسن (الطريقة الأحمدية)
9) مركز شباب حي ودكنان.
10) المشغل النسائي للتطريز والحياكة.

مع تحياتي

مدنيّة
20-01-2007, 10:21 AM
أنا ساكن في حي ودكنان وسمي حي ودكنان بهذا الإسم نسبة إلى الشيخ ودكنان المدفون في حي ودكنان وهو حفيد الشيخ ودمدني السني وقبتو موجودة لحد الآن في ودكنان وتعتبر مزار لي كثير من المحبين يوم السبت من كل أسبوع ... يعني لو جيت يوم السبت تلقى ناس كتيرين من أهل مدني وخاصة أهل الكريبة لأنو الشيخ ودكنان دا جدهم
من أهم المعالم بحي ودكنان :
1) مدرسة فريني الثانوية للبنين والبنات سابقاً
2) قبة الشيخ ودكنان.
3) ضريح الفكي سورج
4) مدرسة ودكنان الإبتدئية بنين وبنات.
5) جامع حسين عوض
6) جامع وزاوية الشيخ عبد المحمود محمد سرور (الطريقة السمانية).
7) زاوية الشيخ سيف الدين محمد عبد الله (الطريقة الأحمدية).
8) زاوية الشيخ يسن (الطريقة الأحمدية)
9) مركز شباب حي ودكنان.
10) المشغل النسائي للتطريز والحياكة.

مع تحياتي


انا كمان ساكنة ود كنان واهو اخونا الفارس البنفسجي ماقصر ونقول اتنين :D

عوض صقير
21-01-2007, 02:00 AM
أنا ساكن فى حى المدنيين شمال , جوار الجامع الكبير وسمى بحى المدنيين نسبة إلى أنه من أول الأحياء بمدينة ودمدنى و كان يقيم به ودمدنى السنى

من أهم المعالم بهذا الحى
الجامع الكبير ( جامع الحكومة )
مدرسة النهر الأبتدائية , مدرسة النيل الأبتدائية , مدرسة الأميرية المتوسطة سابقا والثانوية الآن , مكاتب الشئون الدينية والأوقاف والحج , مركز الصادق أبوعاقلة للسكرى , جنينة عبدالجليل

مع تحياتى

114
21-01-2007, 03:01 AM
شكرا أيها الفارس البنفسجي
وبيت جدي لأمي في ود كنان، وهو الركن الجنوبي الغربي لود كنان

انا ولدت في حي 114 وفي الأصل كان 114 تقع جهة مساعد، وسميت 114 لأنها تبعد 114 كيلو من خزان سنار، وكانت هي ورشة الميكانيكا لمشروع الري الذي حفر كل الترع بمشروعي الجزيرة والرهد، ثم انتقلت هذه الورشة من موقعها قرب قرية مساعد الى جنوب ود مدني، وسميت بنفس الإسم القديم (114) وسمي الكامب الذي بني لسكن العمال بنفس الإسم، ومن ذاك الوقت احتفظ بهذا الاسم، والذي اعتز به كثيراً لذا جعلته اسمي الحركي في هذا المنتدى

الفارس البنفسجي
21-01-2007, 04:55 AM
مدنية / عوض صقير / 114
التحية لكم فأنتم الآن أمتدادي وأمتداد أفكاري .... الدعوة للجميع لإثراء الموضوع وإعطاءه حقه لتعم الفائدة
ومدنية الآن بقت بت جيرانا وبت فريقنا ... وكمان يا عوض صقير أنا مولود في حي المدنيين جنب مدرسة الكورة بتاعت البنات ويا 114 بيت أسرتكم طلع جنبنا ...شوفتو مدني ضيقة كيف !!!!!!!!!!!!!! ............. تحياااااااااااااااااااااااااتي

nasir
21-01-2007, 06:33 AM
تحياتي لك أيها الفارس البنفسجي
انا من مواليد حي السكة حديد ( يعني جابني قطر)
ويكفي انها المعالم والمعلم
والان انتقلت لحي مايو جنوب( النصر جنوب حسب تسمية اللجان الشعبية)
اهم المعالم مقابر حبيب الله - جناين الكاشف - افران عوض بادي والحطابة -دكان ابوالشول
جامع الحاجة نفيسة -جامع ابوسنون الجديد
ودمتم اخي الفارس الوفئ

الفارس البنفسجي
21-01-2007, 07:10 AM
متشكرين يا ناصر على المعلومة وطبعاً حي مايو سموهو كدا عشان تم تأسيسو وتوزيع الأراضي فيها أبان حكومة ثورة مايو1969م والتي كان قائدها الرائد (في ذلك الوقت)/ جعفر محمد نميري
متشكرين مرة ثانية ودمت نهراً يصب في محيط المدينة مليئاً بالدرر والياقوت والمرجان

وليد عمر سعيد
21-01-2007, 08:07 AM
انا من حي ودازرق والحي كان زمان مقابر وكان برضو في ميدان كره قدم كبير

الليله مكانهم مدرسه ودازرق الابتدائه وجامع شاطوط وبعض البيوت السكنيه

اديكم ابرز المعالم :

1/ جامع وضريح الشيخ شاطوط

2/ قبر الطيار

3/ مدرسه ودازرق الابتدائيه

4/ مجلس ودمدني وسط سابقا

5/ الشانزلزيه

6/ مركز شباب ودمدني

7/ مدرسه البندر الابتدائيه

9/ مدرسه الانجيليه

8/ نادي النجوم

9/ جامع انصار السنه

10/ جامع ابوزيد


مع خالص ودي

الفارس البنفسجي
21-01-2007, 08:51 AM
الأخ العزيز / وليد أبوقرط
ما قلت لينا حي ود أزرق دا سمهو ود أزرق ليه ؟؟؟؟؟؟ظ

مع تحياتي

خواطر
26-01-2007, 10:03 AM
انا من حي ودازرق والحي كان زمان مقابر وكان برضو في ميدان كره قدم كبير

الليله مكانهم مدرسه ودازرق الابتدائه وجامع شاطوط وبعض البيوت السكنيه

اديكم ابرز المعالم :

1/ جامع وضريح الشيخ شاطوط

2/ قبر الطيار

3/ مدرسه ودازرق الابتدائيه

4/ مجلس ودمدني وسط سابقا

5/ الشانزلزيه

6/ مركز شباب ودمدني

7/ مدرسه البندر الابتدائيه

9/ مدرسه الانجيليه

8/ نادي النجوم

9/ جامع انصار السنه

10/ جامع ابوزيد


مع خالص ودي

اخي العزيز وليد ابو قرط تحياتي واشواقي لك وكيف حالك اما عن ودازرق ان المواقع التالية تقع في القسم الاول وهي
الشانزلزية
مركز شباب ود مدني
مدرسة البندر الابتدائية
مدرسة الانجيلية
جامع انصار السنة
الكنيسة
والمديرية واتحاد المزارعين والقائمة طويلة انا جارك ولكن الفاصل بن القسم الاول وودازرق هو شارع البحيرية
طبعا بيتكم ي الشارع دة انتو ي ود ازرق وناس عبدالقوي الرنساوي دا القسم الاول
مش بيقولو الفرق بين العقل والجنون شعرة اها الشارع دا فاصل بن القسم الاول وودازرق وتحياتي وارجو اطلاعي علي اخبار الاخوان عصام وهيثم

الفارس البنفسجي
26-01-2007, 08:44 PM
متشركين خواطر على المداخلة الرائعة والحلوة دي ، وكنت متوقع ألقى في آخرها سبب تسمية ود أزرق الأسم دا لي ؟

دمت لي خاطر من الجمال في زمن الصمت حتى أغدو كما أتمنى

دهنون
26-01-2007, 08:59 PM
يا شباب ود ازرق او القسم الاول المزاد اوجزيرةالفيل كلها مدني الرايعه فهل بعد هذه الروعه احياء مع تحيات دهنون

السلامى
26-01-2007, 11:28 PM
شكرا لك الاخ الفارس البنفسجى على هذا البوست الرائع وحقيقة ( الشمار كاتلنى شديد ) أولا عن سر تسمية الفارس البنفسجى ممكن تخبرنى به ثانيا أنا ساكن عووضه وهى كما يعلم الجميع فى الطرف الجنوبى الشرقى لمدنى وربما سبب تسميتها بعووضه يرجع لساكنيها الاوائل وهم فرع من الجعليين يدعى العوضيه
وعووضه ياصديقى بالرغم من انها من الاحياء الشعبية ولكنها له دور مؤثر على مستوى الولاية منى اناحية السياسية لوجود عدد مقدر من المسئولين بها وثانيا لكثافتها السكانية العالية لذلك تنقسم فى حد ذاتها الى خمسة أحياء بمعنى الكلمة وليس ( فرقان)

الفارس البنفسجي
26-01-2007, 11:52 PM
اولاً : كمل لينا موضوع عووضة ، ماهي الخمسة فرقان ؟ وما هي المعالم الأساسية في عووضة (10 معالم).
أما سر هذه التسمية فسأذكره لك في رسالة خاصة ... وهو سبب قد يبدو غريباً لكنه واقعي.

114
27-01-2007, 09:34 AM
وربما سبب تسميتها بعووضه يرجع لساكنيها الاوائل وهم فرع من الجعليين يدعى العوضيه

الأخ السلامي

بعد تقاعد ابي (رحمه الله) انتقلنا من حي 114 الى منزلنا بعووضه والذي كنا اشترينا أرضه بحوالي عشرين جنيهاً (وهو حوالي 1000 متر)، وكان ذلك عام 1965م، وكانت عووضه في ذلك الزمان قرية خارج مدني، وكانت في الخريف تنقطع عن مدني، ولكن امتدادات مدني دمجتها في مدني فاصبحت حي من أحياء مدني..
اما سبب تسميتها فالغالب أنها سميت باسم الشيخ عووضه مؤسسها أو اول شيخ لها، وحسب علمي فإن سكانها الأوائل كانوا من الصادقاب (في الأصل ركابية) وهم يسكنون الفاو، وشيخ عووضه الحالي منهم ويدعى الهميم.. وبالطبع هناك عدة قبائل تسكن عووضه..
والله اعلم

الفارس البنفسجي
27-01-2007, 10:08 AM
الأخ الكريم 114 اثلجت صدورنا بهذه المداخلة وأنا متأكد بأنها ستدفع الكثيرين للمواصلة في دعم هذا البوست بموضوعاتهم وموضوعيتهم ... لك تقديري مضاعفاً

مدنيّة
27-01-2007, 10:27 AM
وسميت 114 لأنها تبعد 114 كيلو من خزان


سبحان الله اول مرة اعرف سر التسمية دي لاني طوالي كنت بتساءل عن هذا السر بيني وبين نفسي بالجد فكرتك روعة يا ود جيرانا لانها فعلا خلتنا نعرف حاجات اكتر عن مدني الحبيبة تسلم مرة تانية

مدنيّة
27-01-2007, 10:29 AM
وكنت متوقع ألقى في آخرها سبب تسمية ود أزرق الأسم دا لي ؟




ياريت لو كنت انت عارف ياود جيرانا او اي عضو اخر يقول لينا سر التسمية عشان تعم الفائدة ومشكورين مقدما

مدنيّة
27-01-2007, 10:31 AM
أما سر هذه التسمية فسأذكره لك في رسالة خاصة ... وهو سبب قد يبدو غريباً لكنه واقعي.


لالالالالالالالالالالالالالا قوله لينا هنا :p

الفارس البنفسجي
27-01-2007, 09:24 PM
الغالية مدنية : والله ما عارف سر تسمية ود أزرق دي

اما بخصوص سر التسمية الفارس البنفسجي فهو :






انزلي تحت

































ما بقولو لييييييييييييييييييييييييييييييييييييييييييييييييي يييييييييييييييييييييييييييييييييييييييييك


بالمناسبة بقيتي ظريفة

مدنيّة
27-01-2007, 11:51 PM
اما بخصوص سر التسمية الفارس البنفسجي فهو :






انزلي تحت

































ما بقولو لييييييييييييييييييييييييييييييييييييييييييييييييي يييييييييييييييييييييييييييييييييييييييييك


بالمناسبة بقيتي ظريفة



كويسسسسسسسسسسسسسسسسسسس يا ود جيرانا :mad:

بالمناسبة من يومي ظريفة لكن الموضوع المطروح بحكم مدي الظرافة :p

الفارس البنفسجي
28-01-2007, 12:04 AM
وفيلسوفة كمان !!!!!!!!!!!!!!!!!!!!!!!!!!!!!

السلامى
28-01-2007, 12:14 AM
الأخ السلامي

بعد تقاعد ابي (رحمه الله) انتقلنا من حي 114 الى منزلنا بعووضه والذي كنا اشترينا أرضه بحوالي عشرين جنيهاً (وهو حوالي 1000 متر)، وكان ذلك عام 1965م، وكانت عووضه في ذلك الزمان قرية خارج مدني، وكانت في الخريف تنقطع عن مدني، ولكن امتدادات مدني دمجتها في مدني فاصبحت حي من أحياء مدني..
اما سبب تسميتها فالغالب أنها سميت باسم الشيخ عووضه مؤسسها أو اول شيخ لها، وحسب علمي فإن سكانها الأوائل كانوا من الصادقاب (في الأصل ركابية) وهم يسكنون الفاو، وشيخ عووضه الحالي منهم ويدعى الهميم.. وبالطبع هناك عدة قبائل تسكن عووضه..
والله اعلم
الاخ 114 يارائع طبعا انتم أقدم مننا فى عووضه لاننا حضرنا اليها فى 1985 لذلك تفسيرك منطقى خصوصا انا كنت أيام أذمة العيش لو تذكر فى بداية الحكومة الحالية أحضر العيش من دكان الهميم شيخ الحلةوكان بالكروت لو تذكر آنذاك بالرغم من ان منزلنا يمثل الركن الشمالى الشرقى لعووضه يعنى أول منزل من الناحية الشرقية
وقد كنت أتمنى أن تضيف بعض المعلومات عن عووضه لان الكثيرين يجهلونها وسوف أترك لك هذا الجانب لو تكرمت أبتداء من مسميات الاحياء الداخلية وكبار الشخصيات السياسية والاجتماعية وأعرج كمان وتحدث عن معالمها وجلسات العصارى على النيل وهو كما تعلم أهم مايتمسك به أهالى عووضه والكثير الكثير لو تكرمت

الفارس البنفسجي
28-01-2007, 06:28 AM
متشكرين على المداخلة اللي فيها نفس البحر ............... وفي انتظار الفذ 114

المسافر
28-01-2007, 08:34 AM
فكرة حلوة جداً

بس فارس وساكن في ود كنان . . .
أنا توقعت تقولي لينا ساكن في
بلاد الأندلس ولا الشام . .

الفارس البنفسجي
28-01-2007, 09:25 AM
فارس من بلاد الأندلس والشام ، دا يا حبيبي في بلاد الأحلام
هههههههههههههههههههههههههههههههههههههههههه
شكراً على مرورك وعلى مداخلتك ... وياريت تشاركنا ... وتساهم في البوست

مدنيّة
28-01-2007, 10:39 AM
فكرة حلوة جداً

بس فارس وساكن في ود كنان . . .
أنا توقعت تقولي لينا ساكن في
بلاد الأندلس ولا الشام . .


ماااااااااااااااالها ود كنااااااااان http://www.asmilies.com/smiliespic/new/008.GIF (http://www.asmilies.com) http://www.asmilies.com/smiliespic/new/006.GIF (http://www.asmilies.com)
بسررررررررررعة اتراجع عن كلامك قبال ما نجيب ليك علوية انت كمان وتبقي زي شبارقة هارب علي طول وماقادر ترسي ليك علي بر :p

عزيز عيسى
28-01-2007, 02:18 PM
فكرة جميلة جدا يا الفارس البنفسجي

أخوك أساسا من مارنجان الكمبو إدارة مشروع الجزيرة ولدت ونشأت فيها.. لكن الأهل إنتقلوا الى حي أركويت بالقرب من جامعة الجزيرة منذ عام 1980.
وكلمة مارنجان حسب معلوماتي يقال بأنها كلمة تركية وأخرون يقولون أنها نوبية الأصل مكونة من اسمين مشتقين (مري.. أو ماري) و(جان). وكلمة (ماري) في اللغة النوبية تعني سوق.. أما كلمة (جان) تعني عيش.. أي سوق العيش.. ومع مرور الزمن أصبحت تنطق مارنجان.
ويقال بأن الأميرة نصرة بنت عدلان سليلة ملوك سنار كانت تملك في مارنجان منزلا.. ولا أدري
إن كانت مارنجان عووضة أو مارنجان الكمبو.. لكن يوجد بالقرب من مارنجان عووضة تل كبير
مسور بالأسلاك الشائكة من قبل الحكومة منذ فترة طويلة دون معرفة السر في ذلك..
ويسمى ذلك التل بـ (قوز نصرة).
سمعنا تحت تحت بأن القوز مليء بالذهب.. بس أوعه نلقاك بكرة شايل طشت وتنقب بهناك.

ود المطامير
28-01-2007, 04:46 PM
واللّة حظكم
الموية باردة وشارع الظلط سيف
والكريسيدا بيضاء ملمعة وجديدة نيف
وحر السموم ما بتعرفوهوا مع التكيف
والسينما عندكم والأسواق والبنوك ومخابز الرغيف
واللّة حظكم
كلكم من مدنى الجميلة عروس النيل الظريف
الجمال والخضرة والببسى والأكل النضيف
والبنات بالبى السماحة يخلّن شعر الراس يقيف
والليالى مبهرجة , مسارح ونوادى , لاعب فنان حريف
واللّة حظكم
المستشفى فى نص البلد ومريضكم يتلحق قبل ما القلب إقيف
والبكسى كرت يتنقز , عضمو نجيض وخالى من التوليف
المنقة بالخلاطة والجوافة بالخلاطة وعصاير التانك شى تقيل و شى خفيف
دى حالكم آلسمحين , دحين بتخبروا حالنا كيف ؟
اللّة لينا
مكيفاتنا نسمة بحر تغشانا فى هجيع ليالى الصيف
و ملاح الويكة بالعصيدة يشتغل من الخريف للخريف
معالم حينا , زرايب البقر , كيمان غنم والنيمة والضل الوريف
وبناتنا سماحة خلقة اللّة لا أحمر شفايف ولا ظل رموش متموج خفيف
اللّة لينا
مريضنا يفطس قبل ما نصل أبوحراز , قول يالطيف
وعصيرنا جغمات موية من نقاع رمال القيف
والبكسى حمار مكادى يقدل بمهل حلاااتو بكسى الريف
لابسخن ولابانزين , كليقة قصب توديهو أربعين كيلو ونيف
اللّة لينا
أنا ود الشرق ولشرق اللّة البارد ريّاد أليف
حلاة النومة فى الحيشان مع الباعوض والقرص المخيف
وسماحة الأكل فى الراكوبة ومناحاة الذباب الكثيف
يا ريت بيت فى مدنى يا بركة سيدى الشريف

الفارس البنفسجي
28-01-2007, 08:27 PM
فكرة جميلة جدا يا الفارس البنفسجي

أخوك أساسا من مارنجان الكمبو إدارة مشروع الجزيرة ولدت ونشأت فيها.. لكن الأهل إنتقلوا الى حي أركويت بالقرب من جامعة الجزيرة منذ عام 1980.
وكلمة
ويسمى ذلك التل بـ (قوز نصرة).
سمعنا تحت تحت بأن القوز مليء بالذهب.. بس أوعه نلقاك بكرة شايل طشت وتنقب بهناك.

تسلم أيها العملاق على الإطراء
وتسلم إيها العملاق على المعلومة
وتسلم أيها العملاق على المشاركة.
ونأمل أيها العملاق فضلاً وليس أمراً أن تمدنا بأهم عشرة معالم في مارنجان.
وسلمت لنا يا غالي

الفارس البنفسجي
28-01-2007, 08:41 PM
واللّة حظكم
الموية باردة وشارع الظلط سيف ................ الخ سماحة الأكل فى الراكوبة ومناحاة الذباب الكثيف
يا ريت بيت فى مدنى يا بركة سيدى الشريف

صدق اللي قال :(العرجاء لي مراحا) شوف ناس المطامير في شنو والحسانية في شنو ؟ ومدني دي من ما عملوا ليها كبري الصين دا هي ماسلمت، هسه نحن نعمل شنو مع الناس الهمها كلو ببسي وبوكسي ) وود المطامير دا دائماً بزكرني بي برنامج دوبيت ومسادير في إذاعة مدني ما عارف ليه.

على العموم نحن أي واحد بجي داخل بيتنا دا بنقول ليهو أتفضل

114
29-01-2007, 03:06 AM
لذيذ يا ود المطامير

شاعر بطانه فذ

114
29-01-2007, 04:21 AM
السلامي

رغم ان اهلي ساكنين في عووضه منذ عام 1991 او 1992 لكن انا في الفترة دي عشت خارج السودان، لذلك لم أعرف عووضه جيداً ، كل قعادي فيها اجازة في السنة او كل سنتنين او احيانا كل 4 سنوات، عشان كده ما بعرف فيها كتير، فكل طفولتي وصباي وشبابي قضيتها في حي 114، ومنها سافرت للسعودية ، فمعرفتي بعووضه الحالية قليلة، معليش خذلتك يا السلامي

مرتضى ساتى
29-01-2007, 08:10 AM
انا عشت فى مدنى السنى وقبة مدنى السنى
واتولدت فى حى البحيريه المنتسب الى ال بحيري
وتربيت فى 114 الكمبو الحى الخاص باهل الموسسه الفرعيه للحفريات ويرجع الاسم لجزء خاص كان يعمل به عمال الموسسه ونحن كنا فى بيوت الادارة المركزيه بيوت الكهرباء
وانتقلت الى مايو 40 والاسم غنى عن التعريف ثورة مايو للاسف الشديد

عزيز عيسى
29-01-2007, 08:16 AM
تسلم أيها العملاق على الإطراء
وتسلم إيها العملاق على المعلومة
وتسلم أيها العملاق على المشاركة.
ونأمل أيها العملاق فضلاً وليس أمراً أن تمدنا بأهم عشرة معالم في مارنجان.
وسلمت لنا يا غالي

حبيبنا الفارس البنفسجي،

من أهم المعالم التي تتميز بها مارنجان وجود محالج القطن..
وتتكون مارنجان من عدة أحياء مثل مارنجان الكمبو.. حلة حسن..
حي الدباسين.. ديم بتول.. ودار أم بلال.
في مارنجان توجد كل قبائل السودان مجتمعة هناك..
لذلك يقال: مارنجان السودان تسعة لغات والعاشرة إبتسامة
هذه المنطقة خرجت رياضيين في كرة القدم من أمثال:
حسن خيرالله لاعب نادي الإتحاد الأسبق.. المرحوم سامي جدو..
محمد محي الدين (الديبة).. عمر النقي.. خلف الله محمد الحسين..
وخضر ودالمنفوخ.. بالإضافة الى المحلل الرياضي المعروف صلاح الحاج بخيت..
وفي مجال الفن صديق سرحان وصديق متولي وعصام عبدالعال

ولك من الود أخلصه

الفارس البنفسجي
29-01-2007, 10:52 PM
تسلم اخ مرتضى ساتي على مرورك ، ومتشكرين يا أخ عزيز على التواصل والتناغم

ارتاحوا البيت بيتكم

ود المطامير
30-01-2007, 12:37 AM
لذيذ يا ود المطامير

شاعر بطانه فذ
تسلم يا الحبيب
عِلا عليك اللّة كلامك دا جد جد .

مرتضى ساتى
30-01-2007, 01:17 AM
انت فعلا فاكهة المنتدي لك الاحترام عزيزى ود المطامير

السلامى
30-01-2007, 01:40 AM
ويقال بأن الأميرة نصرة بنت عدلان سليلة ملوك سنار كانت تملك في مارنجان منزلا.. ولا أدري[/size]
إن كانت مارنجان عووضة أو مارنجان الكمبو.. لكن يوجد بالقرب من مارنجان عووضة تل كبير
مسور بالأسلاك الشائكة من قبل الحكومة منذ فترة طويلة دون معرفة السر في ذلك..
ويسمى ذلك التل بـ (قوز نصرة).
سمعنا تحت تحت بأن القوز مليء بالذهب.. بس أوعه نلقاك بكرة شايل طشت وتنقب بهناك.
فعلا التاريخ يذكر بان الملكة نصرة بنت عدلان كانت فى السوريبة وتمتلك منزلا فى تلك التلة والتى حاليا من ضمن أحياء عووضه ( حى العالى أو مسمى آخر حى عووضه جنوب)
وبالمناسبة الجديدفى تلك المنطقة بان الحفر التى كانت من أهم معالم مدنى شرق حفر الصناعات ردمت الكثير منها واصبح هنالك حى بالكامل داخل تلك المنطقة يعنى أسفل التلة وياعزيزى لو كان هنالك ذهب كما يقال فى الروايات المتداوله لاصبح لتلك الحفر مالك ( ماهى السلبطه الايام دى بقروش)

السلامى
30-01-2007, 01:53 AM
السلامي

رغم ان اهلي ساكنين في عووضه منذ عام 1991 او 1992 لكن انا في الفترة دي عشت خارج السودان، لذلك لم أعرف عووضه جيداً ، كل قعادي فيها اجازة في السنة او كل سنتنين او احيانا كل 4 سنوات، عشان كده ما بعرف فيها كتير، فكل طفولتي وصباي وشبابي قضيتها في حي 114، ومنها سافرت للسعودية ، فمعرفتي بعووضه الحالية قليلة، معليش خذلتك يا السلامي
قبلت الاعتذار ياسيدى
تنقسم عووضه لاحياء وهى( عووضه غرب , عووضه وسط , عووضه شمال , عووضه شرق ,عووضه جنوب ) وكل قسم يمثل حى قائم بذاته ولجنة شعبية منفصله ويجتمعون فى لجنة واحدة يمثلها كل حى بكذا فرد ويوجد بعووضه خمسة أندية رياضية أجتماعية أشهرهم ناديا عووضه أحد اندية الدرجة الاولى والرفاق فى الحى الغربى والرابطة فى الحى الشرقى
كما يوجد فى عووضه ثلاث خطوط مواصلات رئيسية
وتنقسم فى حد ذاتها كما ذكرت سابقا الى فرقان داخل الاحيا ء ولعل أشهرها ( فريق الشايقية , وفريق الجعلييين ,وفريق الدناقلة , وفريق النوبة)
اما عن آخر تعداد سكانى وهو تعداد بداية التسعينيات فكان يقطنها حوالى 150000 نسمه

الفارس البنفسجي
30-01-2007, 05:07 AM
انت فعلا فاكهة المنتدي لك الاحترام عزيزى ود المطامير


عِلا كان طلع فاكهة صحي صحي بكون بطيخ

ود المطامير
30-01-2007, 09:31 AM
انت فعلا فاكهة المنتدي لك الاحترام عزيزى ود المطامير
ولك منى أصدق مشاعر المودة والإلفة والإحترام
يا أغلى عزيز أخى مرتضى
وتسلم لى يارب .

وليد عمر سعيد
30-01-2007, 01:45 PM
والله يا اخوانا راسي اتنحت وانا بفتش في سبب تسميه ودازرق

الا لكن بجيبو بجيبو اصبرو لي بس

الفارس البنفسجي
30-01-2007, 10:24 PM
والله يا اخوانا راسي اتنحت وانا بفتش في سبب تسميه ودازرق

الا لكن بجيبو بجيبو اصبرو لي بس

كدا كويس يا وليد بس انحت راسك شديد .... ودمت لود أزرق وودمدني

ود المطامير
31-01-2007, 04:45 AM
والله يا اخوانا راسي اتنحت وانا بفتش في سبب تسميه ودازرق

الا لكن بجيبو بجيبو اصبرو لي بس
والله حرام عليك يا الحبيب
القعده دى كلها ما جابتو ؟

الفارس البنفسجي
31-01-2007, 09:38 PM
والله حرام عليك يا الحبيب
القعده دى كلها ما جابتو ؟

وليد دا يا ود المطامير شكلو ما حا يقدر يعمل حاجة ، الأيام دي هو مزنووووووووووووووق في الإمتحانات غير كدا هو شغال عميل سري لجهاز أمن المنتدى

كاتم الأحزان
05-02-2007, 11:55 PM
مرحب بيكم جميعا

وصراحة جذبني الموضوع فيهو معلومات جديدة

انا من حي التلفزيون طبعا اسمو كده عشان

مبنى هيئة إذاعة وتلفزين الجزيرة وعلى ما اعتقد معلم بارز

والشي الظريف انو انا شغال في التلفزيون يعني مرتاح

الفارس البنفسجي
06-02-2007, 08:56 PM
تشكر يا كاتم الأحزان .... طلعت ود جيرانا لأني ساكن جنبكم في ودكنان ، وشرفتنا كتير بس لازم تقول لينا اهم المعالم في حي التلفزيون ؟

114
12-02-2007, 08:59 AM
الله يسلمك يا ود المطامير


عِلا عليك اللّة كلامك دا جد جد .

جد ونص، انت قايل نفسك شويه واللا شويه؟ واللا يعني شويه؟

114
12-02-2007, 09:04 AM
ويوجد بعووضه خمسة أندية رياضية أجتماعية أشهرهم ناديا عووضه أحد اندية الدرجة الاولى

شكرا يا السلامي على المعلومات القيمة دي.
أها انا ساكن جنب نادي عووضه ده، بينو وبين بيتنا بلوك واحد، نحن شمالو جهة المواصلات ومحطة السوق، أها بنكون في عووضه ياتا؟ الشمالية يا ربي؟

114
12-02-2007, 09:08 AM
طبعا اسمو كده عشان مبنى هيئة إذاعة وتلفزين الجزيرة

لو شاطر يا كاتم الأحزان اعرف لي محل التلفزيون ده كان شنو زمان؟

الفارس البنفسجي
12-02-2007, 09:08 PM
لو شاطر يا كاتم الأحزان اعرف لي محل التلفزيون ده كان شنو زمان؟

انا غايتو عارف بس بس بي نسبة 90% أتكلم ولا نشوف كاتم الأحزان؟
تسلم يا عملاق على المرور

كاتم الأحزان
12-02-2007, 10:27 PM
اولا التحية ليكم واسف على التأخير

وثانيا محل التلفزين زمان
كان في مقابر

عشان كده في التلفزيون
بتحصل لينا عجائب وغرائب

114
13-02-2007, 09:56 AM
كضباً كاضب يا كاتم الأحزان، المقابر كانت في الجهة التانية للزلط، جهة ود كنان محل مدرسة فريني التجارية الحالية..

يللا دورك ايها الفارس البنفسجي، هات الـ 90%

الفارس البنفسجي
14-02-2007, 05:21 AM
كانت السلخانة بتاعت مدني هناك

وليد عمر سعيد
15-02-2007, 09:59 AM
انا قلت اجي اشوفكم نسيتو الموضوع بتاعنا دااك ؟؟

لسه جاري البحث في كتاب سحارة الكاشف


وكان مالقيتها هناك موعودين مع سحارة عمر سعيد النور

114
17-02-2007, 04:27 AM
كانت السلخانة بتاعت مدني هناك


الفارس البنفسجي

كضباً كاضب
لكن بيني وبينك قرررررررررررررررررررررررربت

يا فكر وقدر، يا أسأل العجائز

الفارس البنفسجي
17-02-2007, 04:45 AM
إذن مكان دباغة الجلود لأني بتذكر في حفر كتيرة زمان ، بس انا بصراحة بين بين إذن لو ما السلخانة اكيد المدبغة القديمة
صح ؟ لو الإجابة غلط قرب لينا امكن نتذكر

سلمت 114

114
17-02-2007, 11:32 AM
إذن مكان دباغة الجلود لأني بتذكر في حفر كتيرة زمان

الفارس البنفسجي المغوار

صاح 100%

برافوووووووووووووووووووووووووووووو

أبو هيثم 2
17-02-2007, 06:23 PM
كان اسمه الدباغة

الفارس البنفسجي
17-02-2007, 08:24 PM
الفارس البنفسجي المغوار
صاح 100%
برافوووووووووووووووووووووووووووووو

تشكر يا 114 على التحفيز والمتابعة والإهتمام وبصراحة لو لا هذه الاشياء لما كانت الإجابة
ونأمل أن يتواصل العطاء والمشاركة في هذا البوست

114
03-03-2007, 10:58 AM
ونأمل أن يتواصل العطاء والمشاركة في هذا البوست

فوق.. فوق .. مدنينا فوق

أحمد عباس عبد الرسول
13-09-2007, 02:37 AM
سلامي واحترامي للجميع

أخوكم أحمد عباس عبد الرسول.
مدرسة ودكنان الابتدائية بنين 1980م - 1985
مدرسة السني الثانوية
مدرسة ود مدني الثانوية
جامعة النيلين - كلية القانون

أعمل حالياً مستشاراً قانونياً بالمجموعة القانونية - دبي، دولة الإمارات العربية.

نشأت بحي القلعة بالدباغة مقابل مدرسة الجيلي صلاح المتوسطة للبنات ومدرسة زروق

أهم المعالم بحي القلعة:

مدرسة زروق ( على حسب علمي أنها أصبحت ثانوي في الوقت الحالي )
مدرسة الجيلي صلاح للبنات (أصبحت داخلية لسكن طلاب جامعة الجزيرة على ما أظن)
مقابر ود مدني
سوق الآخرة ( وسمي بسوق الآخرة لأنه بالقرب من المقابر )
يحد حي القلعة من جهة الشمال حي ود كنان ومن الجنوب حي أزهري ومن الغرب مقابر ود مدني ومن الشرق حي الدباغة شرق ونادي الشعلة

طبعاً ود كنان، العشير، محطة القراش، محطة العالي حي القلعة، حي أزهري، حي فلاتة، حي الكبري (كبري الصين) كلها تسمى بالدباغة. وأجمل أيامي على الإطلاق قضيتها في الدباغة.

خالدعمرحسين
13-09-2007, 04:38 AM
تحياتى الى الأخ ضياء الدين والله فكره البوست ده جميله جدا لكن نحن تطرقنا الى الباب ده فى (أحياء مدنى) أنا مرحب بالفكره مره تانيه ومائه مره مرحب بفكره (معالم الحى) ولك منى التحيه أنا ساكن فى حى العشير لماذا سمى العشير لان وجود شجر العشر حول الحى أى على أطراف النيل وكان زمان الحى مالين بشجر العشر. أما المعالم هى مدرسة العشير الأبتدائية بنات ومدرسه العشير بنين بالقرب من تلفزيون الجزيره وميدان التلفزيون وجامع العشير ونادى المدنيه الرياضى وهو أقدم نادى رياضى فى مدنى تأسس 1925 وزاويه الطريقه الاحمديه البدويه الشيخ (أبوشبكه) وزاويه حاج الصديق فرح وحديقه حى العشير العائليه وفرن المصرى ويحد الحى من الامام مدرسه فرينى وشارع الدباغه وشارع السوق الشعبى والصيدليه الشعبيه(ودكنان) والجهة اليسرى أفران الخبز على تقاطع ابوجبل والمركز الصحى على تقاطع ابو جبل ثم ضريح أبو الشيخ محمد السنى ومن جهه الخلف ضريح الشيخ أبوشبكه والشيخ أبودوايه وجامع الدندراويه وضريح الشيخ سعدابى محطه القبه محطه كبرى حجه عشه محطه أبوجبل محطه القراش بها تكون فى العشير ده المعالم على العشير ولكم منى التحيه والتقديررررررررررررررررررررررررررررررررررررررررررر رررررر.

hamad2
13-09-2007, 04:52 AM
1-كل عام وانتم بخير
اخوكم
احمدعبدالقيوم يوسف حمدتو
مايو 40 محطة الطاحونة
والاسم جاي من ثورة مايو
والمعالم
جامع ابو سنون القديم
نادي النصر
نادي النهضة
نادي نجوم مايو

الامين
13-09-2007, 05:56 AM
اول حاجة رمضان كريم ...
يعود عليكم وعلينا بالخير ... واليمن والبركات .. وتقبل الله منا ومنكم

تاني حاجة :)

واحد يقول لي .. في اكتر من حي الدرجة الاولى ( شمولاً لاكثر الاماكن اهمية على الاطلاق) ;)

1- مدرسة مدني الثانوية بنين .
2- مدرسة مدني الثانوية بنات .
3- جامعة الجزيرة - الاعدادية - كليات الطب والزراعة والحاسب الالي .
4- برج الجزيرة .

:rolleyes:

كل سنة وانتو طيبين ...

وكل الحب لكل بقعة جميلة من مدينتنا الحبيبة مدني ....

الفارس البنفسجي
13-09-2007, 09:30 AM
يحد حي القلعة من جهة الشمال حي ود كنان ومن الجنوب حي أزهري

مرحباً بك اخي احمد عباس
والتحية لك وانت تنسج معنا خيوط هذا التأصيل
والتوثيق لسيدة المدائن ولك الشكر الجزيل على
هذا الإضافة.
تخريمة : حي القلعة يحده من الشمال حي ديم
ازهري ومن الجنوب حي ودكنان ومن الغرب مقابر ودمدني وحي الأندلس

ولا عدمناك وفي انتظار ان تضيف الجديد لحي القلعة
على يديك.

الفارس البنفسجي
13-09-2007, 09:41 AM
تحياتى الى الأخ ضياء الدين والله فكره البوست ده جميله جدا لكن نحن تطرقنا الى الباب ده فى (أحياء مدنى) أنا مرحب بالفكره مره تانيه ومائه مره مرحب بفكره (معالم الحى) ولك منى التحيه أنا ساكن فى حى العشير لماذا سمى العشير لان وجود شجر العشر حول الحى أى على أطراف النيل وكان زمان الحى مالين بشجر العشر. أما المعالم هى مدرسة العشير الأبتدائية بنات ومدرسه العشير بنين بالقرب من تلفزيون الجزيره وميدان التلفزيون وجامع العشير ونادى المدنيه الرياضى وهو أقدم نادى رياضى فى مدنى تأسس 1925 وزاويه الطريقه الاحمديه البدويه الشيخ (أبوشبكه) وزاويه حاج الصديق فرح وحديقه حى العشير العائليه وفرن المصرى ويحد الحى من الامام مدرسه فرينى وشارع الدباغه وشارع السوق الشعبى والصيدليه الشعبيه(ودكنان) والجهة اليسرى أفران الخبز على تقاطع ابوجبل والمركز الصحى على تقاطع ابو جبل ثم ضريح أبو الشيخ محمد السنى ومن جهه الخلف ضريح الشيخ أبوشبكه والشيخ أبودوايه وجامع الدندراويه وضريح الشيخ سعدابى محطه القبه محطه كبرى حجه عشه محطه أبوجبل محطه القراش بها تكون فى العشير ده المعالم على العشير ولكم منى التحيه والتقديررررررررررررررررررررررررررررررررررررررررررر رررررر.

الدكتور العزيز خالد
لك الود وتحية بطعم القرنفل
حي العشير كما لا يخفى على أي حد من الأحياء العريقة بودمدني وتميز هذا الحي بترابط أبنائه الواضح وظل محتفظاً بهذا حتى الآن ونحن نشكرك جداً اخي الدكتور خالد على هذه الإضافة ونأمل ان يزدان بك هذا البوست كل ما سنحت لك فرصة.
ولك الود مرة اخرى

الفارس البنفسجي
13-09-2007, 10:11 AM
1- مدرسة مدني الثانوية بنين .
2- مدرسة مدني الثانوية بنات .
3- جامعة الجزيرة - الاعدادية - كليات الطب والزراعة والحاسب الالي .
4- برج الجزيرة .



وتقبل الله منكم إن شاء الله صالح الاعمال
والتقدير لمروركم علينا وأثراء هذا البوست
وأسمح لي أن أضيف لمعالم حي الدرجة
مركز التدريب المهني بأعتباره من أعرق مراكز التدريب بمدينة ودمدني
سوق الدرجة القديم
مركز سباق الخيل
مدرسة ابو سنون التجارية للبنين
مستشفى المعلم
مدرسة العربية (سابقاً) والشهيد الدكتور مصطفى حالياً
مدرسة الجزيرة ابوبكر (سابقاً) وكلية ابوبكر الجامعية حالياً
كلية ودمدني الأهلية
مدرسة شقدي المتوسطة بنين
مدرسة الهوارة الثانوية

طلال الصول
14-09-2007, 02:15 AM
كنت اتمنى اشارك بسرد معالم الحي بتاعنا
لكن لكثرة الترحال برا وجوا معرفتي بالمعالم ضعيفة
لأنو سكنت السوريبة وجزيرة الفيل واركويت وحي الموظفين وكمان كم سنة برا البلد ومني تحيه لكل مدني واهل مدني وكل احياء مدني ولك التواصل اخي ضياءالدين

((أبــوعاذر))
14-09-2007, 06:33 AM
حي مايو 40 وانشأت في تورة مايو1969م والتي كان قائدها الرائد جعفر محمد نميري
اهم الاماكن فيها مسجد ابوسنون القديم
مخبز غيلان
ومخبز الدي

حافظ الليبى
14-09-2007, 10:19 AM
يا شباب ود ازرق او القسم الاول المزاد اوجزيرةالفيل كلها مدني الرايعه فهل بعد هذه الروعه احياء مع تحيات دهنون
هسى يا دهنون جزيرة الفيل لقيتا مكتوبه فوق ؟؟هههههههههههه
على العموم لك كل الشكر حبيبنا الفارس البنفسجى على هذا التعارف الراقى
انا من مواليد جزيرة الفيل؟؟؟؟؟ حى المحس شمال ؟؟؟ فريق الحلفاء

رامى طلبه
15-09-2007, 09:01 PM
عندي فكرة الكل بستفيد منها تكمن الفكرة في أنو كل واحد ساكن في الحي يقول لينا دلالات أما معنى أو معاني اسم الحي اللي هو ساكن فيهو وياريت لو أضاف لينا بعض المعلومات عن الحي دا عشان الفائدة تعم (تتضمن أهم عشرة معالم في الحي) وحا أبدأ ليكم بي نفسي
أنا ساكن في حي ودكنان وسمي حي ودكنان بهذا الإسم نسبة إلى الشيخ ودكنان المدفون في حي ودكنان وهو حفيد الشيخ ودمدني السني وقبتو موجودة لحد الآن في ودكنان وتعتبر مزار لي كثير من المحبين يوم السبت من كل أسبوع ... يعني لو جيت يوم السبت تلقى ناس كتيرين من أهل مدني وخاصة أهل الكريبة لأنو الشيخ ودكنان دا جدهم
من أهم المعالم بحي ودكنان :
1) مدرسة فريني الثانوية للبنين والبنات سابقاً
2) قبة الشيخ ودكنان.
3) ضريح الفكي سورج
4) مدرسة ودكنان الإبتدئية بنين وبنات.
5) جامع حسين عوض
6) جامع وزاوية الشيخ عبد المحمود محمد سرور (الطريقة السمانية).
7) زاوية الشيخ سيف الدين محمد عبد الله (الطريقة الأحمدية).
8) زاوية الشيخ يسن (الطريقة الأحمدية)
9) مركز شباب حي ودكنان.
10) المشغل النسائي للتطريز والحياكة.

مع تحياتي

سلام يا ود جيرانا الاخ المبدع الفارس البنفسجى ولا نقول ضياء .. طبعا نحن خلاص رسخت فى ازهاننا الفارس .. وقبل كده يا ضياء سالتك من سر تسميه الفارس البنفسجى زوغت منى .. وحسه فى واحد سالك برضو زوغت ... وحا ابقى ليك فى حلقك لغايه ما تكلمنا ... حا تزوغ لمتين ...تحياتى لبنت جيراني مدنيه .. وسلام

الزبير محمد عبدالفضيل
15-09-2007, 09:18 PM
السكن دوران بانت جوار زاوية الختميه يعني بانت غرب

ولماذا سميت بانت عند توزيع الاراضي كان يحكي لنا الوالد رحمة الله عليه قال كان ضابط

المجلس البلدي كانوا ينظروا الي الاراضي الفاضيه من بعيد وبانت كانت كلها حواشات واراضي زراعيه وتمتد الي الابحاث الزراعيه بجانب السكة القطار وعندما حضر ضابط

المجلس البلدي والمساحيين قال لهم ديككككككككككك بانت يعني هذه اراضي باينه فاضيه

وتم توزيعها للمواطنيين

طبعا مكان الميلاد في حي المدنييين بجانب جيرانا ناس ود الرملي و شيخ مجدوب وناس علي سابك وطبعا أنتقلنا الي

دوران بانت

ومن معالم الحي : مدرسة أبوزيد احمد الثانويه و مدرسة القسم الثاني وزاوية الختميه

ومحطة الدكتور مصطفي الشهيد للمياه تم تشيدها من الشيخ السر خال العال رحمه الله

وبجانبنا الطريق الرئيسي الي السوق الشعبي والي طريق مدني الخرطوم


ومن الجيران وهم : منزل العم عوض الصوفي ومنزل العم الشيخ حامد الامين المأذون

ومنزل العم أحمد شق الناله ومنزل العم يس العوض ومنزل العم التوم أبراهيم رمضان

ومنزل العم السر خال العيال ومنزل العم أدريس عبدالفضيل ومنزل الوالد محمدعبدالفضيل

ومنزل عبدالله الحسن ومنزل العم عبدالله شاني

هذا كله ما في ذاكرتي ولك الود أخي ضياء الدين علي فكرة هذا البوست الجميل الذي

يحمل رائحة أحياء مدني الجميله والشكر لك

منتهى
15-09-2007, 10:37 PM
يا اخى ضياء الدين يعنى المشترك فى المنتدى وما من مدنى ما اكتب معاكم يعنى
ما من مدنى بس قريب منها

الامين
16-09-2007, 03:10 AM
وتقبل الله منكم إن شاء الله صالح الاعمال
والتقدير لمروركم علينا وأثراء هذا البوست
وأسمح لي أن أضيف لمعالم حي الدرجة
مركز التدريب المهني بأعتباره من أعرق مراكز التدريب بمدينة ودمدني
سوق الدرجة القديم
مركز سباق الخيل
مدرسة ابو سنون التجارية للبنين
مستشفى المعلم
مدرسة العربية (سابقاً) والشهيد الدكتور مصطفى حالياً
مدرسة الجزيرة ابوبكر (سابقاً) وكلية ابوبكر الجامعية حالياً
كلية ودمدني الأهلية
مدرسة شقدي المتوسطة بنين
مدرسة الهوارة الثانوية


تسلم العزيز ضياء ..

ومدني اجمل منها مافي ... حنينة

الفارس البنفسجي
16-09-2007, 10:13 AM
كنت اتمنى اشارك بسرد معالم الحي بتاعنا
لكن لكثرة الترحال برا وجوا معرفتي بالمعالم ضعيفة
لأنو سكنت السوريبة وجزيرة الفيل واركويت وحي الموظفين وكمان كم سنة برا البلد ومني تحيه لكل مدني واهل مدني وكل احياء مدني ولك التواصل اخي ضياءالدين


تتعدد الأحياء وسيدة المدائن واحدة متحدة
اقطف لنا من اي البساتين تشاء فكلها جنان سيدة الحضر

دمت قنديلاً من عطاء

الفارس البنفسجي
16-09-2007, 10:24 AM
سلام يا ود جيرانا الاخ المبدع الفارس البنفسجى ولا نقول ضياء .. طبعا نحن خلاص رسخت فى ازهاننا الفارس .. وقبل كده يا ضياء سالتك من سر تسميه الفارس البنفسجى زوغت منى .. وحسه فى واحد سالك برضو زوغت ... وحا ابقى ليك فى حلقك لغايه ما تكلمنا ... حا تزوغ لمتين ...تحياتى لبنت جيراني مدنيه .. وسلام


شكراً لك اخي رامي
وشكراً على الثناء والإطراء
بالنسبة لي سر التسمية انا قلت
ليك لكن اظنك نسيت ، كدي راجع نفسك
وبمشي وبجيك
وحتى ذلك الحين اسأل الله ان يجعلك من عتقاء هذا الشهر الكريم

بابكر
16-09-2007, 10:31 AM
والساكن فى جبرونا
ودردق رأيكم شنو فى الاسماء دى؟؟؟

الفارس البنفسجي
16-09-2007, 11:08 AM
السكن دوران بانت جوار زاوية الختميه يعني بانت غرب
ولماذا سميت بانت عند توزيع الاراضي كان يحكي لنا الوالد رحمة الله عليه قال كان ضابط
المجلس البلدي كانوا ينظروا الي الاراضي الفاضيه من بعيد وبانت كانت كلها حواشات واراضي زراعيه وتمتد الي الابحاث الزراعيه بجانب السكة القطار وعندما حضر ضابط
المجلس البلدي والمساحيين قال لهم ديككككككككككك بانت يعني هذه اراضي باينه فاضيه
وتم توزيعها للمواطنيين
طبعا مكان الميلاد في حي المدنييين بجانب جيرانا ناس ود الرملي و شيخ مجدوب وناس علي سابك وطبعا أنتقلنا الي
دوران بانت
ومن معالم الحي : مدرسة أبوزيد احمد الثانويه و مدرسة القسم الثاني وزاوية الختميه
ومحطة الدكتور مصطفي الشهيد للمياه تم تشيدها من الشيخ السر خال العال رحمه الله
وبجانبنا الطريق الرئيسي الي السوق الشعبي والي طريق مدني الخرطوم
ومن الجيران وهم : منزل العم عوض الصوفي ومنزل العم الشيخ حامد الامين المأذون
ومنزل العم أحمد شق الناله ومنزل العم يس العوض ومنزل العم التوم أبراهيم رمضان
ومنزل العم السر خال العيال ومنزل العم أدريس عبدالفضيل ومنزل الوالد محمدعبدالفضيل
ومنزل عبدالله الحسن ومنزل العم عبدالله شاني
هذا كله ما في ذاكرتي ولك الود أخي ضياء الدين علي فكرة هذا البوست الجميل الذي
يحمل رائحة أحياء مدني الجميله والشكر لك

كفيت واوفيت وذكرت قامات ورموز من اهل المدينة وهم نعم الرجال ولا أنسى أبداً وجه ذلك الرجل المحسن المعطاء العم عبد الله شاني ، فقد قابلت الرجل في العديد من المناسبات التي تهم انسان مدني ودائما ًتجده في المقدمة.
لك التحية اخي الزبير

الفارس البنفسجي
16-09-2007, 11:10 AM
يا اخى مرتضى يعنى المشترك فى المنتدى وما من مدنى ما اكتب معاكم يعنى
ما من مدنى بس قريب منها


طالما انك داخل هذا المنتدى فإنت منها وإليها والجميع هنا أحبة يحملون نفس اللون والهوية ونفس الرائحة .
واسمحي لي ان ارحب بك هنا ايضاً لكونك مدناوية

مجدى سنجر
17-09-2007, 01:50 PM
انا مولود حى ود أزرق واحيانا يسمى القسم الثانى جنوب حسب التسميات الرسمية.
واهم المعالم السابقة دكان جليلة
عمر الشوبلى
مدرسة ابوزيد الابتدائية
جامع ابوزيد
المدرسة الصناعية
مخزن السكر
ميدان السلك
نادى الرابطة السابق
حى السناهير.
والان اسكن الحى البريطانى وسمية بذلك الاسم حيث كان يسكنه الانجليز ايام الاستعمار واهم معالمه
قضر الضيافة
بيت بوكاسا
محطة الموية
وزارة المالية
وزارة الرى
البيوت الخاصة فى ذلك الحى تم بيع الاراضى بها بالمزاد العلنى فى 1956 ثم عام 1959م وهى عبارة عن 18 منزل فقط

الفارس البنفسجي
18-09-2007, 01:37 PM
والساكن فى جبرونا
ودردق رأيكم شنو فى الاسماء دى؟؟؟


مالهم؟ ناس جبرونا ودردق ديل احلى ناس
بس انت ابقى داخل لي جوة وادينا من اللي عندك
اها نحن في رجاك

الفارس البنفسجي
18-09-2007, 01:40 PM
انا مولود حى ود أزرق واحيانا يسمى القسم الثانى جنوب حسب التسميات الرسمية.
واهم المعالم السابقة دكان جليلة
عمر الشوبلى
مدرسة ابوزيد الابتدائية
جامع ابوزيد
المدرسة الصناعية
مخزن السكر
ميدان السلك
نادى الرابطة السابق
حى السناهير.
والان اسكن الحى البريطانى وسمية بذلك الاسم حيث كان يسكنه الانجليز ايام الاستعمار واهم معالمه
قضر الضيافة
بيت بوكاسا
محطة الموية
وزارة المالية
وزارة الرى
البيوت الخاصة فى ذلك الحى تم بيع الاراضى بها بالمزاد العلنى فى 1956 ثم عام 1959م وهى عبارة عن 18 منزل فقط

لك التحية على مروركم في هذا البوست
ولمعلوماتك الثرية ومعلومة الحي البريطاني

هل من مزيد؟؟

مجدى سنجر
23-09-2007, 02:35 AM
أخونا ضياء
رمضان كريم، ونشكرك على ردودك الفنانه.
احب ان اذكر اسماء أصحاب البيوت بالحى البريطانى الاحياء منهم والاموات (لهم الرحمة والمغفرة). بالطبع أقصد المنازل الخاصة:
الدكتور عبد الرحيم أبوعيسى
عبد الرحيم عيسى وتحول الى الحاج محمود ابو عيسى
ميرغنى الامين الحاج وتحول الى فتح الحمن البشير ثم الى عبد الباسط احمد ابوزيد
شركة السجاير وتحول الى ابراهيم الخواض
شركة السجاير وتحول الى بابكر الخواض
عمر ابوبكر وتحول الى فيصل بلة
عثمان ابوبكر وتحول الى عبد الستار يسن
عبد الرحمن محمد يوسف ( والد بروفسير عصام البوشى
الريح ابراهيم الريح
ميرغنى حسن التوم (سنجر) (منزلين)
عبد الرحيم محمود (منزلين)
عبد الله امام وتحول للهيئة القضائية
توفيق خليفة (منزلين)
د. محمد فراج
د. عوض محمد أحمد (القون) (منزلين)
عباس البوشى
محمد أحمد الزبير (ود الزبير) (منزلين)
محمد أبوبكر رجب
محمود جادين
محمود خليفة (منزلين)
د. عبد الحافظ أبو يوسف ثم تحول الى نور الدين حسن عوض
اتنمى ان تكون معلوماتى صحيحية
ولكم الود

الفارس البنفسجي
26-09-2007, 12:03 AM
الاخ مجدي
اوفيت وكفيتش

ولك الرضاء ... والعتق من النار ببركة هذا الشهر المبارك

عمر معتصم
03-10-2007, 11:18 AM
شكرا لك الاخ ضياء الدين علي هذه الفكره الجميله لكي نتعرف علي اهم معالم احياء مدني
وانا ساكن القسم الاول من الاحياء الجميله يتميز القسم الاول انه سكانه معظمه اهل ومتطرابطين
اما اهم المعالم في حي القسم الاول
الشانزليزية * مدرسة البندر الابتدائية بنبن* مسجد البوشي* نادي النيل * نادي النجوم * مركز شباب ودمدني* مسجد الفتح * قسم شرطه مدني وسط* المحافظة* مقر حزب الامة

عمر معتصم
03-10-2007, 11:24 AM
شكرا مره ثانيه شباب علي المرور

ابو صفاء
12-10-2007, 12:20 AM
من مواليد حي الدرجة
من اسم الحي ليس له اصل تاريخي يعرف معنى الاسم من مدلوله :
كما هو معلوم هو حي المدارس ويمكن ان يقال حي الجامعات وذلك يا داخله او تطل عليه اغلب الجامعات والكليات . وتوجد به بعض المؤسسات الحكومية
يفتخر اهله بأن حي الدرجة من الاحياء النادرة في السودان والتي يتسنى لساكنه ان يدرس من الروضة حتى الجامعة دون ان يركب مواصلات
بل بعضهم يفطر في بيته
تم تخطيط وسلفتة الشوارع قبل ان يسكن فيه لترغيب الناس فيه لانها ارض زراعية
يوجد به عدد كبير من موظقي مشروع الجزيرة وهذا يدل على انهم من اوائل الناس الذين اشتروا الاراضي فيه
وهو حي متميز به جميع الطبقات
اتمنى ان تزويدونا علما

boss.26
12-10-2007, 07:49 PM
طيب يا حلوين ..

معاكم الفاضل فرح مبارك ..


ساكن حي عووضه .. وقريييييب من النادي بتاع عووضه ..

حاليا معيد في الرياض :( .. للأسف ..

بس راجع بعد العيد ..

طالب بجامعة سنار ..












تخريمه : ممكن تورونا جبرونا دي سبب تسميتها شنو ؟؟ وجبرو منو بالضبط ؟؟ :D

moh_alnour
14-10-2007, 04:18 PM
محمد النور الجاك النور
جزيرة الفيل الأصالة والعراقة

سميت جزيرة الفيل وذلك لأنها شبه جزيرة وقد كانت غابة تسكنها الأفيال ( وقد ورد في كتاب طبقات ود ضيف أن مدينة ود مدني كانت عبارة عن غابة تسكنها الحيوانات ومنها فيل جزيرة الفيل ) وهناك رواية أخرى تقول أن فيل أسم لشخص ينتمي إلى قبيلة العنج أو الهمج ، ورواية ثالثة تقول أن أحد سكان الجزيرة أحضر فيل للعمل بالساقية بدلاً عن التور ، ولكن الرواية الأولى هي الأقرب للصواب .

أهم المعالم :
* غابة أم بارونة شمالاً .
* نادي جزيرة الفيل الرياضي وهو أحد أندية الممتاز .
* نادي الأسماعيلي وهو أجمل وأروع نادي لفريق بدرجة الناشئين والروابط سابقاً ( الأن هو أحد أندية الدرجة الثالثة ) .
* نادي جيفارا صاحب الأنجازات الكبيرة على مستوى المدينة من بين أندية الروابط والناشئين سابقاً ( الأن هو أحد أندية الدرجة الثانية )
* جنائن جزيرة الفيل وهي التي تغذي سوق المدينة بالخضروات والفواكه وقد كانت سابقاً المكان الذي يفد إليه العرسان من كافة أحياء المدينة ( عريسنا سار البحر يا عديلة وقطع جرايد النخل ) كما كانت مكان للرحلات لسكان المدينة .
* مدرسة جزيرة الفيل الأبتدائية والتي تأسست في العام 1937م والتي يفد لها جميع سكان الحي الشرقي حيث كانت المدرسة الوحيدة في ذلك الوقت .
* مسجد الأنصار وهو المسجد الوحيد لطائفة الأنصار بمدني ( وبمناسبة مسجد الأنصار فإن السيد عبد الرحمن المهدي ( أبو السودان ) أبن الأمام المهدي تربى في جزيرة الفيل بعد أحداث الشكابة الشهيرة ومقتل جميع أخوانه ، وقد قال قولته الشهيرة في المرحوم الرمز - محمد طه شقدي - ( أبونا وكت الناس أبونا ) حيث أبونا الأولى أسم وأبونا الثانية فعل .
* مسجد الختمية والذي يعتبر أشهر مسجد لصلاة التراويح بمدني حيث يفد له الكثيرين من سكان الحي الشرقي وذلك للصلاة خلف الأمام محمد أحمد عووضة .

هاشم عمر
14-10-2007, 05:55 PM
هووووووووووووي يا ناس مدني نحن معاكم حيث انتم عاصمتنا الوراقه و لي الاعتزاز بتلك المدينه الرايعه .
محافظة الكاملين
قرية البشاقره غرب .
و الان خارج ارض وطننا الحبييب 0للاسف الشديد .....................

اسامة الباهى
15-11-2007, 01:51 AM
حى مارنجان عووضة حى عريق من الخمسينات يقال ان اول شخص سكن هدا الحى كان اسمو عووضة وهو شيخ الحلة زمان .. حى عووضة يمتد ويحده شمالاً حى حبيب الله وجنوبا مارنجان الصناعات وشرقا حى المنيرة وغربا النيل الأزرق يسكن فى حى عووضة مجموعة من القبائيل اكثرهم قبائل الشايقية والبديرية والجعلية وبعض النوبة على النواحى الشرقية .. يتميز حى عووضة باجتماعياته الفدة فى كل المناسبات افراح اكراه وترابط اخوى فريد .... كما هنالك مساجد عريقة ومشهورة فى الحى هى جامع عووضة بمحطة الجامع ومسجد الشهيد الريس بالحى الشرقى وجامع الحى الغربى ومججموعة من المصليات .. كما بها نادى الشاطئ العريق والمعروف الرياضى ونادى الرابطة عووضة .. التحية لرواده ...
ونواصل .......


اسامة الباهى
مارنجان عووضة

تكنو --- عووضة

تاتاي
07-12-2007, 10:54 PM
منطقة مارنجان حلة حسن سميت بمارنجان لأن المنطقة كانت معبراً للجان وهى (مارًا جان) من ممر الجان وكان الشيخ حسن ود حيسونه يمر من هذه المنطقة وقيل انه كان يسمع همهمات الجن أثناء مروره وله شجرة كانت استراحة له وهى موجودة للأن فانطلقت التسمية ماراًجان وحلة حسن نسبةً للشجرة التى كانت استراحة للشيخ

الفارس البنفسجي
12-12-2007, 11:00 PM
شكرا لك الاخ ضياء الدين علي هذه الفكرة الجميلة لكي نتعرف علي اهم معالم احياء مدني
وانا ساكن القسم الاول من الاحياء الجميله يتميز القسم الاول انه سكانه معظمه اهل ومتطرابطين
اما اهم المعالم في حي القسم الاول
الشانزليزية * مدرسة البندر الابتدائية بنبن* مسجد البوشي* نادي النيل * نادي النجوم * مركز شباب ودمدني* مسجد الفتح * قسم شرطه مدني وسط* المحافظة* مقر حزب الامة

كما يميز هذا الحي عراقته وأقدميته ورقي أهله ولعل هذا سبب الترابط الذي تحدثت عنه اخي عمر ، ولي سؤال هل هناك فرق بين فريق البحيرية والقسم الأول أم أن الأول جزء من الثاني؟ وياريت برضو لو حدثتنا عن الحدود الجفرافية للحي.

شكراً للمداخلة وهذا الاثراء

الفارس البنفسجي
12-12-2007, 11:20 PM
من مواليد حي الدرجة
من اسم الحي ليس له اصل تاريخي يعرف معنى الاسم من مدلوله :
كما هو معلوم هو حي المدارس ويمكن ان يقال حي الجامعات وذلك يا داخله او تطل عليه اغلب الجامعات والكليات . وتوجد به بعض المؤسسات الحكومية
يفتخر اهله بأن حي الدرجة من الاحياء النادرة في السودان والتي يتسنى لساكنه ان يدرس من الروضة حتى الجامعة دون ان يركب مواصلات
بل بعضهم يفطر في بيته
تم تخطيط وسلفتة الشوارع قبل ان يسكن فيه لترغيب الناس فيه لانها ارض زراعية
يوجد به عدد كبير من موظقي مشروع الجزيرة وهذا يدل على انهم من اوائل الناس الذين اشتروا الاراضي فيه
وهو حي متميز به جميع الطبقات
اتمنى ان تزويدونا علما

الأنيق ابوصفاء
لك الجمال وانت تزايد على إثراء هذه الواحة الخضراء
لا عدمناك توقد لنا الشموع

paradaies
28-12-2007, 10:41 AM
اخونا الحبيب الفارس البنفسجى
لك التحية , وكل عام وانتم بخير
تطور البوست من احياء ودمدنى ,الى انت ساكن وين.
وعندى اقتراح بسيط مع الاقمار الصناعية والقوقل ايرث دخلوا لينا ستلايت موقع مدنى
فى البوست عشان اوريكم بيتنا وحينا وين.

مثال:ودمتم
http://www.upload2world.com/pic63/uplo[url=http://www.upload2world.com][img]ad2world_5d5b8.jpg (http://www.upload2world.com)

امير الليل
28-12-2007, 11:07 AM
ماشاء الله الظاهر كلكم من مدنى

اخوكم :متوكل محمد :من شمال كردفان من قريه اسمها(سودرى)
لكن للاسف متربى ومقيم فى الجماهريه اليبيه

paradaies
29-12-2007, 09:41 AM
www.sud4up.com][img]http://www.sud4up.com/uploads/eb2dfa8d0e.jpg

paradaies
29-12-2007, 10:25 AM
حبيبنا الفارس البنفسجى
لك التحية , حاولت مرتين انزال صورة القوقل ايرث ولم افلح فيه.!!!!!
محاولة اخيرة , واتمنى المشاركة من اخوانا المتخصصين فى هذا المجال .
http://www.sud4up.com/download.php?filename=eb2dfa8d0e.jpg

nehroo
31-12-2007, 06:55 AM
http://www.wikimapia.org/#lat=14.400598&lon=33.532076&z=14&l=0&m=a&v=2

paradaies
01-01-2008, 08:53 AM
تحياتى لك يانهرو
عملتها كيف !!!! كمل جميلك وخليها ايقونة ثابتة فى الصفحة الرئيسية.
واتمنى مشاركة الجميع .
واتحدى البنات عشان تقل البورة,!! ويه عرفنا بيتكم.
واتمنى من ادارة المنتدى المحترمين ان يكون موقع ستلايت ودمدنى ايقونة ثابتة
فى الصفحة الرئيسية.
ودمتم,
حاولت مرتين انزال صورة القوقل ايرث ولم افلح فيه.!!!!!
محاولة اخيرة , واتمنى المشاركة من اخوانا المتخصصين فى هذا المجال .
http://www.sud4up.com/download.php?f...eb2dfa8d0e.jpg
وقد افلح اخونا نهرو الله يديه العافية
ودمتم,,,,

http://www.wikimapia.org/#lat=14.400...14&l=0&m=a&v=2

حافظ قناوي
03-01-2008, 12:55 PM
أستاذنا ضياء
أولاً فكرتك جميلة جداً جداً ، وعلى فكرة ربما تكون ود جيرانا لو حسبناها كدا لأننا كنا ساكنين بحي الدباغة جيرانا لاعب نادي الأهلي الرياضي أحمد حامد وقصادنا كان نادي الشعلة القديم لو بتذكره قبل الموجود حالياً ، وبعد ذلك رحنا حي المدنيين جيران ناس حسن دوليب وبعدها انتقلنا الى حي البان بالقرب من مدرسة المؤتمر الثانوية بنين وحالياً بحي أركويت ( اللقد ) سابقاً شارع عووضه بالقرب من جامع الخبير.

حافظ دفع الله اسماعيل
لك تحياتي وأشواقي

سلطان حسين
30-01-2008, 10:13 AM
اعتقد والله اعلم ان ود ازرق هو شيخ من اوائل سكان المنطقه ومدفون فيها ويمكنكم التاكد من الاستاذ عمر سعيد فهو علم من اعلام ود ازرق

الزبير محمد عبدالفضيل
30-01-2008, 07:54 PM
مكان الميلاد حي المدنيين وبجانب ناس ودالرملي ومجدوب يعني وسط فريق (الالمان)

ثم أنتقلنا الي حي دوران بانت وسمي بانت عشان كان المكان حواشات وبلدات والحكومه

في بداية التقسيم كانت تقوووول ديكككك باااااااااانت وسمية بحي بانت والدوارن عشان وجود

صينيه كبيره وسمية دوران بانت بجانب زاوية الختميه

مرتضى محمد الحسن
31-01-2008, 01:06 AM
نشكر لك هذه الفكرة التوثيقية الرائعة والتى تعمق من المعرفة باحياء مدنى.
انا من سكان مارنجان حلة حسن "مارنجان السودان - تسعة لغات - والعاشرة ابتسامة - ثلاثة شوارع زلط - كفر ووتر.
من هذا الشعار المرفوع قد يتضح للقارئى ماهية مارنجان حلة حسن .
سميت بمارنجان حلة حسن نسبة للشيخ حسن ودالبصير ويقال انة كان من اول ساكنيها واصلا هذة المنطقة كانت مسكونة بالجن "مر جان" وبحضور الشريف الهندى تم طرد الجان من المنطة المحازية للنيل وسكن فيه الشيخ حسن الجعلى والله اعلم.
اما عن سكان مارنجان حلة حسن فهى مزيج من جميع قبائل السودان لذا ترى فيها سودان مصغر.
اما شياخة الحلة الان باسم الطيب محمد على "بريمو" بحى الجعليين الذى يقع بوسط حلة حسن وهو اقدم حى باحياء مارنجان نسبة لمؤسس مارنجان حلة حسن ويوجد بة احفاد الشيخ حسن "والحديث يطول عن سيرة الشيخ حسن"
اما عن المعالم فهى كثيرة جدا نذكر منها:---
1 - محالج مارنجان حلة حسن
2 - المنطقة الصناعية بمارنجان حلة حسن
3 - حدائق وجناين مارنجان
4 - سوق مارنجان حلة حسن
** اما عن اعلام مارنجان:-
* مجال السياسة:
* ابراهيم شمس الدين
* مساعد عبدالخالق
* مبارك محجوب
*ابوسفيان عثمان بابكر
والقائمة طويلة والمعذرة.
*مجال الفن والكورة: الباقر عبد الواحد
محى الدين الديبة
عصام غانا
انور ساتى
كرنقو
محمد ادم
نورالدائم الخضر
عاطف شابورة
قادر بى
بابكر"حى الثورة"
علام
خلف الله
ميرغنى ودالشيخ
عمر قرفة
فاروق الديبة
عمر النقى
***الفن :
صديق سرحان
بلال موسى
محمد زمراوى
هشام مرحوم
محمد بخيت
هذه الاسماء مجرد امثلة من مبدعى مارنجان حلة حسن.
والحديث يطول عن مارنجان حلة حسن .
كرنقو

منى سيد علوب
31-01-2008, 04:57 AM
اخي الزبير محمد عبدالفضيل انا انتمي لنفس المنطقه والوصف وانا اخيرا اتاكدته من شخصك كيف حالك وحال الاهل ...اختك منى سيد علوب

عبدالله الملك
02-02-2008, 09:44 AM
انا متربي في المدنييين جمب مدرسة الكوره و المظله و طاحونه الدي يا سلااااااااام ايام يا حي المدنيين و المولد و كان حي عامر جدا تحياتي للشباب كلهم ........ .

ABUELGASIM
14-03-2011, 09:05 AM
ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ . ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ....... ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ .ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ . ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ .ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ (ï؟½ï؟½ï؟½ï؟½ï؟½ï؟½) ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ .ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ . ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ .

ABUELGASIM
14-03-2011, 09:19 AM
انا ساكن عووضة وعووضة هو اسم لقبيلة العووضاب وهم السكان الاصلين لهذا الحى وانا اعرف اشخاص جدهم الرابع والخامس هو عووضة فيعنى انه عووضة هو اسم لشخص مكون اول لهذا الحى .بس زمان كان اسمها مارنجان عووضة . وانا ساكن عووضة غرب وبيتنا يعتبر اول او تانى بيت اسس الحى الغربى .وما عايزين تنظير . لانه فى واحد قال عايز ارسل رسالة خاصة عن سر التسمية وانا عافو عيز اقول شنو؟؟؟؟؟ المهم اى سؤال او اى موضوع متعلق بعووضة ارجعو لى فيه.

ابو السارة
18-03-2011, 06:03 AM
قكرة جميلة جدا. حدا للتوثيق والتعارف أكثر ذى ماحصل مع بعض الأخوان.أنا من شرق مدنى لكن درست فى مدنى واشتغلت فى مدنى مارنجان مصاتع نسيج النبل الازرق وسكنت فى تلك الفترة فى بانت ومايو 40 وعووضة وحاليا خارج السودان لكن نسبة لحبى لمدنى جيت اتزوجت من مدنى حى المكى

الفارس البنفسجي
19-03-2011, 05:10 AM
paradaies
أمير الليل
نهرو
حافظ قناوي
سلطان حسين
الزبير محمد عبد الفضيل
مرتضى محمد الحسن
عبد الله الملك
ABUELGASIM
ابو السارة

شكراً على هذه المشاركات الدرر ولا عدمناك

نزار احمد كوارتي
19-03-2011, 05:20 AM
انا كمان ساكنة ود كنان واهو اخونا الفارس البنفسجي ماقصر ونقول اتنين :D



إزيكم يا أولاد جيرانا
أقصد يا ود وبت جيرانا

الفارس البنفسجي
21-03-2011, 05:48 AM
إزيكم يا أولاد جيرانا
أقصد يا ود وبت جيرانا

أزيك يا نزار ... تسلم ، كيف حالك وأزيك
شرف لي أن نكون معاً

ودسمير
29-03-2011, 03:49 AM
اخوكم معتز سمير على صالح..
السكن : المدنيين ... حى البيان
سمى حى البيان نسبة لا امراة رات فى الحلم ان الشيخ السيد الحسن مدفون فتم عما ضريح واصبح قبله للزواروبعد ذلك تم بناء مسجد البيان على يد الختميه .
معالم حى البيان :
نادى الزهره العريق الذى خرج كثير من مشاهير كره القدم فى مدنى ومثال لا الحصر:
لاعبى العصر الذهبى : محمد بخيت اللازم - عبد الباقى عبد السيد
الثمانيات والتسعينات:
علاء الدين الفاضل ( عليوه )
عصام غانا
الهادى عبد الرحيم
والكثيرون .
من اعلام حى البيان

سمير على صالح وهو ترزى مشور جدا بسوق بانت.
بت السقا رحمها الله واشتهرت بعمل الشلوخ للنساء
حاجه حواء من اوائل الممرضات فى ودمدنى من حى البيان
آمنه بت عمر من اوائل الدايات
الاشول مساعد طبى
عم دوليب وقاية النباتات
عوض الصوفى بيع حطب المبانى
عم جباره شيخ الجزارين
من الصاغه المشهورين جدا فى مدنى وهو الشايقى
الحديث عن البيان ذو شجون

ونلتقى

mahagoub
29-03-2011, 09:13 PM
من الصباح وانا مواصل
مع التأصيل لمدنى
انا من مواليد ودازرق
بين السناهير ومخزن السكر القديم
فى نفس المربوع كان نادى الرابطه
وجوارنا ناس ابن عوف وناس بسمه
وارتحلت لعووضه ومن المشاركات
اتضح ان المنتدى يضم الكثير
من ابناء عووضه
وفى عووضه اسكن حى الدناقله
جوار البحر والكمائن
وشمالاً منا حى الشوايقه
وفى الوسط اهل عووضه الاصل
ويحدهم غرباً الجعليين
محجوب محمد محجوب
استاذ سابق بعووضه
حالياً مكة السعوديه

ريمون
10-04-2011, 07:58 AM
حي الدرجة حي هادئ .. هو فعلاًً حي المدارس والجامعات ونادر ما تلقي زول ما عندو ذكريات فيهو ..والان اصبح قبله للشرطة .. المرور .. الجنسية والبطاقة .. السجل المدني او المواليد .. ولولا يقظة اهل الحي لكان الأنضباط والنظام العام فيه ايضاً .. اهله وقت الجد مترابطون رغم ما يشاع عنهم ..سكانه معظمهم تجار مثلاً اسرة : جريس ، علي الباهي ، قيصر ، محمد ابو القاسم ، الخواض ،مصطفي الجاك ووالده محمد احمد الجاك ، ... لن يتسني إحصائهم .. وكذلك معاشي مشروع الجزيرة ومنهم والدي رحمه الله عثمان عطالمنان ..

الجنيدنورالدين الشيخ
10-04-2011, 01:20 PM
السلام عليكم ورحمة الله وبركاته
بسم الله والصلاة والسلام علي رسول الله والآل والصحب الكرام
في البدء لكم كل الود والتحايا والاحترام المكنون لأهل المدينة الطيبه الحنونه مدينة ودمدني السني ولكم أيضآ وأخص بها اصحاب الفضل العظيم القائمون علي امر هذا المنتدي وبقية الأخوه والاخوات السلسلة التي نحسبها باذن الله مباركة للطيب وبركة البقاع التي ضمتهم بقاع ودمدني معقل وبؤرة أولياء الله الصالحين ارض النوبه والطار والتقابه ودمدني التصوف ودمدني النضار ودمدني الجمال
ثانيا :
ارجو ان تقبلوني أخا بينكم لعلي أستفيد وأفيد وارقي بين صفوفكم ونقش حروفكم وأجد مكاني بينكم اخآ في الله يسعد بها في الدنيا ويستظل بها في الاخرة وأياكم
أخوكم الفقير لربه : الجنيد نورالدين الشيخ احمد
ودمدني عووضه وسط محطة الجامع وبالقرب من المسجد العتيق زاوية الطريقة القادرية الصادقاب
طالب بكلية الصيدلة الهند السنة الاخيره ونسألكم الدعاء
d:mgr medical university
jkk mmrf college of pharmacy
ولكم الشكر أجزله لأتاحة الفرصه بالمشاركة

ملحوظه :
الأخوه سبقونا وأسلفو بعض المتعلقات بهذا البيت الأسري الكبير المتراحم المتوادد أن صح التعبير (حي عووضه) فكل سكان هذا البيت تجدهم متكاتفين في السراء والضراء شعوبآ وقبائل وقد حفظو أنسابهم وأرثهم وتعاليمهم ووحدوا صفوفهم أخوة في الله وراعو حقوق الجيرة بكل ما تحمل معاني ورحب أحفاد ذاك الشيخ صاحب سر التسميه بكل قبائل السودان وبشتي ألوانهم وبكل أريحيه وصدر رحب فقد كان المؤسس الشيخ عووضه هو الشجرة الجابت الثمرة فقد نسب هذا الأسم(حي عووضه) نسبة للمؤسسها الشيخ عووضه صاحب الفضل أسمآ وعملآ وكان وما زال أحفاده (العوضاب) يسيرون بدأب آبائهم فهم ينتسبون نسبآ الي( قبيلة الركابيه) وفرعآ الي (العوضاب نسبة للشيخ عووضة) كما أطلق عليهم ذلك. وهم سالكين لمنهج تزكية النفوس وزبح هوي النفوس وأزالة حب الدنيا رغبة في العليا دار المقام فسلكو وتتبعو وأختارو وتطرقوا وتتلمزوا علي (الطريقة القادرية الصادقاب) (آدابين الفيله) التي مسقط رأسها( بالمندرة ) الشيخ محمد الهميم ود عبدالصادق جد الشيخ محمد مدني السني لأمه وهذه نقطة مهمه تخص المدينة و مقر الخلافة الحالي بالبنيه الصادقاب وخليفتها أبونا ومربينا شيخ علي الشيخ محمد حفظه الله ونفعنا بعلمه ولنا عوده وجزاكم الله خيرآ

ابن المدينة
12-04-2011, 01:47 PM
تغرف اخ ضياء الواحد طول ما شارك في المنتدى لكن البوست بتاعك جميل ويستحق الاشاده وانت اهل لها
انا من سكان حي التلفزيون يعني جارك ومعرفه قديمه و قد ورد زكره
من اهم المعالم المركز الصحي مسجد حي التلفزيون المنتزه مدرسة العشير
حوش عوض الله حوش عوض مالك حوش عرمان ( عثمان حته )منزل ابو الناس حوش يس العياشي حوش عبدالله عتمان

أبوربا
15-04-2011, 07:16 AM
أنا من مواليد حي البيان...والمراحل الدراسية جميعها بمدينة الحوش ثم بعد نزول الوالد للمعاش انتقلنا للعيش بمنزلنا بحي مايو 40 جيران كازبلانكا.. ..الباين نسبة لبيان السيد الحسن..وغني عن التعريف...ومايو نسبة للرئيس المرحوم جعفر نميري....ومنزلنا في منطقة حدودية بين ثلاثة احياء...دردق...والزمالك..والواحة...

ود النسيج
15-04-2011, 12:11 PM
انا من مواليد مدني مستشفي الجناح سابقاً ... المراحل الدراسيه في الخرطوم بحري والصحافة ( الأساس ) الخرطوم 2 (الثانوي) جامعة السودان للعلوم والتكنلوجيا
أعيش حاليحا بمدينة الخرطوم بحري كافوري

ود النسيج
15-04-2011, 12:12 PM
انا من مواليد مدني مستشفي الجناح سابقاً ... المراحل الدراسيه في الخرطوم بحري والصحافة ( الأساس ) الخرطوم 2 (الثانوي) جامعة السودان للعلوم والتكنلوجيا
أعيش حاليحا بمدينة الخرطوم بحري كافوري

حبزوز الحلو
16-04-2011, 12:18 AM
بسم الله الرحمن الرحيم
والصلاة والسلام علي اشرف خلق الله اجمعين
محمد بن عبد الله النبي الامين
السلام عليكم ورحمة اللة وبركاتة
فكرة جميلة جدا وعجبتني شدييييييييييييييييييد
أحمد حامد العبيد فضل السيد
قرية الزناندة فضل السيد
تقع في محلية جنوب الجزيرة
جنوب مدينة الحوش
بالقرية مدرسة ثانوية للبنين
ومدرسة ثانوية للبنات
ومدرسة اساس
ومسجد وخلوة للبنين والبنات
ونادي
ومركز صحي تحت التشيييييد
وندعوكم لزيارة قريتنا المتواضعة
ودمتم ذخرا لنا وللوطن

بوتشى
17-04-2011, 11:49 PM
انا ساكن حى دردق وكنت اتمنى انا اكون من سكان ود ازرق محل ولاده اخوانى الاكبر منى ولكن كلها مدنى زاحبك يااااااااااااااااااااااااااااااااااااااااااااااااا ااااااااااااااااااااااااااااااااامدنى

الفارس البنفسجي
21-04-2011, 05:30 AM
الفنان ودسمير ... الأخ ابوربا
اتحفتنا بدرر البيان ... وما أدراك ما البيان

الفقير لله الجنيد نور الدين
مرحباً بك توثق وتروي حكايات من مدني حيث التقابة والنقارة والنوبة


الرائع AMmahagoub
السناهير أصالة ود أزرق حضارة مافي شك أبداً
شكراً على إضافتك ومرورك

الجميل ريمون
مافي اتنين بختلفوا إن حي الدرجة هو حي ناس البرج العالي
لكن بعد القضاء على مدينة ودمدني تدمرت وللأسف كل الأحياء
وعبركم نقف وقفة تجلة وتقدير لكل قامات الدرجة ... رموز مدينة ودمدني

الجار ابن المدينة

لك التجلة ... ناس التلفزيون ديل نسابتنا .. مافي كلام أحلى ناس
ونسيت أهم حاجة مبنى التلفزيون ومبنى الإذاعة وميدان التلفزيون والزاوية (محطة الزاوية)
ما تنقطع عننا ... خليك مواصل

الأخ ود النسيج
ممكن نقول مدني هذه الإنطلاقة
وكل الذين ولدوا في مدني رجعوا ليها تاني ... صدقني حا ترجع
شكراً ليك كتير ... ولا عدمناك


الرائع حبزوز الحلو
وعبرك نحي أهل الزناندة فضل السيد
حيث أصالة الإنسان السوداني بطيبته وبساطته وذكائه
دمت نهراً من عطاء

المولع عشقاً بست المدائن بوتشى
ود أزرق ودردق هم من أعرق أحياء المدينة
نورت وزادك الله عشقاً لهذه المدينة الفتية

ريمون
21-04-2011, 07:05 AM
الجميل ريمون
مافي اتنين بختلفوا إن حي الدرجة هو حي ناس البرج العالي
لكن بعد القضاء على مدينة ودمدني تدمرت وللأسف كل الأحياء
وعبركم نقف وقفة تجلة وتقدير لكل قامات الدرجة ... رموز مدينة ودمدني


ن[COLOR="darkslategray"]تعبك شويه .. لا تعليق .. حاول القي براك الحاصل شنو ..
ما معقولة يا ناس المنتدي المسلسل ده حينتهي متين ؟؟؟؟؟؟؟؟!!!!
وش صاري للطيش !!!!!!:mad:

محمد النصيح
30-04-2011, 09:44 PM
اولا اتشرف ان اكون من ودمدني ومنتمي الي منتدي ابناء ودمدني
انا من مواليد حي حكومي وهو حي البحوث الزراعية وتربيت في حي الدرجة قرب كلية المعلمات ومدرسة ب المتوسطة بنات سابقا(ناس بليل وأبوعاقلة وأمين السني وبلال والاستاز صابر وناس الكاشف) وأهلي من ناحية الوالدة من المدنين كان جدي المرحوم امين السني مساعد حكيم بمركز القبة وسكنت المنيرة والدرجة قرب المرور الجديد وأخيرا الدرجة حي سباق الخيل قرب مزرعة ابوعاقلة سابقا والان بدولة قطر