أفيدوني !! 000 ومنكم نستفيد00!!!

[elfatih61]

كمبيوترى عالي السرعـة 00 بدخل بيه في كل المواقع والمنتديات بكل
سهولة ويسر 00 ولكن الوضع يختلف تماما عنــد دخولـــــــي لموقع
( مدني ) مافيش حاجة بتفتح معاي 00 دلوقت عشان أكتب الملاحظة
دي فضلت منتظر إمكن ربع ساعة عشان أجد الصفحة طبعا دى كــان
زمان موش موجود بس من فترة قليلة 00 هل الوضع عند كل النـاس
كده ولا أنا بس 00 (وذي ما قلت ليكم فقط مع موقع مدني) 000 الباقي
عادي جدا 00 أرجو أفادتي 00 ولكم الشكر !

[مهند]

عزيزي الفاتح تحية طيبة
حاول غير الاستائل الي انتا شغال بيهو
مع تحياتي

[sami_alkaer]

يافرده كدي جرب غير المتصفح وانصحك ب اوبرا opera

[الفارس البنفسجي]

المشكلة دا عندي برضو ولعل السبب فيها المنتدى نفسو والجهاز (الإثنان معاً) فيما يخص المنتدى أتوقع انو الصور ليها أثر كبير في سرعة التحميل ، أما فيما يخص الجهاز فالإتصال عن طريق الدي أس أل (dsl) فهو أيضاً حل لي المشكلة دي وصار المنتدى يفتح بي سرعة قوية

مع تحياتي

[بدر الدين محمد]

كمبيوتري اصيب بفايروس RavMon لم تفلح كل المضادات في ازالته .. ساعدوني بمقترحاتكم

[الشبح]

لأخ بدر الدين محمد - السلام عليكم
الفايرس دا منتشر بي شدة اليومين ديل وأسرع وسيلة للإنتشار هي الفلاشات الكتيرة اللآفة بدون نظام وضوابط وكل زول بقى شايل ليهو فلاش - المهم الفايرس دا حسب تجربتي معاهوا ما خطر خالص وأنصحك بتحميل برنامج Symantec AntiVirus وهو أفضل برامج مكافة الفيروسات على الإطلاق حسب رأي وهو من إنتاج شركة Symantec وهي الشركة التي أنتجت مكافح الفيروسانت الشهير نورتون لكن Symantec أفضل من النورتون في سرعة وقوتة بالإضافة الى أنه لايتسبب في بطء الجهاز زي النورتون أو الوهم الإسموا كاسبر إسكاي (Kaspersky ) والعاملين ليهو دعاية كبيرة اليومين ديل.
المهم البرنامج دا خفيف على الجهاز وقوي ولا يطالبك برسائل التحديث المزعجة بس الناس ما عارفاهوا ومستهونين بيهوا لأنوا ما نضام زي النورتون
أما إزالة الفايرس يدوياً ودي طريقة أنا بحبها - أحب البحث عن الفيروسات يدوياً وإزالتها يدوياً خاصة للإنواع الجديدة التي لايعرفها المضاد -
طبعاً مسألة المسح اليدوي دي عايزة خبرة شوية ومعرفة بملفات النظام وغيرها لكن بالجد طريقة ممتعة ما انصح بيها ليك حاول تنزل الأنتي فايرس من الموقع دا
http://www.Symantec.com

وثبت البرنامج وأعمل إسكان لجهازك وسوف يزيل الفايرس إن شاء الله
أما عن الطريقة اليدوية ولا أنصحك بأن تعمل بها فهي طريقة تحتاج لكثير من الجهد والخبرة في ملفات النظام وهي كالآتي:
أولاَ بتنشيط عرض الملفات المخفية من خصائص المجلد لأن الملف مخفي ثم قم بالبحث عن ملف Ravmon.exe في جهاز الكمبيوتر وقم بمسح كل النسخ التي تجدها ولا تنسى البحث في الفلاش ومسح الملف منه كما أن هناك ملف ملحق به إسمه Autorun.inf وستجده حيثما تجد الملف الآخر وهناك ملف أخر مساعد له يوجد في سلة المحذوفات-
طبعا ما طريقة عملية لانوا لو جبت فلاش تاني فيهوا فايرسي ح تعيد الشغلانة من جديد لكن الأنتي فايرس ح يعمل ليك حماية تلقائية من أي فايرس وما ح يخلي فلاش ينقل ليك فايرس.

[الشبح]

حكاية بطء تحميل صفحات المنتدى دي سببها السيرفر المخزن فيهوا الموقع
طبعاً بلاشك الصور والإستايل وطريقة الإتصال كلها تؤثر في سرعة التحميل والناس الي شغالين بإنترنت بسرعات عالية ما ح يلاحظوا الحكاية دي لكن السرعات الضعيفة شوية ح يلاحظوا البطء الموجود فعلاً في تحميل صفحات المنتدى ودا عندوا حلين واحد عندك والتاني عند إدارة المنتدى
الحل العندك إنوا تحاول تستخدم وسيلة إتصال بالإنترنت أسرع أو زيادة حجم الموجة بالنسبة لي Dslوغيرها .
أما الحل الجزري عند إدارة المنتدى علشان تساعد المسلاكين الماعندهم سرعات عالية وهو نقل المنتدى لسيرفر آخر أكثر سرعة بعد إنتهاء الإيجار السنوي خاصة وإننا في بداية عام جديد - وطبعاً داموضوع كبير شوية وعاوز جهد كبير وإغلاق المنتدى لفترة.
المهم حكاية السرعة في الصفحات في الإنترنت عموماً بترجع للمحتويات الصفحة والرسومات الي فيها تبطيء سرعة التحميل لوكانت صور ورسومات كتيرة وتعود أيضاً للسيرفر المستضيف الموقع فسيرفرات أمريكا وكندا تمتاز بسرعات عالية بخلاف الموجودة بالسودان أو بالدول العربية على سبيل المثال.

وأتمنى أكون أفدتك يا حبيبي

[بدر الدين محمد]

الاخ الكريم (الشبح)
بالامس كنت في حركة دؤوبة بغرض ازالة الراف مون خاصة وان الجهزتي فيها اعمال قيمة .. السايمانتك لم يستطيع التعرف على الفايروس وكذلك الكاسبر سكاي
لكن ولله الحمد من الانترنت نزلت Nod قام بقراءة وازالة الفايروس .. جربوه النسخة المؤقتة في Nod.com لك الف شكر