الحب الأول ... بتقدروا عليه ؟؟؟؟؟

[الفارس البنفسجي]

للكثيرين منا تجربة مع الحب وخاصة في بدايات أو مقتبل العمر أو في مرحلة المراهقة وهذا العلاقة غالباً ما تتميز بأنها من أجمل العلاقات التي عاشها الإنسان ... لنقاوتها وعفويتها وصفائها ورومانسيتها .... وهذه الذكريات لا تنسى عند أغلب الناس

وعندي اقتراح يا ترى الأخوة الأعضاء بقدروا عليه؟
كل واحد يحكي لينا تجربتو مع أول حب ... عشان نعيش مع بعض أحلى لحظات بعض ... ونتلمس دواخل بعض بي حاجات ناااااااااااااااااااعمة ولذيذة وذكريات برئية فيها عبث البراءة والطفولة إلى حد ما ....
مين اللي حا يبدأ أول

[ود المطامير]

أنا ... أبدأ
كانت بت جيرانا , سمحة سماحة جد , لكن واللّة أدب مبالغة فى الشارع ما بتتلفت جاى ولا جاى , أها أخوك رادها ليك ريدة صاح , عِلا ياكن ولا شغالة بى , ويلا إشتريت عرق محبة والفلاتى قال لى تكتب ليها رسالة وتبخرها بالعرق دا , ويلا فى الليل كتبت ليها رسالة بالطريقة الصاح , وبخرتها تمام بعرق المحبة ومشيت أزازى حولين حوش بيتهم ذى الحرامى , وأتعتر وأقوم وشُت لى طوبة قلعت ضفرى , أها وأنا أتاوق عاوز أشوفها طالعة داخلة ولما شفتها صفرت ليها وإلتفتت ورميت ليها الرسالة , ويلا شتت لبيت واحد صاحبى وأنا أتخيلها بتقرى فيها ومرة مرة تقبلها ومرة مرة تضمها وبكرة أكيد بتجيب لى الرد , دا عرق محبة معتق , والزول التقيل دا بشبك معاى , أها مشيت البيت ومن باب الحوش تمسكنى أمى وهاك يا لبع فينى بالشبشب وهى تصيح فينى
_ دى عملة تعملها ؟
_ وكت بتحب الكتابة قدر دا ما تكتب حق المدرسة !
_ هسى أنا أودى وشى وين من أمها اللى جابت لى الرسالة دى ؟
وأنا تحت ضربات الشبشب أتساءل
_ يا إما البت دى محصنة , يا إما عرق المحبة مضروب .

[الفارس البنفسجي]

الله يجازي محنك يا دو المطامير من يومك شليق
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههه
هل من آخر ؟

[ود المطامير]

أها الضحكة اللى ردت روحى دى
يعنى صافية لبن , صح ؟ أها لو
الخوافين ديل ما جوا قول عوك
واللّة المخلاية مليانة .

[الفارس البنفسجي]

ياناس تجو ولا نخلي ود المطامير دا يطلع من مخلايتو ؟؟؟؟؟؟؟؟؟؟؟؟؟؟؟؟؟؟؟

[أبنوس]

الفارس والله ما بنقدر ولا في داعى والفى القلب خلى فى القلب يا فارس بنى مدنى

[تسنيم خالد]

ههههههههههههههههههههههههه
ود المطامير بالغت يا اخوي

خلوا الشباب يحكوا ونحنا نضحك

[الفارس البنفسجي]

ههههههههههههههههههههههههه
ود المطامير بالغت يا اخوي

خلوا الشباب يحكوا ونحنا نضحك

ود المطامير مخلايتو ملاينه وما عاوز يضحك ... أنتي مالك محننة يا تنسيم ولا دا هروب دبلوماسي ؟

خشي وخلي الإستحاء دا

[دانية]

والله ده شمار منك سااااااي يا الفارس

[الفارس البنفسجي]

شوفوا ... شوفوا ... شوفو دي كمان .... والله ود المطامير دا انتي ما بتعرفي ، لو مسك فيك ، يفكو الجليل الرحيم ... أحسن ليك خليك معاي سااااااااااااااااااااااااااااي ... ود المطامير دا زي الزمن مرة معاك ومرة مع غيرك

وانتي لو عندك تاريخ خشي ساي وخلي اللف والدورات بتاعك دا ... ولا ساقطة تاريخ؟؟؟؟؟؟

[ود المطامير]

شوفوا ... شوفوا ... شوفو دي كمان .... والله ود المطامير دا انتي ما بتعرفي ، لو مسك فيك ، يفكو الجليل الرحيم ... أحسن ليك خليك معاي سااااااااااااااااااااااااااااي ... ود المطامير دا زي الزمن مرة معاك ومرة مع غيرك

وانتي لو عندك تاريخ خشي ساي وخلي اللف والدورات بتاعك دا ... ولا ساقطة تاريخ؟؟؟؟؟؟
شكيت محنك , كتلتنى بالضحك , هازول أنا الغنماية
بتاكل عشاى .

[ود المطامير]

واللّة يا الفارس آخوى الناس ديل خوافين بجو يتاوقوا ويتشمشروا ويكسحوا أها زح لى النفتح مخلايتى أصلو لسانى ماكلنى على الكلام .
أها .. واللّة شدة ما سمحة حرّم لدرجة قف تأمل , منو ؟ حبوبتى يعنى ؟ ما بت فى فريقنا , أها .. حلوة لمن غلط والشباب متكبكبين فوقها ذى الكدسة فوق عتود أمى حوا لما رميناهو بعد ما دقشو بكسى أبوضريس , على الطلاق ,, آلفارس ,, الشافعة دى نار اللّة الموقدة مولعاها فى قلوب الشباب , والبقى أحمد شوقى وهاك يا بحور الشعر والبقى إحسان عبدالقدوس وهاك يا قصص والبقى والبقى والبنية مطنشاهم ليك جت , حرّم ولا رمشة مافى ليهم وأبوها وأخوانها بياكلوا النار , والظلط ,, ها ,, تحلية بس , أها يوم لقيت ليك أصحابى قاعدين جايبين سيرتها وطبعاً بكى جد وواى واى ما بتدى الدرب , وقلت ليهم مالكم هى دى غالباكم ؟ كلكم بتحبوها ومافيكم واحد قادر يقول ليها إحم ؟ قالوا لى يعنى إنت تقدر تقول ليها بحبك ؟ قلت ليهم شفتونى فِرِد يوم قعدت أشمم فى دربها زيكم ؟ قالوا لى لا بس قولها ليها ساى وهى هديك فى بيت ناس النعيمة هسى بتطلع , ولو قلتها ليها بنديك طراضة , قلت ليهم عِلا ياكن كدى ما بخلى خشمكم ملح ملح , قالوا ما مشكلة , وقبضت الطراضة وإتحكرت ليك فى ناصية الشارع وبعد فترة جات وقطعت ليها الطريق
_ ....... واللّة أنا من زمان بحبك لما ما قاعد آكل .
_ هة واللّة إنت عامل لناس أمك مجاعة .
ورشتنى ليك كف ,, آلفارس ,, حرّم النار ولعت فى عويناتى وريالتى طارت هنااااك , ومشت والمصيبة إزاعة الحِلة ود التوم ظهر فى اللحظة الكفتتنى فيها وجماعتى ورا الحوش يفرفروا بالضحك , ويازول الواطة لفت بى ومشيت سبعة تمانية وين ؟ الغابة وطلعت فى أكبر شجرة فى آخر فرع فيها , ويدى على جضمى وأسب وألعن فى نفسى وأصحابى والطراضة , وأكلم فى نفسى براى , هسى عليك النبى يا ,, عروة ,, الشلاقة ليك شنو ؟ أها دى السمحة كفتة يدها الحلوة دى ذى السم أها أخوها الشغال حفار السايفونات دا كفتتو بتكون كيف ؟ اللّة يستر اللّة يستر , أها مرات أقول أقع من الفرع دا وأكسر رقبتى ومرات أقول أقع البحر , أها صعوبة الإختيار بين الوقعة دى وديك فللت على الواطة ونزلت مشيت البيت , ويدى على قلبى من شبشب أمى داك ودا هين , الكلام أبوعضلات أخوها , ولقيت الجو هادى , قلت حلو , ولملمت ليك هديماتى وقلت لأمى باكر فجر ماشى ناس جدى , وكلحت الجضيم المنفوخ وسألتنى وأكلتها حنك ومن الفجر جيت مدنى وفى الساعة العاشرة صباحاً تحرك قطر نيالا وأخوك فى نصو , ووصلت بيت جدى فى نيالا وغطست هناك لمن أبوى رسل لى وجيت أبوظبى .
أها زح لى النلملم مخلايتى وأكان ما جا بعدى زول تانى قول لى عووووك حرّم المخلاية مليااانة تب .

[نوار مصطفى]

والله يالفارس انا بقول الصراحة
ماحصل معاي كلام زي دة
اوريك ليه لانوة خايف يحصل لي البيحصل للناس البضحك عليهم
وبحاول اخلي قلبي قاسي علشان ما احب لو مافهمتني اقول ليك عديييييييييييل
انا ماداير اخد شاكوش زي الجماعة الطيبين
وزي مابقول المثل الاعلى الماشي بيو (قبر يضمني ولا بنت تذلني)

[دانية]

انا بقترح عليك تخليها حلقات مع ود المطامير يا بنفسج واهو نتسلي شوية وناخد دروس مجانية
رأيك شنو ؟

[ود المطامير]

انا بقترح عليك تخليها حلقات مع ود المطامير يا بنفسج واهو نتسلي شوية وناخد دروس مجانية
رأيك شنو ؟
واللّة المخلاية مليانة تب بس قولوا عوووووك .

[ابودجانه العباس]

والله موضوعك شيق وجميل لكن محتاج لشوية جرأه
البقول فيه ودالمطامير دا ما ضحك والله في شباب كتير وزي ما إنت قلت بالاخص في فترةالمراهقه مرت بيهم كتير من المواقف البايخه الزي دى وهدا ودالمطامير مثال حي((لحد اللحظه دى))مامعروف بعد مايلم فيه أخو البت يحصل شنو
ما عايز اطول عليك لكن بقدر ما الموضع لمس فينا وتر حساس بقدر ما حا يساعد أصحاب الشواكيش علي البوح باسرار وخبايا أسباب هذة الشواكيش

*****************وما الحب الا للحبيب الاول********

[ود المطامير]

والله موضوعك شيق وجميل لكن محتاج لشوية جرأه
البقول فيه ودالمطامير دا ما ضحك والله في شباب كتير وزي ما إنت قلت بالاخص في فترةالمراهقه مرت بيهم كتير من المواقف البايخه الزي دى وهدا ودالمطامير مثال حي((لحد اللحظه دى))مامعروف بعد مايلم فيه أخو البت يحصل شنو
ما عايز اطول عليك لكن بقدر ما الموضع لمس فينا وتر حساس بقدر ما حا يساعد أصحاب الشواكيش علي البوح باسرار وخبايا أسباب هذة الشواكيش

*****************وما الحب الا للحبيب الاول********
بخلى الفارس يرد عليك ولو ما رد عليك
ما تستنانى

[الفارس البنفسجي]

واللّة يا الفارس آخوى الناس ديل خوافين بجو يتاوقوا ويتشمشروا ويكسحوا أها زح لى النفتح مخلايتى أصلو لسانى ماكلنى على الكلام .
أها ..,, نصو , ووصلت بيت جدى فى نيالا وغطست هناك لمن أبوى رسل لى وجيت أبوظبى .
أها زح لى النلملم مخلايتى وأكان ما جا بعدى زول تانى قول لى عووووك حرّم المخلاية مليااانة تب .


والله يا ود المطامير عفارم عليك ... عِلا عليكم الله يا جماعة الشلاقة دي ما فطمو بيها ؟؟؟؟؟ والزول الشليق دائماً بتلقو نوادرو وحكاويهو كتيييييييييرة بالحيل ؟؟؟

غايتو نشوف الناس ولا ما جاء زول ... وانا عندي احساس انو في زول جاي .. بنفتح المخلاية دي ... بس ما يكون قلبك زي اللكوندة؟؟؟

[الفارس البنفسجي]

والله يالفارس انا بقول الصراحة
ماحصل معاي كلام زي دة
اوريك ليه لانوة خايف يحصل لي البيحصل للناس البضحك عليهم
وبحاول اخلي قلبي قاسي علشان ما احب لو مافهمتني اقول ليك عديييييييييييل
انا ماداير اخد شاكوش زي الجماعة الطيبين
وزي مابقول المثل الاعلى الماشي بيو (قبر يضمني ولا بنت تذلني)


انت عارف نوعك دا والله يا نوار هو اللي بتكون ضلعتو مكسورة ، بس ما عاوز الناس ساي تعرف... خلي الإستحاء وأفتح مخلايتك ، ما بنكلم زول

[ود المطامير]

والله يا ود المطامير عفارم عليك ... عِلا عليكم الله يا جماعة الشلاقة دي ما فطمو بيها ؟؟؟؟؟ والزول الشليق دائماً بتلقو نوادرو وحكاويهو كتيييييييييرة بالحيل ؟؟؟

غايتو نشوف الناس ولا ما جاء زول ... وانا عندي احساس انو في زول جاي .. بنفتح المخلاية دي ... بس ما يكون قلبك زي اللكوندة؟؟؟
ما دام فى زول جاى إبقى النشيل مخلايتى وأشوف لى سوق
تانى قبل ما بضاعتى تبور , ولو زولك ماجاك ,, آلفارس ,,
تانى لو ما دفعت لى ما بجيك .

[الفارس البنفسجي]

انا بقترح عليك تخليها حلقات مع ود المطامير يا بنفسج واهو نتسلي شوية وناخد دروس مجانية
رأيك شنو ؟

اقتراح مرفوض يا ستي ... وود المطامير دا أحسن ليك أختي قادك قادك !!! افتحي المخلاية إن شاء تطلع مخلاية بت جيرانكم

[الفارس البنفسجي]

والله موضوعك شيق وجميل لكن محتاج لشوية جرأه
البقول فيه ودالمطامير دا ما ضحك والله في شباب كتير وزي ما إنت قلت بالاخص في فترةالمراهقه مرت بيهم كتير من المواقف البايخه الزي دى وهدا ودالمطامير مثال حي((لحد اللحظه دى))مامعروف بعد مايلم فيه أخو البت يحصل شنو
ما عايز اطول عليك لكن بقدر ما الموضع لمس فينا وتر حساس بقدر ما حا يساعد أصحاب الشواكيش علي البوح باسرار وخبايا أسباب هذة الشواكيش

*****************وما الحب الا للحبيب الاول********

طيب يا أبودجانة ما دام الموضوع كدا وانت بقيت من انصارو ... وحياة ربك تفتح لينا مخلايتك
ومتشكرين على المساهمة معانا

[ابودجانه العباس]

والله الكلام الجاي دا حصل حقيقة من غير أي زيادة أو نقصان:
((في أول ايام لي في الجامعة (برلوم يعني)في جامعة الجزيره
كنت جاي الجامعة بي نفسيات صعبة من كترت العلاقات الببداها وما بتتم المهم في يوم كان عندنا جلسة تعارف وشفت ليك ديك البت تحلف تقول حور الجنان المولي في احسن شكل سواها تجهر للعيان
وطوالي بديت ليها في الكلام:
انا:السلام عليكم
هى:وعليكم السلام
انا:بالله ناس الجنه اخبارم شنو
هى:سؤالك غريب العرفني باخبارم شنو
انا:ليه الاخت ما من الحور العين برضو
هي:بالغت عديل
انا:بالغت مبالغه وبوليغ
هى: ضحكة لزيزة هيييييي جابت خبري عديل
ومن هنا بدت القصة وعشنا فترة من الحب غير عادية لكن مع اختلاف نوع الحب انا زيتي طالع فيها وهي نفس الفرماله حقت البنات كلهم (بريدك زى اخوي)الخوخه التقوم ليها في راسه
المهم حاولت كتير وفي يوم لقيت معاها واحد حرم أوجه منها ومني ومن ودالمطامير زاتو عرفتت أنو صاحب اخوها مغترب مروق وداير يعرس وجاي يطرح عليها الفكرة انا الشيطان ركب راسي وقلت الليلة النموت كلنا اصحابي مسكوني وقالو لي استهدي بالله وخليها بكرة اتفاهم معاها , جيت بكرة وكانت المطرة صابه قلت ليها دايرك ضرورى قالت لي انا في الكفتريا ومعاى اهلي تعال سلم عليهم
قلت خلاص محل رهيفة التنقد ومشيت لما خلاص قربت ليهم في بقعه بتاعت مويه في الطريق الناس كلهم نطو لما جيت انا انط لقيتها هي واهلها بعاينو لي حرم كبكبة وبشتنة خليهم ساكت المهم قويت قلبي ونطيت وعينك ما تشوف الا النور حرم الطين الاكلتو اليوم داك شفع البيت كلهم ما اكلو قدرو الكويسة كانت في رقشة واقفه قدامي ركبت فيها طوالي ومن اليوم داك لاهي لااهلها ما شافوني تاني وحرمت علي نفسي الحب من داك اليوم وكفايه فضائح
واسترو علي الله يستر عليكم ودمتم.

[ود المطامير]

أبو دجانة يا فردة ,,, قلت لى أكلوك الطين ؟ ,,,

[دانية]

انت الدفعه كم يا اخ ابو دجانة من غير تحديد كلية ؟

[الفارس البنفسجي]

شوفوا الشمار اكل دانية كيف ؟؟ خلي يرتاح شويييييييييييييييييييييييييية

[ابودجانه العباس]

الاخت دانيه من سؤالك دا معناها الشمار دا سمعتيه قبل كدا ولا جابو ليك
والمصيبه الكبيره لو كنت إنت نفس الشخصيه ومغيره إسمك(كر علينا عدييييييل)
انا الدفعه 22 واياك والاسئله التعسفيه بعد كدا

[دانية]

اطمئن يا ولدي انا حبوبتك في الجامعة الدفعة 15

[الفارس البنفسجي]

دانية خلينا من حركاتك دي وافتحي لينا مخلايتك بالله عليك !!!!!!!!!!!!!!

[تسنيم خالد]

هههههههههههههههههههه
ابو دجانة بقت ليك توبة قلت لي





اها يلا واصلوا خخلونا نضحك




دمتم

[الفارس البنفسجي]

يا تسنيم تعالي ... وافتح مخلايتك