المساعد الشخصي الرقمي

مشاهدة النسخة كاملة : السودان ....ماذا يعني لنا....؟؟


shaggy999
22-01-2007, 08:10 PM
خارج من دمائك....
تبحث عن وطن فيك...
مستغرق في الدموع...
وطن ربما ضعت خوفا عليه...
و أمعنت في التيه كي لا يضيع؟!!!
(محمد الفيتوري)
بداية تحية عميقة لسوداننا الحبيب...
بالنسبة للبعض هو مجرد كلمة مضاف اليها (ي) او (ية) مسجلة على جوازات سفرنا لتملأ فراغ
خانة لابد ان تملأ. لتتم رحلة الهروب من كوابيسه!!!!!
اما البقية فمعظمهم ينتمون اليه انتماء جزئي احيانا يحبونه و احيانا أخرى ......!!!!!!(زي ما بنقول لا بدورو لا ببقا بلاهو!!!)
قليلون هم من يحبونه لاحساس عميق بالانتماء!!!!!
أين انت من هؤلاء؟!!
العابر الوفي
22-01-2007, 08:58 PM
الأخ الرائع

يتوقف قلمي هنا ليس لعجز مني في وجود الأحرف لترد على كلماتك البسيطه والمعبره في نفس الوقت ولكني اتوقف وقفه اتفكر في روعه موضوعك فشكرا لك وشكرا لقلمك الذي انار سطورنا الفارغه

حقيقه اخي انا انسان مغترب وطولت خارج السودان ولكني حريص على اجازاتي السنويه والتي هي مجرد شهر فقط او شهرين في السنه كلها ولكن يعلم الله كم انا في حوجه لهذا الشهر لكي اضع رجلي في مطار الخرطوم فقط ... سأكتفي
مازلت انجذب لبلدي ومازلت احس اني انتمي إلى كوابسيه قبل ان انتمي للأمور الإيجابية فيه لا اسمي نفسي مخلصا او وفيا لبلدي لا لا لا ولكن انا محتاج لي روح السودان
السودان وكما يعلم الكثير حلو ورائع بي كل نواحيه والأحلى من ده كلو الكتاحه


اشكرك يا رائع
خالد عبدالماجد
22-01-2007, 10:46 PM
الأخ شقي
جلعتنا كلماتك العميقات نفكر جلياً فيها وفي تساؤلاتها الصعبة .
ولكنه سؤال يجب أن يسأله كل منا لنفسه مع أي طائفة من هؤلاء نحن ؟
وماهو حجم إنتمائنا لهذا الوطن ؟؟
حقيقة لايمكن لشخص ان يعرف حجم إرتباطه بهذا الوطن إلا إذا ساقته خطاه للإبتعاد عنه .
وعن نفسي إجابة على سؤالك فأتوق دائماً للعودة لتلك الديار ولأولئك الناس الطيبون وأجد نفسي أتنفس همومه وأعيش أحزانه وأفراحه ولكن من على البعد .
فمع أي قائمة تضعني ؟
لك تحياتي .
امير عبدالباقي
22-01-2007, 11:09 PM
الاخ shaggy999
حقيقه زي ماقالو الاخوه لاتعرف حبك للسودان الا وانت خارجه يتملكك شعور غريب وتتمني باسرع وقت ترجع السودان ؛
لكن حقيقه السودانين عموما حبهم للسودان ليس كفايه وده ناتج عن عدم تعليمنا مامعني الوطن من المرحله الابتدائيه يجب ان تكون هنالك ماده تتكلم عن حب الوطن وتشبع فينا حبه ياريت نكون زي المصرين في حبهم لوطنهم
لكم كل الود
mnoma
22-01-2007, 11:25 PM
الواحد مننا ما بحس بقيمة الوطن أو أي شئ تاني الا لما يبعد عنو
ولما اغتربنا ما كنا قايلين الشوق بكتلنا ... ما قايلين روحنا بتتشحتف كده

أنا مرات كتيرة لما انزل اجازة السودان ....بكون عايشة حالة كده غريبة
وكأنوا حلم ... ولما أرجع للغربة برضو بكون عايشة حالة غريبة برضو
وكأنها صدمة .

ماعارفة أقول شنو بس السودان .... أم
:)
Bet-alsudan
24-01-2007, 10:16 AM
,وطني ... يا وطني ....

لقد عجزت جميع الأقلام عن وصفك او على الاقل عن كتابة صفة واحدة لك فمهما كتبت لما وفتك حقك

أحبك بلادي ..... أحبك
Bet-alsudan
24-01-2007, 10:19 AM
أخي shaggy

هذه الصفحة اعتقد بأنها تستحق ان تكون مثبتة .....

ويجب على جميع الاعضاء المشاركة فيها فهذا اقل واجب اتجاه وطننا الغالي

شكرا لك وعلى طرحك الفعال .. بانتظار المزيد
shaggy999
25-01-2007, 12:57 AM
تسلمو ياسودانين


انا سوداني سوداني سوداني