يقولوها الكبار ويصدقوها الصغار(قصة قصيرة)

[ياسر السماني]

تعود ان يأتي الى منزله في اخريات كل ليلة بعد ان يعاقر عقله ما يسكره ويخدره , دلف متاخرا جدا على غير العادة كان بكره الصغير يستعد للذهاب الى المدرسة فسأله يا ابتي كيف انجبتني ؟
فاجاب وباقي المسكر والمخدر لا يزال يشعشع في راسه : " وضعت قطعة من الطماطم تحت البساط وفي الصباح رفعت البساط فاذا بك انت يا بني " فقام الطفل بكل براءة ووضع قطعتين من الطماطم تحت البساط وفي اليوم الثاني رفعه فاذا بصرصور فخاطبه بسذاجة طفولية بريئة ومنفعلة " لو لم تكن ابني لقتلتك " ثم ثانيا اين اخيك الصغير ؟

[المسافر]

عندي إحساس بقول يا إنت الأب ولا الإبن !!!

[ياسر السماني]

عزيزي المسافر :
السكر اصطلاحا هو ان تعيش بنصف وعي لكن لا يدرك او يحس بذلك الا من عاش هذه اللحظة . اذا لا فرق بيننا انت وانا . لا لا والله انا الاب












تسلم

[تسنيم خالد]

ياسر السماني
سلمت يداك قصة حلوة






دمت

[ابودجانه العباس]

عزيزي ياسر السماني قصتك حلوة جدا وللامام دائما
بس في النهايه بقول الحمدلله انهم طلعو صراصير
(عايزك تتخيل لو لقي شفع جد جد)كان حايحصل شنو
بالمناسبه انا واعي وماشارب اي حاجه(شاي بس)

[ياسر السماني]

الخ العزيز ابودجانة انا فايتو لو لقيتهم شفع جدجد المعرسلها شنو الحمدلله جابهم الله واللا رأيك شنو
بالمناسبة دة اريتو ما شايينا











تسلم

[ياسر السماني]

تسنيم ربي يديك العافية اتمنى ان يكون ما وراء القصة قد وصلك شكرا لكي








تسلمي

[ابودجانه العباس]

عزيزي ياسر السماني
شوف لي زولك بتاع الطماطم دا كان في طريقه نجيب بيها المره في الاول الشفع ملحوقين عرفناهم بجو كيف وأنا هسع محضر لي 12 إتناشر طماطمايه عشان أمي قالت لي دايراك تجيب لينا دستة بتاعت شفع.فدحين أسعي لي في الموضوع دا

وشكراً

[ياسر السماني]

العزيز ابو دجانة قبل ما اشوف ليك الموضوع دة بدور اسعلك انت الطماطم الجهزت بتاعة سلطة ولا بتاعة ملاح لو بتاعة سلطة حا يجو اولاد لكن لو بتاعة ملاح حا يكونوا بنات اها وريني اول

[ابودجانه العباس]

كر علي عدييييييييييييييييييييل بتاعت ملاح

[ياسر السماني]

بتاعة ملاح كلها امانة ياابودجانة ارجى الراجييييييييك

[ابودجانه العباس]

بتاعة ملاح كلها امانة ياابودجانة ارجى الراجييييييييك

ارجي شنو ما عادي بجيرن واقري الحيط.

[ابورجاء]

ارجي شنو ما عادي بجيرن واقري الحيط.
الغالي ابو الدوج الحبيب
ات زعلان ليه حل بسيط ما ترفع البساط
بس وخليهن يموتن غيظ والكمده بالرمده...
ودوما في رعاية الله وحفظه...
مع كل الود باقة ورد....

[مرتضى ساتى]

حاول يا ابودجانه تشكل الطماطم نصف ملاح ونص سلطه
ولا اقول ليك لو انت فى السعوديه بتاعت ملاح ما بتلقى الا تشتري صلصه جاهزة

[ابودجانه العباس]

حاول يا ابودجانه تشكل الطماطم نصف ملاح ونص سلطه
ولا اقول ليك لو انت فى السعوديه بتاعت ملاح ما بتلقى الا تشتري صلصه جاهزة

أخوي مرتضى أنا السواها فيني ياسر السماني الله يسامحوا عليها (ما حدد لي من الاول وقلت ليكم مليون مرة انا شليق)وفي النهايه دا بقولو عليه حظ الكيشه(يقع من السما ...يلقي الواطه مافيشه)