ود المطامير ... ضيف ساخن على الكرسي الساخن

[zoolfrda]

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مرة أخرى نلتقيكم في رحاب هذا الملتقى
http://www.asmilies.com/smiliespic/FAWASEL/048.gif (http://www.asmilies.com/)
ضيفنا اليوم أخ عزيز وغالي علينا..
أحبنا قبل أن نحبه فأغرقنا بحبه
ولم يسلم أياً منّا من قرصاته الجميلة
فيسعدنا جميعاً أن نستضيفه لأيام وأيام
بدءاً نتركه يتحدثاً قليلاً معرفاً بنفسه ..


http://www.asmilies.com/smiliespic/FAWASEL/053.gif (http://www.asmilies.com/)

فمن هو العمدة ((ود المطامير)) ؟
http://www.asmilies.com/smiliespic/FAWASEL/059.gif



(http://www.asmilies.com/)
<TABLE width="100%" border=1><TBODY><TR><TD width="100%" bgColor=#000080>


<MARQUEE style="COLOR: #ffff00" direction=right>واللّة العظيم شكيتها على اللّة أكان خربتوا طبعى , وشقلبتوا حياتى فوق تحت قبل ما أتشرف بمعرفتكم حرّم كنت فى اليوم الواحد باكل خمسة وجبات ودا غير الهبيش اللى بين وجبة ووجبة أكان موزة ولأ أكان برتقالة ولأ أكان طرف خبزة مغموسة فى نص حلة ملاح , وبنوم الضهر ذى الوارث وفى المساء من الساعة حداشر بنوم نوم الجن اللحمر , ومن المغرب لحد مواعيد النوم هامل ومطلوق فى المواقع من غير هدف , ما ألقى برنامج وعلى الطول أحملة , وتعرفت عليكم وأقسم باللّة الحق , خربتوووووا طبعى خربة شنو أقول ليكم ؟ بقى أكل مافى , على الطلاق أى زول بعرفنى بقول لى إنقسمت النص , علشان مش عاوز أفارقكم ولو للأكل( دى حقيقة ) وقالتها ( أم عمروى ) وغيرها الكثيرين , و13 ساعة وأنا فى اليوم الواحد حوامة ما بين المنتدى العام والثقافى أهبش دا وألدغ دا وأقرص دا ورأس أمى من يوم تعرفت عليكم وأنا أفتح الداهى دا على مدنى وأقفلة على مدنى فقط وبس لا غير , وبكم أصبحت غربتى هينة ولينة لأنى أحس بكم معى فى غرفتى إحساس ملموس , أتنفس أنفاسكم , وأرى بعيونكم الحياة جميلة ومشرقة , واللّة العظيم إحساسى بكم حولى ومعى هو إحساس حقيقى بكل معنى الكلمة , واللّة الحق وأنا مع أولادى بشتاق متين أرجع للجزيرة للقياكم !!! و( أم عمرو ) على علم تام بكل مجريات الإمور , واليوم إجازة رسمية عندنا إلا إنها أبت إلا وأن أذهب للجزيرة وألتقى أحبتى , ووصلت الجزيرة فى الخامسة مساء , وفتحت الكمبيوتر , و ... رسائل الريد بالعشرات , و ال .. أون لاين ما بدوا الدرب , والمنتدي أخضر وجميل , وساعات وساعات وأنا محتار أقول شنو ؟ غير أفارقكم كيف أودعكم كيف لا لا لا لا ما بقدر , ] ود المطامير أمسك المايك أها مشيت مع ود الفكى ووالوفد المرافق لة وشلنا جنازة أبوى العمدة ومشينا المقابر وفى نص الطريق الشيبة فرفر وقحقح والجماعة اللى شايلنوا من الخوف رموهوا واللى صدم صدم واللى جرى جرى , المهم القصة الراجل جاتو صدمة سكرى وحكيم الشفخانة قال إتلحس , ولما صحى فى نص الطريق , يعنى العمودية طارت وجبناهوا مدنى شان العيون مكسرة ولما فتح قال يتفسح وفسحناهوا وهنا شافنا أمير .,.. عِلا ياكن زعلان من شبارقة بالحيل , قال ما فرش عليهو لما مات وما بارك ليهو لما قام بعاتى يالحبايب الطيبين من غير ذكر أسماء فى ميزان حسناتكم جميعاً واللّة الحق مشاعركم النبيلة هى وسام على صدرى أبد الدهر , وحبكم لى مقابلة مليون حب منى للجميع ... للجميع .. للجميع </MARQUEE>


</TD></TR></TBODY></TABLE>





<!-- / message --><!-- sig -->












<CENTER><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 431px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=8 scrollDelay=75 direction=up width=550 bgColor=#000000 height=431><CENTER>





<CENTER>

http://www.y1y1.com/u/uploads/4fc4e86a2f.jpg (http://www.y1y1.com/u)

http://www.y1y1.com/u/uploads/ce5e3f674f.jpg (http://www.y1y1.com/u)

http://www.y1y1.com/u/uploads/abd3ee0a13.jpg (http://www.y1y1.com/u)




</CENTER>






</CENTER>

</MARQUEE>
</CENTER>










http://www.arab-x.com/uploads/Feb-06/1463bfe683.jpg (http://www.arab-x.com/)
width="500" height="300"
http://www.arab-x.com/uploads/Feb-06/33ebf935d3.gif (http://www.arab-x.com/)

[نزار حسن محمد]

ود المطامير...
ابقى صنديد ...اليوم يومك ..ودايرنك ترفع راس الشرق عاليا.. منتظرين البطاقه الشخصيه ...

[خالد أحمد الصول]

العزيز و د المطامير
طبعا أخوك ليهو حق الفيتو ... عشان يعني نحنا الاتوسطنا ليك و عملناك عمدة ... ما تمشي تنوم زي نواب البرلمان ... يعني الصينية البجيبوها ليك للغذاء تعزمنا فيها و التحلية كمان ... و عاوزين لينا تصديق بنزين و سكر و عايزين تصديق طاحونة و كشكين و عايزين نرخص الاتوز بتاعت ود خالتنا ... و عاوزين حاجات كتيرة أعمل حسابك

[خالد أحمد الصول]

أوعاك تسمع كلام نزار و ما تقدر ترفع راسك زي خدوري

[ود المطامير]

بسم اللّة الرحمن الرحيم
السلام عليكم ورحمة اللّة تعالى وبركاتة
عِلا ياكن حرّم وأنا خلاص طالع ماشى للوليدات لقيتهم قعدونى فى الكرسى , ربنا ستر من ناس شبارق وأبورجاء أكانوا قالوا علىّ خاف قام جارى .
أخوكم فى اللّة عندو تلاتة أسامى وكل واحد يختار اللى يعجبو .
1 .. عثمان إبراهيم عثمان ( ودى الإسم الرسمى فى شهادة الميلاد والجواز )
2 .. عروة إبراهيم عثمان ( ودا لإسم الشعبى اللى لصقتو فينى أمى والشغال طوالى )
3 .. ود المطامير ابراهيم عثمان ( ودا بتعرفوهو )
أها ... من مدينة الشرفة الشريف بركات ( هلا هلا الناس البروبوا الموية )
4 / 2 / 1966 دا اليوم اللى جا فيهو البلا للمطامير والقرى المجاورة , شافع وحاة إسم اللّة قالت لى أمى بس قدر لمبة الجاز , حتيتونى أمى زاتها خافت منى ومرات مرات أقرب أقع من يديها أها .. بالعصيدة والويكة إتبغبغت وعملت جضيمات وكبرت ودخلت المدارس لحد الشهادة الثانوية يعنى جامعة .. نو نهى زندقى .. عشان ما كنت فاضى للمدرسة من الشريك للطيور والنبل ورماى السمك , وركوب العجلات وشواكيش البنات .
أخوانى (( خالد وخالدة )) بس وديل جو دفعة واحدة بعد عشرة سنين من جيتى أنا ودى قصتها غريبة والكرسى حقى ونقة للصباح .
لما ولدونى أنا واحد عينو حارة قال بت النور دى بتلحق أمها فى الولادة وحبوبتى جابت 15 خال وخالة , أها وحاتكم بى كلامو دا دق لينا فرامل عشرة سنوات لما أبوى شاف أبوهو فى النوم وقال ليهو أمشى لفلان الفلانى وقول ليهو قول ماشاء اللّة وبعد داك الفرامل فكت . وجو خالد وخالدة وقبضت تانى القبضة الياها ,
لما مشاكلى فى الحِلة كترت وأمى زهجت من كترة شكاوى النسوان البشاغل بناتهن قالت لأبوى الجنا دا فاضحنى فى الفريق سوقوا معاك أبوظبى وجيت أبوظبى 11/ 3 / 1987 وفى آخر 98 إتزوجت بعد قصة حب ما حصلت قبل كدا , وقلت أملى الحوش شفع ويلا
1 .. شجن .. سبعة سنوات
2 .. عمرو .. خمسة سنوات
3 .. عمار .. سنة وشهرين .. وهم معاى هنا فى الإمارات . وأحسن تسكتونى عشان تلقوا حاجة تسألوا منها (( ملحوظة )) معكم من يوم الأحد لحد الأربعاء وباقى الإسبوع حق المكوة وغسيل العدة .
أى سؤال من أى نوع ومن أى ناحية جاهز وحرّم كضب مافى تب .
أها أشوفكم يوم الأحد
مع السلامة .

[ود المطامير]

ود المطامير...
ابقى صنديد ...اليوم يومك ..ودايرنك ترفع راس الشرق عاليا.. منتظرين البطاقه الشخصيه ...
واللّة يا عمى اليوم دا أنا كنت بشرب ليهو فى المحاية .
عِلا ياكن سابقنى لشنو ؟ زول فردة قال أنا أول واحد .

[ود المطامير]

العزيز و د المطامير
طبعا أخوك ليهو حق الفيتو ... عشان يعني نحنا الاتوسطنا ليك و عملناك عمدة ... ما تمشي تنوم زي نواب البرلمان ... يعني الصينية البجيبوها ليك للغذاء تعزمنا فيها و التحلية كمان ... و عاوزين لينا تصديق بنزين و سكر و عايزين تصديق طاحونة و كشكين و عايزين نرخص الاتوز بتاعت ود خالتنا ... و عاوزين حاجات كتيرة أعمل حسابك
ها زول جيب البكسى سااى حرّم أملاهو للحنك
إنت ما الخير والبركة . والتصاديق أعتبرها وصلت
بس أنا بسجل كم كشك لى بإسمك عشان ما يقولوا
هو متين جا وسفاها .

[ود المطامير]

يا زول فردة وين صورة عمار ؟
شايفو جايب عكازو وجايك .

[تسنيم خالد]

ود المطامير نورتنا كتير والله
بركة الله هداك ورجعت لينا
ونورت الصفحات تاني بمشاكساتك
وسلامنا لعمرو وعمار وشجن
وربنا يحفظهم


لكن تعرف انت من يومك غلباوي
ربنا يخليك والله ويديك العافية




دمت

[ابوالنور]

شوفت كلام ناس تسنيم وهي وها دا ما بنفع معاي
اها نخش في الموضوع توشنك كدا طوالي دحين انت قلتي من الشرفه بركات يبركو في خنق بركة الله قول امين الليله ما تعبت معاي عامل لي فيها عربي بطيرا ليك في رويسك الماكن ده وبعدين وين ناس بخيت ودارالنعيم وام الحسن وفاطنه البسميهم منو مسمي لي بناتك اشجان وشجن وعمر حسي كان مشيت الحله شجن دي بناطروها ليك كيف ها بت ها شجن والعجب عمرو الكترابل ها جني حاود لي كدام وتحياتي لخالد وطه ومعز وليدات جبره وبدور اتناولي حبيبة قنقر لي للعجيلات وبجيك تاني يا ابورويس ماكن

[ود المطامير]

ود المطامير نورتنا كتير والله
بركة الله هداك ورجعت لينا
ونورت الصفحات تاني بمشاكساتك
وسلامنا لعمرو وعمار وشجن
وربنا يحفظهم


لكن تعرف انت من يومك غلباوي
ربنا يخليك والله ويديك العافية




دمت
تسلمى واللّة وإنتى المنورة المنتدى
وشنو الماخدك مننا ؟ إنشاء اللّة خير
وعِلا ياكن غلباوى كيفن وغنمايتنا
مرات مرات بتاكل عشاى ؟

[محمد السر احمد]

ود المطامير حبابك في الكرسي الساخن ونحنا راجنك من مدة وعندنا معاك قعدة ضحويه في الركوبة البرا
راجع ليك تاني

[ود المطامير]

شوفت كلام ناس تسنيم وهي وها دا ما بنفع معاي
اها نخش في الموضوع توشنك كدا طوالي دحين انت قلتي من الشرفه بركات يبركو في خنق بركة الله قول امين الليله ما تعبت معاي عامل لي فيها عربي بطيرا ليك في رويسك الماكن ده وبعدين وين ناس بخيت ودارالنعيم وام الحسن وفاطنه البسميهم منو مسمي لي بناتك اشجان وشجن وعمر حسي كان مشيت الحله شجن دي بناطروها ليك كيف ها بت ها شجن والعجب عمرو الكترابل ها جني حاود لي كدام وتحياتي لخالد وطه ومعز وليدات جبره وبدور اتناولي حبيبة قنقر لي للعجيلات وبجيك تاني يا ابورويس ماكن
أقيف أقيف يالحبيب وأسمعنى , شوف أبوهم فوق عندو كم إسم ؟
وهم طالعين لأبوهم يعنى لما يرجعوا هناك بنطلع الشهادات التانية
والجنيات البتسلم عليهم ديل بتعرفهم من وين ؟ كدى أبقى قريب جاى
شكلك دا مو غريب على . ومستنيك .

[بورتبيل]

الله يجازي الزول بتاع فرامل اليد دا ....وبعدين يا ود المطامير .... ما تميت القصة ... وزراعة الطماطم في الجروف .... والبيع في الملجة بتاعت ود مدني .... والكاسي الكشف الزي الصفائح ديك ... والموقف بتاعكم في السوق الكبير ..... يعني نقصتها ليه ... تمها تمها ... وما تخجل يا هو واقعنا يا ود عمي...... هاهاهاها مع التحية لبتاع الشبارقة داك (قول ليه قالو الشبارقة فيها بترول)؟؟؟؟ اجر الحق

[ود المطامير]

ود المطامير حبابك في الكرسي الساخن ونحنا راجنك من مدة وعندنا معاك قعدة ضحويه في الركوبة البرا
راجع ليك تاني
مرحب بالغالى وتعال ساى والراكوبة رشيناها بالموية
والقهوة هديك فى النار عِلا ما تتأخر

[ابورجاء]

الحبايب الغالين الحلوين
جنا المطامير ماشي للوليدات الليلة
بيجي يوم اللحد استنوهو بعدين كل يوم
تعالو تاوقو بي هنا ما تخلو الراكوبة خلا
ويا بتي تسنيم عمي العمده قال ليك سوي
القهوة للجنيات ديل لمن يجي راجع ...
ودوما في رعاية الله وحفظه...
مع كل الود باقة ورد...

[امير عبدالباقي]

ودالمطامير تمشي وترجع لينا بالسلامه ياعشائ وسلامي للعيال وامهم
بس عاد ماطول منتظرنك في الداهيه دي

[عزيز عيسى]

الزول الظريف ودالمطامير.. حبابك عشرة أهلا ومرحب بيك..

سعيد جدا بإستضافتك في الكرسي الساخن.

عثمان.. عروة.. مسافر.. ودالمطامير.. ها جانا إنت مزوراتي؟
ورينا الإسم الذي تحب أن تنادى به.

الشرفة الشريف بركات.. حلتكم دي أين موقعها في الخريطة الجغرافية.
كدي أدينا تعريف عنها.. غايتو إنتو الناس البتربوا الموية ديل ما ساهلين طب..
ولو بتزرعوا في الهواء تكونوا كملتوا الناقصة.

عايزين نعرف مين الخلاك تقطع الكبري وتجي عندنا هنا في مدني.

ورينا شغال شنو في أبوظبي.. بس أوع تكون برضو بتشرك للطير
وتصطاد السمك وتركب في العجلات.. ولما يلاقيك الجكس بتتصرف كيف مع الوزارة.

[magdi]

تحياتي ياود المطامير ..........
وصية مني ليك ما ترطب كتير في أبوظبي دي لأنها حا تخرب طبعك ....

بعدين سمعنا تحت تحت الكبري قالوا حايقفلوهو ... ألحق بسرعة عدي
ولا رابط المركب بي هناك !!!

وبعدين قصة الشواكش الكتيرة دي شنو .. يعني ضلوعك كلها إتكسرت ..
آآآآآ أكيد الشوكشوك ودشدشوك ديل جكس مدني لأنهم أحلى منهم مافي مو كده ياود أخوي ؟؟

[مزوني]

يا ود المطامير حبابك والله

جيت أخيرا !! مرحب بيك أخوي لكن يا عمنا عزيز جد بالجد ما بتعرف

الشرفه بركات دي بي وين !؟!؟!؟!؟!؟!؟!

انا اللي بعرفوا انهم تلاته

" شرفه بركات ,, تقريبا شرف شرق ( ما متأكد منها ),, التاله ما متأكد اسمها شرفه شنو "

وموقعها خلف أبو حراز لكن بي وين الله أعلم

ود المطامير حبيت أخفف عليك كدي لحد ما اجيك راجع

[سواااح]

الرائع .. ود المطامير ..

اولا حكومة المنتدي بتعترض علي استضافة
قائد من قادة التمرد في التلفزيون القومي
با عبد المنعم دي سويتها كيف ..؟؟
والزول ده قال جاهر بقعد ليكم لي الحول

* مرحبا .. ود المطامير .. عثمان .. عروة ..
وبعدين اثبت ليك علي اسم عشان نقدر نتفاهم
هذه الزيارة لمجرد السلام ..
ومع الزحام ساتيك بباقي الكلام

دمــــــــــــــــــــــــــــت ،،

[ابودجانه العباس]

ها أبوي العمده الناس ديل جابوك هنا عشان يزرزروك ويعرفو منك اخبار الجبهه والجني الاسمو (سواااح) دا ناوي يجيب خبرك علا عافي منك عارفك آبتدقس ليهم خليهم يسعلوا ساكت

[sami_alkaer]

4 / 2 / 1966
اول حاجه غير الصوره القديمه دي ياود المطامير ... :eek: :eek: :eek: و اقول ليك بالعربي عدييييييييييل . . . انت (جلك)

ليك التحيه ياعمو ، وعليك الله ورينا الغربه الطويله دي اضافت ليك شنو وشالت منك شنو

[Madanawi]

بسم اللّة الرحمن الرحيم
السلام عليكم ورحمة اللّة تعالى وبركاتة
عِلا ياكن حرّم وأنا خلاص طالع ماشى للوليدات لقيتهم قعدونى فى الكرسى , ربنا ستر من ناس شبارق وأبورجاء أكانوا قالوا علىّ خاف قام جارى .

وأحسن تسكتونى عشان تلقوا حاجة تسألوا منها (( ملحوظة )) معكم من يوم الأحد لحد الأربعاء وباقى الإسبوع حق المكوة وغسيل العدة .
أى سؤال من أى نوع ومن أى ناحية جاهز وحرّم كضب مافى تب .
أها أشوفكم يوم الأحد
مع السلامة .

ود المطامير - العزيز - الاخو - مرمي الله - المغترب بلا قلب - ابو عمرو - ود الشرق - الظريف لكن ما حريف - بتاع البوكس الخاشي الملجة طلع منها وزير الثقافة.

يا أخوي مرحب بيك و أول حاجة تورينا باقي الاسبوع حق المكوة والغسيل دا شنو وانت اولادك معاك يعني انت ضابحين ليك الكديسة ولا شنو؟؟؟؟؟؟؟؟؟؟؟

أنا طولت ما سمعت الاغنية البتقول

عروة يغسل العدة!!!

عروة يغسل العدة!!!

بابا يغسل العدة!!!

ما تحاول تسمعنا ليها

وجاي ليك تاني - خليك قريب يا جوكس

[شبارقة]

يا حليلك يا حبيب قساي ،،
يا العشا ابلبن..
ختوك في الكرسي الحار ..
بلفك بي خيشة مبلولة .. وبهببك بي طرف الشال ... وبخت ليك التلج فوق هامتك
لامن الله يكشف غمتك ..
كرعلي يا حبيبي ..
ما تستاهل

[ابورجاء]

يا حليلك يا حبيب قساي ،،
يا العشا ابلبن..
ختوك في الكرسي الحار ..
بلفك بي خيشة مبلولة .. وبهببك بي طرف الشال ... وبخت ليك التلج فوق هامتك
لامن الله يكشف غمتك ..
كرعلي يا حبيبي ..
ما تستاهل
وب وب وب وب وب وا شريري وا شريري
ات كت عكاز عماي وياك ضواي العتمه
اصبري يا خالتي السرة ده شنو البتعملي فيهو
ده الود ما مات!!
اها مالو الولد شبارقة بيكورك في شنو..
يا خالتي السرة شبارقة ده بتاع جوطه انتي ما
عارفاهو من زمان جنو يلخبط الحكاية وعارفه شماراتو كلها كضب.
طيب في شنو وليدي عروه مالو.
مافي شئ ياخالتي السرة اصلو خاتنو في الكرسي الساخن..
ووووووووووب علي وووووووب علي
الجنى كتل منو خاتنو في الكرسي المسخن ده مو
حق الاعدام بالكهربا بيدورو يقتلوهو الجنا...
يا خالتي السرة يقتلوهو شنو ده اسمو الكرسي
الساخن بيسالو الواحد اسأله مسخنه وتضرب في
النافوخ طوالي ومرات بتعمل حمه وتخلي الواحد
يكب الزوقه ويقول ماشي اشوف وليداتي وكده..
اي سب عليك يا شبارقة خلتيني لفحت توبي وجيت
جاريه الله يجازيك بالخير اها يا جنا عشاي انا
صاده البيت خليت ملاحي في النار..
خلاص يا خالتي السرة مع الف سلامة...
دي حالة دي عليك الله يا شبارقة ما تجنن نسوان
المنتدى ساكت ما تبيبي وتسكلب لينا هنا ...
ودوما في رعاية الله وحفظه...
مع كل الود باقة ورد....

[مدنيّة]

هي ياود المتامير قعدت في الكرسي الساخن :eek: عفيت منكم لكن يالكنتو السبب
اها انت كدا اخوي الجية مابتنفع كدا هسي جيت اسلم بمشي وبجيك بمزااااج كدا مع كباية نسكافي كان نقدر نفهم منك حاجة :p
اها اوع بس تجي تقولي نسكافي دا درس معك في نفس الفصل :cool:

بجيك راجعة باذن الله

[magdi]

ياجماعة هووووووووووووي ود المطامير مختفي في ظروف غامضة !!!!!!!!!!!

الظاهر الكرسي سخن شديد ..

شنو يازول إن شاءالله المانع خير .... وين حسك ؟؟؟

[Madanawi]

يا جماعة ود المطامير شغال مكوة وبيغسل في العدة وقيل من شهود عيان انه شغال مسح وكنس في البيت. ومن مصادر موثوق منها ايضا ود المطامير بيسوي الاكل حق الاسبوع لانه مهدد ومهروش وما بيقدر يقول بغم!!!!!!!!!!!!!!

هانت الزلابيا واصبح ود المطامير ذو كديسة مذبوحة.

[magdi]

يا أخوانا هووووووووووي ود المطامير زاغ ....


الراجل ليه يومين مختفي في ظروف غامضة !!!

شنو الحكاية الكرسي سخن بيك ولى شنو ....؟؟؟؟

[امير عبدالباقي]

الليله الاحد وودالمطامير ماظهر الحاصل شنو اوعي يكون لسه بكوي الداهيه دا

[ابورجاء]

الغالين والحلوين والرايعين
تسلموا وتشكروا على سؤالكم عن
ود المطامير هو بخير والحمد لله بس
العدة كانت كتيره والهدوم حقت المكوه
كميات مضروبه في عشره عشان كده اتأخر
يمكن بكره يظهر لو ما حصلت مستجدات في
المهام الموكل له يعني احتمال يكون في طبيخ
الاسبوع ونظافة الشقة وفسيح الوليدات عشان
راجع سجن جوانتنامو تاني اسبوع ما بيطلع منو
ادعو ليهو ربنا يقدروا ويعينوا وان شاء الله ما
تضوقوها زره زي دي يا رب...
ودوما في رعاية الله وحفظه...
مع كل الود باقة ورد....

[ابوالنور]

ديل ما قاعدين يكوي لانو بالليل وساده وبالنهار قلاده

[ود المطامير]

الله يجازي الزول بتاع فرامل اليد دا ....وبعدين يا ود المطامير .... ما تميت القصة ... وزراعة الطماطم في الجروف .... والبيع في الملجة بتاعت ود مدني .... والكاسي الكشف الزي الصفائح ديك ... والموقف بتاعكم في السوق الكبير ..... يعني نقصتها ليه ... تمها تمها ... وما تخجل يا هو واقعنا يا ود عمي...... هاهاهاها مع التحية لبتاع الشبارقة داك (قول ليه قالو الشبارقة فيها بترول)؟؟؟؟ اجر الحق
أهلا بود عمى الغالى , أها جيتكم راجع بعد ما مشيت للوليدات
والقصة أكيد ح أتمها وأزيدها من عندى كمان والكرسى دا إلا
يقومنى منو الشديد القوى , عِلا ياكن لو الشبارقة فيها بترول
ما كلنا ح نسابق شبارقة فى الجرى ليها .
تسلم لى يالحبيب .

[ود المطامير]

الحبايب الغالين الحلوين
جنا المطامير ماشي للوليدات الليلة
بيجي يوم اللحد استنوهو بعدين كل يوم
تعالو تاوقو بي هنا ما تخلو الراكوبة خلا
ويا بتي تسنيم عمي العمده قال ليك سوي
القهوة للجنيات ديل لمن يجي راجع ...
ودوما في رعاية الله وحفظه...
مع كل الود باقة ورد...
واللّة براك تخرب يالحبيب , وإياها المحرية فيك
وما قصرت تب , أها قول خير وجبل الهملايا
اللى خطبتو لى داك قسمو على الجماعة . عِلا
الغالية تسنيم باقى ليك بتعرف تسوى القهوة ؟

[عوض صقير]

مرحب بأخونا الغائب ود المطامير

ياجماعة الزول ده مالقيتو ليهو خبر

والظاهر عليهو شم ريحة الكرسى وكبه الزوقة

[ود المطامير]

ودالمطامير تمشي وترجع لينا بالسلامه ياعشائ وسلامي للعيال وامهم
بس عاد ماطول منتظرنك في الداهيه دي
تسلم يالحبيب تسلم , والعيال وأمهم بسلموا عليكم وحياة معزتكم عندى
أم العيال مشت عيزومة حريم عشاء وإتسممت ويومين واللّة السكاكين
شغالة طِعين ولو لا معزتكم عندها وعندى ما كنت جيت اليوم بس هى
أصرت أجيكم ,

[ود المطامير]

الزول الظريف ودالمطامير.. حبابك عشرة أهلا ومرحب بيك..

سعيد جدا بإستضافتك في الكرسي الساخن.

عثمان.. عروة.. مسافر.. ودالمطامير.. ها جانا إنت مزوراتي؟
ورينا الإسم الذي تحب أن تنادى به.

الشرفة الشريف بركات.. حلتكم دي أين موقعها في الخريطة الجغرافية.
كدي أدينا تعريف عنها.. غايتو إنتو الناس البتربوا الموية ديل ما ساهلين طب..
ولو بتزرعوا في الهواء تكونوا كملتوا الناقصة.

عايزين نعرف مين الخلاك تقطع الكبري وتجي عندنا هنا في مدني.

ورينا شغال شنو في أبوظبي.. بس أوع تكون برضو بتشرك للطير
وتصطاد السمك وتركب في العجلات.. ولما يلاقيك الجكس بتتصرف كيف مع الوزارة.

عزيزى العزيز عزيز قلبى عيسى
أونا اللى سعيد بيكم على الكرسى
وصدقنى حكاية الأسامى بتاعتى واللّة الحالة دى من طرف المخلاية بس
وأكتر إسم كنت مشهور بيهو هو ( أبو لمبة ) أبوفانوس ودى خليهو سر بينى
وبينك بس , وأحب إسم لقلبى هو (( عروة )) لة وقع خاص فى نفسى .
والشرفة الشريف بركات يالحبيب تقع على على الضفة الشرقية للنيل
الأزرق , بالقرب من مدينة أبوحراز (( هلا هلا )) أهل البنايا , وتبعد من مدنى
ساعة بالعربية عشان الخيران , ولو ما الخيران نص ساعة بس .
أها أنا شغال فى بلدية أبوظبى .. مراقبة الأسواق .. ومراقبة البيئة ..
وود أخوك بهرش ليك الجماعة هرش جد , , يعجبك ,, و الزراعة فى الهوا تتخيل
جربناها بس لقيط البامية لقيناهو صعب شوية , وعجنى حكاية الجكس والوزارة
على الطلاق أم الوليدات ذى قناص بغداد ما بتفوتها شاردة ولا واردة , وود أخوك
نسوان المنطقة يغنن ليهو راجل المرة دا حلو حلاة وهى حالفة تكشحنى بالزيت الحار
لو أنا رديت عليهن وقلت آاااى .

[ود المطامير]

تحياتي ياود المطامير ..........
وصية مني ليك ما ترطب كتير في أبوظبي دي لأنها حا تخرب طبعك ....

بعدين سمعنا تحت تحت الكبري قالوا حايقفلوهو ... ألحق بسرعة عدي
ولا رابط المركب بي هناك !!!

وبعدين قصة الشواكش الكتيرة دي شنو .. يعني ضلوعك كلها إتكسرت ..
آآآآآ أكيد الشوكشوك ودشدشوك ديل جكس مدني لأنهم أحلى منهم مافي مو كده ياود أخوي ؟؟
عزيزى الغالى مجدى ,, صاح ,, ؟
المكيفات دى ما بتتفات , والدولارات البلقاها
إنشاء اللّة طبع أبوى العمدة يتخرب , ومين اللى
ح يقفل الكبرى وهو تحت سيطرتنا ؟ وبرضو أقول
ليك ود بحر وعوام ,
وقصة الشواكيش يالحبيب , أخوك ريّاد شديد عِلا
ياكن بدخل فى الواحدة تووووش من غير رتوش
وقدام الناس شان كدا كل واحدة تلقاها بتحبنى ياكن
شان كلام الناس بتتناول أقرب شاكوش وعينى ما
يشوفن إلا النور . وجكس مدنى وحاة إسم اللّة
عشانهن طارت منى الجامعة .

[ود المطامير]

يا ود المطامير حبابك والله

جيت أخيرا !! مرحب بيك أخوي لكن يا عمنا عزيز جد بالجد ما بتعرف

الشرفه بركات دي بي وين !؟!؟!؟!؟!؟!؟!

انا اللي بعرفوا انهم تلاته

" شرفه بركات ,, تقريبا شرف شرق ( ما متأكد منها ),, التاله ما متأكد اسمها شرفه شنو "

وموقعها خلف أبو حراز لكن بي وين الله أعلم

ود المطامير حبيت أخفف عليك كدي لحد ما اجيك راجع
كلامك مظبوط يا حبيب القلب واللّة مشتاق مشتاق ليك
طيب , بعد الكبرى فى إتجاه القضارف , بعد التفتيش تكسر شمال
وتكسح بين الجناين لحد كبرى أبو حراز( الرهد ) وتخلى أبوحراز
على يدك الشمال وتكسح , وتلاقيل الكلية الزراعية والقبة والخور اللحمر
وبعد الخور اللحمر تجيك الشرفة البحر وبعدها الشنابلة وبعدها الشرفة بركات
وأول شارع تكسر شمال أول بيت تخليهو وتانى بيت بيتنا ومرحبا بكم فى دياركم
يا حبايب ( الوصف دا قبل 9 سنوات ) هسى إمكن يكون جدّ جديد شان ما يقولوا ودرنا سااااى

[ود المطامير]

الرائع .. ود المطامير ..



اولا حكومة المنتدي بتعترض علي استضافة
قائد من قادة التمرد في التلفزيون القومي
با عبد المنعم دي سويتها كيف ..؟؟
والزول ده قال جاهر بقعد ليكم لي الحول


* مرحبا .. ود المطامير .. عثمان .. عروة ..
وبعدين اثبت ليك علي اسم عشان نقدر نتفاهم
هذه الزيارة لمجرد السلام ..
ومع الزحام ساتيك بباقي الكلام



دمــــــــــــــــــــــــــــت ،،

الحبيب الغالى ... مشتاقين
رسل سيارة التلفزيون ساى
ويا الحبيب كل إسم عندو مهة خاصة
عثمان دا الزول الرسمى بتاع المجاملات الأفراح والأتراح
والتعامل مع الناس اللى أكبر منى , والدواير الحكومية
عروة دا بتاع الشباب والمرح والشواكيش والشلاقة
ود المطامير دا على اللى عندو شايل حق أخوانو
أها لما تجينى راجع تانى لك حق الإختيار بيناتهم
ودمت لى .

[ود المطامير]

ها أبوي العمده الناس ديل جابوك هنا عشان يزرزروك ويعرفو منك اخبار الجبهه والجني الاسمو (سواااح) دا ناوي يجيب خبرك علا عافي منك عارفك آبتدقس ليهم خليهم يسعلوا ساكت
يا فردة .. كيفك ؟ .. تمام
ها زول واللّة كدا ريحونى من المساككة فيهم من هِنى لهِنى وكدا
مرتاح متحكر فى الكرسى وهم يجوا للقريص لحد عندى .
وأخوى سواح زميل سلاح وكل واحد فينا فاهم التانى .

[ود المطامير]

4 / 2 / 1966
اول حاجه غير الصوره القديمه دي ياود المطامير ... :eek: :eek: :eek: و اقول ليك بالعربي عدييييييييييل . . . انت (جلك)

ليك التحيه ياعمو ، وعليك الله ورينا الغربه الطويله دي اضافت ليك شنو وشالت منك شنو
زارتنا البركة واللّة وفرحان بجيتك فرح جد
واللّة يا المخابرات الصورة دى جديدة لنج والحالة فيها دقينة
أكان حلقتها ح تقول لى غير شهادة الميلاد , ( عجوز بالسنوات )
وبالشكل شباب طوالى وكتير ناس بيخدعهم شكلى , ودا عندو سر
يا عمو .. دا إنت عمرى عديتو مع رأفت الهجان
ويالحبيب الغربة أضافة لى ( معرفة معادن الرجال ) مش بقولوا الغربة
حارة أها الحرارة بتوريك معدن الواحد دهب ولأ فالصو ؟
وشالت منى قلبى أصلو إتيبس وبقى حجر . أمى تبكى تعال تعال وأنا
أخمخم فى الدراهم !!!!!

[ود المطامير]

ود المطامير - العزيز - الاخو - مرمي الله - المغترب بلا قلب - ابو عمرو - ود الشرق - الظريف لكن ما حريف - بتاع البوكس الخاشي الملجة طلع منها وزير الثقافة.

يا أخوي مرحب بيك و أول حاجة تورينا باقي الاسبوع حق المكوة والغسيل دا شنو وانت اولادك معاك يعني انت ضابحين ليك الكديسة ولا شنو؟؟؟؟؟؟؟؟؟؟؟

أنا طولت ما سمعت الاغنية البتقول

عروة يغسل العدة!!!

عروة يغسل العدة!!!

بابا يغسل العدة!!!

ما تحاول تسمعنا ليها

وجاي ليك تاني - خليك قريب يا جوكس
ها زول اللسامى دى كلها جبت ليها خرفان سماية ؟
حبيب عمرى إنت صدقنى موتنى بالضحك ,
ما هو يا غالى آخر الإسبوع دا يا إما أخسر أربعمية درهم للخدامة
ولأ أشمر يدينى وأكوى وأغسل وأربح الأربعمية ؟؟ شاطر ولأ لا ؟
وأنا هسى بفكر أضبح ليها كديسة أكبر من كديستها , بتنفع ولأ
فات الفوات ؟
واللّة الحق يا ( مدناوينا ) بتى الصغيرة كلما تشوفنى بغسل فى العدة بتغنى لى
بابا يغسل العدة آآاى وماما تدقوا بالشدة آآآآآآى
وأنا أنحرق عليها والكبابى تتوقع منى وتتكسر , ولما المدام تكون زعلانة منى
بتحرق الملاح مخصوص عشان أحكحك الحلة لما عينى تطلع .
وعليك اللّة كلما تجى مدنى مر على .
وتسلم لى يا غالى .

[ود المطامير]

يا حليلك يا حبيب قساي ،،


يا العشا ابلبن..
ختوك في الكرسي الحار ..
بلفك بي خيشة مبلولة .. وبهببك بي طرف الشال ... وبخت ليك التلج فوق هامتك
لامن الله يكشف غمتك ..
كرعلي يا حبيبي ..

ما تستاهل

ود عمى ... مشتاقين
ها زول خلى الخيشة والتلج لحميدان يبيعهم فى رمضان
حرّم زى ما قال الغالى ( صول سودان ) شفت حنة العريس ؟
أها دا أنا هسى , واللّة حاجة سمحة سماحة لوشفتها هسى
تقعد تجرجرنى وتقول لى أنزل لى .. أنزل لى .

[ود المطامير]

وب وب وب وب وب وا شريري وا شريري
ات كت عكاز عماي وياك ضواي العتمه
اصبري يا خالتي السرة ده شنو البتعملي فيهو
ده الود ما مات!!
اها مالو الولد شبارقة بيكورك في شنو..
يا خالتي السرة شبارقة ده بتاع جوطه انتي ما
عارفاهو من زمان جنو يلخبط الحكاية وعارفه شماراتو كلها كضب.
طيب في شنو وليدي عروه مالو.
مافي شئ ياخالتي السرة اصلو خاتنو في الكرسي الساخن..
ووووووووووب علي وووووووب علي
الجنى كتل منو خاتنو في الكرسي المسخن ده مو
حق الاعدام بالكهربا بيدورو يقتلوهو الجنا...
يا خالتي السرة يقتلوهو شنو ده اسمو الكرسي
الساخن بيسالو الواحد اسأله مسخنه وتضرب في
النافوخ طوالي ومرات بتعمل حمه وتخلي الواحد
يكب الزوقه ويقول ماشي اشوف وليداتي وكده..
اي سب عليك يا شبارقة خلتيني لفحت توبي وجيت
جاريه الله يجازيك بالخير اها يا جنا عشاي انا
صاده البيت خليت ملاحي في النار..
خلاص يا خالتي السرة مع الف سلامة...
دي حالة دي عليك الله يا شبارقة ما تجنن نسوان
المنتدى ساكت ما تبيبي وتسكلب لينا هنا ...
ودوما في رعاية الله وحفظه...
مع كل الود باقة ورد....

يا خالتى السرة ما تسمعى كلام أخوانى ديل
محروقين على شان فزت عليهم فى اللنتخابات

[مزوني]

ود المطامير

انا بطبعي اسئلتي خفيييييييييييييفه شديييييييييييييد

بس بدورلي موقف ظريف وموقف محرج

وشكراً ههههههههههههههههههههههههههه

لكن بجيك تاني بالتقيله

[ود المطامير]

هي ياود المتامير قعدت في الكرسي الساخن :eek: عفيت منكم لكن يالكنتو السبب



اها انت كدا اخوي الجية مابتنفع كدا هسي جيت اسلم بمشي وبجيك بمزااااج كدا مع كباية نسكافي كان نقدر نفهم منك حاجة :p
اها اوع بس تجي تقولي نسكافي دا درس معك في نفس الفصل :cool:


بجيك راجعة باذن الله



الغالية ( مدنية ) كل دا وسلام بس ؟ أكان كدا قهوتنا عليها العوض
ونسكافى الدرس معاى داك واحد تانى ودا كان بسرح معاى بالغنم .
وتشرفى والبيت بيتك .
واللجنة دى لسة ما راحت ؟

[ود المطامير]

ياجماعة هووووووووووووي ود المطامير مختفي في ظروف غامضة !!!!!!!!!!!

الظاهر الكرسي سخن شديد ..

شنو يازول إن شاءالله المانع خير .... وين حسك ؟؟؟
عِلا يكن يا اللخو شفت ليك مسعول كبييير
شغال أيام اللجازات فى المكتب ؟
فما بالك وأنا على كرسى الوزارة ؟

[ود المطامير]

يا جماعة ود المطامير شغال مكوة وبيغسل في العدة وقيل من شهود عيان انه شغال مسح وكنس في البيت. ومن مصادر موثوق منها ايضا ود المطامير بيسوي الاكل حق الاسبوع لانه مهدد ومهروش وما بيقدر يقول بغم!!!!!!!!!!!!!!

هانت الزلابيا واصبح ود المطامير ذو كديسة مذبوحة.
واللّة يا ( مدناوينا ) إنتوا قويتوا المرة دى على أكتر مما هى أصلا
قوية وهسى هى حالفة تغير العقد اللى بينى وبينها شان يتضمن المسح
والكنس والطبيخ , قالت غشيتها قالت بالمكوة والغسيل بس , وكلما أنطط
تبطح الكديسة وترفع السكين .

[ود المطامير]

يا أخوانا هووووووووووي ود المطامير زاغ ....


الراجل ليه يومين مختفي في ظروف غامضة !!!

شنو الحكاية الكرسي سخن بيك ولى شنو ....؟؟؟؟
يا شبارقة يوم تجى تعرس ما تطبع جوابات
كلم الحبيب دا حرّم عندو صوت ناس ود البردانة
فى الجحور يسمعوة .

[ود المطامير]

الليله الاحد وودالمطامير ماظهر الحاصل شنو اوعي يكون لسه بكوي الداهيه دا
يا زول أنا ما بخلى شغل اليوم لبكرة
بس المركب وحلت ويا اللّة طلعناها .

[ود المطامير]

الغالين والحلوين والرايعين
تسلموا وتشكروا على سؤالكم عن
ود المطامير هو بخير والحمد لله بس
العدة كانت كتيره والهدوم حقت المكوه
كميات مضروبه في عشره عشان كده اتأخر
يمكن بكره يظهر لو ما حصلت مستجدات في
المهام الموكل له يعني احتمال يكون في طبيخ
الاسبوع ونظافة الشقة وفسيح الوليدات عشان
راجع سجن جوانتنامو تاني اسبوع ما بيطلع منو
ادعو ليهو ربنا يقدروا ويعينوا وان شاء الله ما
تضوقوها زره زي دي يا رب...
ودوما في رعاية الله وحفظه...
مع كل الود باقة ورد....
أهووو علينا
قلنا ليكم مكوة وغسيل عدة بس
ما تقوا على المرة دى وبكرة
تجيب ليها قش شارع ولو دا
حصل إلا أقوم قبل الفجر .

[ود المطامير]

ديل ما قاعدين يكوي لانو بالليل وساده وبالنهار قلاده
يسلم فمك , وريهم , أديهم
دا الكلام ولأ بلاش
أخو أخوان إنت واللّة
ربى يخليك لى .

[ود المطامير]

ود المطامير

انا بطبعي اسئلتي خفيييييييييييييفه شديييييييييييييد

بس بدورلي موقف ظريف وموقف محرج

وشكراً ههههههههههههههههههههههههههه

لكن بجيك تاني بالتقيله
غالى والمخلاية مليانة
أول ما جيت أبوظبى وأول مرة أمسك سماعة تلفون وأدونى أسلم
على واحد وحاة إسم اللّة صوتى طلع الشارع والناس اللى فى المكتب كلهم
إتحرجوا , ماهو أخوك قالوا ليهو الزول دا فى دبى ودبى بعيدة عشان كدا
عليت صوتى عشان يسمعنى .. لما أبوى لكزنى .
أول مرة أركب السلم المتحرك فى مطار أبوظبى ولما وصل النهاية أخوك ركبيهو
ساحو وإتلاطشو مع بعض وهردلب جيت الواطة والعالم ضحكوا على وبقيت حتيتونى
من الخجل .
وتعال سريع بالتقيلة عشان بلقى نفسى فيها .

[الشريف الهندي]

هههه
هههههههه
هههههههههههه

الرائع بالجد ود المتامير ........ ( جيتك باللجنه دي اصلو قالو موضه)

والله قعدتك في الكرسي تفرح بالحيل .... وادخلت علينا الفرح السرور بالجد بطلتك البهية دي
وعليك الله خليك قاعد متحكر كده تب ما تقوم ... النجيب الكمره واتصور جنبك ...

ياريت لو كنت املك الدنيا وكل فرحتها كنت اهديكها لتفرح عسى أيامك كلها فرح
لكني اهديك

مع كل الود باقة ورد
http://www.asmilies.com/smiliespic/FAWASEL/047.gif (http://www.asmilies.com)

[ابودجانه العباس]

هاااا ابوي العمدة إت رجعت حمدلله علي سلامتك الوليدات كيفنهن طيبين إنشاءالله عافيه طيب أم الوليدات كيفنها طيبه شجن كيفنها طيبه عمرو كيفنو طيب عمار كيفنو طيب باقي الاهل كيفنهن طيبين كل البعز عليك كيفنهن طيبين الحمد لي الله علي رجعتك طيب.

[ود المطامير]

هههه


هههههههه
هههههههههههه


الرائع بالجد ود المتامير ........ ( جيتك باللجنه دي اصلو قالو موضه)


والله قعدتك في الكرسي تفرح بالحيل .... وادخلت علينا الفرح السرور بالجد بطلتك البهية دي
وعليك الله خليك قاعد متحكر كده تب ما تقوم ... النجيب الكمره واتصور جنبك ...


ياريت لو كنت املك الدنيا وكل فرحتها كنت اهديكها لتفرح عسى أيامك كلها فرح
لكني اهديك


مع كل الود باقة ورد

http://www.asmilies.com/smiliespic/FAWASEL/047.gif (http://www.asmilies.com)

واللّة يا شيخى العين ما بتعلى على الحاجب تب
أقوم أنا وتقعد إنت وأتشرف أتصور معاك
والفرحة فرحتى وباقة الورد ح تبقى يانعة فى
حديقة قلبى على الطول , وما أهديتة لى من طيب
الكلام أغلى من الدنيا كلها و ما عليك المستنى يقعد
بعدى فى الكرسى دا اليمشى يبيع البصل سااى
حرّم تكنكشة جد ,
واللّة يسعد مساء اللى سوّا المطامير متامير
( والتصبر لى مدنية )

[بورتبيل]

يا ود المطامير .... ايوه كدا افركم فركم (الجيلي) ....وين باقي القصة ..... اها ازول امشي لقدام ... ما ياكا انت الراجنك من قبيل ..... اقدل ووريهم المكشن يا جنا .... اقدل

[ود المطامير]

هاااا ابوي العمدة إت رجعت حمدلله علي سلامتك الوليدات كيفنهن طيبين إنشاءالله عافيه طيب أم الوليدات كيفنها طيبه شجن كيفنها طيبه عمرو كيفنو طيب عمار كيفنو طيب باقي الاهل كيفنهن طيبين كل البعز عليك كيفنهن طيبين الحمد لي الله علي رجعتك طيب.
وعائلة ود المطامير بدورها من خلال برنامج ما يطلبة المستمعون دا
بتهدى سلامها الكتير للعم العزيز الغالى أبودجانة وبيبلغوة أحر التحايا
والأشواق متمنين لة دوام الصحة والعافية وللخالة نفيسة والعمة ري...
ألو .. ألو الإزاعة .. ألو ... ألو .
تسلم يا الحبيب كلهم بسلموا عليك .

[ود المطامير]

يا ود المطامير .... ايوه كدا افركم فركم (الجيلي) ....وين باقي القصة ..... اها ازول امشي لقدام ... ما ياكا انت الراجنك من قبيل ..... اقدل ووريهم المكشن يا جنا .... اقدل
ود عمى وحبيب قلبى
وحاة غلاوتك عندى يا دوبك دى نمرة إتنين بس .
وباقى القصة قلت لما يجن النسوان , عليك أمان اللّة
لو ما( تسنيم ومدنية ) التقول ميدان كورة ,

[مزوني]

ههههههههههههههههههههههه

حبيبي ود المطامير والله بالكاد تكون نكهة المنتدى

ده لو ما كنت وبقيت وبالجد يا رائع وربنا يديم عليك الصحه والعافيه يا حبيب

وما نسمع ليك شينه يا حبيبنا

طيب يا ود المتامير " على قول مدنيه ههههههههه "

أم عمرو ما دام هي بالصعوبه دي وضافراك قدر ده

كنت عميان منها زمااااااااااان " معليش شمشره لكن ده كرسي ساخن هههههههه "

ما حكيت لينا قصة التآلف تمت كيفن

وشعورك لما نبأوك ولي العهد و شعورك لما بشروك بي جيتو ؟؟

وشد حيلك للأتقل يا حبيب

[ود المطامير]

ههههههههههههههههههههههه

حبيبي ود المطامير والله بالكاد تكون نكهة المنتدى

ده لو ما كنت وبقيت وبالجد يا رائع وربنا يديم عليك الصحه والعافيه يا حبيب

وما نسمع ليك شينه يا حبيبنا

طيب يا ود المتامير " على قول مدنيه ههههههههه "

أم عمرو ما دام هي بالصعوبه دي وضافراك قدر ده

كنت عميان منها زمااااااااااان " معليش شمشره لكن ده كرسي ساخن هههههههه "

ما حكيت لينا قصة التآلف تمت كيفن

وشعورك لما نبأوك ولي العهد و شعورك لما بشروك بي جيتو ؟؟

وشد حيلك للأتقل يا حبيب
بالكاد دى شنو دى ؟ كويس بأدبك
ما إنت ماعارف حاجة , أصلو الجكس دا يتمسكن لحد ما يتمكن , , واللّة أعيش معاك تحت ضل شدرة وإنت تصدق , واللّة أخدمك حفيانة وإنت تصدق , واللّة واللّة وفى النهاية تلقى إنو التفسير مفروض يكون بالمعكوس , بدل شدرة إلا الطابق العاشر وإنت اللى تخدمها حفيان.. فتحوا عيونكم..
وحكاية إتشربكنا كيف ؟
أول شئ أمى اللّة يديها العافية تشيل وتخطب لى فى البنات ولو أم اللى بتخطبها لى قالت ليها زحى من الدرب ساااى أها طوالى أول شى بتقول ليها بتك اللّة يساعدها ,,, جد واللّة ,,, والخطوبة تفركش وكتير خطبت لى وفركشتها وأنا ما جايب خبر , ما هو ولدها وهى حرة فيهو ( دا مثلها )
أها قالوا اللى ماعندو أخت يسوى ليهو أخت والبيت اللى مافيهو أخوات نشاف جد , أها فى إجازة من إجازاتى دخلت بيت ناس حبوبتى وسلمت على دا ودا ودا ولما لفيت أسلم على البقية ألقى ليك واحدة (( نار اللّة الموقدة )) قاعدة على الكرسى وقلبى دا بس قمرية طارت من العش , واللّة الحق يا عزيزى كريعاتى ماتوا واللّة العظيم الدنيا دارت بى واللّة العظيم قدام أمى وحبوبتى وخالاتى وأخوانى قعدت على ركبى وختيت يدينى على ركبيتيها وقلت لها بعيون مبللة بالدموع (( تتزوجينى )) ؟؟ وكانت بداية قصة حب الناس سموها الفلم الهندى .. وبالباقى على حلقات ..
أما شعورى لما بشرونى بقدوم ولى العهد ,, طبعاً أخوك قال إلا يدخل غرفة العمليات ولو ما الدكتورة قالت لى لو دخلت إلا تولدها إنت ما إتراجعت وحبست باب الغرفة وطبعاً لما قالوا لى ولد عاوز أطير من الفرح واللّة اليوم داك نمت معاهم فى عنبر الولادة والرجال بكشوهم من الساعة 11 مساء برة عنابر النساء لكن أنا قلت لهم يا أشيلو معاى البيت يا أنوم معاهو .. أها قصرت معاك ؟ خلاص جيب التقيلة وتعال .

[ود المطامير]

يا ود المطامير شايفك مبسوط فوق فى الكرسى
تكرع فى الببسى ساكت , ما تنسى أخوك
أخوك عروة

[ود المطامير]

يا ود المطامير شايفك مبسوط فوق فى الكرسى
تكرع فى الببسى ساكت , ما تنسى أخوك
أخوك عروة
ها جنا أمش ما تفضحنا مع الناس ديل
تكرع السم .

[المسافر]

شايفك قعدتى وإتحكرت ودنكلت سفلتك وتاني ما بتحسيب الكرسي ده !!!!!
وبصراحة لما قعدت في الكرسي ده جابو ليك شنو عصير ولا ببسي ؟
وقصة الكرسي ده قعاد بس ولا معاها مبيت ؟

[ود المطامير]

شايفك قعدتى وإتحكرت ودنكلت سفلتك وتاني ما بتحسيب الكرسي ده !!!!!
وبصراحة لما قعدت في الكرسي ده جابو ليك شنو عصير ولا ببسي ؟
وقصة الكرسي ده قعاد بس ولا معاها مبيت ؟
أسيب مين يا الغالى ؟ دا أنا من هسى داير
أعمل برنامج حق إنتخابات الولاية التانية
والعصاير بكل الألوان وأخوك شئ بعرفو شئ ما بعرفو
وقصة الكرسى قعاد ومبيت وإحتمال كدا بيت .

[magdi]

حمدلله على السلامة ياود المطامير ... بركة الشوفناك طيب

قلنا الزول زاغ لكن الحمد لله طلعت صنديد

[ود المطامير]

حمدلله على السلامة ياود المطامير ... بركة الشوفناك طيب

قلنا الزول زاغ لكن الحمد لله طلعت صنديد
اللّة يسلمك يالغالى ونشوفك دائماً طيب وكويس
عِلا ياكن إنتوا كنتوا شاكين فى الصنددة دى ولأ شنووووو ؟

[ابودجانه العباس]

أسيب مين يا الغالى ؟ دا أنا من هسى داير
أعمل برنامج حق إنتخابات الولاية التانية
والعصاير بكل الألوان وأخوك شئ بعرفو شئ ما بعرفو
وقصة الكرسى قعاد ومبيت وإحتمال كدا بيت .

سيدي القايد الاكبر مني بعد التحيه:
شايف في ناس لما سمعوا كلامك دا بدوا يجهزو انفسن للمنافسه لكن وين حرم ناسك مجهزين ليك الحمله الانتخابيه التالته(التانيه دي ما خلاس في جيوبنا)اشرب ببسيك ساااااااكت
ملاحظة:كان داير كركدي ولا عرديب بنسويلك ما مشكله.

[شبارقة]

سعالاً ساااااخن للضيف السااااخن في الكرسي الساااااااااااااخن
يا اخوي ود المطامير ، ويا رفيق الكفاح سعال يلطف عليك كرسيك الحار:

ماهي المعايير التي اخترت بها زوجتك المصون؟؟
وصف باختصار حالتك قبل وبعد الزواج!!
وهل تشعر بأنك مضطهد من قبل المدام؟؟

[ود المطامير]

سيدي القايد الاكبر مني بعد التحيه:
شايف في ناس لما سمعوا كلامك دا بدوا يجهزو انفسن للمنافسه لكن وين حرم ناسك مجهزين ليك الحمله الانتخابيه التالته(التانيه دي ما خلاس في جيوبنا)اشرب ببسيك ساااااااكت
ملاحظة:كان داير كركدي ولا عرديب بنسويلك ما مشكله.
عفارم عليك ولو عاوز أى حاجة قول
كشك ولأ دكان ولأ تصديق أرض قول ساااى
والعرديب والكركدى أديهم شبارقة ولأ
عاوزهم يقولوا علىّ عطشناهو !!

[ابودجانه العباس]

عفارم عليك ولو عاوز أى حاجة قول
كشك ولأ دكان ولأ تصديق أرض قول ساااى
والعرديب والكركدى أديهم شبارقة ولأ
عاوزهم يقولوا علىّ عطشناهو !!

حاشاك العطش يابوي العمده علا انا قايل الببسي دا شراب منقايلو اكل

[ابورجاء]

الغالي ريد قلبي طوالي
توش طوالي ات لمن شردت من المنتدى
مشيت وين وليه وكيف ومع منو وعملت شنو
وقلت شنو اتكلم انطق عليك الله ما مسكتك الاكولة
والهرشة والحمة والهضربة قول للحلوين ديل
الحصل شنو يوم حردته المنتدى والمره قالت ليك
شنو ولقيت احسن من المنتدى ده قول الحقيقة
كلمني مالك بالهجر معذبني قول يا حبيب .....
منتديات ود مدني مش حتقدر توقف كيبوردك
ولا حتريح ماوسك وزيد سعة ذاكرتك وجهز
هاردسك جديد فضلا ابتسم انت في منتديات ود مدنى..
ودوما في رعاية الله وحفظه...
مع كل الود باقة ورد...

[ود المطامير]

سعالاً ساااااخن للضيف السااااخن في الكرسي الساااااااااااااخن
يا اخوي ود المطامير ، ويا رفيق الكفاح سعال يلطف عليك كرسيك الحار:

ماهي المعايير التي اخترت بها زوجتك المصون؟؟
وصف باختصار حالتك قبل وبعد الزواج!!
وهل تشعر بأنك مضطهد من قبل المدام؟؟
عاد ما سعال مجنون جن أحمر وبرتقالى وجيت فى خطى يا غالى
ورب الكعبة ما كان عندى مواصفات ولا مقاسات ستة فى تلاتة
على إتنين ونص زايد الجزر التربيعى ناقص ضرب الشعر
مواصفاتى كانت روحية أكثر من جسدية , إنسانة تقدر الحب
إلى حد الدوخان وتتنفسة لحد النخاع والحمد للّة وجدت منها
أكثر من اللى كنت بحلم بيهو .
وحالتى قبل الزواج فراغ فى دنيا اللا شئ أشبة بالضياع
وبعد الزواج ندمت على كل لحظة عشتها من غير زواج
أما شعورى بالإضطهاد أمامها ,,
واللّة على ما أقول شاهد
بتؤكلنى بيدها أكثر مما بتؤكل طفلها الرضيع وبتخاف على
من الهوا الطاير وأنا لها إكسير حياتها وطفلها المدلل
بصراحة يا شبارقة أنا ما شاء اللّة عايش فى كنف
( زوجة صالحة ومحبة ) .

[ابورجاء]

بتؤكلنى بيدها أكثر مما بتؤكل طفلها الرضيع وبتخاف على
من الهوا الطاير وأنا لها إكسير حياتها وطفلها المدلل
بصراحة يا شبارقة أنا ما شاء اللّة عايش فى كنف
( زوجة صالحة ومحبة ) .
الغالي ريدي وحبي وهيامي
آه أه انا آه اشتقت ليك ..
يا خي ما كسرتني عديييييل
ووجعت كرعي وقلبي الضنين
ما ذكرتني نور العيون حرمنا المصون
ليه كده حرام عليك ما عارفنا متزوجين
وعذابه وعايشين في الدنيا وعذابها لكن
والله يا حبيب قلبي ربنا يخليكم لي بعض
وما تشوفوا يوم وحش تب وتظللك بالسعادة
وتحميها بالحنية والمحبة ويجعل بينكم الألفة
ويحفظكم لبعض ستر وغطاء ويخلي ليكم وليداتكم..
تعالوا يا شبارقة والمسافر ومدناوي وسواااح
وابو دجانة تعالوا يا عذابه شوفوا واتعلموا ....
ودوما في رعاية الله وحفظه...
مع كل الود باقة ورد...

[ود المطامير]

الغالي ريد قلبي طوالي
توش طوالي ات لمن شردت من المنتدى
مشيت وين وليه وكيف ومع منو وعملت شنو
وقلت شنو اتكلم انطق عليك الله ما مسكتك الاكولة
والهرشة والحمة والهضربة قول للحلوين ديل
الحصل شنو يوم حردته المنتدى والمره قالت ليك
شنو ولقيت احسن من المنتدى ده قول الحقيقة
كلمني مالك بالهجر معذبني قول يا حبيب .....
منتديات ود مدني مش حتقدر توقف كيبوردك
ولا حتريح ماوسك وزيد سعة ذاكرتك وجهز
هاردسك جديد فضلا ابتسم انت في منتديات ود مدنى..
ودوما في رعاية الله وحفظه...
مع كل الود باقة ورد...
واللّة يالحبيب الغالى تلك أيام ح تخلد فى الذاكرة لأنها إنعكست حتى على أسرتى , مما يدل على إننا نتنفس الناس الطيبين دول , واللى حصل إنو أنا حسيت إنى جرحت مشاعر ناس غالين على , وكان القرار الموجع والصعب وهو الغوص فى أعماق الألم والإنسحاب ولكن حبكم لى هو اللى أعاد الدم إلى عروقى وبالجد أنا داخل منتدى مدنى أحيا وأنا خارجة أموت والمدام فى تلك الأيام عاشت معى عذابى وشالت معى الألم وكلام العم ( أبو شوارب ) أثر فيها إلى درجة الدموع وهى تقول لى
_ ذى ديل ما بتفاتوا , أرجع ليهم , دول بريدوك شديد , حرام تخزلهم ؟
واللّة الحق بيتنا كان ذى بيت البكا , وغايتو شعور أكبر من الكلمات .
واللى فى القلب فى القلب وما فى القلب يعلم بة اللّة تعالى .
وتسلم يا الحبيب .

[ود المطامير]

أخى الحبيب أبو رجاء
فى ميزان حسناتك هذا الدعاء الطيب
وربنا يجمع الشمل فى أجمل لحظات
الصفاء والهناء ويمتعكم دنيا وآخرة
آميييين يارب العالمين .

[Madanawi]

يا ود المطامير امبارح في ناس شافوك وانت بتشجع في الامارات اثناء مباراة الامارات والسعودية في كاس الخليج 18. رأيك شنو في الولد اسماعيل مطر؟ أوعك تقول لي ما بعرقو عشان ما أقول انت بتاع غسيل عدة وبس.

[مدنيّة]

والله ياود المتامير الواحد زاتو ماعارف يسالك كيف ؟؟ شفت اغنية حيرت افكاري بس بقت علينا معك في الكرسي دا
غايتو كدي جية خفيفة لما نجيك بالنسكافي



- قلت انك من مواليد 66 :eek: فيك الخير ياود المتامير ولو عايزين نصدق كمان جيب لينا الشهادة هنا دا :p
- سبب الاسامي الكتيرة دي الديون ياربي
- كيف اتعرفت علي منتدي ود مدني
- كيف لقيت المنتدي بعد ماعرفته
- من الحركات اللي عملتها لينا بعد ما ابوك العمدة مات نفهم منها انك ابو الدقيق ؟؟ :(
- رايك شنو تعرفنا علي ام عمرو وتجيبها معانا هنا وماتخاف مابنحكي باي حاجة وبنلتزم الصمت :p
- انا مافهمت طبيعة شغلك ممكن توضحه لي عشان الفهم قسم وكدا
- شنو حكايتكم مع السحارين ؟؟ شكلها وراثة وكدا :D
كفاية كدا بمشي وبجيك تاني باذن الله

[ود المطامير]

يا ود المطامير امبارح في ناس شافوك وانت بتشجع في الامارات اثناء مباراة الامارات والسعودية في كاس الخليج 18. رأيك شنو في الولد اسماعيل مطر؟ أوعك تقول لي ما بعرقو عشان ما أقول انت بتاع غسيل عدة وبس.
تعرف يالحبيب ؟ إتذكرنا مباريات هلال مريخ فى السودان
يعنى الغدا فى الأستاد , خلق مابدوا الدرب بالمناسبة , شفت
طيشة دورات الخليج المرة دى أسياد الكأس , عمان والإمارات
وإسماعيل مطر دا أنا من أول المباراة أكورك فيهم غيروة غيروة
ولما جاب القون الجماعة لموا فينى لبع جد والكأس السنة دى طلع
من الكبار ,, أها إسماعيل مطر طلع صاحبى ,, وكدا إنفكيت من غسيل
العدة ,,, صاح ؟؟؟
وتسلم لى .

[ود المطامير]

الأخت الغالية (( مدنية ))
بسم اللّة إنتى بالعة رادى ؟ والحالة دى لجنا ؟ وخليتى شنو عشان تجى تانى ؟
أهلاً بيك فى بيتك وسعدت كتير بجيتك المشرقة .
ذى ما ذكرت فى شكلة الكبرى إنو أنا كنت قبل الجيّة لمدنى هامل سااى فى فضاء النيت ويوم سألت نفسى .... معقول ناس مدنى الراقيين ديل ما عندهم منتدى ؟؟ مش ممكن ,, وعلى الطول كتبت فى خانة البحث ((( منتديات ود مدنى ))) أكان ألقى ليك نفسى فى نصكم , ناس راقيين وحلوين ويشرحوا الصدر ,, جميلين فى كل شئ , خلقة وأخلاق , ونضمى دقاق , غايتو آخر روعة
ولقيت منتدى مدنى رائع بروعة اللى فيهو والقائمين عليهو , آسر .. أخاذ .. وجذاب لدرجة لو دخلت فيهو تانى طلعة مافى أبداً , أكثر شئ عجبنى التنوع فى المواضيع والناس أحبّة وأهل .
الحركات اللى عملتها الصراحة ورتنى مكانتى عندكم من غير ما أقصد .. وضحكتينى شديد بوصفك لى (( أبو الدقيق )) لأنك ذكرتينى بإسم قديم كانوا بنادونى بيهو .. واللّة .. فى يوم من الأيام لو قلتى وين بيت ناس أبوالدقيق طوالى يجيبوك بيتنا .. تلك الأيام ح تظل عالقة بالذاكرة أبد الدهر إذ فيها حسيت بالمودة تغمرنى فى أجمل الصور وبأحلى المشاعر الصادقة ..
واللّة العظيم يا أختى (( مدنية ) أم عمرو )) بتدخل المنتدى كزائرة ومتابعة الحاصل كلو من بعيد لبعيد فى بيت صديقتها .. طبعا أنا فاصل منهم النيت علشان الأولاد بقعدوا بالساعات أمام الجهاز و( أم عمرو ) إنشاء اللّة ح تسجل فى المنتدى الإسبوع القادم وهى للعلم ( مهندسة كمبيوتر ) وأخوك هندسة شلاقة ساااى ,, واللّة بتعرفكم واحد واحد فى المنتدى ..
وحكاياتنا مع السحارين واللّة فعلا التقول وراثة والحالة دى ما حكيت التقال .
وفى حكاية العمر واللّة العظيم لوشفتينى وشفتى شهادة ميلادى ح تقولى فى حاجة غلط وح تقولى
معقووووووول الشافع دا مولود سنة 66 ؟
ولك تحياتى العطرة وتعالى تانى وأملى شنطة يدك أسئلة .
مرحب بيك .
معزرة ,, نسيت أوريك طبيعة شغلى
أخوك شغال عمدة هِنى ,, عندى خمسة عمال هنود
وبنراقب الأسواق ( المواد المنتهية الصلاحية )
وأى حد يرمى ورقة ساى نخالفو وأى مرة تشر الغسيل
فى البلكونة نخالفها وهسى هِنى فى الجزيرة وهى فيها
قصور الشيوخ مسؤلين عن سلامة البيئة من التلوث .
ومرحب بك مرة تانى .

[ود المطامير]

يا جماعة الخير البيت بيتكم
المدام عملت تلفون وقالت
إنو أنا نسيت كم ملاية ما كويتهم
وحلفت لو ما جيت كويتهم يوم الخميس
ح تجيب لى هدوم الجيران .
أها النجرى أكويهم وبجيكم بعد باكر .

[ود المطامير]

رجعنا ياشباب
المشوار إتلغى
مرحب بكم

[magdi]

ود المطامير .... الغربة ... أخذت منك شنو أدتك شنو؟؟؟
وبعدين حدها متين .............. ولى خليها على الله وبس ؟؟؟
وبعدين سؤال على جنب كده ......... إجازتك السنوية بتسافر بيها السودان ؟؟؟
ولا إنت مع الناس البيجو الإجازة بعد 5 ؟؟؟؟

[ود المطامير]

ود المطامير .... الغربة ... أخذت منك شنو أدتك شنو؟؟؟
وبعدين حدها متين .............. ولى خليها على الله وبس ؟؟؟
وبعدين سؤال على جنب كده ......... إجازتك السنوية بتسافر بيها السودان ؟؟؟
ولا إنت مع الناس البيجو الإجازة بعد 5 ؟؟؟؟
مرحب بالعزيز الغالى
الغربة يا الحبيب أخذت أجمل عشرين سنة من عمرى
وسكبتها فى طرقات أبوظبى بعيداً عن أهلى وأحبابى
وشتان الفرق بين هذة الطرقات المسفلتة الفسيحة
وتلك الدروب المغبرة الضيقة التى أجد فيها نفسى ومتعتى
وفى تلك كنت ضائع .
والغربة أدتنى كم دولار كدا مغموسين فى جوف الألم
وحدّها متين ؟ يازول إلا يقولوا دا آخر جالون من البترول .
وياريت يا الحبيب لو كنت مع الناس اللى بجوا الإجازات كل
خمس سنوات , دا أخوك خلال عشرين سنة مشيت إجازة
ثلاث مرات بس وطبعا كلها مشيت فيها السودان
وأهلاً بك مرة تانى .

[Madanawi]

يا ود المطامير انت معروف بانك شليق من يومك والكلام دا باعترافك انت يلا يا معلم ادينا كم قصة كدا تكون اخدت ليك فيها مقلب ولا انجلدت فيها واكيد زرت الكركون مرات كتيرة. احكي وبي زمة.

[ود المطامير]

يا ود المطامير انت معروف بانك شليق من يومك والكلام دا باعترافك انت يلا يا معلم ادينا كم قصة كدا تكون اخدت ليك فيها مقلب ولا انجلدت فيها واكيد زرت الكركون مرات كتيرة. احكي وبي زمة.
غالى والطلب رخيص يا غالى علينا
وبكل أمانة تامة
1 ... مرة عمى مشى الخرطوم , تلاتة يوم ومسكنى الدكان بتاعو وتعال شوف أى بت سمحة تجى تشترى حاجة وتمد لى القروش أقول ليها لا لا واللّة الدكان دكانك , ما أخوك ريّاد بالحيل ,, أها التانية برضو أقول ليها لا لا واللّة هو معقول دى تجى ؟ الدكان وسيد الدكان تحت أمرك ويلا البنات بقوا يجونى ذى النمل وأنا أشيل وأناول فيهن والرفوف فضت ودرج القروش فاضى وقدر حق البعتوا للتانين بمشى بتعشى بيهو فى السوق شية ولحم , وجا عمى وشاف الرفوف فاضية وإنبسط وشكّرنى شديد وقال لى بفتح ليك دكان فى الفريق أكبر من دا وأمى كانت حاضرة الكلام وقال لى أدينى القروش البعتها وقعدت أتلفت وأحك فى راسى وقلت ليهو السوق ميت والناس مفلسة وكلهم عاوزين بالدين وقال لى الرفوف فضت وصفيحة الطحنية بقت نص واللبان كملت و و و و .. وأمى قالت ليهو ... وزع الدكان كلو للبنات واللّة داخلات مارقات ذى النمل , دقو أكان ينعدل ..
ويلا مسك الخرطوش وجلدنى جلدة عدوك وأنا أسب وألعن فى الجكس .
2 ... مرة وفى إجازتى وأنا عريس سُقت البكسى حقى ومعاى المدام بس وماشين الخرطوم وفى بنطون رفاعة وكان زحمة شديدة الشماشة ركبوا فى البكسى وأنا حنيت عليهم وقلت خليهم الوقفة حارة عليهم لحد القيفة التانية وجا البخلص القروش وقلت ليهو كم ؟ وقال لى سبعة ألف جنية وأديتو وبعد تلاتة أيام رجعت وفى كبرى رفاعة ذاتو جانى البخلص ومديت ليهو السبعة ألف جنية مسكهم كدا وحسبهم وقال لى قروشك كتيرة ؟ قلت ليهو لشنو ؟ قال لى حق البنطون ألفين بس وإستغربت وقلت ليهو , قبل تلاتة أيام شلت منى سبعة ألف لشنو ؟ قال لى إلا تكون كنت شاحن ركاب وحق الركاب عليك !!!!

[بنت الرفاعي]

ياااااااااهلا ويامرحبا باللي مش متحكر في الكرسي وبس ده قدر بصورة عجيبة يتحكر جوة قلوبنا وخلانا نتمنى لو كنا من زمان بنعرفو.
ماشاْالله قلت لي يا ودالمطامير زعموك تب؟!
أسئلتي كتيرة لكن لما أجي أكتب وأسأل راسي بيفضا فجأة كدة لكن نبدا والبجي بجي:
آخر مرة جيت فيها السودان كانت قبل كم سنة؟؟وكيف استحملت انك تبعد السنوات دي كلها عن السودان وأهلك وناسك؟؟وحصل أمك جات الامارات؟وزوجتك بقى قلبها زيك ولا بتجي اجازات بدونك؟؟

أولادك جايين زيك ولا هادئين؟!:D

[بنت الرفاعي]

التمرد كيف بالله؟؟

[عماد الصادق]

ود المطامير..
سعدت لاستضافتك وظرافتك..
بعدين الركبو معاك في البوكسي يكونو عرفوك مغترب..
وصراحة أهلنا بقو مما يعرفوك جاي من بره.. الدقيس بكتر عليك لو ما عملت حسابك؟؟
بعدين ما بصدقك في إنو أم العيال لسه قاعدة تأكلك بايديها... قول كلام تاني..
وإلا الموضوع يكون فيهو تورية!!!
ياخي أسعل أبوعزيز اللذيذ.. ده الواحد بقى لو المدام ساي لزت ليهو لحمة يقوم يخلي الأكل..
ليه... لأنو بخاف إنو الموضوع فيهو إنه (النون مشدده)..

بعدين المطامير دي جمع مطمورة؟؟؟؟

مع تحياتي

[بنت الرفاعي]

ماعندك نية تجي البلد قريب؟؟
لوجيت السودان وخلوك تلف فيها براك بتقدر ولا مسحت البلد مرة وحدة؟؟!!!
ماحكيت لينا المدرسة وأيام الدراسة كانت كيف؟؟
شاطر ولا نص نص ولابلييييييييد؟!والزوغان من المدرسة كان كيف؟؟:D
وأحكي لينا عن مواقفك الظريفة ومقالبك في المدرسة.:p
نسيت أسألك اتجلدت كتير في المدرسة؟؟وليييييه؟؟:confused:

[نزار حسن محمد]

ود المطامير .. مشاءالله عليك منور والكرسى اخر همبريب ... كدى النتعدل لك كويس..
عارفك زول صراحه ...
1/ كم كان ترتيبك فى مراحل الابتدائ والمتوسطه والعالى..
2/ عند حضورك لشارع اتجاه واحد بمدنى كنت بتكشر بشنوه بمعنى لابس جلابيه ولا عطلون
3/ اول حب فى حياتك .. اول رساله عاطفيه تصلك ...اول مقابله غراميه..اوصف شعورك
4/ ما هو الشى الذى احببته فى منتدى ودمدنى وماهو الشى الذى لم تحبه
5/ ماهو الفرق بين ابورجاء وشبارقه وتسنيم خالد..
بمشى وبجيك ...

[ود المطامير]

ياااااااااهلا ويامرحبا باللي مش متحكر في الكرسي وبس ده قدر بصورة عجيبة يتحكر جوة قلوبنا وخلانا نتمنى لو كنا من زمان بنعرفو.
ماشاْالله قلت لي يا ودالمطامير زعموك تب؟!
أسئلتي كتيرة لكن لما أجي أكتب وأسأل راسي بيفضا فجأة كدة لكن نبدا والبجي بجي:
آخر مرة جيت فيها السودان كانت قبل كم سنة؟؟وكيف استحملت انك تبعد السنوات دي كلها عن السودان وأهلك وناسك؟؟وحصل أمك جات الامارات؟وزوجتك بقى قلبها زيك ولا بتجي اجازات بدونك؟؟

أولادك جايين زيك ولا هادئين؟!:D
أختى الغالية ( مرام ) تسلمى ودا إنتوا اللى فى قلبى أبد الدهر
آخر مرة مشيت السودان كانت قبل تسعة سنوات , إتزوجت وجبت المدام ومارجعت تانى .
وإستحملت البعاد عشان الغربة صعبة فى العشرة سنوات الأوائل وبعد داك الواحد بتعود على الغربة !!! بصراحة دى إحدى مساؤى الغربة .. تصلب القلب والشرايين وتقل الدم .
وسؤلك عن زيارة أمى لللإمارات سؤال فى الصميم برافو عليك .. للأسف لا ما جات الإمارات قالت ما بتفوت بيتها وناسها وشابكانى تعال تعال وبكا جد , وغايتو .. عيونى دمعوا ..
وزوجتى قلبها حنين شديد وكل سنة عاوزة تمشى السودان لكن أخوك مكتفها صاح ووديتهم السودان مرة واحدة بس ومشوا براهم .
أولادى جايين زيى ولأ هاديين ؟ هووووووى يا مرام .
واللّة عفااااريييييت عدييييل كدا .

[ود البطــــانة]

أخونا الحبيب .. ودالمطامير
في البداية .. نقريك السلام
وبعدين بنسألك عن أحوال
العقاب ؟؟ ..
وعندي ليك شوية أسئلة لشخصك
** موقف طريف حدث لك مؤخراً ؟؟
** لحظة حزن بكيت فيها بحرقة ؟؟
** أنسب الأوقات وتجد فيها نفسك ؟؟
وغــــــــــــــــداً نعود

،،،

ود البطــــــــــانة

[ود المطامير]

التمرد كيف بالله؟؟
التمرد ياتو ؟ حق المنتدى عكاكيز جد
التمرد فى البيت ؟ ها.. دا أنا لما ضبحت ليها الكديسة ومشيت الدكان وجيت
قلت ألقاها ترجف من الخوف أكان لقيتها ليك تسلخ فى الكديسة وكوركت فيها
_ دا شنو يا مرة ؟ .
قالت لى , , دايره أحمرها للعشا هو إنت ضبحتها لشنو ؟
ومن يومها وأنا أرجف من الخوف .

[مرتضى ساتى]

اجمل كرسى حتى الان مع احترامى للجميع
ود المطامير ممكن اعرف عنك اسم الحى والدراسه
ولك الاحترام

[ود المطامير]

ود المطامير..
سعدت لاستضافتك وظرافتك..
بعدين الركبو معاك في البوكسي يكونو عرفوك مغترب..
وصراحة أهلنا بقو مما يعرفوك جاي من بره.. الدقيس بكتر عليك لو ما عملت حسابك؟؟
بعدين ما بصدقك في إنو أم العيال لسه قاعدة تأكلك بايديها... قول كلام تاني..
وإلا الموضوع يكون فيهو تورية!!!
ياخي أسعل أبوعزيز اللذيذ.. ده الواحد بقى لو المدام ساي لزت ليهو لحمة يقوم يخلي الأكل..
ليه... لأنو بخاف إنو الموضوع فيهو إنه (النون مشدده)..

بعدين المطامير دي جمع مطمورة؟؟؟؟

مع تحياتي
واللّة يالحبيب أنا السعيد بيكم
تعرف موضوع الدقيس ,, مرة إشتريت جريدة من شافع فى السوق الصغير فى مدنى وكنت ما فارز شئ فى العملة ومعاى أختى ولما إتحرك بينا البص للخرطوم عرفت من أختى إنو أنا دفعت فى الجريدة أكتر من حقها خمسة مرات والمصيبة الجريدة طلعت بايتة وهى شالت منى القروش وأنا مباريها زى الشافع أكورك فيها أدينى قروشى أدينى قروشى وهى تقول لى أديك ليهن عشان تدفع لينا فى قزازة الببسى خمسين ألف جنية ؟؟!! قلت ما بتصدقنى فى حكاية أم العيال والأكل من يدها ؟ طيب .. غسل ليها العدة وأكوى ليها وبكرة تعال ورينى ..
مرة كانا نأكل ودخلت علينا شافعة الجيران فى اللحظة اللى يد المدام كانت فى خشمى وفهمت الشافعة الحكاية وكلمت أمها وأمها وكالة سونا للأنباء ومن يومها والسودانيات من يشوفنى يقولن لى ,, بتكلك بيدها ؟ ماخاتى سمييين .
قلت لى فيها إنّة ؟؟ يالحبيب أقول ليك شئ وربنا على ما أقول شاهد وعالم
واللّة العظيم واللّة العظيم واللّة العظيم من أول يوم تزوجنا وأنا وهى بنستعمل فرشة أسنان واحدة ومش كدا وبس لا ( فى الخشم دا جك جك جك وطوالى للخشم دا جك جك جك جك ) وربنا يشهد .
أنا جدى لما ماتت حبوبتى طوى فراشة وبقى ينوم على الحبل لحد ما مات وهذا الشبل من ذاك الأسد ... نعم المطامير جمع مطمورة ومعظمهن حقات أبوى العمدة .
عليك اللّة تعال تانى ونستك حلوة .

[ود المطامير]

ماعندك نية تجي البلد قريب؟؟
لوجيت السودان وخلوك تلف فيها براك بتقدر ولا مسحت البلد مرة وحدة؟؟!!!
ماحكيت لينا المدرسة وأيام الدراسة كانت كيف؟؟
شاطر ولا نص نص ولابلييييييييد؟!والزوغان من المدرسة كان كيف؟؟:D
وأحكي لينا عن مواقفك الظريفة ومقالبك في المدرسة.:p
نسيت أسألك اتجلدت كتير في المدرسة؟؟وليييييه؟؟:confused:
مرحب بيك تانى يا مرام
واللّة يا مرام فى إجازتى التانية وكانت مفجأة للأهل ولما وصلت الشرفة بركات وبالليل واللّة الحق قعدت أفتش على بيتنا لمّا بتاع التاكسى زهج وبقدرة قادر عرفت البيت ,,
ألمدرسة دى الشئ الوحيد اللى ماردتو أصلو أصلو , وكتير عمى سيد الدكان كان بكتفنى عديل ويختنى فى الكارو ويرمينى فى الفصل والألفا حق الفصل التقول محرش كلما أجى أنط بالشباك يعمتنى ,, والغريب فى الأمر إنو أنا واللّة العظيم كنت شاطر شديد ونادر ما أطلع من الخمسة الأوائل وكل الناس كانوا بقولوا لى لو كنت بتحب المدرسة بتبدع عديل كدا ,, أصلو ما حبيتها ,, ومن المواقف اللى أذكرها أيام المدرسة ..
فى المرحلة المتوسطة كنت وواحد صاحبى كل يوم سبت بنودى فطور أستاذ عبدالرحمن بنشيلوا من بيتو ونوديهو ليهو فى المدرسة وهى بعيدة ويوم فى الطريق ريحة الشية دوختنا وبقينا نرفع الطبق وكل واحد ياكل حتة , مرة ومرتين لحد ما الشية بقت شوية وما ممكن نوديها وأكلناها كلها ورميت الصحن وبعد إنتها اليوم الدراسى ورجعنا البيت يجينى ليك أستاذ عبدالرحمن ذى العصار وشايل مطرق صاح ولمّى ليك فينى خبط محل تقع تقع طبعا من زوجتو عرف السالفة ,,
واللّة الجلد فى المدرسة واللّة لمّا يمر يوم وما أتجلد فيهو ناس صفى بقولوا .. أنا عيان ..

[admin]

ودالمتامير كما يحلو للبعض القول لك الف تحية وتقدير واهلا ومرحبا بك رافدا من روافد منتدانا.. عايز تقلب الحكومة قلتا لي .. طيب هاك شوية الاسئلة دي:-
1- نسبة للورث الاغترابي في العائلة اضافة الى البوكس الذي سبق ذكره في احدى بنطونات رفاعة .. هل من الممكن ان تعني ودالمطامير هذه انك تكنز الكثير من خيرات الاغتراب في مطامير .. اي انك استعرت استعارة مكنية كلمة مطمورة وانتا تعني بها بنكا او اي حوافظ استثمارية؟ وكم كنزت حتى الان؟
2- رغما عن الصفة الهزلية لانقلابكم المزعوم الذي احبطته قواتنا الباسلة .. الا ان هنالك سؤال يطرح نفسه .. ماهي الاشياء الايجابية التى يمكن ان تقوم بها لو -لاقدر الله ههههههههه- استلمت المنتدي لتحسينه؟
3- قلت تؤكلني وانتا تقصد تأكلني .. ودائما تقول اللة وانت تقصد الله .. لا اقصد ان احرجك بالغلطات الاملائية التى ارتكبتها فكلنا يرتكبها من حين الى آخر .. كما اننا علمنا ماهي علاقتك بالمدرسة سابقاً ههههههههه .. لكن السؤال ماهي افضل واسهل طريقة لمعرفة اذا كان الحرف اخر الكلمة ها ام تاء مربوطه؟ وكذلك بالنسبة للهمزة؟
4- تعلم ان الاخ/ حمدتو في صدد عمل تعديلات على مشرفي المنتديات .. اذكر خمسة من الاعضاء تعتقد انهم سيقدمون الافضل للمنتدي كمشرفين؟
5- تحليلا لموضوع غسيل العدة ايام الخميس والجمعة احسست انك تدخل الانترنت من العمل .. فهل انت مستعد لكي تدخل من مقهي انترنت؟ بصراحة اقصد هل انت مستعد لدفع المال يوميا للدخول لمنتديات ودمدني والمشاركة فيها؟ وكم مستعد انت تدفع يوميا لاجل هذا الغرض؟
6- ما سر جلسة ابوقرط تلك ؟ ولماذا لما تدعونا لحضورها؟ هل ستكون هنالك جلسات مستقبلا؟

ودالمطامير لقد اكتسبت محبة الجميع بجدارة اتمني لك المزيد وربنا يوفقك

[مدنيّة]

ودالمتامير كما يحلو للبعض القول لك الف تحية وتقدير واهلا ومرحبا بك رافدا من روافد منتدانا.. عايز تقلب الحكومة قلتا لي .. طيب هاك شوية الاسئلة دي:-
1- نسبة للورث الاغترابي في العائلة اضافة الى البوكس الذي سبق ذكره في احدى بنطونات رفاعة .. هل من الممكن ان تعني ودالمطامير هذه انك تكنز الكثير من خيرات الاغتراب في مطامير .. اي انك استعرت استعارة مكنية كلمة مطمورة وانتا تعني بها بنكا او اي حوافظ استثمارية؟ وكم كنزت حتى الان؟
2- رغما عن الصفة الهزلية لانقلابكم المزعوم الذي احبطته قواتنا الباسلة .. الا ان هنالك سؤال يطرح نفسه .. ماهي الاشياء الايجابية التى يمكن ان تقوم بها لو -لاقدر الله ههههههههه- استلمت المنتدي لتحسينه؟
3- قلت تؤكلني وانتا تقصد تأكلني .. ودائما تقول اللة وانت تقصد الله .. لا اقصد ان احرجك بالغلطات الاملائية التى ارتكبتها فكلنا يرتكبها من حين الى آخر .. كما اننا علمنا ماهي علاقتك بالمدرسة سابقاً ههههههههه .. لكن السؤال ماهي افضل واسهل طريقة لمعرفة اذا كان الحرف اخر الكلمة ها ام تاء مربوطه؟ وكذلك بالنسبة للهمزة؟
4- تعلم ان الاخ/ حمدتو في صدد عمل تعديلات على مشرفي المنتديات .. اذكر خمسة من الاعضاء تعتقد انهم سيقدمون الافضل للمنتدي كمشرفين؟
5- تحليلا لموضوع غسيل العدة ايام الخميس والجمعة احسست انك تدخل الانترنت من العمل .. فهل انت مستعد لكي تدخل من مقهي انترنت؟ بصراحة اقصد هل انت مستعد لدفع المال يوميا للدخول لمنتديات ودمدني والمشاركة فيها؟ وكم مستعد انت تدفع يوميا لاجل هذا الغرض؟
6- ما سر جلسة ابوقرط تلك ؟ ولماذا لما تدعونا لحضورها؟ هل ستكون هنالك جلسات مستقبلا؟

ودالمطامير لقد اكتسبت محبة الجميع بجدارة اتمني لك المزيد وربنا يوفقك


والله يا ادمن انا فرحت بجيتك دي لود المتامير ياربي هو يكون كيف :confused: هسي تلقوه فقد الوعي والاسعاف شغال بصفارته والدربات ما تديك الدرب غايتو الله يقومك بالسلامة

مشاشقة ياقول ود امي
والله يا ادمن ماخليت لود المتامير دا حاجة وفي توريطات ظاااااااااهرة خصوصاً حتة الاشراف دي يكون ياربي ما رسل لحمدتو في الخاص ;)

[magdi]

بصراحة ياود المطامير .... أجمل كرسي ساخن على المنتدي ...
وبعدين يازول مشكور على الصراحة دي (((( حسب إعتقادي مافي إنسان ممكن يفت حياته الخاصة بالصراحة دي وللملاْ عامة ولإناس لا يعرفهم من قبل سوى خلف شاشات الكمبيوتر .. على يقين تماماً بأن كل كلمة طلعت منك كانت صادقة جداً .ولا تخلو من الدبلوماسية .. وهذا يدل على معدنك الطيب والجميل كما عرف به أهل شرقنا الحبيب ... ))) وحقيقة أحببناك جميعاً ،،، وشخصياً أتمنى لك التوفيق في حياتك عامة ... وربنا يسترغربتك وغربتنا ... وغربة أخوانا كمان الفي المنتدي ... وتسلم ياغالي على هذه الصراحة .. والدعابة .. والجدية ... التي أتحفتنا بها.
وتشكر كثير جداً على رحابة صدرك وتحملك لهذا الكم الهائل من الأسئلة ((( الخاصة ، والعامة ، والمحرجة في بعض الأحيان )))
وأقترح على الـ admin - وعلى أخونا حمدتو / أن يتم ترشيحك لتولي أحد مشرفي المنتديات .

[ود المطامير]

ود المطامير .. مشاءالله عليك منور والكرسى اخر همبريب ... كدى النتعدل لك كويس..
عارفك زول صراحه ...
1/ كم كان ترتيبك فى مراحل الابتدائ والمتوسطه والعالى..
2/ عند حضورك لشارع اتجاه واحد بمدنى كنت بتكشر بشنوه بمعنى لابس جلابيه ولا عطلون
3/ اول حب فى حياتك .. اول رساله عاطفيه تصلك ...اول مقابله غراميه..اوصف شعورك
4/ ما هو الشى الذى احببته فى منتدى ودمدنى وماهو الشى الذى لم تحبه
5/ ماهو الفرق بين ابورجاء وشبارقه وتسنيم خالد..
بمشى وبجيك ...
مرحب بعمى ومن زمان أنا بقول مالو عمى نزار فاتح لى كدا ؟
1 .. ترتيبى فى الإبتدائى والله حلو شديد من الصف الأول لحد الصف السادس ما طلعت من الخمسة الأوائل إلا مرتين , مرة من الصف الثالث للرابع جيت الأربعين ومفروض أكون الرابع وكان خطأ مطبعى والتلاميز وصلونى بالهتاف لحد البيت , الأربعين كانت تانى الطيش وأمى لفحت توبها وعمى سيد الدكان شال عكازو ومشوا للمدير فى بيتو ولمّوا ليك فيهو
_ كيف الجنا دا يجى الأربعين ؟ وهو من أولى لتانية جا التالت ومن تانية لتالتة جا التانى وهسى من تالتة لرابعة كيفن إجى اللربعين آلمدير ؟
وبعد مراجعات تقيلة عرفو الغلط وين وقال ليهم خلاص لما تفتح المدرسة بنبقيهو الرابع ولكن بعد إية ؟ بعد ما أصحابى سيرونى لحد البيت .. الطيش منو ؟ إياهو دا .. وطيشنا إياهة دا ..
هذة الواقعة خلتنى أكرة المدرسة والمدرسين لحد آخر يوم لى فى الدراسة ومديرنا دا كان حاقر بينا فى الإجازات كل يوم يجى ميدان الكورة ويقطع لينا التمرين ويسوقنا البلدات ويدينا كل واحد (( ملود )) ويقول لينا يلا حشوا القش بين سرابات العيش وأخوك والله والله شغال جز فى أى حاجة خدرة قدامى قش ولأ عيش ولأ بامية قال الأربعين قال ..
فى المرحلة المتوسطة الترتيب برضو حلو بس النضمى حق الخواجات دا أبى كلو كلو يركب لى فى راسى يعنى اللنقليزى اللى عندى لو ملى ليهو فنجان قهوة يكون ماقصر ..
وفى المرحلة الثانوية العليا .. المستوى إدهور شوية عشان جابوا لينا ( الجكس ) لحد عندنا وأخوك (( ريّاد بالحيل )) وبقيت بزاكر فى السمحات نثر وشعر ودوبيت أدوبى ليك آعمّى نزار ؟
قلت كدى ؟ خلاص بعدين بعدين , , ودى إختصار لدنا المدارس ..
2 .. لمّا كنت بجى مدنى وبصراحة كنت طوالى بجى بالجلابية والسديرى والطاقية وأول ما ننزل فى موقفنا فى الشدرة الجمب الزاوية بتاعة مسرح الجزيرة ( مش إياهو ؟ ) طوالى بمشى الأكشاك وهاك يا مساككة بالعيون لى بنات عربنا من الحلال التانية , وأنتقل للمرحلة التانية بعد الفطور وين ؟ المستشفى وهناك برضو ( جكس ) العيانين بالكوم , والمرحلة التالتة والأخيرة الأسواق وبعد داك أقعد أتزكر أمى قالت لى دايرة شنو من مدنى وأشتريهو وأرجع الشرفة وأنوم من المغرب من فتر الحوامة ورا السمحات .. أها مرة كنت واقف جمب كارو قامت واحدة قالت لى
_ زح كاروك دى شوية عليك الله ومن اليوم داك بقيت أجى مدنى بالعنطلون والقميص ..
3 .. الشئ الذى أحببتة فى منتدى مدنى هو سماحة روح الجميع والمحبة فى الله بين الجميع
والشئ اللى لم يعجبنى بل ويضايقنى كمان هو ... فى بعض الحبايب تلقى الواحد منهم يردم فى اليوم الواحد أربعة أو خمسة مواضيع دفعة واحدة ومش كدا وبس تجده لا يرد على اللى يردون علية بل يجى بكرة بخمسة مواضيع جديدة وأعزرونى فى صراحتى لأن هذا طبعى ولحبى لكم .
4 .. الفرق بين أبو رجاء وشبارقة وتسنيم خالد , ولله يا عمى ضحكتنى جنس ضحك لمّا وقعت
عليك الله يا عمى الجاب ملاح أم تكشو مع الآيس كريم شنو ؟ شكيت محنك تلقى البنية جاتها صدمة ,, والجاب مشية كوشك كوشك والغبار ورا يلوى مع تنقش تنقش تنقش شنو؟ عليك الله يا عمى ( القمرية ) دى بقارنوها بالسمبر ؟
5 .. أها نجى لمسك الختام واللى خليتو آخر شئ مخصوص .
أول حب فى حياتى ...
بت جيرانا ( دا تخصصى ) وأخوك ساكن وسط حقل من الزهور .. جميلة جمال يفتل القلب من أول شوفة , رائعة روعة مدهشة ويازول سمحة سماح لما تشوفها تقعد تسبح سااااى ,, 17 سنة ودا برضو ( تخصصى ) مفرهدة يانعة تدير الأعناق أينما ذهبت ,, أوصفها ليك ؟ لشنو لا لا ؟ والمنافسة بين الشباب لنيل قلبها حامية الوطيس وهى فى برجها العالى بعيدة المنال وقلوب الشباب تحت تخفق ذى الفريخات لمّا أمهم تجيهم فى العش شايلة قبورة , وكان يوم .. جات بيتنا تحضر معانا المسلسل وحوشنا زحمة جد وأنا كنت كاتب ليها رسالة حب مدنكلة ومسبّكة تمام وعاينت ليها بطرف الباب حق الغرفة ووضعت لها الرسالة فى مكان معين وهى متابعانى بالعيون الواسعة ومشيت قعدت مع العطالة فى دكان عمى , لمّا إنتهى المسلسل وفاتو جيت راجع البيت وعلى الطول لمكان الرسالة ولقيتها شالتها واليوم داك مانمت وأتخيل وأتخيل وأتخيل خيالات جد , وفى الصباح كنت راقد وباب الغرفة فتح وأطل الوجه الملائكى الساحر وإبتسامتها الأخاذه تذوب القلب ورمت لى رسالة سبحان(( الله )) (( تلميزك آلعمدة .. الآدمن )) بس وقعت على صدرى ومعطراها بعطر لحد هسى ماسك فى خياشيمى , وقفلت الباب ومشت ومسكت الرسالة وأبيت أفتحها بعذب وأشوق فى نفسى ساااى وقرأتها والله العظيم قعدت أرجف ذى زول الملاريا وقريتها ألف مرة ومرة و.. كانت إنطلاقة لقصة حب عنيفة عاش أحداثها الكثيرين وفى يوم جا واحد مغترب وخمشها منى وخلى خشمى ملح ملح ولما جيت أتزوج سألت المدام هووووى مرتبطة ولأ أتقدم عشان ما أخلى لى زول خشمو ملح ملح أصلو مرارة الملح ضقناها ..

[ود المطامير]

أخونا الحبيب .. ودالمطامير


في البداية .. نقريك السلام
وبعدين بنسألك عن أحوال
العقاب ؟؟ ..
وعندي ليك شوية أسئلة لشخصك
** موقف طريف حدث لك مؤخراً ؟؟
** لحظة حزن بكيت فيها بحرقة ؟؟
** أنسب الأوقات وتجد فيها نفسك ؟؟
وغــــــــــــــــداً نعود


،،،


ود البطــــــــــانة


وعليكم السلام يا عزيز ويا غالى
1 ..فى سباق الخيل فى دبى وأنا ساكن بعد أبوظبى بأربعمية كيلو , واليوم داك شحت عربية صديقى كوريلا قديمة تمشى وتقحقح , وفى نص السباق البرد قرّصنى شديد وطلعت والعربات مرصوصة ذى الطوب اللخدر الضاربنو هسى , جيت مكان العربية ودورتها وكسحت وعلى مشارف مدينة أبوظبى وقفونى ناس شرطة المرور ووضعوا الكلبشات فى يدينى وقالوا لى العربية دى عليها بلاغ من ساعة من شرطة دبى إنها مسروقة والكبكبة حصلت وإتضح فى النهايه إنو أنا سُقت عربية سودانى بدل سيارتى تقول شنو عربات السودانيين هِنى بالعود بدوّر وعدّت على خير
2 .. بكيت بحرقة شديدة لمّا ضمتنى أمى بعد فراق دام ثمانية أعوام .
3 .. أنسب الأوقات واللى بلقى نفسى فيها هى يوم الخميس والجمعة والسبت يعنى مع الوليدات وأنسب وقت بحساب الزمن هو وقت العصر والشمس هادئة .
وتعال تانى سريع عليك الله ,
وفى أمان الله .

[ود المطامير]

ودالمتامير كما يحلو للبعض القول لك الف تحية وتقدير واهلا ومرحبا بك رافدا من روافد منتدانا.. عايز تقلب الحكومة قلتا لي .. طيب هاك شوية الاسئلة دي:-



1- نسبة للورث الاغترابي في العائلة اضافة الى البوكس الذي سبق ذكره في احدى بنطونات رفاعة .. هل من الممكن ان تعني ودالمطامير هذه انك تكنز الكثير من خيرات الاغتراب في مطامير .. اي انك استعرت استعارة مكنية كلمة مطمورة وانتا تعني بها بنكا او اي حوافظ استثمارية؟ وكم كنزت حتى الان؟
2- رغما عن الصفة الهزلية لانقلابكم المزعوم الذي احبطته قواتنا الباسلة .. الا ان هنالك سؤال يطرح نفسه .. ماهي الاشياء الايجابية التى يمكن ان تقوم بها لو -لاقدر الله ههههههههه- استلمت المنتدي لتحسينه؟
3- قلت تؤكلني وانتا تقصد تأكلني .. ودائما تقول اللة وانت تقصد الله .. لا اقصد ان احرجك بالغلطات الاملائية التى ارتكبتها فكلنا يرتكبها من حين الى آخر .. كما اننا علمنا ماهي علاقتك بالمدرسة سابقاً ههههههههه .. لكن السؤال ماهي افضل واسهل طريقة لمعرفة اذا كان الحرف اخر الكلمة ها ام تاء مربوطه؟ وكذلك بالنسبة للهمزة؟
4- تعلم ان الاخ/ حمدتو في صدد عمل تعديلات على مشرفي المنتديات .. اذكر خمسة من الاعضاء تعتقد انهم سيقدمون الافضل للمنتدي كمشرفين؟
5- تحليلا لموضوع غسيل العدة ايام الخميس والجمعة احسست انك تدخل الانترنت من العمل .. فهل انت مستعد لكي تدخل من مقهي انترنت؟ بصراحة اقصد هل انت مستعد لدفع المال يوميا للدخول لمنتديات ودمدني والمشاركة فيها؟ وكم مستعد انت تدفع يوميا لاجل هذا الغرض؟
6- ما سر جلسة ابوقرط تلك ؟ ولماذا لما تدعونا لحضورها؟ هل ستكون هنالك جلسات مستقبلا؟



ودالمطامير لقد اكتسبت محبة الجميع بجدارة اتمني لك المزيد وربنا يوفقك

عمدتنا زاتو فى بيتنا ؟ آنسوان المطامير وين الزغاريد ويا ود الشفيقان قوم على الزريبة وأضبح من طرف دا عمدة أبوك العمدة زاتو ,, ولأ أقول ليك أقيف إمكن تطلع دى الكاميرا الخفية والخرفان تروح إشت ,, ها زول حرّم إياهو زاتو أجر أجر وأقع الخرفان السمان ...
((والله )) ( تلميزك ) دا شرف عظيم لى وزيارتك لى وسام على صدرى أبد الدهر .. لك .. شكرى وتقديرى وإمتنانى الشديد .
1 _ تعرف يا ( عمدتنا ) أنا عاوز أألف كتاب فى حال السودانيين اللى معانا هِنى فى الإمارات , جيوبهم ذى غربال أمى النعيمة حق العيش , فى آخر الشهر تلقى الواحد مهموم كيف يغطى النقص فى الميزانية ( للديّانة ) علشان الراتب يوم واحد ببقى خروف وأكبر جزار ما بقدر يقطعو ويكومو قدر عدد الديّانة ,, وعن نفسى راتبى والحمد لله كامل الأوصاف ومع ذلك ما مليت حِفيرة كانت مقّيلة فيها جدادة ,,
2 ... لو لا قدر الله إستلمت المنتدى لتحسينة .. ح أعمل بمقولة سمعتها من الحبيب ( أبوروان ) وعجبتنى جداً وهى سياسة ( الواضح ما فاضح ) مثلاً أقول لود المطامير يا ود شرق الله البارد يرجى عدم تنزيل أكثر من موضوعين فى الإسبوع وبصراحة عمى ( نزار ) نشيط فى الحتة دى ولكن الحال فى حالة ويا (عمدتنا ) ود المطامير شن خبرو بالتحسينات فى المنتديات ؟ لوعندك حيطه واقعة بصلحها ولأ زريبة مشلّعة بساويها .
3 .. تعرف يا ( عمدتنا ) ؟ أنا كنت بكتب إسم الجلالة كدا .. اللة .. وفى أحد غرف ال paltak السودانية وأعوذ بالله من تلك الغرف .. نبهنى واحد لتصحيح كتابة إسم الجلاله وسجّيت فيها وغلبنى ولمّا هسى إنت زنقتنى بيها شلت الداهى دا ومشيت لصديق وورانى الطريقة الصحيحه (( الله )) عِلا ياكن لو بعرف الها وأختها المربوطه كانت دى حالتى ؟ والله الداهى دا كونى بعرف أدخل بيهو مدنى وأطلع بيهو منها دى براها نعمه.
4 ... والله يا ( عمدتنا ) حكاية أرشح ليك أربعة مشرفين من الهوج ديل , دى صعبة لأنهم كل واحد فيهم أحلى من التانى والتانى أحلى من الأول وفى ذمتك أعفينى ..
5 .. نعم أنا بدخل النيت من مكان العمل أما لو كنت مستعد أدخل النيت من مقاهى الإنترنيت وأدفع من جيبى علشان أدخل منتدى مدنى ؟ صدقنى أنا الحين بدفع من نظرى لمنتدى مدنى ولأ شنو رأيك فى 14 ساعة نيت يومياً فى مدنى أولاً وثانياً وثالثاً وأخيراً .. يعنى لو لا قدر الله ويوم عميت إبقى منتدى مدنى هو السبب ولما قلت قبل كدا( شكيت محنكم يا ناس مدنى .. خربتوا طبعى ) كنت صادق فى كل كلمة وكل همسة وكل إشارة منى .. لمنتدى مدنى أدفع الغالى والنفيس بكل رضا . ولكن للأسف أنا أسكن فى مدينة صغيرة وليس فيها مقاهى إنترنيت .
6 .. جلسة حبيب القلب أبوقراط لها وقع خاص فى قلبى وكلما أدخل المنتدى ,, ودا لو طلعت منو ,, لازم أشوفها وأقول ليهو يا خوووى فكّها والله ما بتستاهل ومن هسى معزوم معانا القدة اللى جايّة ووقتها بوريك سرها ,,
ومحبة الجميع لى هى أكسجين أتنفسة يوماتى وحبى لكم هو خفقان ونبض الفؤاد ..
ولك منى كل الشكر والتقدير .
ود المطامير .

[ود المطامير]

اجمل كرسى حتى الان مع احترامى للجميع
ود المطامير ممكن اعرف عنك اسم الحى والدراسه
ولك الاحترام
مرحب بيك ياغالى والله فرحان بجيتك
والكرسى جميل بجيتكم الجميلة واللى سبقونى هم كانوا
رائعين وكل منهم كان بدر فى سمائة ولهم الشكر ,
والله يالحبيب حيّنا فى الشرفة الشريف بركات إسمو حى الفادنية
وهم مشهورين فى المنطقة بالحنك السنين يعنى نضامين نضمى صاح
لدرجة قالوا لو لقيت الشيطان والفادنى مشكلين !! طوالى تعرف إنو الفادنى
غلطان عليهو .. ديل راضعين النِقّة رضاعة ..
الدراسة يا الغالى لحد الشهادة الثانوية بس والله الجامعة ولا زيارة ساااى
ما حصل مشيت وشهادتى الثانوية زاتها مجموعها شدِّة ما شوية لدرجة
ممكن تقول .. أمّك جلّ من الرسوب ..
وتعال تانى عليك الله
وشكراً

[ابوالنور]

ها جني ها دحين انت لسه مصنقر في الداهيه دي كدي نشمي اجيب لي حسكنيت واجيك

[ود المطامير]

والله يا ادمن انا فرحت بجيتك دي لود المتامير ياربي هو يكون كيف :confused: هسي تلقوه فقد الوعي والاسعاف شغال بصفارته والدربات ما تديك الدرب غايتو الله يقومك بالسلامة



مشاشقة ياقول ود امي
والله يا ادمن ماخليت لود المتامير دا حاجة وفي توريطات ظاااااااااهرة خصوصاً حتة الاشراف دي يكون ياربي ما رسل لحمدتو في الخاص ;)



والله صدقتى يا مدنية زيارة ( عمدتنا ) لى كهربتنى عديل كدا من الفرح
أما حكاية الإشراف ,, فى زول قال على أبو الدقيق ,,

[ود المطامير]

بصراحة ياود المطامير .... أجمل كرسي ساخن على المنتدي ...
وبعدين يازول مشكور على الصراحة دي (((( حسب إعتقادي مافي إنسان ممكن يفت حياته الخاصة بالصراحة دي وللملاْ عامة ولإناس لا يعرفهم من قبل سوى خلف شاشات الكمبيوتر .. على يقين تماماً بأن كل كلمة طلعت منك كانت صادقة جداً .ولا تخلو من الدبلوماسية .. وهذا يدل على معدنك الطيب والجميل كما عرف به أهل شرقنا الحبيب ... ))) وحقيقة أحببناك جميعاً ،،، وشخصياً أتمنى لك التوفيق في حياتك عامة ... وربنا يسترغربتك وغربتنا ... وغربة أخوانا كمان الفي المنتدي ... وتسلم ياغالي على هذه الصراحة .. والدعابة .. والجدية ... التي أتحفتنا بها.
وتشكر كثير جداً على رحابة صدرك وتحملك لهذا الكم الهائل من الأسئلة ((( الخاصة ، والعامة ، والمحرجة في بعض الأحيان )))
وأقترح على الـ admin - وعلى أخونا حمدتو / أن يتم ترشيحك لتولي أحد مشرفي المنتديات .
تسلم لى يا غالى وربى ما يحرمنى منك
وشكراً جزيلاً على كلامك اللى هو بالنسبة لى أوسمة غالية على صدرى
ويا عزيزى منذ أول لحظة لدخولى منتديات ود مدنى وأنا رافع شعار ,, الصراحة المطلقة والشفافية التامة , وما دام أنا الحين على الكرسى الساخن إذاً أنا مِلككم وعلية لكم الحق أن تعرفوا عنى كل شئ وأى شئ ودى يسعدنى غاية السعادة .
بس أعفينى من حكاية الإشراف دى تعرف لية ؟ لأنى لو بقيت مشرف ما راح أكون ود المطامير اللى بتعرفوهوا دا لأنى راح أكون مقيّد بحاجات كتيرة تحتم علىّ قص أجنحتى اللى بحلق بها الحين فى سماء المنتديات وأنا زول بحب الحرية شديد وأحسن أكون ود المطامير بس علشان أفنجط فى منتديات ود مدنى ذى الدحيش الفرحان بقش الخريف .
وتسلم لى يا غالى .
ونشوفك تانى .

[ود المطامير]

ها جني ها دحين انت لسه مصنقر في الداهيه دي كدي نشمي اجيب لي حسكنيت واجيك
عليك الله يا أبوالنور يا حبيبى ما تقول لى الحاكل فيهو يديك دا شنو
هو الوليد صاحبى ما قال ليك كلمو ساااى الزول دا عِكليتة ؟
أنكرب سااى جيب الحسكنيت وتعال
راجيك .

[سواااح]

ود المتامير ..

السؤال الاول :
ما رايك في العلاقات الانفتاحية الانسدادية التجاهلية ؟

السؤال الثاني :
ما هو التخصص المحبب الي قلبك .. اختر اجابة
1/ اصطياد بنات الجيران
2/ تخزين الدراهم
3/ هد سوق الدهب

السؤال الثالث :
ده خليهو فاضي

السؤال الرابع :
حركة التمرد التي قمتم بها
لم تحقق اي هدف من اهدافها الي الان
رغم المغريات وتشجيع النسوان علي الخيانة
ومنح الوعود باعطائهن سوق الدهب
ماذا تبقي لكم رغم الهزائم المتتالية ؟؟


السؤال الخامس :
جاوب عشان اجيك راجع

[ود المطامير]

ود المتامير ..

السؤال الاول :
ما رايك في العلاقات الانفتاحية الانسدادية التجاهلية ؟

السؤال الثاني :
ما هو التخصص المحبب الي قلبك .. اختر اجابة
1/ اصطياد بنات الجيران
2/ تخزين الدراهم
3/ هد سوق الدهب

السؤال الثالث :
ده خليهو فاضي

السؤال الرابع :
حركة التمرد التي قمتم بها
لم تحقق اي هدف من اهدافها الي الان
رغم المغريات وتشجيع النسوان علي الخيانة
ومنح الوعود باعطائهن سوق الدهب
ماذا تبقي لكم رغم الهزائم المتتالية ؟؟


السؤال الخامس :
جاوب عشان اجيك راجع
مرحب بزميل الحرب العزيز سواااح
1 .. العلاقات الإنفتاحية لازم تكون فيها سدادات إنسدادية هِنىوهناك علشان لوبعدين إتجاهلوك ما تجى واقع هردلوووب .
2 .. التخصص المحبب لقلبى هو إصطياد البنات ما هو أخوك ( ريّّاد بالحيل )
3 .. آاااى بغسل العدة آاااى بدقونى بالشدة
4 .. أكان دا المنطق ؟ كان الإسلام توقف فى أحد .
6 .. أها جاوبت ومنتظرك .

[مدنيّة]

2 .. التخصص المحبب لقلبى هو إصطياد البنات ما هو أخوك ( ريّّاد بالحيل )



غايتو ياود المتامير ماظنك بالحالة دي ح تجيب المدام :p

[مدنيّة]

أما حكاية الإشراف ,, فى زول قال على أبو الدقيق ,,


دا منو الحاقد دا :eek:

[مدنيّة]

الأخت الغالية (( مدنية ))
بسم اللّة إنتى بالعة رادى ؟ والحالة دى لجنا ؟ وخليتى شنو عشان تجى تانى ؟
أهلاً بيك فى بيتك وسعدت كتير بجيتك المشرقة .
ذى ما ذكرت فى شكلة الكبرى إنو أنا كنت قبل الجيّة لمدنى هامل سااى فى فضاء النيت ويوم سألت نفسى .... معقول ناس مدنى الراقيين ديل ما عندهم منتدى ؟؟ مش ممكن ,, وعلى الطول كتبت فى خانة البحث ((( منتديات ود مدنى ))) أكان ألقى ليك نفسى فى نصكم , ناس راقيين وحلوين ويشرحوا الصدر ,, جميلين فى كل شئ , خلقة وأخلاق , ونضمى دقاق , غايتو آخر روعة
ولقيت منتدى مدنى رائع بروعة اللى فيهو والقائمين عليهو , آسر .. أخاذ .. وجذاب لدرجة لو دخلت فيهو تانى طلعة مافى أبداً , أكثر شئ عجبنى التنوع فى المواضيع والناس أحبّة وأهل .
الحركات اللى عملتها الصراحة ورتنى مكانتى عندكم من غير ما أقصد .. وضحكتينى شديد بوصفك لى (( أبو الدقيق )) لأنك ذكرتينى بإسم قديم كانوا بنادونى بيهو .. واللّة .. فى يوم من الأيام لو قلتى وين بيت ناس أبوالدقيق طوالى يجيبوك بيتنا .. تلك الأيام ح تظل عالقة بالذاكرة أبد الدهر إذ فيها حسيت بالمودة تغمرنى فى أجمل الصور وبأحلى المشاعر الصادقة ..
واللّة العظيم يا أختى (( مدنية ) أم عمرو )) بتدخل المنتدى كزائرة ومتابعة الحاصل كلو من بعيد لبعيد فى بيت صديقتها .. طبعا أنا فاصل منهم النيت علشان الأولاد بقعدوا بالساعات أمام الجهاز و( أم عمرو ) إنشاء اللّة ح تسجل فى المنتدى الإسبوع القادم وهى للعلم ( مهندسة كمبيوتر ) وأخوك هندسة شلاقة ساااى ,, واللّة بتعرفكم واحد واحد فى المنتدى ..
وحكاياتنا مع السحارين واللّة فعلا التقول وراثة والحالة دى ما حكيت التقال .
وفى حكاية العمر واللّة العظيم لوشفتينى وشفتى شهادة ميلادى ح تقولى فى حاجة غلط وح تقولى
معقووووووول الشافع دا مولود سنة 66 ؟
ولك تحياتى العطرة وتعالى تانى وأملى شنطة يدك أسئلة .
مرحب بيك .
معزرة ,, نسيت أوريك طبيعة شغلى
أخوك شغال عمدة هِنى ,, عندى خمسة عمال هنود
وبنراقب الأسواق ( المواد المنتهية الصلاحية )
وأى حد يرمى ورقة ساى نخالفو وأى مرة تشر الغسيل
فى البلكونة نخالفها وهسى هِنى فى الجزيرة وهى فيها
قصور الشيوخ مسؤلين عن سلامة البيئة من التلوث .
ومرحب بك مرة تانى .



ياود المتامير مستغربة لية قمت في الاجابة بنمرة اربعة :confused:
والله اتخيل طريقة معرفتك للمنتدي زي طريقتي ومدني بتنادي براها عشان كدا الناس بتجيها غايتو ح نشوف ليك بيت في مدني زي ماقلت في بوست الفارس البنفسجي انك عايز ليك بيت فيها

والله شفت ابو الدقيق دي ظااااااااااااااااااهرة فك ظهورية خليها ساااااااااااااااي :p الله يعين ام عمرو كدي سؤال علي خفيف بالله لما تقوم عليك الحالة دي هي بتتفاداها كيف ؟؟ :confused:

طب اعمل حسابك قلت ام عمرو بتدخل المنتدي مخير البتسوي فيه دا واوراقك الكاشفها دي ح تندمك عليها ماتقولي الحكاية ثقة عشان دي عندها نكتة بحكيها ليك في جيتي التانية هسي شوية مستعجلة :D

والله يادو المتامير انا في شوق عظيم اني اتعرف علي الاانسان الرائعة دي بجمالها المحسوس قبل الملموس ومن هسي منتظرة الاسبوع الجاي بس عليك الله في بدايته عشان لو انتظرت لنهايته الا ااجر لي رقشة واجيكم في ابوظبي وتاني يحلكم الحلا بلة ;)

غايتو موضوع 66 دا مامقتنع بيه انا الا تجيب شهادة الميلاد بس اوع تكون تسنين زي معظم السودانين :p
يلا انا هسي بمشي وبجيك بكرة لو بقي في العمر بقية وامانة سلامي لام عمرو

[ود المطامير]

غايتو ياود المتامير ماظنك بالحالة دي ح تجيب المدام :p




أنا أخوك يا أم شلوخ ,, كيفن الكلام دا ؟

[ود البطــــانة]

حبيب الكل .. والرجل الواحة
أخي ( ود المطامير )
صباحك زي العجب .. ومساءك
جميل زي ساري الليل .. !!
ما تمشي بعيد .. أخوك مريخابي
بدرجة مشير .. !!
وها نحن نعود لكي نبحر في عالمك
الخاص .. ونجدك بسم الله ماشاءالله
جالس في الكرسي مثل الوزير .. !!
وبسألك عن :
** أنسب نظام سياسي يصلح كحكم
دائم للبلد .. ؟؟
** وبسألك لو كنت :
** رئيساً لجمهورية الســـودان ؟؟
** رئيس الإتحاد العام لكرة القدم ؟؟
** رئيس ديوان الضرائب ؟؟
ونتقابل ..

،،،

ود البطـــــانة

[ود المطامير]

دا منو الحاقد دا :eek:



هو عارف دا كلام منوووووووووووووووو ؟

[ود المطامير]

ياود المتامير مستغربة لية قمت في الاجابة بنمرة اربعة :confused:


والله اتخيل طريقة معرفتك للمنتدي زي طريقتي ومدني بتنادي براها عشان كدا الناس بتجيها غايتو ح نشوف ليك بيت في مدني زي ماقلت في بوست الفارس البنفسجي انك عايز ليك بيت فيها


والله شفت ابو الدقيق دي ظااااااااااااااااااهرة فك ظهورية خليها ساااااااااااااااي :p الله يعين ام عمرو كدي سؤال علي خفيف بالله لما تقوم عليك الحالة دي هي بتتفاداها كيف ؟؟ :confused:


طب اعمل حسابك قلت ام عمرو بتدخل المنتدي مخير البتسوي فيه دا واوراقك الكاشفها دي ح تندمك عليها ماتقولي الحكاية ثقة عشان دي عندها نكتة بحكيها ليك في جيتي التانية هسي شوية مستعجلة :D


والله يادو المتامير انا في شوق عظيم اني اتعرف علي الاانسان الرائعة دي بجمالها المحسوس قبل الملموس ومن هسي منتظرة الاسبوع الجاي بس عليك الله في بدايته عشان لو انتظرت لنهايته الا ااجر لي رقشة واجيكم في ابوظبي وتاني يحلكم الحلا بلة ;)


غايتو موضوع 66 دا مامقتنع بيه انا الا تجيب شهادة الميلاد بس اوع تكون تسنين زي معظم السودانين :p
يلا انا هسي بمشي وبجيك بكرة لو بقي في العمر بقية وامانة سلامي لام عمرو


والله يا مدنية نفسى فى بيت فى مدنى وأبوى الله يديهو العافية كلما أرسل ليهو حق البيت يقوم يبلعو بالهناء لحد ما إتزوجت وجبت العيال وتانى حق البيت إشت .
لما تقوم على حالة أبو الدقيق طوالى بتطفى النور .
وحكاية جية المدام وأوراقى المكشوفة بوريك بغطيها كيف بعدما تقولى لى النكتة .
وشكرا جزيلا لشعورك ناحيتها ولو عدم دخولها المنتدى بجيبك لينا خلاص إبقى تعالى لينا .
وحكاية ال 66 دى أنا ذاتى مامقتنع بيها وقلت لأبوى إنتوا كبرتوا عمرى لشنو ؟
ومنتظرك بكرة وما تتأخرى وإلا نمرة أربعة جاهزة .

[Jamal Elmahi]

الحبيب ود المتامير حبابك

أحيي فيك التلقائيه والاصاله ...إستمتعته جداَ بردودك وضحكت حتي ظهرت نواجزي...حلوه نواجزي دي...وقلته أدخل وأسلم عليك ...القحّه ولا صمّت الخشم...
أنا أؤمن بأنه في بعض الاحيان القلم ما بزيل بلم...وهذا ما نلمسه في بعض المتعلمين الما إستفادوا شئ من تعليمهم ...وبفطرتك وذكائك تفوقته علي كتير من حملة الشهادات العليا...وإن لم تتواضع وتكشف عن مستواك التعليمي لتخيلت أنك بروفسير في إحدي جامعات الخليج ...حقيقةَ ليس لديّ سؤال وإنما رجاء أخوي وهو أن تواصل مسيرة التعليم الجامعي حتي ولو بالانتساب أو علي الانترنت وما حيتعارض مع شغلك وزمن أسرتك ولك ماشاء الله من المؤهلات والامكانيات ما يجعلك تتفوق في الدراسه التي تختارها ...وأوعي تقول لي بعد ما شاب دخلو الكتاب ...فما شاء الله عليك وعيني بارده ودقر العين زين الشباب...فالتعليم ليست له سن معينه...فكر في الموضوع وتوكل علي الله وستجدنا كلنا بجانبك ....

مشاققه...
حنكك السنين نجّاضه دا كان قرأ قانون الشافك محامي قدر الضربه تب ماكضّب...وجامعة الحياة لما تضيف ليها جامعة الحيكومه تاني البلحقك منو!!؟
كلامي دا ما ترميهو البحر أأأأعشاي...


ود الماحي

[Madanawi]

ود المطامير - سهم الشرق - صياد النجوم . باعتبار انك زول قلبك رهيف زي ود أبرك وصدرك واسع من ناحية الجكس زي بحر أبيض فما هو رأيك في مقولة الشاعر السوداني:

عذارى الحي وبنات أفكاري.


وما هو رأيك في القول الاتي:

المغترب السوداني بالنسبة الى اهله في السودان زي الجنريتر في الحفلة ، الناس تسكسك وهو شغال زول جايب خبرو مافي و ما يفقدوه الا لمن يقطع المدد.

[امير عبدالباقي]

الاخ الحبيب عروه
لك الف تحيه وانت تبحر في الكرسي الساخن الذي جعلته باردا وعليلا باجاباتك الجميله السلسه الممتعه
عندي ليك كم سعال
اولا من اين استوحيت اسم شجن لبتك ؟
متي اول مره زرت فيها مدني وماهي كانت انطباعاتك عنها بعد الزياره وقبل الزياره ؟
ماهي الاشياء التي تراها محتاجه لها الشرفه بركات من بنيات تحتيه ؟ ولم تقم بها الحكومه ؟ وماذا فهل ابنائها المقتربين لها ؟
قالو احن الولد ولد الولد هل رائت امك احفادها جميعا ؟ اذا كانت الاجابه بلا فلاتري هذا اجحاف في حقها ؟
لقد سالك (الادمن سوال عن اختيارك مشرفين للمنتدي وعملت زغبير ؟ نرجو الاجابه بشجاعه بدون زوغان
لك لك التحايا ووالود
برجع ليك تاني بعد ترجع من غسيل العده والكوي

[ود المطامير]

حبيب الكل .. والرجل الواحة


أخي ( ود المطامير )
صباحك زي العجب .. ومساءك
جميل زي ساري الليل .. !!
ما تمشي بعيد .. أخوك مريخابي
بدرجة مشير .. !!
وها نحن نعود لكي نبحر في عالمك
الخاص .. ونجدك بسم الله ماشاءالله
جالس في الكرسي مثل الوزير .. !!
وبسألك عن :
** أنسب نظام سياسي يصلح كحكم
دائم للبلد .. ؟؟
** وبسألك لو كنت :
** رئيساً لجمهورية الســـودان ؟؟
** رئيس الإتحاد العام لكرة القدم ؟؟
** رئيس ديوان الضرائب ؟؟
ونتقابل ..


،،،



ود البطـــــانة

أهلا بود البطانة عِزى وفخرى
مرحبتين حباب اللقبايل دخرى
1 .. تعرف يا ود عمى أنسب نظام سياسى ينفع لحكم البلد شنو ؟
هو نظام سِِِِِِِِِِفّوا وناولونا الكيس
2 .. لو كنت رئيس للسودان هلاّ هلاّ أمانه آلقصر الجمهورى ما جاك زول
على الطول ح أقلب الحكم ملكى وعمرو يكون ولى العهد وأحكم السودان
ومن بعدى زريتى ويظل أهل شرق الله البارد يحكمون السودان مئات السنين
ماهم مهمشين فى كل شئ ولا نميرى واحد ما طلع منهم .
3 .. لوكنت رئيس إتحاد كرة القدم لهدمت دُور الرياضة والميادين والأندية
وعملتها مخابز وأسواق خضار ولحم وسمك لحدما يجى حد يقنعنى وعملى كدا
إنو خلاص لقينا شباب ح يعيدوا لنا أمجادنا الكرويه .
4 .. لو كنت رئيس ديوان الضرائب لجعلتة ديوان كتشينه للعطالة علشان
هم بشيلوا الضرائب من الفقراء وبودوها للأغنياء
ولك كل الود والشكر وراجيك .

[ود المطامير]

الحبيب ود المتامير حبابك

أحيي فيك التلقائيه والاصاله ...إستمتعته جداَ بردودك وضحكت حتي ظهرت نواجزي...حلوه نواجزي دي...وقلته أدخل وأسلم عليك ...القحّه ولا صمّت الخشم...
أنا أؤمن بأنه في بعض الاحيان القلم ما بزيل بلم...وهذا ما نلمسه في بعض المتعلمين الما إستفادوا شئ من تعليمهم ...وبفطرتك وذكائك تفوقته علي كتير من حملة الشهادات العليا...وإن لم تتواضع وتكشف عن مستواك التعليمي لتخيلت أنك بروفسير في إحدي جامعات الخليج ...حقيقةَ ليس لديّ سؤال وإنما رجاء أخوي وهو أن تواصل مسيرة التعليم الجامعي حتي ولو بالانتساب أو علي الانترنت وما حيتعارض مع شغلك وزمن أسرتك ولك ماشاء الله من المؤهلات والامكانيات ما يجعلك تتفوق في الدراسه التي تختارها ...وأوعي تقول لي بعد ما شاب دخلو الكتاب ...فما شاء الله عليك وعيني بارده ودقر العين زين الشباب...فالتعليم ليست له سن معينه...فكر في الموضوع وتوكل علي الله وستجدنا كلنا بجانبك ....

مشاققه...
حنكك السنين نجّاضه دا كان قرأ قانون الشافك محامي قدر الضربه تب ماكضّب...وجامعة الحياة لما تضيف ليها جامعة الحيكومه تاني البلحقك منو!!؟
كلامي دا ما ترميهو البحر أأأأعشاي...


ود الماحي
حبيبى ود الماحى
وكلامك هذا هو عندى أغلى من شهادات أعرق الجامعات العالمية وشهادة الجامعة صحيح رايحه تنفعنى فى جوانب أخرى فى الحياة مال وجاه ولكنى أحببت الدراسه فى جامعة حب الناس وشهادتك أعلاة عندى أغلى مليار ومليار مرة ومرة من شهادة إكسفورد وأعتز وأفتخر بها جداً وراح صدقنى ح أزيّن بها مجلسى فى البيت وصدقنى لو نلت شهاده جامعيه مش ح أفرح بها كفرحتى بشهادتك الغالية لى .. فلك منى كل الشكر والتقدير والإمتنان على مشاعرك الفياضة بالإلفه نحوى .. تسلم ..
وإنشاء الله ح أعمل بوصيتك لأن الكثيرين بشجعونى على الدراسة الجامعيه من على البعد ..
مشاققه ..
حكاية المحامى والمحاميين .. عندنا مشكلة مع جارنا فى شارع ووصلت المحاكم وجارنا زول مروق لوارى وعيش الضهارى وربنا يزيدو أها هو عندو محامى ونحنا كمان وأنا كنت صغير خامسة إبتدائى تقريباً أها فى المحكمة كلما القاضى يسأل سؤال أنا كنت بنط وأتكلم قبل المحامى بتاعنا قام القاضى قال لعمى .. مادام عندكم الجنا دا منزلين محامى لشنو ؟ وتعال شوف الناس ماتوا بالضحك ..
وأخيراً أقول لك .. كلامك لى بلل عيونى بالدموع ..
أهلاً بيك فى أيّة لحظة .

[ود المطامير]

ود المطامير - سهم الشرق - صياد النجوم . باعتبار انك زول قلبك رهيف زي ود أبرك وصدرك واسع من ناحية الجكس زي بحر أبيض فما هو رأيك في مقولة الشاعر السوداني:

عذارى الحي وبنات أفكاري.


وما هو رأيك في القول الاتي:

المغترب السوداني بالنسبة الى اهله في السودان زي الجنريتر في الحفلة ، الناس تسكسك وهو شغال زول جايب خبرو مافي و ما يفقدوه الا لمن يقطع المدد.
والله يا حبيب قلبى ( مدناوينا ) إفتتاحية كلامك دائماً بتموتنى بالضحك
طوالى بتخش ليفت .
والله يا الحبيب كلام الشاعر دا عجبنى شديد ,, لأنى ( كنت ) بموت فى عزارى الحى والله يا ( مدناوى ) ريدى لعزارى الحى تغلغل فينى لحد النخاع وعلشان كدا كانت ( بنات أفكارى ) حايمات فوقهن ليل نهار ..
الله عليك يا الحبيب والله أصفق ليك بحرارة فى هذا الوصف الذى هو طبق الأصل لحال المغترب السودانى, والله شكيت محنك .. ضحكتنى لمن دمعت .. وصف بليغ ومعبر ويختزل كل آلامنا وهمومنا
والمشكلة يال الحبيب .. ندفع دم القلب وفى الآخر نسمع ... هو إنت عملت لينا شنو ؟
الله يجازى محنك يا حبيبنا .. عليك الله كتر .. كتر .. كتر .. الجيّه .
ودمت لى .

[ود المطامير]

الاخ الحبيب عروه
لك الف تحيه وانت تبحر في الكرسي الساخن الذي جعلته باردا وعليلا باجاباتك الجميله السلسه الممتعه
عندي ليك كم سعال
اولا من اين استوحيت اسم شجن لبتك ؟
متي اول مره زرت فيها مدني وماهي كانت انطباعاتك عنها بعد الزياره وقبل الزياره ؟
ماهي الاشياء التي تراها محتاجه لها الشرفه بركات من بنيات تحتيه ؟ ولم تقم بها الحكومه ؟ وماذا فهل ابنائها المقتربين لها ؟
قالو احن الولد ولد الولد هل رائت امك احفادها جميعا ؟ اذا كانت الاجابه بلا فلاتري هذا اجحاف في حقها ؟
لقد سالك (الادمن سوال عن اختيارك مشرفين للمنتدي وعملت زغبير ؟ نرجو الاجابه بشجاعه بدون زوغان
لك لك التحايا ووالود
برجع ليك تاني بعد ترجع من غسيل العده والكوي
مرحبتين يا الحبيب الغالى ومنور
إستوحيت إسم شجن من طفله سودانية صغيره لا أعرفها وإلتقيت بها فى المطار وجلست بقربى ومازحتها فوجدتها فصيحة اللسان وجميلة الشكل وقلت لنفسى لو تزوجت ورزقت ببنت ح أسميها شجن على إسمها ودارت الأيام وأتت ( شجنى ) والحمد لله .
أول مره زرت فيها مدنى .. دى صعبة شوية .. يا .. أميرى .. لأنى ومن أنا رضيع بمشى مدنى ..
ومنذ ولادتى ما أظن مر إسبوع من غير ما أمشى مدنى يا إما عيان مودينى المستشفى ويا إما فى عيان راقد فى المستشفى وأمى لأنى كنت وحيدها طوالى لافحانى معاها , وعلية لما لما وعيت الدنيا لم تكن مدنى غريبه على بل إبنها من على البعد , ولذا مافى قبل وبعد الزيارة هى منى وفينى
الشرفه بركات وما تحتاجه ..
أول شئ يبنوا بنايات فوقيه وبعدين يشوفوا البنيات التحتيه .
وأبنائها عملوا لها مؤتمرات على غرار مؤتمرات القمم العربيه
شكله هِنى وهناك والقرارات الرنّانه تظل حبيسة الأدراج .
أحنّ الولد ولد الولد ..
نعم الحمد لله أمى رأت أولادى وسفرتهم ليها مخصوص وقعدوا
معها شهرين ونص وإنبسطت وإنبسطوا شديد والحمد لله .
ترشيح المشرفين ..
مره شجن بنتى أصبتها نزلة برد حادة وإشتريت لها الدواء وكان شديد
المرارة ومره كنت بسقيها فى الدواء وجانى عمرو وقال لى يا بابا إنت
ما بتحبنى !! قلت له بفزع ليه ؟ قال لى بتسقى فى شجن العصير وأنا ما
سقيتنى .!!!

[بنت الرفاعي]

والله ياود المطامير كل مرة بنكتشف فيك حاجة وعجبني شعارك (الشفافية والوضوح),
لكن بس في سؤال انت لييه طولت من البلد قدر ده؟؟حتى ولو اتعودت عالغربة 9سنة دي بالجد كتييييرة لمن بهناك,9سنة مبالغة وماشفت فيها لا أمك ولا أبوك؟؟؟:confused:
بعدين نرجع ليك تاني في الحتة دي أسي نشوف غيره.
عرف كلا من أو ماذايعني بالنسبة لك؟؟ :
الأم..
الحرية..
الديمقراطية..
الزوجة..
الأبناء..
الحب..
الصداقة..
الوفاء..
الوطن..
الغربة..
بمناسبة الديمقراطية هي عندكم في البيت كيف؟؟ والماسك البيت منو انت ولا هي ولا السائد التفاهم؟؟وتعاملك مع أولادك كيف؟؟
أسئلة كتييييرة لكن مانتقل عليك أكتر من كدة وبنرجع ليك تاني انشاءالله.:D

[المسافر]

يا ود المطامير أنا عارفك ما ناقش إمتحان مرام بالإنجليزي
عشان كده أنا حأشففك في كل الأسئلة إلا حكاية الديمقراطية في بيتكم
دي أني عارف ما عندكم ديمقراطية وبمارسو عليكم دكتاتورية
وعنجهية وإستبداد وقسوى . ودي تتكلم فيها براك !!!!!!!!!!

ودمت يا الغالي

[ود المطامير]

والله ياود المطامير كل مرة بنكتشف فيك حاجة وعجبني شعارك (الشفافية والوضوح),
لكن بس في سؤال انت لييه طولت من البلد قدر ده؟؟حتى ولو اتعودت عالغربة 9سنة دي بالجد كتييييرة لمن بهناك,9سنة مبالغة وماشفت فيها لا أمك ولا أبوك؟؟؟:confused:
بعدين نرجع ليك تاني في الحتة دي أسي نشوف غيره.
عرف كلا من أو ماذايعني بالنسبة لك؟؟ :
الأم..
الحرية..
الديمقراطية..
الزوجة..
الأبناء..
الحب..
الصداقة..
الوفاء..
الوطن..
الغربة..
بمناسبة الديمقراطية هي عندكم في البيت كيف؟؟ والماسك البيت منو انت ولا هي ولا السائد التفاهم؟؟وتعاملك مع أولادك كيف؟؟
أسئلة كتييييرة لكن مانتقل عليك أكتر من كدة وبنرجع ليك تاني انشاءالله.:D
مرحبتيين أختى مرام ..
وأتفق معك إنو غربتى طالت أكثر من اللازم , لكن تقولى شنو فى زول يجهز حالوا وحال الأولاد ويقطع التزاكر وفى أخر لحظه يطلع لى عارض من مافى والسفر يطير .. عمل دا ولأ عين ؟؟؟
ماذا يعنى لى ..
الأم ... عمار إبنى فى حضنى طفل رضيع وأنا فى حضن أمى أجد نفسى أصغر من عمّار .
الديمقراطيه ... لو كانت عباره عن لف عمم بعنايه وخطب رنانه فى التلفزيون والجلسات اللى ذى فصل المدرسه الإبتدائه ثم أكل الولائم ويشتتوا علشان يتنافسوا فى أكل حق خلق الله دى ما ديمقراطيه .. الديمقراطيه فى عرفى أن نضع كل الآراء فى خلاطه ويشرب الجميع بالهناء .
الحريه ... مره وأنا صغير لاحظت ( ود أبرق ) عامل عش فى جحر فى الحائط وترصدت له لحد ما دخل الجحر ووضعت حجر على فتحة الجحر ومشيت وعدت بعد ساعات ورفعت الحجر فسقط بين قدمىّ ميتاً ومن يومها عرفت إنو ( تحرمنى من حريتى أموووت ) .
الزوجه ... فى تقديرى , ليس كل من تزوجت فهى زوجه !! فالصالحه التى تجعل بيتها واحه مخضره أحيّها والتى تجعل بيتها أطلال باليه ربنا يصلح حالها .
الأبناء ... هم أكبادنا تمشى على الأرض وهم زينة الحياة الدنيا .
الصداقه ... الصداقه الحقيقيه هى عمله نادره فى الزمن المفلس دا .
الوفاء ... هو أن تدمع عيونى وأنا أرى من يقف أمامى يقطع من كبده ويطعمنى .
الوطن .. حليله أرض الجداير والمراكب والطنابير والمطامير وركوب الحمير وناس فاطنه ورقيه وسلمى وهن يردن المويه من البير فى وقت العصير و( ماااالك علىّ )
الغربه ... يعنى شنو الغربه ؟ دى أول مره أسمعها ... ضياع ... ضياع ... ضياع .. ضياع .
الديمقراطيه فى بيتنا .. دى نكته يا ( مرام ) ؟ المنتدى دا كلو يغنى بابا يغسل العدة وتقولى لى ديمقراطيه فى بيتكم ؟
تعاملى مع أولادى بكل حنيه وحب وريده شديده ونحن أصدقاء رائعون مع بعض ولكن فى الغلط حازم معهم وهم بحبونى بشكل رهيب ,
أها قلتى لى .. الحب .. أقيفى النصلح وأعدل القعده أصلو أخوك ( ريّاد بالحييييل )
أجمل لحظات دلالنا هى ..عندما أخطف فرشاة أسنان من أحب ومن فمها وأستعملها وهى تضربنى بدلال وتهمس لى .. جيبها جيبها وتقلعها منى وتواصل إستعمالها !! ولأ الحب همسه تُقال .. أحبك .. وخلاص ؟
ودمتى وتعالى تانى وتقلى ساااى .

[ود المطامير]

يا ود المطامير أنا عارفك ما ناقش إمتحان مرام بالإنجليزي
عشان كده أنا حأشففك في كل الأسئلة إلا حكاية الديمقراطية في بيتكم
دي أني عارف ما عندكم ديمقراطية وبمارسو عليكم دكتاتورية
وعنجهية وإستبداد وقسوى . ودي تتكلم فيها براك !!!!!!!!!!

ودمت يا الغالي
والله يالحبيب أدعوا لى ساااى وهسى
بفكر أرفع شكوى للإمم المتحده

[Madanawi]

ود المطامير - الشقي - حصان السبق - ود الجزيرة - المكوجي - العياااااااااااااااااان.

رأيك شنو في النادي السوداني بأبوظبي؟

رأيك شنو في السودانيين المغتربين في الامارات عموماً؟

رأيك شنو في قول وردي " بلاقيها في الميعاد "؟

رأيك شنو في في قول مصطفي سيد احمد " الدنيا ليل غربة ومطر"؟

[شبارقة]

جنا المطامير
ترطيبه صغيرة من الكرسي الساخن،، سعال:
ماهو رأيك في المقولة التي انتشرت على ألسنة علماء الانثربولوجي (إن الحضارة التي امتدت على ضفتي نهر النيل تفوق الشرقية منها الغربية، وذلك بسبب حدة ذكاء المنتشرون على الضفة الشرقية وتفوقهم على أقرانهم في الضفة الغربية في بيع الجَداد والغنم ومعرفة الداره منها والكبيرة والصغيرة )
؟؟؟

[مدنيّة]

اها جيتك تاني ياود المتامير
اسئلة خفيفة كدا


- هل اديت الخدمة الوطنية ولو كانت الاجابة بنعم صور لي خلو الطرف وجيبه مرفق مع شهادة الميلاد :p

- اكلتك المفضلة

- لونك المفضل

- هلالابي ولا مريخابي

- ماعندك فكرة رجعة نهائية للسودان

والله راسي جااااااااااااايط ياود المتامير عشان كدا بكتفي بالاسئلة دي بس

وسلامي لام عمرو واحنا في الانتظار :D

[ود المطامير]

ود المطامير - الشقي - حصان السبق - ود الجزيرة - المكوجي - العياااااااااااااااااان.

رأيك شنو في النادي السوداني بأبوظبي؟

رأيك شنو في السودانيين المغتربين في الامارات عموماً؟

رأيك شنو في قول وردي " بلاقيها في الميعاد "؟

رأيك شنو في في قول مصطفي سيد احمد " الدنيا ليل غربة ومطر"؟
والله يا حبيب قلبى بقيت بنتظر جيتك والنار قايده فينى من الشوق
لسماع الأسامى الخطيره اللى بتضحكنى بيها لحد الفرفره
1 ... النادى السودانى فى أبوظبى , زمان كان البيت الكبير للسودانيين والحين بقى البيوت الكتيره للسودانيين .. الله يعيد أيامه الجميله وريجع تانى بيتنا الكبير .
2 .. السودانين المغتربين فى الإمارات عموماً .. زمان كان الواحد يقج العمه قدر كدا لما لها من هيبه وشنه ورنّه ومن بعيد يعرفونا سودانيين والحين بقينا نلبس إزار ونعمل فيها هنود !! فضائحنا يا ( مدناوى ) بقت بالكوم .. وبقينا ما عارفين نودى وشنا وين ؟
3 ... ( بلا قيها فى الميعاد ) وكنت دائماً بمشى مكان الميعاد قبل الميعاد بوقت طويل ومافى أجمل من .. بكره نتلاقى ورا زريبة عمى ود الطاهر الساعه سبعه بالليل عشان الفريق كلو بكون بحضر فى المسلسل .. وبلاقيها فى الميعاد ورا الزريبه والبقر يحسدنا على اللى نحنا فيهو .
4 .. الدنيا ليل غربه ومطر .. يا حليلو الزول دا ماعندو زولاً يونسو ويضوى ليهو عشان كدا شايف الدنيا مطر ولما المطره تصب طبعا الدنيا بتضلم عِلا لو كان عندو أمات هِناى وهِناى أكان قال الدنيا ما أحلاها سمحه ذى العاجبه .
ومنتظرك بالأشواق .

[ود المطامير]

جنا المطامير
ترطيبه صغيرة من الكرسي الساخن،، سعال:
ماهو رأيك في المقولة التي انتشرت على ألسنة علماء الانثربولوجي (إن الحضارة التي امتدت على ضفتي نهر النيل تفوق الشرقية منها الغربية، وذلك بسبب حدة ذكاء المنتشرون على الضفة الشرقية وتفوقهم على أقرانهم في الضفة الغربية في بيع الجَداد والغنم ومعرفة الداره منها والكبيرة والصغيرة )
؟؟؟
وينك يا الحبيب ونورالفؤاد ؟ مشتاقين عديييل كدا والله
دا كلام صاح ومعترف به دولياً وفى آخر مؤتمر لنا فى لندن
برئاسة العالم إنثربولوجى سارسلوجى قال ناس الضفه الشرقيه
أيام الإستعمار كنا بنخاف من ذكائهم الحاد فى معرفة الإمور الغاطسه
وقال مثلاً الواحد منهم ممكن يبيع ليك جداده وهى على وشك الموت وما
تجيب خبر , ومن مشية الغنمايه الواحد منهم بعرفها داره فى الشهر الفلانى
أما الجماعه البى هناك قال أديهم زراعة القطن والبصل اللخدر بس
وعليك الله ما تطول كدا .

[ود المطامير]

اها جيتك تاني ياود المتامير


اسئلة خفيفة كدا



- هل اديت الخدمة الوطنية ولو كانت الاجابة بنعم صور لي خلو الطرف وجيبه مرفق مع شهادة الميلاد :p


- اكلتك المفضلة


- لونك المفضل


- هلالابي ولا مريخابي


- ماعندك فكرة رجعة نهائية للسودان


والله راسي جااااااااااااايط ياود المتامير عشان كدا بكتفي بالاسئلة دي بس


وسلامي لام عمرو واحنا في الانتظار :D




أول شئ بسم الله ما شاء الله وعينى بارده والله حلوين ذى القمر
وخلاص حاجزنهن لعمرو وعمار 0 ربنا يحفظهم ليك آمين يارب
خدمه وطنية شنو يا أم البنات ؟ ما كفايه المكوه والغسيل , وبعدين
أخوى خالد ما قصر إدرب شهر وكب الزوقه ,,
أكلتى الفضله ..
والله بموت فى الكسره البايته بالروب والطماطم والبصل والشطه
الخدره وزيت السمسم ... ومالك مجوعانى من الصباح .؟
لونى المفضل ..
لون ملابس المرحله المتوسطه بنات زمان ( حيمورى )
أنا أشجع اللعبه الحلوة عموماً ومريخابى عِلا ياكن مافارز الترابه .
ح أرجع نهائى إنشاء الله لما المواسر فى المصافى بدل ما تطلع بترول
تطلع ( كرّاد )
وتعالى تانى بسرعه وما تنسى البنيات السمحات ديل حجزناهم خلاص .

[مدنيّة]

ح أرجع نهائى إنشاء الله لما المواسر فى المصافى بدل ما تطلع بترول
تطلع ( كرّاد )



يعني شنو :confused:
وبالنسبة للبنات اها ارسلهم ليكم هناك ؟؟

[ود المطامير]

يعني شنو :confused:


وبالنسبة للبنات اها ارسلهم ليكم هناك ؟؟



يا مرحب بالورود الجميله وناس عمرو ح يستنوهن
فى السحابه اللى جمب النجمه الحمرا عِلا ياكن ماقلتى
لى الهدوم اللى فى السرير ديل الكواهم منو ؟ دا ما كتلتيهو
عديييل كدا .

[مدنيّة]

ح أرجع نهائى إنشاء الله لما المواسر فى المصافى بدل ما تطلع بترول
تطلع ( كرّاد )



ود المتامير يعني شنو ( كرّاد )

[مدنيّة]

يا مرحب بالورود الجميله وناس عمرو ح يستنوهن
فى السحابه اللى جمب النجمه الحمرا عِلا ياكن ماقلتى
لى الهدوم اللى فى السرير ديل الكواهم منو ؟ دا ما كتلتيهو
عديييل كدا .


والله ضحكتني كيف الله يديك العافية
وبعدين فاكر روحك براك التخسس :p

[ود المطامير]

ود المتامير يعني شنو ( كرّاد )

مدنيه إنتى جادّه ولأ
كُرّاد جايّه من يكرد كرداً
يعنى يغرف غرفاً
ولما يبقى فى الزير مويه قدر كوز كوزين
وتملى منها الكوز كدا إنتى كرتيهو والمويه بتكون
مليانه حترب أها الحترب دا هو الكُراد ذاتو
وما تقولى لى الحترب شنو ؟

[ود المطامير]

والله ضحكتني كيف الله يديك العافية


وبعدين فاكر روحك براك التخسس :p


طيب الفرده دا وين ؟ ما تخليهو يجئ
ويوازرنا شويه .

[مدنيّة]

مدنيه إنتى جادّه ولأ
كُرّاد جايّه من يكرد كرداً
يعنى يغرف غرفاً
ولما يبقى فى الزير مويه قدر كوز كوزين
وتملى منها الكوز كدا إنتى كرتيهو والمويه بتكون
مليانه حترب أها الحترب دا هو الكُراد ذاتو
وما تقولى لى الحترب شنو ؟


والله ياود المتامير برضو ماعرفت المراد من الكلام شنو وبعدين يعني انا عرفت ليك الاولي لما كمان جايب لي واحدة تانية كدي فهمني الاولي وبعدين نتفاهم :p

[مدنيّة]

طيب الفرده دا وين ؟ ما تخليهو يجئ
ويوازرنا شويه .


مشي يسدد رسوم النقابة وجاي
تبعا عارفها نقابة شنو ;)

[ود المطامير]

والله ياود المتامير برضو ماعرفت المراد من الكلام شنو وبعدين يعني انا عرفت ليك الاولي لما كمان جايب لي واحدة تانية كدي فهمني الاولي وبعدين نتفاهم :p



قالولك أنا فاتح فصل محو ( أمّيه ) ؟
باقى المويه فى زير ولأ حفير
موية طييييييييييييييييين

[مثني ودالعيكوره]

اول التبادي : السلام عليكم.......
احي اهل الجزيره الراااااائعين ابداً و احي اهل مدني في كل الدنيا
لن اسرد فضائل الجزيره وناس الجزيره لان ذلك سيكون من نافلة القول(والعارف عزو مستريح).

وتاني شي : انا صديق جديييييييييد لنج للمنتدي واول ما دخلت المنتديات لقبت ودالمطامير
محكر في البنبر الحار... وبديت البورد من اولو لحدي ما وصلت لي هنا....
ودايركم تقبلوني صديق (وله برضو دايره واسطه) ، علي كلٍ دا عربون صداقه...
بعض السعالات لود المطامير .... فكة حنك

1/ لديك قلمان احمر واسود فماذا تكتب بكل منهما؟
2/ لو خيروك بين ان تفقد جميع حواسك الخمس ما عدا حاسة واحدة.. فأي واحدة ستختار ولماذا؟
3/ اذا اكتشفت ان هناك صديق مقرب منك قد كذب عليك فكيف تتصرف معه؟؟ وهل تستمر في علاقتك معه؟
4/ دق جرس الباب.. اسرعت الى الخارج ووجدت رضيع بجانب الباب مع ورقة ترجوك بان لا تأخذه الى احدى دور الرعاية... ماذا تفعل؟.. كيف تتصرف؟

مع عاكر مودتي............

..................... مثني ود العيكوره...........

[ود البطــــانة]

الجنيَ الحسيس .. ود عم العــــريس
الراجل التمام .. القدحو سبق السلام .. !!
ويا ودالمطامير حرم حبابك .. وكيفنك
وأخبار عقابك ..
وندخل علي السؤالات ..
وبسألك :
* لو طلب منك أن ترسم لوحة لمن ترسمها
ولماذا ؟؟
* لو سافرت للفضاء ماذا تحمل معك .. وبرضو
لماذا ؟؟
* لو خيروك ما بين العيش في حي منهاتن الراقي
في نيويورك .. والشرفة بركات .. من تختار
وما هو تعليقك ؟؟ !!
* لو خيروك أن تأخذ واحدة من هذه الأشياء ..
نريد خيارك .. ؟؟
1 / فلوس ضخمة
2/ فتأة جميلة جداً
3/ زهور فواحة
وخليك قاعد .. جاينك تب .. !!

،،،


ود البطــــانة

[حسن السيد]

ودالمطامير حبابك وحباب الشاف أحباب
عندي سؤال وأحد لو سمحت ظروفك
ود المطامير معزوم للعرس والحفلة قاجة
والبنات هبطرش يعني دايرات عريس مش يهم
معرس مو معرس المهم عريس
في تلك الحالة عندك بدلة شيك ومعاها كل تبعاتة
يعني كرفتة وجزمة خطيرة
وفي نفس الوقت عند جلابية بيضة مكوية
ها هنا ود المطامير بلبس شنو ؟؟؟
أشوفك في الكوشة يا عريس
تحياتي ........... حسن السيد

[Madanawi]

ود المطامير - ابو لسانين - ابو قلبين - ود ابو ظبي - من الاحد للربوع - عيان الهوى

عندي ليك سؤال بالحيل محرقني.

أولاد الشرق كل يوم زايدين ي المنتدي. أول حاجة بنرحب بيهم وتاني حاجة بقول ليك الوراهم درب الملجة والسوق الكبير وسينما الوطنية والاستبالية دا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابوالنور]

ود المطامير - ابو لسانين - ابو قلبين - ود ابو ظبي - من الاحد للربوع - عيان الهوى

عندي ليك سؤال بالحيل محرقني.

أولاد الشرق كل يوم زايدين ي المنتدي. أول حاجة بنرحب بيهم وتاني حاجة بقول ليك الوراهم درب الملجة والسوق الكبير وسينما الوطنية والاستبالية دا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ههههههههههههههههههههههههه

[ابوزيد محمد نور]

ود المطامير لك التحية وانت على هذا الكرسى الجميل و بالله عليك طلع العندك كلوا ورين الحاصل عيك شنو وبطل المهاتره الكتيره ياحبييبنا وهاااااااااااااااااااااااااحن معككككككككككك

[ود المطامير]

اول التبادي : السلام عليكم.......
احي اهل الجزيره الراااااائعين ابداً و احي اهل مدني في كل الدنيا
لن اسرد فضائل الجزيره وناس الجزيره لان ذلك سيكون من نافلة القول(والعارف عزو مستريح).

وتاني شي : انا صديق جديييييييييد لنج للمنتدي واول ما دخلت المنتديات لقبت ودالمطامير
محكر في البنبر الحار... وبديت البورد من اولو لحدي ما وصلت لي هنا....
ودايركم تقبلوني صديق (وله برضو دايره واسطه) ، علي كلٍ دا عربون صداقه...
بعض السعالات لود المطامير .... فكة حنك

1/ لديك قلمان احمر واسود فماذا تكتب بكل منهما؟
2/ لو خيروك بين ان تفقد جميع حواسك الخمس ما عدا حاسة واحدة.. فأي واحدة ستختار ولماذا؟
3/ اذا اكتشفت ان هناك صديق مقرب منك قد كذب عليك فكيف تتصرف معه؟؟ وهل تستمر في علاقتك معه؟
4/ دق جرس الباب.. اسرعت الى الخارج ووجدت رضيع بجانب الباب مع ورقة ترجوك بان لا تأخذه الى احدى دور الرعاية... ماذا تفعل؟.. كيف تتصرف؟

مع عاكر مودتي............

..................... مثني ود العيكوره...........
وعليكم السلام ورحمة الله وبركاته
وأهلاً وسهلاً بك أخ وصديق عزيز وغالى بين أهلك وأحبابك وسعيدين جداً بجيتك لنا ونورت المنتدى( وواسطتنا ) هى المحبه والإلفه والتآخى الحميد .. ود العيكوره العزيز إنت فى ديار ..
1 .. الكتابه بالقلم الأحمر ..
مره مشيت جهاز شئون المغتربين فى إحدى إجازاتى النادره وكانت على ّ ضرائب أردب عيش عديل كدا أدخلت أوراقى لمديرة الضرائب عشان تنقص لى , ارجعوا لى الأوراق ولقيتها نقصت لى شويّه وأدخلتها تانى وأرجعوها تانى وهى نقصت لى ترمه بس والمره دى كان التوقيع بالقلم الأحمر فدخلت لها بنفسى وبدأت أصف لها الحال المايل فقالت لى .. لما حد يوقع لك بالقلم الأحمر معناها
( قرار نهائى بدون رجعه أبداً ) ومن يومها وأنا أى قرار نهائى أتخذه فى حياتى أكتبه بالقلم الأحمر ..
الكتابه بالقلم الأسود ..
ودا يا الحبيب أستخدمه للكتابه فى المآقى الواسعه , تكل العيون اللى تبلع ميه ذى ود المطامير أخوك دا , أولائك اللاتى هن فراشات حدائق القلب ولذا تجدنى أغمس ريشه يراعى فى سواد عيونهن وأخط لهن آهات الروح .
2 .. لو خيرونى أن أختار حاسه واحده وأفقد الباقى فأنى ح أختار البصر وذلك لأنى حينما أرى مشهد يمكننى أن أن أشم عبقه وأن أتذوق معناه وأسمع همس الحرف بين جنباته وألمس فيه كيانى .. ففى عرفى نعمة البصر تختزل كل الحواس .
3 .. لو إكتشفت أن صديقى قد كذب على ّ .. بتعذب شديد وعلى الطول أصارحه بكذبه على ّ ولكنى لا أخسره ولكن لو كررها معى ساعتها ح يظل صديقى ولكن ليس مقرب . وهذا طبعاً فى الآمور الجاده , أما اللأمور العاديه فلا ألقى لكذبته بال .
4 .. سؤالك الأخير أعجبنى جداً .. حتى لو وجدت المكتوب فى الورقه .. يرجى أخذه لدور الرعايه فأنا سوف أضمه إلى صدرى بحب وحنان ويصبح عندى ثلاث أولاد وبنت .. فيا عزيزى لأن الله تعالى غرس فينى حب للأطفال آلى حد الرعشه وقصصى معهم لا تعد ولا تحصى ..
ومرحب بك ألف مرحب وتعال تانى وح تلقانى منتظرك بكل الأشواق .
وشكراً لك .

[ود المطامير]

الجنيَ الحسيس .. ود عم العــــريس


الراجل التمام .. القدحو سبق السلام .. !!
ويا ودالمطامير حرم حبابك .. وكيفنك
وأخبار عقابك ..
وندخل علي السؤالات ..
وبسألك :
* لو طلب منك أن ترسم لوحة لمن ترسمها
ولماذا ؟؟
* لو سافرت للفضاء ماذا تحمل معك .. وبرضو
لماذا ؟؟
* لو خيروك ما بين العيش في حي منهاتن الراقي
في نيويورك .. والشرفة بركات .. من تختار
وما هو تعليقك ؟؟ !!
* لو خيروك أن تأخذ واحدة من هذه الأشياء ..
نريد خيارك .. ؟؟
1 / فلوس ضخمة
2/ فتأة جميلة جداً
3/ زهور فواحة
وخليك قاعد .. جاينك تب .. !!


،،،




ود البطــــانة

البطانه .. تلك الربوع التى أهيم فيها عشقاً وحب لسماحتها وسماحة أها الطيبين , رجالاً عرفناهم بالجود والكرم والشهامه وأهلاً بك أخ عزيز وكريم وغالى ونمشى للسعالات ..
لو رسمت لوحه ح أرسمها ( لشريكة حياتى ) لأنى قبلها لم تكن لى حياه وبعدها وجدت حياتى وعليه لها أرسم وأكتب وأغنى وأقول شعر كمان .
2 .. لو سافرت للفضاء ح أحمل معى عائلتى لأنى بهم أحيا وفوق فى الفضاء طبعاً إنت عارف
مافى أكسجين .
3 .. لو خيرونى بالعيش فى منهاتن والشرفه بركات .. ح أختار الربوع التى ولدت فيها والدروب الضيقه التى تربيت فيها .. هازول أنا بيوتنا المقرمشه والعامله ذى البسكوت فى الشاى دى ما ببدلها بناطحات سحابهم , وحميرنا والكارو ولا الفورد حقهم , إحنا لو ما شمينا ريحة زرايب البقر بمسكنا وجع راس ولو ريحة الدعاش ما ملت صدورنا بنقعد نعطس اليوم كلو والكلام دا ما عشان (الكديس ما لحق العضم قال عفن ) لا بل ديل لحّاقين بعيد أفوتهم كيف ؟؟؟ .
4 .. الإختيار بين الفلوس الضخمه
والفتاه الجميله
والزهور الفواحه ..
وأنا مغمض ح أختار( الفتاه الجميله ) لأن أخوك ( أخوك ريّاد بالحيييل ) ومال الدنيا كلو لا يساوى عندى إبتسامة حسناء والأزهار جميله ولكن مش أجمل من أزهار الحسناوات وأقول .
ما هذا الأحمر المشقوق ؟ ... قالوا هذا فم
وأنا لوهله حسبته ... ورده من لحم ودم ..
وتعال لى تانى سريع يا الغالى فالبطانه هى منبع الروح .

[ود المطامير]

ودالمطامير حبابك وحباب الشاف أحباب

عندي سؤال وأحد لو سمحت ظروفك
ود المطامير معزوم للعرس والحفلة قاجة
والبنات هبطرش يعني دايرات عريس مش يهم
معرس مو معرس المهم عريس
في تلك الحالة عندك بدلة شيك ومعاها كل تبعاتة
يعني كرفتة وجزمة خطيرة
وفي نفس الوقت عند جلابية بيضة مكوية
ها هنا ود المطامير بلبس شنو ؟؟؟
أشوفك في الكوشة يا عريس

تحياتي ........... حسن السيد

أهلاً بالحبيب حسن تحياتى الحاره لك .
يا زول دا سؤال داير كباية شاى مصلحه .. أها بس كان تورينى مكان العرس وين ؟ ماهو فى أخت غاليه الله يرميها على خشيمها ولسانها المعوج يبقى عليهو البقى على لسان عمار إبنى قلبت المطامير متامير قالت علىّ ( أبو الدقيق ) إبقى لو العرس فى المطامير ح أختار الجلابيه وجنياتها ولو كان فى مدنى بلبس الحاجات التانيه القلت عليها .. بالمناسبه ذكرتنى ..
أقسم بالله العظيم ومن حلف بالله ما خلى حاجه وأكون صادق معك أمام الله والحبايب دول .
لما كنت ماشى أتزوج إشتريت بدله تقول يا ليل , ومعها شُفعها ناس الجزمه ومعهم الكارفته ( دا إسمها ) ؟ أها قلت لصاحب المحل أربضها لى وربطها وشلتها مربوطه جاهزه وبقيت خايف على الربطه تتخرب ولما وصلت السودان فى اليوم الواحد بشوفها كم مره عشان خايف يتسلط عليها واحد ويفرتقها وتبقى فضيحه فى حقى لو قلت لزول أربطها لى أها جا يوم العرس وزنقتها ليك فى الرقبه تمام وأخوك طلع عليهم ولا بيل جيست زاتو وتعال شوف قعد جمبى ود الشليقنا وقال لى
_ هى دى أبوظبى سوت فيك كدى ؟ خلتك تربط التكه فى الرقبه . ؟!!
وبقيت صغيرونى .
وعليك الله قلت لى البنات هبطرش ؟ وبرضو ذكرتنى جكس حفلاتنا وبحكى ليك لما تجينى تانى
ما تتأخر .

[مدنيّة]

ماهو فى أخت غاليه الله يرميها على خشيمها ولسانها المعوج يبقى عليهو البقى على لسان عمار إبنى قلبت المطامير متامير قالت علىّ ( أبو الدقيق )


الحصل عليه شنو لسان عمااااار :confused:

[بنت الرفاعي]

رجعنا ليك تاني..
أخبار أم عمرو شنو نحن لسة مستنينها؟!
بالمناسبة أولادك في المدرسة كيف ؟

[ود المطامير]

ود المطامير - ابو لسانين - ابو قلبين - ود ابو ظبي - من الاحد للربوع - عيان الهوى

عندي ليك سؤال بالحيل محرقني.

أولاد الشرق كل يوم زايدين ي المنتدي. أول حاجة بنرحب بيهم وتاني حاجة بقول ليك الوراهم درب الملجة والسوق الكبير وسينما الوطنية والاستبالية دا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حبيبنا الغالى والله الأسماء اللى بتطلقها علىّ لو وزعوها على المطامير ح تكفيها وتذيد ولكن ( عيان الهوى ) دى كيفتنى كيف جد .
لما ناس حكومة المنتدى جهجهونا فى الحرب رسلت ليهم ود الشليقان وهو تلاته يوم ينادى فى البوادى للإنضمام لجبهة الشرق أها كلهم ركبوا الحمير ويلا الكبرى وين ؟ ناس حاره تب , دا غير اللى فى الطريق وجايين كدارى لكن يا مدناوى , دخول الإستباليه صعبوهو كدى لشنو ؟ يا حليل زمان لما يكون عندنا زول ضارباهو ملاريا ونجيبوا المستشفى وننوم تحت الشدر ويخرجوه بعد كم يوم وبعد كم يوم يقع واحد تانى ونجى تانى وتدور الدايره لأن الباعوض يقرص العيان بتاعنا فى العنبر ويقول يطلع بره يشم هوا ويلقانا نحنا ويقرصنا وهكذا ولذلك منعو المبيت صح ؟

[مثني ودالعيكوره]

شكراً جزيلاً يا ودالمطامير علي الرد...
ثم اما قبل :
هل يرجع من زمن جيتك حضور تاني
وعلى ذكراك امل ممتد
انا وانت وهديل الكون
على لقيا وبياض خاطر .....

وهاك التلاته اسئله دي اتونس بيهن لحدي ما اجي
1/ اعطي لك مفتاح وقفل.. ماذا ستفعل بهما؟
2/ صفة لا تحبها في ود المطامير.. ماهي وهل تفكر بالتخلص منها؟ كيف؟
3/ ا فترض انك ركبت في آلة الزمن ورجعتا لورا.. اي سنة تختار؟ ولماذا؟

والعمير كان فيهو بقيه بنتشاوف

مع عاكر مودتي .....

............. مثني ودالعيكوره......

[ود المطامير]

ود المطامير لك التحية وانت على هذا الكرسى الجميل و بالله عليك طلع العندك كلوا ورين الحاصل عيك شنو وبطل المهاتره الكتيره ياحبييبنا وهاااااااااااااااااااااااااحن معككككككككككك
أهلاً وسهلاً بالحبيب الغالى وتسلم على الجيه الغاليه دى والكرسى جميل بيكم إنتم .
عِلا لو طلعت اللى عندى كلو حق المواصلات أجيبو من وين ؟
ولو بطلت المهاتره ببقى أخرس وأبكم فأنا كتاب مفتوح يُقرأ صفحه صفحه ..

[ود المطامير]

الحصل عليه شنو لسان عمااااار :confused:



أنا عارفك ذكيه ذكاء متقد ما شاء الله
إنتى بس قولى آميين .

[Madanawi]

قالولك أنا فاتح فصل محو ( أمّيه ) ؟
باقى المويه فى زير ولأ حفير
موية طييييييييييييييييين

قلنا ليك قول ليها قعر الزير عكران وكان ما عرفت عكران طوالي نوديها مدرسة ست عيشة.

[ود المطامير]

رجعنا ليك تاني..
أخبار أم عمرو شنو نحن لسة مستنينها؟!
بالمناسبة أولادك في المدرسة كيف ؟
كدا برضو تتأخرى قدر دا ؟ والليله مالك مستعجله كدا ؟ سحروك ؟
أم عمرو بخير وبتسلم عليك وهى مستنيه البص .
أولادى فى المدرسه ..
شجن .. ماشاء الله عليها طالعه لأمها ذكاء مدهش وشطاره جد
عمرو .. التاريخ يعيد نفسه !! والله بشيلوه شيل ويرموهوا فى حافلة المدرسه ولما تتحرك الحافله يرمى الشنطه بالشباك ومعذب السواق والمشرفه والمدرسات عذاب شديد وكل يوم عامل فلم هندى للناس فى الشارع فى مواعيد الحافله هو يجرى والفريق كلو يجرى وراهو , ولما نقول ليهو أقعد ذاكر يقول بطنى واجعانى وأف عزر وعزر وغايتو الله يهديهو ويفك دربى .

[بورتبيل]

يا مطاااااااااااااااااااااااااااااااااامممممممممممممم مممممممممييييييير
اها ما قلتا ليا .. البكس الـ92 بعتوه بكم ..... والدكان حقكم كيف تحياتي ... للجميع في الشرفة
هههههههههههههههههههههههههههههه

[ود المطامير]

شكراً جزيلاً يا ودالمطامير علي الرد...
ثم اما قبل :
هل يرجع من زمن جيتك حضور تاني
وعلى ذكراك امل ممتد
انا وانت وهديل الكون
على لقيا وبياض خاطر .....

وهاك التلاته اسئله دي اتونس بيهن لحدي ما اجي
1/ اعطي لك مفتاح وقفل.. ماذا ستفعل بهما؟
2/ صفة لا تحبها في ود المطامير.. ماهي وهل تفكر بالتخلص منها؟ كيف؟
3/ ا فترض انك ركبت في آلة الزمن ورجعتا لورا.. اي سنة تختار؟ ولماذا؟

والعمير كان فيهو بقيه بنتشاوف

مع عاكر مودتي .....

............. مثني ودالعيكوره......
شكراً جزيلاً على الأبيات الجميله وأهلاً بك على طول الخط .
1 .. المفتاح والقفل ح أقفل بيهو قداديم اللى لا شغل عندهم إلا سيرة الناس
فمن الإفرازات السيئه للغربه كسودانيين بنأكل فى لحم بعض بصوره غريبه جداً جداً
نهش جد , فبدل ما نكون أسره واحده النميمه ونقل النميمه قطعت الأوصال ..
2 .. سؤال حلو جداً .. بصراحه الصفه اللى لا أحبها فى ود المطامير هى إنو أنا صريح
مع الناس أكثر من اللزوم فى تعاملى معهم ودا سبب لى مشاكل رهيبه حتى مع أهلى وكل من
يعرفنى يعرف إنو لسانى متبرئ منى ولى فى ذلك مواقف لا تعد ولا تحصى , وفكرت كتير جداً فى التخلص منها وذلك بكتم مشاعرى وعض لسانى ولكن لسانى دائماً بكون أسرع من البرق فى الرد وأفتكر هذا الكرسى خير دليل على صراحتى وتعاملى مع من أحبهم بعفويه وتلقائه وشعارى فى الحياه ( الشفافيه والوضوح )
3 .. لو رجع بى الزمن للوراء بختار العام 1998 ففيه تحقق أغلى وأجمل وأروع حلم فى حياتى وهو وضع يدى فى يد من أحببت ومعاً سرنا ونسير إنشاء الله فى دروب ( الريد ) إلى ما لا نهايه .
و،ا فى إنتظار العكر الجميل دا .

[ود المطامير]

قلنا ليك قول ليها قعر الزير عكران وكان ما عرفت عكران طوالي نوديها مدرسة ست عيشة.
والله يا حبيب قلبى تومتك مدنيه دى ليها حق تقد إمتحان شبارقه
أجيها بهنى تجينى بهنى والحمد لله إنت جبتها ليها من الآخر عِلا الخوف
تجى ناطه وتقول عكران مالو الزهجو منو ؟ ويا زول هى فى مدرسة
عيشه كل فصل ح تقعد تلاته سنوات أحسن نوديها المطامير تقعد سنه
رايك شنو ؟

[ود المطامير]

يا مطاااااااااااااااااااااااااااااااااامممممممممممممم مممممممممييييييير
اها ما قلتا ليا .. البكس الـ92 بعتوه بكم ..... والدكان حقكم كيف تحياتي ... للجميع في الشرفة
هههههههههههههههههههههههههههههه
يا ود عمى والله مشتاق ليك موووت ,
عِلا عاد ما قلّبت علىّ المواجع تب ,, مره أدونى مكافأه وإشتريت بيها البكسى دا ,, تلاته وتمانين سيوبر والله ذى النحله وبعد كم سنه عمك قال عاوز يبيعو وإشتريتو منو أنا ذاتى وبعد إسبوع مشى باعو فى الخرطوم ,, ولحد هسى مش عارف باعو بكم .
الدكان .. أها دا سبب المواجع ,, قبل ما أتزوج كنت برسل لأبوى شهرياً مبلغ محترم وهو يمشى يشترى البضاعه من مدنى ويجى يديّنها لناس الفريق ومعظمهم مدرسين يعنى رواتب مافى وهو يعصر علىّ وأنا أحوّل وهويجيب البضاعه ويديّن الدين المعدوم وأنا مسكت يدى لما لقيتها قربه مقدوده هدّت حيلى وضيعت على كمّ سنه سااى وبقيت أرسل له مصاريف شهريه لزوم البيت بس والدكان بقى يأكل من لحم مصارينو لحدما بقت رفوفو ذى بيت أبو الدنان .

[ود المطامير]

ههههههههههههههههههههههههه
إنت يا أبو النور دى أم أربعه وأربعين ؟

[الفارس البنفسجي]

يا جماعة انتو ود المطامير دا حي ؟ ولا أتلبت في البوست دا وبقى ما بنشاف ؟ ولا الحاصل شنو؟

[ود المطامير]

يا جماعة انتو ود المطامير دا حي ؟ ولا أتلبت في البوست دا وبقى ما بنشاف ؟ ولا الحاصل شنو؟
يا الحبيب تسأل منك العافيه وعسى ماشى أقص درب حصانك
عشان نتبارز ذى كل مره .

[المسافر]

رجاءاً لا أمراً

يا ناس ارحموا ود المطامير من الأسئلة العجيبة دي
أرجوك أسألوه من الحاجات الأسرية وشغل المنزل بس
ما في داعي للإحراجات .


تخريمة :
ويينك يا بتاع العدة
ما قلت بتجي اليوم المضمار بتاع سباق الحصين
تخليني أجي براااااااي .
وكالعادة ولا حصان واحدة ولا حتى في العشرة الأوائل

[ود المطامير]

رجاءاً لا أمراً

يا ناس ارحموا ود المطامير من الأسئلة العجيبة دي
أرجوك أسألوه من الحاجات الأسرية وشغل المنزل بس
ما في داعي للإحراجات .


تخريمة :
ويينك يا بتاع العدة
ما قلت بتجي اليوم المضمار بتاع سباق الحصين
تخليني أجي براااااااي .
وكالعادة ولا حصان واحدة ولا حتى في العشرة الأوائل
والله يالحيب ويا عزيزى إجازة الإسبوع دا كانت
كلها محن ومصائب والحمد لله
أول شئ الموبايل إتسرق
تانى شئ زجاج السياره الخلفى غيرتو قبل عشرة
أيام وطار من السياره وأنا مسرع وربك ستر
وأكبر الصعاب ( عمار ) رقد مستشفى .
والسباق لو ما جيتك أنا ما ح تجيب شئ .

[المكاشفى]

ود المطامييييييييييير الحبيب الغالى ودالناس الغاليييييييين
كيفن حالك. الجماعه اتشبحووووووك بس عرفت متيخر
كان بجى بسندك كيف الشرفه وناسها الرائعين باقى طولت منها
كيف حال الناس من الفادنيه للحدبه ومن المستشفى لى عن فريق وراء
برجع لك ...........

[Madanawi]

والله يالحيب ويا عزيزى إجازة الإسبوع دا كانت
كلها محن ومصائب والحمد لله
أول شئ الموبايل إتسرق
تانى شئ زجاج السياره الخلفى غيرتو قبل عشرة
أيام وطار من السياره وأنا مسرع وربك ستر
وأكبر الصعاب ( عمار ) رقد مستشفى .
والسباق لو ما جيتك أنا ما ح تجيب شئ .

اولا يا ود المطامير سلامات لي ولدنا عمار وانشاء الله ما يشوف شر آميين.

ثانيا انا بذكرك انه امؤمن مصاب وكمان كما قال صلى الله عليه وسلم

أمر المؤمن كله خير له ان اصابته سرآء شكر وان أصابته ضرآء صبر.

أو كما قال عليه الصلاة والسلام.

[حسن السيد]

أهلاً بالحبيب حسن تحياتى الحاره لك .
تمام وأخوك طلع عليهم ولا بيل جيست زاتو وتعال شوف قعد جمبى ود الشليقنا وقال لى
_ هى دى أبوظبى سوت فيك كدى ؟ خلتك تربط التكه فى الرقبه . ؟!!
وبقيت صغيرونى .
.

الله يجازي محنك يا والمتامير علي قوله ولدك عمار
والله ضحكتة من جوة وضحكة صادقة والله يديك العافية ويكتر ليك التكك أقصد الكارفتات

وعندي ليك سؤال ؟
ود المطامير دخل مستشفي علي حساب ما حصل
ووجد حالتين في خطر شديد ولايمكنة غير أنقاذ حالة واحدة فقط
بواسطة نقل دم والحالتين نفس الفصيلة التي تحملها
1// طفل لدية تخسر في الدم
2// شاب في ريعان شبابة حصل له حادث سيارة وفي نذيف شديد
ما الحالة التي ينقذها ود المطامير ولماذا
ولك تحياتي ....... حسن السيد ........ولي عودة

[بنت الرفاعي]

معلش لكن تقول شنو مشاغل الدنيا وهو بنحاول ولو دقيقة نمر عليكم.
عمار مالو سلامتو ومايشوف شر انشاءالله واسي بقى كيف؟؟
رايك شنو في التدخين وانت بتدخن ولا الله هاديك منو؟؟!
سألوك عن صفة لاتحبها في نفسك وأنا حأعكس السؤال وحأسألك عن صفة بتحبها في نفسك وعاجباك..بمناسبة عاجباك دي انت من النوع العاجباه روحو ولا عادي ؟؟.

نمشي ونرجع ليك تاني.

[مدنيّة]

كفارة ياود المتامير لعمااار والله يعوضك في موبايلك وتبعا رسلت ليك كيس برتقال لعمااار مع المسافر ماينكره عليك ويقوليك يعميني فيه ;)

[Madanawi]

كفارة ياود المتامير لعمااار والله يعوضك في موبايلك وتبعا رسلت ليك كيس برتقال لعمااار مع المسافر ماينكره عليك ويقوليك يعميني فيه ;)




والله يا تومتي تب ما خزلتيني ويها المحرية فيك ، علا بس انشاء الله جنا الخلا دا يتذكر الكلام دا.

[عمك تنقو]

عثمان عروة ود المطامير :d
اسم حلو زي صينية الغدا الفيها 3 ملحات
قرع وبامبي واسود :d
المطامير زمان بندفن فيها شنو ياعثمان ؟
أوعة تقول لي أنا من كتائب مايو :d

ملاح البقبق بتكون من شنو ؟ ههههههههههههههههه

ود القبايل الاصلي بالسديري والطاقية والعراقي البلدي مع ريحة الشرفة النيلية والجوير والزلاق
تمثل لنا اضافة جديدة في المنتدي ونكهة خاصة اسمها ود المطامير
وانا من المعجبين بلكنة طين الجروف والحواشات ولمبة الجاز :d

طبت مقاما في الكرسي ايها العزيز ( عروة )

[ود المطامير]

ود المطامييييييييييير الحبيب الغالى ودالناس الغاليييييييين
كيفن حالك. الجماعه اتشبحووووووك بس عرفت متيخر
كان بجى بسندك كيف الشرفه وناسها الرائعين باقى طولت منها
كيف حال الناس من الفادنيه للحدبه ومن المستشفى لى عن فريق وراء
برجع لك ...........
أهلاً بيك يا الحبيب الغالى والله فرحان بجيتك دى شديد
والجماعه حبايبى ديل ختيت ليهم نفسى كتاب مفتوح لأنى بريدهم شديد وبريدونى مووووت .
والشرفه وناسها الحمد لله عال العال وفى إجازتى الأخيره دى ( قبل تسعه سنوات ) خليتهم فى أحسن حال .. لكن تعال وقول لى إنت ولدنا تب وحافظها تمام يا ريت تعرفنى عليك أكثر وأكثر
وأرجع لى سريع .

[ود المطامير]

اولا يا ود المطامير سلامات لي ولدنا عمار وانشاء الله ما يشوف شر آميين.

ثانيا انا بذكرك انه امؤمن مصاب وكمان كما قال صلى الله عليه وسلم

أمر المؤمن كله خير له ان اصابته سرآء شكر وان أصابته ضرآء صبر.

أو كما قال عليه الصلاة والسلام.
الله يسلمك ويسلم ليك كل غالى وعزيز يا أخوى ( مدناوى )
والحمد لله على إبتلاءات ربنا لنا وعليها صابرون
وعزائى فيها هى مشاعركم الطيبه التى غمرتونى بها
لك كل المحبه والشكر ومن أعماق القلب .

[ود المطامير]

الله يجازي محنك يا والمتامير علي قوله ولدك عمار


والله ضحكتة من جوة وضحكة صادقة والله يديك العافية ويكتر ليك التكك أقصد الكارفتات


وعندي ليك سؤال ؟
ود المطامير دخل مستشفي علي حساب ما حصل
ووجد حالتين في خطر شديد ولايمكنة غير أنقاذ حالة واحدة فقط
بواسطة نقل دم والحالتين نفس الفصيلة التي تحملها
1// طفل لدية تخسر في الدم
2// شاب في ريعان شبابة حصل له حادث سيارة وفي نذيف شديد
ما الحالة التي ينقذها ود المطامير ولماذا

ولك تحياتي ....... حسن السيد ........ولي عودة

لك حبى وربنا يجعلك ضاحك وباسم دائماً وأبداً
ويا عزيزى ح أنقذ الشاب والطفل ح يدخل الجنّه من غير حساب إنشاء الله والجنّه أفضل له من الدنيا أم قدود دى , ونحن فى السودان بنقول على الأطفال شُّفّع يعنى بشفعوا لينا يوم القيامه بإذن الله تعالى وكلما يموت طفل من بين جنبات الوجع بموته بشعر بالراحه لكونه ح يدخل الجنه من غير حساب بإذن الله والله أعلم .

[ود المطامير]

معلش لكن تقول شنو مشاغل الدنيا وهو بنحاول ولو دقيقة نمر عليكم.
عمار مالو سلامتو ومايشوف شر انشاءالله واسي بقى كيف؟؟
رايك شنو في التدخين وانت بتدخن ولا الله هاديك منو؟؟!
سألوك عن صفة لاتحبها في نفسك وأنا حأعكس السؤال وحأسألك عن صفة بتحبها في نفسك وعاجباك..بمناسبة عاجباك دي انت من النوع العاجباه روحو ولا عادي ؟؟.

نمشي ونرجع ليك تاني.

أختى الغاليه .. مرام ..
وربنا يعينا كلنا على الدنيا ومشاغلها
وتسلمى على السؤال عن حال إبن أخيك , الحمد لله رجع من المستشفى وهو فى أتم الصحه والعافيه
1 .. التدخين .. من وأنا فى سادسه إبتدائى ولحد قبل 12 سنه كنت أدخن بشراهه وهنى كنت أدخن علبتين فى اليوم 40 سجاره وكان يوم وأنا داخل بقاله فى الصباح فى أبوظبى وكانت البقاله مليانه ببنات المدارس وأخوك دخل البقاله ولا داير حاجه بس الزلمات ديل عندهم سماحة بنات .. أها والسجاره بتاعتى ومن غير ما أنتبه تشّت بنت فى يدها لما صرخت صرخة الجن اللحمر وبكت لما أنا قلت لنفسى .. أها بارى البنات سمح .. وغايتو طلعت البنايه ونادت أبوها والناس إتلموا والهيصه قامت وناس المديده حرقتنى يعجبوك وغايتو حلاها ربك وتلك كانت آخر سجاره أدخنها ولسه محتفظ بباقيها لحد اليوم .
2 .. الصفه العاجبانى فى نفسى .. هى حبى الشديد لمساعدة الآخرين ولما أساعد حد ولو ما بعرفو بشعر بشعور رائع جداً جداً وفى نفس الوقت ما من الساهل أطلب المساعده من حد ولو فى حد تبرع لى بالمساعده من تلقاء نفسه مش عارف ليه بشعر بتوتر كبير !! وكمثال ناس التاكسى فى منطقتنا إشتكونى لشرطة المرور قالوا أنا شغال تاكسى بسيارتى الخاصه من كثرة وقوفى للناس وتوصيلهم لوجهتهم فى طريقى بالمجان لأنى بحب مساعدة الآخرين وبشغف شديد .
وحكاية لو عاجبانى روحى ولأ أنا عادى .. ؟ الله يجازى محنك ..
أها .. لما أشوف روحى فى المرايه وأتذكر ود الشليقان العجب بكتلنى .
والله يا مرام .. أنا وأقسم بالله الحق .. متمنى يجى يوم أقيف قدام أى حد وأشوف نفسى أكبر منو !! دائماً بشوف نفسى أقل قيمه من اللى واقف قدامى حتى ولو كنت أنا متأكد إنى أحسن منو فى كل شئ وأى شئ وهذا الشعور لا أخجل من ذكره لأن الحقيقه يجب أن تقال .

[ود المطامير]

كفارة ياود المتامير لعمااار والله يعوضك في موبايلك وتبعا رسلت ليك كيس برتقال لعمااار مع المسافر ماينكره عليك ويقوليك يعميني فيه ;)





أختى الغاليه مدنيه .. تسلمى وربنا إنشاء الله يحفظ لك كل غالى وعزيز
والكيس حق البرتقال ماوصلنى لأ نو المسافر الظاهر عليهو هو زاتو عندو نزله وقال محتاج
فايتمين س ويشيل ويقشّر ويبلع .

[ود المطامير]

والله يا تومتي تب ما خزلتيني ويها المحرية فيك ، علا بس انشاء الله جنا الخلا دا يتذكر الكلام دا.
والله يا .. مدناوينا .. تومتك .. تب ما بتقصر
وبعدين نحنا نسايب ولأ شنو ؟
وحلوه جنا الخلا لكن منو فينا ؟ أنا ولأ عمار ؟

[ود المطامير]

عثمان عروة ود المطامير :d
اسم حلو زي صينية الغدا الفيها 3 ملحات
قرع وبامبي واسود :d
المطامير زمان بندفن فيها شنو ياعثمان ؟
أوعة تقول لي أنا من كتائب مايو :d

ملاح البقبق بتكون من شنو ؟ ههههههههههههههههه

ود القبايل الاصلي بالسديري والطاقية والعراقي البلدي مع ريحة الشرفة النيلية والجوير والزلاق
تمثل لنا اضافة جديدة في المنتدي ونكهة خاصة اسمها ود المطامير
وانا من المعجبين بلكنة طين الجروف والحواشات ولمبة الجاز :d

طبت مقاما في الكرسي ايها العزيز ( عروة )
وينك يا عمى تنقو والله مشتاقين عديل كدا
ويا زول مالك مجوعنى بالصنيه والملحات اللى بموت فيها دى
المطامير كنا بندفن فيها المعارضين لحكم أبوى العمده .
ملاح شنو قلت لى ؟ يا حلاتو بالعصيده والشطه الخدرا والليمون
ومره أم الوليدات ماعندها ( كُنش ) وقالت تفرك الباميه بالخلاطه
والله لما جابت الملاح بس شافع بطنو خربانه وقعد فى الصحن
وسعدت جداً وأنت تتحفنى بالورود الجميله والحمد لله الذى قدّرنى
على أن أنال رضاك وهذا من فضل ربى علىّ .
عمّى العزيز الغالى .. لك منى كل الحب .

[Madanawi]

يا عروة عمار دا ما ولدي انا برضو ، جنا أخوي ما جناي ولا رايك شنو يا حبة؟؟؟؟؟؟؟؟؟؟؟؟

[ود المطامير]

يا عروة عمار دا ما ولدي انا برضو ، جنا أخوي ما جناي ولا رايك شنو يا حبة؟؟؟؟؟؟؟؟؟؟؟؟
بالحيل تب , ودى ما دايره ليها كلام وجنا أخوك يربى فى عزك قبل عز أبوهو
وكلامك دا شرف وفخر لى أنا قبال يكون ليهو ولمّا تصل الأمارات بالسلامه
إنشاء الله أدينا خبر من بدرى يا الحبيب أصلو شوفتك هى منا الروح
ودمت لنا يا غالى

[نزار حسن محمد]

هــــــــــــــــــوووووى ياود المطامير ..غلبتنا فى النسوىمعاك .. دا اسمه الكرسى الساخن ..لكن الشايفه.. عينى بقى عنقريب هبابى..عديل كدى صنقر واستعدل واسمع كلامى دا كويس..
اكيد فى جلسة العصريه زمان لقت مجموعه من الشباب بشربوا العرقوب والدخانه ..احكى بكل صراحه
تجاربك وماتخجل ..الفات مات ..
قبل ما المغترب يقطف حبيبت القلب ...كيف كان شعورك يوم تحدد مواعيد ..زفافه.
قالوا فى كشه قادمه على الوافدين وتحديدا ناس البلديه ...هل انت مستعد للعوده ولا برجاك برجاك
ياجنى برجاك فى محل يوم داك ياابوظبى... بمشى وبجيك راجع

[محمد حسين (المميز)]

سلام عليكم

والله لكن المولد فاتني ياودالمطاميـــر
اخوك اليومين دي في اجازه مع البنوته وامها
اخدوني عديــــــــــــــــــــــل منكم
غايتو ياخوي ماشايف الجماعه خلو لينا شي غير السلام
وبعدين اختي مدنيــّه واخوي ونزار وكلللل الشباتب بكونو فرموك فرم وما ماقصرو
والزيت زاتو بكون كمل

غايتــو اظن ما فضــل لينــا غير الســـلام
أهــا ســلام عليك اخوي
حبابك وكيفنك

امشي واجيك تاااااااااااااااني

*-*-*-*-*-*-*-*-*-*-*-*-*

[ود المطامير]

هــــــــــــــــــوووووى ياود المطامير ..غلبتنا فى النسوىمعاك .. دا اسمه الكرسى الساخن ..لكن الشايفه.. عينى بقى عنقريب هبابى..عديل كدى صنقر واستعدل واسمع كلامى دا كويس..
اكيد فى جلسة العصريه زمان لقت مجموعه من الشباب بشربوا العرقوب والدخانه ..احكى بكل صراحه
تجاربك وماتخجل ..الفات مات ..
قبل ما المغترب يقطف حبيبت القلب ...كيف كان شعورك يوم تحدد مواعيد ..زفافه.
قالوا فى كشه قادمه على الوافدين وتحديدا ناس البلديه ...هل انت مستعد للعوده ولا برجاك برجاك
ياجنى برجاك فى محل يوم داك ياابوظبى... بمشى وبجيك راجع
مرحبتين وأهلاً مليون حباب عمى العزيز ( نزار )
ويا عمى أنا ( أمّى ) الله يحفظها لى دايماً كانت تقول لى
_ ها جنا , اللسان المسلّط دا لا عند أعمامك ولا عند خيلانك جبتو من وين ؟ الجنا دا التقول يوم وزعوا الخجل أكان مافى .. أها
مره بالليل صلّحنا القعده بالطريقه الصاح والحلّه فى النار تجقجق ووالغرفه من السجاير بقت تُكل وبعدما إنتهت القعده والعيون بقت صغار وكل واحد بقى يتكلم براهو طلعنا وأنا معاى إتنين بوصلهم بيوتهم ولما وصلت الراكب قدام نزل ومشيت لحد بيت التانى وهو راكب فى المقعد الخلفى وكان نائم وصحيتو وقلت ليهو يلا وصلنا البيت أنزل وفتح الباب وقفلوا ومشيت ووصلت البيت ونمت وفى الصباح صحونى وقالوا لى فى زول نايم فى عربيتك ولقيتو دا صاحبى زاتو .
مره .. واحد صاحبنا جا من فرنسا للزواج وجاب لينا شئ كدا بس قطرة عيون , ونقطتين فى الكبايه تخلى التور يشخر ويوم عرسو جبنا جق ومليناهو مويه وكسرناهو وقعدنا نهجج والحفله كاربه وموية فرنسا دى خلت كل عين بتشوف براها وإنتهت الحفله وكل واحد شتت أهلو أها جارتنا شالت الجق وقامت بيهو والله بس وصلت بيتهم وفتحت زغاريد للعصر والفريق كلو إتلمى فى بيتها ..
ناس شلتنا ... وبعد القعده تخلص كلهم بتسابقوا على عربيتى عشان أوصلهم وباقى العربات ولا بمشوا عليها ويوم كان معانا ضيف ولكن قاعد معنا ساى وبعد القعده الجماعه ركبوه فى عربيتى قدام ولما شافنى طالع من الغرفه والجماعه متكلنى تِكيل خاف وطلع من العربيه وقالوا ليهو مالك أركب ,, قال ليهم أركب وين ؟ مع البتّكلوا فيهو دا ؟ قالوا ليهو ,, لو عاوز تصل بيتكم أركب معاهو ولو عاوز تتلحس أختار أى عربيه فى ديل .. وركب معاى وفى الشارع وهو خايف شبكنى ليك يا زول حاسب ويازول الهناى ويازول ويازول وزهجنى وقلت ليهو
_ شايف الحيطه ديك ؟
قال لى آى شايفها ,, قلت ليهو معناتها أنا شايف تمام صح ؟
قال لى آى شايف تمام
ودخلت فى الحيطه وقلت ليهو
_ طيب بتتفاصح مالك معاى ... وتضررت العربيه ضرر كبير .
***********************************************
يوم تحديد زفاف الحبيبه .. كان شعور لو طه حسين شرب ليهو دلة شاى كامله ما بقدر يوصفو , جاتنى والدموع حفرت أبوعشرين على الخدود الرويانه وناديه ومفرهده وقالت لى نهرب ولأ ننتحر ولأ شوف لينا أى حل وبكت لما قالت بس وقبل العرس قالت للعريس على كل شئ بيننا وقال ليها
_ ها دا لسه شافع ساى ..
أها لما قالت لى يا نبقى ذى ناس سلمان خان نهرب ولأ ننتحر إتخيلت نفسى ونحن نشاقق بالجناين وناكل فى البصل والجرجير والعجور ونلعب ونضحك لحدما نصل بلداً طيرو عجمى ,, أها تانى قلت كدى النتخيل الإنتحاروالبير قريب من بيتنا وإتخيلت نفسى جايى من فوق وأدق هنى وهنى وأكان وقعت على راسى البحصل شنو وأكان وأكان وصحتنى من خيالاتى وسألتنى ... أها قلت شنو ..؟
وقلت ليها لا الإنتحار بنفع ولا الهروب بفيد واللى يريده الله إبقى مافى مفر منو و ( إتزوجت ) ومن يوميها أنا بقيت بتاع بتاع إلى أن هدانى الله .
الكشه يا عمى مش قادمه دى الكشه جات من زمان وهسى هم بلقطوا فى الوقع بهنى وهنى ولكن نحن لسه شويه علينا ورغم كدا لو جا زلزال بشتغل عتالى أرفع الأنقاض .
وتعال لى سريع ولو داير تانى من حكايات العرقوب قول واللى قلتهم ديل من طرف المخلايه بس
سلام يا عم .

[ود المطامير]

سلام عليكم

والله لكن المولد فاتني ياودالمطاميـــر
اخوك اليومين دي في اجازه مع البنوته وامها
اخدوني عديــــــــــــــــــــــل منكم
غايتو ياخوي ماشايف الجماعه خلو لينا شي غير السلام
وبعدين اختي مدنيــّه واخوي ونزار وكلللل الشباتب بكونو فرموك فرم وما ماقصرو
والزيت زاتو بكون كمل

غايتــو اظن ما فضــل لينــا غير الســـلام
أهــا ســلام عليك اخوي
حبابك وكيفنك

امشي واجيك تاااااااااااااااني

*-*-*-*-*-*-*-*-*-*-*-*-*
أهلاً بحبيبنا المميز والله فرحان بجيتك لينا ونجيك فى الأفراح يا غالى
عِلا كيفن الجماعه ما خلّوا ليك شئ حرّم يا دوبك فضّيت مخلايه واحده بس والمخازن مليانه للعرش تعال ساااى وأكسر شمال لو داير .
أهلاً بيك أخ عزيز وصديق غالى .

[Madanawi]

يا ودالمطامير والله نزار دا هبش بيت القصيد وعزف على الوتر الحساس ، اها يا اخوي كنت بتدفع الشير ولا مؤهلاتك في شلاليفك شايلن وحايم ولا بتصلح الحلة وبس؟

[سوار الياسمين]

ود المتامير

ما عندي ليك اي سؤال

لاكن بس جاية اقول ليك الكرسي ده فكو شوية لغيرك

تقول لصقوك بصباع امير فيه

ما معقولة ياخي

قربتى تتم شهر وانت محكر في الكرسي

[ابوالنور]

ود المتامير



ما عندي ليك اي سؤال


لاكن بس جاية اقول ليك الكرسي ده فكو شوية لغيرك


تقول لصقوك بصباع امير فيه


ما معقولة ياخي



قربتى تتم شهر وانت محكر في الكرسي

يا سوار ديل لو مشو لي عرس العريس بمشي شهر العسل وبجي راجع وهم لسه بكونو في بيت العرس اساليني منهم

[محمد السر احمد]

ود المطامير ما عندي ليك سؤال لكن داير اقول يا اخونا ود المطامير دا شكي وبكي وكفايه عليهو لانو الحكومة حقتو بقت ما لاقيهو

[بنت الرفاعي]

سوار الياسمين مالك يابتنا على ودالمطامير ده اليقعد زي ماعايز عاجبنا قعاده ده .
وانتي وأبوالنور ده شوفوا ليكم شغلة تانية.:mad: :mad:

[بنت الرفاعي]

حمدالله على سلامة عمار.
بالله احكي لينا عن مواقف طريفة حصلت ليك غير الحكيته قبل كدة.

[ابوالنور]

سوار الياسمين مالك يابتنا على ودالمطامير ده اليقعد زي ماعايز عاجبنا قعاده ده .
وانتي وأبوالنور ده شوفوا ليكم شغلة تانية.:mad: :mad:
يشغلك بى كبده ونيه قولي امين

[نزار حسن محمد]

الاحباب ...هذا الاسبوع الاخير لى ود المطامير .. لاتفوته الفرصه ..خليكم قراب ..عشان بداء التجهيز لزعيم التمرد الاكبر اخوانا شبارقه ..خليكم قراب..وفى رعاية الله..

[Madanawi]

والله يا نزار ود المطامير دا بيستحق جائزة لانو كان الكرسي معاهو ليهو نكهته وانا بقترح انو نعمل ليهو حفلة وداع على نظام دبي بتاع الكريك كروز ولا الديزرت سفاري . وبعدين ما يعمل لينا فيها صامد والله سخن معاهو الكرسي لمن قزاز عربيتو ضرب واتكسر و موبايلو اتسرق وكمان ولدو وداهو المستشفي وغسل عدة الضيوف الفي المنتدى كلهم واواواواواواوا.

[ود المطامير]

يا ودالمطامير والله نزار دا هبش بيت القصيد وعزف على الوتر الحساس ، اها يا اخوي كنت بتدفع الشير ولا مؤهلاتك في شلاليفك شايلن وحايم ولا بتصلح الحلة وبس؟
اللّه يبشتن محنك يا أخوى الحبيب ( مدناوى ) دائماً بتضحكنى لمّا أقول بس
والله يا الحبيب أنا ما حصل دفعت مليم أحمر فى الهباب دا وقاعدتى كانت ما بشترى الذنوب بقروشى وكانت مؤهلاتى لسانى ... تعرف فى ناس ما لهم فى الهباب دا شئ ولا عمرهم تذوقوهوا ولكنهم كانوا بيتبرعوا بسعره وحق العضّه ولوازمها بس على شرط أنا أكون موجود ,,
مره ... مشينا مع صديق لصديقه ونحن ما بنعرفوا وطلع قدر أبوى وصديقى قال لى ياخى دا تلقاهو بتاع بتاع بعمرنا كلو الخوف ننفضح معاهو ولما بدينا عمك من التالت قعد يرضن والحرف يقلعو قلع من اللسان وعاينت لصاحبى ويلا بقينا نكسر ليهو المويه بالزيت وعمنا يكتح وأنا وصاحبى نكتح فى الأصلى وعمنا قام من الصباح يستفرغ ويسب ويلعن فينا ..
لكن يا ( مدناونا ) والله لو أكلت من طبخى أكان تسكن معاى .
ولك محبتى .

[صالح ابوشوارب]

الاخ العزيز عروة
جيناك ومعليش على التأخير .. بما انك من الشرفه وبالقرب من ابحراز ورينا قصة ( قبة الملائكة ) دى شنو ؟ وكذلك قصة الارنب الجرت ودخلت القبة وكت كان واحد ومعاهو كلبوعايزين يصيدوها وقام الزول والكلب اتلزقوا في الطوب ؟
اما اذا ماعرفت .. فشوف ليك شيخ يلحقك

[ود المطامير]

ود المتامير



ما عندي ليك اي سؤال


لاكن بس جاية اقول ليك الكرسي ده فكو شوية لغيرك


تقول لصقوك بصباع امير فيه


ما معقولة ياخي



قربتى تتم شهر وانت محكر في الكرسي

الأخت العزيزه سوار الياسمين .
والله حُرقتك دى ضحكتنى شديد
و حتى لو قومنى من الكرسى بشيلو وبختو فى السهله برّا
وأقعد أنق على كيفى ومنو القال ليك قربت أتم شهر ؟ دا
أنا يادوب فضيت مخلايه واحده يعنى الباقى دا أوديهو وين ؟
البحر ؟ وأهو ( عمى نزار ) يكفكف فى يد الجلابيه علشان
يدفرنى هناك لأخوى ( شبارقه ) والله إنتوا يا التلاته أرباع
أى شئ تتدخلن فيهو بتجيبن خبروا .

[ود المطامير]

يا سوار ديل لو مشو لي عرس العريس بمشي شهر العسل وبجي راجع وهم لسه بكونو في بيت العرس اساليني منهم
شكيت محن محن جيرانكم زاتها يا أبو النور آخوى
ديل منو ديل ؟ لكن ما العريس لما بيرجع من شهر العسل بضبح .

[ود المطامير]

ود المطامير ما عندي ليك سؤال لكن داير اقول يا اخونا ود المطامير دا شكي وبكي وكفايه عليهو لانو الحكومة حقتو بقت ما لاقيهو
أنا أخوك آم شلوخ .. كيفن بكيت ؟ أنا يوم مات جدى الله يرحمه دموع الأهل كانت بحور وأنا قدر ما أعصر ولا نقطه لحدما حبوبتى زعلت منى ,, قالت جنا جناها عويناتو بُيُّض يوم موت جدو .
عِلا بالحيل حكومتى حالفه تشتكى منتدى مدنى فى المحاكم قالت من كترة هوسى بيهو حرقت كم حاجه وحاجه وانا بكوى .
أخوى محمد السر .. صدقت الكرسى دا كتفنى من الحوامه فى المنتديات .
تسلم يا غالى .

[ود المطامير]

سوار الياسمين مالك يابتنا على ودالمطامير ده اليقعد زي ماعايز عاجبنا قعاده ده .
وانتي وأبوالنور ده شوفوا ليكم شغلة تانية.:mad: :mad:
اللى ما عندو أخت يسوّى ليهو أخت .. والله يخليك لى يأختى
وأكان قومونى من الكرسى بقعد فى رأس البيت وألعلع للصبح
أختى ( مرااااااااام ) براك تخرب .

[شبارقة]

جنا المطامير :
خارج الكرسي: نأسف لسوء الاتصالات اللاسلكية ..

بالداخل :الوصية بالمهلة
الكرسي أوعى تفرط فيهو .. خليك لاعب كراسي كويس ..
ابوك العمدة قال ليك كان مسكت ماتفك وكان فكيت ماتندم ..
***
لك كل الود

[ود المطامير]

حمدالله على سلامة عمار.
بالله احكي لينا عن مواقف طريفة حصلت ليك غير الحكيته قبل كدة.
الله يسلمك ويديك العافيه يا رب
وحامد صاحبنا حلف وعلى رقبتو ألف سيف ما ينزل السودان للعرس إلا والشله معاهو , أنا وأربعه من أصحابنا وفعلاً كان وركبنا طياره واحده وفى مطار الخرطوم كل واحد كسح على أهلو وتواعدنا نتقابل فى حِلّة ناس حامد قبل العرس بيوم وفى اليوم داك سُقت البكسى وبقيت أشاقق بالبلدات وغابات السيال ولون التراب بقى أحمر وظرت قدامى معالم بيئه والله هم أولى بالتمرد , حياه لا تمت للحضاره بِصِله غايه فى البدائيه والبساطه وغايتو بقدرة قادر وصلت ولقيت الجماعه وصلوا كلهم وأكرمونا غاية الكرم هؤلاء القوم الذين يحتفظون بنقاء وصفاء النفوس إلى حد الدهشه أها فى يوم وصلولنا وفى المساء كان فى عرس بالقريه وساقنا حامد ومشيانا للعرس وبس وصلنا أول الدايره وكلنا حرنّا ما عدا حامد ... الدايره ذى شك الكبريت والعريس واقع فى الجماعه جلد والجِلد يلصق فى السوط , بس ربع ساعه ما زدنها وجرجرنا حامد وإتخارجنا وفى الطريق وقعنا فيهو أسئله ..
_ إنت آحامد , أوع يكون فى عرسك فى جلد ؟
_ والله الجلد عندنا أهم من شبكة العروس ؟
وقام ياسر بحرى يطنطن
_ جلد شنو يا حامد ؟ والله دا تخلف عديل كدا .
_ أها يا حامد , طبعاً الضيوف ما بتجلدوهم صح ؟
_ هه , والله ناسنا بتكيفوا لجلد الضيوف كيف جد .
ومعتصم شمّبات قعد يطنطن .
_ والله دى مصيبه , دى وقعة شنو دى ؟
والجماعه قالوا يركبوا عرباتهم ويشتتوا والخواف ربّى عيالو , وقام حامد قال لينا يا جماعه ما عليكم , إنتوا بكره أدخلوا الدايره وتحلفو إلا تنجلدو وأنا طوالى بحلف طلاق ما تنجلدوا وكدا بتكونوا عزيتونى قدام أهلى وكمان البنات بزغرتن ليكم .. وأنا هجت فيهو
_ يا زول الزغاريد تطير, بس أوعاك تنسى الطلاق .
وفى الصباح بقينا نجهز فى العرس وناس الحِله ما صدقوا وجود العربات مره مره يجى واحد ويقول
_ اللخو عاوزين نمشى نجيب الهناى من الهناى .
ويركب قدام ومره مره يمد يدو ويضرب البورى ويتكيّف ,, وأتى المساء والحفله بدت والجماعه وقعوا ليك فى الدايره دق كاروشه بالله العظيم خلّوا الغبار يلوى والجمبك ما تشوفو والغناى يلعلع بالله التقول مغالط ,, كلموهوا لى .. حدسوهوا لى .. أنا يا ناس بريدو ..
وجابو السوط .. ما إياهو الطائع والمرن التقول محرش والدايره هاجت والغبار وصل السحاب والفنان عروق رقبتو إتشحطط .. وبدأ الجلد والواحد فيهم يركز للسوط ولا برمش ونحنا العيون قدر الفناجين والقلوب ذى مكنة لورى التراب وأشر لينا العريس حامد عشان نخش الدايره وعشان الركب ساحت والسيطره مافى دخلنا ونحن نمشى سبعه تمانيه وهم قيلننا بنرقص والفنان قعد يلعلع
_ المغترب أدوهو الدرب ... والبنات يشيلن معاهو .. آاااى ... المغترب حبيب القلب .. آاااى
وياسر بحرى يطنطن ... والله أكان مغترب ما عارف ... والناس طلوا فوق الكراسى عشان يشوفونا ونحن عيونا على حامد ومنتظرين حليفة الطلاق وفعلاً جا وحلف طلاق لواحد عضلاتو قدر كدا وقال ليهو
_ ديل قالوا داخلين معاكم تحدى .. على الطلاق أكان تديهم النجيضه .
وعديت الإجازه وأنا راقد فى السرير وشابك ليك ( أمى )
_ يمّه سوّى لى شوربه .. يمّه سوّى لى شربات ليمون .
وهى تقول لى
_ شهرين والسيطان دى ما بردت ؟ ! .

[ود المطامير]

الاحباب ...هذا الاسبوع الاخير لى ود المطامير .. لاتفوته الفرصه ..خليكم قراب ..عشان بداء التجهيز لزعيم التمرد الاكبر اخوانا شبارقه ..خليكم قراب..وفى رعاية الله..
أيها الأحباب هداك شبارقه أخوى بهناك قال ماشى يودى الغنم مشروع الجزيزه عشان ياكلن باقى القطن وقال لى كنكش فى الكرسى شديد ..يعنى حق أخوى حقى وهسى أنا رسلت ود الشليقان يمشى المطامير يملى اللورى مخالى حكاوى ويجى .. يعنى يا ( سواااااار ) شهر تانى ولو فى زول عاوز الكرسى قولوا ليهو محجوز وعندنا بنبر بس .

[حسن السيد]

ود المطامير ... كيفك مع شاهي المغربية ومع الشاهي تكتر الحكاوي والونسة مع الاسرة
وكمان شكلك دا يوحي أنك سنير في السفة والعماري الجيد [ التمباك ]
فهمت حاية ؟؟؟؟؟
كيس تمباك
كباية شب شاي حليب
جريدة كلامات متقاطة
ماهو وجه الشبه بين
تلك الاشياء وأنا عارفك تفتيحة
ولي عودة قبال ود الشبارقة يجي من الهوج
تحياتي .............. حسن السيد

[ود المطامير]

الاخ العزيز عروة

جيناك ومعليش على التأخير .. بما انك من الشرفه وبالقرب من ابحراز ورينا قصة ( قبة الملائكة ) دى شنو ؟ وكذلك قصة الارنب الجرت ودخلت القبة وكت كان واحد ومعاهو كلبوعايزين يصيدوها وقام الزول والكلب اتلزقوا في الطوب ؟

اما اذا ماعرفت .. فشوف ليك شيخ يلحقك

والله زارتنا البركه وحتى أنا قلت مالو زعلان منى ولأ شنو ؟
أها قصة قبة الملائكه ياتى القاصدها ؟ القبه الزرقاء ؟ طيب
جات واحده من الحِله تدعّى فى واحده وهى عامله فيها بتقش فى القبه كبياض يعنى ويعنى خدمه بخدمه ياسيدى أنا أقش ليك القبه وإنت كسر لى فلانه ووووو .. وبينما هى قاعده تقش طارت المقشاشه من يدها وإنحشرت فى آخر فجوه فى نهاية القبه والله لو جابوا سلم المطافى ما يحصلوها والمغالط يمشى يشوفها واللى ح يشوفها ح يستغرب دى دخلت هناك كيف ؟
أما حكاية الأرنب والزول والكلب دى لما حصلت أنا كنت فى القضارف مع أبوى يعنى ما كنت حاضرها و ..
ويا شيخى تلحقنى وتفزعنى وتحلنى من إمتحان عمى ( أبو شوارب ) الجيت فيهو الطيش دا .

[ود المطامير]

جنا المطامير :
خارج الكرسي: نأسف لسوء الاتصالات اللاسلكية ..

بالداخل :الوصية بالمهلة
الكرسي أوعى تفرط فيهو .. خليك لاعب كراسي كويس ..
ابوك العمدة قال ليك كان مسكت ماتفك وكان فكيت ماتندم ..
***
لك كل الود
ها زول رقبت أخوك سداده تب , أمش ودىّ الغنم الجزيره وطمن أبوى العمده وقول ليهو أشحن باقى المخالى ساااى ( ولدك لاصق لصقه فى كرسيهو بكراكه مابنفك )

[ود المطامير]

ود المطامير ... كيفك مع شاهي المغربية ومع الشاهي تكتر الحكاوي والونسة مع الاسرة

وكمان شكلك دا يوحي أنك سنير في السفة والعماري الجيد [ التمباك ]
فهمت حاية ؟؟؟؟؟
كيس تمباك
كباية شب شاي حليب
جريدة كلامات متقاطة
ماهو وجه الشبه بين
تلك الاشياء وأنا عارفك تفتيحة
ولي عودة قبال ود الشبارقة يجي من الهوج

تحياتي .............. حسن السيد

مرحبتين أخوى حسن ومشتاقين .
والله يا حليلو ( تمباك عبد الحق ) تسفّو وإنت جيعان أكان تدق الواطه
ووالله يا الحبيب مش وجه شبه دا إنت صلّحت القعده بالطريقه الصاح
وعليك الله وإنت جايى راجع جيب معاك توم .

[samah]

ياودالمطامير شنوعرفناك من الشرق خلاص شنو الصقة دي ........عليك الله بصكم الشرفة الرفاعين دلوت البقيف جنب الملجة انشاالله غيرتو وجبتو امجاد ..........والشريف عبدالله الراجل البركة ..استمتع جدا وانا معاك

[Madanawi]

جنا المطامير - ابو عمر - الكلس - الجلك - الولهان - كرسيك من الاحد للاربع التقول سيكافا.

يا جماعة ود المطامير دا يستاهلو حفلة وداع مكربة والتلج والزيت عليهو.

وروني رايكم شنو؟ عشان نعمل الاعلان في الجريدة - عمود شقلبان.

[ود المطامير]

ياودالمطامير شنوعرفناك من الشرق خلاص شنو الصقة دي ........عليك الله بصكم الشرفة الرفاعين دلوت البقيف جنب الملجة انشاالله غيرتو وجبتو امجاد ..........والشريف عبدالله الراجل البركة ..استمتع جدا وانا معاك
الأخت العزيزه سماح .. والله من أول يوم مر على إسمك حسيت إنك مننا وفينا .
وبصات عبدالله ود حسن خدمت أهالى الشرفه والشرفه البحر ودلوت والرفاعين خدمه لا يصفها قلم من تطلع من الصباح تبلع اللى فى الشوارع كلهم والشايل قفه والشايل غنمايه والشايله شافع أها الجماعه قالوا يعملوا دراسة جدوى ويجيبوا امجاد وجابوا تلاته أمجاد وفكوها فى الشارع إتجاه مدنى ولقوها كلما تصل خور تحرن وترفع إضنيها وتحلف ستين يمين ما تقطع الخور والجماعه ينزلوا ويدفروها دفر ومن الدراسه دى لقوا جنيات البصات ديل مانافعات .
الشريف عبالله .. رحمة الله عليه .. الزول البركه صاحب الكرامات .. الله يرحمه .. والبركه فى أولاده .. وله المئات من المواقف التى تحكى ويقشعر لها البدن .
أختى سماح .. يسرنى جداً أن لكلامى صدى طيب وممتع فى نفسك .
لك منى كل الشكر والإحترام .

[ود المطامير]

جنا المطامير - ابو عمر - الكلس - الجلك - الولهان - كرسيك من الاحد للاربع التقول سيكافا.

يا جماعة ود المطامير دا يستاهلو حفلة وداع مكربة والتلج والزيت عليهو.

وروني رايكم شنو؟ عشان نعمل الاعلان في الجريدة - عمود شقلبان.
حباب الحبيب مدناوينا .. ولحد هسى عملت لى 87 إسم لكن ( الولهان ) دى عجبتى شديييييد
والله يا الحبيب إنت رهيييييييب فى التوريه والتلميح بشكل مدهش وضحكت لما قلت بس فى حكاية التلج والزيت دى .. أها الجماعه وافقوا على الحفله عشان أمشى أجيب البانزين ؟
يسلم يا غالى .

[بنت الرفاعي]

شفت ياود المطامير الكلام ده كيف قالوا الأسبوع ده آآآخر أسبوع:eek: :confused:
ماعندي أسي سؤال قلت أمر أسلم وأمشي حأجهز ليك أسئلة كتيييييييييييييييييييييييييييييييييييييييرة انشاءالله وأجيك بيها لو الله أداني العمر.
وسلم على الوليدات.

[ود المطامير]

شفت ياود المطامير الكلام ده كيف قالوا الأسبوع ده آآآخر أسبوع:eek: :confused:
ماعندي أسي سؤال قلت أمر أسلم وأمشي حأجهز ليك أسئلة كتيييييييييييييييييييييييييييييييييييييييرة انشاءالله وأجيك بيها لو الله أداني العمر.
وسلم على الوليدات.
أختى العزيزه مرااااام
والله قالوا آخر إسبوع والحاله دى أنا رسلت يجيبوا باقى المخالى
وجيتك دى بتفرحنى شديد وأسرعى قبلما شبارقه يجى يرمينى من
الكرسى والوليدات بسلموا عليك كتير السلام .
ولك تحياتى .

[عزيز عيسى]

الأخ العزيز عروة،

تحياتي يازول يا جميل،

قرأت كافة الأسئلة التي وجهها إليك الأخوان والأخوات وأنت على الكرسي الساخن..
وأعجبتني ردودك المتواضعة والصريحة التي إمتزجت فيها شفافية الروح الفكاهية المرحة
بعذوبة الأسلوب في السرد الممتع الذي يتميز به أهل البطانة مما أعطي للقاء نكهة خاصة.
وكذلك النوادر والطرائف التي حكيتها أدخلت االبهجة والسرور في نفوسنا جميعا..
وجعلتني أضحك بإستمرار كما لم أضحك من قبل.
وإستمتعت أيما أستمتاع بهذا اللقاء..
لذا أعتبره أجمل وأمتع وأكثر كرسي ساخن مميز.
لا أملك سواء أن أقول لك إنك إنسان رائع حقا
وتستحق أن تتوج نجم المنتدى بجدارة..
أسأل الله أن يحقق أمالك وطموحاتك أنت وزوجتك وأولادك
ويمتعكم بالصحة والعافية.
ويسعدك كما أسعدتنا بهذا اللقاء

دم أخي وأهل الشرفة بركات بكل الود

[ود المطامير]

الأخ العزيز عروة،

تحياتي يازول يا جميل،

قرأت كافة الأسئلة التي وجهها إليك الأخوان والأخوات وأنت على الكرسي الساخن..
وأعجبتني ردودك المتواضعة والصريحة التي إمتزجت فيها شفافية الروح الفكاهية المرحة
بعذوبة الأسلوب في السرد الممتع الذي يتميز به أهل البطانة مما أعطي للقاء نكهة خاصة.
وكذلك النوادر والطرائف التي حكيتها أدخلت االبهجة والسرور في نفوسنا جميعا..
وجعلتني أضحك بإستمرار كما لم أضحك من قبل.
وإستمتعت أيما أستمتاع بهذا اللقاء..
لذا أعتبره أجمل وأمتع وأكثر كرسي ساخن مميز.
لا أملك سواء أن أقول لك إنك إنسان رائع حقا
وتستحق أن تتوج نجم المنتدى بجدارة..
أسأل الله أن يحقق أمالك وطموحاتك أنت وزوجتك وأولادك
ويمتعكم بالصحة والعافية.
ويسعدك كما أسعدتنا بهذا اللقاء

دم أخي وأهل الشرفة بركات بكل الود

أخى الحبيب .. عزيز عيسى
لا أدرى بأيّة أحرف أصف لك السعاده المطلقه التى إجتاحتنى وإنت تزيّن صدرى بهذه الورود الفواحه التى غطفتها لى من حدائق الموده وزرعتها فى أرض قلبى لكى أتنسم عبيرها على مدار دقاته , وهمسك الدافئ هذا غمرنى بحنو طفرت له الدمعات فحينما أتلقى شهاده رفيعة المستوى من شخص بقامتك فهذا هو الفخر فى أقصى مداه والسعاده فى أروع الصور والفرحه الغامره
ولأنكم أهلى الطيبين .. تجدنى قد تركت نفسى على سجيتها وكتاب مفتوح للكل يقلبون صفحاته كما يحلو لهم فمن يجلس على هذا الكرسى يصبح مِلك للجميع .
شكراً لك من الأعماق وفى ميزان حسناتك إنشاء الله
وشكراً على الدعاء الطيب وجمعاً إنشاء الله
وربنا يجمعنا فى ساعة خير
ولك منى كل الود .

[ود المطامير]

والله يا نزار ود المطامير دا بيستحق جائزة لانو كان الكرسي معاهو ليهو نكهته وانا بقترح انو نعمل ليهو حفلة وداع على نظام دبي بتاع الكريك كروز ولا الديزرت سفاري . وبعدين ما يعمل لينا فيها صامد والله سخن معاهو الكرسي لمن قزاز عربيتو ضرب واتكسر و موبايلو اتسرق وكمان ولدو وداهو المستشفي وغسل عدة الضيوف الفي المنتدى كلهم واواواواواواوا.
والله يا الحبيب دى مش عارف فلتت منى كيف ؟
وعليك الله سك لى موضوع الجايزه دا وبالنص
وقولك إنو أنا جعلت للكرسى نكهه دى أغلى جائزه وأفتخر بيها
أها النخش معاك شمال ..
قلت لى سخن بى الكرسى لما قزاز السياره ضرب وووووو
تعرف .. السياره دى من يوم إشتريتها والسودانيين اللى معاى لفوا حولينها
ذى التقول جبت نانسى عجرم ما ضاقت عافيه وغايتو الحمد لله

[Madanawi]

والله يا الحبيب دى مش عارف فلتت منى كيف ؟
وعليك الله سك لى موضوع الجايزه دا وبالنص
وقولك إنو أنا جعلت للكرسى نكهه دى أغلى جائزه وأفتخر بيها
أها النخش معاك شمال ..
قلت لى سخن بى الكرسى لما قزاز السياره ضرب وووووو
تعرف .. السياره دى من يوم إشتريتها والسودانيين اللى معاى لفوا حولينها
ذى التقول جبت نانسى عجرم ما ضاقت عافيه وغايتو الحمد لله

هههههههههههههههههههههههههههههههههه

يعني من ماسويت السيارة قطرك قام. والله ذكرتني الاغنية بتاعت النور الجيلاني:

وأصلو يا عصفور دا حاااااااااااااااااااااالك ************* من ما سويتلك جناح

[ود المطامير]

هههههههههههههههههههههههههههههههههه

يعني من ماسويت السيارة قطرك قام. والله ذكرتني الاغنية بتاعت النور الجيلاني:

وأصلو يا عصفور دا حاااااااااااااااااااااالك ************* من ما سويتلك جناح
والله يا حبيبنا الغالى إياها زاتها البقت علىّ
والمشكله سيارتى دى امريكى وإسبيرات مافى
ليها ولما ضربت تلفون لبوش ورسل لى القزاز
مع كوندى لما هى جات الشرق الأوسط .

[HaSsOoN]

تحياتي ليك ياانسان يارايع وانا من اول ما بدا الكرسي الساخن متابع وشايف الناس ديل ماقصروا تب كفوا ووفوا وواحيك على روحك المرحه وان شاء الله على طول كدا ياود المطامير

[ود المطامير]

تحياتي ليك ياانسان يارايع وانا من اول ما بدا الكرسي الساخن متابع وشايف الناس ديل ماقصروا تب كفوا ووفوا وواحيك على روحك المرحه وان شاء الله على طول كدا ياود المطامير
تسلم لى يا الحبيب وإنت والله ما قصرت
وربنا يديك العافيه وجيتك لى دى اسعدتنى
و لك منى كل الشكر والتقدير والود

[الشريف الهندي]

الله يسلمك ويديك العافيه يا رب
وحامد صاحبنا حلف وعلى رقبتو ألف سيف ما ينزل السودان للعرس إلا والشله معاهو , أنا وأربعه من أصحابنا وفعلاً كان وركبنا طياره واحده وفى مطار الخرطوم كل واحد كسح على أهلو وتواعدنا نتقابل فى حِلّة ناس حامد قبل العرس بيوم وفى اليوم داك سُقت البكسى وبقيت أشاقق بالبلدات وغابات السيال ولون التراب بقى أحمر وظرت قدامى معالم بيئه والله هم أولى بالتمرد , حياه لا تمت للحضاره بِصِله غايه فى البدائيه والبساطه وغايتو بقدرة قادر وصلت ولقيت الجماعه وصلوا كلهم وأكرمونا غاية الكرم هؤلاء القوم الذين يحتفظون بنقاء وصفاء النفوس إلى حد الدهشه أها فى يوم وصلولنا وفى المساء كان فى عرس بالقريه وساقنا حامد ومشيانا للعرس وبس وصلنا أول الدايره وكلنا حرنّا ما عدا حامد ... الدايره ذى شك الكبريت والعريس واقع فى الجماعه جلد والجِلد يلصق فى السوط , بس ربع ساعه ما زدنها وجرجرنا حامد وإتخارجنا وفى الطريق وقعنا فيهو أسئله ..
_ إنت آحامد , أوع يكون فى عرسك فى جلد ؟
_ والله الجلد عندنا أهم من شبكة العروس ؟
وقام ياسر بحرى يطنطن
_ جلد شنو يا حامد ؟ والله دا تخلف عديل كدا .
_ أها يا حامد , طبعاً الضيوف ما بتجلدوهم صح ؟
_ هه , والله ناسنا بتكيفوا لجلد الضيوف كيف جد .
ومعتصم شمّبات قعد يطنطن .
_ والله دى مصيبه , دى وقعة شنو دى ؟
والجماعه قالوا يركبوا عرباتهم ويشتتوا والخواف ربّى عيالو , وقام حامد قال لينا يا جماعه ما عليكم , إنتوا بكره أدخلوا الدايره وتحلفو إلا تنجلدو وأنا طوالى بحلف طلاق ما تنجلدوا وكدا بتكونوا عزيتونى قدام أهلى وكمان البنات بزغرتن ليكم .. وأنا هجت فيهو
_ يا زول الزغاريد تطير, بس أوعاك تنسى الطلاق .
وفى الصباح بقينا نجهز فى العرس وناس الحِله ما صدقوا وجود العربات مره مره يجى واحد ويقول
_ اللخو عاوزين نمشى نجيب الهناى من الهناى .
ويركب قدام ومره مره يمد يدو ويضرب البورى ويتكيّف ,, وأتى المساء والحفله بدت والجماعه وقعوا ليك فى الدايره دق كاروشه بالله العظيم خلّوا الغبار يلوى والجمبك ما تشوفو والغناى يلعلع بالله التقول مغالط ,, كلموهوا لى .. حدسوهوا لى .. أنا يا ناس بريدو ..
وجابو السوط .. ما إياهو الطائع والمرن التقول محرش والدايره هاجت والغبار وصل السحاب والفنان عروق رقبتو إتشحطط .. وبدأ الجلد والواحد فيهم يركز للسوط ولا برمش ونحنا العيون قدر الفناجين والقلوب ذى مكنة لورى التراب وأشر لينا العريس حامد عشان نخش الدايره وعشان الركب ساحت والسيطره مافى دخلنا ونحن نمشى سبعه تمانيه وهم قيلننا بنرقص والفنان قعد يلعلع
_ المغترب أدوهو الدرب ... والبنات يشيلن معاهو .. آاااى ... المغترب حبيب القلب .. آاااى
وياسر بحرى يطنطن ... والله أكان مغترب ما عارف ... والناس طلوا فوق الكراسى عشان يشوفونا ونحن عيونا على حامد ومنتظرين حليفة الطلاق وفعلاً جا وحلف طلاق لواحد عضلاتو قدر كدا وقال ليهو
_ ديل قالوا داخلين معاكم تحدى .. على الطلاق أكان تديهم النجيضه .
وعديت الإجازه وأنا راقد فى السرير وشابك ليك ( أمى )
_ يمّه سوّى لى شوربه .. يمّه سوّى لى شربات ليمون .
وهى تقول لى
_ شهرين والسيطان دى ما بردت ؟ ! .

الله يجازيك .... والله انا ضحكت ضحك يقضيني سته شهور وكم يوم ....
انت عارف نفس الفلم حصل لجماعه اصحابنا والله ليوم الليله محاربين العريس والواحد مما تجي سيرة العريس يقعد يحك في ضهرو وعيونو تزغلل .... الله يديك العافية ود المطامير ويجعل الفرحه في قلبك محل ما تقبل يارب

[ود المطامير]

الله يجازيك .... والله انا ضحكت ضحك يقضيني سته شهور وكم يوم ....
انت عارف نفس الفلم حصل لجماعه اصحابنا والله ليوم الليله محاربين العريس والواحد مما تجي سيرة العريس يقعد يحك في ضهرو وعيونو تزغلل .... الله يديك العافية ود المطامير ويجعل الفرحه في قلبك محل ما تقبل يارب
تسلم يا حبيبى الشريف
ونحنا لما رجعنا الإمارات والزمن داك كنت ما متزوج
وساكنين مع بعض خلينا حامد ذى الخدامه يغسل لينا
ويطبخ لينا ونرسلو ذى الشافع
للأمانه .. حامد .. تضعه على الجرح يبرأ فى طرفة عين

[الشريف الهندي]

عليك الله يا ود المطامير ما تفارق الكرسي ده تب
والله اكان درتو نسجلو ليك باسمك
ونشوف لينا بنبر ولا عنقريب للضيفان والاعضاء الباقيين ...لك كل الود يارجل

[الشريف الهندي]

لا طالما اتسديتو البطن بااارده ..... ههههههههههه
الله يديك العافية ود المطامير
والله يلمنا بحامد ده مادام عرسو قضى وانتهى ... ياربي ليك الحمد والشكر .

[ود المطامير]

عليك الله يا ود المطامير ما تفارق الكرسي ده تب
والله اكان درتو نسجلو ليك باسمك
ونشوف لينا بنبر ولا عنقريب للضيفان والاعضاء الباقيين ...لك كل الود يارجل
تسلم والله تسلم يا الشريف
وأخوى شبارقه جايى بعدى وهو إنشاء الله راح يمتعنا
بلون آخر من ألوان شرق الله البارد وأنا وهو من طينه واحده

[ود المطامير]

لا طالما اتسديتو البطن بااارده ..... ههههههههههه
الله يديك العافية ود المطامير
والله يلمنا بحامد ده مادام عرسو قضى وانتهى ... ياربي ليك الحمد والشكر .
ولك منه على لسانى
أجمل باقات الورد

[امير عبدالباقي]

السلام عليكم ورحمة الله وبركاته ..... الاخ ودالمطامير لك التحية والتجلة .... انا ضيفة زائرة لمنتداكم ....وعن طريق الصدفه عثرت علي كرسيك الساخن ....واستمتعت بما فيه من سرد ممتع لوقائع حياتك ادامها الله عليك ومتعك الله بها مع ام عمرو .... ودام لك لسانك الرطب والسلام ختام ...ام امجد

[mahagoub]

جوك حلو لاكين حامد المسكين ده زليتو وشكرتو وقالوا فى المثل .............................. واعتزرلو

[ود المطامير]

السلام عليكم ورحمة الله وبركاته ..... الاخ ودالمطامير لك التحية والتجلة .... انا ضيفة زائرة لمنتداكم ....وعن طريق الصدفه عثرت علي كرسيك الساخن ....واستمتعت بما فيه من سرد ممتع لوقائع حياتك ادامها الله عليك ومتعك الله بها مع ام عمرو .... ودام لك لسانك الرطب والسلام ختام ...ام امجد

الأخت الكريمه أم .. أمجد
حينما جلست على الكرس الساخن كان شعارى ( الشفافيه المطلقه )
وأنا لا أعرف فى دنيتى شفافيه ورونق وبهاء وسعاده وحبور وهناء غير أم عمرو

أختى الكريمه ... سرنى غاية السعاده أن هناك من إستمتع بشويه من كوم كبير من ما ذكرت لأن ما أتاحه لى الكرسى الساخن ما هو إلا نقطه فى محيط
وتسلمى وربنا يحفظ لك كل غالى للدعوات الطيبات
أخوك ود المطامير .

[ود المطامير]

جوك حلو لاكين حامد المسكين ده زليتو وشكرتو وقالوا فى المثل .............................. واعتزرلو
عمّى الحبيب .. المحبوب
والله حبيتك لله فى الله ساااى .

[مصباحيه]

ود المطامير كيفنك يااخوى والله انا طبعا زعلانه منك شديد لكن دا ما معناه انى ما اسالك دا انا حاتفسح فيك فسحه ما حصلت
حاجه جاتنى لحتدى عندى اصبر بس حاوريك
حسى وينى الاسئله لسه الناس ما سالوك ولا السعال لسه وكتوا ماجاء

[مصباحيه]

ورونى وكتوا متين عشان ابدا والله يسكتنى سااااااااااااااااااااااااااااااااااااااااااااااااا ااااااااااااااى

[عماد عبدالشكور]

والله يا ود المطامير دبيب بس
ليك سنة قاعد في الكرسي
بس للامانة منور والله

[بورتبيل]

ورونى وكتوا متين عشان ابدا والله يسكتنى سااااااااااااااااااااااااااااااااااااااااااااااااا ااااااااااااااى
:D:D:D


بكــــــرة بكــــــــرة :D:D

[أبو مهدي371]

الاخ ود المطامير حبابك الله جابك للكرسي الحار دا .
اول حاجة قصة اساميك الطلطاشر ديل شنو انا عرفة قصة عروة امك سمتك عروة لانو ابوك سماك علي ابوه وهي حالفة ماتسميك عليه صاح ولا غلط عشان كدا سمتك عروة .
ثانيا لي عندك طلب لوبيدك حيلة عندي اخي وصديقي وزميل دراستي من اولاد( دلوت البحر )
معاكم بالامارات اسمه / مهند طلحة قسم الباري .
ياريت لو عندك تلفون له ان تخبرني به .
معي مودتي وانا بالرياض والله في بيت العزابة معاي واحد من الشرفة بركات اسمو عمك قاسم الشريف الهندي ومن فصاحتك دي عرفت انو ناس الشرفة ديل كلهم فصيلة واحدة .
واوعدك لي معاك رجعة لانو ماسخنت بيك .
ورمضان كريم

[mahagoub]

انا لو فى محلك حامد يخدمكم الا ان تعفوه . ده ما سواها فيكم . وادم الله محبتك , وانت جوه الجوه زى ما قال وردى

[نزار حسن محمد]

وتمضى الاعوام وتبقى الذكريات صادقه ونبيله

[abomazeen]

25-01-2007 الساعة : 12:22 pm #1

تاريخ إنزال البوست في المنتدى ... الجديد شنو ؟؟؟

[أبو جودي]

ود المطامير ألف مرحب بيك في السخانة دي وربنا يديك العافية
ويقدرك ونشوف الحاجات الما شفناها
أهه أنا بعد الترحيب ده بقنص ليك هناك " وأنت القنص ده ما سيدو"
وأي شاردة ولا سؤال كدي بعدين بخش ليك بيه
أهه أقبل متابعتنا والله يديدك العافية

[ABUZAID]

25-01-2007 الساعة : 12:22 pm #1

تاريخ إنزال البوست في المنتدى ... الجديد شنو ؟؟؟








الاخوة الكرام

اشواقي الفائضة


وحقيقة . . .
الجديد شنو ؟؟؟


نتمنى طى الماضي . . .
وفتح صفحة جديدة . . .
عامرة بالتواصل والتقدم والنقد الهادف واحترام راي الاخر

نتمنى عودة كل الموقوفين . . .
الحسة والقبل سنين

ونتمنى نفرة المهتمين . . .
القدام والجديدين

نكون لكم شاكرين


تحياتي