مدني منبع الأمجاد(قصيدة)

[ابودجانه العباس]

والله يا جماعه أنا ما شاعر ولا بدعي الشعر لكنها مدني تجبرك علي فعل ما لم يكن في حسبانك هذا وقد كنت اراها بعيوني فقط والان بعد ما شاركت في المنتدي اصبحت اراها بعيون جميع الأعضاء والمشاركين وأقول في قصيدتي:
سألت الروح عن مدني***وعن ارض بها سكني
أجابت انت تسألني***عن الحسناء في المدن
رعاها الله خالقنا***فصارت أحسن الحسن
شربت الماء من نيل***يحمل فوقه السفن
وعذب ساق مشربه***بطعم العسل واللبن
بها الاشجار فارعه***بها الجنات من عدن
ففي حنتوب مدرسة***علاها الشيب والوهن
وقبة شيخنا السني***تقاوم عامل الزمن
وفي بركات مشروع***لينتج أحسن القطن
ومن حلقات مسجدنا***تمارس أشرف المهن
وجامعة الجزيرة بها***درست وذاك شرفني
وجودي ضمن ساحتها***وعلم فيه تغمرني
فتذكرني ملاعبها***و(ودكنان)تذكرني
بها المساح شاعرنا***يكتب ما يؤرقني
وابن الكاشف الفنان***يشدو اجمل اللحن
عزفت من الهوي نغما***فولد أعذب الشجن
لاجلك أبذل الجهد***وأدفع غالي الثمن
أقول باشجع الاصوات***في صمتي وفي علني
لها روحي لها قلبي***لها نفسي لها بدني
وألبسها دمي ثوبا***وألبس إن رضت كفني
سلمت من العدى بلدى***فنعم الارض والوطن
حماك الله مولانا***من الآفات والمحن
أحبك منبع الامجاد***أحبك أنت يا مدني

[ابورجاء]

الغالي ابودجانة الحبيب
ليس لي غير ان اقف وألهب اكفي بالتصفيق
مع خلع القبعة وإنحناءة كبرى لشخصك وقلمك
ونبضك وقلبك النابض بحب اغلى المدائن ود مدني...
هكذا دوما انا اقف عاجزا عن التعبير والكتابة ليس
عجزا لكنها احرفك تمنعني حياءا من التعليق اكثر...
ودوما في رعاية الله وحفظه....
مع كل الود باقة ورد....

[ابودجانه العباس]

مشكور أخوي ابورجاء بس زي ما قلت ليكم دي مدني تسوي في الناس الهوايل

[ياسر السماني]

ابودجانة
انا لا انكر التفاعل والحب للوطن الكبير والوطن الصغير لكن انفاعلنا احيانا بقصيدة ما قد يخفي عنا بعض الهنات التي صاحبت كتابتها (انت طلبت مني ان لا اجامل ) القصيدة عبارة عن جرس موسيقي واوزان داخلية فاراك غلبت هذه الصفة على الفكرة ومناقشة القضية وهذا هو الفرق بين الشعر الانطباعي ان جازت لي التسمية والشعر الذي يناقش قضية بعينها . انت احببت مدني ولكنك في هذه القصيدة لم تفعل سوى ذكر محاسن ود مدني ومناظرها واشجارها اذا القصيدة من وجهة نظري تبدو ناقصة وتحتاج الي اعادة صياغة وهذا من وجهة نظري كمتذوق للشعر . نصيحة لي ولك عندما تكتب قصيدة ارجو ان لا تتعجل باخراجها فهي كبنتك حين تولد (الترابط النفسي الوجداني بينك والقصيدة لا يمكنك من اختبار مدى جودتها ) اصبر عليها ودعها تكمل نفسها بنفسها واضيف تعبير بالدارجي (ما تناتل القصيدة ) فالشعر ضيف يأتي بلا استئذان ويغادر بلا استئذان .
الاخ ابو دجانة اسف لو ان كلامي لم يعجبك لكني حقيقة اتمنى ان يرتقي المنتدى الادبي ليصبح ادبيا بحق وحقيقة






تسلم

[بورتبيل]

شفتا كيف يا ياسر السماني ... انا عايز مناقشت المواضيع كدا ... ويا ابو دجانة انا ما عندي معرفة كبيرة بالشعر ... بس بشوف ان ياسر كلامو في محلو ... وبعدين الكلام دا احسن ليك من المجاملة

[ابودجانه العباس]

أخوي ياسر ربنا ما يحرمني منك بالعكس أنا لو زعلت من الكلام دا بكون بقش في نفسي وما عارف مصلحتي وين وأهلنا زمان قالو أسمع كلام الببكيك وما تسمع كلام البضحكك وتأكد تمام إنو أي قصيدة أو محاوله مني حتكون إنت من أوائل الناس الحايشوفوها قبل ما تنزل ولك مني كل معزه وتقدير

[ابودجانه العباس]

أخوي بورتبيل شكرا علي المرور والنصيحه الجميله.
ودمت.

[ود المطامير]

تستاهل , إنت الوداك تتشابا شنو ؟
بتنطط مالك ؟ قال مازعلان قال
واللّة تلقاك كابست العكاز وين !
واللّة ياود السمانى عفيت منك
صاحبنا قاعد فى حفرتو والدنيا مغيمة
شاف نفسو أحمد شوقى .

[ود المطامير]

ابودجانة
انا لا انكر التفاعل والحب للوطن الكبير والوطن الصغير لكن انفاعلنا احيانا بقصيدة ما قد يخفي عنا بعض الهنات التي صاحبت كتابتها (انت طلبت مني ان لا اجامل ) القصيدة عبارة عن جرس موسيقي واوزان داخلية فاراك غلبت هذه الصفة على الفكرة ومناقشة القضية وهذا هو الفرق بين الشعر الانطباعي ان جازت لي التسمية والشعر الذي يناقش قضية بعينها . انت احببت مدني ولكنك في هذه القصيدة لم تفعل سوى ذكر محاسن ود مدني ومناظرها واشجارها اذا القصيدة من وجهة نظري تبدو ناقصة وتحتاج الي اعادة صياغة وهذا من وجهة نظري كمتذوق للشعر . نصيحة لي ولك عندما تكتب قصيدة ارجو ان لا تتعجل باخراجها فهي كبنتك حين تولد (الترابط النفسي الوجداني بينك والقصيدة لا يمكنك من اختبار مدى جودتها ) اصبر عليها ودعها تكمل نفسها بنفسها واضيف تعبير بالدارجي (ما تناتل القصيدة ) فالشعر ضيف يأتي بلا استئذان ويغادر بلا استئذان .
الاخ ابو دجانة اسف لو ان كلامي لم يعجبك لكني حقيقة اتمنى ان يرتقي المنتدى الادبي ليصبح ادبيا بحق وحقيقة






تسلم
واللّة حرام عليك ياود السمانى , كان تقول ليهو
النصيحة دى فى أضانو , تانى لو قال ليهو بيت شعر
تشوف .

[ابودجانه العباس]

واللّة حرام عليك ياود السمانى , كان تقول ليهو
النصيحة دى فى أضانو , تانى لو قال ليهو بيت شعر
تشوف .

لا والله يا ابوي العمده كلام اخوي ياسر فرحني شديد لانو ان دل علي شي فدا بيدل علي حرصوا انو المنتدي يطلع بصورة جيده اولاً ويعلمني انو ابطل الشلاقه تاني ولو ما كنت فاهم قصدو كان زعلت لكن الشي الوحيد الكسبت من القصيده دي انها خلتكم تزوروني هنا فلكم خالص الشكر والتقدير.
ملاحظه: أخوي ياسر ما تتحسس لو ما عملت كدا ونحن كلنا شاركناك شغل المجاملات ما حاينتهي. ودمت جميعاً بلا استثناء.

[ابودجانه العباس]

تستاهل , إنت الوداك تتشابا شنو ؟
بتنطط مالك ؟ قال مازعلان قال
واللّة تلقاك كابست العكاز وين !
واللّة ياود السمانى عفيت منك
صاحبنا قاعد فى حفرتو والدنيا مغيمة
شاف نفسو أحمد شوقى .

وووووببب ووب الليله يا قصيدتي البشتنوك كر كر كر علي انا الماقدروك الليله انا وااااسجم خشمي يا نوارة حشاي وووب انا يالعشانك خليت عشاي ووب ووب ووب لاغسلت وشي ولاشربت الشاي.بس عشان كتبتك انا(لو كتبتك بت )كان يقولو هناي وهناي.

[ابورجاء]

وووووببب ووب الليله يا قصيدتي البشتنوك كر كر كر علي انا الماقدروك الليله انا وااااسجم خشمي يا نوارة حشاي وووب انا يالعشانك خليت عشاي ووب ووب ووب لاغسلت وشي ولاشربت الشاي.بس عشان كتبتك انا(لو كتبتك بت )كان يقولو هناي وهناي.
الغالي تمرة فؤادي ورمانة عيوني
الغالي والله جد قصيدتك حلو ما مجاملة
بالمقارنة مع انك قلت انك ما شاعر لكن
كتبتها باحساس فنان ودايما يا حبيبنا الاشياء
واكتب اكتب اكتب لمن تقع على قدومك وما
يهمك الردود لانها لا بتزيدك لا بتنقصك ..
وما تهتم للايام ظروف وتعدي...
ودوما في رعاية الله وحفظه...
مع كل الود باقة ورد....

[ابودجانه العباس]

شكرا استاذنا وحبيبنا أبورجاء علي التشجيع والمرور الفعال دا.
ودمت

[ياسر السماني]

العزيز ابو دجانة وكل شباب المنتدى
انا لا اتعامل بالنقد مع كل الناس حقيقة لكن من يسألني لا بد من ان اكشف له الحقيقة وبدون مجاملة لزم التنبيه فقط

[ابودجانه العباس]

في ردي علي ود المطامير وريتك وقلت ليك


أخوي ياسر ما تتحسس لو ما عملت كدا ونحن كلنا شاركناك شغل المجاملات ما حاينتهي.

عشان كدة فعلاً لازم نقيف معاك

[ود المطامير]

وووووببب ووب الليله يا قصيدتي البشتنوك كر كر كر علي انا الماقدروك الليله انا وااااسجم خشمي يا نوارة حشاي وووب انا يالعشانك خليت عشاي ووب ووب ووب لاغسلت وشي ولاشربت الشاي.بس عشان كتبتك انا(لو كتبتك بت )كان يقولو هناي وهناي.
الله يجازى محنك .. عليك الله اسكت كتلتنا بالضحك
والله خالتى بتول يوم مات راجلها ما سكلت كدى
والله يا الحبيب إنت ( رهههههههههههههيب )

[ابودجانه العباس]

الله يجازى محنك .. عليك الله اسكت كتلتنا بالضحك
والله خالتى بتول يوم مات راجلها ما سكلت كدى
والله يا الحبيب إنت ( رهههههههههههههيب )

من العلي يابوي العمدة من العلي.