أفكار لتطوير موقع ودمدني

[الفارس البنفسجي]

ان البقاء للأفضل ، وطالما هناك جودة في المخرجات وقيم في الأهداف ومثالية في الأساليب حتماً سنصل بموقع ودمدني إلى مصاف أكبر المواقع بالسودان ، إذن نحن في حاجة ماسة لخطة واضحة لتطوير الموقع لتحقيق مزيد من الأهداف وحتى نصل لمبتغانا آمل من الأخوة المشرفين تثبيت هذا البوست ودعمه معنوياً والطلب من الأخوة الأعضاء تقديم الأقتراحات التي من شأنها الرقي بهذا الموقع على أن يتضمن الإقتراح (اسم الإقتراح - الهدف من الإقتراح)

مع تحياتي

[الفارس البنفسجي]

اقتراح جديد :( فتح باب الإعلانات التجارية "تسويق الكتروني" داخل موقع ودمدني )
أن يقوم الموقع بفتح باب الإعلانات التجارية للمؤسسات والشركات والوزارات والمصالح في الولاية وأن يتم ذلك عن طريق :-
1) بانرات دعائية على الصفحة الرئيسية .
2) دعائيات ترسل على شكل رسائل أو صور دعائية ترسل للمشتركين في القائمة البريدية لضمان وصولها لأكبر عدد من المشتركين.

الهدف من الإقتراح : المساهمة في دعم الموقع مالياً (تمويل ذاتي)

[ابودجانه العباس]

اقتراح جميل جداً وانا بدوري بقترح:
إنو نحاول أولا نعمل حملة تعريفيه عن المنتدي وأهدافه البسعى ليها بين الشركات والوزارات وطبعا الحملة دي حتكون من اعضاء المنتدي وبكدا نحن حنشجع الشركات إنها تعلن في المنتدي بدون اي تردد والحايساعدنا علي كدا السمعة الطيبه البتمتع بيها المنتدي والدليل علي كدا الاقبال المستمر للمشاركين الجدد
ودمتم

[الفارس البنفسجي]

انا اقصد على مستوى الموقع كلو مش على مستوى المنتدى بس ، لانو لو حصرنا الشغل دا على المنتدى بنكون ضيقنا الفرص .... وشكراً على المرور الرائع وفي انتظار الجميع

[سواااح]

الفارس البنفسجي ..

لك تحياتي .. وتاكد
ليس للادارة اي مانع
في كا ما يساهم
في رفعة وتطور الموقع
ولكن الاختلاف حول
ما هي الطريقة المناسبة ؟؟

دمــــــــــــــــــــــت ،،

[التيمان]

سلمت يداك ياغالى


لاعدمناك


وتقبل تحياتى لك

ودمت،،

[الفارس البنفسجي]

الفارس البنفسجي ..
لك تحياتي .. وتاكد
ليس للادارة اي مانع
في كا ما يساهم
في رفعة وتطور الموقع
ولكن الاختلاف حول
ما هي الطريقة المناسبة ؟؟
دمــــــــــــــــــــــت ،،

أولاً : وقفتك المعنوية مع البوست دا في حد ذاتها بالدنيا والله يا سواح ، وأعتقد أن الطريقة السليمة ممكن تكون في أنو الأعضاء يقترحو والمسئولين يحددو وممكن التحديد بالخبرة أو التجربة أو الإستبيان أو الملاحظة .... الخ من الطرق اللي بتخلي الإنسان يختار الحاجات اللي بتحقق ليهو هدفو


***طالما هناك رغبة فهناك طريقة***
***الهدف بدون خطة يصبح حلماً***
في النهاية المسألة مسألة إدارة من المسؤلين في المنتدى ، وانت بدورك كمشرف ممكن تساعد كتير لو تثبت البوست دا ، وفي النهاية الموضوع مطروح للنقاش وعسى ولعل واحد يجي من بعدي يعمل مداخلة الناس تستفيد منها.

ولكم جميعاً أحبي عبيراً فواحاً متشبعاً بهواء شارع النيل

[الفارس البنفسجي]

سلمت يداك ياغالى
لاعدمناك
وتقبل تحياتى لك
ودمت،،

بصراحة يا التيمان موقع ودمدني محتاج أنكم تقولو فيهو اكتر من كدا والعشم في رأي واضح وصريح بكون أجدى وأنتو اكيد ما بتقصروا خصوصاً وانتو من أكثر الناس اللي عندهم خبرة في المنتدى وموقع ودمدني ...ودمتم سنداً وعضداً للجميع

[سواااح]

أولاً : وقفتك المعنوية مع البوست دا في حد ذاتها بالدنيا والله يا سواح ، وأعتقد أن الطريقة السليمة ممكن تكون في أنو الأعضاء يقترحو والمسئولين يحددو وممكن التحديد بالخبرة أو التجربة أو الإستبيان أو الملاحظة .... الخ من الطرق اللي بتخلي الإنسان يختار الحاجات اللي بتحقق ليهو هدفو


***طالما هناك رغبة فهناك طريقة***
***الهدف بدون خطة يصبح حلماً***
في النهاية المسألة مسألة إدارة من المسؤلين في المنتدى ، وانت بدورك كمشرف ممكن تساعد كتير لو تثبت البوست دا ، وفي النهاية الموضوع مطروح للنقاش وعسى ولعل واحد يجي من بعدي يعمل مداخلة الناس تستفيد منها.

ولكم جميعاً أحبي عبيراً فواحاً متشبعاً بهواء شارع النيل


عزيزي الفارس ..

هناك كمية من التحديات التي تواجه الموقع
وحدث بلا حرج .. والجميع لا يدرها عنها شيئا
وبصدق غالبية المشاكل ترتبط بالمال وتوفير
السيولة اللازمة من اجل تطوير الموقع
فهو بحاجة الي تحسين في كل نواحيه
كما اننا نشكو عدم الاهتمام الكامل واللامبالاة
من الجميع سواء ودون اي تحيز ..
يدي بيدك اخي وقل لي انت وانا معك الي النهاية
اما التثبيت فهو من اختصاص الاخ مشرف القسم
وساري ما يمكن فعله بخصوص هذا ...

دمـــــــــــــــــــــت ،،

[الفارس البنفسجي]

متشكرين على الصراحة دي يا أخ سواح ... وأعتقد اننا طالما عرفنا محل الوجع وين ، بتبقى الحلول ممكنة ولو كانت صعبة المنال وانا بوجه النداء للجميع واخص المغتربين لأنهم لو ما وقفوا من الموقع بتبقى المعادلة بتاعت (أبناء مدني ، أولاد مدني) كلام جرائد ساي ، أتمنى أنو الناس تتناقش بمثل هذه الشفافية واكيد بنصل، إن شاء الله لو نفير بنصل .................... نحن معاكم وربنا مع الجميع

[ابودجانه العباس]

الله يديكم العافيه يا شباب
يدنا في يدكم والحاجه البتشوفوها نحن معاكم انشاءالله
طالما انو حا ترتقي بمستوى الموقع.(ما كلام جرايد).

[الفارس البنفسجي]

متأكدين والله يا أبودجانة انو كلامك دا نابع من قلبك ... وأنا متأكد انا كل الأعضاء حادبين على الموقع بس وعشان نكون صريحين إدارة الموقع لازم تستثمر الحب الكبير الموجود في قلوب الناس للموقع لصالح الموقع ولصالح الجميع.

دمت لنا يا رائع

[zoolfrda]

http://a3rak.jeeran.com/mubmubm-1068145754.gif

[مرتضى ساتى]

انشاء الله الاقتراح يتنفذ وما يكون حكى
لانه فى اقتراحات كتيره جدا قيد التنفيذ
ونحن اولاد مدنى معروفين وقت الجد
ووقت الدفع والفلوس حاضرين ولا شنو ياشباب

[الفارس البنفسجي]

أولاً : بشكر الأخوة كتير في الموقع على الإهتمام وتثبيت البوست لأن في النهاية الموقع هو اللي حا يستفيد
وبقول ليك يا أخ مرتضى كلام صحي وما أشرت له من الحاجات اللي بتكون سبب فشل أعمال كتيرة عشان كدا بتمنى من المسئولين دائماً وابداً لمن تكون في مهمة عمل يحدد القائم بها ويحدد من هو المتابع لها والباقي على المشرف عشان الفكرة ما تموت ، لانو لمن بدت فكرة الموقع دي قبل كم سنة ما كان في حد أكيد متوقع انها تصل لحد هنا ولو لا مثابرة وإجتهاد استاذ/ أبوبكر كان ممكن تموت الفكرة ذي أفكار كتيرة حلوة ماتت وأنا أيامها ديك كنت على إتصال مستمر بالأستاذ/ أبوبكر في جدة وكنا حاضرين ولادة الموقع وكانت البداية بسيطة جداً لكنها عجبت ناس كتار وأولاد مدني أكيد ساهمو في استمرارها وهسه حا يساهمو في تطويرها ، وفي الفترة ديك ممكن نقول الموقع بتاع الأستاذ/ أبوبكر لكن الوضع اختلف الآن ، الموقع بتاعنا نحن كلنا

وإن شاء الله بنصل ................................ مع تحياتي

[مرتضى ساتى]

شايف يابنفسجى الموضوع نام
ولكن ما عليك حنفضل ندق فى الحديد حتى
نفك اللحام

[zoolfrda]

والنايم مصيروا يصحى...

[الفارس البنفسجي]

تشكر يا مرتضى ويا فرده على دقت الباب دي وأكيد بجي زول زي ما قلتو يفتح الباب

[مرتضى ساتى]

افتحوا الباب يا شباب يامشرفيين اتمنى
ان ينجح الاقتراح وكل الاقتراحات التى تضع مدنى
فى مصاف المدن الراقيه رقى اهلها ويلا ياشباب ولد حلال يفتح الباب

[الفارس البنفسجي]

تسلم يا مرتضى على الروح القتالية والرياضية العالية

[خالد أحمد الصول]

أخي البنفسج الفارس المقوار
وصلتني رسالتك الخاصه و أشكرك علي الثقه الغالية ....هذه الايام طريح الفراش بداء القرحة اللعين ... سوف أطلب منك تفاصيل أكثر لان التخصص الذي تطلبه غير متوافر إلا في جامعة السودان

[الفارس البنفسجي]

أخي البنفسج الفارس المقوار
وصلتني رسالتك الخاصه و أشكرك علي الثقه الغالية ....هذه الايام طريح الفراش بداء القرحة اللعين ... سوف أطلب منك تفاصيل أكثر لان التخصص الذي تطلبه غير متوافر إلا في جامعة السودان
سلمت من كل داء ... وشكراً على الإهتمام ونخدم ان شاء الله يوم عرس اولادك

أسأل الله أن يدثرك بثوب العافية وأن يمتعك برونق الصحة .. اللهم آمين

[مرتضى ساتى]

اتمنى ان ينجح اقتراح فى منتدى مدنى
وفارس يظهر الناس ديل الناموسيه بتاعتهم
بنفسجيه ونقول نفتح الباب واتمنى ان يجد القبول
اقتراح اخونا فارس وانا بقترح نعمل بحث لكل الاقتراحات نشوف نحن عملنا
شنو قدمنا شنو لانه مدنى ما كلام ما حكى ما مشرفين ما عضو فعال ومن غير زعل
نفتح الموضوع ونقترح دعم بسيط 100 ريال للمنتدي ونشوف الناس ونشوف شباب مدنى
ونشوف حنظل نحكى ولا نقدم ما تستحقه المدينه الرائعه وبتمنى نقيف مره مع اقتراح ونشوف ردة الفعل

[العاشق لمدني]

حاجة جميلة ومستعد بس كيف ارسل ال100 ريال لتطوير منتدانا الرائع.
انا في جدة.ومعاكم في كل الاختراحات

[الفارس البنفسجي]

حاجة جميلة ومستعد بس كيف ارسل ال100 ريال لتطوير منتدانا الرائع.
انا في جدة.ومعاكم في كل الاختراحات


الآدمن استاذ/ أبوبكر ، موجود أيضاً في جدة ياريت لو رسلت ليهو رسالة خاصة

وكلمتو بالموضوع دا ، اكيد حا يدلك على الطريقة

سلمت وإن شاء الله في ميزان حسناتكم

[مرتضى ساتى]

كويس 200 ريال طلعت وكيف الطريقه استاذ ابو بكر
ياجماعه اصحوا شويه الموقع ده جميل والناس جميله
ما بتقصر بس القصه عايزه شوية دعم من المشرفيين وكلام اخونا الفرس البنفسجى
بسيط ما عايز شرح القصه بتتلخص فى انسان يكون موجود فى مدنى ويعمل حساب
ويكون معاهو اثنين للتنسيق وعمل اعلانات الفائده منها تعود للمنتدي والكلام الاخير
للمشرفين

[مرتضى ساتى]

يا مشرفين فارس خلاص رفع الرايه البيضاء وان شخصيا بقول وداعا للاقتراحات

[فادي الماحي]

السلام عليكم
حقيقه كلامك جميل وكمان نبهنا لي حاجتت كتيره نحن ما كنا عارفنها مثلا انو الموقع دا شغال كيف وتمويلو من وين وكمان عشان الفائده تعم نحن بنطلب من المتخصصين انهم يطلعونا علي التفاصيل دي عشان نكون علي درايه بموقعنا وكمان عشان نشوف موقنا ودورنا في تطوير موقعنا شنو ؟
وكمان شايف بعض الاخوه وكتر خيرهم قدموا يدههم طوالي ياجماعه الحل في الحاجات دي ما بكون فردي ؟ ولازم الحل يكون ناجع وطويل الامد
وانا في رايئ المشرفين يجتمعو ويعملوا تقييم لكل أفراد المنتدي (طلاب - عاملين ) ولو في معلومه ناقصاهم يرسلو رسائل شخصيه للافراد لمعرفه الحاله .
ونحن في انتظاركم .... لتطوير موقعنا
واتمني لكم ولنا التوفيق:)

[مرتضى ساتى]

كلام زي الورد ونتمنى التفاعل

[الفارس البنفسجي]

وطبعا في حاجة مهمة أولها اليد الواحد ما بتصفق
ثانياً لو المسئولين ما أهتموا بالدعم المادي دا
وتبنو فكرة معينة أو حملة نفير ... فسوف تموت
الفكرة

[خالد حمدتو]

تسلم يابنفسج والاقتراح ممتاز جدا

[مختار بازى]

واللة دا الكلام وانا بي دوري من القاهرة بعمل اكبر رواج بس هنا انا زاتي ما لاقي ناس من مدني عشان نكون رابطة ابناء مدني وبالمرة نلم دعم ونرسلة المهم في كل الحالات ارسل باى عنوان دلوني والباقي علي

[الفارس البنفسجي]

الأخوة الكرام
مرتضى ساتي / فادي الماحي / خالد حمدتو / مختار بازي
سلمتم ودمتم ومتشكرين على المرور والأفكار الحلوة
وياريت المشرفين يجو ويشوفوا ويحلل ويصلوا لي
بدايات.

[فادي الماحي]

يا خوي لا حياة لمن تنادي

[Madanawi]

تحية لك يا بنفسجي ولفكرتك الايجابية ، يلا نشمر سواعد الجد ونبدأ العمل سويا ، وانا بتمني ان لا تندثر الفكرة وهي في مهدها لانو بالجد الناس لو ما اهتمت بالموضوع وهو سخن سيموت قبل ان يرى النور،،،،،،،،،،،،،،

[فادي الماحي]

تحية لك يا بنفسجي ولفكرتك الايجابية ، يلا نشمر سواعد الجد ونبدأ العمل سويا ، وانا بتمني ان لا تندثر الفكرة وهي في مهدها لانو بالجد الناس لو ما اهتمت بالموضوع وهو سخن سيموت قبل ان يرى النور،،،،،،،،،،،،،،

يا خوي مندراوي هو الموضوع مات وانتهي وكمان دفناهو لانو ما في زول من المشرفين اشاغل بيهو
وحتي صاحب الفكره البنفسجي يئس من الموضوع:mad:

[الفارس البنفسجي]

الغالي فادي الماحي

تحياتي لك

والله ما نسيت ولا يئست
وكلام في سرك ، انا جهزت مقترح
آمل أن يرى النور خاص بمسيرة
الموقع والمنتدى بصورة عامة.

أما هذا البوست فسيستمر ولو
بجهد المقل وزي ما بقولو

هناك رغبة ... هناك طريقة

والناس بالجد لو مدني غالية
عليهم ما بقصروا.

ولك مني تحية بلون الإقحوان
ورائحة المسك والرياحين.