المساعد الشخصي الرقمي

مشاهدة النسخة كاملة : بشرى سارة , إفتتاح محل ود المطامير للغسيل والمكوة .


ود المطامير
29-01-2007, 12:34 PM
الإخوة والأخوات الكرام
يسرنا أن نعلن لسيادتكم إفتتاح محل ود المطامير للغسيل والمكوة
غسيل ومكوة الملابس فى قيفة البحر ... غسيل العدة يدوى من أجل الجودة
والنظافة ونقبل جميع أنواع الملابس والعدة من حلة الفول والكوارع
لحد الفناجين ,
الإستلام والتوصيل من وإلى المنازل مجاناً . حمير جديدة وسائقون مدربون .
تلاتة صحون وحلة هوادة للعزّابة
ولدينا وظائف شاغرة فى قسم المكوة وكل من يجد فى نفسة الكفاءة يرجى
مراجعة الإدارة وإحضار شهادة موقعة من المدام تثبت كفاءتة
يقع مقرنا فى المنتدى العام بجوار جريدة شبارقة
للإستفسار يرجى الإتصال على رقم جريدة شبارقة وهو بكورك لى .

معاً إلى الأفضل
رئيس مجلس الإدارة
ود المطامير . 9 سنوات خبرة
المسافر
29-01-2007, 10:46 PM
يا أخوي إنت حتكون فاضي لمحلك ده !!!
نان البقش الحوش في البيت منو ؟
والبحمي الوليدات منو ؟
والبسوي الحلة منو ؟
غايتو إلا تشغلني معاك أمسك ليك المحل
عشان إنت تتفرغ لحياتك الأسرية .
الفارس البنفسجي
29-01-2007, 10:47 PM
نحن غايتو يوم الخميس فاضيين ، وما بنحب نغسل ونكوي بره البيت ، يعني لازم واحد خصوصي وبندفع فوري والفطور والغداء ملح ساااااااااااااكت ، والعشاء باسطة.
ود المطامير
30-01-2007, 09:35 AM
يا أخوي إنت حتكون فاضي لمحلك ده !!!
نان البقش الحوش في البيت منو ؟
والبحمي الوليدات منو ؟
والبسوي الحلة منو ؟
غايتو إلا تشغلني معاك أمسك ليك المحل
عشان إنت تتفرغ لحياتك الأسرية .
قلت كدى ؟ خلاص تعال وبالنص
ود المطامير
30-01-2007, 09:36 AM
نحن غايتو يوم الخميس فاضيين ، وما بنحب نغسل ونكوي بره البيت ، يعني لازم واحد خصوصي وبندفع فوري والفطور والغداء ملح ساااااااااااااكت ، والعشاء باسطة.
يعنى نقفل ولأ شنووو؟
سواااح
30-01-2007, 09:48 AM
راجل المرة ده
حلو حلاة ..
شنو يا معلم
اذا ابتليتم فاستتروا ..

دمـــــــــــــــــت ،،
ود المطامير
30-01-2007, 09:57 AM
راجل المرة ده
حلو حلاة ..
شنو يا معلم
اذا ابتليتم فاستتروا ..

دمـــــــــــــــــت ،،
دعوات أمى وأصابت ,, كلما تزهجها شكاوى الناس منى
تكورك فينى .. فاضحنا فى الفريق , الله يفضحك .
أها تانى تقول شنو ؟
مزوني
30-01-2007, 01:54 PM
يا ود المطامير ههههههههههههههههههههههههههههههههه

لكن لا تعلييييييييييييييييييييق

ومبروك المحل

لكن مني ليك بهديك سوار الياسمين

سمعت تحت تحت انها حرييييييييييييييييييييفه في غسيل العده

وفي القشقيش واي اي حاجه

قصرت معاك ..!!
ود المطامير
30-01-2007, 02:21 PM
يا ود المطامير ههههههههههههههههههههههههههههههههه

لكن لا تعلييييييييييييييييييييق

ومبروك المحل

لكن مني ليك بهديك سوار الياسمين

سمعت تحت تحت انها حرييييييييييييييييييييفه في غسيل العده

وفي القشقيش واي اي حاجه

قصرت معاك ..!!
فيك الخير يا الحبيب إفتح الله
هى قربت تشق صفوف التمرد
تقوم تجى هنى عشان تهد المحل
فوق راسى ؟؟
سواااح
30-01-2007, 09:18 PM
فيك الخير يا الحبيب إفتح الله
هى قربت تشق صفوف التمرد
تقوم تجى هنى عشان تهد المحل
فوق راسى ؟؟



فوق راسك
وكل المعاك
عشان طلعتو :p
ربع المجتمع !!
بنت الرفاعي
31-01-2007, 05:02 AM
بس مجرد سؤال انت رئيس مجلس الادارة طيب الحيغسل العدة ويكوي منوو؟؟؟؟؟؟:D :D :D
امل حياتى
31-01-2007, 08:23 AM
ود المطامير انا حكون اول زبون يجيب ليك ملابس بس عندى جلابية وسخانة شوية اتكشح فيها دمعة وملاح ويكة وملاح مرس ودفق فيها قوة وحلو مر وشاى الصباح وبال فيها ولدى الصغير ينفع اجيبها ولا لا
تسنيم خالد
31-01-2007, 08:29 AM
يا جماعة القسمة دي ماعادلة
اعيدوا الانتخاب والتصويت مرة اخري



دمتم
ود المطامير
31-01-2007, 08:40 AM
فوق راسك

وكل المعاك
عشان طلعتو :p

ربع المجتمع !!


كويس إنك كلمتنى عشان لحظة الصفر أمشى أقعد فى الكافتيريا
المجاوره وناس المسافر يفطسوا براهم
ود المطامير
31-01-2007, 08:42 AM
بس مجرد سؤال انت رئيس مجلس الادارة طيب الحيغسل العدة ويكوي منوو؟؟؟؟؟؟:D :D :D
عندى عمال وأنا بتدخل فى الحالات الطارئه فقط
ود المطامير
31-01-2007, 08:44 AM
ود المطامير انا حكون اول زبون يجيب ليك ملابس بس عندى جلابية وسخانة شوية اتكشح فيها دمعة وملاح ويكة وملاح مرس ودفق فيها قوة وحلو مر وشاى الصباح وبال فيها ولدى الصغير ينفع اجيبها ولا لا
هو إنت شغال فى مطعم ولأ شنو؟
جيبها لكن تقل الفكّه .
ود المطامير
31-01-2007, 08:47 AM
يا جماعة القسمة دي ماعادلة
اعيدوا الانتخاب والتصويت مرة اخري



دمتم
هوووووى , دا محلى أنا
إنتى فاكراهو البيت الأبيض
شبرقية
09-04-2007, 12:09 AM
الله يباركك كنت محتارة شديييييد
باكر عندنا عرس ولازم نتجهز ومافاضية لغسيل ومكوة
كدي فالاول نتفق الدستة بيكم

وكان رعيتنا بعمل ليك دعاية
وبكلم كل جيرانا والماجيرانا برضو
ود المطامير
09-04-2007, 12:55 AM
الله يباركك كنت محتارة شديييييد
باكر عندنا عرس ولازم نتجهز ومافاضية لغسيل ومكوة
كدي فالاول نتفق الدستة بيكم

وكان رعيتنا بعمل ليك دعاية
وبكلم كل جيرانا والماجيرانا برضو
ما دام كدا خلاص ليك الدسته بربع السعر بس
بس ما تكلمى شبارقه وبت الشبارقه دول ديونهم
هدى متندله فى الدفاتر عندى .
zaher
09-04-2007, 01:17 AM
يا جماعة انا سامع تحت تحت انه المحل مافيهو زبائن

وود المطامير عامل عرض خاص كاتب فيهو

عرض خاص بمناسبة عدم وجود زبائن

غسيل كوي قميص ................. نركب الزرائر المقطعة مجانا
غسيل كوي بنطلون .................... هدية فانلة داخلية
غسيل كوي جلابية ..................... هدية طاقية وملفحة

خدمات خاصة ما بعد التوصيل .... تصليح عناقريب .... شد سرائر ..... تركيب دش ... وخدمات على الطلب

في حالة احضار دستة ملابس للغسيل والكوي ........ حا اجازف ليكم قميص جديد من اي واحد تاني طالب غسيل
عماد عبدالشكور
09-04-2007, 01:39 AM
يا ود المطامير الاسعار كيف ؟ والمكوة فحم ولا كهرباء ؟
انا شايف زاهر عامل عروض مغرية
zaher
09-04-2007, 03:53 AM
والعرض الخاص القادم .... تحت التجربة ......
جيفارا
09-04-2007, 08:10 AM
محلات T3 or Higher للخدمات
لسنـــــا الوحيدين ولاكننـــــــا الأفضل
من خدماتنا غسيل على الناشف غسيل على الواقف تلميع تكيف تسخين بخار فوار كما ننوه لتوفر خدمة الصنفرة . على أيــــدي خبراء أجانب من سيرلانكا والفلبين وكافة دول شرق أســـيا الوقت يحدد من قبل العميل وكله بسعره لا نقبل الشيكات .
الديون لا نتعامل معها

ملاحظات :-

1/ كما ننوه بأنه لاتوجد لدينــــــا وظائف شاغرة .
2/ نقبل الواسطة .
3/ لا يتم التعامل الا من خلال فروعنـــــــا الرسمية والمعتمدة .
4/ أسعارنــــأ الغالي بغلاته .
ود المطامير
09-04-2007, 08:49 AM
يا جماعة انا سامع تحت تحت انه المحل مافيهو زبائن

وود المطامير عامل عرض خاص كاتب فيهو

عرض خاص بمناسبة عدم وجود زبائن

غسيل كوي قميص ................. نركب الزرائر المقطعة مجانا
غسيل كوي بنطلون .................... هدية فانلة داخلية
غسيل كوي جلابية ..................... هدية طاقية وملفحة

خدمات خاصة ما بعد التوصيل .... تصليح عناقريب .... شد سرائر ..... تركيب دش ... وخدمات على الطلب

في حالة احضار دستة ملابس للغسيل والكوي ........ حا اجازف ليكم قميص جديد من اي واحد تاني طالب غسيل
ههههههههههههههههههه
شكيت محنك يا الحبيب
لو عملت بعرضك دا معناهو راس المال ح يطير
بس اليومين اللى فاتت وقعنا عقد لمدة سنتين
مع قائد حاملة الطائرات جورج الأول وهسى
ناس ود الشليقان وود الحفيان مشو المطامير
يودعوا الأهل , يعنى بقينا ناس دولارات ساااى
ود المطامير
09-04-2007, 08:54 AM
يا ود المطامير الاسعار كيف ؟ والمكوة فحم ولا كهرباء ؟
انا شايف زاهر عامل عروض مغرية
بتسأل من الأسعار ليه يا ريس ؟ هو غسال القصر الجمهورى إتلحس ولأ شنو ؟
على كل حال إنت ليك أسعار خاصه جدا علشان ريدنا ليك ما ليهو حدود
والمكوه بالفحم عشان نار الفحم نجيضه ونار الكهرباء فشنك ساااى
ود المطامير
09-04-2007, 09:06 AM
محلات T3 or Higher للخدمات
لسنـــــا الوحيدين ولاكننـــــــا الأفضل
من خدماتنا غسيل على الناشف غسيل على الواقف تلميع تكيف تسخين بخار فوار كما ننوه لتوفر خدمة الصنفرة . على أيــــدي خبراء أجانب من سيرلانكا والفلبين وكافة دول شرق أســـيا الوقت يحدد من قبل العميل وكله بسعره لا نقبل الشيكات .
الديون لا نتعامل معها

ملاحظات :-

1/ كما ننوه بأنه لاتوجد لدينــــــا وظائف شاغرة .
2/ نقبل الواسطة .
3/ لا يتم التعامل الا من خلال فروعنـــــــا الرسمية والمعتمدة .
4/ أسعارنــــأ الغالي بغلاته .
يا ناس أختوا المحل دا عديل كدا
دا الصابون حقهم طلع بعمل حساسيه ويخلى الواحد يتحكحك اليوم كلو
وشوف عينى عمالهم بقشروا فى الحفلات بقمصان الزبائن
ونحنا
_ 1 لدينا وظيفه شاغره
_ 2 نقبل الواسطه وبنتكيف لما يجينا واحد عن طريق الواسطه
_3 يتم التعامل من خلال مندوبينا المنتشرين بالحمير فى الزقاقات
4 _ أسعارنا على حسب حالة الزبون , تجى بسياره أسعارك غير
تجى بحمار أسعار براها , تجى كدارى ليك تنزيلات وكدا .
Madanawi
09-04-2007, 10:05 PM
يا معلم نرسل ليك قوارير كلوركس .. وتسوّقها لينا ، حقك محفوظ !!
ود المطامير
09-04-2007, 10:37 PM
يا معلم نرسل ليك قوارير كلوركس .. وتسوّقها لينا ، حقك محفوظ !!
يا الحبيب الكلوركس دا إمكن الجماعه دول يشربوه
ويتسمموا ونحنا نروح فيها , تعال أعمل ليك قدرة
فول ما مشكله وكفتيرة شاى والنص بالنص موافق ؟
بورتبيل
10-04-2007, 02:39 AM
يعني الواحد يجيب ليكم هدومو عشان تغسلوهن .... ترسقوهن

انا عندي جلابية جديدة كرت .. ما رجعتوها ليا
وبنطلون جنز احمر
وقميص فوشي
تجيبوهم ليا ... ولا بشتكيكم
zaher
10-04-2007, 04:41 AM
هههههههههههههههه

بالغت يا بورتبيل

في واحد عاقل يفرط في بنطلون احمر ..........................( تاكسي الاخ ولا شنو )

وبعدين اعلان ود المطامير ده ما سمعت بيهو ..... في حاجات مجاني .....


*********** مشاققة .

ياود المطامير حبة حبة علينا بقينا ساكنك من موضوع لي موضوع ...... ما احلاك وانت ترسم البسمة لنا ......
همسة شوق
10-04-2007, 06:14 AM
شنو ياعمك كوشت على كل حاجة ( اللهم لا حسد )
بى هنا غسيل ومكوى وبى هناك سوق ام دفسو


( مصلحة الضرائب )
ود المطامير
10-04-2007, 09:17 AM
يعني الواحد يجيب ليكم هدومو عشان تغسلوهن .... ترسقوهن

انا عندي جلابية جديدة كرت .. ما رجعتوها ليا
وبنطلون جنز احمر
وقميص فوشي
تجيبوهم ليا ... ولا بشتكيكم
لا لا لا عليك الله يا ود عمى أقيف وما تشتكينا
حاجاتك دى شالها شبارقه مشى بيها المحكمه
عندو مرافعه وبكره من الصباح بتصل لحد عندك
ود المطامير
10-04-2007, 09:24 AM
هههههههههههههههه

بالغت يا بورتبيل

في واحد عاقل يفرط في بنطلون احمر ..........................( تاكسي الاخ ولا شنو )

وبعدين اعلان ود المطامير ده ما سمعت بيهو ..... في حاجات مجاني .....


*********** مشاققة .

ياود المطامير حبة حبة علينا بقينا ساكنك من موضوع لي موضوع ...... ما احلاك وانت ترسم البسمة لنا ......
هههههههههه
والله شكيت محنك , هو تاكسى مدنى لسه لونو أحمر ؟
وتسلم يا الحبيب ووالله البسمه اللى بترسمها لينا إنت بتنعش
القلب والروح ,, وحكاية المواضيع دى حبايبى الله يخليهم لى
هم اللى قاعدين يبحتوها لى .
ود المطامير
10-04-2007, 09:30 AM
شنو ياعمك كوشت على كل حاجة ( اللهم لا حسد )
بى هنا غسيل ومكوى وبى هناك سوق ام دفسو


( مصلحة الضرائب )
ضرائب ؟؟ يا حول الله , يازول المحلات دى أنا زمان بعتها وإتخارجت منها
بس من ما المسؤلين حفظهم الله ختوا لكل واحد خمسه مواضيع قبل التوقيع
والجماعه شغالين بحت ونبش أنا أدفن وهم يبحتوا أنا أدفن وهم يبحتوا
خلاص أمشى حاسبهم هم ..
تسلم يا الحبيب .. والله جيتك دى أسعدتنى جداً جداً
شبرقية
10-04-2007, 11:00 PM
هاك ديل دستتين
فيهن بدلة حقت ابوي
الجنا الاسمو شبارقة
اووووووووووووووع يشيلا


اقيف اقيف
عندكم دراي كلين
ماعندكم


ومكوتكم فحم
هوي هوي جيب البدلة دي جاي



اجي كيف يعني ياتا
مبتعرف البدلة
والناس البغسلو عندك
ماحصل جابوا بدلة
كركركركركركركركر


اااااااااااااااا
عرفت زباينك منو



اهم شي الدسكاونت
كلمت ليك كل الجيران


وصاحباتي



واهلي


ومعارفي




وووووووووووووووووو




وووووووووووووووووووووو




وووووووووووووووووووووو




عبيييييييييييييييييييييير
نزار حسن محمد
11-04-2007, 12:25 AM
ود المطامير ...تم الاتفاق مبدئيا مع جماعة التمرد بان تقوم بستلام جميع ملابس الجنجويد للغسيل والمكوه ومطلوب واحد نقلتى لتصليح مالحق بالاحذايه من دمر شامل ..
عمك تنقو
11-04-2007, 07:09 AM
ههههههههههههههههه
ياحليلك ياولد يارايق

اسمع عندي ( قرّب ) ناشفها دايرها ليها بلة في قرض دحين بلقي عندك :D
المكاشفى
11-04-2007, 09:19 AM
مبروووك المحل ياودالمطامير
يتقطع بى عرق العافية
وموضوع بروتبيل خليه على وممكن
تشوف ليه معاك وظيفه لانو الايام
دى مصيع وما شغال
لكن ياود المطامير راح ليك حلاه بوست
كنت بكتب فيه ساعه بس خزلنى الجهاز
بتعوض انشاء الله
ود المطامير
11-04-2007, 09:27 AM
يا شبرقيه
جيبى البدله وما عليك من شبارقه ما ح يشيلها بس لو رجعت ليك ناقصه
يد ما علينا عشان نحنا غسيلنا بالمحراكه , أصلو من عملو طاحونه فى المطامير
أنا لقيتها فرصه ولميت المحاريك للمحل . أيوه دا رى لكين مشاركنى فيها ناس أبوى وقالوا الدار دار العمده وأولادو , ومكوتنا لا كهربا ولا فحم بس بنطبق الهدوم وبنختهن تحت اللحفات والصباح بطلعن حاجه رهيبه ولأ شنو .
قلتى عاوزه دسكاونت .. الكلمه دى شلتها ومشيت بيها لود أبو بعشوم مهندس البياره وقال لى يعنى تنقص ليها السعر عليك الله يا شبرقيه المحل دا نحنا مستفيدين منو شنو غير نقشر بقمصان ناس مدناوى وبناطلين بروتبيل ود عمى ؟
وعليك الله أنسى الجيران وكلمى عبير بس وقولى ليها ود المطامير قال ليك المحل وصاحب المحل تحت أمرك .
ابوزيد محمد نور
11-04-2007, 09:27 AM
الف مبروك المحل الجديد ياود المطامير ولى ماعزمتنا اللافتتاح ماعيب عليك ياحبيبنا .....
ود المطامير
11-04-2007, 09:36 AM
ود المطامير ...تم الاتفاق مبدئيا مع جماعة التمرد بان تقوم بستلام جميع ملابس الجنجويد للغسيل والمكوه ومطلوب واحد نقلتى لتصليح مالحق بالاحذايه من دمر شامل ..
عمّى كيف حالك ومشتاقين والله
ناس الجنجويد ديل خليهم بعيد يفتح الله
عممهم الطويله دى نشرها وين ؟ يمين إلا فى درابزين الكبرى
والظاهر يا عمّى المحل دا ح يفتح فروع فى تخصصات تانيه
عشان شايف الطلبات الفرعيه أكتر من الغسيل لكن ما مشكله
نقلب المحل ذى صيدلية بابو الدوا رف واحد وباقى الرفوف صفافير
شفع وهنابيب و وكشكولات تشاركنى يا عمّى .
ود المطامير
11-04-2007, 09:52 AM
ههههههههههههههههه
ياحليلك ياولد يارايق

اسمع عندي ( قرّب ) ناشفها دايرها ليها بلة في قرض دحين بلقي عندك :D
مرحب حباب عمّى العزيز الغالى
( والله فعلاً كانت أمنية حياتى أشوف صورتك ,, أضحك تانى )
هع هع هع هع هع
وبالنسبه للقرب والقرض أصبر يومين تلاته كدا لحدما نفتتح محل
الدباغه بجوار محلنا دا وقربك ح نرجعها جديده لنج ومجان
ماهو القرب دى برضو جلاليب الناس أكلوا أصحبها .
ود المطامير
11-04-2007, 10:00 AM
مبروووك المحل ياودالمطامير
يتقطع بى عرق العافية
وموضوع بروتبيل خليه على وممكن
تشوف ليه معاك وظيفه لانو الايام
دى مصيع وما شغال
لكن ياود المطامير راح ليك حلاه بوست
كنت بكتب فيه ساعه بس خزلنى الجهاز
بتعوض انشاء الله
تسلم يا حبيب قلبى ونبارك ليك فى السمح دائما إن شاء الله
وخلاص بروتبيل خليتو عليك وريحنى منو الجنا الخواجه دا
وكت ما شغال خليهو يجى يفتح فرع الدباغه ولأ يوسر العناقريب

والبوست الحلو راح مشى وين ؟ كدى هاك المفك دا وفك الجهاز
وفتش بين السيور والشرايح إمكن يكون ماسك فى الكلوه ولأ الفشفاش
والله صح الله بعوض وأنا منتظرك بكل الشوق
ود المطامير
11-04-2007, 10:05 AM
الف مبروك المحل الجديد ياود المطامير ولى ماعزمتنا اللافتتاح ماعيب عليك ياحبيبنا .....
عزيزنا الغالى مشتاقين
الله يبارك فيك ويديك العافيه آمين يا رب العالمين
أكان كدا إتلومنا فيك تب وأنا أقول مالو المحل
ما جايب راس مالو ؟ أتارى عشان ما لقينا بركاتك
عِلا هسى إنت باركتو وبعدا أمانه ما الكنجالات ح تتكنجل فى الدرج ذى العجب
أها شريط محل الدباغه إنت الحتقطعو إتفقنا ؟
Almostshar
13-04-2007, 01:08 PM
الأعلانات فاتت علي

إلا جاي ومعاي نانسي عجرم
خبرة في الغسل والكوي
كل من أراد الخبرة
فهي متوفرة في محلات ود المطامير

أيتها السيدة وداعا للغسالة
ومرحبا بي أبو الوليدات أخد خبرة

غسيل نضيف ناصع البياض وبدون أي بقع
ضمان لمدة ثلاثة لبسات

تعالو إلي ود المطامير للغسل والكي تجدو ما يسركم

الموقع جوار مكتب جريدة المنتدى شمال أول ما تجي داخل
أوقات العمل محدودة
من طلوع الشمس
لحد طلوع الروح
وأيضا قسم الخدمات السريعة الفورية
تخفيضات أغسل 12 قطعة وأربعة مجاننا
ود المطامير
15-04-2007, 12:56 AM
الأعلانات فاتت علي

إلا جاي ومعاي نانسي عجرم
خبرة في الغسل والكوي
كل من أراد الخبرة
فهي متوفرة في محلات ود المطامير

أيتها السيدة وداعا للغسالة
ومرحبا بي أبو الوليدات أخد خبرة

غسيل نضيف ناصع البياض وبدون أي بقع
ضمان لمدة ثلاثة لبسات

تعالو إلي ود المطامير للغسل والكي تجدو ما يسركم

الموقع جوار مكتب جريدة المنتدى شمال أول ما تجي داخل
أوقات العمل محدودة
من طلوع الشمس
لحد طلوع الروح
وأيضا قسم الخدمات السريعة الفورية
تخفيضات أغسل 12 قطعة وأربعة مجاننا

يا الحبيب مشتاقين والله
يا زول نانسى عجرم دى صاح إستوردناها لفتره محدوده
بس التخفيضات دى ما قلناها ولا سمعنا بيها تكون غلطان فى المحل ولأ شنو ؟