قصة خطوبة رائعة ومثيرة وطريفة [الأرشيف]

مشاهدة النسخة كاملة : قصة خطوبة رائعة ومثيرة وطريفة

الفارس البنفسجي

29-01-2007, 10:25 PM

شاب جامعي خلوق اراد ان يتزوج ...لكن امه العجوز تكفلت له بأن تبحث له عن فتاة تعرفها وتدخل مزاجها لان ليس كل بنت على حد زعمها تصلح لها.... اخوات هذا الشاب ذكروا له زميلتهم في الكلية وهي فتاة رائعة وآية في الجمال والاخلاق واجتماعية بشكل كبير ... ومن كثرت ما تحدثوا عنها تعلق قلبه بها وطلب من أخواته ان يكلموها عنه .... بدأ البنات بالحديث لتلك الفتاة عن اخوهم واخلاقه الرائعة ودمه الحفيف وحفاظه على الصلاة واحتقاره للشباب اللي يرقصون .. وهكذا .. المهم .. البنية المسكينة تعلقت بيهو وحبته وتمنت اليوم اللي يجمعها بيهو .... لكن المشكلة انهم من قبيلتين مختلفتين وكيف يقنعون الام العجوز بهذه البنت الحلوة ... وبعد مشاورات... وانتو عارفين النسوان وحيلهم وبالذات بنات الزمن دا .. وصلو لي حل.
بعد يومين اتصلت البنت المتيمة على اخوات الشاب وقالت: مافي طريقة الا اني اتعرف على امكم شخصيا لحد ما اخليها تعجب بي وهي بنفسها اللي تخطبني ليهو.... قاموا يفكرو كيف تتعرف على امه ؟ جاء على بالها ان ابوها وامها حا يحجو السنة دي قالت :ايه رايكم تودون امكم للحج بنفس الحمله اللي رايحين فيها فيها اهلي وانا بقنع اهلي انهم يودوني معاهم .....؟ ومن يومها وهي نقة على اهلها عشان تحج معاهم.قالوا لها : ماعندنا مانع والحج فريضه على كل مسلم وودنا انك تذهبين وتقضين فرضك انبسطت وقالت ليهم ان اهلها بيودونها للحج معهم والباقي عليهو الآن، عشان يخلي امه تروح للحج واول ماوصلوا لمكه وهي تفتش ليها في السكن لحد ما قابلتها وصارت كل وقت وكل صلاه وهي جنبها وبالليل تساعدها بقراءه الدعاء... ولما جاء يوم رمي الجمرات راحت تجمع لها الحصى وتقول لها هذا الحصاه اكبر وتعور ابليس وتعطيها .. ولما راحوا يرجمون كانت معها بكل خطوه من خطواتها... ولما جاء اخر يوم من ايام الحج وكانوا بطوفو طواف الوداع راحت تسلم عليها وتحضنها وتقول ليها والله اني احبك زي امي واني ارتحتلك ياخاله وتهل من دموع التماسيح وراحوا للمطار عشان يرجعون لبلدهم ولما وصلوا استقبل الولد امه وابوه من المطار وقعد يسألهم عن حجهم وعسى ماتعبتوا وكلام ذي كدا وبعدها قال: يمه إن شاء الله ارتحتي بحجك ؟ قالت ياولدي والله يا ولدي دا أحسن حج أحجو في حياتي قال :إن شاء الله الناس اللي معاك طيبين وارتحتي ليهم؟ قالت :والله ناس تمام وما فيهم كلام.بس والله ماضيق صدري الا بنت لزقة كانت معنا نشبت بحلقي هناك ما شفت ملقوفة ومطوفشة زيها، الله يعيين اللي بتزوجها.

مع تحياتي (منقول)

المسافر

29-01-2007, 10:38 PM

يا فارسي المقوار . . بالرغم من أن يبدو على هذه القصة فكاهية إلا إنها موجودة فعلاً
وتحديث كثيرا . . . وإن تدخل الأسر في الأرتباطات موجودة فعلاً وهو من أسباب الطلاقات
التي أصبحت بكميات مخيفة .

وسلمت على البوست الرائع .

nahla abass

29-01-2007, 10:39 PM

الحصل دا من عجائب الدنيا السبعه

الفارس البنفسجي

30-01-2007, 05:06 AM

المسافر

30-01-2007, 06:47 PM

كلامك صاح يا المسافر ود بحصل كثير ، أنت يا ترى لو كنت محل الزول دا بتعمل شنو ؟

شكراً لكل شئ

رضا الوالدين من رضا الله وخصوصاً الأم . ومن الواضح أن قصة العلاقة كانت في بدايتها . . . وأنا كنت على طول إذا لم تقتنع بأن أرتبط بها بحاول أشوف غيرها ، ليس تقليلاً على أهمية الإرتباط إنما حباً لرغبة الأم .

ودمت يا الغالي

مرتضى ساتى

30-01-2007, 07:04 PM

الله يلعن ابليسك يابنفسجي والله من الصبح خليتنى اضحك
ضحك زي المجنون وحلوه منك ياحبيب

الفارس البنفسجي

30-01-2007, 09:13 PM

الله يلعن ابليسك يابنفسجي والله من الصبح خليتنى اضحك
ضحك زي المجنون وحلوه منك ياحبيب

تسلم لي يا مرتضى وإن شاء الله يبسط طوااااااااااااااااااالي ومتشكرين على هذه الإتكاءة

Madanawi

30-01-2007, 10:07 PM

والله مقلب لكن مبااااااااااااااااالغة.

ويمكرون ويمكر الله والله خير الماكرين.

يعتي الداير يعرس يمشي يفتش في الحفلات ولا شنو؟؟؟؟

الفارس البنفسجي

30-01-2007, 10:52 PM

والله مقلب لكن مبااااااااااااااااالغة.

ويمكرون ويمكر الله والله خير الماكرين.

يعتي الداير يعرس يمشي يفتش في الحفلات ولا شنو؟؟؟؟

أكيد الراجل اتمقلب ، بس لو كنت محلو ، كنت حا تتمقلب ؟ ولا حاتزوغ كيف؟

تحياتي لك ولجميع المحبين والعاشقين

samah

31-01-2007, 05:27 AM

الحاجه معاها حق ...................والبت الخفه ليهاشنو التقل صنعه...........

الفارس البنفسجي

31-01-2007, 05:41 AM

الحاجه معاها حق ...................والبت الخفه ليهاشنو التقل صنعه...........

لكن تعمل شنو يا سماح ، تقعد بايرة ساي ؟؟؟ شكراً على المداخلة

ابودجانه العباس

31-01-2007, 06:52 AM

الحاجه معاها حق ...................والبت الخفه ليهاشنو التقل صنعه...........

هيييييييي...كلام بس
هسع لو دي انت موش تحججيها
حرم بعد ما ترجعوا تعملي ليها كرامة وتكتبي في باب بيتم حج مبرور وسعي مشكور..الخ
يابتي البورة حارة أساليني انا الولد
لمتين ...لمتين...لمتين باير لي سنين يابشرا

الفارس البنفسجي

31-01-2007, 07:16 AM

كدا يا أبودجانة دخلت سماح دي في خانة الياك(الخانة الضيقة) لانو سماحة دي أكيد ما بتعرف الياك دا!!!!!!!!!!!!!!!!!!!! ...........

امل حياتى

31-01-2007, 08:04 AM

ههههههههههههههههههههههههه اجمل قصة قرأتها الفراس البنفسجى نتظر منك المزيد

الفارس البنفسجي

31-01-2007, 09:42 AM

بالتأكيد يا أمل حياتي هناك المزيد إن شاء الله ... ومتشكرين على المرور والإستراحة

الشريف الهندي

31-01-2007, 10:08 AM

ههههههههههههههه
والله يالفارس البمبي قلبت الهوبه الحقيقه القصه رائعه شديد وشدتني كتي في البدايه لكن لما لقيت السطور ماشه تكمل سريع عرفت ان البت موضوعها نخستك والمره حتكون زي حبوبتي
حليل البت وزي ماقلت سماح البركه في حجتا ........

Jamal Elmahi

31-01-2007, 02:22 PM

الحاجه معاها حق ...................والبت الخفه ليهاشنو التقل صنعه...........

فارسنا البنفسجي إتا رأيك شنو أأأبوي في البنيّه وحجها ...ولاّ علي رأي سماح كانت تتقل شويه...

سماح يابت أمي الايدو في النار ما زي الايدو في المويه ...والمضطر أأأأخيتي برد موية برودو...

أبو دجانه رأيك شنو نعمل لينا بعثة حج من بايركس السودان كان يجيب مريسة تامزينو...

بجبكم صاد أأأأحباني...

ود الماحي

samah

31-01-2007, 07:42 PM

والله حلتنابراهابورت بناتاتحير.................................الحاصل شنوياناس...........................

الفارس البنفسجي

31-01-2007, 08:56 PM

الشريف الهندي / ود الماحي / سماح

اولاً : متشكرين على المداخلات اللذيذة دي
ثانياً : يا الشريف الهندي بالله عليك الله عرفت موضوع البنت دا مخستك كيف؟
ثالثاً : بالنسبة للحجة بتاعت البنية دي يا ود الماحي مشكوك فيها وإحتمال كبير تكون ما مقبولة.
رابعاً : بالنسبة لي ناس حلتك يا سماح وبناتها البايرات الكتار ديل : دي فعلاً مشكلاً ولو بنات الحلة كتار نقول شنو على بنات المدن؟ .... إلا ندخل الزواج المتعدد في الخدمة الإلزامية ويبقى إلزامي .

شكراً لكم جميعاً من داخل قلبي

ود المطامير

31-01-2007, 08:59 PM

والله مشكلتها مشكله
لا حجّه ولا عريس

الفارس البنفسجي

31-01-2007, 09:17 PM

والله مشكلتها مشكله
لا حجّه ولا عريس

رايك شنو نعاقب البت دي على شلاقتها دي ونعرس ليها من حلة المطامير؟ ، عشان تعرف ان الله حق

ود المطامير

01-02-2007, 01:44 AM

رايك شنو نعاقب البت دي على شلاقتها دي ونعرس ليها من حلة المطامير؟ ، عشان تعرف ان الله حق
لكن المشكله , شلاقة المدينه على شلاقة المطامير
ديل ح يجيبوا شليليق مولع عديل كدا .

الفارس البنفسجي

01-02-2007, 06:25 AM

لكن المشكله , شلاقة المدينه على شلاقة المطامير
ديل ح يجيبوا شليليق مولع عديل كدا .

كدا ما بتكون في مشكلة اهم حاجة انهم يمسكوا في بعض والناس تتفادى شلاقتهم دي ، وكل واحد يبقى للتاني في حلقو

مزوني

02-02-2007, 10:02 AM

ههههههههههههههههههههههههههههه

الرائع الفارس البنفسجي

لكن والله ابداااااااااااااااااع وجنس خفه مبالغه عدييييييييييييل هههههههههه

تسلم يا جميل ودمت سالم

الفارس البنفسجي

02-02-2007, 08:28 PM

ههههههههههههههههههههههههههههه

الرائع الفارس البنفسجي

لكن والله ابداااااااااااااااااع وجنس خفه مبالغه عدييييييييييييل هههههههههه

تسلم يا جميل ودمت سالم

والله الخفة بقت شطارة الزمن دا ، تعمل شنو ؟ عشرة سنة لي قدام حا يخطفو الرجال عديل

سلمت للمرور يامزوني

دانية

02-02-2007, 11:03 PM

والله الحاجه معاها حق البت كترت المحلبية شديد

الفارس البنفسجي

02-02-2007, 11:55 PM

والله الحاجه معاها حق البت كترت المحلبية شديد

شكراً على المرور يا دانية وشكراً على المحلبية ... (براي السويتها في نفسي) دا نفس الحكاية البقت عليها

تشكرين يا رائعة