رد علوية بت الحاج على شبارقة

[شبارقة]

>>>>>>>>>>>>>>>

[بورتبيل]

مركوبو سُرّيقه
والخلقه شن ليكا!
وشواربو كليقا
انا شن بحب فيكا؟؟
***
ولله انا بحب فيك ريحة الطين ... وساعة الشمس .. تقبل لوراء .. وضل البيوتات يبقى طويل
وبحبك شبارقة ... وانت تمارس .. التلوين بالعبارة ... وتحلق بي الي اجواء افتقدتها كثيراً
مع الود

[ابوشوتال]

امكن معاها حق ( صايمة الزمن دة كلو تفطر ليها بي بصلة )
لك التحية

[سواااح]

بس يا شبارقة
علوية بت الحاج
نست الغسيل والمكوة
يكونوا من ضمن الشغل

[114]

شبارقه يا ظريف

ذكرتني بأغنية الحلمنتيش: بابا يغسل العدة

قصيدتك حلوه وظريفه

[ود المطامير]

شبارقه يا ظريف

ذكرتني بأغنية الحلمنتيش: بابا يغسل العدة

قصيدتك حلوه وظريفه
والله ذى التقول فى إنّة
بس إنت شكّرتنى عند ( الفارس )
كدى النصبر شوية .

[شبارقة]

واحد يشرح القصيدة يا أخوان ...
في الصفحات التالية القصيدة التي تسببت في هذا الرد الغاضب

[شبارقة]

ما هو السبب الذي جعل علوية بت الحاج تغضب وتقرض هذه القصيدة العصماء؟؟
السبب هو هذه القصيدة (للقراء اللذين فاتتهم)

علوية بت الحاج ـ حلمنتيش
علوية بت الحاج
القامة راكوبة
والكرشة أنبوبة
والتِّفة منكوشة
والخلقة مسلوبة
وشناتا يا الحِبَّان
ملفوفة في توبا
***
علوية بت الحاج
قات ليَّا فيكَ بموت
من دون خلايق الله
فيك يا شبارقة بموت
يا اخوانا شن سويت
تعشقني علوية؟؟؟
أنا في القمر جنيت
مجنونة فيْ هيَّ!
زهر الرياض حبيت
حبتني جنيَّة
اتلطَّف الحلوين
تمسكني زنديَّة
أنا في الغزل غنيت
غنتني مرثيَّة
***
لاقتني يوم راجع
من الشغل تعبان
سكَّتني في الشارع
زي قطعة الشيطان
عضَّت طراريما
ومرقت لسانا كمان
هزَّت كويعاتا
زي القطا البردان
قات ليّا فيك بموت
ياحبة الرمان****

[شبارقة]

بس يا شبارقة
علوية بت الحاج
نست الغسيل والمكوة
يكونوا من ضمن الشغل

بتوديهم الغسال (جنا المطامير) ..

[بورتبيل]

شبارقة علوية بت الحاج دي انا ذي الشفتها مرة كدا ...ذكرني عليك الله
مع تحياتي للاستاذ / الحاج وراق وكل الشبارقيين

[تسنيم خالد]

شبارقة والله عجبني ليك
ودي زغروتة مني
آآآآآآآآيووووووووويويويويويويويويويويووووووووووووو ووووووووووووووووووووي

بركة يا يمة




دمت