إحكي أطرف موقف مر بك هنا

[شبارقة]

يا جماعة رأيكم شنو كل واحد يحكي أطرف موقف مر بيهو (على شرط يكون حقيقي) أنا أبدا ليكم :

في أيام الجامعة قررت أن أزور أحد الأصدقاء في قريتهم ..
ركبت (دفار ) القرية التي يسكنها ..
بمجرد ما ركبت أشارت الي امرأة كبيرة في السن وقالت:
يا ولدي أركب جنبي عشان أنا مره كبيره وما بعرف لركوب العربات..
وبابتسامه متناهية الرقة وبثقة تامة في النفس أجبتها:

أبشري يا خالتي ، أنا جنبك وما بتجيك عوجه انشاء الله ..
انشغلت بمطالعة الصحيفة الى أن تحركت السيارة ..
ولجهلي بتضاريس المنطقة التي أزورها وفي أول (خور) على الطريق إختل توازني ولم أجد شيئاً أتشبث به الا الخالة المسكينة ،، (وأجيبها ليكم الدلجة) .. أنا والخالة على الأرض ..
وما كان منها الا أن تصيح :
(كرعلي كتلني .. ووب وووووب يا كلوتي وووووب .. متَّ متَّ ..)

وأخوكم ما عرف يودي وشو وين

[شبارقة]

ننتظر أحلى المواقف الطريفة ...
***
لكم خالص الود

[zaher]

المواقف الظريفة كتيرة ... والطرائف في مدينة مدني وذكرياتنا في حي 114 والدرجة كتيرة
لكن في الغربة هنا حصل لي موقف في اول ايام حضوري للسعودية سنة 2000م فاخوكم نزل مع جماعة عزابة وفي الثلاثة ايام الاولى كانو مضيفني .. وفي اليوم الرابع وهم طالعين للشغل طلبوا من اخوكم يسوي ليهم الحلة .. واخوكم لاحول له ولاقوة وماعارف في الطبيخ غير الاكل وفنون توزيع الخبز ولو بي كتير بغسل العدة... وما معاي واحد في البيت اسالو .. وطبعا الجوالات مافي .. وعشان اتصل بي الوالدة واسالها اعمل شنو لازم انزل لكابينة الاتصالات ويمكن اخسر فيها المصروف كله .. غايتو اخوكم قال يجازف الموضوع .. وبدات بالبصل وذلك على حسب المشاهدة .. وفي اول سابقة من نوعها اخوكم طلع البصل مقطع لي مربعات .. المهم ولعت البوتجاز وجبت الحلة والزيت وختيت البصل .. طبعا من غير تقليب وكان عمر البصل خمسة دقائق فقط والبصلة انحرقت .. قطعت بصل من جديد وعملت حسابي واعدت الكرة مرة اخرى لكن من غير حريق .. ولكن المشكلة ... اني بعد داك اكتشف انو الحلة حا تكون بامية . .. وقعدت افكر بيعملوها كيف ... اللهم اهتديت بان اغسلها واختها مع البصل وااصب فيها موية .. وعملتها ... وبعد عشرة دقائق اخوكم قال يفتح الحلة ويشوف الحاصل شنو .. لقيتها زي ما هي .. كانك يا ابوزيد ماغزيت .. والحال ياهو الحال والبامية شكلها لا اتغير ولا يحزنون .. قلت يمكن عشان الملح ما ختيتو ... ومليت يدي ملح وفي الحلة .... وبعد عشرين دقيقة فتحت الحلة لقيت الحالة ما اتغيرت وشكل حلة البامية البعرفة اصلو ما ظهرت .. اعمل شنو قلت انتظر ... وانتظرت ... وانتظرت .. وبعد ساعة برضو الحكاية ما جابت نتيجة ولسع البامية زي ما هي عايمة ... واخوكم ما فكر الا في انو الناس حاتجي وما حايلاقو طبيخ في البيت واحسن حاجة اعملها اني ادفق الحلة ده وابيدها من غير ما واحد يشوف الفضيحة ... وامشي اشتري اكل جاهز واتخلص من المشكلة .. واخوكم ما كدب خبر .. طفيت النار .. وشلت الحلة .. وفي دقائق كانت في خبر كان في الزبالة .. ولمن رجعت اغسل الحلة عشان واحد ما يعرف الحصل .. اكتشفت اني ما طلعت اللحمة من التلاجة ...

ومن ديك اخوكم اتعلم كل فنون الطبخ
وكدة كدة يا العزابة

[امل حياتى]

طبعا" بصراحة مر على موقف محرج جدا" وطريف فى نفس الوقت فى نهاية الثمانينات وانا كنت صغير انا عارف اخوانى فى المنتدى تعليقهم بيقولوا الولد ده شافع صغير بصراحة انا كنت مدخر بعض القروش من شغل الطلب مع عدم المواخذة يعنى كانت فى الزمن ده قروش وهى تقريبا" مبلغ 15 الف جنيه واليوم كان يوم الوقفة فى عيد الفطر
وكنت ذاهب انا وود عمى للسوق الشعبى طبعا كالعادة ركبنا الحافلة وراسك فوك يعنى مقندل واخر جنصصه
والعبد لله مافى غيرك بس حصل موقف على سوء الحظ فى واحد فى الحافلة اتنشل وانا طبعا" خلاص قلبى طار
اول حاجة عملتها مسكت جيبى واطمأنيت ان القروش حقتى موجودة والهم التانى بقى فى المنشول
اول شىء اتبادر الى ذهنى سألت المنشول قلته كم قالى 15 الف على طول فى نفسى قلت يالهوى ده المبلغ المعاى زاته وكمان ماتقولى انا سالته معناه انا الحرامى على طول قلت لود عمى اليوم ده يوم اسود من بدايته وشغل
الزبالات والمنى والخرسانة ضاع ساكت ، ود عمى قال ليا انت فى التعب التعبته ولا فى اليوم ده حناخد علقة ما بعدها
علقة تانى انا فى الوقت ده جاتنى فكرة انى اخط المبلغ تحت المقعد على حسن الحظ المقعد كان مخروم
وطبعا" المنشول يعجب قال للسواق على البوليس على طول ومافى واحد ينزل انا طبعا" من الخوف كرعينى بدأو
يصفقوا وبعدين نزولونا واحد واحد وفتشونا وركبنا الحافلة من جديد وطبعا" دافرتا واول واحد ركبتا عشان امشى اقعد فى مقعدى وبعدين وصلنا السوق خلاص قلت لود عمى بلاش ما نشترى حاجة نرجع على طول احسن نمشى
نودى الخبيز الفرن وننسى الموضوع

ايه رايكم فى تصرفى اوع تقولو انا الحرامى كمان

[ابودجانه العباس]

المواقف كتيرة لكن واحد من اطرف المواقف لما كنت صغير كان عندي كلب(اكرمكم الله)بحبو جدا يوم عاوز احميهو بالقوة فزاغ مني وعضاني في !!!المهم مشيت لي امي وانا اضحك ضحك شديد فقالت لي مالك ياولد بتضحك كدة قلت ليها الظاهر محاسن(ممرضه) علمت الكلب يدي الحقن كيف ,,عشان العضه كانت بااااارده لكن بعدها والله ياجركم ادوني خمسة وعشرين صره في حقنتي.

[تسنيم خالد]

المواقف كتييييييرة ولا تحصي واخير المواقف الفي بلدك وسط اهلك بتلقي البنجدك

انا موقفي في الغربة يا يمة...انا قبل 4 سنين مسافرة من السودان ماشة اسبانيا
المفروض اعمل ترانسيت في القاهرة والمدة16 ساعة...طبعا نظام نزلونا في فنادق وكدة
انا مهدودة وتعبانة ولي يومين ما نايمة....مشيت الغرفة وجدعت حاجاتي وقلت يا السرير جاك
بلاء ....اتحركت شوية وكنت حريصة جدا علي اني انتبه لمواعيد الطيارة عشان ما يفوتوا
الناس ويخلوني ...بقاوم في النوم لدرجة عجيبة بس جيت رب واقعة في السرير والنومة الياها
ومواعيد اننا نغادي الالفندق جات وانا نااااااااااايمة والناس الرسبشن يضربوا في التلفون للغرفة
وانا ااااااااااايمة لدرجة اني نسيت انا نايمة وين ومطمئنة خالص انو دة بيتنا... وجوا خبطوا الباب
وقالوا خلاص يبقي انا طلعت لانو عندهم عربيتين.......وحاتكم صحيت الساعة 5 مساء ..وانا طيارتي
من 3 اقلعت....ولما شفت الساعة اتفجرت بالبكااا ومت موت..وطلعت برة الراجل لما اتخلع لما شافني
واتصلت بابوي ادوهو ليك غرامة زي الغرامة للتاخير ومافي طيارة تاني لبرشلونة الا بعد 3 يوم
بس عديتها كلها فسح واخر بسطة زي كانوا ما حصل لي شئ...

وبيني وبينكم ناوية تاني افوت الطيارة في الرجعة اسي انشاء الله




دمتم

[سوار الياسمين]

انا يا ابو دجانة عندي موقف معروف لناس المنتدى هنا
انو ابوي مشينا عشان نسحب قروش من الصراف الآلي وكدا ابو نزل هو في الاول ولما رجع نزلتا انا
مشيت سحبتى وجيت راجعة القى ليك سيارة ابوي ما موجودة
قلت يمكن وقف في حتة تانية فتشتى الموقف كلو بلا جدوى
شوية والقى ليك ابوي جاي من بعيد وقاعد يضضضضضضضحك ميت على روحو من الضحك
سالتو مشيت وين قال لي انو هو ركب العربية وفاكرني جنبو ودوووووور فات لحد ما وصل قريب
البيت التفت جنبو لقاني ماموجودة حتى بعد داك اتزكر اني نزلتى من العربية
طبعا اتنفختى ليك زعل منو كيييييييف ينساني المهم قال تاني ما بكررها
الكلام ده ليهو قريب السنة


وحااااااااااااتك

امبارح القريبة ده بعد الشغل نزلني عند وحدة صحبتي قال حيمشي مشوار ويرجع لي
اتخيل انو مشى بعد مشوارو البيت ونساني تاني

ابوي ده انا اعمل ليهو شنو بعد ده

[ابودجانه العباس]

انا يا ابو دجانة عندي موقف معروف لناس المنتدى هنا
انو ابوي مشينا عشان نسحب قروش من الصراف الآلي وكدا ابو نزل هو في الاول ولما رجع نزلتا انا
مشيت سحبتى وجيت راجعة القى ليك سيارة ابوي ما موجودة
قلت يمكن وقف في حتة تانية فتشتى الموقف كلو بلا جدوى
شوية والقى ليك ابوي جاي من بعيد وقاعد يضضضضضضضحك ميت على روحو من الضحك
سالتو مشيت وين قال لي انو هو ركب العربية وفاكرني جنبو ودوووووور فات لحد ما وصل قريب
البيت التفت جنبو لقاني ماموجودة حتى بعد داك اتزكر اني نزلتى من العربية
طبعا اتنفختى ليك زعل منو كيييييييف ينساني المهم قال تاني ما بكررها
الكلام ده ليهو قريب السنة


وحااااااااااااتك

امبارح القريبة ده بعد الشغل نزلني عند وحدة صحبتي قال حيمشي مشوار ويرجع لي
اتخيل انو مشى بعد مشوارو البيت ونساني تاني

ابوي ده انا اعمل ليهو شنو بعد ده
اعملي ليه كباية ليمون باااردة ولاصينية بيتزا ولاطبق كنافه(ريقي مشي)
نحن يابتي الرجال ديل همنا في بطنا وصدقيني تاني ما حينساك ابدا
اذا كنت انا عشان وصفت ليك الاصناف دي ساي(تاني مابنساك)فما
بالك بأبوك الحاياكلم حظو والله (سوار خسمتك بالنبي كان ما عملتي ليمون باااااارد وقلتي دا لي ابودجانه شحتفتي روحي الله .....)

[سوار الياسمين]

اعملي ليه كباية ليمون باااردة ولاصينية بيتزا ولاطبق كنافه(ريقي مشي)
نحن يابتي الرجال ديل همنا في بطنا وصدقيني تاني ما حينساك ابدا
اذا كنت انا عشان وصفت ليك الاصناف دي ساي(تاني مابنساك)فما
بالك بأبوك الحاياكلم حظو والله (سوار خسمتك بالنبي كان ما عملتي ليمون باااااارد وقلتي دا لي ابودجانه شحتفتي روحي الله .....)


ابو دجانة

اعكس اعكس

قصدق اعمل ليهو كباية ابرئ بااااااااااااردة بي تلج حايم في الكباية
وملاح امدقوقة ولا امرقيقة بالكسرة والحلو بتيخ ولا منجة السودان الماخمج ديك
ممممممممممممممم وما تقول ده موسمهم اسه قالو ليك في جنس بتيخ ومنجا عجب
في مدني بالزات يا حفيظ

وغااالي والطلب رخيس يا ابولبانة هاك كباية الليمون الباااااااااردة ام تلج حايم ده وشوف عليك الله الكباية نديانة كيف بالله من برا ياسلالالالالالالالالالالالالالام

[ابودجانه العباس]

ابو دجانة

اعكس اعكس

قصدق اعمل ليهو كباية ابرئ بااااااااااااردة بي تلج حايم في الكباية
وملاح امدقوقة ولا امرقيقة بالكسرة والحلو بتيخ ولا منجة السودان الماخمج ديك
ممممممممممممممم وما تقول ده موسمهم اسه قالو ليك في جنس بتيخ ومنجا عجب
في مدني بالزات يا حفيظ

وغااالي والطلب رخيس يا ابولبانة هاك كباية الليمون الباااااااااردة ام تلج حايم ده وشوف عليك الله الكباية نديانة كيف بالله من برا ياسلالالالالالالالالالالالالالام

والله والله ريقي جري الله يباركك يالمبروكة انشاء الله يغنو ليك بالدلوكه انشاء يوم شكرك ما يجي انشاء الله لاتفوتي لاتموتي.

[سوار الياسمين]

والله والله ريقي جري الله يباركك يالمبروكة انشاء الله يغنو ليك بالدلوكه انشاء يوم شكرك ما يجي انشاء الله لاتفوتي لاتموتي.


غايتو انت من الليلة بقيت ابو دجانة الحبوبة :D

[ابودجانه العباس]

غايتو انت من الليلة بقيت ابو دجانة الحبوبة :D

الحبه التقوم ليك في نخرتك ليييييييييي عشان شنو
شايفاني كبير ولا كبير ولا قالو ليك انا كبير انا يا دوب جاهل وسغير
انا يايمه من شدة ما سغير الإلزاميه ما خشيته قالت حبوبه قالت انشاءالله بركت النبي
تحبك قرادة مطلعنها من ضهر عتوت بني غرقان في ترعة ليو شهرين وعشرين يوم.

[ود المطامير]

غايتو انت من الليلة بقيت ابو دجانة الحبوبة :D

قرية المطامير
بيان هام جداً
من اليوم تم تغير إسم أبودجانه إلى ( حبوبه عشه )
ولقد تم تغير إسمو قدامنا بشهادة سوار الياسمين
التى وزعت الشربات أمات تلج عايم ومنديه فرحاً
بحبوبتها الجديده الدعّايه دعا الجن اللحمر والحاضر
يحدس الغايب .
أبوكم العمده .

[ود المطامير]

(سوار خسمتك بالنبي كان ما عملتي ليمون باااااارد وقلتي دا لي ابودجانه شحتفتي روحي الله .....)[/quote]
مسلسل على حلقات
الحلقه الأولى

[ود المطامير]

وغااالي والطلب رخيس يا ابولبانة هاك كباية الليمون الباااااااااردة ام تلج حايم ده وشوف عليك الله الكباية نديانة كيف بالله من برا ياسلالالالالالالالالالالالالالام
[/quote]
الحلقه الثانيه
من المسلسل

[ود المطامير]

والله والله ريقي جري الله يباركك يالمبروكة انشاء الله يغنو ليك بالدلوكه انشاء يوم شكرك ما يجي انشاء الله لاتفوتي لاتموتي.
والحلقه الثالثه
من المسلسل الرائع

[ود المطامير]

غايتو انت من الليلة بقيت ابو دجانة الحبوبة :D

الحلقه الرابعه
بعنوان طبزتها سوار

[ود المطامير]

الحبه التقوم ليك في نخرتك ليييييييييي عشان شنو
شايفاني كبير ولا كبير ولا قالو ليك انا كبير انا يا دوب جاهل وسغير
انا يايمه من شدة ما سغير الإلزاميه ما خشيته قالت حبوبه قالت انشاءالله بركت النبي
تحبك قرادة مطلعنها من ضهر عتوت بني غرقان في ترعة ليو شهرين وعشرين يوم.
الحلقه الأخيره بعنوان
دعاء الحبوبات

[سواااح]

ابو دجانة

ابو لبانة

الدعايّ

حبوبة عشة

والبقية .. تاتي

[سواااح]

الحلقه الأخيره بعنوان
دعاء الحبوبات


قصة وسناريو : سوااار الياسمين

اخـــــــــراااج : ود المطامير ..

وعموما شيلو شيلتكم

والادعية ح تنزل عليكم بالمظلات

يعني قوااات محمولة جواً

[ود المطامير]

يا ابولبانة
[/quote]
طِق طِِِِِق طِق

[ود المطامير]

مره كنت حالق صعه جديده بالموس ودخلت المخزن وشلت طوريه وفى ضب كبير مشى بيدى ومسك فى الصلعه وكنكش تمام كلما أحاول أنفضو هو مكنكش صاح , وأنا أنطط من الخوف وشافنى أخوى خالد وخطف منى الطوريه وبالعود كتل الضب وجابنى أنا الواطه غمران .

[ابودجانه العباس]

الحلقه الأخيره بعنوان
دعاء الحبوبات

تحبك غعونجه برتقاليه أصبع كراعه الشمال مقطوع عشان كتلت ود خالته الضب الكبير تجي هي تنتقم منك تعمل ليك عمل تخليك تحبها وبعد ما تعرسه تجيب منها غنمايتين وخروف الغنماية الاولي يعرسه كلب والتانيه تبقي صائعة في الشوارع بعدين تنحرف واخر حاجه تنتحر (عشان تبقو أسرة مفككه).

[ابودجانه العباس]

ابو دجانة

ابو لبانة

الدعايّ

حبوبة عشة

والبقية .. تاتي

لبانه التلصق ليك في نخرتك يقولوا ما بتمرق الا بي تلج يجيبو التلج يدخل في نخرتك تجيك نزلة واللبانة في مكانه ما طلعت كلما تعطس اللبانه تتنفخ وطق ليك في وشك يقولو يمرقوها بي بنزين بعدما يعملو البنزين يجي واحد اشتر يولع سجارة جنبك و......

[سواااح]

تحبك غعونجه برتقاليه أصبع كراعه الشمال مقطوع عشان كتلت ود خالته الضب الكبير تجي هي تنتقم منك تعمل ليك عمل تخليك تحبها وبعد ما تعرسه تجيب منها غنمايتين وخروف الغنماية الاولي يعرسه كلب والتانيه تبقي صائعة في الشوارع بعدين تنحرف واخر حاجه تنتحر (عشان تبقو أسرة مفككه).


انشاء الله تكون انت فاهمها
عشان نحنا نفهمها ...

[سواااح]

لبانه التلصق ليك في نخرتك يقولوا ما بتمرق الا بي تلج يجيبو التلج يدخل في نخرتك تجيك نزلة واللبانة في مكانه ما طلعت كلما تعطس اللبانه تتنفخ وطق ليك في وشك يقولو يمرقوها بي بنزين بعدما يعملو البنزين يجي واحد اشتر يولع سجارة جنبك و......


يا جماعة الزول ده
ما تشوفوا ليهو شغلة تانية
انشاء الله عرسوا ليهو
لانو شاكوش عرس الكورة
باين تاعبوا شديد :D

[سواااح]

مره كنت حالق صعه جديده بالموس ودخلت المخزن وشلت طوريه وفى ضب كبير مشى بيدى ومسك فى الصلعه وكنكش تمام كلما أحاول أنفضو هو مكنكش صاح , وأنا أنطط من الخوف وشافنى أخوى خالد وخطف منى الطوريه وبالعود كتل الضب وجابنى أنا الواطه غمران .


كويس جابك غمران
ما وداك الاخرة .. :D

[شبارقة]

مره كنت حالق صعه جديده بالموس ودخلت المخزن وشلت طوريه وفى ضب كبير مشى بيدى ومسك فى الصلعه وكنكش تمام كلما أحاول أنفضو هو مكنكش صاح , وأنا أنطط من الخوف وشافنى أخوى خالد وخطف منى الطوريه وبالعود كتل الضب وجابنى أنا الواطه غمران .

والله ما عارف جنا المطامير دا عامل لي شنو ..
والله ضحكت في دي لمن دمعت ....
معاني المفردات:
صعة : صلعة
طورية : اداة حفر
كنكش: تمسك بقوة
غمران : مغمى علي

[ود المطامير]

تحبك غعونجه برتقاليه أصبع كراعه الشمال مقطوع عشان كتلت ود خالته الضب الكبير تجي هي تنتقم منك تعمل ليك عمل تخليك تحبها وبعد ما تعرسه تجيب منها غنمايتين وخروف الغنماية الاولي يعرسه كلب والتانيه تبقي صائعة في الشوارع بعدين تنحرف واخر حاجه تنتحر (عشان تبقو أسرة مفككه).
والله الضحك عمل لى أبو الشهيق وإنت تدعى فينى
ذى عمتى الرساله لما كسرت ليها الدوكه حقتها بالكفر .

[ود المطامير]

كويس جابك غمران


ما وداك الاخرة .. :D

ها زول إنت ما شفت الكرضمّه السوّاها لى فى نص الصلعه
وأى زول يشوفنى يقول لى
_ مبروك , صلعتك ولدت .

[سوار الياسمين]

ابو لبانة

طق طق طق طق:D

[ابودجانه العباس]

ابو لبانة

طق طق طق طق:D

الفي الباب منو؟؟؟؟
سوار الياسمين : معقوله بس تدقي الباب ليه
انت ست بيت حبابك ألف خشي لي جوه
ازيك يا أستاذتنا ياعسل رايق مصفي يا عيون كاتلانا إلفه

[شبارقة]

موقف طريف آخر مر بابن خالتي :
ابن خالتي ممتحن الشهادة السودانية ، وما كان مذاكر كويس ..
مشى المسجد يصلي المغرب ...
الامام خلص الفاتحة ... وقرأ السورة التي تلي الفاتحة .. وخلصها ..
هنا انتبه ابن خالتي وصاح بأعلى صوته آآآآآآآآآآآآآآآآآآآآآآآآآآمين
عندها انفجر الذين يصلون بجواره من الضحك .. ولم يدرك خطأه الا عندما ركع الامام ..
قرر أن (يتخارج) بمجرد أن يسلم الامام حتى لا يحرج أكثر مما هو محرج ..
وعندما سلم الامام نهض مسرعاً ....
كاد ان يتجاوز من أمام أحد الذين يكملون صلاتهم ...
فمد له هذا الشخص يده كي يمنعه من تجاوزه ..
وما كان من ابن خالتي الا ان يصافحه بقوة ...!!!...!!!
***
لكم خالص الود

[بدر الدين محمد]

واحد زميلنا (ما انا) من مدني دخل كلية الفنون وفي الاجازة راجع مدني اشترى جزمة ونسى الشراب .. الزملاء اولاد الخرطوم قالوا ليهو الجزمة ما بلبسوها بدون شراب قام على طول رسم الشراب على اقدامه وتفنن في نقشه ومشى السوق الشعبي وخلف كراعه وطلب قهوة حتي ساعة تحرك البص وعند دخوله البيت العرق اتلف الالوان وانتهى الشراب .. الفنون جنون

[شبارقة]

ننتظر المزيد من المواقف الطريفة
***
لكم خالص الود

[ابودجانه العباس]

ننتظر المزيد من المواقف الطريفة
***
لكم خالص الود

بكرة انشاءالله حاتعرفو انا اتصرفت كيف
في موضوع(ماذا تفعل لو كنت مكاني)
ويوم السبت انشاءالله حاتعرفو واحد من الاسباب
الوصلتني للعبقريه الانا فيها هسع(حرم دا الجن زاتو)...

[شبارقة]

ود العباس .. الغالي العزيز ...
جيبنا نوعدك بموضوع جديد لنج عن عبقريتك..
ترقبو :








(قرع ودالعباس)

[شبارقة]

يلا يا شباب مزيد من المواقف الطريفة ..

[عماد عبدالشكور]

المواقف الظريفة كتيرة ... والطرائف في مدينة مدني وذكرياتنا في حي 114 والدرجة كتيرة
لكن في الغربة هنا حصل لي موقف في اول ايام حضوري للسعودية سنة 2000م فاخوكم نزل مع جماعة عزابة وفي الثلاثة ايام الاولى كانو مضيفني .. وفي اليوم الرابع وهم طالعين للشغل طلبوا من اخوكم يسوي ليهم الحلة .. واخوكم لاحول له ولاقوة وماعارف في الطبيخ غير الاكل وفنون توزيع الخبز ولو بي كتير بغسل العدة... وما معاي واحد في البيت اسالو .. وطبعا الجوالات مافي .. وعشان اتصل بي الوالدة واسالها اعمل شنو لازم انزل لكابينة الاتصالات ويمكن اخسر فيها المصروف كله .. غايتو اخوكم قال يجازف الموضوع .. وبدات بالبصل وذلك على حسب المشاهدة .. وفي اول سابقة من نوعها اخوكم طلع البصل مقطع لي مربعات .. المهم ولعت البوتجاز وجبت الحلة والزيت وختيت البصل .. طبعا من غير تقليب وكان عمر البصل خمسة دقائق فقط والبصلة انحرقت .. قطعت بصل من جديد وعملت حسابي واعدت الكرة مرة اخرى لكن من غير حريق .. ولكن المشكلة ... اني بعد داك اكتشف انو الحلة حا تكون بامية . .. وقعدت افكر بيعملوها كيف ... اللهم اهتديت بان اغسلها واختها مع البصل وااصب فيها موية .. وعملتها ... وبعد عشرة دقائق اخوكم قال يفتح الحلة ويشوف الحاصل شنو .. لقيتها زي ما هي .. كانك يا ابوزيد ماغزيت .. والحال ياهو الحال والبامية شكلها لا اتغير ولا يحزنون .. قلت يمكن عشان الملح ما ختيتو ... ومليت يدي ملح وفي الحلة .... وبعد عشرين دقيقة فتحت الحلة لقيت الحالة ما اتغيرت وشكل حلة البامية البعرفة اصلو ما ظهرت .. اعمل شنو قلت انتظر ... وانتظرت ... وانتظرت .. وبعد ساعة برضو الحكاية ما جابت نتيجة ولسع البامية زي ما هي عايمة ... واخوكم ما فكر الا في انو الناس حاتجي وما حايلاقو طبيخ في البيت واحسن حاجة اعملها اني ادفق الحلة ده وابيدها من غير ما واحد يشوف الفضيحة ... وامشي اشتري اكل جاهز واتخلص من المشكلة .. واخوكم ما كدب خبر .. طفيت النار .. وشلت الحلة .. وفي دقائق كانت في خبر كان في الزبالة .. ولمن رجعت اغسل الحلة عشان واحد ما يعرف الحصل .. اكتشفت اني ما طلعت اللحمة من التلاجة ...

ومن ديك اخوكم اتعلم كل فنون الطبخ
وكدة كدة يا العزابة
ونسيت لما رحت في حي العليا وفضلت لافي 6 ساعات بي رجليك حولين البيت وماعارف انت وين ومعاك واحد اخونا

[zaher]

ونسيت لما رحت في حي العليا وفضلت لافي 6 ساعات بي رجليك حولين البيت وماعارف انت وين ومعاك واحد اخونا

ده الممكن تحكيها انت لانك الوحيد اللي كنت معاي ... وكنت السبب ... :)

[شبارقة]

ده الممكن تحكيها انت لانك الوحيد اللي كنت معاي ... وكنت السبب ... :)

بتتعازمو مالكم يا شباب ... واحد يبدأ والتاني يكمل ...
***
لكم كل الود

[محمد السر احمد]

انا موقفي كتيرة لكن حا احكي دا وانا متحن شهادة سودانية طنت بقرا في السني الثانوية وطبع طالب نجيب وفي يوم حاج السر قام وداني المدرسة قام سالني بتطلع الساعة كم قلت ليهو الساعة 3 قم قال لي خلاس برسل ليك الواق المهم اليوم انتهي ونحن مارقين جي استاذ الانجليزي قال داير يعوض الحصة الحقتو وانا طبعا قاعد في كنبة شكرا وراء جنب الشباك شقت العربيه وقفت بس قلت الواق جا خليت الاستاذ قلب علي السبورة قمت تلبت بالشباك وجريت علي العربية لمن مشيت وفتحت باب العربية لقيتو دا الحاج ذاتو وشافني لمن تلبت بالشباك طبعا لكم لقيتو دا الحاج قفلت باب العربية ورجعت تاني للمدرسة قام نادني .
طبعا اليوم داك ما خلي لي حته اقبل عليها وحرمت من التوصيلة اسبوع

[الفارس البنفسجي]

مسطول قالوا ليهو احكي لينا اكثر موقف محرج مرا بيك
قال ليهم : يوم كنت بحلق في دقني وبلوك لي في لبانة

عذراً للتخريمة ............. غصباً عني

دمتم

[شبارقة]

اتحفونا بالمزيد ........
***
لكم كل الود

[عماد عبدالشكور]

انت يا شبارقة قاعد بس تسمع شمارات الناس ومواقفهم ؟ يللا ورينا المواقف المرت بيك انت

[شبرقية]

اختكم والحمدلله لما كنت في المدرسة بس يقولو البرنامج الصباحي علي منو اول واحدة شلاقة سااااااااااي بنط ومعاي مجموعة معروفة كل برنامج نفس الوجوه
اها قلنا البنات بكونو زهجو مننا نغير شوية بقينا نكتب مقدمات بدون مواضيع ونهجم اي واحدة في الصف انشالله تطلع المسرح وتنزل ماعندنا شغلة
من حفر حفرة لاخية وقع فيها

يوم جيت متاخرة علي غير العادة قلت ادخل الطابور واقيف نطنش البرنامج
اها وقفت ونفسي قايم قامت واحدة من المقدمات قالت اسمي ع الافتتاحية القران
صاقعة وقعت فيني (اول مرة حسيت ب الي عملناه في البنات)
بكل ثقة اختكم اتوجهت علي المسرح وداك يالصوت العالي

(بسم الله الرحمن الرحيم تبت يدا ابي لهب وتب )





وقدر ماتشهدت واستغفرت




باقي السورة ابى يجني
قريت سورة الكوثر

بس اتغيظت غيظة وحرمت تاني مااهجم لي واحدة
تووووووووووووووووووووووووووووووبة

[ود المطامير]

مره كنت ماشى فى الشارع ومعاى أصحابى
وفى الطريق شُفت كرتونه وعملت فيها قاقرين
وشُتها والله إسبوعين وأنا بمشى بالعكاز
أتاريها الكرتونه كان فيها طرف كمره

[بنت الرفاعي]

ودالمطامير الشلاقة ماخليته بعد داك؟

[شبارقة]

يا مرام انتي ما عارفة ساكت ..

دا لمن ولدوهو عض الداية في يدها ...

[alewedaby]

الحياة مليانة مواقف الكلام دا حصل زمان في المنشية طبعا السفارة الصينية هناك فأنا طالع من بيتنا لقيت واحد صيني اللستك بيتاعو نازل تعبان قاعد يعفرت فيه فقلتا اساعدو فقلتا ليهو
( me i help you) فقال لي اللستك مرق روحي بالدارجي فقلتا ليه كان كدة الله معاك و قعدت اضحك ساعة سبحان الله

[بت الشبارقه]

الدخول في بوستاتكم ممتع يا شبارقه وود المطامير
عندي مواقف كتيره النحكي ليكم واحد منها
اول ما جينا ماليزيا كنا متمنجهين وعاملين فيها ابو العريف , ماكان عندنا لبن ولا سكر ولا ملح وكمان بسكويت.
عزمنا جيرانا شاي مغرب وتحت البيت في بقاله نزلنا انا وابو البنات قلنا نشتري الحاجات دي اظرف حاجه انو الحاجات بتتكتب بالمالي(اللغه الماليزيه)او الصيني ونحن يادوب بنلكلك في الانجليزي ,ما اطول عليكم قمنا اتقسمنا الحاجات زوجي يجيب البسكويت والسكر وانا اجيب اللبن والملح
انا جبت العلي وزوجي جاب العليه حاسب وشلناهن وطلعنا اول ما وصلنا البيت بديت افتح في الحاجات , بسم الله اللبن لقيتو milo قعدت اضحك وجا زوجي عرف الحاصل وبقى يضحك كمان وقلنا ما مشكله نعمل كاكاو بدل الشاي , فتحت البسكويت ولا زال الضحك قائم مالبسكويت طلع مملح وبالجبنه(ياحليل كبتن ماجد المكرهننا بيه المسلسلات) المهم قال زوجي امشي يلحق اجيب واحد تاني وهو جمب الباب قلت لي كدي استنا النشوف السكر ما يطلع ما سكر..........اتخيلو السكر طلع شنو؟
طلع ملح الصينيين وهو عباره عن ملح بالسكر وطعمو مغزز جدا

[meshanshow]

مره عاوز امرق ركبت المواصلات و معاي صاحبي و بعد نزلنا السوق قالت و اصريت الا ادفع و فتشت الجزلان اصلو ما لقيتو كنت نسيتو في البيت و كويس انو صاحبي دفع في النهايه

[ود المطامير]

مره انا وصاحبى جينا ماشين بالزقاقات بالليل
وشفت كديس أسود فى الحيطه ومشيت من أول الحيطه وصاحبى يأشر لى لحدما
وصلت مكان الكديس وضربته بالعكاز وبعد شويه السكلى ضرب
أتارى الكنت فاكرو كديس كان دا راس سميه ظاهر بفوق الحوش وهى
منتظره جارتها تجيب ليها ليمونه

[مختار بازى]

كما عهدناك دوما تاتي بالجديد ولكم موقفي مع كثرتها بس اختار ليكم واحداول يوم اصل فيهو القاهرة يرسلوني المطعم جيب وجيب وجيب المهم نزلتة المطعم كان قريب وقفتة قدام بتاع المطعم اديني واديني عمك ما فاهم اي شي في كلامي نادي ليهو واحهنا بقولوا يا فلاحد تاني برضو الحال في حالو الناس اتلمت عشان تقرب الوجهة بيني وبين الراجل كانك ما غزيت يابو زيد جا واحد سوداني ماري بالطريق نادوهو اخوكم عمل فيها خواجة ابيت اتكلم عربي خوفا من الراجل بعدين يلاقيني يقول لي يا اربعة

BAAZI