المساعد الشخصي الرقمي

مشاهدة النسخة كاملة : والله اتلومتو..........


المكاشفى
03-02-2007, 08:46 AM
ياحلوين مشتاقين ياكعبيييييييين
اول يوم انزل الشغل بعد اجازه الزواج
يعنى انا عرست ودعيت الناس عبر المنتدي
مافي زول عبرنى ولا بالتلفون إلا خالد ود الصول
تلفونيا ويا التيمان ماقلتو بنجى وله الحاصل شنو
وثم ثانيا ولا بوست بتاع تهنئة ساكت تخسروه فينى
ع العموم معليش وما حصل خير
وشكرا لأسره اداره المنتدي اولا وللأعضاء ثانيا
بورتبيل
03-02-2007, 09:34 AM
اتذكر يا مكاشفي ... عليك الله اتذكر انا ما باركتا ليك انتا والمدام لما كنتو في مدني .. وتحديدا في عووضة .... اتذكر ... وكان ما اتذكرتا ..
انا بقول ليك الف الف الف الف مبروك ... وتحياتي لكل ناس ام مليحة .... ولا تنسى ان تتذكرني يا مكاشفي..... مع الود
مدنيّة
04-02-2007, 03:17 AM
لالالالا يالمكاشفي ياخوي دا كلام شنو دا ؟؟ انا شخصيا والله ماعارفة مواعيد زواجك لانه علي الاقل كان زي ماقلت نزلنا ليك بوست للتهنيئة وماتزعل مننا انت عارف مشغوليات الناس وكدا وعموما مبارك عليك يارب وربنا يسعدكم
سوار الياسمين
04-02-2007, 04:31 AM
والله مقصرين يا المكاشفي

لاكن الله العالم في سماه انا ما كان عندي خبر:(

وسامحنا فيها المرة ده

والمرة الجاية انشاء الله بنقوم معاك بالواجب

( خرابة بيوت صحة :D )

لالالا بهظر والله

والف مبروك وربنا يديم عليكم السعادة يا رب
zoolfrda
04-02-2007, 06:10 AM
الف الف الف الف مبروك يا المكاشفي

وربنا يديم عليكم السعادة يا رب

وتحياتي لكل ناس ام مليحة
http://www.asmilies.com/smiliespic/FAWASEL/bloem_03.gif (http://www.asmilies.com)
http://www.asmilies.com/smiliespic/FAWASEL/056.gif (http://www.asmilies.com)
http://www.asmilies.com/smiliespic/People/010.gif (http://www.asmilies.com)
الفارس البنفسجي
04-02-2007, 07:15 AM
الف مبروك يا المكاشفي والمسامح كريم والناس دي ما عارفه
المكاشفى
04-02-2007, 11:36 AM
ياربي اكون بوست الدعوة ده انا نزلتو فى منتدى
تانى وله شنو .. على العموم مافى عوجه واللوم بجى بالغفلات
وياسوار المدام ماتسمعك
وشكرا ليكم ع المرور
المكاشفى
04-02-2007, 11:42 AM
يابورتبيل حقيقه قابلتنى وباركت لى
متمثلا فى اشخاص ناس بورتبيل الكانوا
حاضرين . تحياتي لى ناس بورتبيل وخصوصا
اخونا عبد المنطلب (طلب).
ومشششششششششكور
RUDWAN
05-02-2007, 03:07 AM
فرحان بالعرس يا اخونا طول بالك بكرة الريد بدون مواعيد يزورك ياحياة عمرى وبعد كده تعال ولوم الناس0
المكاشفى
05-02-2007, 01:06 PM
يارضوان إمكن وقعتك سوده
انا موش لو زارنى الريد
لوزارنى............
برضو مانى قنعان ولابندم يوم
على العرس ربنا يفك ضيقتك
ويفرج عليك ويعدل حالك
RUDWAN
05-02-2007, 07:40 PM
منو قال ليك وقعتى سوده يا مكاشفى انا عكس كده تماما ممكن تقول اكثر واحد مبسوط بالزواج لكن انا بقصد مترتبات ذلك يعنى الزواج وماتفهم غلط تانى مابقصد المعيشة والمصاريف بقصد تجهيزك انت كرب اسرة عارف يعنى شنو دى حياة تانى ومتطلباتها ما اى واحد بعرفها0 فهمتنى ولا اشرح ليك زيادة0
بورتبيل
06-02-2007, 05:16 AM
يابورتبيل حقيقه قابلتنى وباركت لى
متمثلا فى اشخاص ناس بورتبيل الكانوا
حاضرين . تحياتي لى ناس بورتبيل وخصوصا
اخونا عبد المنطلب (طلب).
ومشششششششششكور

مكاشفي العريس.... ما قلتا ليك انو انا باركتا ليك ................ عشان تصدق ... (بس عبد المطلب منو)
هل هو عبد المطلب يوسف.....
ام عبد المطلب محمد ابراهيم...
الاول متزوج - ام الثاني غير متزوج
الاول لونو - اخضراني - ام الثاني - لونو اسمراني .... منو فيهم

على فكرة انا حضرتا زواج (حامد) و(اسراء احمد فع الله) .... وكلكم الف مبروك عليكم
المكاشفى
06-02-2007, 11:25 AM
منو قال ليك وقعتى سوده يا مكاشفى انا عكس كده تماما ممكن تقول اكثر واحد مبسوط بالزواج لكن انا بقصد مترتبات ذلك يعنى الزواج وماتفهم غلط تانى مابقصد المعيشة والمصاريف بقصد تجهيزك انت كرب اسرة عارف يعنى شنو دى حياة تانى ومتطلباتها ما اى واحد بعرفها0 فهمتنى ولا اشرح ليك زيادة0

يارضوان حصل خير وربنا يقدرنا على الحياة الجديدة لاكن فكرك الواحد لو ماحاسبها صاح بتورط ومششششششششششكور ع المشاركة:D ;) :D
المكاشفى
06-02-2007, 11:38 AM
مكاشفي العريس.... ما قلتا ليك انو انا باركتا ليك ................ عشان تصدق ... (بس عبد المطلب منو)
هل هو عبد المطلب يوسف.....
ام عبد المطلب محمد ابراهيم...
الاول متزوج - ام الثاني غير متزوج
الاول لونو - اخضراني - ام الثاني - لونو اسمراني .... منو فيهم

على فكرة انا حضرتا زواج (حامد) و(اسراء احمد فع الله) .... وكلكم الف مبروك عليكم

ياحبيبنا بورتبيل نحن نسايب التواصل بيننا شئ ثابت وحامد صديقى وزميل دراستى انا لم استطيع حضور زواجه لظروف العمل .وطلب يوسف امتحنا سويا من الشرفه بركات .ولك ودي
RUDWAN
06-02-2007, 07:32 PM
عزيزى مكاشفى تحياتى والف مبروووووووك وربنا يسعدك ويرزقك الزرية الصالحة وانا ماعندى شك انك حاسبها صااااااح 100 % طال ما انك اقدمت عليها وبينى وبينك انا بنصح كل الشباب انه الواحد يفكر فى موضوع الزواج ده عشان نحل مشكلة الكثير من الناس المترددين ونصيحة ثانية الزواج شر لابد منه احسن الليلة قبل بكرة عشان الليلة احسن من بكرة0 وربنا يتمم الفيه خير0 فائق تقديرى واحترامى للكل0
RUDWAN
06-02-2007, 07:34 PM
بعدين يامكاشفى انا بعرف الشرفة البحر والشرفة الفوق وين الشرفة بركات دى فى الشرق برضو
المكاشفى
08-02-2007, 10:27 AM
مشكوووووووور حبيبنا رضوان وربنا يقدر الشباب ع الزواج ...اما عن الشرفه فهن ثلاثه شرفات البحر والفوق وبركات وبركات هى اكبر الشرفات وتعد شبه مدينه وتقع شمال الشرفه البحر مباشرةوجنوب الرفاعيين ودلوت البحر
RUDWAN
09-02-2007, 07:25 PM
سلام اخى مكاشفى انا لي بسالك لانه انا من حليوة لو سمعت بيها واهلنا فى الشرفة البحر لوبتعرفهم ناس الشريف عبدالله والشريف عبدالرحمن وخالد وبرضو الشرفة التانية عندنا اهلنا انا ناس اشريفية اسماء على0
تسنيم خالد
10-02-2007, 08:07 AM
المكاشفي الف مبروك يا عريس

وانا عن نفسي ماعارفة والله

وتقبل اعتذار الجميع


دمت
hamad2
10-02-2007, 09:17 AM
اديوم
الف مبروك ياالمكاشفي وانشاء بيت مال وعيال
وانا عن نفسي ماعارف والله لانو انقطعت فتره بسبب الامتحانات ومافي زول هببو لي
المكاشفى
10-02-2007, 06:39 PM
ياتسنيم وحمدتو مشكورووووووون ونقول
عقبالكم
ويارضوان انا ما من الشرفه بس امتحنت من
الشرفه انا من ام مليحه طابت.
بورتبيل
11-02-2007, 10:16 AM
اها يا مكاشفي ... قلتا ليا حامد وصل السعودية ولا لسع قاعد في العسل .... بالله لو عندك موبايلو في السعودية رسلو ليا .... وتسلم يا ابو النسب ( بس النسب في منو !!!)
وتسلم يا غالي
المكاشفى
13-02-2007, 01:14 AM
يابورتبيل ياخى بنتنا ليلى بنت احمد متزوجها ابراهيم
برضو ح تقولى ابراهيم منو اقول ليك اخوه عمر وولدة عمر
كانو عندكم ورحلو عندنا وله كيف....
بورتبيل
14-02-2007, 04:56 AM
ولله يا مكاشفي ما عرفتهم ... طيب عمر دا اسم ابوه منو.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المكاشفى
14-02-2007, 05:26 AM
يا مدس بسأل ليك وبرجع ليك
بورتبيل
14-02-2007, 10:19 PM
يعنى انا بالرغم من اني زول زعيم بلد وعمدة ... بس ما عرفتا الجماعة ديل منو
عليك الله يا مكاشفي وريني ليهم
المكاشفى
15-02-2007, 05:38 AM
يابورتبيل ابراهيم الصديق واخوانه عمر الصديق وعكاشه الصديق
عرفتهم يامدثر وله اجيب ليك اسم امهم وتقريبا عندهم علاقه بالجزاره مامتأكد
همسة شوق
17-02-2007, 02:48 PM
زفاف عاشقين بعد فرقة وسط باغات دعاء الطيبين
الف الف مبروك الزواج وانشاءالله بيت مال وعيال وعقبال البكارى
Jamal Elmahi
26-02-2007, 05:45 AM
المكاشفي العريس
تهانينا وألف مبروك وبيت مال وعيال وربنا يسعدكم ويهنيكم ويرزقكم الزريّه الصالحه..
إتا والعروسه والاهل معزومين معانا لعرس أخوي في الجنيد الحلّه ...برجاكم في بنطون رفاعه...وحق البرينسه لغاية الجنيد مدفوع...
ود الماحي
zukibush
27-02-2007, 07:15 AM
اخونا المكاشفي
ألف ألف مبروك ربيت مال وعيال انشاء وربنا يرزقك بالذرية الصالحة يارب
ألف الف الف الف مبروك
المكاشفى
06-03-2007, 08:52 AM
مشكككورووون ياشباب ع المرور وعقبالكم وياود الماحى العرس متين والله لو وقت مناسب معاى بجيك بس كعب اكون نزلت الشغل انا فى إجازه اسى
عوض صقير
14-03-2007, 02:11 AM
أخونا المكاشفى

ألف مبروك وربنا يجعله زواج مبارك

عقبال العزابة
المكاشفى
01-04-2007, 05:26 PM
آميييييييييييييييييييييييييين
ياصقير...................