هل تحضر زواج من كنت تحب

[شبرقية]

حبيبتك




خطيبتك


سابقا





حتتزوج





خطيبك






حبيبك




سابقا



حيتزوج






جاكم كرت دعوة لحضور العرس








بتمش او لا والسبب

[مدنيّة]

والله كل حاجة قسمة ونصيب
عشان كدا بمشي عاااااااااااااااااااااااااادي

[المسافر]

بصراحة بتمنى ليها كل خير بس ما بمشي
يعني عشان يضحكوا فيني ويقولوا علي
( داك الجكس القديم بتاع العروس المفور )

ودمتي

[مدنيّة]

بصراحة بتمنى ليها كل خير بس ما بمشي
يعني عشان يضحكوا فيني ويقولوا علي
( داك الجكس القديم بتاع العروس المفور )

ودمتي


هههههههههههههه
والله يالمسافر ضحكتني بالمفور دي كيف بس معناها شنو عليك الله يعني زول فاير ولا شنو ؟؟ :confused:

[سوار الياسمين]

هههههههههههههه

مفور ده شنو كمان يا المسافر

والله انا بمشي عادي ولا كأنو حصل حاجة

والحكاية في النهاية قسمة ونصيب

[نزار حسن محمد]

كدى انت اسال الكتب اغنيه فى الليله ديك ...ولا الكتب اغنية يوم فى يوم غريب ولا انتظر اخونا سواااح ستجد عنده الاجابه الشافيه

[ابورجاء]

اختنا شبرقية تومة شبارقة
والله يا اختي اكتر من عادي امشي وبي
قلب قوي زي الترتيب واسكسك كمان لحدي
ما اقع علي قدومي وبعد داك لمن تجي من شهر
العسل اعمل ليها حفلة كاربة وربة صاح وتمام
يا عوض دكام ..
وما كلام جرايد والا افلام عربية حصل معاي
شخصيا وهججت لمن قلت بس عادي كل شئ
قسمة ونصيب واحلى نصيب كان نصيبي مع
الغالية ام الغالية ....
ودوما في رعاية الله وحفظه...
مع كل الود باقة ورد....

[شبرقية]

الله يسعدك بالغالية وام الغالية
وهون علي اخونا المفورين
بس ماعرفت معناها شنو يالمسافر

[شبرقية]

الله يسعدك بالغالية وام الغالية
وهون علي اخونا المفورين
بس ماعرفت معناها شنو يالمسافر

[مدنيّة]

اختنا شبرقية تومة شبارقة
والله يا اختي اكتر من عادي امشي وبي
قلب قوي زي الترتيب واسكسك كمان لحدي
ما اقع علي قدومي وبعد داك لمن تجي من شهر
العسل اعمل ليها حفلة كاربة وربة صاح وتمام
يا عوض دكام ..
وما كلام جرايد والا افلام عربية حصل معاي
شخصيا وهججت لمن قلت بس عادي كل شئ
قسمة ونصيب واحلى نصيب كان نصيبي مع
الغالية ام الغالية ....
ودوما في رعاية الله وحفظه...
مع كل الود باقة ورد....


والله يا ابورجاء ضحكتني ضحك
ياخ الكلام اللي عملته دا ماعادي وكان اخيرليك ماتمشي وتعمل زي المسافر اخوي دا
لانه كدا بيقولوا عليك الغيظ قتلك ادددددددديل كدا ومغبي وما واعي باللي بتعمل فيه دا :D

[بنت الرفاعي]

عادي وكأنماحصل شي وزي ماقالوا كل شي قسمة ونصيب.
ماقلتي لينا انتي حتعملي شنو؟؟؟؟؟

[مزوني]

والله يا شبرقيه انتي او انت ما وريتنا او وريتينا الحصل عليك شنو ؟؟

وبعدين انا كان حصلي الموقف ده ومشيت عادي جدا جدا

واشتغلت كمان في الصيوان والعضه و ..... الخ

وزي ما قال أبو رجاء انا زاتي رقصت ولا كأنو عرس أختي:D :D

لأنو دي قناعه في النهايه صح ,, والقناعه كنز لا يفنى ولا كيييييييييييييييييف !.؟.؟.!

ويا ناس الشهاده العربيه يا الماعرفين الفوره عوووووووووووووووووووووووووووك

في شنو !.؟.!!.؟.!

مش قالوا المفارق عينو قويه !.؟.!!.؟
اتمنى ليكم الفوره عشان تعرفوها ههههههههههههههههههههه

وبعد اذنك المسافر أخوي

على أي حال هي كلمه متفرعه من شجرة الشاكوش

وتؤدي لي نفس المعنى ولكن بي مصطلح تاني هههههههههههههههه

اها ما حتسمعوني كلمة " آميييييييييييييييييييين " ..!!

انا منتظر:p

[Madanawi]

طالما جاتني الدعوة ما في شئ بيمنعني من الواجب. يا شباب الناس بتمشي ضهب سااااااااااااااااااكت.

[ابورجاء]

والله يا ابورجاء ضحكتني ضحك
ياخ الكلام اللي عملته دا ماعادي وكان اخيرليك ماتمشي وتعمل زي المسافر اخوي دا
لانه كدا بيقولوا عليك الغيظ قتلك ادددددددديل كدا ومغبي وما واعي باللي بتعمل فيه دا :D



الغالية عمتي مدنية الطيبة
والله يا عمتي اصحابي قالو علي اليوم داك
ضارب شئ لكن عليك امان الله اليوم داك
والله شاي ما شربتو ولي كان تلاته ايام ما
اكلته قبل العقد يعني واعي واحمد الله بس
انا فكرت يعني شنو ما خلاص الفاس وقعت
في الراس ما حقدر اغير شئ عشان كده قلت
اغير جو واهيص مع الجماعة وكده عادي
لكن اقول ليك حاجه العروس قامت جاريه
ودخلت الاوضه وابت تمرق لحدي ما وقفوا
الحفله واتفرتقت وبعد ده انا قاعد ابيت امشي
قلت الا ابارك ليها لكن اصحابي ما خلوني
جرجروني ومرقوني بره وشالوني شيل عليك
امان الله تصدقي...
ودوما في رعاية الله وحفظه...
مع كل الود باقة ورد....

[تسنيم خالد]

طبعا بجي العرس عاااااااااااااااادي زي المافي شئ

زي كانو الموضوع ما بمسني لا من قريب ولا من بعيد

والفاتك فوتو



دمتم

[ابودجانه العباس]

عااااااااااااااااااااااااااااااااااااااااااااااااا اااااادي
حرم كمان اجيب معاي فردتي الجديدة وأقول ليها
عليك الله شوفي جنس الدقسه الدقسه الراجل دا
غيتو الجاتو في مالو سامحتو وبعد داك أمسك يدها واقول ليها
الحمدلله الخارجني منها ووقعني في واحدة زيك,,,




ملاحظه:(دي زاته لو عرسوها بعمل ليها كدا)..هههههههههههه

[الفارس البنفسجي]

بوقف العرس بأي طريقة ......... لازم افرتق العرسة دي يعني لازم افرتقها

[شبرقية]

تفرتقها لشنو يالفارس البنفسجي زي ماقلو اخوانا الفاتك فوتو
وفي الاخير هي قسمة ونصيب
انا بحضر عااااااااااااااااااااادي دا لو دقس وخلاني
والبيبيعنا بنرمية لانو مايستاهل اتباع........اشوف واحدة تانية وانا اقعد ابقي عليه والله ياهو الفضل

[سوار الياسمين]

الغالية عمتي مدنية الطيبة
والله يا عمتي اصحابي قالو علي اليوم داك
ضارب شئ لكن عليك امان الله اليوم داك
والله شاي ما شربتو ولي كان تلاته ايام ما
اكلته قبل العقد يعني واعي واحمد الله بس
انا فكرت يعني شنو ما خلاص الفاس وقعت
في الراس ما حقدر اغير شئ عشان كده قلت
اغير جو واهيص مع الجماعة وكده عادي
لكن اقول ليك حاجه العروس قامت جاريه
ودخلت الاوضه وابت تمرق لحدي ما وقفوا
الحفله واتفرتقت وبعد ده انا قاعد ابيت امشي
قلت الا ابارك ليها لكن اصحابي ما خلوني
جرجروني ومرقوني بره وشالوني شيل عليك
امان الله تصدقي...
ودوما في رعاية الله وحفظه...
مع كل الود باقة ورد....

ابو رجاء

عمايلك ده كلها وكيف بقت عادي ؟!!!!!!!

يا خوي انت كنت ممغوس مغسة تقيلة

وانت زي شكلك انا لما اكون ممغوسة من زول بعمل ليهو احسن حاجة وبإخلاص يدو عليهو شهادة كمان ( المغسة كعبة الله يعلم )

[المسافر]

الله يسعدك بالغالية وام الغالية
وهون علي اخونا المفورين
بس ماعرفت معناها شنو يالمسافر


كلمة مفور دي بستعملوها بتاعين البناشر عندما يغيرو رقعة لستك بأخرى بقولوا ( فور الرقعة )


وبعدين أي واحد قال بمشي العرس ده أكيد ما بعرف
حاجة اسمها حب ومشاعر !!!!! مع خالــــــــــص
الإعتذار

ودمتي

[nahla abass]

بكل تأكيد نــــــــــــــــعــــــــــــــــم
لانو الحصل دا فى النهايه حاجة مقدرة ومكتوبة ولا إعتراض على حكم القدر
والزول لو بحب بالجد بتمنى للآخر السعادة حتى لو كان مصيرهم الفراق عشان كدة حأمشى وأشارك معاهم فرحتهم حتى لو كان فى القلب جراح

[zoolfrda]

غايتو ما بمشي ولا لالالالا بقرب ساااااي

إنتو ناسين إنو في بني آدم حيكون قااعد في الكوشه جنب العروس

آها المسكين ده ذنبو شنو نبوظ عليهو ليلة عمرو

[ابورجاء]

ابو رجاء

عمايلك ده كلها وكيف بقت عادي ؟!!!!!!!

يا خوي انت كنت ممغوس مغسة تقيلة

وانت زي شكلك انا لما اكون ممغوسة من زول بعمل ليهو احسن حاجة وبإخلاص يدو عليهو شهادة كمان ( المغسة كعبة الله يعلم )
الغالية بنيتي سوار الياسمين الحنينة
والله يا بتي ما ممغوص ولا شئ الا لكن اعمل
شنو يعني اشنق نفسي والا اشرب صبغة والا
اطلع في راس الاوضه واقع على رقبتي اكسرها
ما خلاص الحصل حصل عشان كده ما اخليها تحس
بالندم عشان خلتني بعدين والله هي ما خلتني بس اهلها
غصبوها وقالو ليها والله الممعوط ده كان يكون اخر رجال
في الدنيا ما يعرسك الممعوط طبعا انا كنت زي بتاعين المجاعة
لو جا هوا شديد الى يختو قدامي شوك عشان اتعلق فيهو ما اطير
كيس نايلون بس المهم قلت يا ولد حرام عليك تحسسها بالذنب امشي
عادي ولا يهمك هي في الاخر يا ام اتبسطت وعدى الموضوع عادي
يا ام اتجلدته وخارجوك وواصلو الموضوع يعني في كل الاحوال ما
خسران شئ واخوكم يعجبكم في الحته دي شكية شكة عريس ومشيت
لكن طبعا وريتكم الحصل شنو....
ودوما في رعاية الله وحفظه..
مع كل الود باقة ورد....

[ابورجاء]

وبعدين أي واحد قال بمشي العرس ده أكيد ما بعرف
حاجة اسمها حب ومشاعر !!!!! مع خالــــــــــص
الإعتذار

ودمتي

الغالي حبيب قساي ونور عماي وفردة قلبي اليمين
والله يا حبيب قساي ات ماك عارف شئ لانك ما جربته
بعدين يا حبيبي ونور عيوني الحب اساسو التضحية
اهم شئ في الحب التضحية يعني سيدنا ابراهيم لمن
ربنا طلب منو يضبح ولدوا كان بيكرهوا طبعا لا لكن
حبو لله كان اقوى عشان كده ربنا بدل الذبيح بالكبش
حبا لمن احبه يعني الضحية اهااكتر من كده في شئ....
بعدين زي ما قلت مافي شئ في يدك تسويهو فاحسن
شئ انك تتظاهر بالقبول وتخليها تعدي عشان الدنيا
ما بتقيف في حته واحده كده يا الحبيب اكون ما قصرت
معاك والله بالجد كلامك ما بيزعل ولا شئ بس شلاقة
من زي صاداك عرفتو اها خليتك عافية وتعال لي بي
هناك احكي ليك القصة من طقطق للسلامو عليكم
اس اس السلام عليكم ....
ودوما في رعاية الله وحفظه..
مع كل الود باقة ورد...

[mohamedchina]

حبيبتك




خطيبتك


سابقا





حتتزوج





خطيبك






حبيبك




سابقا



حيتزوج






جاكم كرت دعوة لحضور العرس








بتمش او لا والسبب

بمشــــــــــــى طبعا

[عماد عبدالشكور]

في الليلة ديك لا هان علي ارضى واسامحك ولا هان علي اعتب عليك
واهلنا الشوايقة (طبعا بكايين) قالوا انا جيت امد ايدي البترجف لايادي ملانة حني
انا شخصيا مشيت وحضرت وحالتي كانت حالة بس الكلام دا سر بيني وبينكم

[Madanawi]

اقول ليك حاجه العروس قامت جاريه
ودخلت الاوضه وابت تمرق لحدي ما وقفوا
الحفله واتفرتقت وبعد ده انا قاعد ابيت امشي
قلت الا ابارك ليها لكن اصحابي ما خلوني
جرجروني ومرقوني بره وشالوني شيل عليك
امان الله تصدقي...
ودوما في رعاية الله وحفظه...
مع كل الود باقة ورد....

والله يا ابو رجاء عمليتك دي ما عملية اولاد عرب بالجد يعني. تفرتف الحفلة دي مغسة شديدة خلاس!!!

لكن يا مان انا بقول ليك حاجة أو كما قال صلى الله عليه وسلم:

عش ما شئت فانك ميت. وأفعل ما شئت فانك مجازى به ، وأحبب من شئت فانك مفارقه.

[أبنوس]

والله بمشى لأنوا كل حاجة انتهت وعلشان اثبت لنفسى قبل الناس الحاجة دى وبعدين الألم علاج ولا كيف؟؟

[عماد عبدالشكور]

والله بمشى لأنوا كل حاجة انتهت وعلشان اثبت لنفسى قبل الناس الحاجة دى وبعدين الألم علاج ولا كيف؟؟
الواحد يمشي ما فيها مشكلة دي ساهلة المشكلة انو حالتك حا تكون كيف ؟

[Madanawi]

في الليلة ديك لا هان علي ارضى واسامحك ولا هان علي اعتب عليك
واهلنا الشوايقة (طبعا بكايين) قالوا انا جيت امد ايدي البترجف لايادي ملانة حني
انا شخصيا مشيت وحضرت وحالتي كانت حالة بس الكلام دا سر بيني وبينكم

ههههههههههههههههههههههههههه

والله يا عمدة دي سغرت نفس منك ساااااكت!!!!!!!!!!!!!!!!!!!!!!!!!!!!!!!!!!

[ابورجاء]

والله يا ابو رجاء عمليتك دي ما عملية اولاد عرب بالجد يعني. تفرتف الحفلة دي مغسة شديدة خلاس!!!

لكن يا مان انا بقول ليك حاجة أو كما قال صلى الله عليه وسلم:

عش ما شئت فانك ميت. وأفعل ما شئت فانك مجازى به ، وأحبب من شئت فانك مفارقه.
الغالي حبيب قساي والهارد حشاي واااااااي منك انا واااااااي
عليك امان الله يا مدناوي ما فرتقتها انا لكن العروس عامله
خجلانه مني وقامت جاريه انا اعمل شنو يعني كنت اجي بطاقية الاخفاء
بعدين هي زاتو كانت الساعة 11 الا ربع يعني لوما فرتقتها انا كان فرتقوها
نا ابو عشة يعني ما عندي ذنب ووفرت ليهم وقت يعني بعدين ما قلنا شئ
كلو قسمه ونصيب يعني انا غلطان عشان مشيت اشارك الفرح ما زي فرحي
يعني عادي والله عادي يا مدناوي بعدين ورينا ات عملت شنو ما سامع لا في
اضاني لا هنا في البوست ده تقول اي عايزن نسمع ....
ودوما في رعاية الله وحفظه...
مع كل الود باقة ورد......

[عماد عبدالشكور]

ههههههههههههههههههههههههههه

والله يا عمدة دي سغرت نفس منك ساااااكت!!!!!!!!!!!!!!!!!!!!!!!!!!!!!!!!!!
حبيبنا مدناوي والله ماسغرت نفس ولا حاجة بس كنت مجبور امشي بحكم القرابة وكدا وبعدين ما تحكها معاي شديد كدا قفل على الموضوع عشان ما يجيب هوا

[ruby]

ههههههههههههههههههه
الموضوع دا مالو جاء في مواعيدو شديد كدا
انا فعلا كنت مخطوبه لمدة 3شهور وعرس طليقي بعد 4شهور
وبحضر في ملابس ولوازم الحفلات

[عماد عبدالشكور]

ههههههههههههههههههه
الموضوع دا مالو جاء في مواعيدو شديد كدا
انا فعلا كنت مخطوبه لمدة 3شهور وعرس طليقي بعد 4شهور
وبحضر في ملابس ولوازم الحفلات
يا جامدة
طبعا جهزتي نضارة سوداء مع اللوازم
هههههههههههههههه

[شبندر]

تتعدد الأسباب والشاكوش واحد بالنسبة للأثنين
طبعاً الخلى الموضوع ينتهي ويجي يعرسها واحد تاني هو البحدد امشي ولا ما امشي
وزمان كان في سبب تحت خلاني امشي لأنها حسب تقيمي مجنونه وقالت لو ما جيت بتخلي الحفلة وبتجيني و مشيت واحتكم لقيتها في نص الدائره وعرقها ينقطط

[بورتبيل]

ما طالباني حليفة ... يا شبارقية
ولله العظيم انا مشيت بالفعل................... وكمان قابلتا العروس .... واتونسنا ..... ومازلنا اصدقاء!!!!

[شبارقة]

أحضر الحفلة واعرض صقرية ،، والكلب ينبح والجمل ماشي ..
بس بعدها حأعيط ..

[Madanawi]

الغالي حبيب قساي والهارد حشاي واااااااي منك انا واااااااي
عليك امان الله يا مدناوي ما فرتقتها انا لكن العروس عامله
خجلانه مني وقامت جاريه انا اعمل شنو يعني كنت اجي بطاقية الاخفاء
بعدين هي زاتو كانت الساعة 11 الا ربع يعني لوما فرتقتها انا كان فرتقوها
نا ابو عشة يعني ما عندي ذنب ووفرت ليهم وقت يعني بعدين ما قلنا شئ
كلو قسمه ونصيب يعني انا غلطان عشان مشيت اشارك الفرح ما زي فرحي
يعني عادي والله عادي يا مدناوي بعدين ورينا ات عملت شنو ما سامع لا في
اضاني لا هنا في البوست ده تقول اي عايزن نسمع ....
ودوما في رعاية الله وحفظه...
مع كل الود باقة ورد......


والله يا ايو رجاء آخوي انا جنس المواقف دي ما مرت بي بصراحة لكن عندي واحد صحبي دفعتي في الجامعه وكان بحب ليهو واحدة زميلتنا كل حاجة تمام التمام ، اها اخونا دا يوم جاني وشو احمر زي الطماطماية الضاربنها بي حق البنات البقولولو الروج. قتلو ها زول خبارك احمر زي قلم البك؟ قال لي يا معلم ........... ابوها اداها لي ود عمها ونحن معزومين للختوبة والشبكة في النادي النوبي يوم الخميس. وحاتك الدفعة كلها مشت وصاحبي زاتو معاهم الا انا كان عقد ود خالتي في امدرمان وقلت للشباب وصلوا التباريك للعرسان . بعد داك آصاحبي جينا يوم السبت الجامعة والقى ليك الناس كلها من الصباح مادة بوزها ، الحاصل شنو آجنيات ؟ قالو والله الزولة دي ما لقيناها ولا هي ولا عريسها ولا المعازيم زاتم ، كل الحضور ناس دفعتنا الغبيانين ديل بس. وحاتك آخوي ابو رجاء لمن كمل الاسبوع وهي جات الكلية حتى فهمنا انها دي كانت كذبة أبريل !!!!!!!!!!!!!!!!!!!!!

قتلها آبت هوي كذبة ابريل انشاء الله تخشي في برميل ما تمرقي منه علا في زنبيل ، قولوا آمين آناس.

[عماد عبدالشكور]

والله يا ايو رجاء آخوي انا جنس المواقف دي ما مرت بي بصراحة لكن عندي واحد صحبي دفعتي في الجامعه وكان بحب ليهو واحدة زميلتنا كل حاجة تمام التمام ، اها اخونا دا يوم جاني وشو احمر زي الطماطماية الضاربنها بي حق البنات البقولولو الروج. قتلو ها زول خبارك احمر زي قلم البك؟ قال لي يا معلم ........... ابوها اداها لي ود عمها ونحن معزومين للختوبة والشبكة في النادي النوبي يوم الخميس. وحاتك الدفعة كلها مشت وصاحبي زاتو معاهم الا انا كان عقد ود خالتي في امدرمان وقلت للشباب وصلوا التباريك للعرسان . بعد داك آصاحبي جينا يوم السبت الجامعة والقى ليك الناس كلها من الصباح مادة بوزها ، الحاصل شنو آجنيات ؟ قالو والله الزولة دي ما لقيناها ولا هي ولا عريسها ولا المعازيم زاتم ، كل الحضور ناس دفعتنا الغبيانين ديل بس. وحاتك آخوي ابو رجاء لمن كمل الاسبوع وهي جات الكلية حتى فهمنا انها دي كانت كذبة أبريل !!!!!!!!!!!!!!!!!!!!!

قتلها آبت هوي كذبة ابريل انشاء الله تخشي في برميل ما تمرقي منه علا في زنبيل ، قولوا آمين آناس.

برضو تقول لي صاحبك

[ابورجاء]

والله يا ايو رجاء آخوي انا جنس المواقف دي ما مرت بي بصراحة لكن عندي واحد صحبي دفعتي في الجامعه وكان بحب ليهو واحدة زميلتنا كل حاجة تمام التمام ، اها اخونا دا يوم جاني وشو احمر زي الطماطماية الضاربنها بي حق البنات البقولولو الروج. قتلو ها زول خبارك احمر زي قلم البك؟ قال لي يا معلم ........... ابوها اداها لي ود عمها ونحن معزومين للختوبة والشبكة في النادي النوبي يوم الخميس. وحاتك الدفعة كلها مشت وصاحبي زاتو معاهم الا انا كان عقد ود خالتي في امدرمان وقلت للشباب وصلوا التباريك للعرسان . بعد داك آصاحبي جينا يوم السبت الجامعة والقى ليك الناس كلها من الصباح مادة بوزها ، الحاصل شنو آجنيات ؟ قالو والله الزولة دي ما لقيناها ولا هي ولا عريسها ولا المعازيم زاتم ، كل الحضور ناس دفعتنا الغبيانين ديل بس. وحاتك آخوي ابو رجاء لمن كمل الاسبوع وهي جات الكلية حتى فهمنا انها دي كانت كذبة أبريل !!!!!!!!!!!!!!!!!!!!!

قتلها آبت هوي كذبة ابريل انشاء الله تخشي في برميل ما تمرقي منه علا في زنبيل ، قولوا آمين آناس.
الغالي حبيب قساي وطبلة اذنب بي جاي
شوف عمده قال شنو برضو تقول صاحبي
بالله عليك الله ياخي لا ما بصدقكم ده حبيبي
الروح بالروح ابرمنا عليك الله ما نحن جاين
من مدني ناكل بروستد ونرجع ....
قول النصحية كلمني مالك بالجرسة متخبي قول
يا حبيب تعال جاي اديني اضانك اها سمعت
بس ده كل الحصل وحياتك...
ودوما في رعاية الله وحفظه...
مع كل الود باقة ورد...

[بورتبيل]

انتا بهنا يا ابو رجاء .... ومالك ما باين لا انتا ولا بتاع التلفزيون داك هههههههههههههه
سلام

[ابورجاء]

انتا بهنا يا ابو رجاء .... ومالك ما باين لا انتا ولا بتاع التلفزيون داك هههههههههههههه
سلام
الغالي نور الرتينه وشربات القمردينه
انا والله ظاهر زي الظهر لمن يظهرو بيهو
قميص ظهري بالكتابة لمن انحنى ظهري ....
قاعد في خيمة المطارحة بعد ما استوليت عليها
من المتمردين وبراي قاعد فوق الخلا داك حتى
البنا الخيمة ما شايفو يكون مالو يا رب عليك
الله اسأل منو سواااح قالو بيعرفو عشان نرجعها ليهو
صاغ سليم اها بستناك انا ما تتاخر لو اتاخرتو بقفلها
واشيل مفاتيحها....
ودوما في رعاية الله وحفظه...
مع كل الود باقة ورد.....

[ود المطامير]

هى بت جار جارجارنا , كانت بينى وبينها ريده شديده والفريق كلو عارف والعريس زاتو عارف ومشيت ولحسن الحظ لقيت العريس هناك وكرسيهو فاضى وباركت للعروس وقعدت فى كرسى العريس وإتكيت عليها وإتكت علىّ والراس بقى مع الراس وبقيت أشاغل فيها ولما شفت العريس جايى ضحكتها ليك وصاحبنا من شافها تتضحك وتتبسم لى إنكرب فى مشيتو وقرب يقع على خشيمو ولما وصلنا كنت داير أقوم ليهو وقال لى
_ لا خليك قاعد ولأ أقول ليك !! ما أرح معانا شهر العسل !!
وقلت ليهو بفرح
_ والله فكره حلوه
واللبع رقد هبطرش وغايتو كانت فضيحه . وعلشان جماعتى كتار كلهن شالن هم منى يوم يعرسوهن .

[Bet-alsudan]

بمشي عاااااااااااااااااااادي ولا علي .... طنش وامشي .. قضي وقت

[المسافر]

ما طالباني حليفة ... يا شبارقية
ولله العظيم انا مشيت بالفعل................... وكمان قابلتا العروس .... واتونسنا ..... ومازلنا اصدقاء!!!!

بصراحة يا بورتبيل إنت الظاهر ما كنت بتحبها ولا حاجة
وكنت بضيع وقت معاها أو كنت متأكد إنها ما ليك
ولا متعود على الشواكيش :d

ودمت يا الغالي

[سواااح]

يا ناس هووووي ..

مالكم ماخدين الموضوع كده
ما تكنوا صادقين مع نفوسكم
الشباب عاملين فيها ولا هاميهم
والبنات .. متمحنات ما عارف قصتهم شنو
لكن بجد لو انتو صادقين
اللحظة دي ما بسيطة
ويمكن ان تضاف الي اكثر المواقف
المحرجة في الحياة واكثرها الما
هل تصدقوني القول انكم ذهبتم
الي زفاف محبوباتكم وكان الوضع عااااادي
وقعدتوا زي اي ضيف ؟؟
والله ما قادر اصدق كلامكم ده
معليش لانه بالمنطق البسيط
ما هي نظرتك للانسان الجالس جوارها
ولولا انو الموضوع اقسام وارزاق
كان مفروض تكون انت قاعد جنبها
ولا ما كده ؟
طيب كيف تكون قاعد طبيعيي
وكذلك بالنسبة للبنات
القاعدة جنبو دي مفروض انتي مكانها
والذكريات ..
والضحكات الزمان .. والرسائل والتلفونات
والواسطات لمن تكون في مشكلة
يعني هي عملية سرقة بس بي لفة صغيرة
ما بقول الكلام ده علي اساس اني ماخد شاكوش
بل العكس لانو لما حسيت انو ما ممكن نتفق
اي واحد مننا اخد طريق جديد
لكن بجد مع اني الان متزوج
وبنحب بعضنا الي درجة الجنون
برضو ما حاسي اني لو
حضرت زواج القديمة بكون طبيعيي
وكانو مافي حاجة حاصلة
وربك يستر لو العين جات في العين
وجد ده الموقف المتمني
اني ما اكون موجود وقتو
وربنا يبارك في الغربة
بتحل من الحالات المحرجة زي دي
فالناس ما تعمل فيها مكملين الرجالة
لانو الموضوع مرتبط بالعواطف والمشاعر
وليس تحدي او موقف هزلي يعدي ببساطة

[ابودجانه العباس]

يا ناس هووووي ..

مالكم ماخدين الموضوع كده
ما تكنوا صادقين مع نفوسكم
الشباب عاملين فيها ولا هاميهم
والبنات .. متمحنات ما عارف قصتهم شنو
لكن بجد لو انتو صادقين
اللحظة دي ما بسيطة
ويمكن ان تضاف الي اكثر المواقف
المحرجة في الحياة واكثرها الما
هل تصدقوني القول انكم ذهبتم
الي زفاف محبوباتكم وكان الوضع عااااادي
وقعدتوا زي اي ضيف ؟؟
والله ما قادر اصدق كلامكم ده
معليش لانه بالمنطق البسيط
ما هي نظرتك للانسان الجالس جوارها
ولولا انو الموضوع اقسام وارزاق
كان مفروض تكون انت قاعد جنبها
ولا ما كده ؟
طيب كيف تكون قاعد طبيعيي
وكذلك بالنسبة للبنات
القاعدة جنبو دي مفروض انتي مكانها
والذكريات ..
والضحكات الزمان .. والرسائل والتلفونات
والواسطات لمن تكون في مشكلة
يعني هي عملية سرقة بس بي لفة صغيرة
ما بقول الكلام ده علي اساس اني ماخد شاكوش
بل العكس لانو لما حسيت انو ما ممكن نتفق
اي واحد مننا اخد طريق جديد
لكن بجد مع اني الان متزوج
وبنحب بعضنا الي درجة الجنون
برضو ما حاسي اني لو
حضرت زواج القديمة بكون طبيعيي
وكانو مافي حاجة حاصلة
وربك يستر لو العين جات في العين
وجد ده الموقف المتمني
اني ما اكون موجود وقتو
وربنا يبارك في الغربة
بتحل من الحالات المحرجة زي دي
فالناس ما تعمل فيها مكملين الرجالة
لانو الموضوع مرتبط بالعواطف والمشاعر
وليس تحدي او موقف هزلي يعدي ببساطة


الله يفتح عليك وعشان اكون صادق مع نفسي اكتر
بقول ليك باختصار شديد:ضمني لي مجموعتك
يعني نفس الامنيه.

[عماد عبدالشكور]

سؤالك ياشبرقية ماواضح 100% ليه ؟؟؟؟
انت قاصد :
هل تذهب زواج من كنت تحب ؟
ولا
هل تذهب زواج من تحب ؟
واعتقد انو في فرق بين السؤالين ولا رايك شنو ؟

[ابوالنور]

بصراحة بتمنى ليها كل خير بس ما بمشي
يعني عشان يضحكوا فيني ويقولوا علي
( داك الجكس القديم بتاع العروس المفور )

ودمتي
ياخي انت لستك ما تمشي ساي هن لاقيات اولاد يحضرو العرس

[Bet-alsudan]

سؤالك ياشبرقية ماواضح 100% ليه ؟؟؟؟
انت قاصد :
هل تذهب زواج من كنت تحب ؟
ولا
هل تذهب زواج من تحب ؟
واعتقد انو في فرق بين السؤالين ولا رايك شنو ؟



عمااد الصراحة سؤالك انت احلى ......

[عماد عبدالشكور]

عمااد الصراحة سؤالك انت احلى ......
شكرا يابت السودان
طالما سؤالي الاحلى
يللا نجاوب على السؤالين
ومنتظرنكم

[خالد السوداني]

أكيد الواحد بكون معذب وعينو طالعة لكن برضو بنرجع ونقول قسمة ونصيب

[رضا حسن محمد]

بمشى واشيل معاى بومبان وافكو فى وش العريس وعروستو الكريه العواليق

[عماد عبدالشكور]

بمشى واشيل معاى بومبان وافكو فى وش العريس وعروستو الكريه العواليق

خلي بالك طويل ووسع صدرك وكمان خلي روحك رياضية وكل شئ قسمة ونصيب

[امل حياتى]

هههههههههههههه

مفور ده شنو كمان يا المسافر

والله انا بمشي عادي ولا كأنو حصل حاجة

والحكاية في النهاية قسمة ونصيب

بينى وبينك يا سوار ما حتموتى مخص وعينك للحبيب الاولى

[عماد عبدالشكور]

بينى وبينك يا سوار ما حتموتى مخص وعينك للحبيب الاولى
وما الحب الا للحبيب الاول يا ( امل حياتي)

[zaher]

عارفين يا عماد .. بس اعمل حسابك المدام حا تصل قريييييييييييب......
وخلي الشمارات مدسوسة ..
وقال بيمشي قال................ على قول واحد مصري معانا

[عماد عبدالشكور]

يا اخوانا زاهر دا مالو معاي ؟؟

[زهرة الشمس]

يا حبيبي مبروك عليك

صعب علي أجيلك
وأتهيأ مع الزايرين واصفق ليك وأغنيلك
عبرة سدت نبضي ودمعة عمت بصري
حزن الأنفاس ممزوج بزغاريدك
شغف الفؤاد مع ظلك يتابع وين بشيرك
وأعاين ليك بلوعة
في أسف العيون وجعة
روحي تتهافت وراك
والجوارح فقدت الصبر والسكنات
حتى المسام تشتكيك
وما قادرة تبارك ليك
وبرضو ده اليوم الدايراهو ليك
يا حبيبي مبروك عليك
دايرة أسد أسماعي عن الفرحة
اكتفي وأشوف البهجة بعيني
لحزن الفرح ساعات تعيشها نفسي المنجرحة
تخترقني الكلمات المنشرحة
(ابشر يا عريس ... ألف مبروك يا عريس)
وتتجنن ضلوعي لما اعرف انو معاك ما عندي لا فركة ولا طرحة
ويتباهوا ويهللوا الأصحاب
ويشيلوك في الكتوف والرقاب
وانت متمسك بالفال
بالصندل
بالخضاب
وأنا الهناك في آخر الطريق بعاين ليك بكربة واغتراب
تتقسم حناياي في كل لحظة وتتلاشى وسط السراب
واسعد بيك وأتمنى
وأتأسف على الآمال الرهاب
تعيشني الآلام أمنيات
أقول يا ريتني شال ناصع أزيدك نور ووقار وجمال
يا ريتني حنة في ايديك تلامس بنانك النديان
يا ريتني هلال جنب قلبك عساي ارصد دقاتك الحُـنان
أقارن ذكراي وقدرها بين الحِـبان
وأفتش بين ثناياك واعرف
هل لي في جواك مدخل ولا روحت مع الزمان..؟؟
أريتني حريرة في معصمك تستمد وهج الجرتق من الشريان
وعشان أرضى بطغيان سلطانك أو إني ما بقل عن قديم الشأن أعشم روحي لأكون ضريرة تقبع في نفس المكان
أكون ضريرة وما أشوف فرحك عيان
بس اشتم من ضجة أشواقك الريد والحنان
أكون أو لا أكون إنسان
بس أخاف أكون مبخر يتأجج بجمري البركان
أطير الشرر
يطرد البشر
الحاقدين والحاسدين عليك والدايرين الفراق والبين
وفي وسط الجموع لوحة
سحابة كئيبة الخاطر
فراشة منزوعة الجناحين
تزغرد بذبول ليل حزين
(الليلة العديل والزين)
(الليلة العديل والزين)
وانت ما واعي فاقد الإدراك
متقد الإحساس
ضاحك العيون .. متلألئ الجبين
كلما تقرب لي ما عارف
متحمس
تبشر بالمسك والرياحين
وأزغرد ليك بوجعة
تبعثر فيني وجد وحنين
والمح عويناتك الحلوين
تبرق لبكرة وأنا ألفيني نار وانين
وأتمنى يا بكرة عمري كلو ليهو وهبته بالساعات والأيام والسنين
وأنا بنهاية يوم الليلة أنوم وتاني ما أصحى وهو دايماً وأحبابه من الصاحين
وانتبه بحسرة أقول هسه يشوفني ويتراجع
يتأمل ويقول ليا وينك انتي وين؟؟؟؟
لكن بشيرك أوحى لي : فات الفوات وعدى السُـكات وراح صدى الذكريات
وبشر يا عريس ساكناني سكين
وكيف اصبر على النيران وكيف أعيش وأتيقن مع الدنيا على القسمة والنصيب والقدر بإيمان
أرحل يا وجع بأمان
واستسلم أنا لغدر الزمان
أحاول أتيقن بالضيم الصابر على الهجران
وأتصور تاني مافي غرام
لأنو في العمر نكسة ومافي ومضتين
بس دعائي في كل لحظة وكل حين
ربنا يحفظ ليك شبابك
وتتهنى مع الغاليين
ولذكراك أنا حافظة
وللريدة المعتقة أنا من الكاتمين
وان شاء الله حياتك كلها سعادة
وان شاء الله بيت مال وبنين
بيت بهجة ونور وتقوى وعماد رزين
دنيتك تكون كلها فضائل تسد ليك ثغرات يوم الدين
ونتلاقى في المناجاة
يمكن الأرواح تتوحد وما تعيش الفرقة ولا تذوق البين!!!!!!!

[همتارو]

انا كنته شغال مع طباخ ومشينا اشتغلنا في عرس حبيبتي الحابيها خمسة سنة ، في البداية كان الموضوع عادي لكن لمن العروس جات بقا ما عااادي ولا اي حاجة

[عماد عبدالشكور]

الف شكر ايتها الرائعة وردة الشمس على القصيدة المعبرة والجميلة وربنا يخليك للمنتدى

[محمد السر احمد]

بعمل شنو بمش لاسباب كتيرة اولا القسمة وثانيا عشان اتيقن وثالثا دايما البحب بح الخير لزول البحبو
وشكرا كتير علي الموضوع

[ود المطامير]

هههههههههههههه


والله يالمسافر ضحكتني بالمفور دي كيف بس معناها شنو عليك الله يعني زول فاير ولا شنو ؟؟ :confused:


والله يا أم البنيات حيرتينا زاتو
تبكى وما عارفه المات منو ؟؟؟

[سواااح]

زهرة الشمس ..

لك التحايا ايتها الرائعة

بالنص المتقد جمالا

وحزنا والم ..

اوصلتي المعني المراد

دمـــــــــــــــــتي ،،

[سواااح]

والله يا أم البنيات حيرتينا زاتو
تبكى وما عارفه المات منو ؟؟؟


الناس في شنو

وود المطامير في شنو

[hamad2]

تمشي وتغني
في الليلة ديك

[محمد السر احمد]

تمشي وتغني
في الليلة ديك

تغني في الليلة ديك ولي شنو

[رضا حسن محمد]

القصيدة دى حلمنتيشية لواحد مشوكش من هيئة حلمنتيش العليا ما عارف اسمة منو
وبعد الحصل قالت لى مولانا ادعو لينا معاك
يجازيك الله يا فلانة
زمانى وفات ودايرانى اجيب مخلايتى واتمسكن واصنقر ليكى للدعوات
زمان ما كنت بدعو ليك
زمان كنت عشمان فيك
لكن الليلة بدعو عليك
بركة البغدادى ود جابر وكيتن فيكى يا فلنة
ابوك لا يرضى لا يخاطر
وممنما تجيبى شوط الخطبة فى خشمك
يعاين ليك ويحمر فيك ويشيل كرباجو ويتكرب
يمسكك من طريف التوب
طرفو الطويل نازل حدى العرقوب
ومك عاد تقول حى ووب
وتتعارض
سجمنا الليلة يا ابو فلانة
يقول ليها يا فلانة كان عارضتيتى طلقانة
تقول لالا خليتك برال زعلان
ويضربك طاخ زى ضربة الشيطان
لامن يسمعوا الجيران
ينطوا الحوش ويدقوا الباب ويطانش تقول طرشان
يكسروا الباب ويخشوا على
يقول ليهم حلفة يمين اليصلنى قريب هدى السكين
يزحوا بعيد ويختو الخمسة فى الاتنين
وتسمع شيك ويابا كفاى وحى حى ووب
دميعاتك يصبن جو
وامك برة تنبح هو
وقت ينقطع صوتك وتفنرى تب
يقول فيك كب ويضربك طاخ
ويخنقك خنقة بت الكلب


القصيدة التانية دى برضو شاكوش كتبها محمد المكى ابراهيم واسمها (اهانات شحصية لابن الملوح
على ليلى يطول اساك منتعلا وسامة قلبك الشاعر
ومطرودا امام الريح محتملا جراحات الهوى الخاسر
وممدودا على سجادة التاريخ مائدة لكل حزين
على ليلى تجرجر فى الدواوين العتيقة حزنك الشحاذ
تنشر راية العجز الذليل عنالمنى والاخذ والانجاز
وتفتح صدرك الدامى لاجيال المحبين اليتامى
فى شعاب الارض
باسماء الهوى العزرى تطعمهم تعازيك النبيلة
عن احابيل الهوى وعن هوان الصد
وعن طول الهوى والوجد ان صد الحبيب وضن
لانك باسم ارضاء الحبيب وسطوة الاخر
تركت هواك للاعداء
ولم تصمد هشاشة عظمك العزرى للقتلة
وان صمدت لهول المةت فى الصحراء
لماذا والخيول تصاهلت شوقا الى التسواح
وسيف شبابك الضارى سنين الحد
والف مفازة للهاربين على معاقل نجد
لماذا لم ترفرف كالنسور مع هواك
مع تعاظم نفرة وجماح
نهار الامس ودعنى الحبيب وراح
وباسم التضحيات الزائفات مضى وخلفنى لزحف الشمس والاشباح
وباسمك ايها الوغد الزنيم مضى مزهوا باكفان الرضا العام
اهينك هااناذا عبر القرون اهين حلمك بالخلود العذب
اهين جميعمن باعوا السباب وفرطوا فى الحب
ومن خفضوا الرووس وطاطو الهامات واعتزروا عن الايام
اهين لك الرضاء العام

[زهرة الشمس]

الف شكر ايتها الرائعة وردة الشمس على القصيدة المعبرة والجميلة وربنا يخليك للمنتدى




احترامي وتقديري على شكرك
ولكن ما هي الا صورة بسيطة لاحساس كئيب نظمته في قصيدة واقعية جدا لحاضر يمر في حياة كل منا
فكل شيء في هذه الدنيا قسمة ونصيب

مع كل عرفاني