الحب يطرق بابي !!!

[المسافر]

طرق باب قلبي للمرة الأولى
بل انها الوهلة الأولى التي اسمع فيها أصوات أنامله
غدا سيداهم الخوف جدراني
ازداد طرقه وأزعج وجداني
حاولت الفرار منه لفضاء أوهامي وأفكاري
من شدة خوفي تشجعت واقتربت منه
رأيت الطارق
فإذا به الحب
رحبت بقدومه
آخذني بين ذراعيه
أسكنني صدره الدافئ
نظرت إليه وسألته
لماذا أنا؟
لما اخترتني لهذه الزيارة ؟
أجابني بحنان .....
أنني ساعي اطرق أبواب القلوب
لأسلمهم رسائل بعث بها عشاق
وقفت على أبواب قلوبهم
وآنا اليوم زائر لقلبك
لأسلمك رسالة من حبيب اختاره القدر لك
أما أن تقبلها أو أن أقوم بردها لمن بعثها بها
طر بجناحيك إلى ذلك العاشق
وطمئنه بأنني قبلت الرسالة
وقل له من هذه اللحظة لن يسكن بين ضلوعي أحد غيره
لكن رجائي الخاص بان تسرع بالوصول إليه
قبل أن يتعبني تفكيري المجنون
واضطر لإغلاق نوافذ قلبي

[أبنوس]

وطمئنه بأنني قبلت الرسالة
وقل له من هذه اللحظة لن يسكن بين ضلوعي أحد غيره
لكن رجائي الخاص بان تسرع بالوصول إليه
قبل أن يتعبني تفكيري المجنون
واضطر لإغلاق نوافذ قلبي[/center][/QUOTE]


المسافر الحب لا يدق الباب ولكنه يتسلل من تحت الباب ومن خلفك ومن وامامك ومن هذا النوافذ الذى قد تفقد الصبر وانت تجاهد فى تبقيها مغلقة
تحياتى

[ابورجاء]

الحبيب الغالي دوما المسافر
لقد قرأت ثم غفوت وصحوت ثم قرات
ويا لها من مشاعر وتخيلات وتهيؤات
بين تلك القرأة وذانيك الغفوة واخراهم
هذه القرأة دائما انا هكذا يهرب الحرف
ويختبئ خوفا من الظهور بغير المراد
ومع ذلك اجد نفسي احمل بدواخلي كلمات
وعبارات لكنها تأبى ان تنداح هنا للتعبير
فماذا افعل غير ان افعلها مره ومرات ومرات
ماهي هذه التي تفعلها مرات ومرات؟؟؟؟؟
انها انحناءة كبرى لشخصك وقلمك ونبضك وحرفك...
عذرا كيف لي ان اكتب وانا مكبل بروعة حرفك
وجمال تعابيرك وعذوبة مشاعرك ....
اسقنا من هذا كثيرا فنحن عطشى لمثله...
ودوما في رعاية الله وحفظه...
مع كل الود باقة ورد....

[المسافر]

المسافر الحب لا يدق الباب ولكنه يتسلل من تحت الباب ومن خلفك ومن وامامك ومن هذا النوافذ الذى قد تفقد الصبر وانت تجاهد فى تبقيها مغلقة
تحياتى


أينما أتى فإن الحب ملح الحياة . . . ولكن من حول هم الذين يدفعونك لأن تبقيها مغلقة !!

ودمتي

[المسافر]

الحبيب الغالي دوما المسافر
لقد قرأت ثم غفوت وصحوت ثم قرات
ويا لها من مشاعر وتخيلات وتهيؤات
بين تلك القرأة وذانيك الغفوة واخراهم
هذه القرأة دائما انا هكذا يهرب الحرف
ويختبئ خوفا من الظهور بغير المراد
ومع ذلك اجد نفسي احمل بدواخلي كلمات
وعبارات لكنها تأبى ان تنداح هنا للتعبير
فماذا افعل غير ان افعلها مره ومرات ومرات
ماهي هذه التي تفعلها مرات ومرات؟؟؟؟؟
انها انحناءة كبرى لشخصك وقلمك ونبضك وحرفك...
عذرا كيف لي ان اكتب وانا مكبل بروعة حرفك
وجمال تعابيرك وعذوبة مشاعرك ....
اسقنا من هذا كثيرا فنحن عطشى لمثله...
ودوما في رعاية الله وحفظه...
مع كل الود باقة ورد....



الغالي ابو رجاء
تسلم على كلماتك الرائعة كروعتك ومميزة كتميزك . . .
فإن إنحنيت لي للحظة فإني أنحنى لك لدهور
لرقة مشاعرك وردك الرائع

ودمت يا الغالي

[الفارس البنفسجي]

الحب دا زي الحرامي الحريف
لا بتعرف جاك كيف ولا متين ؟
لكن بتعرفو سرق شنو !!!!!!!!!!!!!!!

دمت يا مسافر

[Bet-alsudan]

انها للحظة جميلة بالفعل ... المسافر سلمت اناملك التي خطت تلك الخاطرة انها حقيقة جميلة ..

دمت على الطاعات

[تسنيم خالد]

المسافر

هو هكذا ضيف خفيف الظل يفعل بقلبك فعل السحر

رحب به لانو سيحملك الي عالم اخر ملئ بالمودة

ولا تغلق قلبك فالحب يطرق بابنا مرة واحدة هي

الصادقة

تمسك به وهنيئا لك






دمت

[الشريف الهندي]

الحب دا زي الحرامي الحريف
لا بتعرف جاك كيف ولا متين ؟
لكن بتعرفو سرق شنو !!!!!!!!!!!!!!!
دمت يا مسافر


احييك ايها الفارس الهمام فقد صدقت فعلاً في وصفك وتشبيهك
للحب ..... وما ادراك مالحب
تحياتي اليك ايها المسافر فأوصيك
ان تحمله معك في كل رحلات السفر وضعه في حقيبة اكتب عليها حب الله وحب
الرسول .. ودمت لنا كما نشتهي لك من حب وحب وحب

[المسافر]

الحب دا زي الحرامي الحريف
لا بتعرف جاك كيف ولا متين ؟
لكن بتعرفو سرق شنو !!!!!!!!!!!!!!!

دمت يا مسافر


تسلم يا الفارس البنفسجي
فعلاً زي ما قلت بعرفو سرق شنو
وكمان أنا عارف إنو الحاجة السرقها
دي حيعزبني ويذلني بيها ويساومني
مقابلها بأشياء كثيرة ولن يقف الموضوع
على القلب فقط

ودمت يا الغالي

[المسافر]

انها للحظة جميلة بالفعل ... المسافر سلمت اناملك التي خطت تلك الخاطرة انها حقيقة جميلة ..

دمت على الطاعات


تسلمي بات السودان على المشاركة
وأجمل اللحظات فعلاً هو عندما يبدأ الحب
بتسلل في دواخلك ويجري مجرى الدماء
ولكنه عندما يمتلكك تبدأ آلامه الحقيقة

ودمت

[المسافر]

المسافر
هو هكذا ضيف خفيف الظل يفعل بقلبك فعل السحر
رحب به لانو سيحملك الي عالم اخر ملئ بالمودة
ولا تغلق قلبك فالحب يطرق بابنا مرة واحدة هي
الصادقة
تمسك به وهنيئا لك
دمت



تسلمي يا تسنيم على رفع المعنويات وتهوين
المجازفة . . .
وفعلاً الحب يفعل بالقلب فعل السحر وهذا وهو
على الباب فقط فما بمالك وهو يتسلل إلى
الأعماق !!!

ودمت

[خالد عبدالماجد]

المسافر
عندما يكون الحديث حديث قلب تتقافز روائع الكلم ويأتينا حلوها يدغدغ في حنايا الروح ويثير فينا كل بواطن الإعجاب
فلك التحية على الخاطرة الجميلة .
وياخوي مالو الطارق ده أتأخر كده أنت ماشايف الشباب وصلوا مرحلة الحكي عن الشواكيش وسر العلاقة بين الأزواج . أنت أحسن حاجة تعملها أمشي سجل في كورة المنتدي ( الزواج الجماعي ) وسجل معاك حادي الطارق لأنو أنت مسافر ومتغرب وماناقص آلام والباب الفتحتوا ده أسأل غيري يحكوا ليك عنو .
دمت بخير أيها العزيز .

[المسافر]

المسافر
عندما يكون الحديث حديث قلب تتقافز روائع الكلم ويأتينا حلوها يدغدغ في حنايا الروح ويثير فينا كل بواطن الإعجاب
فلك التحية على الخاطرة الجميلة .
وياخوي مالو الطارق ده أتأخر كده أنت ماشايف الشباب وصلوا مرحلة الحكي عن الشواكيش وسر العلاقة بين الأزواج . أنت أحسن حاجة تعملها أمشي سجل في كورة المنتدي ( الزواج الجماعي ) وسجل معاك حادي الطارق لأنو أنت مسافر ومتغرب وماناقص آلام والباب الفتحتوا ده أسأل غيري يحكوا ليك عنو .
دمت بخير أيها العزيز .



تسلم يا ود كسلا على المرور والمشاركة . .

وبصراحة وبيني وبينك دي الزوجة الثانية . . . ومن حقها برضو
يكون ليها باب عشان تطرقو برضو ولا شنو !!!!!

ودمت ياا الغالي

[ود المطامير]

يا سواد عيونى ونورهما
خليهو يدق ويزهج ويرجع وما تفتح ليهو
والله تفتح ليهو الباب أكان يحميك النوم واللكل
وتخت العنقريب بره فى الحوش وتقعد تحسب
فى النجوم واحد إتنين تلاته أربعه خمسه سته ...............

[المسافر]

يا سواد عيونى ونورهما
خليهو يدق ويزهج ويرجع وما تفتح ليهو
والله تفتح ليهو الباب أكان يحميك النوم واللكل
وتخت العنقريب بره فى الحوش وتقعد تحسب
فى النجوم واحد إتنين تلاته أربعه خمسه سته ...............



قلت كده يا أبوي الشيخ . . . علا كلامك ما بكسرو
تب . . . خليهو يدق لمان إيدو توجعو ويرجع براهو

[سواااح]

المسافر ..

النص يعيدنا الي السؤال الجدل

كيف ياتي الحب

وهنا تختلف الاجابات

فالبعض ياتيه حبوا

واخرون ياتيهم ركضاً

لكن الاكيد .. انه مؤشرات قدوم

وملامح تبدو في الافق

فالامنيات دوماً ان يكون

القلب اختار من يستحقه

ان يصونه

من يخاف عليه

وان لا نضطر يوماً ..

ان نغلق نوافذ قلوبنا

دمــــــــــــــــــت ،،

[المسافر]

المسافر ..

النص يعيدنا الي السؤال الجدل
كيف ياتي الحب
وهنا تختلف الاجابات
فالبعض ياتيه حبوا
واخرون ياتيهم ركضاً
لكن الاكيد .. انه مؤشرات قدوم
وملامح تبدو في الافق
فالامنيات دوماً ان يكون
القلب اختار من يستحقه
ان يصونه
من يخاف عليه
وان لا نضطر يوماً ..
ان نغلق نوافذ قلوبنا

دمــــــــــــــــــت ،،


تسلم عزيزي سواااح على المرور والمشاركة
ومرات كثيرة جداً يأتي الحب مسرعاً كالسهم
ويجري مجرى الدماء من حيث لا تعمل ولا تدري
وهنا تأتي العلة فإنك لن تستطيع أن تروده كما
تحب .

ودمت يا الغالي

[ود المطامير]

والله ما تفتح ليهو الباب ويقوم هو يرجع براهو
علىّ النعمه تانى تكوس ليهو ماتلقاهو ها زول
قوم أفتح الباب للحب , هو إنت الماكل ليها شنو ؟
والنايم ليها شنو ؟ والنجوم ماتعدها وراك شنو ؟

[المسافر]

والله ما تفتح ليهو الباب ويقوم هو يرجع براهو
علىّ النعمه تانى تكوس ليهو ماتلقاهو ها زول
قوم أفتح الباب للحب , هو إنت الماكل ليها شنو ؟
والنايم ليها شنو ؟ والنجوم ماتعدها وراك شنو ؟


والله حيرتنا عديل كده . . . يعني يا أبو الشيخ
أخليهو يدخل ولا أخليهو ملطوع في الباب
لأنو بصراحة عمل لي إزعاج من الضرب
على الباب .
وبعدين كيفن أضيع الأكل والنوع وأسهر
لنص الليل عشان واحد أكيد حيكون غدار

ودمت يا الغالي

[ود المطامير]

والله حيرتنا عديل كده . . . يعني يا أبو الشيخ

أخليهو يدخل ولا أخليهو ملطوع في الباب
لأنو بصراحة عمل لي إزعاج من الضرب
على الباب .
وبعدين كيفن أضيع الأكل والنوع وأسهر
لنص الليل عشان واحد أكيد حيكون غدار



ودمت يا الغالي

هازول إنت لسه مافتحت ليهو الباب ؟ أفتح ليهو الباب
والله الحب دا نعمه نحمد الله عليها ونشكره ونحمده
والله الحب حلو حلاه أسكت سااااى .

[المسافر]

هازول إنت لسه مافتحت ليهو الباب ؟ أفتح ليهو الباب
والله الحب دا نعمه نحمد الله عليها ونشكره ونحمده
والله الحب حلو حلاه أسكت سااااى .



الظاهر عليك إنت حبيت كتير عشان كده
قلت حلو حلا . . .
أها غير أم الوليدات حبيت كم
يعني قبلها ما تفهمنا غلط !!!!!!

ودمت يا الغالي

[ود المطامير]

الظاهر عليك إنت حبيت كتير عشان كده



قلت حلو حلا . . .
أها غير أم الوليدات حبيت كم
يعني قبلها ما تفهمنا غلط !!!!!!



ودمت يا الغالي

قبلها عيييييك ما بدن الدرب , بنات الجيران من طرف
وبعدها كلما أقول أفنجط هى تضبح لى كديسه

[المسافر]

قبلها عيييييك ما بدن الدرب , بنات الجيران من طرف
وبعدها كلما أقول أفنجط هى تضبح لى كديسه


وقت عندك كل الخبرات المنتوعة دي
مالك محيرنا لما لطعنا الحب دي
في الباب كده هسي قرب يشتت

ودمت

[shaggy999]

قالت : نعم منو في الباب



قال : المسافر






قالت :ادخل فقلبي خاوي


نعم لبيك مسافر قلبي معاك من زمان وينك



فقال : امي قالت ليكم لو عندكم ملح ادينا شوية

معانه ضيف والدكان مقفل




تسلم علي الكلام الرائع




ويديك العافيه

[المسافر]

قالت : نعم منو في الباب
قال : المسافر
قالت :ادخل فقلبي خاوي
نعم لبيك مسافر قلبي معاك من زمان وينك
فقال : امي قالت ليكم لو عندكم ملح ادينا شوية
معانه ضيف والدكان مقفل
تسلم علي الكلام الرائع
ويديك العافيه



تسلم أخوي . . .

بدل ما تشيل الملح وتتخارج . . .
رفع الملح بالحيطة وقعت معنا
وقالت هي الحب الكان بدق في الباب

ودمت

[salwa]

المسافر

الحب ياتي غبطة ولا يعطي نذر بل ويفرض نفسه فرضا

بمشاعر مختلفة واحاسيس كثيرة حلوة ونادرة تتبع القلب والحب والنفس



كلام جميل جدا وراقي جدا

يسلموا المسافر

[المسافر]

المسافر

الحب ياتي غبطة ولا يعطي نذر بل ويفرض نفسه فرضا
بمشاعر مختلفة واحاسيس كثيرة حلوة ونادرة تتبع القلب والحب والنفس
كلام جميل جدا وراقي جدا

يسلموا المسافر


زي ما قلتي إن الحب ياتي غبطة
ويداهمك وحتى لا يعطيك فرصة
لرده أو إستقباله بل يجلس
ويتحكر . . . وكأن البيت بيته

ودمتي على المرور والمشاركة

[المسافر]

لربما يظل قلبك خالي لسنين من غير الحب
ولربما تكون قد هيأت قلبك وروحك لقدومه
ولربما تكون الظروف تتشابه بين ما هم حولك
لإمكانية دخول قلبك وحياتك
ولكن عندما ينبض قلبك بالحب يأتيك مع بعيد
جداً من حيث لا تدرى ولا تعلم . . . فهنا تجد
الأهه . . . أتدعه يدخل مع أهاته أم تترك
قلبك لا حب !!!!!!!!!!!

[ابورجاء]

الغالي حبيب قساي ونوري الضواي
محال ان نعيش بلا حب فالحب عصب الحياة
والحب كلمة من حرفين لكن معنى سامي وجميل
فالحب وعاء جامع وفضاء شاسع ....
حب يا اخي وكل ما طرق بابك حبا لا ترده بل افتح
ذراعيك واحضنه واكرمه فهو ما بقي لنا في هذه
الفانية افتح له الباب فهو لن ينتظرك كثيرا........
تخريمة اندماجا مع مشاققة ود الماحي:ــ
ما قلت لي اخر مره دق الباب بتين:D :D ؟؟؟؟....
والله نجامل مجاملة لمن يأمن زاتو.....
ودوما في رعاية الله وحفظه....
مع كل الود باقة ورد......

[المسافر]

الغالي حبيب قساي ونوري الضواي
محال ان نعيش بلا حب فالحب عصب الحياة
والحب كلمة من حرفين لكن معنى سامي وجميل
فالحب وعاء جامع وفضاء شاسع ....
حب يا اخي وكل ما طرق بابك حبا لا ترده بل افتح
ذراعيك واحضنه واكرمه فهو ما بقي لنا في هذه
الفانية افتح له الباب فهو لن ينتظرك كثيرا........
تخريمة اندماجا مع مشاققة ود الماحي:ــ
ما قلت لي اخر مره دق الباب بتين:D :D ؟؟؟؟....
والله نجامل مجاملة لمن يأمن زاتو.....
ودوما في رعاية الله وحفظه....
مع كل الود باقة ورد......


عزيزي وحبيب قساي . .
إن الحب هذا هو في الأصل موجود
في دواخلنا ويتفاعل مع كل كلمة
أو نظرة أو همسه . . . الخ ويصبح
حباً . . .
تخريمة (1) الباب مفتوح على مصراعيه
لو ما شالك القلب تشيلك العيون . . .
والمجاملة حدها المساء
والماعاجبو يشرب من البحر

ودمت يا الغالي

[ابورجاء]

الغالي حبيب قلبي ونور عيني
والله عارفو قلبك كبير وبيسع الكل
وربنا يديم عليك الحب وحب الناس
وتسلم من كل شر وبلية وينور طريقك
ويحفظ شبابك ويديك الفي مرادك .....

تخريمة رقم (2) بابنا نحن زاتو مصروع على مفتحيه
والمجاملة كده لحدي ما الله يهون علينا وعلى الجميع
يا صاحبي البحر لو بقى بعيد موية الصحة تكفي والا لا...

ودوما في رعاية الله وحفظه....
مع كل الود باقة ورد......

[المكاشفى]

حبيبنا المسافر هنيئا لك بالحب كما قال اخونا عروه انه نعمه من نعم الله وقال حلو حلا التقول راجل مره فى الزمن الصعب ..... المهم عدل مراياتك واتوكل خش وما بنخاف عليك من الشواكيش المعنى ات ماك مغترب باقين الجماعه ديل مجهجهين باكات الجماعه الما مغتربين .
ويااخى لقد عبرت عن الحب خير تعبير .....
وزمان كانت عندنا مسرحيه فيها مقطع غنائى يتحدث عن الحب بقالب كوميدى
حرامى... حرامى... حرامى .. سرق قلبى... سرق قلبى
وطول عمرى..... كنت حرامى ......فى حبى.. فى حبى

[مصعب الريح]

الحب يطرق الابواب ويتربع القلوب ولكن خروجه من هذه الابواب صعب

[احمدمحمدعلي]

انا وارجو ان اظل كما انا000000000000طفلا يخربش فوق جدران النجوم كما يشاء حتى يصير الحن في وطني بمرتبه الهواء0000000000000واصير قاموسا لطلاب الهوى واصير فوق شفاههم 000000000الفا وباء ارجو ان تكون هذا هو انت ايها الحالم السحري 00ودمت فرحا مسرورا بما يتملكك من مشاعر حالمه*****************وتاريك منت هين يا المسافر*************************اختك رنده

[المسافر]

نخليهو يخش ولا أحسن يقعد برة

[بنت الرفاعي]

نخليهو يخش ولا أحسن يقعد برة

:eek::eek::eek::eek::confused::confused::confused: :confused:
سنتين ولسة ما دخلتو ؟؟؟:rolleyes:

[بنت الرفاعي]

كيفن أضيع الأكل والنوع وأسهر
لنص الليل عشان واحد أكيد حيكون غدار



جربتو قبل كدة ؟؟!!!

ومن وين متأكد كدة ؟؟


الله يهون.

[النور محمد يوسف]

المسافر والله تحنن

تصدق الواحد يقرأ كلماتك ويعاين للصورة الرمزية يقرب يبكي

يا اخي انت وقعت خلااااااص ...

كل الاعراض التي ذكرتها تؤكد اصابتك به

وكمان مسمي نفسك المسافر !!!!...خلاص جاك الزاد

زاد التسفار ...احسن زاد لكل مسافر عشان يرجع

لسع عند الباب...بعد شوية ح نسمع جنس شعر وجنس قصائد

وحيلك لامن تصل مرحلة تكسير المرايات باليد بلا قفازات واحصائية كاملة لكل نجمة ويا ويل البتغيب ... معروفة ومكانها معروف

بس دي احلى مرحلة وبعدها يبدا العلاج الابدي ...

سلبا او ايجابا ...بس ابديا

ويارب يكون ايجابيا مدى الحياة

تحياتي اليك اخي المسافر فاسلوبك حلو ورائع
وكان الله في عونك

[ام ريان]

الحب أعلى من كل المشاعر , اصدق من كل النوايا , أجمل من كل الصور , اكبر من كل المصالح , اطعم من كل العسل , ارق من كل النسيم . ما يغيره إلا الخطايا وقلة الوفاء
العزيز المسافر يسلم بوحك كلمات عزبه
مع خالص احترامي
دمت

[المسافر]

:eek::eek::eek::eek::confused::confused::confused: :confused:
سنتين ولسة ما دخلتو ؟؟؟:rolleyes:



بصراحة في الأول مشى لكن تاني رجع دق
الباب ، وبجد أنا خائف على الباب

[المسافر]

جربتو قبل كدة ؟؟!!!

ومن وين متأكد كدة ؟؟


الله يهون.




كل الإحتمالات واردة

[المسافر]

المسافر والله تحنن
تصدق الواحد يقرأ كلماتك ويعاين للصورة الرمزية يقرب يبكي
يا اخي انت وقعت خلااااااص ...
كل الاعراض التي ذكرتها تؤكد اصابتك به
وكمان مسمي نفسك المسافر !!!!...خلاص جاك الزاد
زاد التسفار ...احسن زاد لكل مسافر عشان يرجع
لسع عند الباب...بعد شوية ح نسمع جنس شعر وجنس قصائد
وحيلك لامن تصل مرحلة تكسير المرايات باليد بلا قفازات واحصائية كاملة لكل نجمة ويا ويل البتغيب ... معروفة ومكانها معروف
بس دي احلى مرحلة وبعدها يبدا العلاج الابدي ...
سلبا او ايجابا ...بس ابديا
ويارب يكون ايجابيا مدى الحياة
تحياتي اليك اخي المسافر فاسلوبك حلو ورائع
وكان الله في عونك



تحياتي عزيزي النور

وده أنا القلت حبي سيكون ( تحت السيطرة )
وهو من أولها كده ما عارفين بعدين حيصل شنو؟

[المسافر]

الحب أعلى من كل المشاعر , اصدق من كل النوايا , أجمل من كل الصور , اكبر من كل المصالح , اطعم من كل العسل , ارق من كل النسيم . ما يغيره إلا الخطايا وقلة الوفاء
العزيز المسافر يسلم بوحك كلمات عزبه
مع خالص احترامي
دمت




تحياتي أم ريان
أجمل ما في الحب بأنه لا يأتيك بل يقتحم حياتي
ويجعلك تعتزل الحكمة والتفكير ويجعلك أيضاً
تعيش في متناقضات وترضى العيش مع شخص
تعشقه ويجعلك تعيساً ومع ذلك يزيل كثير
من الآلام .