مشاهدة النسخة كاملة : من .. غيرنا .. من .. غيرنا ... من ... غيرنا
Madanawi
13-02-2007, 11:46 PM
يا حبايبي الحلوين انا الليلة جاييكم بي موضوع بالحيل حساس ومهم و معالجته ضرورية جداً ... جداً ... جداً ...... جداً
من غيرنا ........... يعالج مشكلة التكاليف الباهظة للزواج
من غيرنا ............. يطرق ابواب غلاء المهور وعزوف الشباب عن الزواج
من غيرنا .............. يدخل في جرح الوردة ويدي الكون مفتاح الحل
أود أن أبدأ بمداخلتي في هذا الموضوع واقول يجب ان نكون على درجة عالية من الوعي الاجتماعي وان لا نصعب الامور اكثر مما هي عليه الان . فوالله الكثير من الذين يرغبون في الزواج والراغبات ايضا لهم المقدرة على ان يكونوا على قدر عال من المسؤلية وان يفتحوا بيوت ولكن ، يبقى المهر الغالي والشبكة واواواواواوا هم العوائق الاساسية فهلا تفضلتم لازالة العوارض عن طريق الشباب حتى لا نفتح لهم أبواب الرذيلة والامراض النفسية والمشاكل الاجتماعية.
نزار حسن محمد
14-02-2007, 12:05 AM
حبيبنا ..بركاتوى
تعرف من اجمل الاغانى اسمعتها اغنية زينة الشباب ياسمح انا جايك عريس .....الى... ياخوانا العرس بالفاتح ما حلال .. والكورس يردد حلال وانا اردد حلال والزمن يردد حلال والبنت العاقله تردد حلال والشاب الجادى يردد حلال .. والمجتمع المسلم يردد حلال ..
سواااح
14-02-2007, 12:06 AM
مدناوي ..
موضوعك جميل
ولكم للاسرة دورها المهم والفعال في ذلك
الامهات والامهور العالية سبب من اسباب العزوف عن الزواج
وهناك اسباب اخري كثيرة ومتعددة
اتركك هنا من الوعد مرة اخري
دمـــــــــــــــــــــــــــت ،،
سواااح
14-02-2007, 12:10 AM
حبيبنا ..بركاتوى
تعرف من اجمل الاغانى اسمعتها اغنية زينة الشباب ياسمح انا جايك عريس .....الى... ياخوانا العرس بالفاتح ما حلال .. والكورس يردد حلال وانا اردد حلال والزمن يردد حلال والبنت العاقله تردد حلال والشاب الجادى يردد حلال .. والمجتمع المسلم يردد حلال ..
نزار ود حسن ..
الي الان الامر
مجرد اغنيات وشعارات
نريد تطبيق علي الواقع
تخريمة : باين مدناوي مفكر في العرس
ما تديهو نصيحة من العندك !!
دمــــــــــــــــــــت ،،
zaher
14-02-2007, 12:14 AM
اخي العزيز
القضية حلها في الدعاء الى الله ان يستر الجميع
فكل يوم يظهر عائق لتيسير الزواج
وليس لنا الا نصيحة ترديد الجميع لهذا الدعاء
بسم الله الرحمن الرحيم والحمد لله رب العالمين
والصلاة والسلام علي أشرف المرسلين وعلي آل بيته وصحبه أجمعين
اللهم أنى أسألك بأني أشهد أن لا إله إلا أنت الأحد الصمد الذي لم يلد ولم يولد ولم يكن له كفوا أحد
إقض حاجتي وأنس وحدتي فرج كربتي أجعل لي رفيقا صالحا كي نسبحك كثيرا ونذكرك كثيرا فانت بي بصير يا مجيب المضطراذا دعاك ، أحلل عقدتي امن روعتي وفرج كربتي
يا إلهي هب لي من لدنك زوجا صالحا واجعل بيننا المودة والرحمة والسكن إنك على كل شئ قدير يا من يقول للشيء كن فيكون اللهم آتنا في الدنيا حسنة وفى الآخرة حسنة وقنا عذاب النار رب لا تذرني فردا وأنت خير الوارثين
امين
تخريمة..................
والمشكلة ده طبعا اسمها
( مرض حامد)
Madanawi
14-02-2007, 12:41 AM
حبيبنا ..بركاتوى
تعرف من اجمل الاغانى اسمعتها اغنية زينة الشباب ياسمح انا جايك عريس .....الى... ياخوانا العرس بالفاتح ما حلال .. والكورس يردد حلال وانا اردد حلال والزمن يردد حلال والبنت العاقله تردد حلال والشاب الجادى يردد حلال .. والمجتمع المسلم يردد حلال ..
هههههههههههههههههه
والله حلوة يا ابو النيز يا ود بركاتنا الجميلة ولا اذيع سرا ان قلت وأنا كمان عاجباني.
بالذات حكاية الفاتحة دي مريحة راحة .
Madanawi
14-02-2007, 12:45 AM
مدناوي ..
موضوعك جميل
ولكم للاسرة دورها المهم والفعال في ذلك
الامهات والامهور العالية سبب من اسباب العزوف عن الزواج
وهناك اسباب اخري كثيرة ومتعددة
اتركك هنا من الوعد مرة اخري
دمـــــــــــــــــــــــــــت ،،
مشكور يا سواح على المرور والله يدينا ويديك عرسة ساهلة ، ولا الضالين.
Madanawi
14-02-2007, 12:46 AM
اخي العزيز
القضية حلها في الدعاء الى الله ان يستر الجميع
فكل يوم يظهر عائق لتيسير الزواج
وليس لنا الا نصيحة ترديد الجميع لهذا الدعاء
بسم الله الرحمن الرحيم والحمد لله رب العالمين
والصلاة والسلام علي أشرف المرسلين وعلي آل بيته وصحبه أجمعين
اللهم أنى أسألك بأني أشهد أن لا إله إلا أنت الأحد الصمد الذي لم يلد ولم يولد ولم يكن له كفوا أحد
إقض حاجتي وأنس وحدتي فرج كربتي أجعل لي رفيقا صالحا كي نسبحك كثيرا ونذكرك كثيرا فانت بي بصير يا مجيب المضطراذا دعاك ، أحلل عقدتي امن روعتي وفرج كربتي
يا إلهي هب لي من لدنك زوجا صالحا واجعل بيننا المودة والرحمة والسكن إنك على كل شئ قدير يا من يقول للشيء كن فيكون اللهم آتنا في الدنيا حسنة وفى الآخرة حسنة وقنا عذاب النار رب لا تذرني فردا وأنت خير الوارثين
امين
تخريمة..................
والمشكلة ده طبعا اسمها
( مرض حامد)
آمين يا ود العمدة ومشكور على المرور ومرض حامد دا أخير منو الاندراوة عدييييييل يا صاحبي.
Madanawi
14-02-2007, 12:50 AM
نزار ود حسن ..
الي الان الامر
مجرد اغنيات وشعارات
نريد تطبيق علي الواقع
تخريمة : باين مدناوي مفكر في العرس
ما تديهو نصيحة من العندك !!
دمــــــــــــــــــــت ،،
يا حبة احمد الله عندي زوجة جيناتها من الصحابيات ووليداتي منها ربي يحفظهم زينة الحياة الدنيا.
علا يا اخوي الصحابة زااااااااااتم عددوا.
ود المطامير
14-02-2007, 01:12 AM
فى حِلتنا وفى أمسيه فى الزمن الغابر كان فى مناسبتين زواج
الأولى فيها من البزخ ما يثير الدهشه والإعجاب والتعجب, المأكولات من شتى أصناف الطام
والضلع تغطّس أصابعيك فيو للآخر وما تصل العضم والمناسبه التانيه بس التقول سمايه سااااى
والصينيه أكان صحن أكان صحنين , ونحنا طبعاً شُفّع الحِلّه وقعنا ديك أم بزخ والضلع بقينا نضارب بيهو شدة ما شبعنا ..
الخلاصه ..
طيلة ما ((( شوفونى ))) موجوده , الله يكون فى عون الشباب والشابات .
Madanawi
14-02-2007, 02:01 AM
فى حِلتنا وفى أمسيه فى الزمن الغابر كان فى مناسبتين زواج
الأولى فيها من البزخ ما يثير الدهشه والإعجاب والتعجب, المأكولات من شتى أصناف الطام
والضلع تغطّس أصابعيك فيو للآخر وما تصل العضم والمناسبه التانيه بس التقول سمايه سااااى
والصينيه أكان صحن أكان صحنين , ونحنا طبعاً شُفّع الحِلّه وقعنا ديك أم بزخ والضلع بقينا نضارب بيهو شدة ما شبعنا ..
الخلاصه ..
طيلة ما ((( شوفونى ))) موجوده , الله يكون فى عون الشباب والشابات .
والله يا ودو دا ياهو حال الدنيا.
مصنع مصنعين ناساً حلها زين ، كلها كمها وبارد همها ، وناس في طين و وين ؟ ساكنين في جحر و واحدين بالايجار ما لاقين جحر.
بنت الرفاعي
14-02-2007, 02:41 AM
والله ياجماعة الكلام ده من الأمهات أول شي وتانيا من البنات الأمهات, عذرهم في الكلام ده انو هي عايزة تأمن مستقبل بنتها, وبعض البنات عايزات نفس الكلام والبوبار ده هو الجامع مابين الأغلبية, لكن المطلوب في الآخر التوسط والاعتدال بالطبع.
ودمتم.
Madanawi
14-02-2007, 03:52 AM
والله ياجماعة الكلام ده من الأمهات أول شي وتانيا من البنات الأمهات, عذرهم في الكلام ده انو هي عايزة تأمن مستقبل بنتها, وبعض البنات عايزات نفس الكلام والبوبار ده هو الجامع مابين الأغلبية, لكن المطلوب في الآخر التوسط والاعتدال بالطبع.
ودمتم.
مشكورة يا مرام على المرور الكريم.
الامان امان الله. هو الواحد ضامن روحو هسه لمن يضمن المستقبل كمان؟
الفارس البنفسجي
14-02-2007, 04:29 AM
الأجيال السابقة جهلها ساعدها كتير في أتخاذ مواقف متحجرة شوية إضافة للعادات والتقاليد .. أعتقد انو الشباب بلعب دور كبير في الحتة دي ، بمعنى في زيجات كتيرة تمت بي أصرار العريس والعروس لي قناعتهم بي بعض وقناعتهم بي مبدأ الزواج بالحاجة البسيطة بالرغم من انو اسرهم كانت رافضة زواجهم بالطريقة البسيطة دي. عشان كدا أعتقد المنتدى ممكن العب دور في انو يقوي الفكرة أو القناعة دي عند جيل شباب المنتدى وبي كدا بكون ساهم بي جزء يسير في حل المشكلة، وممكن فكرة تانية ، ادارة المنتدى ممكن تستغل إيميلات القائمة البريدية وتؤدي رسالتها عبر عناوين هذه القائمة بأن توصل قناعتها دي لأكبر عدد من شباب مدني.ودي مش في فكرة الزواج البسيط وبس ، بل يمكن استغلال القوائم البريدية دي في كل حاجة فيها مصلحة لي مجتمعنا اللي نحن جزء منو، لانو اللي بقرو البوست دا بكونو بي عدد الإصابع ولو بالغ عشرات.إضافة لي أنو دا جزء من واجبنا تجاه مدني.
دام الجميع سنداً وعضداً لمثل هذه الموضوعات الحيوية والتي تمس انسان مدني البسيط المعتد بنفسه
مدناوية
14-02-2007, 08:30 PM
يارب تعقل بناتنا
وتهدي أمهاتنا
لكن والله الزمن دا أغلب البنات بقوا دايرييين العرس وبقوا هديات ورضيات بقبلوا بالبسيط
وربنا يكتر الافراح ويديم المعروف
Madanawi
14-02-2007, 09:39 PM
الأجيال السابقة جهلها ساعدها كتير في أتخاذ مواقف متحجرة شوية إضافة للعادات والتقاليد .. أعتقد انو الشباب بلعب دور كبير في الحتة دي ، بمعنى في زيجات كتيرة تمت بي أصرار العريس والعروس لي قناعتهم بي بعض وقناعتهم بي مبدأ الزواج بالحاجة البسيطة بالرغم من انو اسرهم كانت رافضة زواجهم بالطريقة البسيطة دي. عشان كدا أعتقد المنتدى ممكن العب دور في انو يقوي الفكرة أو القناعة دي عند جيل شباب المنتدى وبي كدا بكون ساهم بي جزء يسير في حل المشكلة، وممكن فكرة تانية ، ادارة المنتدى ممكن تستغل إيميلات القائمة البريدية وتؤدي رسالتها عبر عناوين هذه القائمة بأن توصل قناعتها دي لأكبر عدد من شباب مدني.ودي مش في فكرة الزواج البسيط وبس ، بل يمكن استغلال القوائم البريدية دي في كل حاجة فيها مصلحة لي مجتمعنا اللي نحن جزء منو، لانو اللي بقرو البوست دا بكونو بي عدد الإصابع ولو بالغ عشرات.إضافة لي أنو دا جزء من واجبنا تجاه مدني.
دام الجميع سنداً وعضداً لمثل هذه الموضوعات الحيوية والتي تمس انسان مدني البسيط المعتد بنفسه
دمت يا فارس مشكورأ على التعقيب الثر والمفيد واتمنى ان نستفيد كلنا من كلامك وان ينعكس ايجابا على مجتمعاتنا.
Madanawi
14-02-2007, 09:40 PM
يارب تعقل بناتنا
وتهدي أمهاتنا
لكن والله الزمن دا أغلب البنات بقوا دايرييين العرس وبقوا هديات ورضيات بقبلوا بالبسيط
وربنا يكتر الافراح ويديم المعروف
آمين يا نفحات الصباح واتمنى ان يتجيب الله لدعواتك لانو اهلنا واخوانا واخواتنا محتاجين ليها.
مشكورة على المرور الطيب
magdi
15-02-2007, 12:02 AM
يمدناوي .. أدينا أضانك ....صح انت قررت تعرس ولا شنو ...
مافي مشكله يازول انا بكلم ليك أم الحنان وبتسهل حق الحنانة والكوفير بس
لكين الحاجات التانية ديك ..أمور الشيله وسد المال والذ ي منه إييييييييك
.. بل راسك سااااااااااااااااااااا ياخوي
الموضوع طوييييييييييييييييل وحله صعب بالحححححححححححيل ياخوي
أنا حضرت عرس أخوي قبل شهرين في السودان ... بعد غيبة 3 سنة
لقيت الأمور جاطت شديد شديد .... بس إتمحنت ورجعت بي دربي شي
سمعنا بيه ... وشي ما أدونا ليه لحدي أسي
Madanawi
16-02-2007, 09:20 PM
يمدناوي .. أدينا أضانك ....صح انت قررت تعرس ولا شنو ...
مافي مشكله يازول انا بكلم ليك أم الحنان وبتسهل حق الحنانة والكوفير بس
لكين الحاجات التانية ديك ..أمور الشيله وسد المال والذ ي منه إييييييييك
.. بل راسك سااااااااااااااااااااا ياخوي
الموضوع طوييييييييييييييييل وحله صعب بالحححححححححححيل ياخوي
أنا حضرت عرس أخوي قبل شهرين في السودان ... بعد غيبة 3 سنة
لقيت الأمور جاطت شديد شديد .... بس إتمحنت ورجعت بي دربي شي
سمعنا بيه ... وشي ما أدونا ليه لحدي أسي
يا معلم انا زول واضح وما بعرف اللف والدوران. جيب الون اديك التوووووو طوالي.
شبرقية
16-02-2007, 11:40 PM
في ما معني حدث المصطفي علية الصلاة السلام "ايسرهن مهرا اكثرهن بركة"
لو الاهل والبنات عملو بالحديث دا ما كان حيكون في مصطلح بايركس يا
حقو الناس ترجع ورا وتشوف الصحابة والصحابيات كانو كيف بس حيقولوا الزمن اتغير
ما قلنا ليكم ابقوا صحابة بس اتشبهو بيهم ولو قليل
Madanawi
17-02-2007, 01:20 AM
في ما معني حدث المصطفي علية الصلاة السلام "ايسرهن مهرا اكثرهن بركة"
لو الاهل والبنات عملو بالحديث دا ما كان حيكون في مصطلح بايركس يا
حقو الناس ترجع ورا وتشوف الصحابة والصحابيات كانو كيف بس حيقولوا الزمن اتغير
ما قلنا ليكم ابقوا صحابة بس اتشبهو بيهم ولو قليل
شبرقية لك التحية.
انا غايتو في مسالة العرس دي بقول حقو الناس كلهم يبقو صحابة.
وانت يا شبرقية انشاء الله تبقي غابة والناس حطابة ، قولي آمين.
عوض صقير
18-02-2007, 03:20 AM
أخونا مدناوى
موضوع حيوى وغاية فى الأهمية
لكن أحب أوضح بأن الزواج عندنا أصبح بأشكال وأنماط مختلفة
يختلف بأختلاف الأمكانيات
والواحد بتزوج حسب إمكانياته
بمعنى أنو الواحد يمد رجليهو على قدر لحافوا
ومسألة الأختيار هى الأساس
بمعنى إنو نختار الناس الأمكانياتهم قريبة لأمكانياتنا
وأيضا تطلعاتهم بتشبه تطلعاتنا
وصدقنى ما حا تواجه الشباب أى مشكلة
Madanawi
18-02-2007, 09:24 PM
أخونا مدناوى
موضوع حيوى وغاية فى الأهمية
لكن أحب أوضح بأن الزواج عندنا أصبح بأشكال وأنماط مختلفة
يختلف بأختلاف الأمكانيات
والواحد بتزوج حسب إمكانياته
بمعنى أنو الواحد يمد رجليهو على قدر لحافوا
ومسألة الأختيار هى الأساس
بمعنى إنو نختار الناس الأمكانياتهم قريبة لأمكانياتنا
وأيضا تطلعاتهم بتشبه تطلعاتنا
وصدقنى ما حا تواجه الشباب أى مشكلة
مشكور استاذنا عوض على المرور الطيب ، والله كلامك في محلو والمفروض ان يكون هنالك تقارب ثقافي واجتماعي ان لم يكن المادي ايضا حتى لا تظهر التفرقة العنصرية داخل البيت وتقلبه راسا على عقب.
عماد عبدالشكور
19-02-2007, 04:26 AM
يا مدناوي يا اخوي لا تكاليف ولا حاجة اعقلها وتوكل على الله
العايز يبسط الامور ببسطها والعايز يبزر ويكلف نفسو فوق طاقتها على كيفو
Madanawi
19-02-2007, 09:36 PM
يا مدناوي يا اخوي لا تكاليف ولا حاجة اعقلها وتوكل على الله
العايز يبسط الامور ببسطها والعايز يبزر ويكلف نفسو فوق طاقتها على كيفو
كلامك في محلو يا عمدة وزي ما بيقولو اخوانا الشاميين صغرها بتصغر وكبرها بتكبر.
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir