اميرة كرار التى رحلت بدون وداع

[رضا حسن محمد]

وانتظرتك ان تجى
طال انتظارى واحترافك للمغيب
حدقت فى الطرقات مكتحلا بشوقى والنحيب
ورسمت وجهك فاكتسى القمر ائتلاقى
ما درى كيف الحبيب
كيف استدارة وجهه فى الليلة صبحا يستذيب
ام كان ليلا يحتويه الفجر والدنيا تطيب
كانت وكنا واكتوينا بانسراب الحلم
والوعد الخصيب

(سامر حسن محمد )

الخميس 26/2/2004 الليل يوغل فى ظلام كثيف ، انا قابع فى شقتى فى حى مشرفة وقد نام افراد اسرتى ، يدق الجرس ، اخاف من طارق الليل ، اشعر بحزن عجيب عندما يؤذن المغرب كل يوم كنذير لفراق متجدد،مثل حزنى عندما اسمع برنامج الحقيبة نهار الجمعة فى السودان ،غسان حسن بالباب يدخل باكيا ......فى شنو يا غسان ؟
سامر حسن عمل حادث توفت اميرة كرار (زوجته) محمد ولده ذو الثلاث سنوات يرقد بين الحياة والموت ، سامر كويس واسيل ذات الثلاث شهور بخير
العالم بوتقة حزن عميق يدور بى كدولاب تاريخ متارحج بلا اتزان
اميرة كرار ، الطيبة بت الناس ، الملائكية ، ذات الوجه الذى يتالق كلما ذاد عدد الضيوف ، طيبة المعشر عذبة الروح ، الراقية ، الضحوكة التى ارى فيها السودان الراقى بشقيه التقليدى ووالحديث
يحضر الينا اسامةالسر وبشرى حسن ونبكى ونغلب السكات ، اهرول الى الجوال ، اكلم عبد الرحمن صديق خالى الغالى ، كما اهاتف نزار وعصام فى الامارات ، دمعنا يتشتت ويغلب اللقاط


تبكى بت دبلوك وتتحسر على رفيقة دربها الصغيرةوطاهرة ، حبيبة القسا ، على نعشها المفارق من كتيف لكتيف
يا ثرى الرياض فى ربوعك امانة ، اميرة الاميرة الفارقت دون ان تلقانا ، سافرت دون وداع ، تبكى بت دبلوك وتسوى الحى ووب
توجهنا سريعا انا وغسان الى المطار ، وصلناها قبل الفجر ثم الى مستشفى الحرس الوطنى ، وجدنا محمد حسن
نواصل بكرة

[Madanawi]

الا رحم الله اختنا وزوجة اخونا سامر رحمة واسعة وان يتغمدها بواسع المغفرة والرحمة فهي بالجد الفقد الجلل لزوجها وابنتها واهلها وكل من عرف هذه الاسرة الكريمة . لا نزكها على الله ولكن نساله ان يبدلها دارا خير من دارها واهلا خير من اهلها وان يلزم الجميع السلوان وحسن العزاء.

أما أنا أخي رضا فكنت في بيتي الذي لا يبعد عنك كثيرا حينذاك واتصل على اخونا الدكتور وليد وقيع الله من لندن وهو يقول اهو سامر اهي زوجته ، فسالته من أين لك بالخبر ورضا وغسان ومحمد كلهم في السعودية معي ، فقال قرأته للتو في سودانيز أونلاين وكان ذلك في اليوم التالي للحادث المروري الذي حدثت فيه الوفاة ، لا حول ولا قوة الا بالله وانا لله وانا اليه راجعون.

[nasir]

احر التعازي لفقيدتكم وربنا يتقبلها قبولاحسن
التعازي للاخ سامر والاسرة

[رضا حسن محمد]

مدناوى الغالى
شكرا على تعازيك النبيلة
شكرا على مرورك الكريم

[رضا حسن محمد]

ناصر اخوى
لا اراك الله مكروها فى عزيز
شكرا على المرور الكريم

[امير عبدالباقي]

اللهم ارحمها واسكنها فسيح جناتك
واللهم اهلها الصبر والسلوان

[رضا حسن محمد]

وجدنا محمد حسن اجهشنا ثلاثتنا فى بكاء مرير ، حيرنا العسكر السعودى ، جائتنا الحاجة رقية واجلال ومبارك يوسف ومروان وعلام وعبد الرحمن صديق وعصام الشرفة ،واطلقنا العنان للاحزان
يا حليلك يا ست البنات
يا ما بتغلتى ولا بتفلتى يا متغربة وصغيرة وجاهلة ،والحزن جراح الفؤاد هو سيد الحضور

توافد الناس سريعا صباح الجمعة ، جاء اصحاب سامر من كل حدب وصوب ، وسامر طريح الفراش ، يموج فى الاحزان يبتسم ،يوزع الصبر ويدخر حزن الخلا
وسامر وما ادراك ما سامر صغير السن كبير العقل،السمح ، الشاطر ، زينة العائلة ،قنديل الليالى ، الشوفتو تفرح ، المفرح ، الفنان ، المفخرة ، ، المتدين شيال التقيلة ، عشاء البايتات ، البسدها وبقدها وعينى عليهو باردة
جاء اصحابه الختمية واخذوا يمدحون فى المستشفى ..... لا موجود الا الله لا معبود الا الله ، رفضوا الاذعان الى رجال الامن واخرجناهم بالتحانيس
جوالى يرن كالمجنون ، المتصلة الحاجة فايزةمن السودان (امى وحبيبتى ) من بيت ناس المرحومة اميرة فى الخرطوم
سامر كيف يا رضا ؟ سامر تمام يا حاجة
كلم عبد الرحمن يقرا ليهو كلام الله
مافى مشكلة يا ام نزار ، يكاد قلبى ينخاع من كلامها
يرن جوالى كمجنون هرب من المستشفى
المتصلة الحاجة عشة احمد عواض شفاها الله
سامر كيفنو يا رضا
كويس يا الحبيبة
احضنوهو يا رضا ثبتوهو يا رضا ، ينخلع قلبى ثانية وابكى معها كمحولجى سكة حديد فى محطة بعيدة
يرن جوالى كالمطوفش
المتصلة هبه حسن من السودان ، تسالنى باكية ...اميرة ماتت يا رضا ؟
قولى لا اله الا الله يا بت حسن ، يخبرنى احمد حسن ان هبه اغمى عليها
تاخذ السماعة حاجة عزيزة ، احب الناس الى قلبى بعد الرسول الكريم ، حبوبتى ، بموت فيها ، كبرت حاجة عزيزة ، لا تكلمنى بل تنوح بصوتها الجميل
وشك بنداهو يا الحبيبة
صدرك بلباهو يا الحبيبة
وا حنضلى وا حنضلى وا حنضلى وا حنضلى وا حنضلى

نواصل

[رضا حسن محمد]

شكرا اخى اميرعلى مرورك المواسى
ادعى لها يا طيب يا سليل الطيبين

[محمد السر احمد]

ربنا يرحمها وسكنها فسيح جناته مع الصديقين والشهداء

[سواااح]

اخي رضا ..

الموت هو الحقيقة الوحيدة علي وجه الارض

وكل من عليها فان ويبقي وجه ربك ذو الجلال والاكرام

وكل نفس زائقة الموت فهو الحقيقة الوحيدة

ولا تنس مصيبتنا في رسولنا صلي الله عليه وسلم

فلو احد من البشر كتب له الخلد لكان له ولعمري فهو احق به

وما لنا الا ان نقول : حسبنا الله ونعم الوكيل .. حسبنا الله ونعم الوكيل

وانا لله .. وانا .. اليه .. راجعون

اللهم اسكن اميرة في الفردوس الاعلي لديك ،

اللهم تغمرها بواسع رحمتك وعفوك اوسع

اللهم صبرنا علي عظم المصاب وثبتنا يوم الحساب

اللهم اجعل قبرها روضة من رياض الجنة

واوسع لها فيه ، وقر لها عينها وثبتها حين تلقاك

انا لله وانا اليه راجعون ،،،

[صالح ابوشوارب]

اسأل الله العلي القدير أن يتغمد الفقيدة بواسع رحمته ويسكنها فسيح جناته ويلهم آلها وذويها الصبر والسلوان

اللهم اغفر لها وارحمها ، وعافها، واعف عنها ، وأكرم نزلها ، ووسع مدخلها ، واغسلها بالماء والثلج والبرد ، ونقها من الخطايا كما نقيت الثوب الأبيض من الدنس ، وأبدلها داراً خيراً من دارها ، وأهلا خيراً من أهلها ، وأدخلها الجنة ، ونجيها من عذاب القبر ، وعذاب النار".

اخي رضا واخي نزار اسأل الله لكم وللاخ سامر والاسرة الكريمة الصبر الجميل انا لله وانا اليه راجعون

[رضا حسن محمد]

ود السر
يرحم الله جميع موتى المسلمين
فى ميزان حسناتك انشاءالله

[رضا حسن محمد]

سواح الغالى
شكرا على جميل مرورك الذى يشبهك
لا تراك الله مكروها فى حياتك
اميين

[رضا حسن محمد]

عزيزى صالح
تغمد الله جميع موتى المسلميت برحمته
شكرا على تعازيك الصادقة
ادام الله عليك الخير كله

[samah]

اخي رضا والله بكيتها كاني اعرفها ...............اخي ماطلب الموت احدا فاعجزه.................يارب ارحمها والهم زوجها واهلها الصبروالسلوان..................................... ......................................اللهم أنزل عليها شآبيب رحمتك وعزائم مغفرتك
والسلامة من كل إثم
والغنيمة من كل بر
والفوز بالجنة والنجاة من النار
اللهم أجمعنا بها في جنتك
انا لله وانا اليه راجعون

[نزار حسن محمد]

ارمى الدمعه ..فوق الدمعتين ياعين .. وبعد الليله عاد الدمــــــــــــــــــوع حابسها لمين ..
كل جميل مصيره اجى ومصيره يفوت بدون تخليد كتاب الكون ونازف قوس قزح لونه ومطره صديد

احبتى كل الشكر لكم على مؤساتكم الكريمه ...
الحبيب رضا ..
لاتنك الجرح القديم فاننى ودعت لليلا مضلما وثقيلا...
استحلفك بالله ...فل ندع الاميره وابنها فى الجنات العلا مع ملكين مقتدر ...وللصابرالصبور سامر
القوه والايمان ... ولك الود حفيد بن رجاء عبد الرضى

[مدنيّة]

لنا الا ان نقول : حسبنا الله ونعم الوكيل .. حسبنا الله ونعم الوكيل

وانا لله .. وانا .. اليه .. راجعون

اللهم اسكن اميرة في الفردوس الاعلي لديك ،

اللهم تغمرها بواسع رحمتك وعفوك اوسع

اللهم صبرنا علي عظم المصاب وثبتنا يوم الحساب

اللهم اجعل قبرها روضة من رياض الجنة

واوسع لها فيه ، وقر لها عينها وثبتها حين تلقاك

انا لله وانا اليه راجعون ،،،

[مرتضى يوسف العركي]

اسأل الله العلي القدير
أن يتغمد الفقيدة بواسع رحمته ويسكنها فسيح جناته
ويلهم آلها وذويها الصبر والسلوان

اللهم اغفر لها وارحمها ، وعافها، واعف عنها ، وأكرم نزلها ، ووسع مدخلها ، واغسلها بالماء والثلج والبرد ، ونقها من الخطايا كما نقيت الثوب الأبيض من الدنس ، وأبدلها داراً خيراً من دارها ، وأدخلها الجنة ، ونجيها من عذاب القبر ، وعذاب النار".

الاخوة سامر ورضا حسن والاسرة الكريمة
الصبر الجميل
انا لله وانا اليه راجعون
ــــــــــــــــــــــــــــــــــــــــــــــــــ ــــــــ
مرتضى يوسف العركي

كلمة طيبة كغيث أصاب أرضا طيبة فأنبتت كلأ وعشبا كثيرا

[رضا حسن محمد]

الاخت سماح الطيبة
لا اراك الله مكروه
شكرا جميلا يشبهك

[رضا حسن محمد]

عماد النخلى العزيز
فى ميزان حسناتك انشاءالله
اسكن الله موتانا وموتاكم وجيع المسلمينالفردوس الاعلى

[رضا حسن محمد]

اذن هو نزار حسن كبيرنا
انت عارف انا بحبك وبحلفبك ولا ماك عارف بالمرة

[رضا حسن محمد]

الحلامابى الطيب
اثابك الله رضا الوالدين فى الدنيا والفردوس الاعلى فى الاخرة

[رضا حسن محمد]

مدنية
شكرا لدعائك الجميل ، شكرا للنور الذى يصحب مجيئك

[lolo91]

انا لله و انا اليه راجعون
الله يرحمك يا خالتو اميرة و يدخلك الجنة برحمتو
و الله بكيتني يا خالو و رجعت لي ذكرياتي معاها
بتذكر يوم عرس خالو سامر لمن قعدنا انا و فاطمة بت خالتي مع العرسان في العربية و كيف كانت طيبا معانا .. و في عرس خالتو يسرا لمن كانت حامل بي اسيل كانت تزغرت ليها لين ما خلص العرس .. الله يرحمها و يسامحها.. و الله كانت من اقرب الناس لي..
و حمودي.. بتذكر لمن كنت بشيلو و بلعب معاهو و يضحك و الله كل ما اتذكر ضحكتو بمسكني البكا ..
ولمن كان خالو سامر يشيلو و يرفعوا و فوق و هو يقهقه بالضحك .. الله يرحمهم و يسامحهم و يدخلهم الجنة برحمته ..اللهم آمييييييييييييييييييييييييييييييين

اما نحنا فلمن و صلنا الخبر كان بابا برا و اول ما التلفون رنا انا كنت واقفة قدام ماما و امي كانت بتقول لي خالو عصام "عصام في شنو؟ سامر مالو؟؟" و هو يقول ليها " اتصبري يا نهلة اتصبري ، سامر ما عندو حاجة لكن اميرة الله يتغمدها برحمتو" و بعديها امي غمرت و انا ما كنت عارفة اعمل شنو و ما كنت عارفة الحاصل شنو فجريت على المطبخ و بصرخ "يا محمد الحق ماما" و في اللحظة ديك بابا جا داخل و قال لي "امك مالها؟" و قلت ليهو " غمرت" و في الوقت داك بابا جرا جوا و معاهو اخواني و انا مشيت اجيب موية و اول ما دخلت لقيت ماما قامت و قاعدة تبكي و انا بديت ارجف و ابكي و ما عارفا الحاصل شنو و اسأل في بابا و ماما و اقول ليهم "في شنو ، في شنو" و ما في زول بيرد علي .. و الليل كلو انا ببكي و ما عارفة الحاصل شنو و في الصباح اهلنا الفي ابوظبي كلهم جونا في البيت و مشينا العين لي بيت خالو عصام و هناك كان البيت كلو ببكي ..انا لله و انا اليه راجعون.. و اول ما خالتو غادة قالت لي ما عرفت اعمل شنو اصرخ ولا ابكي و فقعت بكا بعديها.... لا حول و لا قوة الا بالله.. و بعد يومين امي و خالو عصام مشوا السعودية لي خالو سامر..

الله يصبر خالو سامر و يحفظ اسيل و يصبرنا اجمين..
و الله يجمنا بيهم في الجنة انشاء الله
اللهم آميييييييييين

[hamad2]

اللهم ارحمها واسكنها فسيح جناتك
واللهم اهلها الصبر والسلوان

[رضا حسن محمد]

لولو العسل
كان فتحوا قلبى بلقوك جواه
ياجميلةمثل السنديان

[رضا حسن محمد]

hamad2
انشاءالله ما تشوف شر
تقبل الله دعلئك الجميل
لك الود

[سواااح]

انا لله و انا اليه راجعون
الله يرحمك يا خالتو اميرة و يدخلك الجنة برحمتو
و الله بكيتني يا خالو و رجعت لي ذكرياتي معاها
بتذكر يوم عرس خالو سامر لمن قعدنا انا و فاطمة بت خالتي مع العرسان في العربية و كيف كانت طيبا معانا .. و في عرس خالتو يسرا لمن كانت حامل بي اسيل كانت تزغرت ليها لين ما خلص العرس .. الله يرحمها و يسامحها.. و الله كانت من اقرب الناس لي..
و حمودي.. بتذكر لمن كنت بشيلو و بلعب معاهو و يضحك و الله كل ما اتذكر ضحكتو بمسكني البكا ..
ولمن كان خالو سامر يشيلو و يرفعوا و فوق و هو يقهقه بالضحك .. الله يرحمهم و يسامحهم و يدخلهم الجنة برحمته ..اللهم آمييييييييييييييييييييييييييييييين

اما نحنا فلمن و صلنا الخبر كان بابا برا و اول ما التلفون رنا انا كنت واقفة قدام ماما و امي كانت بتقول لي خالو عصام "عصام في شنو؟ سامر مالو؟؟" و هو يقول ليها " اتصبري يا نهلة اتصبري ، سامر ما عندو حاجة لكن اميرة الله يتغمدها برحمتو" و بعديها امي غمرت و انا ما كنت عارفة اعمل شنو و ما كنت عارفة الحاصل شنو فجريت على المطبخ و بصرخ "يا محمد الحق ماما" و في اللحظة ديك بابا جا داخل و قال لي "امك مالها؟" و قلت ليهو " غمرت" و في الوقت داك بابا جرا جوا و معاهو اخواني و انا مشيت اجيب موية و اول ما دخلت لقيت ماما قامت و قاعدة تبكي و انا بديت ارجف و ابكي و ما عارفا الحاصل شنو و اسأل في بابا و ماما و اقول ليهم "في شنو ، في شنو" و ما في زول بيرد علي .. و الليل كلو انا ببكي و ما عارفة الحاصل شنو و في الصباح اهلنا الفي ابوظبي كلهم جونا في البيت و مشينا العين لي بيت خالو عصام و هناك كان البيت كلو ببكي ..انا لله و انا اليه راجعون.. و اول ما خالتو غادة قالت لي ما عرفت اعمل شنو اصرخ ولا ابكي و فقعت بكا بعديها.... لا حول و لا قوة الا بالله.. و بعد يومين امي و خالو عصام مشوا السعودية لي خالو سامر..

الله يصبر خالو سامر و يحفظ اسيل و يصبرنا اجمين..
و الله يجمنا بيهم في الجنة انشاء الله
اللهم آميييييييييين


الغالية لولو 91

لكم احر التعازي في مصابكم

الذي نعتبره مصابنا مثلكم

وانا لله وانا اليه راجعون

ولنذكر دوما قوله سبحانه وتعالي :

" كل نفس ذائقة الموت "

" واين ما تكونوا يدرككم الموت ولو كنتم في بروج مشيدة "

ويكفي ان الموت طال حتي حبيبنا صلي الله عليه وسلم

ولكن هي صدمة الفاجعة وكما قال اخي رضا من قبل

انه كان رحيل بلا وداع ،،

[سواااح]

ارمى الدمعه ..فوق الدمعتين ياعين .. وبعد الليله عاد الدمــــــــــــــــــوع حابسها لمين ..
كل جميل مصيره اجى ومصيره يفوت بدون تخليد كتاب الكون ونازف قوس قزح لونه ومطره صديد

احبتى كل الشكر لكم على مؤساتكم الكريمه ...
الحبيب رضا ..
لاتنك الجرح القديم فاننى ودعت لليلا مضلما وثقيلا...
استحلفك بالله ...فل ندع الاميره وابنها فى الجنات العلا مع ملكين مقتدر ...وللصابرالصبور سامر
القوه والايمان ... ولك الود حفيد بن رجاء عبد الرضى


اخي نزار ..

هو جرح لا زال ينزف

وخوفي عليه من التقرح

فما زالت الذكري متاججة

ولكن لاضا اختار لها ان ينثرها بيننا

عل االقلب يخف حمله

وعل الجرح يوقف شيئا من النزيف ،،

[فدوى الحسن]

اسأل الله العلي القدير أن يتغمد الفقيدة بواسع رحمته ويسكنها فسيح جناته ويلهم آلها وذويها الصبر والسلوان

اللهم اغفر لها وارحمها ، وعافها، واعف عنها ، وأكرم نزلها ، ووسع مدخلها ، واغسلها بالماء والثلج والبرد ، ونقها من الخطايا كما نقيت الثوب الأبيض من الدنس ، وأبدلها داراً خيراً من دارها ، وأهلا خيراً من أهلها ، وأدخلها الجنة ، ونجيها من عذاب القبر ، وعذاب النار".

اخي رضا واخي نزار اسأل الله لكم وللاخ سامر والاسرة الكريمة الصبر الجميل انا لله وانا اليه راجعون

[صباح]

الله يرحمها ويسكنها فسيح جناته مع الصديقين والشهداء

انا لله وانا اليه راجعون

[رهيب]

اسأل الله العلي القدير أن يتغمد الفقيدة بواسع رحمته ويسكنها فسيح جناته ويلهم آلها وذويها الصبر والسلوان
وانا لله وانا اليه راجعون

[الشريف الهندي]

الاخ رضــــا والاخ نزار والاخت لول 91
احسن الله عزائكم في الفقيدة وتقبلها الله بواسع رحمته وانا لله وانا اليه راجعون .
ان المصيبة جلل وكونها في الغربة بين الاهل والاصحاب لكن امر الله نافذ فينا لا محال
ونسأل الله ان بتقبلها بواسع رحمته انشاء الله ..ويلهمكم الصبر والسلوان .
وتذكرو دائما مصاب الاسلام والمسلمين حين بكا الشجر والحجر وتقلبت موازين البشر
حين فارق المصطفى الحياة قائلا ان للموت لسكرات ... فهو حال الدنيا ساعه في فرح وساعة في حزن
لكن حين تأتي ساعات الحزن عليكم بالصبر والرضى والقبول لأمر الله ... فليس الامر الا اليه

انا لله وانا اليه راجعون واكثرو لهم من الدعاء وقرآءة القرآن وهبو لهم الصلاة على الرسول
عسى ان يتقبل الله منا ومنكم الدعاء لهم ........و انا لله وانا اليه راجعون

[ابودجانه العباس]

اخي رضا واخي نزار اسأل الله لكم وللاخ سامر والاسرة الكريمة الصبر الجميل انا لله وانا اليه راجعون

[MOHAMED OMER]

الاخ رضاء الموت سبيل الاوليين والاخريين وكل نفسا زائقة الموت ولا محاله واتمنى من الله ان يسكنها مع الكرام البررا ويلهمكم الصبر والسلوان

[رضا حسن محمد]

اسأل الله العلي القدير أن يتغمد الفقيدة بواسع رحمته ويسكنها فسيح جناته ويلهم آلها وذويها الصبر والسلوان

اللهم اغفر لها وارحمها ، وعافها، واعف عنها ، وأكرم نزلها ، ووسع مدخلها ، واغسلها بالماء والثلج والبرد ، ونقها من الخطايا كما نقيت الثوب الأبيض من الدنس ، وأبدلها داراً خيراً من دارها ، وأهلا خيراً من أهلها ، وأدخلها الجنة ، ونجيها من عذاب القبر ، وعذاب النار".

اخي رضا واخي نزار اسأل الله لكم وللاخ سامر والاسرة الكريمة الصبر الجميل انا لله وانا اليه راجعون

الطيبة بنت الطيبين
شكرا لحضورك الجميل

[رضا حسن محمد]

الله يرحمها ويسكنها فسيح جناته مع الصديقين والشهداء

انا لله وانا اليه راجعون

الاخت العزيزه صباح
فى ميزان حسناتك
كل الشكر

[رضا حسن محمد]

اسأل الله العلي القدير أن يتغمد الفقيدة بواسع رحمته ويسكنها فسيح جناته ويلهم آلها وذويها الصبر والسلوان
وانا لله وانا اليه راجعون

شكرا يا بهى الطلعة
كل الود

[رضا حسن محمد]

الاخ رضــــا والاخ نزار والاخت لول 91
احسن الله عزائكم في الفقيدة وتقبلها الله بواسع رحمته وانا لله وانا اليه راجعون .
ان المصيبة جلل وكونها في الغربة بين الاهل والاصحاب لكن امر الله نافذ فينا لا محال
ونسأل الله ان بتقبلها بواسع رحمته انشاء الله ..ويلهمكم الصبر والسلوان .
وتذكرو دائما مصاب الاسلام والمسلمين حين بكا الشجر والحجر وتقلبت موازين البشر
حين فارق المصطفى الحياة قائلا ان للموت لسكرات ... فهو حال الدنيا ساعه في فرح وساعة في حزن
لكن حين تأتي ساعات الحزن عليكم بالصبر والرضى والقبول لأمر الله ... فليس الامر الا اليه

انا لله وانا اليه راجعون واكثرو لهم من الدعاء وقرآءة القرآن وهبو لهم الصلاة على الرسول
عسى ان يتقبل الله منا ومنكم الدعاء لهم ........و انا لله وانا اليه راجعون

شكرا يا اصيل
سلام

[رضا حسن محمد]

اخي رضا واخي نزار اسأل الله لكم وللاخ سامر والاسرة الكريمة الصبر الجميل انا لله وانا اليه راجعون

الصديق الجميل
شكرا جميلا

[رضا حسن محمد]

الاخ رضاء الموت سبيل الاوليين والاخريين وكل نفسا زائقة الموت ولا محاله واتمنى من الله ان يسكنها مع الكرام البررا ويلهمكم الصبر والسلوان

شكرا يا انيق
لك ودى

[سامر حسن]

رضا .... لقد أدميت جرحي بهذا السرد الحنين
كنت ابحث بين سطورك عن منفذ للروح تعبر "نوافير الدم الكبرى" حزني تفتق لدى قلمك الحاذق وريشتك الرقيقة ومداخلات الأحباب
عارف يا رضا .. انا أحببت أميرة مرتين .. لا تلاتة مرات
مرة يوم لاقيتا أول مرة في الجامعة دافنة نظرتا في التراب خجلانة ومهذبة بت بلد
ومرة يوم وصل ابوي وأمي جدة وحضنت أمي وبكت ... قالت لي أنا بحب أمك شديد
ويوم لملمت ضفايرا للسما وسافرت من غير وداع عرفت انو الدنيا ما بتمسك ملاك من السفر
.
.

مودتي

[بدرينا]

اللهم أغفر لها وارحمها واجعلها من أصحاب اليمين

[سوباوي]

هكذا .. هكذا .. يا رضا .. نحنط الحزن بشذى ذكرى أنيقة .. والأحزان

ذاكرة القلب المفجوع .. وهناك تتقرفص أميرة .. على ناصية محبة

مجيده خصها الخالق بها فحباها بالقرب إليه منا جميعاً .. أنه لمقام

فقد جميل يا صاحبي يحور الحزن فينا لسيرة شفيفة نتلوها بترتيل

حميم للعابرون كي يحملوا شواهدهم ويصطفوا خلف شاهدها فيعمهم

الرحيق .. أنها مليون حكاية نقرأها في عيون "سامر" فنصلي

ركعتين ونرفع العقيرة بالدعاء ونبتسم .. مهم تماماً أن نبتسم فلها

منا الوفاء والدعاء والابتسام .. أنها سادرة في بهاء ملائكي جليل

فبحوزتها محبة الجميع تؤهلها لأن تكون

محاذية لسير الأنبياء ..

"اللهم أرحمها وأغفر لها ..

اللهم طيب ثراها وأكرم مثواها ...

اللهم نقها من الذنوب وأنزلها منزل مباركاً بين الشهداء والصديقين والمرسلين"

[رضا حسن محمد]

رضا .... لقد أدميت جرحي بهذا السرد الحنين
كنت ابحث بين سطورك عن منفذ للروح تعبر "نوافير الدم الكبرى" حزني تفتق لدى قلمك الحاذق وريشتك الرقيقة ومداخلات الأحباب
عارف يا رضا .. انا أحببت أميرة مرتين .. لا تلاتة مرات
مرة يوم لاقيتا أول مرة في الجامعة دافنة نظرتا في التراب خجلانة ومهذبة بت بلد
ومرة يوم وصل ابوي وأمي جدة وحضنت أمي وبكت ... قالت لي أنا بحب أمك شديد
ويوم لملمت ضفايرا للسما وسافرت من غير وداع عرفت انو الدنيا ما بتمسك ملاك من السفر
.
.

مودتي
والله والله ما قصدى ادمى جرحك يا الغالى
يعلمالله بحبك فى الله سيدى

[رضا حسن محمد]

هكذا .. هكذا .. يا رضا .. نحنط الحزن بشذى ذكرى أنيقة .. والأحزان

ذاكرة القلب المفجوع .. وهناك تتقرفص أميرة .. على ناصية محبة

مجيده خصها الخالق بها فحباها بالقرب إليه منا جميعاً .. أنه لمقام

فقد جميل يا صاحبي يحور الحزن فينا لسيرة شفيفة نتلوها بترتيل

حميم للعابرون كي يحملوا شواهدهم ويصطفوا خلف شاهدها فيعمهم

الرحيق .. أنها مليون حكاية نقرأها في عيون "سامر" فنصلي

ركعتين ونرفع العقيرة بالدعاء ونبتسم .. مهم تماماً أن نبتسم فلها

منا الوفاء والدعاء والابتسام .. أنها سادرة في بهاء ملائكي جليل

فبحوزتها محبة الجميع تؤهلها لأن تكون

محاذية لسير الأنبياء ..

"اللهم أرحمها وأغفر لها ..

اللهم طيب ثراها وأكرم مثواها ...

اللهم نقها من الذنوب وأنزلها منزل مباركاً بين الشهداء والصديقين والمرسلين"
يا طروب
اتخوجج من جمال كلماتك
لك الانحنائة
فى حاجات كتيرة فى السودان ماشة لفوق
ابوعركى
وساورا
حميد
سامر حسن
اقلاع الطائرات فى مطار الخرطوم
وانتيا سوباوى

[samah]

غيابك مواسم الذبول وحصاد النهايات
واولى قطرات البكاء
واولى دروس الوداع
واولى خطوات الضياع
وآخر خيوط الشمس

غيابك
ذاكرتي التي علقت بطرف
ثوبك عند الرحيل
فنسيت بعدها كل التفاصيل
واضعت بعدها كل شي
لك الله ياسامر وفي جنات الخلد اميره

[ودالسني]

اللهم ارحمها واسكنها فسيح جناتك
واللهم اهلها الصبر والسلوان

[رضا حسن محمد]

اللهم أغفر لها وارحمها واجعلها من أصحاب اليمين
يا بدريتا يا بدر ليالينا
شكرا يشبهك

[رضا حسن محمد]

غيابك مواسم الذبول وحصاد النهايات
واولى قطرات البكاء
واولى دروس الوداع
واولى خطوات الضياع
وآخر خيوط الشمس

غيابك
ذاكرتي التي علقت بطرف
ثوبك عند الرحيل
فنسيت بعدها كل التفاصيل
واضعت بعدها كل شي
لك الله ياسامر وفي جنات الخلد اميره
كل ما تباعد بينا عوارض كلما هواك يا طيبة مكنى
تلد الغربة الكربة الواحد
بيكى اسمى الشوق واكنى
لما افوتك من دون خاطر
او دون خاطر منى تفوتى
بلقى حبايب فى كل حتة وكل بيوتالفقراء بيوتى
لا بدلت وراك الجتة
لاغيرت ملامح صوتى
(حميد)
شكرا سماح

[رضا حسن محمد]

اللهم ارحمها واسكنها فسيح جناتك
واللهم اهلها الصبر والسلوان
فى ميزانحسناتك يا ود السنى
شكرا على التواصل

[سامر حسن]

الحبيب رضا
دعني أتوكأ دهراَ على روحك ...

واصل سردك يا رضا ... أحتاج أن أن أغسل حزني بالدموع .. علي أستعيد الزاكرة وأدوزن أحداث وتفاصيل تلك الليلة ..
واصل واصل

[رضا حسن محمد]

فى يوم الدفن كان سامر فى المستشفى شديد الاعياء ، قال لى يا رضا اريد ان اذهب معكم للدفن ، وافقته وشاورت طبيب سودانى طيب ودحلال قال لى الدكتور حالة سامر لا تسمح لا تدعه يذهب
عدت لسامر قلت ليهو الدكتور قال مافى طريقة تمشى ، قال لى بين دموعه عليك الله يا رضا داير اشوف اميرة اخر مرة قلت له بنبرة حادة لا لا قال لى مستسلما طيب
خرجت خارج الغرفة وجلست ابكى كما بكى ابى فى السوق الشعبى عندما ودع غسان عند ذهابه الى السعودية .
تحركنا افواجا للدفن ، ركبنا فى سيارةاسعاف مع المرحومة انا وعصام الشرفة واخت المرحومة ابتسام كانت تترح عليها وكانت قوية كجبل الهملايا انها امراة بحجم التاريخ قوية كالسيل اما انا وعصام الشرفة فكنا نبكى كاطفال ضاعومن اهلهم فى عز الحج ، وصلنا الى مستشفى اخر واخدتا تصريح بالدفن وتوجهنا الى مشجد الملك سعود حيث صلينا عليها قرابة الاف شخص، وفى المقابر كنا نزيد على الالفين حيث كان هناك اناس اخرون جاءو لدفن موتاهم
وقد حضر كثير من اهلنا وناس مدنى وبركات واناس لا اعرفهم عاء الدين جوهر ، مبارك يوسف عبد الرحمن صديق ،طارق جادالله ،سند ، مروان ، علام ، محمد واحمد على عواض وسوينا الفوت
بواصل بكرة

[مدناوية]

ياربي ترحمها بي رحمتك الواسعة ،،
وتدخلها فسيح جناتك ،،،

وتلهم اهلها الصبر والسلوان،،،


ياربي ترحمنا إذا ماصرنا إلى ماصاروا إليه،،،


والله يارضا خليت دموعي عشرة عشرة،،،،
والكلام غالبني،،،

[رضا حسن محمد]

ياربي ترحمها بي رحمتك الواسعة ،،
وتدخلها فسيح جناتك ،،،

وتلهم اهلها الصبر والسلوان،،،


ياربي ترحمنا إذا ماصرنا إلى ماصاروا إليه،،،


والله يارضا خليت دموعي عشرة عشرة،،،،
والكلام غالبني،،،
تسلمى يا الق الصباح
والله معزتك عندى كبيرة وغالية زى دموعك ديل
وانا قررت ان ابتسم واتركها تسير موازية للملائكة زى ما قال ساباوى المجهجهنى فى اسمو دة

[سامر حسن]

رضاي الوضئ


مالي أراك يطول بكراك ...
وأنا بطراك
وكلما صباح يطلع جديد
بتجارى زي شفع مسيد
نحو القطار ... طعمية عيش وشلن حديد
برجاك تفن كل الحكى
وما ضر لو طال البكى
ما الحزن أكبر من حدود الإحتمال
والبوح برتب ما مضى
نترامى ما شاء الفضا
ونتباهى بذاك الملاك
الباقي زي اجمل صدى

[رضا حسن محمد]

رضاي الوضئ


مالي أراك يطول بكراك ...
وأنا بطراك
وكلما صباح يطلع جديد
بتجارى زي شفع مسيد
نحو القطار ... طعمية عيش وشلن حديد
برجاك تفن كل الحكى
وما ضر لو طال البكى
ما الحزن أكبر من حدود الإحتمال
والبوح برتب ما مضى
نترامى ما شاء الفضا
ونتباهى بذاك الملاك
الباقي زي اجمل صدى
سامر المليان غزل

يازول شفيف زى البدر
يا الصبرو علمنى الصبر
خلى الحبيب
جالس سعيد
سرحان سدر
محروس بملائكة
لابسين خضر
يا زول موشح بالسهر
ادينى من نغمك وتر
ذودنى من شعرك درر
هقيت منتف زى القمر
مالك طولت منى اكتر من شهر

[المهند]

اللهم ارحمها واغفر لها واكرم نزلها
واجعلها من الذين تظلهم بظلك يوم لا ظل الا ظلك

احر التعازي لكم جميعا عامة ولكل من يمت لها بصلة

رحم الله موتانا وموتى المسلمين

[قلب من ورق]

اخي رضي
اخي سامر
اخواني اولاد حسن كما يطيب لكم مناجاة بعضكم
كنت في عالم اخر بعيدة من عالمكم بي مقدار حياة وبرغم من ذلك جرفني الحزن علي فقدكم
بكيت وتذداد دموعي كلما سمعت عنها منكم تباعا... كل من منظوره ادعوا الله ان يتقبلها مع الصدقين والشهداء وحسن اولئك رفيقا
سامر........ ادعو الله مرارا وتكرارا والغصة تخنقني ان يهبك صبرا من عنده علي قدر مصابك ومصابنا وصبرا جميل والله المستعان
رضي............ سردك ادخلني في جوف سيل حزنكم الذي اصبح حزني واحسست بي كل حرف ومدي صعوبة اجترار سرده
وانا لله وانا الية راجعون

[رضا حسن محمد]

اللهم ارحمها واغفر لها واكرم نزلها
واجعلها من الذين تظلهم بظلك يوم لا ظل الا ظلك

احر التعازي لكم جميعا عامة ولكل من يمت لها بصلة

رحم الله موتانا وموتى المسلمين
شكرا جميلا يا المهند يا سليل الطيبين
انشاءالله دائما سالم وغانم

[رضا حسن محمد]

اخي رضي
اخي سامر
اخواني اولاد حسن كما يطيب لكم مناجاة بعضكم
كنت في عالم اخر بعيدة من عالمكم بي مقدار حياة وبرغم من ذلك جرفني الحزن علي فقدكم
بكيت وتذداد دموعي كلما سمعت عنها منكم تباعا... كل من منظوره ادعوا الله ان يتقبلها مع الصدقين والشهداء وحسن اولئك رفيقا
سامر........ ادعو الله مرارا وتكرارا والغصة تخنقني ان يهبك صبرا من عنده علي قدر مصابك ومصابنا وصبرا جميل والله المستعان
رضي............ سردك ادخلني في جوف سيل حزنكم الذي اصبح حزني واحسست بي كل حرف ومدي صعوبة اجترار سرده
وانا لله وانا الية راجعون
يا قلب صافى ومعطر زى اناناس
يا زول حساس
يامشكل نفسك بهموم الناس
شكرا ابيضا زى قلبك

[سامر حسن]

انا لازلت أرفض فكرة التلويح من خلف الزجاج
لازلت أسكر من كئوس الوعد تأتي من فجاج
لازلت أمخر من عباب الشوق أكسر ألف تاج
اتلصص التصوير خلف الشرفة الزرقاء استبق الرتاج
ويظل سرك مبعدا عني وعنهم رغم أنف الاحتياج


صدقني يا رضا كم هو مريح هذا السرد الباكي المبكي

واصل واصل

[نزار حسن محمد]

اولا التجلاء والاحترام لذلك الانسان النبيل مرتضى الحلمابى هذا الانسان الشفاف المشبع بحنية بلدى واهل بلدى ...كنا عبر الاسير نتحدث وتسبق الدمعه حديث اخى الحلمابى ... وقد اتفقنا على ان نجعل هذا البوست ...دعاء رحمه للفقيده اميره وابنها محمد فهل استجبتم احبتى معنا وجزاكم الله كل خير،،،

[فدوى الحسن]

اسأل الله العلي القدير أن يتغمد الفقيدة بواسع رحمته ويسكنها فسيح جناته ويلهم آلها وذويها الصبر والسلوان

اللهم اغفر لها وارحمها ، وعافها، واعف عنها ، وأكرم نزلها ، ووسع مدخلها ، واغسلها بالماء والثلج والبرد ، ونقها من الخطايا كما نقيت الثوب الأبيض من الدنس ، وأبدلها داراً خيراً من دارها ، وأهلا خيراً من أهلها ، وأدخلها الجنة ، ونجيها من عذاب القبر ، وعذاب النار".

اخي رضا واخي نزار اسأل الله لكم وللاخ سامر والاسرة الكريمة الصبر الجميل انا لله وانا اليه راجعون

[مرتضى يوسف العركي]

حديث قدسي جليل

عن النبي - صلى الله عليه وسلم- أنه قال: قال عزوجل:
ياابن آدم لا تخف من ذي سلطان مادام سلطاني باقيا وسلطاني لا يزول أبدا..
ياابن آدم لا تخشى من ضيق رزق ما دامت خزائني مملؤة وخزائني لا تنفذ أبدا..
ياابن آدم لا تطلب غيري وأنا لك فان طلبتني وجدتني وان فتني فتك وفاتك الخير كله..
ياابن آدم خلقتك للعبادة فلا تلعب وقسمت لك رزقك فلا تتعب،فان أنت رضيت بما قسمته لك أرحت لك قلبك وبدنك وكنت عندي محمودا وان لم ترضى بما قسمته لك فوعزتي وجلالي لأسلطن عليك الدنيا تركض فيها ركض الوحش في البرية ثم لا يكون لك منها الا ما قسمته لك وكنت عندي مذموما..
ياابن آدم خلقت السماوات السبع والأرضين السبع ولم أعي بخلقهن أفعييني رغيف عيش أسوقه لك بلا تعب؟
ياابن آدم انه لم أنسى من عصاني فكيف من أطاعني وأنا رب رحيم وعلى كل شيء قدير؟!
ياابن آدم لا تسألني رزق غد كما لم أطلب منك عمل غد..
ياابن آدم أنا لك محب فبحقي عليك كن لي محبا
عن احمد والترمذي وابن ماجه

اللهم اجعلنا من أهل هذا الحديث القدسي

واللهم نسال وجهك الكريم ان يكون صدقة جارية على روح
المرحومة اميرة كرار وابنها
وفي ميزان حسناتهاوابنها ونسال كل من يقراه ان يترحم على روحها ورح ابنها واموات المسلمين

ــــــــــــــــــــــــــــــــــــــــــــــــــ ــــــــــــــــــ
كلمة طيبة كغيث أصاب أرضا طيبة فانبتت كلأ و عشبا كثيرا