المساعد الشخصي الرقمي

مشاهدة النسخة كاملة : **** حقيبة الفن **** شارك باغنية تعرفها



zaher
20-02-2007, 04:53 AM
الشعر السوداني .... الغنائي بكل الوانه
الحزن.... الريد.... الحنان..... الغربة.... الرحيل....

يجتمع في وجداننا كبصمة لاتتغير مهما تغيرت الظروف والامكنة ....

اجتمعت لتعبر عن وجدان هذا الشعب الذي طالما حلم بالدفء بين احضان الكلمة...

اجتمعت لتشكل وردة ... بها ... اللون... والرائحة الذكية...

كلمات هي ... انطبعت في الانسان السوداني .... وظلت بدواخله

ورغم اختلاف من قالوها الا انها وجدت طريقها نحو قلب السوداني ..... الزول .... السمح ...

انها حقيبة الفن


************ وهذه دعوة للجميع *************
لنجتمع في رحاب الشعر ... على دندنة اغنيات طالما سمعناها وعشقنا ترديدها


والدعوة للجميع
لكل من لديه اغنية حقيبة سمعناها وسمعنا مقاطع منها ان ينزلها على هذا البوست

حتى تكون ملجأ لمن يبحث عنها

سيكون هناك اخطاْ بالتاكيد ... ولذلك... نريد الجميع ان يصحح بما يعرف انه صحيح

وفي النهاية حتما سيكون لدينا حقيبة كلنا نعلم اهميتها

والمساحة للجميع

وانا حا ابدا لكم باول خمسة اغاني

zaher
20-02-2007, 04:54 AM
الشاغلين فؤادي وتايهين فايقين
يفت البى ذارف دمع المايقين
*******
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
******
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع

zaher
20-02-2007, 04:55 AM
زمانك والهوى أعوانك.....احكمي فينا هذا أوانك
حمامة الغصون صداحة فوق أغصانك
ذكرى لي حبيب ياحمامه مولاي صانك
هاجت عبرتي ويا دموعي كيف حبسانك
وين تلقى المنام يا عيوني غاب إنسانك
مدنف ودى بيك لكن فقدت... حنانك
روحي وهيبه ليك هي هدية طوع بنانك
هاروت سحره مأخوذ من سحر عينانك
ظلموك لو يقولوا الدر شبيه أسنانك
في صبحي ومساى نازلات دموع ساحالك
وأنا كايس رضاك ورضاك أظنه محالك
أتعكر صفاي وبياضي أصبح حالك
والحال العلى ياريتو لو يو حالك
حسنك مافى عجمان ولا عربانك
لو هب النسيم الزاكى ميل بانك
أدبك خدرك الضاراك على ما بانك
ما ضر لو أكون أنا من احد حبانك
قلبي أمين هواك يا الجميلة خلالك
يا ذات الجمال فرضا علىّ إجلالك
لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

zaher
20-02-2007, 04:56 AM
من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّ.....ما مرّ النسيم صبّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف
********

zaher
20-02-2007, 04:57 AM
انت حكمة...... انت آية....... ولا إنسان.........؟
انت صاحي ولا نايم ولا طرفك من طبعه نعسان؟
انت راحى انت روحي انت إنسان
عيني يا صاحي وانت إحسان
انت نادي انت هادى انت ميسان
انت ظافر انت ضافر اسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى ويا مماتي هاك سطران
الصبابة ومر عذابها وقلبي أقران
انت ساهي انت لاهي انت بطران
في دلالك في جلالك يا سامي وكران
ياصفاى ويا وفاى هاك برهان
عن غرامي وطول هيامي السابنى ولهان
عزّ قربك.. أما بعدك مالو لي هان
قلبي خافق هل توافق قدري ينهان؟
ياحبيبى كن طبيبي امرى حيران
طول نهاري ثم ليلى ساهي سهران
طال عذابي وصاح غرابي جوى عكران
دمعي هامي وشوقي نامي وفرشي نيران
انت حالي انت عالى انت سلطان
انت ساطع وانا ساجع بى غناك طان
طال انينى وفاق حنيني الحان لأوطان
والبلومنى فى هواك ياسيدى غلطان

zaher
20-02-2007, 04:58 AM
مرضان باكي فاقد......فيكى علاج طبيبي
قالوا ترك سكونك .....يادار وين حبيبك
******
يادار من بقاياك...فوحي وجيبي طيبي
أو عاتق شميم ......النرجس من رطيبي
ماردت سؤالي.......وأجابت دار حبيبي
سدت حلقي عبره.....نفسي متين تطيبي
******
أنا لي مدة طالت .......ما شاهدت قمري
ما شاهدت غصن .....اليانع فيه ثمري
أنا ماشفت محبوبى.......البفيداه عمري
اسكر من عيونه ....هي كأسات فيها خمري
******

حبي الغير خافي.....ياالانت بتخبرى
اسألي منه قلبك......ومن نيراني تبرى
مروا على ناسك....وليك شالوه خبري
هل عرفوني حائر.....وهل ادوك خبرى
******
كيف طغى لي حبك....دائي متين تزولي
لولاك ما نزلت .....عن مقدار نزولي
ليك بنثر جواهري...... وبلغيها زولي
قالت كترت عليه......صديقي الما عزولى
******
فاكهه جميلة يانعه.....شتاها طاف بدري
دره يتيمة انسه.....ظبيه حواها خدري
حوره فى نعيمه......طواها جبينها بدرى
انا فى ناره ساهر....باكى أريتها تدرى
******
لو كلمتي طيفك .......قلت يزور ضريحي
أو قلتيلو داوى.......علل عاشقي وجريحي
لا باس من عذابي.....وبكاء جفني القريحى
ما دام انت نائمه....... وهادئه وتستريحي
******
أنا غافل غرامك.......دون اعلم شحني
دمعي إذا طريتك....بين الناس فضحنى
أنا شاعر فؤادك....في الحب امتحنى
برضك جافيه نافره ....لي متين تحنى

zaher
20-02-2007, 05:00 AM
يا جوهر صدر المحافل ..........روحي معاك اتلطفيله
**********
ما النور الفى حليه رافل.........في حق نهده قلوبنا قافل
كالظبي الفى مقيله غافل......تاره يميل والتانيه جافل
وجهه ينور والبدر آفل ......فوق للبدر يزيد نفيله
************
بالنور خدك لاح مقابل..........للشعر الطال ليله سابل
سهم ألحاظك لي نابل.........بى كل شئ دون هجري قابل
ينسب نوحي على البلابل.......وانتى القمره بتنسبيله
*********
ليك جوز عينين نعسان وكاحل.......وخصرا يميل وصدر راحل
ولى وجدي اللي جسمي ناحل.......بحر الشوق ما ليه ساحل
بيني وبين النوم مراحـل.........وين للطيف أنا القى حيله
*********
الفرع البتنى راتــل...........طيره ينوح في غصونه حاتل
بهوى نسيم لي فكرى شاتل.........والأسد الفى القيد يناتل
يتأكد ما ليهو قاتل ............غير مكحول ظبي النتيلا
***********
ضاوى سناك لي بريقه راسل........لاح بين عنابتين عواسل
صدرا يرجح وكتفو خاتل...........رنا طرفك للسيف يماثل
ليه ما يجندل كل باسل ..........وساحبه دغس وخدود اسيله
**********
المرنوع لي كتفو هادل.........في دروعه ولى معاصمه جادل
أنا ساهر والليل سادل ..........شرط الحاكم يبقى عادل
لا اقبل بهواك مبادل...........كيف اعشق وارضى البديلا
************
تمنع طيفك لي يغازل.........داخل قلبي أنا ليك منازل
يا لايم لا تبقى هازل..........أنا في الحب لروحي باذل
هل عاشق يسمح لعازل.........خلى نصيحتك عنى زيلا
***********

يوقد جمري ودمعي باهل .............كيف نار تشعل في مناهل
ضاق بى الكون مع انه ماهل........نومي تصعب ووجدي ساهل
لو بى حالة سهري جاهل ..........دى الأنجم أسال سهيلا
***********

لى طيفك ما لقيت وسائل................غير بسط النسمات رسائل
اغرب شئ وأعجب مسائل................حلم الصاحي ودمعه سائل
لو شكيت في امرى سائل................البدرين كونك مثيلا
***********

زايد شوقي ودمعي هامل..........جمر الحب لي جسمي شامل
حتى الطيف لي لا يجامل............مع كلا ما كنت آمل
دمى تحنن بى الأنامل............وهل يرضيك كده ياجميله

zaher
20-02-2007, 05:19 AM
لحظك الجراح

لحظك الجراح .....أذاي فيه وفيهو الطرب والراح
مناى زهرة الأفراح
***********
للقلوب سراح ............مبتعد شئ عجيب مسجون وعنده سراح
بى ضاق الكون لا اجد لو براح......منى فارق وشال نوم عيوني وراح
************
عمري أضحى مباح ...........في الغرام لا اقصد غير لقاك أرباح
سرى ليك يباح .............في الظلام تتبسم وليلى يبقى صباح
***********
جيش غرامك زاح ............هد حصن المهجة ولى دماي نزاح
عقلي كاد ينزاح ...............قولي هجرك جد يا جافى ولا مزاح
**************
ليك مغرم صاح ................يا خلاصة حسن العجم والفصاح
بى جنون يا صاح ............من بعادك هل بى قربك القى نصاح
*************
ليك محي وضاح ..........وليك جبين بى نور ماء الجمال نضاح
والدمع فضاح.............بى سر هواي و البى تعلم به دون إيضاح
***********
تعبت الاصفاح .............وطرفي جافى النوم من طيب عبيره الفاح
بين عيونه صفاح ................في مبيسمه عقد الدر وفى صدره جوز تفاح

zaher
20-02-2007, 08:08 PM
الشوق و الريد
*************
والحب البان في لمسة إيد
وأغاني نقولا00
والدنيا زهور00في عينينا
تصبح كل يوم 00زي طفل وليد
**************************
كل الأشواق00
وآهه بتجرح00قلب المشتاق
ليك ياهاجر00ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان00حليل الكان
نخلي الحب يسرح بينا
يبقي جناحين00ويطير بينا
*************************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّا
*************************

zaher
20-02-2007, 08:09 PM
حبيبي اكتب لي

حبيبى اكتب لى .. وانا اكتب ليك
بالحاصل بى .. والحاصل بيك
الحاصل بى ..انا شوق وحنين
واقيم الليل .. آهات وانين
فارقنى حبيب .. آلفنى سنين
ماليك امان .. يا دا الزمان
يا ليالى زمان .. الله عليك

اذكر جلوسنا .. على الربى
نستعرض .. اسراب الظبى
نسمع لهمسات ..الصَبا
ونحنا فى .. فجر الِصبا
ابسم اليك ..تبسم معاى
تسمع .. غناى ..
مع صوت الناى ..وانا يا مناى
الطول حياتى .. بغنى ليك ..

أنا أكتب ليك .. وأنت أكتب لي
يا حبيب روحي .. يا نور عيني
يا وحيد عمري.. مادمت حي
أكتب لي .. عن كل شئ
أذكر ودادي .. وارحم فؤادي
ارع الوفاء .. ودع الجفا
واذكر صفاء .. أيامنا ليك

zaher
20-02-2007, 08:11 PM
انت عارف
انت عارف انا بحبك وبحلف بك ولا ماك عارف ريدي مره

انت صارف عني مده وانا خايف تتحدى طمني تعال نبدأ
التعارف والتألوف والمود
يا حبيبي من فضلك طاوعني جاملني لا تخالف واحده مره

انا شايف المحاسن الطرايف في صمتك في كلامك
في عيونك في ابتسامتك في خديدك في قوامك
انت جالس وانت ماشي وانت واقف
انت نايم صغير غريبك طرفي حالف ما ك عارف
طرفي جفا المنام آلف الحب والهيام
مع الجمال لي العواطف في غرامك استمرا

متين اصادف رضاك علي علي توالف اراك مناي حياتي حبك والمحبه
بلاك اشوف النور ظلام واضوق طعم كل حاجه مر
لما رأيتك بالقرب مني هل تدري اني اسعد اظني
احس بي عظمه وشأن كبير افرح كتير فرح كبير واكاد اطير من الفرح
بالامل احيا واحابك المسره...

zaher
20-02-2007, 08:14 PM
العاطفة النبيلة

بإسم الحب بقدم ليك حياتى ومعاها العاطفة النبيلة

عليك ياحب تحياتى
عليك اوقفته غاياتى
لحبى اضحى بحياتى

احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل

عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل

zaher
20-02-2007, 08:16 PM
آلمني حنان


ألمني حنان ألمني حنان

يوم قسموك يا هم كتبو عليك اسمي

لو كان روك بالدم يا هم رواك دمي

أنا لو رضيت بالهم ما برضى بي همي

أنا أنا ووب أنا

حفان يا يا أهلي يامن تعزوني

في الدنيا خاب أملي وفي حظي عزوني

أنا لو يحن أجلي أنا لو يتم أجلي وماتبكو هنوني

أنا أنا ووب أنا

يوم السعادة تكون يا ناس تخليني

بين الحياة والموت يا سعادة زوريني

أمروها بي جبروت السعادة ما بتجيني

ألمني حنان ألمني حنان

zaher
20-02-2007, 08:17 PM
وداعا


وداعا روضتي الغناء وداعا معبدي القدسي

طويت الماضي في قلبي وعشتو على صدى الذكرى

وهازا الدمع قد ينبأ بظلم المهجت الحيرة

لماذا الهجر يا حبي

لماذا دهرنا ظنا وشبع روحي باليأس

وداعا

نسيت الماضي يا ليلة ماضي الحب والطغري

ليالي مطري الليلة بحلو النجوة والشعر

ليالي حبنا الأولا ليالي حبنا الأول

نسيتي ليلة إذ كنا نفدي النفس بي النفس

وداعا

حظل أردد الشكوى لما لقيت من وجدي

حبيب الروح لا لا أقوى على حمل الهوى وحدي

ولما لم أجد سلوى ولما لم أجد سلوى

كسرت إبريقي وأتدنا سكبت على السرى كأسي

وداعا روضتي الغناء وداعا معبدي القدسي

zaher
20-02-2007, 08:19 PM
المهــــــــرجــــــان
رفا قلبي بي جناح النسايم
راح وشاف جمالك
شاف جمالك وانت نايم
شافك لقاك أجمل ملاك
روضة ربيع غطت نداك
يا وردة أحلى من الزهور
مالو القمر يا حلوة خلاهو الظهور
رسلتا قلبي اليك هناك
جاني ورجع محتار معاك
أحتار أنا .. أحتار أنا
أنا عمري وين .. أنا حبي وين
أنا أنا قلبي وين .. أنا عمري وين
عمر المعذب كم سنة
احترت في عمرك سنين
يوم الهناك ويوم الهنا
و بقت حياتي مقسمة
نص في الأرض ونص في السما
وانت القمر وأنا كلما
زح السحاب ألقاك تميل
فيك الدلال و أصلو الدلال حق الشباب
وانت السحاب حجبك كتير
و أنا في الأرض يا روحي حارقني الهجير
أحتار أنا .. أحتار أنا
تنسى ليــــــــــــــــــه
و أنا قلبي بتذكر كتير
يوم لقيتك و هويتك
و انت وريتني الحنان
الحنان في أحلى نظرة
في ابتسامتك في خيالي أحلى ذكرة
بالاشارة لفتة عابرة
شوفت حبك كنتا خايف كنتا قايل
الجميع عارفين محبك
و العيون راصداني لمن أبقى جنبك
بتبقى ذكرى فيها انت
فيها قلبي وفيها قلبك
فيها يوم المهرجان .. أحلى يوم المهرجان
أحلى من عمر الزمان
أحتار أنا .. احتار أنا

zaher
20-02-2007, 08:20 PM
خســـــــــاره

خسارة يا قلبي الحزين هجروك احباب السنين

من غير سبب ظلموا الغرام الكان حلو و الكان أمين


يقولوا عننا ظالمين يا حليلنا حليلنا إحنا المخلصين


خســـــارة يا لحني الفريد جرحي المنور كل ليــل


وااحــــاري من هجر البريدو ولهفت الزول البــــريـد


أبكيــــك و وين القى الدموع يـا ريتا من بعدك تطــيب


يـــا قلبي إنت الفي هــواك دايما وفي و دايـما أميـن


أشقــــاك احب الناس اليك رغم الحنين الطال سنين


يا قلبي ســـامح في المحبه في الدنيا ما في محبتين


و القالوا ليك عن الفراق إنشااللـــه يوم ما تشوفوا عينك

zaher
16-03-2007, 08:54 PM
ليه بتسأل
ليه بتسأل عني تاني بعد ما شلت الاماني
روحت خليتني لزماني وانت عارف علي جاني

لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني


امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني

zaher
16-03-2007, 08:55 PM
..::انا يا طير::...

أنا يا طير ..أنا يا طير ..بشوفك
فرحااااااان ..فرحان وبتغني
حبيبك معاك ..وحبيبي غاب عني
أنا يا طير موله ..محزوناً لأني
وحيد حبيبي غايب
و آه يا طير ..وتاري علي مصايب
ومن أدهى الغرايب لي أقرب حبايب
صدو و بعدو مني
أنا يا طير حبيبي للآلام تركني
بتدلل علي وبالهجران هلكني
زعلاااااان..مني صدى..حبيب روحي
وبي رأيو استبدى
اتناسى المودة واعتاد التجني
يا ريت .. يا ريت
لو كنت زيك لو يجدي التمني
حبيبي يكون معايا
وفي الأشجار نقيل و بالأغصان نميل
وفي خفة جناحك وحرية صراحك
و في الأفنان نغني

zaher
16-03-2007, 08:55 PM
جانى طيفه طايف

جانى طيفه طايف لحاظه كالقذائف وانا

من عيونو خايف

خيالو جانى طايف فى ثوب من الطرايف

خدوده كالقطايف وليهو العنب شفايف

تلا فى هواى صحايف لقى حبى غير زائف

قال لى اراك خايف دون تشرح انا شايف

حبيبى دمعى زارف غرقنى سيله جارف

لماذا عنى صارف وهالكنى وانته عارف

ياملهب العواطف ومهدل المعاطف

متى ياجميل تلاطف وتكون علينا عاطف

انا ياحبيبى حالف لعواذلى فيك اخالف

وقلبى ليك محالف متى ياغزال توالف

zaher
16-03-2007, 08:56 PM
عيون الصيد


عيون الصيد ناعسات عيوني

عيون النيل حاكن عيوني


نسيت قلبي وروحي ونسوني

وفقدت الكانو يأنسوني

ليالي هناي جد عاكسوني

وأخاصم النوم كيف درسوني

مع الآلام هاجت شجوني

وأطبا الكون ما عالجوني

جفوا وبي نفورهم هيجوني

متين في الطيف يصبوا ويجوني

مقر أملي وفيهم ظنوني

يزيدوا دلال وتزيد جنوني

لذيذ تعذيبهم لو ضننوني

وصالهم آه.. راحتي ومنوني

zaher
16-03-2007, 09:27 PM
مالك مجافي الناس عايش براك في غربه!؟
أنحنا ناس جيرانك قضينا عُشره وصحبه
من يوم سكنت قصادنا مالك بعيد ما بينا
لا بترعى حق الجار لا العيد بجيبك لينا
واصلنا وأدخل بيتنا عشان نجيك وتجينا
أصلو الصلات الطيبة واجب عليك وعلينا
من يوم سكنت الحي معانا ليك شهور
لا بتمرق لا بتجامل لابتقضي مره تشوف
وحتى الطيور بتوالي وتعيش وحيد مكسور
دايرين نوالفك نحنا وانت الولف مابيهو
الجار بخاوي الجار بإلفي ايدو والما في ايدو
الناس توالف الناس منو البعيش وحديهو
أنحنا ما قصرنا وانت العليك سويهو

zaher
16-03-2007, 09:28 PM
+ أنا بيك سعاتي مؤكدة ++

*******
أنا بيك سعاتي مؤكدة وبلاك حياتي منكدة

حرام عليك يا جميل ما صح عليك تعمل كدا

يامن محاسنك بي قلوب عاشقين مستفردة

خليتني أشكو من الغرام وأقول حقائق مفردة

وأقول حبيبي عمل عدوي خلاني لي الأذى و الردا

ما عندي مانع حتى لو ضيعني ساكن الموردة

أنا بي محاسنك بفتخر وانت المحاسن سيدا

يومي الأشوفك يبقى عيد والدنيا تبقى معيدة

البدر إن شافك يزوول من الأنوار الجيدة

أما الشمس لو شافتك ترجع أسيرة مقيدة

أنا طرفي شايفك يا جميل أخد اللجين العسجدة

مهما أعاين في الشباب وين ذي محاسنك أوجدا

قبال أراك أنا كنتا في أيام جميلة مبجدة

متى روحي من بعد العزاب تشفق عليها وتنجدا

بقا عقلي مشغول بي الوصال والكان ديما مهودة

خايفك تحرض يوم لقائي وأيام عزابي تزودا

بالنفرة والجفا والصدود مسلتا غزلان الودا

نفسك على جور والبعاد والعزلة والعوائدة

يامن على حرب العشوق لحظك جيوش مجندة

وقامتك تطيبك كأنها مخلوقة قطر الندى

والحكمة في كونك بخيل وهلك أرابيب الندى

أصلك بتدلل على ولا الحكاية معاندة .!

أصلك بتدلل على ولا الحكاية معاندة .!

zaher
16-03-2007, 09:29 PM
قطــــار الشوق متين ترحل تودينا نشوف بلدا حنان اهلها ترسى هنــــاك ترسينا

قطار الشوق ده ليل الغربه فيك ودار متين تسرع متين نكمل المشوار

عشان ما نلقى سيد الناس و نطفي البينا من النار و نشوف عينيه نعسانه و لونو الزاهي كل نضار

نسايم عطبره الحلوه تهدينا و ترسينا نقابل فيها ناس طيبين فراقم كان ببكينا

يا قطار الشوق متين نوصل حبيبنا هناك تلاقينا متين نحضن عويناتو متين يرجع يحيينا

يا قطار الشوق لو تعرف غلاوة الريد كان بدرت في الميعاد وكان جرت عجلاتك و كان قللت ساعاتك و كان حنيت علي مره
يا قطار الشوق ده حبيبنا هناك بنحسب في مسافاتك

zaher
16-03-2007, 09:31 PM
ولقينا في دنيا العيييييييون يا اغلى من النور غنا
سافرنا في دنيا العييييييون يا اصبا من النور غنا

فوق من رشاقة وامسيات باقات انيقة ملونة
الحان طروبة وشوشات أحرف موسيقى ودندنة
مالت قلوبنا عليك حنااااان تسلم عيونك ذوبتنا


انساك انت انت بتتنسي
ما انت روحنا وحبنااااا
سافرنا في عينيك ولسة.. قلوبنا بيك متجننة

طار المسا والكون صبح
عشاق جمال اتاملوا
كل الحروف الفي الخيال بي لهفة جات وما غلوا
حتى القمر حلولو النجوم... اتلفو فيك اتغزلوا

قالوا الجمال يا غالي بيك كانت نهايتو و أولو
نحنا في هواك يا غاااااالي لا.. لا بنطيق بعاد لا بنحملوا
اصلو المحبين الحناااان.. لا بنسوا لا بتحولوا


انسااااااااك.. انت انت بتتنسي
انساااااااااك.. يا غالي انتا بتتنسي
ما انت روحنا وحبنا.. سافرنا في عينيك ولسة.. قلوبنا بيك متجننة

zaher
17-03-2007, 05:18 AM
افكر فيهو واتامل

اراهو اتجلي واتجمل

هلالي الهل واتكمل
تفاصيل وقولي والمجمل

ساصبر ياخي ايه اعمل

اذا قلب الفتي اتحمل

مصائب الدهر والامو

اري الصبر الجميل اجمل

حبيبي دمعي بسلسل

مجاري الدم اذا اتحلل


اما شرع الهوي حلل

لقانا نهار او ليل اذا اليل

تذكر عهدنا الاول

صحي الايام بتدول

قريب يومداك وما طول

مضت ايامو يا حليلي

وبقت احلام وتدول

zaher
17-03-2007, 05:19 AM
خمرة هواك يا مي صافية وجلية.....هي اللاعبة بالألباب لا البابلية
*************
كم ليل أنوح سهران والناس خليه......عيني سهاد ودموع أمست مليه
شاهدي اضطراب ونحول ظاهر علىّ....راضى وبشوف هجرك اكبر بليه
***************
مي الفؤاد بهواك فاقد شليه......لو طال جفاك يضيع باقي التليه
يا تائهه سيبى الجور حلمك علىّ.....ليك منى ما شئت والوجد ليّه
************
أنا لم أزل لهفان وانت الابيه....... سنيتي أن تحيي دائما خبيه
لو فى النساء رسل كنت النبيه......مابسلي ريدك لا وحياة ابيه
************
هاك منى بإخلاص الماسه ديه......دررا تنافس الدر وأزهار نديه
هلم روحي إليك يا مي هديه .....كان النبي المعصوم قبل الهديه
***************
ليك منى الف سلام والفيى تحيه......تصباك مع النسام بروح سحيه
ما قال محب وعلى محبوبه حيا.........وتقر عيونك يا نور المحيا

zaher
17-03-2007, 05:21 AM
أضيع في هواك

أضيع في هواك يا مهفهف حرام......ما ذنبي عندك خلاف الغرام
*********
حبيب قلبي زاد الفؤاد انضرام........يذوب قلبي لذكركم احترام
خلاف قربكم خلى مالي مرام........وقرب المحب من شئون الكرام
***********
وحيد في الجمال حبه لروحي سام.....يبق در عقيد فاطره في الابتسام
مسلح عيون لحظه لجروحي سام.....وسيف العيون أقوى من الحسام
**************
رقيق خصره سادل عليه الغمام..........يجاذبه النسيم في المرور كالذمام
يميل بالشمال والجنوب والأمام.........يكاد أن يرك فوقه غصنه الحمام
***********
بعادك صعيب يامدلل نعم...........وقربك الىّ من ألذ النعم
وذكراك شرابي وشوقي الطعام......وليلة لقاك خير من ألف عام
************
عن وصفك لسان العزول في بكم.........محكم جمالك دقيق الحكم
وكم أبدو ليك شكوىياخلى كم............وأنت خصيمى وأنت الحكم
***********
جمالك شهير في الخلوق زى علم..........تقيد من شعاعك كواكب الظلام
محال استنط لي عزولك كلام............أضيع في هواك يا بديع والسلام

الزبير محمد عبدالفضيل
18-03-2007, 11:23 PM
في منتهي الروعه والجمال وفعلا ذكريات الحقيبه جميله ولك الشكر عزيزي

Ibrahim
19-03-2007, 10:14 AM
من بعد ما عز المزار
واليل سهي وملت نجومو الانتظار
والشوق شرب حزن المواويل وانجرح خاطر النهار
وبقيت اعاين في الوجوه
واسأل عليك وسط الزحام قبال اتوه
يمكن الاقي البشبهك
ما الليل براح والشوق تعالي بيندهك‎ ‎شايلاهو وين النيل معاك
عصفوره جنحاتا النجوم.....
وانا بي واراك..
بسأل عليك مدن....مدن...
واعصر سلافة الليل حزن...
يمكن طيوفك اخريات الليل تمر
تملأ البراحات بالحنين طول العمر..ما نحنا بينا الامنيات

بت العزازة
19-03-2007, 11:02 AM
شـاغل فكري حبــــــــــك

كلمات الشاعر الفذ . محمد بشـــير عتـــيق .

شاغل فكري حبك والفي قلبي كامن يعلم بيه ربك

يا ذو القدر رفقا بي مهجة محبك

زبد الحسم كسبك
وأنت رشيق مهفهف يانع نامي خصــبك
لكن يـا مدلل تعرف إني حبـــــك
وتعلم نوع ســقامي وليه تحرمي طبك

قال لي إنت أصلك في طرق المهالك داخل كل مسلك
أصلو هواي مسرح مثل فيه فصلك
وأختم دور حياتك زي الكانوا قبلك

قت لو مرامي ولفك يا من عالي صدرك
وخصرك جاذبه خلك
قال لي سيب مجونك وسيب إغراك ووصفك
في الحب أحي ذكرك بعفافك وظرفك

آسر قلبي لطفك ما ضراك مناما لو واليتني عطفك
قال لي إنت جاني وســبب الفتنة طرفك
دوم على نار غرامك لما تلاقي حتفك

قت له فقدت حلمك ما دام لي محارب
ومافي أمل لسلمك
مع كلا .. بحبك وبرضو يكون في علمك
مهما يقضي حكمك .. عين العدل ظلمك

جيلك يفتخربك ليك اسطوع مدرع
مين يتمنى قربك
قصدي أكون محايد وتبعد عني حربك
وبي أسطول عيونك ليَّ توالي ضربك


إن شاء الله تعجبكم ...ولنا عودة

بت العزازة
19-03-2007, 11:06 AM
وهذه رائعة سيد عبد العزيز جاروا اهلك

جاروا اهلك وجورهم امر بالبعاد والامر امر
فى ديارهم حجبوا القمر
البديع السحر الفكر بالجمال والحياء انسكر
حسو يرمى الزول فى وكر شوفتوتسكر من دون سكر
للقلوب يا صاحبى احتكر شىء يخلف خالد الذكر
مفخر الاجيال والدهر حسنه معجزة على ما ظهر
فى خدوده الحياء ازدهر والطبيعة تناجى الزهر
تدى منظر جذاب بهر زى نجوم السما فى النهر
نوره للبدرين احتقر البهيج النضر الاغر
المحتشم من الصغر يزدرى البراق بالثغر
منو كل الجيل فى بغر فيه شارد الحسن استقر
من عيونو اين المفر جيدو جيد الظبى النفر
محيو فيه البدر السفر كم بافئدة واعيات ظفر
هو الحاز الحسن الوفر زول يوازن مليون نفر
لو حجبوه بالامر الصدر ما حجبوا دمعى الانحدر
كل شىء ان صفا او كدر من ايادى القضا والقدر
اما دهرى صد اوغدر البعرفو الوفا ما ندر
حبى هاك القول الابر العيان يغنيك عن خبر
كم نظرت فى دهر العبر نظرة اللى للحياة اختبر
الجزع فى الناس والصبر شفتو طوع القدر انجبر

بت العزازة
19-03-2007, 11:09 AM
الخوجلاب لابو صلاح

ما كنت رايق وساكن فى صفاء وتأمين
فى الخوجلاب يا قلبى منى شالك مين
دى البروق الشالن ام درر ياسمين
ما بين ظلال الايك ونفحة الياسمين
ام ديل شلوخا تلاتة ومن تحت وسمين
يا قلبى بين وبين البقسمك قسمين
جات روايح الورد مع الزلال والتين
فوق الجمال الفردى الليلة ملتفين
بس ايه لزوم انوارنا من شموع ورتين
ما دمت انت وبدر التم زى اختين
يبقى ديسك اطول منك ولله متقاسمين
شفنا الضفاير جرو لى القديم كاسين
انا شوقى دايما زايد وماشى فى تحسين
انا صبرى قل ويشهد بى ازاى حسين
برزن نهودها وعامن فى الهواء مجاهدين
و لى هلاك العاشق ديمة مجتهدين
صاح وهبه فاقد عقله كم جريح وطعين
الناس جروحهم تسعة انا لى جروح تسعين
عدد الشوادى الغنن بالغرام نايحين
عدد القمارى القوقن فى الفروع مايحين
عدد النسايم المرن بالمسك فايحين
تغشاك يا عثمان نعمة وسرور كل حين

بت العزازة
19-03-2007, 11:10 AM
نختم بود الرضى وبدور لو مرة نتقابل

بدور لو مرة نتقابل
حبيب روحى واراك لامع
اوجه نظرى لمحياك
و اجـــد من هيبتــك مــانــع
احاول وطرفى يتخاذل
وارجـــــع امجد الصـــانـــع
روحى تتوق وتتلبس
لنفـــس ثــــبت الـــخاشــــــع
فما روضة أنبتت غصنا
يــماثـــل غــــصنك الـــيانــع
و لا عينا رأت قدا
رشــــيق زى قــــــــدك الرائع
فى بستانك بفستانك
تـــمــــشى هــــويــنة الخاشع
وتقطف زهرة صفراء
تـــماثل لــــــــونــــــك اللامــــع
تفوح من عطرك المخمور
روايـــح تــغمـــــر الشـــــــارع
ومن رطب النسيم
اذا مــــــــا كـــنــت بـــتــطــــالع
تنام فى ضرى الكثيب
راصــــد بتوب شــــفاك الناصع
ملمع يرقش العسعس
تســـريـــحة الـــصــانع الـبارع
نوم العافية يا الغافى
تــعـــيـــش لى ســـعدك الطالع
طلبت الحظ لا يبارحك
اجـــابـــنــى برغبـــة لا مـانــع

الى اللقاء مع روائع ودرر الحقيبة

zaher
30-03-2007, 11:43 PM
بحر الموده

شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان

zaher
30-03-2007, 11:44 PM
مداعب الغصن الرطيب


كلمات: سيد عبد العزيز
غناء: مبارك حسن بركات

في بنانك إزدهت الزهور
زادت جمال و نضار و طيب
يا مداعب الغصن الرطيب
يا المنظرك للعين يطيب
تبدل الظلمات بنور
و تبدل الأحزان سرور
إن شافك المرضان يطيب
تعجبني و الشيء العجيب
هادئ و أليف ماك النفور
بى عفتك صنت السفور
و الحسن و الأصل النجيب
أنا و أنت في الروض يا حبيب
راق النسيم و حلى للمرور
بقى أحلى من ساعة السرور
و أدق من فهم اللبيب
و الروضه في موقع خصيب
حضنوها و إتلافوا النهور
ترى فيها أنواع الزهور
من كل لون أخدت نصيب
يانع ثمارها و نص و طيب
أشبه بربات الخدور
الإنبرجن في يوم حبور
زادن جمال و نضار و طيب
في الروض غنى العندليب
و ردد غناهو الطيور
ترتيل أناشيد الحبور
و فتيانها يوم عيد الصليب
دنت الثريا بقت قريب
بين السلوك في تاني دور
في ثانية كم سطعت بدور
و أهلّه كان نوعن غريب
شي ينعش الروح في الأديب
و يحيي روح ميت الشعور
للقاك تنشرح الصدور
و يفرح القلب الكئيب

zaher
30-03-2007, 11:44 PM
حور الجنان


كلمات: سيد عبد العزيز

من حور الجنان أم أنت إنسان الكمال
هل أنت الملاك جيت تورى الناس الجمال
سبحان من أنشاك حسناً فى غاية الكمال
يهواك الجنوب واليك ينقاد الشمال
وما أظن يحصوا حسنك لو يحصوا عدد الرمال
وبايه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفاء حسنك صفاء ماء الزلال
فى مراية خدودك أِشوف تأكيد سحر الحلال
وأِشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
وما فعل السلاح تفعل عيناك النجال
مكسور الطريف كسر قلوب الرجال
يا خلاصة المعاني الصار معناك موضع مثال
فوق المحسنات حايز لطف وكرم خصال
الهة الجمال يعترفوا ليك ماليك مثال
تتمنى البدور تقبيل يداك بامتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يالغصن الرطيب عاجبنى فيك الإنهداك
اللادن قوامك من ملين وذو اعتدال
جوهر حسنك الصافى وسيرك طاهرات عدال
آيت بينات مافيهن للكافر جدال
شاركت الغمام والموج مناظر وإرتحال
شاركت الظبا فى نفرتن والاكتحال
شاركت القلوب فى موضعهن وعلى كل حال
نفداك بالنفوس وفدا النفوس كان المحال

zaher
30-03-2007, 11:45 PM
بقعة أمدرمان

خليل فرح

أذكر بقعة أم درمان
وأنشر في ربوعها أمان
ذكر يا شبابي زمان
دارنا ودار أبونا زمان
فيها رفات جدودنا كمان
ما بنساك خلقه ضمان
جنة وحور حماك أمان
ذكر يا شبابي زمان
بطرا الأسسوك زمان
كانوا يحلحلوا الغرمان
يساهروا يتفقدوا الصرمان
ذكر يا شبابي زمان
في السودان فتيح معروف
ولسه أب عنجه خورو سروف
ود نوباوي زول معروف
باقى وديك مشارع أبروف
ذكر يا شبابي زمان
كانوا جبال تقال ومكان
نزلوا اتربعوا الأركان
خلوا البقعة كل مكان
آهلة وزارة بالسكان
ذكر يا شبابي زمان
ليه يا كعبة العربان
غاضبة وفين عريسك بان
قبال نسأل الركبان
حبك من حسودك بان
ذكر يا شبابي زمان

zaher
30-03-2007, 11:46 PM
يوم الزياره

كلمات: عبيد عبد الرحمن
ألحان و أداء : إبراهيم الكاشف

أفكاري الحيارى
ضاعت بإختيارا
حبيبي آه أنا قلبي تاه في يوم الزياره
الدنيا وعمارا
و الجنة و نعيما بزهورا و ثمارا
الناصع بياضا و الخاطف صفارها و الفاتح حمارها
فصود في خدود يضون و خدود بدون أماره
يرسلوا نور ملون أحمر أخضر أصفر
فاتن يا سماره
إلتفت و أهداني نظرة بزري بالزهر و إزدهارا
مثلت فيها الوداعه و خفة الروح و المهاره
دا الجذب قلبي بي فنه
نظرة مني ونظرة منه و إرتفعت الحراره
و إلتهبت العواطف و أصل النار شراره
شال منام عيني و توارى
سابني وحدي أشدو وجدي
و أرسل الآهات مرارا
ماهو عارف البي لأنه لسه ننّو
حوله ناس بالعيد يهنوا
و ناس متابعنه ويغنو
و أنا روحي ليه تتوق
داعيها حادي الشوق
هايمه في ليلها ونهارها
و إنت يا الناعسات عيونك
الله لعيوني السهارى

zaher
30-03-2007, 11:47 PM
ضنين الوعد

كلمات: صديق مدثر
للمبدع: عبد الكريم الكابلي

يا ضنين الوعد
أهديتك حبي
من فؤاد يحمل الحب
إن يكن حسنك مجهول المدى
فخيال الشعر يرتاد الثريا
كلما أخفيته بالقلب
تنبيء عنه عيناك ولا يخفى علي
أنا أن شئت فمن أعماق قلبي
أرسل الألحان شلالاً روياً
وأبث الليل أسرار الهوى
وأصوغ الصبح ذوباً شاعرياً
لا تقل أني بعيد في الثرى
فخيال الشعر يرتاد الثريا
يا ضنين الوعد

كان بالأمس لقاءنا عابراً
كان وهماً ... كان رمزاً عبقرياً
كان لولا أني أبصرته
وتبينت ارتعاشاً في يدي
بعض احلامي التي أنسجها
في خيالي واناجيها ملياً

ومضة عشت على إشراقها
وانقضت عجلى
وما اصغت إلي
كلمة خبأتها في خافقي
وترفقت بها براً حفياً
من دمي غذيتها
حتى غدت ذات جرس
يأسر الأذن شجياً
وافترقنا وبعيني المنى
قالها الدمع فما أبصرت شيئاً

إن تكن أنت جميلاً
فأنا شاعر يستنطق الصخر العصي
إنت تكن أنت بعيداً عن يدي
فخيالي يدرك النائي القصي

zaher
30-03-2007, 11:48 PM
لمحتك

كلمات: عبد القادر الكتيابي
للمبدع: مصطفى سيد أحمد

لمحتك .. قلت بر آمن
بديت أحلم
ألملم قدرتي الباقيه و أشد ساعد علي المجداف
تلوح لي مدن عينيك
وترفع لي منارة بسمتك سارية
وبديت أحلم
وكلما الريح تطارد الموج
ويبقى جبال .. ضباب أزرق ..أزيد أصرار
وأحلف بيك
أغير سكة التيار ... واقول يا إنتي يا أغرق
واخاف وأخاف ..
أخاف الضفه ترجع بيك .... قبل ألحق
أخاف غيم المنى الشايلل
تسوقو الريح ويتفرق
واخاف وأخاف
أشد ساعد علي المجداف
واجيك بي قدرتي الباقيه
حطام انسان ..موسم بى شقا الدنيا و
مقسم قلبو في الأحزان
أجيك فنان
أشد أوتارى أحكيلك

حكاية انسان
وهب لى سكتك نفسو
رسم صورتك على حسّو و
ربط ساعد على المجداف
واخاف و أخاف
أخاف الضفه ترجع بيك قبل ألحق
أخاف غيم المنى الشايل
تسوقو الريح ويتفرق
والاقيك يا أماني سراب
مواهبي عليه تتدفق

zaher
30-03-2007, 11:49 PM
طــيبـــة

كلمات: حميد
للمبدع: مصطفى سيد أحمد

كل ما تباعد بينا عوارض
كل ما هواك يا طيبة مكنِّى
تلقى الغربة تكرب الواحِد
بيكى أسمى الشوق .. وأكنـِّى

لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة
لا بدلت ملامح صوتى
لا غافلنى وهادن فنى
غامل المدن .. الما عِرفتنى
دقن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا
ونازفة بغنى
أطمن روعة .. وأهدّى دموعة
لبسمة بكرة اللاّها تمنى
ولا مصنوعة
للاطفال النازفة ضلوعة
وناشفة بغنى

أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى دخلت القرب
ولا الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية

أغنى الناس الما بتسمعنى
المِنِّى بعيدة .. ومبعدة عنى
انادى نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مقرية
سدّة مالة.. وبقـّة فالة
فى ليلة الدخلة على أسمى قضية

حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق
وبين الناس التحتانية
إلاّ مغـيـّر .. ولاّ عبوس
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا
وتمحى ظلام الحاصل .. عنـّى

zaher
30-03-2007, 11:49 PM
يا غاليه يا نبع الحنان

غناء: الطيب عبد الله

يا غالية يا نبع الحنان
انا حبي ليك فاق الظنون
واخلاصي باقي مع الزمان
خليني جنبك يا حبيبة
قلبي مات ما تقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع
خليني احيا على امل
ولقياك لوك بالخداع
غصبا عني يا املي وحياتي
ولقيت خطاك سايقاني ليك
غصبا عني يا املي وحياتي
و قولي لخطاك طال سايلاهو ليه
نسيت مشاعري كل لي
وكل دقة في قلبي بتسلم عليك
وحيات شبابي يا حبيبة
سعدي وشقاي انا بين ايديك
دايرك تكوني شريكة لي
واكون معاك واخلص إليك
دايرك تكوني شريكة لي
واكون معاك أخلص حبيب
يا غالية يا نبع الحنان

zaher
30-03-2007, 11:50 PM
هجد الانام/عمر البنا

لحن / كرومه

هجد الانام وانا وحدي مساهر والنحول علي جسمي ياحبايبي ظاهر

اه اسبابي الحب الطاهر****
اسباب سقامي وبكاء طرفي الساهر**لااذاي بعادك مضي سيفه وشاهر
مره اندب حظي ومره اهتف اظاهر**اشكو دهري واناجي النجم الزاهر
***************
انتع عادل وظالم انت ناهي وامر** يتمني البدر ليك يبقي مسامر
كونك دواما في نور اليه مخامر** امتيازك عنه انت هادل وضامر
*********
بالبان والاس مال قوامك ظافر** علي صدرك قنبل كم اسلم كافر
العيون والضمره والوريد الوافر** من محاسنك عارن الغزال النافر
********
كل ما اكتم حبك دمعي بيه يجاهر** مابفيدني طبيب مهما يكون ماهر
طبي مابين كوثر فاك وبين جواهر** سنك اللماعه والخديد الزاهر
*********
عار صفاه التبري من صفاك الناضر ** ياخلاصة الحسن في العصر الحاضر
الملوك ليك تخضع لنداك تقول حاضر** تخشي سطوة حسنك وفيك يتلو محاضر
**********
بي وصالك جاحد وبي جفاك مبادر** كاليزيد في الجبره وفي بخاله مادر
بجمالك وحسنك يالفي عصرك نادر** لي ارحم حلمك راعي لاتكون غادر

zaher
30-03-2007, 11:52 PM
ودعت هواااك بلا حزن



يا مضرم نارا فى اضلعى
و محرقا بلهيبها احشائى
يا غارسا سكينة فى مسمومة فى داخلى
و مقطعا بها عميق اوصااالى
يا ضاربا باليد خد محبه
و مهدما بالصد كل امااالى
و دعت هواااك بلا حزن
و غدا انساااك اى انسينى
لن يبقى منه بذاكرتى
حلم او طيف يشقينى
لا كلمة شعر اكتبها
لا لحنك بعدك يشجينى
يا من اهديت لها عمرى
ماذا بيديك لتهدينى
ما عدت اصدق تضحية
او انسى انك خنتينى
و عيونك تبكى كاذبة
حبا يعنيه ويعنينى
و دموعك تجرى كاذبة
اتكون دموعك من اجلى
ام تلك دموعا تبكينى
كم عشت اصدق اوهاما
افنت ايامى و سنينى
عيناك حسبتهم وطنا
لو جئت اليه سيأوينى
و بريق الكلمة يخدعنى
ما زال صداها يدعونى
ظمئت شفتاى و لكنى
لم اطلب سئ يسقينى
زيفا و خداعا ونفاقا
يكفينى هذا يكفينى
يبقى الايمااان لمن ياتى
يوما بالحب يداوينى

zaher
30-03-2007, 11:52 PM
كلماااااات : عبد القادر الكتيابى
الحان و غناء الراحل مصطفى سيد احمد



لمحتك
قلت بر آمن .. بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم
***
كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
أخاف
غيم المنى الشايل
تسوقو الريح .. ويتفرق
أخاف .. وأخاف
***
وأشد ساعد على المجداف
وأجيك بى قدرتى الباقية
حطام إنسان موسّم بى شقا الدنيا
ومقسّم قلبو فى الأحزان
أجيك فنان
أشد أوتارى .. وأحكيلك
حكاية إنسان وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف
الضفة ترجع بيك .. قَبـُل ألحق
أخاف
غيم المنى الشايل
تسوقو الريح وإتفرق
وألاقيك يا أمانى سراب
مواهبى عليهو تتدفـّق

zaher
30-03-2007, 11:53 PM
قطر الندى
الكلمااات....اسحق الحلنقي
اغنية الفنان الكبير محمد وردى




الريد جو قلبي بحبك بدا
ياطيبة حياتي يا قطر الندي
ما كان في خيالي تتنكر كدا
أيامنا الجميلة ليه بتنكدا
جربت هواهم
قليبي انكوى
تاريهم جاروا
وماصانو الهوى
حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا
جربت هواهم
قليبي انكوى
تاريهم جارو
وماصانو الهوى
الكلمة الحنينة مشتاق اسمعا
روحي خلاص جفيتا والشوق لوعا
الدمعات
عيوني كيفن تمنعا
وانا شايف سنيني جورك ضيعا
جربت هواهم
قليبي انكوى
تاريهم جاروا
وماصانو الهوى
يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا
جربت هواهم
قليبي انكوى
تاريهم جاروا
وماصانو الهوى

zaher
30-03-2007, 11:54 PM
الكلمات محمد الحسن سالم خميد
اللحن والغناء للراحل مصطفى سيد احمد



طيبة
كل ما تباعد بينا عوارض
كل ما هواك يا طيبة مكنِّى
تلد الغربة .. الكُربة الواحِد
بيكى أسمى الشوق .. وأكنـِّى
............
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة .. لا بدلت ملامح صوتى
لا غافلنى وهادن فنى .. غام لى المدن .. الما عِرفتنى
إبن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا .. ونازفة بغنى
أطمن روعا .. وأهتـّى دموعا
ببسمة بكرة اللاّها تمنى .. ولا مصنوعة
.....................
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى نخلة القرب .. أو الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
أغنى الناس الما بتسمعنى
المِنِّى بعيدة .. ومبعدة عنى
النادا نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مكرية
سدّة مالا .. وبقـّة فالا
فى ليلة الدخلة على أسمى قضية
.............
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى فضـّلت أغانى غُـبش .. فقرية
وروح غانيانى
حويتك منك يادافعانى براحة إيديا
ويا جابدانى ... برفق عليا
وما بتحيـّر بين الفوق .. وبين الناس التحتانية
إلاّ مغـيـّر .. ولاّ عقُوق .. ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا
وتبدى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ..
وتمحى ظلام الحاصل .. عنـّى

zaher
30-03-2007, 11:55 PM
حلفتك يا قلبى


اغنية محمد وردى..

الكلمات .. اسماعيل حسن


) حلفتك يا قلبي حلفتك بربي
خليهو الغرام
يتنكر لحبك
وريهو الخصام
ليه تتهان يا غالي
ليه والذل حرام

إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام

أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي

حلفتك يا قلبي
الخانك تخونو
والفيت غرامك
أوع في يوم تصونو
وزي ما أبكى عيني
سهر لي عيونو
أوع تقوللي تاني
ما بنعيش بدونو
أريت الحب لقينا
غير همّو وشجونو
أوع يا قلبي تنسى
أوع يا قلبي

حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
ليه ..ليه
يا قلبي ليه
قول لي بأمانة
أوع يا قلبي تنسى
أوع يا قلبي

zaher
30-03-2007, 11:56 PM
كوني النجمة
قاسم أبو زيد
الراحل مصطفى سيد احمد



قولي الكلمة لصمت الليل
وكوني النجمة
وامشي معانا الدرب طويل
وكوني النجمة
وأدي الفرح إمتد مساحة
نادي الأمل الجوه عيونا
شوق الشوق أتجدد تاني
باقي أحلامنا جدار من كونا
قولي الكلمة لصمت الليل
وكوني النجمة
وامشي معانا الدرب طويل
وكوني النجمة
إيد مبسوطة تقابل الحنة
نغم الليل السال شبال
نخلة تغازل في عيون طفلة
وحفلة ورقصة فال
قولي الكلمة لصمت الليل
وكوني النجمة
وامشي معانا الدرب طويل
وكوني النجمة

zaher
30-03-2007, 11:57 PM
يا سلاااام

وردى

كتب كلماتها الموسيقار الراحل على ميرغنى



يا سلام منك أنا آه
يا سلام ..ياسلام
العيون فيها سهام
والكلام فيهو كلام
في حديثك
في ابتسامتك
زينة يا أحلى غرام

لديارك جيت يا روحي ليك أزور
ومن كلام الناس والله قد ضاع السرور
في إيدية
ليك هدية
سامحيني
واعذريني
واقبليها يا بدور

العواذل قالو ليك
قالو إيه
قالو بحب
والله إنتي وبس
إنتي في قلب المحب
هددوني
ألموني
عذبوني
بدلوني الفرحة نار وهيام يوم الغرام

إنتي لونك
وإنتي طبعك
هادي ما فيهو البشين
تشبهي الفل في الجناين
حتى عطرك ياسمين
ربي يعلم
كم قلبي مغرم
إنت ترحم
بين ضلوعي النار تقيد
دا حرام والله حرام

zaher
31-03-2007, 12:00 AM
الى مسااافرة
كلمات الشاعر عثمان خالد
الحاان وغناء الفنان حمد الريح



يا قلبى يا مكتول كمد
أعصر دموع ....هاك غنوة لى سيد البلد.....يحليلو
حليلو قال سايب البلد...يحليلو
حليلو كيفن يبتعد
كيفن نسيبو يروح بعيد
فى رحلة مجهولة الأمد
ياحليلو
كل العمر كان لحظة واحدةنشوفو والشوق يستجيب
نسكر نغيب
نسكر نغيب ..من لطفوا..من دلو الحبيب
من لونو زى كرز المغيب
الراقى محلو السمر
دى شفايفو زى ياقوت ندر
من شكلو زى نص القمر
مبتل مثير
مبتل مثير ....مخلوق اشان أحلى الزهور
وأشواقنا تتعطر تطير..من نفحة من مجرى العبير
من لمسة جيدو النضير
من لفظة من ثغر المثير
الفيهو أيام السمر
بيهو القلوب كم تأتمر لو مرة سيد الناس أمر
بنظرة بتدوب حجر ...لى بسمة بتضوى العمر
يا حليلووووو
حليلو قال ناوى السفر ...كيف الوداع لامن يحين وقت السفر
أهديك زهور ...حاشاى انا وانت ندى الزهر
أهديك حروف...يا اجمل احرف فى الدهر
اهديك حنان..ما قلبى عندك من زمان...وأنا راجى عطفك منتظر
أهدييك حروف...ما قالا زول و ما أظن يقولا وراى بشر
اهديك عيونى...فى الدنيا اشان استريح..الدنيا بعدك مابتسر....يا حليلو

zaher
31-03-2007, 12:00 AM
كلمااااااااات: سليمان عبد الجليل
الفنااان حمد الريح واغنية الرحيل


الرررررحيل



حليل ارض الجزائر
و المراكب و الطنابير الترن
حليل.. ناس ليلى
ساعة.. الليل يجن
يا غالية.. يا تمرة فؤادى
الليلة ما عاد المراكب شرقن
و القمرى فوق نخل الفريق
فاقد الاهل يبكى.. و يحن
نحمل رسائلنا و اشواقنا
لي حبايبنا.. و الاهل
و للقاطعين الرسائل
الاحلى من عسل النحل
لذات الضفائر الطائشة
بين مجلس عشيرة و بين اهل
و بخجل.. بتسأل الزائر
بلدنا..حبايبنا..اهلنا
راحو للحلة لا بيكاتبوا
لا بيفيدونا.. الحصل
حليل الراحوا خلو الريح
تنوح.. فوق النخل
حليل الفاتو لدار الاهل
بدون.. اهل
الجروف الكابة من شاطئ النهر
صااب.. المحل
و النخل متاكئ وين صوت طيرو
و وجوج.. فى امل
يااااا امل

zaher
31-03-2007, 12:01 AM
كلمات: بابكر الطاهر
ألحان: عمر الشاعر
أداء: زيدان إبراهيم

في الليلة ديك



في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك
ومديت يميني بلا كلام ما قدرت قدامك أقيف
ورجعت حابس أدمعي في الليلة ديك
في الليلة ديك والناس تشارك فرحتك
حسيت بإني غريب هناك وغريبة إنتي في دنيتيك
حسيت معاني الفرقة
حسيت بالوجود ماخذ سواد من حنتك
شفت الدموع خلف الرموش مكبوته بي حسرة وضياع
ورعشة الكف الخضيب مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك

zaher
31-03-2007, 12:02 AM
قـصـة الـريــد الـقـديـمـه

للفنان الشعبي محمود علي الحاج

قصة الريد القديمه
بسألوني عليها ديمه
و كل ما حاولت أنسى
صحوا ذكراها الأليمه

إيه تقول بالله فكر
حبيبي لو سألوك إنت
كيف بعد قمة هنانا
هان عليك الريد و هنت
ما غريبه هتقول عليّ
إني غدار و إني خنت
و برضو ما بتقدر تصدق
إنت في أعماقي كنت

سيبها قصة ريد و ولت
و الأيام يا ناس كفيله
لو بفيد الماضي حسره
كنت أندم كل ليله
ياما ناس كايسين وفايا
ساميه أغراضهم نبيله
و لسه في حدقات عيوني
أحضن الآمال و أشيلا

كنت ما سائل وراك
عن شبابي و عن مصيري
ما بقيت زي الفراشه
و إهتديت لي زهره غيري
يا خساره كسرت قلبي
شفت فيك أملي و مصيري
إنت حبيت المظاهر
و حبي من آخر ضميري

ابودجانه العباس
31-03-2007, 11:26 PM
استاذ زاهر ألف شكر ليك
علي الروائع دي وصراحه
أنا طبعت كل الآغاني في البوست
دا والبوست بتاع أغنيه وشاعر
وعندي طلب إن شاء الله تقدر عليهو
عندي مجموعه من الأغاني نفسي
ألقاها حالياً أذكر منها :-
1/ حكم حبي أرعي نجم الليل يادمعه الشوق كبي .
2/ في الطيف أو في الصحيان زورني يا حبيبي أنا عيان .

فلو عندك الأغاني دي أكون شاكر ليك جداً..
ودمت يا غالي.

بت العزازة
01-04-2007, 09:29 AM
تحياتى وشكرى وامتنانى لهذه الروائع استاذى زاهر واستميحك عزرا ان البى طلب اخى ابو دجانة العباسى مع خالص تحياتى وتقديرى له.

في الطيف او في الصحيان

شعر :عمر البنا

لحن وغناء:كرومه

في الطيف او في الصحيان زورني ياحبيبي انا عيان
******
مالو لو في بعض الاحيان **تسمح لي صحوا اراك عيان
تاخذ ياحبيبي عن حالي بيان ** عسي تبقي قلوبنا في الغرام سيان
***********
يافريد الحسن وهجة امدرمان** لي من شوفتك يا حبيبي زمان
انا ساهر ونوم عيني حرمان **وانت بين اترابك في نعيم وامان
***********
النحول علي جسمي يا حبيبي بان** وانت جسمك نامي وبالنعيم طربان
لوراك الناسك المن الله جبان** بيك يفتن ويصبح بالغرام تعبان
***********
كيف يحصر وصفك ياحبيبي لسان**والبان اتلعم من قامتك الميسان
قبل حسنك قط مارايت انسان** فاق العسجد لمعة والحرير لمسان
***********
مالدرر لثناك مابنت الحان** للماك وايه نفحة الريحان
انت حسنك كامل لكن لمحان ** خدك قاسي وقلبك ماحان
***********
زورني ياحبيب انا عيان

بت العزازة
01-04-2007, 09:31 AM
اما الطلب الثانى حكم حبي أرعي نجم الليل يادمعه الشوق كبي .

جارى البحث

zaher
01-04-2007, 07:59 PM
شكرا لك الغالية بت العزازة

والاغنية الاخرى هي ايضا عندي بس انا كنت فالكر انه الاخ ابودجانة طالبها اغنية مسموعة

وانا الاتنين عندي لكن طريقة تنزيلها على البوست لا ادري عنها الى الان ........


والنسخة التالية هي لدي وهي على النحو التالي وانشاء الله قريبا ساحاول انزال جميع الاغاني القديمة التي لدي على هذا البوست


دمعة الشوق
كلمات: مصطفى بطران
أداء وألحان: كرومة
تسجيلات شركة أوديون - 1933
الكورس: أحمد حسن ويوسف الرباطابي
إنتاج التاجر محمد داؤود حسين لصالح المكتبة العصرية بالخرطوم لصاحبها محمد عزت المفتي




دمعة الشوق



حكم حبي أرعى نجم الليل يادمعة الشوق كبي
نسمة الأسحار هبي أنا مساهر ونومي متخبي
انتحل جسمي والمحال طبي
مصدرو الزهرة الفي نواحي سهيل

انشغال فكري وانفصال لبي
وشحوب لوني كله من حبي
انسلب عقلي وانتزع لبي
أما آمالي طوحت بالميل

إن قوامه يميل للغصون يزري
وازدهار محيو للبدور يخفي
في جبينه تشوف حكمة الرب
زي سواد حظي جوز نواعسه كحيل

يابديع الزي وأزهر اللون
ياخفيف الروح ياسما الصون
خلقك مولاك زينة للكون
حبب الأرواح في هواك ياجميل

عهدي بيك ياجميل شيمتك الحلم
أرى هجرك لي رد ظلمي
إنت عارف نوع حبي ليك سلمي
وشوقي مهما ازداد برضو شايفه قليل

يادمعة الشوق كبي
حكم حبي أرعى نجم الليل
يادمعة الشوق كبي

ابودجانه العباس
01-04-2007, 09:21 PM
معقوله بس في ناس رائعين للدرجه دي
زاهر إن شاء الله دائماً زاهر ومنور ومفرهد
بت العزازه بت العز والناس العزاز
ألف ألف شكر.علي تلبية الطلب.
وإذا ما أكون طماع برضوا عايز
1/(الشال منام عيني وفؤادي جارحه
إن شاء الله يلاقيني وبهواي أصارحو).
2/(البلوم في فرعو غني طرانا يالحبان أهلنا).
3/(زهر الرياض في غصونو ماح إتراخي
في ساح أم سماح شايل من طرفو الجماح).
4/(شوف العين قالت دا لالا صدت من تيها ودلالا)
5/(من فريع البان اليسوح نديان الله يا سلام).
6/(قلبي مالو اليوم من جسمي فر وراح
دمت يا محبوب ودامت الافراح).
صراحه أنا حافظ منها مقطعين تقريبا
من كل واحده وعاوزم كاملات.عارف نفسي
كترت عليكم بس البشبع منكم من الحقيبه
يلومني وربنا يديم المعروف.
.

zaher
01-04-2007, 10:34 PM
اخي / ابودجانة العزيز

الرائعة هي مدني دوما ...

تجمع في حناياها بت العزازة ... ابو دجانة .. استاذنا صالح ابوشوارب ... عصام عموش ... سامبا ........ وبقية العقد الفريد الذين يبدعون كل يوم .....

وبالنسبة لطلباتك لهذه الاغاني ... حا ابدأ ليك فيهم واحد تلو الاخر .............


وارجو ان تكون سعيد دوما ... وتحفظ باقي الاغاني ..........


وليك مليون تحية من صقر الجديان



1/ (الشال منام عيني وفؤادي جارحه
إن شاء الله يلاقيني وبهواي أصارحو).





الشال منام عيني
وفؤادى جارحه
إنشاء الله يلاقيني
وبهواى أصارحه
***
نتقابل الأثنين
وأشكى له مر البين
لعل قلبه يلين
يعطف على المجروح
والروح تناجى الروح
والعين تشوف العين
والأيد تصافحه
***
أقول يا حبيبي
متين يبقى تقريبي
متى تبقى حاسيبي
ليك بالمودة أبوح
بين الرياض والدوح
جالسين ومتآنسين
وأنا وأب عيون ناعسين
فى الحب أفاتحه
***
نقيف فى شاطى النيل
يعطف على ويميل
وأقول له أنت جميل
يا بدر نور ولوح
يا زهر عطر فوح
ولا أنت أٍمك مين
قال فى إبتسام ياسمين
عبقت روايحه

امير عبدالباقي
01-04-2007, 10:47 PM
الاخ zaher
تعجز الكلمات عن شكرك وانت توثق هذه الاغاني الجميله يامبدع خضر الله ضراعك زي مااتحفتنا

zaher
01-04-2007, 11:00 PM
2/(البلوم في فرعو غني طرانا يالحبان أهلنا).



البلوم فى فرعو غنى
طرانة ياحبانة أهلنا
طرينا مشوار العصارى
و رقشة الورد البرارى
البريـد دايـر يــدارى
و القلوب دايرة المحنة
الغمامه حلات رحيلا
فوق روابينا الجميلــة
الطيور جات لمقيلا
كلموها خلاص رحلنـــا
يالدموع لبتين تفارقى
يالدروب لبتين تلاقـــى
أبكى يادموع السواقى
حظنا العاسر حرمـــنا
الزمن عزبنا يامـــــا
حرمنا وشال الابتسامة
يالمسافرين بالسلامة
أشرحوا الحال لأهلــــنا

zaher
01-04-2007, 11:03 PM
شكرا لمرورك اخي امير عبد الباقي


هؤلاء الشعراء هم من اتحفونا بهذه الروائع ... لهم منا وقفة اجلال لما صنعوه لانسان السودان .. الرائع دوما


ولك انت ... مليون تحية من صقر الجديان

zaher
01-04-2007, 11:25 PM
الطيف
كلمات: محمد سعيد دفع الله
غناء :محمد كرم الله

-----
ساعة النوم ابى و جافانى واصبح داجى سادر
حتى الطيف رحل خلانى ما طيب لى خاطر
*****
اقيف يا طيف اقيف وارجانى وين فايتنى عابر
شين حارس وراك اناا تانى يانى معاك مسافر
*****
لا لا انا لاتقول لى بمشى و اجيك باكر
يبقى انا ما الم فيك تانى مين عارف المصاير
*****
هاك اسمع رنين الحانى و ابقى معايا ساهر
خفف لى قليل احزانى ياما انا عشت صابر
*****
شو ف كيفن يسوى زمانى ديمة على جاير
من مر العذاب خلانى مجنون قالوا شاعر
*****
شوف الليلة كيف بستانى ده الكان ماشى ناضر
من حر السموم بيعانى طيرو يفر يهاجر
*****
احوم و ارجع اصد لبكانى مقطوع راسى حاير
وين احبابى وين خلانى عاد يا الله قادر
*****
ما عارف العلى ترانى فوق كرعي ساير
ابكى و اسولى فى اوزانى اشعار مالا آخر
*****
بس يا طيف عليك عليك احزانى لى شوية كابر
عشان خاطر قليبى عشانى لحظات بس تخاطر

zaher
01-04-2007, 11:27 PM
الشاعر / محمد عبد الله الامى اغنية نظمها عند سجنه بسبب وشاية
_____

ما بخاف من شئ و برضى خابر
المقدر لا بد يكون
*******

قول لاهل الزور و المفاخر
مافى اول ما ليهو آخر
ما بدوم لا عز لا مفاخر
و ما بدوم الظل و الحصون
*******
قول لشاهد الزور فيم ثائر
هدى روعك قبل الخسائر
ياما قبلك عميت بصائر
من لسانى و قولى الهتون
*******
ما عصيت مولاى مانى فاجر
لا ولا بالعالم بتاجر
نفسى يا احباب ليها زاجر
لم اكون كل يوم لى لون
********
الوفاء معروف لى معاصر
ان بقيت فى داخل معاصر
الاله لا شك لى ناصر
رغم انف الواشى الخؤون
******
لو اتانى الهم جيشو دافر
يلقى يا خلاى صبرى وافر
يلقى عزمى التام بيهو ظافر
يلقى قلبى شجاع ما جبون
*******
بالعداء معروف ما ببادر
ما جحدت الخير مانى غادر
ما بقول للناس متلى نادر
بل اقول للخالق شئون
*******
عن لسان الحق مانى نافر
ما نكرت الحق مانى كافر
ما ضمرت السؤ مانى حافر
للصديق هاويات السجون

zaher
01-04-2007, 11:30 PM
من محاسن حسنو المحاسن *** فى جبينو النور و الجمال

******
مالى و الغزلان فى تلالن *** ليه ينيل قناص غير علالن
ما بطيق و اتحمل ملالان
بعشق التايهات فى جلالن
بعشق الهايبات فى جلالن *** بعشق الاخلاق والكمال

******

بين خدودن و بين انفصادن *** يجرى بحر السيل يروى صادن
شوف عيونو الاكباد حصادن
و البطير ما طار من مصادن
ما بطيق الموقف قصادن *** ما بطيق رميات النبال

******

شوف جمال الحى نورو باين *** بعشق الازهار فى الجناين
بهوى زولا ما زانو زاين
بهوى طبعو لى عرضو صاين
بهوى حسنو و خايف اعاين *** انسحر بسحرو الحلال

******

يا زهى الازهار حين مياسن *** هاك عقودى الناظم قياسن
مبكرات اشعارى و جناسن
من درارى و غاص فكرى كاسن
فى وريدك خايل لباسن *** زى نجوم الليل للهلال

******

ما سليت ان نهت النواهى *** فى هواك او دهت الدواهى
برضى بفخر بيك و بباهى
ليلى هاك افكارى السواهى
تحكى ليك آمالى الزواهى
ليلى آه انا جسمى واهى *** ما بطيق للهجر احتمال

ابودجانه العباس
02-04-2007, 12:05 AM
زاهر لك التحيه والتجله وانت
تبدع وتزهر وتسكب علينا من
هذا المعين (الحقيبه)تلك الفتره
التي لن تعوض بشعرائها وفنانيها
وها انت تعيد لنا ذكراهم وتسطر لنا
أروع ما كتبوا فلك خالص الود والاحترام.


تحت تحت ومن غير ما زول يسمعنا:
قلت ليك أنا طماع ما صدقني.
أها هاك ديل وفتش علي راحتك.
1/(ينوحن لي حماماتن همن عيني
غماماتن بريدن شوقي للماتن).
2/ (الليل ما بنومو أنا حارس نجومو)الكاشف.
3/ (عني مالم صدو وإتواروا أنا حظي
عاكسني ولا هم جاروا).
أها بعد كده كان إتذكرت حاجه
أجي ولا رايك شنو؟؟

zaher
02-04-2007, 12:25 AM
يا اخوي يا ابودجانة ياريتك تخليك طماع دوما ..... ولك منا كل ما عندنا حتى ترضى



ينوحن لي حماماتن .......همن عيني غماماتن
بريدن شوقي لي لماتن
هياب رعاب جمال فاتن.... ولا شي في الادب فاتن
تتوق الروح لشوفاتن .............وارجف حين موافاتن
سكينة تجلى فصادن............ قلوب الادبا مرصادن
قنابل ترمي قصادن............. فهن صادنه ما صادن
وجن توب الحيا لباسن........... نزل نور القمر باسن
اهين وارضي حباسن ........يفر قلبي ويخاف باسن
عسف بندن حف جلادن .......وضيبن هدهد اللادن
عفافن عف تيلادن......... بسوق القوق علي بلادن
ما بين الشادي والشادن ..........تحير فكره نشادن
خدودن جل ورادن............. جميع الشاهدن رادن
نديم قول لي هن ياتن........... مهاة رامة وظبياتن
نسيم شيل لي تحياتن........... وخصص بيها نباتن

zaher
02-04-2007, 12:29 AM
بتتغير - اسحق الحلنقي - صالح الضيء

بتتغير
أقول ما إنت نحن كمان بنتغير
وزي ما عيونك الحلوين بتتحير
بنتحير

تصدق من سنين نحن
بنتمناك تصابح العين
بآمال لحظة تنصفنا
وتبين نحن منك وين
ولما نحس بيك ناسي
ونقابلك بجفا الناسين
بتحيير ونحن كمان بنتحير

تخاصم والخصام يجرح
سلامنا ويشقى فرحتنا
ونحلف نحن عاديناك
عشان ما نرضي عزتنا
وننسى القلنا لمّا تحن
يجيبك شوق لدنيتنا
صحيح مرات بنتغير
وإنت كمان بتتغير

كتمنا عليك حنين الروح
كتمنا جروح وما بحنا
وعشنا على أمل ننساك
مع ذكراك بعيد رحنا
ومهما نقول بتنغير
محال طيبتنا تتغير

zaher
02-04-2007, 12:39 AM
عني مالم صدو واتوارو
حظي عاكس وللا هم جارو
هدي يا شوق وردد الحانو
فكري سرح وهاجت اشجانو
وللا سافر فارق اوطانو
وسار معاهم اين ما سارو
عني مالم صدو واتوارو
حظي عاكس وللا هم جارو
جفّت العين والمنام بدري
الحبايب بيا لو تدري
راعوا انصافي والهوى العزري
بعد ما طال الغياب زارو
عني مالم صدو واتوارو
حظي عاكس وللا هم جارو

zaher
02-04-2007, 12:41 AM
الرائع خوجلي عثمان


اسمعنا مرة مرة اسمعنا مرة
وحاتنا عندك بس اسمعنا مرة
الدنيا تبقى ما فيها مرة
والكون يلالي يلالي يلالي (بهجة) ومسرة
حن في عمرنا شايفنو مرة
وان قلت لالالالالالا هم واستمر
انت البتنهي وانت البتأمر
ان قلت نشقى نشقى وان درت نصبر
زي الفراشة في سماها تهطر
نادر وجودك في الدنيا يندر
نحن المشاعر جنات حبيبة
بسمتنا راحة وعالمنا طيبة
دايرين عيونك تصبح قريبة
عشان كل حلوة في لكون نجيبة
ان قلنا نشكي وين نشكي ليكا
وين نلقى دنيا تجمعنا بيكا
ما قلت بتجينا يا حليل مجيكا
ان ضاع عمرنا محسوب عليكا

zaher
02-04-2007, 12:44 AM
العيون السودة (اسماعيل خورشيد - صلاح محمد عيسى)

أهوى العيون السوده
وأحب سمار في خدودها

إنت الصباح الضاحك
وإنت الغروب الباكي
إنت المياه العذبة
إنت النسيم الصافي

بهواك وأزيد في حبي
مهما تزيد في نوحي
وقلبي راح لقلبك
يا سيدي مالك روحي

كف عيونك عني
لغة العيون كاتلاني
حب الجمال جنني
شوق الوصال أضناني

zaher
02-04-2007, 12:46 AM
في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم
من لمسات حنانك خلاص تمينا دور
أيام مرة خالية من طعم السرور
كل ما غنى شادي ذوبني الشعور
أقول يا ريت حبيبي لو في الطيف يزور


لما تقسو عليك ليالي الوحدة والليل يبقى ليل
والنجوم تلمع بعيد بعيد تسخر من السهران وحيد
أبقى أسال عن قلوبنا تلفي فيها كنوز محبة
وتلقى فيها بحور حنان تلقى فيهاالشوق بيغني
تلقى فيها الريدة فاردة جناحه تشتاق للربيع
يا ربيع يا ربيع


سبتا مصيرنا ضائع مرساهو العدم
في بحور السراب ليل دمعات وهم
عشان آمالنا فيك وقلبنا ما ظلم
خلاص عرف الحقيقة وما بفيد الندم

zaher
02-04-2007, 12:51 AM
الليل

الليل ما بنومو لانى انا حارس نجومو

----------

طول ياليل وهود

اثرنى طول اليل

الليل نسيمو عليل

الليل سكونو جميل

الليل به النساك تتامل الافلاك ياليل

الليل به العشاق تتزوق الاخلاق

تتناجه بى الارواح ولشده ما ترتاح مادايره تانى صباح

---------

انا راصد كواكبو

سابح فى ظلامو

تايه فى مواكبو

سارح فى خيالو وما عاشق جمالو

بس لى فيه زكرى وماخد عنو فكره

يطول فيه التلاقى وانظر فيه حبى الحابيه قلبى انظر ما الاقى


------------

ياليل ياليل ياليل ياليل

ياليل ان شاهد على تنهيدى وهيامى

ياليل ان عارف اشياء عن غرامى

اما بلغك ياليل

بالله عيدنى سماعى

احكيك حبى الضاع وتغير الاوضاع

هويت محاسن انسان فى غايه الابداع ياليل

عاهدنى وحبيتو وجدت عهدو خداع

قلت ليه الوداع ياحبيبى الوداع

الوداع الوداع ياسميرى الوداع

الوداع

الوداع

الوداع

zaher
02-04-2007, 01:53 AM
احرموني ولا تحرموني
سنة الاسلام السلام
عطفكم يا من الموني
كالاشعة الاسهم رموني
الشجون بالليل نادموني
الانين والنوح علموني
لو معنعن قول كلموني
حبي طاهر لم تظلموني
برضي قابل الظلم احترام

يا النفوني كفى اعرفوني
ساهي ساهر ساحات جفوني
في هواكم يا من جفوني
لا الوم ان لم تنصفوني
انعكاس الاحوال كفوني
ايضا الايام عرفوني
يوم سموما ويوما غمام

كلما النسمات عطروني
فاجأوني دموع مطروني
رب اغفر للعكروني
في وداعة الباري العروني
رب وقت يتذكروني
او يقول القايل دروني
او يحدث عني المنام

الدهاة بالسلو ما دهوني
عن تجاهكم ما وجهوني
بي تحكو وشمتو النهوني
وبرضي هايم وخاضع لهوني
لا اقول مستنكف دهوني
عن كثير عن قيس نبهوني
عن حقيقة الحب غين ولام

ما تنفس صبح او ضحى لي
الا غاب هدهد فكري ورحالي
قال قربك عين المحال
قلبي غير زكراك ما صحى لي
يكفي ان السهد اكتحالي
يكفي شاهد لي انتحالي
شاكي شاكر شاخص دوام

طاف خيالك والليل كافر
شفت بدرو المتجلي سافر
صك غاضب لقى دمعي دافر
قاللي جملة وعقد الاظافر
قاللي طبع الريم اصلو نافر
قتلو عل تريم النوافر
وعل راء الريم تبقى لام

في التفكر اصبح وامسي
ايضا التزكار نجوى همسي
وحياتي اشبه برمسي
اشكو يومي واسترحم امسي
ما عهدتك يا ليل تمسي
طلت وامتى اشراق شمسي
وانت وين يا بدر التمام

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام

بت العزازة
02-04-2007, 08:32 AM
انا فى التمنى للشاعر ود ارضى ان لم تخنى الذاكرة وارجوا التصحيح اذا كانت معلومتى خاطئة
أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع

داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع

يـفـر خـيت بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع

أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
دي مــا بـيـلقاها زول زي صـيـده نـاجـع

zaher
02-04-2007, 09:08 PM
العزيزة بت العز بت العزازة

مليون تحية ......


الشاعر فعلا ود الرضي ... وانت ما غلطانة ....

قصدي لم تخونك الذاكرة .....

مشاققة بريئة ..........

تخونك الذاكرة ده يتبعها العمر اللي فوق الستين .............. ولا اظنك كذلك

بت العزازة
03-04-2007, 09:40 AM
تحياتى اخوى زاهر وشكرا مجددا لهذة الحديقة الغنا التى اولجتنا داخلها لنشتم عبق الماضى بكل روائعة
الغربة فعلت بالذاكرة الافاعيل اخوى والواحد بقى ما بتذكر

اسمه مرات كل الشكر والتقدير لاهتمامك بتلك الحقبة الذهبية وننتظر المزيد .

كاوندا
03-04-2007, 10:18 AM
الشعراء هم كثر ولكن القليل منهم من يشعر نصوصاً تستحق السماع لأنها تفرض كلمتها
ولكن شعر الحقيبة منحبس ركيك يتزوقه مريدوه
هل هذا شعراً ؟؟؟؟
سامحونا
كاوندا

ابودجانه العباس
03-04-2007, 10:04 PM
الشعراء هم كثر ولكن القليل منهم من يشعر نصوصاً تستحق السماع لأنها تفرض كلمتها
ولكن شعر الحقيبة منحبس ركيك يتزوقه مريدوه
هل هذا شعراً ؟؟؟؟
سامحونا
كاوندا


نعم يا كاوندا شعراء الحقيبه
ليسو بشعراء الشعراء هم من
يكتبون لمايكل جاكسون ومادونا
حتي أن أغاني الحقيبه ركيكه جداً
ومنحبس كما قلت وهل هناك مقارنه
بين أغاني (الكاشف ) و(حواء الطقطاقه)
أم هل هناك مقارنه بين (كرومه) و(حماده بت)

كيف يقارن الناس بين ( الشاغلين فؤادي) وبين
( راجل المره) أو بين (صدر المحافل ) و( حنانا).

ليس عندي الزيد ولكن صدق من قال :-
لو لا إختلاف الآراء ....لاتعليق أكثر من هذا.

zaher
03-04-2007, 10:49 PM
والله يا اخي ابودجانة ...

انا اثرت الصمت لعدم الرد عليه ....

ونحن في هذا المنتدى نتقبل كل الاارء حتى لو كانت مخالفة لراينا ..

وقد كانت تستحق الرد لو كانت كذلك ..... لكن

ان تكون جاهلة فهذا محال الرد عليه .....


مشاققة **********

كلما ادبني الدهر اراني ضعف عقلي

وكلما زادني علما ازددت علما بجهلي

zaher
04-04-2007, 04:57 AM
هدية الى الاخ العزيز ابودجانة
والاخت الغالية بت العزازة


http://up20.net/download-203df0edd0.mp3.html

ابودجانه العباس
04-04-2007, 05:14 AM
هدية الى الاخ العزيز ابودجانة
والاخت الغالية بت العزازة


http://up20.net/download-203df0edd0.mp3.html


طبعاً مبالغه عدييييييييييل

ولا تعليق أكثر من هذا...

كاوندا
04-04-2007, 07:27 AM
السلام عليكم ورحمة الله تعالي وبركاته
قلنا ليكم من الأول ماتسعجلوا وخدونا واحده واحده لما تعقد المقارنه يجب ان تعقد بما هو افضل مما قيل شعراً .. وليس كما جاء ببورتاتكم لا شعر المزارع ولا شعر الشقق ولا .. ولا.. ياخوى فالاصل في الشعر صفاء الكلمة وعفتها وصدقها ولو أنها وصفت الخمر ومحاسن محفوظات الخدور فالامر مرفوض ويحتاج لمليون وقفة ... وبعدين تعالوا ليه زعلانين هل تجاوزنا الخطوط الحمراء المسألة تحتاج لشوية طولة بال وخد وهات بنفس هادئ .. بالله عليكم إنتو تفتكرو التطورات السالبة البتحدث في المجتمعات حتي تفشي ظاهرة البلوتوث جات من وين ماهي عبارة عن تراكمات لسلوكيات غير مقبولة تطورت ثم زادت في التطور بنهج متواتر لا يرقي للأخلاق حتي وصل الامر لما وصل إليه ... وبأمانه أخوانا الفنانين ديل مسئولين مسئولية تامة عن تردى أخلاق وزوق الشباب وما عاد الامر مدسوس .. ياناس الفن عبارة صغيره ذات مسئولية كبيرة جدا .. ورسالة هامة جداً.
وسنلتقي ... وسامحونا
كاوندا

zaher
11-04-2007, 01:14 AM
الغالي والمخالف دوام / كاوندا

السلام عليكم

نحن ما استعجلنا وعلى العموم لك العتبى حتى ترتضى

لا اعرف عن اي مقارنة تريدها هنا ... كلام الاخ ابودجانة واضح لا يحتاج لشرح

انت تقول الاصل في الشعر صفاء الكلمة و ....... الخ . ولا اعرف من اين اتيت بالخمر ولا اظن اني انزلت شيئا يدعو لمعاقرة الخمر ....

وبعدين اي تطورات سالبة البتتكلم عنها دخلها بالشعر والغناء ... والدخل حكاية البلتوث ايه .... حيث جميعنا نعرف انه الواحد فينا يتم تربيته في بيت سوداني متشابه للجميع ..... والتربية التي حصلنا عليها او ما يتم تعليمها الى الان هي الحافظ لنا من الانسياق الى كل ما هو خاطئ ...

وعتبى عليك اخرى .... اي فنانين هم مسئولين عن تردي الاخلاق ... وردي ... ودالامين.... ابوعركي ... حنان النيل... زيدان..... والقائمة الى اخرها تدافع عن نفسها .... ولن ادافع عنها ابدا ... فهي والحمد لله لم تسمع ما قيل هنا .....


لماذا هذا التناقض .... ( الفن عبارة صغيرة ذات مسئولية كبيرة جدا ... ورسالة هامة جدا .) فانا لا ادري من تريد ان تحمل هذه الرسالة الهامة ........ وانت غير مقتنع بالفنانين او الفن ... وغير هذا انهم مسئولين عن تردي اخلاق المجتمع على حسب رايك .....