المساعد الشخصي الرقمي

مشاهدة النسخة كاملة : المغترب البقره الحلوب



امير عبدالباقي
12-09-2004, 08:59 AM
منقول من منتدي السودان
اريد ان اسأل المحامين ورجال القانون الموجودين معانا فى المنتدي بعض الاسئلة
1-ما هى قانونية فرض ضرائب على المغتربين السودانيين؟
2-وما هى الضوابط القانونية التى تحدد قيمة الضريبة المفروضة ومداها الزمنى؟
3-هل معاملة الطالب السودانى المغترب فى جامعات بلده كأنه طالب غير سودانى قانونية؟
4-وبعد ان نسمع اجاباتكم نرجو منكم توجيهنا ومساعدتنا فى رفع قضية-لاسترداد حقوقنا كمواطنين سودانيين-موجودين خارج حدود الوطن
ملاحظات:-
الضرائب المفروضة علينامباشرة بمسميات مختلفة كالمساهمة الوطنية والزكاة وضرائب الخدمات(ونحن لا نتلقى اى خدمات مجانية من الحكومة)
او غير مباشرةمثل:الرسوم العالية لاستخراج اى وثيقة من السفارات السودانية او استخراج او تجديد الجواز والتى تفوق كثيرا ما يدفعه غيرنا من مواطنى الدول الاخرى المغتربين(واسألوا الهنود والفلبينيين والمصريين وغيرهم)
كلمة اخيرة للمغتربين:-صحى انتوا ساهمتوا وقطعتوا من جلدكم للبلد لما كانت محتاجة لكن الحمد لله البلد خيراتها ظهرت .واحسن ليكم تلحقوا تلغوا الضرائب دى وتاخدوا حقوقكم وكان سكتوا كدى ما فى زول سائل فيكم،وحنظل المغفل النافع والبقرة الحلوب للحكومة دى ولغيرها
وما تقولوا لى الجاليات او جهاز المغتربين بتعمل ليكم شى-كل زول جارى وراء مصالحه الخاصة ومستغلين قضاياكم فى اغراض تانية
اخوانا المغتربين المصريين قبل كدة رفعوا قضية ضد الدولة فى قصة الضرائب دى وكسبوها
رأيكم شنو يا مغتربين؟؟؟؟؟؟؟؟؟؟؟؟؟؟
وفى انتظار رد اخوانا المحامين،مشكورين .....!!!!!

أبوريلان
12-09-2004, 09:29 PM
الأخ أمير

كل الأشواق

باين عليك جنجويد ، أسمع يا أمير فكرة جميلة جدا جدا ما دام كل جزء فى السودان عايز يقاسم الحكومة فى الثروة ونحنا البندفع فى الثروة ليه ما نقاسم الحكومة زينا زى باقى أهل السودان ، نخلى الشباب يصوتوا ونعمل حزب بس نسميه شنو كلوا واحد يقترح أسم وأنا شخصيا بقترح أسم ( سفراء السودان المغربين ) المغربين وليس المغتربين ، وأول حاجة نعملها نحتل السفارات فى كل العواصم . بس كدى شوفوا لينا منصب قبل ما تدخل الواسطة وبعدين بقول ليكم الباقى شنو :D :D :D

امير عبدالباقي
12-09-2004, 09:41 PM
الخ ابوريلان
لك كل الشوق والله ضحكتني جنجويد شنو عاوز تودينا في داهيه ولا شنو؛ وانت باين عليك ارهابي احتلال عديل كده وللسفارات كمان ؛ده ارهاب ؛
معليش ممكن نعمل مزكره للامم المتحده زي ماعملو المصرين ويضغطو علي الحكومه ويعفونا من الضرائب؛ بس ابعدنا من شغل الارهاب ده
تحياتي