رد على المتمرد شبارقة

[ابورجاء]

مابننغش لكن اصحى يا مغشوشنا
ترسم في الخطط قصدك تجينا تحوشنا
كضبك انت والله بفهمنو دحوشنا
سبحان الكريم جايينا في نص حوشنا

مو موضوع شبارقة ماف زولا انغشابو
التلفيق ببين من لهجة الليك جابو
كان شيتا بجيب الريح اخير سد بابو
والقول الصعيب لكن حبابو حبابو

مالو شبارقة حلت عليهو الحكايه بعدنا
بقى اتجارى لمن شافو سكاهو كلبنا
ويضاري لمن شنينا عليهو حربنا
ما بنسيبو الا يشوف برقنا رعدنا

يااهل الدرايه اليوم دحين افتونا
مالا الناس بقت بي اللخبتات مفتونا
تبسم ليك و الحقد الدفين في عيونا
في نشر الحكايات زي وكالة سونا

الحاسدين خلاص نار حقدهم عمتنا
لفقو للحكايات شان تروح كلمتنا
كضبة ناس شبارقة و الله ما همتنا
ونسوان الشبارقة يمين ما بفرقن لمتنا

نضميك الملفق شامي لي فيك ريحه
لي هذا الاوان ما جابو لي تصريحا
الداير نهاية لي لمتنا قصدو يزيحا
سائل المولى يبلاهو وعروقو يسيحا

[امير عبدالباقي]

لاخ الحبيب ابو رجاء
لاسد فوك ؛ لكن مابتجاري شبارقه في شعره محاولتك حلوه لكن خايف عليك الزول ده مابتقدر عليه وخليك في كلمتك دي
الداير نهاية لي لمتنا قصدو يزيحا
سائل المولى يبلاهو وعروقو يسيحا

[شبارقة]

لاخ الحبيب ابو رجاء
لاسد فوك ؛ لكن مابتجاري شبارقه في شعره محاولتك حلوه لكن خايف عليك الزول ده مابتقدر عليه وخليك في كلمتك دي
الداير نهاية لي لمتنا قصدو يزيحا
سائل المولى يبلاهو وعروقو يسيحا

أبشرك يا أمير الحسن :
الزول دا عصر لي حميدان غناي حلة المطامير خمسين الف ورقة تنطح الورقة عشان يقطع العصيدة دي ، وحميدان ما صدق ...

بس أنا لسه سلاحي ما كمل ...
وارجى الجاياك يا سجم تكل كلتوم ...

[ابورجاء]

الغالي حبيب قساي وصاحب الدكان الفاضي قاعد ساي
امير ودعمي عبد الباقي
ما قصرت تب بتقيف ضدي قصاد الجنا اب رويس ده
كويس تبا ما بقصر معاك وتاني انت برضوا ارجا الراجيك
والجنا ده ما فيهو حسنة والله بكره يركب في نونية من نونياتو
الفي وجناتو دي وتقعد تقول يا ريتني لو اقدر اقول فيك الكلام
الما سمح لكني يا نور العيون بديك فرصة اخيرة ترجع لي رشدك
وصوابك وتطلع الجنا ده من راسك خليهو لينا بننجضو ليك تب....

ودوما في رعاية الله وحفظه...
مع كل الود باقة ورد....

[ابورجاء]

أبشرك يا أمير الحسن :
الزول دا عصر لي حميدان غناي حلة المطامير خمسين الف ورقة تنطح الورقة عشان يقطع العصيدة دي ، وحميدان ما صدق ...

بس أنا لسه سلاحي ما كمل ...
وارجى الجاياك يا سجم تكل كلتوم ...

يا الغالي يا نور عيني بالله ما تعمل الحركات دي علي
شبارقة الاعمش المتحامي في روب المحامي
انت لسه شفت شئ ده من طرف الملاية بس
لسه الجاي كتير بس اصبر لي ...

يا صاحب الجمسية يا ما لاقي ليك جكسية
جمسيتك انت قايلها عربية بالله شوف علوية

وراجع ليك انا بالتقيلة .....

ودوما في رعاية الله وحفظه...
مع كل الود باقة ورد....

[بورتبيل]

يا شبارقة اعمل حسابك من الزول الماسك المدفع دا ما يكسر ليك شاشة الجهاز القدامك دا
الزول اصلو عسكري قديم ... واتذكر ايام كان في (كرونقو عبد الله - في غرب الاستوائية )

[ابورجاء]

يا شبارقة اعمل حسابك من الزول الماسك المدفع دا ما يكسر ليك شاشة الجهاز القدامك دا
الزول اصلو عسكري قديم ... واتذكر ايام كان في (كرونقو عبد الله - في غرب الاستوائية )

الغالي حبيب قساي وجنا حشاي بورتو
يااااااااااااااااااااااااااا ما تقول لي انت هناي
الكان معانا بالغته لكن ده شنو ده لكن عليك
الله بتين الكلام ده ياخي ما معقوله لا حول ولا قوة
الا بالله اسه وين انت بالله والله سعيد اها بتين
ياخي عليك الله الف مبروك والله اها والفاضل
منهم منو يا خي ووين هو اسه بالله ما بصدق
لكن ما تقول لي وعمل شنو ما شاء الله عيني
بارده طيب كويس ان شاء الله مع الف سلامة
تيت تيت تيتت والله لكن ذكريات....

ودوما في رعاية الله وحفظه....
مع كل الود باقة ورد......

[ابودجانه العباس]

[QUOTE=ابورجاء;150242][FONT="Arial Black"][SIZE="4"][COLOR="Blue"]
يااهل الدرايه اليوم دحين افتونا
مالا الناس بقت بي اللخبتات مفتونا
تبسم ليك و الحقد الدفين في عيونا
في نشر الحكايات زي وكالة سونا


صح لسانك يا ابو رجويه
شبارقه دا بستاهل اكتر من كدا
طبعا المقطع الفوق دا عجبني جدا

[ابورجاء]

الغالي حبيب قلبي الجميل الرائع
تسلم يا روعة والله الجنا ده زول
بيقدر ليهو زيك مافي بعد نونيتك
الجميلة ديك اطقشوا بي دعوات خليهو
يزازي زي كديسة المستشفى عشان
يعرف انو عمتي وراها دجانات كده
وفي رجاك يا حبيب قساي ما طول
الغيبة الدعوات اكربهن....

ودوما في رعاية الله وحفظه...
مع كل الود باقة ورد......

[الشريف الهندي]

ابو رجاء والله كا خليت ليه جنبه يرقد عليها
لكن يابه ما تعفى منو عليك الله
ههههههههههههههههههههههه
الزول ده قبلتو عليه كلكم عاد تاني يمشي وين

[بورتبيل]

الغالي حبيب قساي وجنا حشاي بورتو
يااااااااااااااااااااااااااا ما تقول لي انت هناي
الكان معانا بالغته لكن ده شنو ده لكن عليك
الله بتين الكلام ده ياخي ما معقوله لا حول ولا قوة
الا بالله اسه وين انت بالله والله سعيد اها بتين
ياخي عليك الله الف مبروك والله اها والفاضل
منهم منو يا خي ووين هو اسه بالله ما بصدق
لكن ما تقول لي وعمل شنو ما شاء الله عيني
بارده طيب كويس ان شاء الله مع الف سلامة
تيت تيت تيتت والله لكن ذكريات....

ودوما في رعاية الله وحفظه....
مع كل الود باقة ورد......

يا ريد لو فتهم
اها قالوا ما عارفين حاجة
سافر يااخي .. والمرا ساقها معاهو
اللهم اغفر وارحمهم ... الكشك بتاعك استلمتو
قول ليه اتصل عليا بخصوص السمسار حق البيت

.... ولله حكاية .....

[بورتبيل]

الغالي حبيب قساي وجنا حشاي بورتو
يااااااااااااااااااااااااااا ما تقول لي انت هناي
الكان معانا بالغته لكن ده شنو ده لكن عليك
الله بتين الكلام ده ياخي ما معقوله لا حول ولا قوة
الا بالله اسه وين انت بالله والله سعيد اها بتين
ياخي عليك الله الف مبروك والله اها والفاضل
منهم منو يا خي ووين هو اسه بالله ما بصدق
لكن ما تقول لي وعمل شنو ما شاء الله عيني
بارده طيب كويس ان شاء الله مع الف سلامة
تيت تيت تيتت والله لكن ذكريات....

ودوما في رعاية الله وحفظه....
مع كل الود باقة ورد......

يا ريد لو شفتهم
اها قالوا ما عارفين حاجة
سافر يااخي .. والمرا ساقها معاهو
اللهم اغفر وارحمهم ... الكشك بتاعك استلمتو
قول ليه اتصل عليا بخصوص السمسار حق البيت

.... ولله حكاية .....

[ابورجاء]

يا ريد لو شفتهم
اها قالوا ما عارفين حاجة
سافر يااخي .. والمرا ساقها معاهو
اللهم اغفر وارحمهم ... الكشك بتاعك استلمتو
قول ليه اتصل عليا بخصوص السمسار حق البيت

.... ولله حكاية .....
الغالي حبة القلوب سمسار البيوت بورتو
يا الحبيب الغالي قلت جاب كم طوالي
لا ما تشاورني خلاص برسل ليك
معاي منو هلا والله نحمد الله الحمد
الاف والشكر الاف كويس ما بطال
تتتتتتتتتتتتتتتتتتتتتتتتتتتتتتتتتتتتتتت
قطع الخط ......

ودوما في رعاية الله وحفظه......
مع كل الود باقة ورد.....

[ابودجانه العباس]

ترا رن.. ترا رن


ترا رن.. ترا رن


ترا رن..ترا رن

الزول دا مشي وين

ابو رجاء حضرنا في التلفون ولم نجدكم

توت ....توت ...توت...توت
قفلنا الخط ..بضرب ليك تاني..

[ابورجاء]

ترا رن.. ترا رن


ترا رن.. ترا رن


ترا رن..ترا رن

الزول دا مشي وين

ابو رجاء حضرنا في التلفون ولم نجدكم

توت ....توت ...توت...توت
قفلنا الخط ..بضرب ليك تاني..
الغالي حبيب ريدي يا شلاقة ابو لبانة اقصد ابو دجانة
رن رن رن رن رن
الو مرحبتين حبيب قلبي
والله تقول شنو كنت نايم التقول دارس والا وارث
ما معقولة الكلام ده صحي بتين يا راجل بالله بالغته
نزلها طوالي ولا تشاور ده كلامك بس تكون كيماوية
من ابو كديس ايواااااااااااا عليك نور لا ما تخاف سكيني
برررررررررررره ومسننه هي لكن مدنية هينة ما هي ست
الناس وفوق الراس والبيهبشها فد ضربه في نص الراس
تجيب اجلو صاحبك ما فزه وشتت اسه شايفو لابد ورا تومتو
وقريباتو لكن وين والله يحلو الحلة بله ده لو بله اتحله....
تتتتتتتتتتتتتتتتتتتتتتتتتتتتتتتتتتتتتتتتتتتت ده شنو ابوك جا قطع
الخط يكون القطر فيهو مفتش المهم ما مشكله بتصل تاني....

ودوما في رعاية الله وحفظه....
مع كل الود باقة ورد.......