المساعد الشخصي الرقمي

مشاهدة النسخة كاملة : بشرى ساره للمغتربيين


مرتضى ساتى
25-02-2007, 08:06 PM
ظهرت الان الدفعه الثانيه من اراضى المغتربيين
وما عليك الا ان ترسل الى من ينوب عنك الى المغتربيين فى مدنى مع الاوراق الثبوتيه
مع تمنياتى الى الجميع بان ينالوا قطعة ارض فى بلد المليون ميل مربع
الفارس البنفسجي
25-02-2007, 08:47 PM
تشكر على المعلومة يا مرتضى وياريت لو قلت لينا الأرض
بتكون وين ؟ ومساحتها كم؟ ورسومها كم ؟

مع تحياتي وشكراً على المعلومة
ابورجاء
26-02-2007, 07:30 AM
الغالي مرتضى ساتي
تسلم يا الحبيب على المجهود والمتابعة
لكن يا ريت لو تنورنا زي ما قال ليك اخونا
وحبيبنا الفارس بكل التفاصيل عشان الواحد
يكون على بينة وتسلم مره تانية وما عدمناك....

ودوما في رعاية الله وحفظه....
مع كل الود باقة ورد.....
خواطر
28-02-2007, 10:10 AM
اخونا مرتضى تسلم ياغالي ويديك العافية وكمل معروفك
عبير مهدي
28-02-2007, 11:21 PM
الاخ العزيز مرتض ساتي اشكرك على الموضوع
بورتبيل
01-03-2007, 12:47 AM
الغالي مرتضى
مشكور اخوي على الموضوع ... بس لو عرفتا لينا موضوع القرعة الفاتت حصل فيها شنو .. اصلي انا سحبتا قرعة المرة الاولى ... وما عارف بعد داك سلمو الناس ولا لا ... ياريت يا مرتضى لو قلتا ليا وافتني في الموضوع دا .. وجزاك الله خيراً
عماد عبدالشكور
04-03-2007, 01:57 AM
الاخ/مرتضى
وين باقي التفاصيل
خواطر
05-03-2007, 12:38 AM
اخوانا المغتربين الاوراق المطلوبة هي
1 / صورة الاقامة سارية .
2/ صورة الجواز ساري .
3/ اقرار بي انك من ابناء الجزيرة .
4/ الحظور شخصياً او توكيل لشخص يكون صادر من السفارة السودانية .
ودمتم
خواطر
05-03-2007, 12:50 AM
اخوانا المغتربين الاوراق المطلوبة هي
1 / صورة الاقامة سارية .
2/ صورة الجواز ساري .
3/ اقرار بي انك من ابناء الجزيرة .
4/ الحظور شخصياً او توكيل لشخص يكون صادر من السفارة السودانية .
ودمتم
بورتبيل
05-03-2007, 01:32 AM
بتمنا ليك الدنيا تضحك في عيونك والزمان القالو قاسي مرة مايعرف يخونك

اسمع يا اخونا ما وريتنا الحاصل بالنسبة للاراضي الطلعت في المرة الاولي الحصل فيها شنو

بتمنا ليك الدنيا تضحك في عيونك والزمان القالو قاسي مرة مايعرف يخونك
هيثم بابكر
05-03-2007, 03:51 AM
ازيكم ياشباب باحلوين يامغتربين يمامتغربين عن الوطن الحبيب وعن درة الجزيرة الرائعة ودمدني
انا كنت قريب في مغتربين مدني ايوة المعلومة صحيحة مية المية بس ضروري تكون دافع كل الضرائب العليك وتعمل خلو طرف ضريبي من المغتربين نفسها ، مع العلم نو القطع تقريبا بتكون اتجاه ودالمجذوب وشرق مدني ....
ود حنتوب
07-03-2007, 01:28 AM
ازيكم ياشباب باحلوين يامغتربين يمامتغربين عن الوطن الحبيب وعن درة الجزيرة الرائعة ودمدني
انا كنت قريب في مغتربين مدني ايوة المعلومة صحيحة مية المية بس ضروري تكون دافع كل الضرائب العليك وتعمل خلو طرف ضريبي من المغتربين نفسها ، مع العلم نو القطع تقريبا بتكون اتجاه ودالمجذوب وشرق مدني ....



الأخ هيثم شكرا على الافادة الهامة جدا

يعنى يا جماعة الما دافع ضرائب حقه يروح ؟؟؟
طيب ما كل المواطنين فى السودان عندهم او الحكومة منحتهم قطع ...
يعنى كانوا بدفعوا ضرائب ؟؟؟؟
ده نوع الكلام البجيب التمرد ذاتو ...
ابورجاء
07-03-2007, 07:38 AM
ده نوع الكلام البجيب التمرد ذاتو ...

اها قول اتمردته غابات ما عندكم تمشي ادسه وبن بعدين
الا تقع البحر حنتوب الجميلة الجميلة الجميلة يكفي انك
من حنتوب يعني تمرد ليك مافي نهي زندقي .......

ودوما في رعاية الله وحفظه...
مع كل الود باقة ورد......
المسافر
07-03-2007, 06:58 PM
مشكور أخي العزيز مرتضى ساتي على الإهتمام . . .
وقد عرفت بأن رسوم هذه الأرض في المغتربين بحوالي
(30) مليون جنيه مع العلم بأنك ممكن تشتري مثلها
أو أفضل منها بحدود (20) مليون جنيه . . .
ما مدى صدق ذلك القوم ؟ ؟ ؟
الزبير محمد عبدالفضيل
07-03-2007, 07:34 PM
مشكور اخي علي هذه المعلومه لاكن ولايه الجزيره عندها خيارررررررررر و فقوس يعني القطع مش
لكل الناس يعني لناس معروفين فقط والباقي ياكل نيمممممممممممم مر
ود حنتوب
07-03-2007, 10:43 PM
اها قول اتمردته غابات ما عندكم تمشي ادسه وبن بعدين
الا تقع البحر حنتوب الجميلة الجميلة الجميلة يكفي انك
من حنتوب يعني تمرد ليك مافي نهي زندقي .......

ودوما في رعاية الله وحفظه...
مع كل الود باقة ورد......


ابو رجاء

تحية طيبة

من حنتوب مافى طريقة تمرد لانه جنبنا اللواء 20 والحكاية فى خمسة دقائق ممكن يقضى عليها وتحرق حنتوب عن بكرة ابيها...
التمرد فكرة ممكن تكون من المغتربين يعملوا تجمع ويؤجر طائرات ويغزو السودان ويحتل الاذاعة والقصر الجمهورى ...
ياخى نحن ناس حقنا مهضوم والله ( مش مهضوم باللبنانى ) وامورنا كلها بايظه لا الغربة رحمتنا ولا حكومتنا عملت لينا حساب وكل تعامل الحكومة معانا بس أدفع ( وبالتى هى أسوأ ) وان لم تدفع فلا خدمات لك ...
ود حنتوب
07-03-2007, 10:47 PM
مشكور أخي العزيز مرتضى ساتي على الإهتمام . . .
وقد عرفت بأن رسوم هذه الأرض في المغتربين بحوالي
(30) مليون جنيه مع العلم بأنك ممكن تشتري مثلها
أو أفضل منها بحدود (20) مليون جنيه . . .
ما مدى صدق ذلك القوم ؟ ؟ ؟



اها شوف

بالله ده كلام ده ياخى

30 مليون لارض الله اعلم اين ستكون ؟؟؟
بالمناسبة سمعت ان اراضى المغتربين ستكون بالقرب من موقع المطار الجديد المقترح وهو فى الشرق وفى منطقة خلوية لن تعمر ولا بعد خمسين سنة ...
ود حنتوب
08-11-2007, 12:25 AM
وين الاراضى يا حلوين
نحن ما قاعدين فى الصقيعة ياجماعة

بالله افيدونا افادكم الله
((أبــوعاذر))
08-11-2007, 11:44 AM
الله اراضي في مدني
((أبــوعاذر))
08-11-2007, 11:54 AM
تمام والله نحاول نقدم
((أبــوعاذر))
08-11-2007, 11:55 AM
الله يديكم العافية ياشباب
((أبــوعاذر))
08-11-2007, 11:55 AM
علي المعلومات المفيدة


ودمتم
ليث عثمان
09-11-2007, 11:28 AM
اها قول اتمردته غابات ما عندكم تمشي ادسه وبن بعدين
الا تقع البحر حنتوب الجميلة الجميلة الجميلة يكفي انك
من حنتوب يعني تمرد ليك مافي نهي زندقي .......

ودوما في رعاية الله وحفظه...
مع كل الود باقة ورد......

هههههههههههههههههه
عدم الغابة والجبال دي المضيع حقنا 000لانه اصبح لازم تتمرد وتحمل سلاح علشان ترطب معاك000شفتو ناس الجنوب والشرق رطبوا كيف00000000تعالوا يا ناس الجزيرة ندفع ونعمل لينا غابه كاااااااااااااااربه تسع الجميع0000قبل ما نبقي اكثر المناطق تخافا في السودان
rasheed
13-11-2007, 03:06 AM
نديكم الكلام النجييييييييييض 0 قطعة رقم (158) مربع (3) حلة حسن (شهادة بحث) ،، المساحة 980م2 عليها مباني معروضة للبيع لأعلى سعر 000 قيموا وشوفوا 00
ناصر عمر دبيب
13-11-2007, 01:27 PM
عاوزين ارضي في وسط البلد ارجو الافادة...
خالد أحمد الصول
13-11-2007, 11:03 PM
أول حاجة قول بسم الله يا راشد .. الناس يقولوا خطة إسكانية ... قتول ليهم بيع ... داير تعمل لي المغتربين ديل نفسيات ولا شنو ... براهو مزيج النيل خلاهم يشربوا ما يروا .. و الريال بقي بي ريالة ... بعدين الاعلان دة مدفوع القيمة ولا بلوشي ... حليل ذمن البلاش ... الدنيا بقت كاش ...
خالد النور
14-11-2007, 12:20 AM
نديكم الكلام النجييييييييييض 0 قطعة رقم (158) مربع (3) حلة حسن (شهادة بحث) ،، المساحة 980م2 عليها مباني معروضة للبيع لأعلى سعر 000 قيموا وشوفوا 00

سمح الكلام فى خشم سيدو والولد بيسميهو أبوهو. قول لينا من الآخر بيكم؟
رامى طلبه
20-11-2007, 10:49 PM
اولاد مدنى .. ازيكم .. ومشتاقين
بخصوص الاراضى كنت فى مدنى وقدمت لاراضى المغتربين .. قالو حاتطلع فى بركات النموزجيه .. يعنى عووضه المهم مشيت السماسره قالو سعرها 12 مليون ولغايه 11 مليون بتطلع .... غادرت السودان وبعد اسبوع اتصلو بى قالو لى القطعه طلعت ليك وعايزين القروش عشان ندفع ... والله توقعتها 5 الو 6 او حتى 10 مليون .. تفاجأت بان مطلوب فيها 15 مليون ... يا ناس ده كلام شنو الاراضى دى بره ب 11 مليون .. الرد انو ده (سعر حكومه) تخيلو سعر حكومه اعلى من السوق الاسود ... ؟؟؟؟؟؟؟؟؟؟؟