ضيق الهدوم فى شوارع الخرطوم .... كاراكاتير

[صدقى]

http://www.9m.com/upload/3-03-2007/0341201172877537.jpg



http://www.9m.com/upload/3-03-2007/0.9181701172877814.jpg


من الأرشـــــــــيف :


http://www.9m.com/upload/3-03-2007/0.4142101172877957.jpg

[الشريف الهندي]

الريشة الذهبية صدقي .. الحقيقة حدثتنا ريشتك عن واقع مؤلم مرير
واترك التعبير لتلك الريشة الرائعة ...لك شكري وتقديري .

[مصريه]

شكرا ليك يا اخي

[عماد عبدالشكور]

والله يا صدقي فعلا ياهو دا الحال بقى كدا مش في الخرطوم بس في السودان كلو تقريبا
بس انا بفتكر انو الغلط ما من البنات اللابسات ضيق المشكلة والمصيبة والطامة الكبرى من الاب والام والاخ والعم والخال
وين الرجولة ؟؟؟؟

[ابودجانه العباس]

شكرا ليك أخونا صدقي

بس ما تنسي المقوله الخالده.

(إذا لم تستحي فاصنع ما شئت)..

ودمت..

[مدنيّة]

للاسف دا الحاصل والله

تشكر ياصدقي يافنان

[Madanawi]

مشكور يا صدقي يا فنان ، الحقيقة الوضع اصبح خطير والاسرة همها المعيشة والاحتياجات اليومية من مأكل ومشرب وناسين اهم حاجة وهي الاهتمام بالتربية ومتابعة الابناء والبنات، وليس بالخبز وحده يعيش الانسان.

[صدقى]

http://www.sudaneseonline.com/u/nnnnnnnnnnnnn12.jpg (http://www.sudaneseonline.com/)

[yassir elamin]

شكرا أخى صدقى ودى البدايه وربنا لا يورينا نهايته

[ود المطامير]

أكان كدا , الشافنى قدمت لإجازتى ما كضب !!!

[جيفارا]

دي موضة ( حضارة يعني ) ولا أنتو ما متحضرين ما بتشوفوا نانسي عجرم ولا هيفا وهبي واليسا ووووووووو الموديل تسمعهم في اي ركشة وبكسي

[okasha]

لك التحية ايها المبدع

[الفارس البنفسجي]

اللبس دا يا جماعة ما جاء من فراغ
دا أفراز طبيعي للثقافة الجديدة
مش نحن بس ، لاحظوا لي عادات أولبس أي شعب
تجدوا انه الإفراز الطبيعي لثقافتهم
وعليه ، سؤال يطرح نفسه
ما هي الثقافة إو الإرث الثقافي الذي ولّد مثل هذا
الإفراز

الزواج : عدم توفر زوج في وقت مناسب ؟
البحث عن المال عن طريق أغواء آدم الموجود في الشارع ؟
مشكلة نفسية لتحقيق الذات بهذه الطريقة؟
عدم وجود وازع ؟

لو مسكتو اي بنت من البنات ديل حا تلقوا وراها مشكلة أكيد
وكل إناء بما فيه ينضح

[سواااح]

أكان كدا , الشافنى قدمت لإجازتى ما كضب !!!


شوووووفوا ده بقول في شنو !!!!

[بنت الرفاعي]

والله صدقت يا صدقى والحاجة البقت غريبة انو البت تلبس محتشم!!!!
بس في بعض البنات الله يديهم العافية مابيرضو بالكلام ده, وغير كدة الطرحة بقت طرحة نص كم يعني الطرحة يافي الكتف ياكلها مخرمة والشعر كلو ظاهر ويا أصلا مافي طرحة, ولا العبايات المخصرة(دي بالذات حتى في دول الخليج ظهرت) و....................و..............لحدي هنا أقيف لأنو الكلام كتيرعن الحاصل في شوارع الخرطوم.

[okasha]

اللبس دا يا جماعة ما جاء من فراغ
دا أفراز طبيعي للثقافة الجديدة
مش نحن بس ، لاحظوا لي عادات أولبس أي شعب
تجدوا انه الإفراز الطبيعي لثقافتهم
وعليه ، سؤال يطرح نفسه
ما هي الثقافة إو الإرث الثقافي الذي ولّد مثل هذا
الإفراز

الزواج : عدم توفر زوج في وقت مناسب ؟
البحث عن المال عن طريق أغواء آدم الموجود في الشارع ؟
مشكلة نفسية لتحقيق الذات بهذه الطريقة؟
عدم وجود وازع ؟

لو مسكتو اي بنت من البنات ديل حا تلقوا وراها مشكلة أكيد
وكل إناء بما فيه ينضح







الله عليك يا معلم





انت عارف الكلام من قرايتك للفلاسفة

ولاشنو يا البنفسجى!!!!!!!!!!!!!!!!!

[عماد عبدالشكور]

مشكلة نفسية لتحقيق الذات بهذه الطريقة؟
عدم وجود وازع ؟
انا اعتقد انو دي الاسباب الرئيسية والله اعلم

[عماد عبدالشكور]

الله عليك يا معلم





انت عارف الكلام من قرايتك للفلاسفة

ولاشنو يا البنفسجى!!!!!!!!!!!!!!!!!

يا عنننننننننننننننننكاشة مالك بتعنكش في الناس من طرف ؟

[الفارس البنفسجي]

يا عنننننننننننننننننكاشة مالك بتعنكش في الناس من طرف ؟

بالله هو عكاشة كدا ، تصدق انا ماقيلوا كدا يا عمدة؟

[ابوزيد محمد نور]

للاسف دا الحاصل والله

[صدقى]

http://www.sudaneseonline.com/u/nnnnnnnnnnn1.jpg (http://www.sudaneseonline.com/)

[عماد عبدالشكور]

بالله هو عكاشة كدا ، تصدق انا ماقيلوا كدا يا عمدة؟

حقك علينا يا فارس ما عليك منو

[عماد عبدالشكور]

أكان كدا , الشافنى قدمت لإجازتى ما كضب !!!

يا ود المطامير اعمل حسابك تقوم الحكومة بتاعتك تسمع الكلام دا وتجي تطين عيشتك

[okasha]

حتى انت يا الفارس



************************************************** *****
دى الحكاية كبرت ما ضاقت

[صدقى]

الأعزاء الغاليين :

الشريف الهندى
مصريه
عماد محمد
ابو دجانه العباس
مدنيّه
مدناوى
ياسر الأمين
ود المطامير
جيفارا
أوكاشا
الفارس البنفسجى
سواح
مرام
أبوزيد محمد نور

لكم عاطر التحيات و أزكاها مضمخه بعبير الوطن ..
و قلبه النابض ودمدنى ،
آسف جدا للتأخير فى الرد .... و كذلك آسف للرد الشامل و كان الأجدر بى و لكم أن أفرد
لكل منكم مساحة الرد الخاص به لما أحمله من صدق الموده و المحبه لكم جميعا ،
لكن الله وحده يعلم بما فيه نحن من سباق محموم مع زمن لايرحم و وقت عدمان البركه ،
لكم الود جميعا .

[شبارقاوية]

موقف طريف تعليق على الموضوع
مرة امى الله يطول فى عمرها شافت واحدة لابسة ضيق والفستان جارى بالواطة قالت ليها كر على دا شنو دا ما كان تشيلى الزايد دا توسعى بيهو فستانك شكيتك على الله

[MASS77]

انا بفتكر اللبس الضيق من الشخصيه الضعيفه المتلقفه للموضه
دون الالتفات الي ما يناسب النفس من احترام
وفي وجهة نظري انو البت البتلبس ضيق بتعرض مفاتنها للبيع والشراء
وبفتكر انو الانسانه المحتشمه بتكون اقل معاكسه واكثر احترام من الناس
ولو وجهة سؤال لي اي بت بتلبس ضيق ما بتديك اجابه مقنعه
وفي اعتقادي انو البيوت بقت ما بتراقب ولا بتنصح
بل بايدو البت بمظهرا الضيق وبالذات في المناسبات
وده ان دل بدل علي انو الاحتشام انتهي والفضائيات بقت هي البتحدد البت بتلبس شنو
والله انا لمن اشوف بت لابسه ضيق والله العظيم بتالم لانو دي بت بالمنظر المزري ده
وبسال البت لو لو لبست محتشم البحصل شنو بدل المهزله الخاته نفسا فيها دي

[meshanshow]

ده سببو القنوات الفضائيه ناس عايزه تحاكي بس ماعندها عقل و ماعندها دين

[همسة شوق]

صدقت والله

[sandra]

أحبائي.. أنا بفتكر انو كلام الاخوان فيه كتير من الصح.. بس السبب الأكبر ضعف الرقابه.. يعني البت لمن تطلع من البيت وأبوها أو أخوها.. أو حتى امها ما سألوها ولا منعوها من الطلعه بالشكل ده.. يبقى ما مشكلة فضائيات أو موضات بس.. دي حاجات نسبيه.. يعني الناس البناخد منهم الموضات دي،، دي حاجه عاديه عندهم.. هنا يجي دور الرقابه المتمثله في الأسره انو تمنع الغلط...

ـــــــــــــ( مجرد رأي )ـــــــــــــــــ
ســــــــــــــــــــاندرا

[صالح شرف]

أخيرا اتيت للرد
ما كنت عضوا في المنتدي
هذا هو سبب التأخير
ولكن
أود فعلا وفي ذات الموضوع أن اشارككم في مشكلتي
أنا استاذ جامعي
شاب
اعلامي
(دعك من حديث الشهرة) وخذ شكل التعامل المفروض عليك بصفتك ( مادة عامة) أو عنصر مشاع
المشكلة أني وفي الكلية وبصورة ملاحظة لدرجة التقئ..(عذرا)ولكنه فعلا الحال(او)الحلة التي اشعر بها عند مشاهدة (الطالبات)و(وتحديدا طالبتين) لا داعي لذكر الاسماء أو الكلية ...
ولكن ... يساورني احساس..
اخي
أنهن.. كما قالتها فنانة مشهورة( والقصة والحديث علي صفحات الدار)انها فعلت(...)ذلك انتثالا لقول البر(الله) جل وعلا(أما بنعمة ربك فحدث)انظر اخي مدي اضمحلال التفكير والفكر والرأي العاجز الذي وصلنا أو وصل هو الينا...فهذه تعرض (ما أجتهدت في تشكيله)بحسب زعمها تعرضه هكذا لانها ارادت شكر الرب علي نعمته
أنظر وتامل .. ولا تتعجب
أعود للطالبتين
هما علي الارجح صدقتين(الطيور علي اشكالها تقع)
الفكرة ليس في الزي وحده(فلا زي يرتدينه)إنما هي بقايا قماش..أو طلاء تم رشه علي الجسم بعناية..
هذا هو الوصف الدقيق في راي
الفكرة في الكلام المكتوب علي الملابس(المستوردة)..أنظر الي جانب من جونب الحرب علينا نحن المسلمين..
الكلام المكتوب..ولفت نظرهن اليه..
ماهو إلا عرض لاسماء مواقع (جنسية)فاضحة(أعذروني علي ذكر الكلمة.. ولكنها الحقيقة المؤلمة..وترويج.. لافعال زمها الدين والفطرة السوية..بل في احداها دعوة صريحة..
هاكم ترجمتها ...
(تعال و واقعني) ...
انظروا وتفهموا ..
ولا تتعجبوا..
وعلي راي الاخوة أذا كانت هذه البداية ...
حمانا الله من الخواتيم والنهاية ...



صالح شرف...

أبو يوسف