سوداني ميه في الميه

[waheeb]

كلنا نفخر بسودانيتنا ولا نرضي ان نسمع فيها اي شئ....ونفخر بجزيرتنا ونتشرف بها...
هنالك من يتهم السودانيين بعدم الوطنيه .اترك لكم الرد, اما انا فأقول:
كيفن يكون الحال لو ما كنت سوداني وأهل الحاره ديل أهلي.

[امير عبدالباقي]

الاخ وهيب
كيفن يكون الحال لو ما كنت سوداني وأهل الحاره ديل أهلي.
الكلام ده كان زمان حسي وين اهل الحاره اهل الحاره جدي وجدك .
مااقولك ماعندنا وطنيه عندنا لكن نائمه في العسل انتهت مع المصلحه الخاصه وحب الذات. وين اهل الحاره وكل يوم ظاهر واحد عمل ليهو عصابه ودخل الغابه عامل السودان حقه وعاوز يحررو السودان يتحرر من منو.الله يكون في العون
تحياتي

[بدرالدين السيد]

اخوتى من القلب التحية بالود عبقة وبه جذلة وبالورد مفعمة
فعلا السودان مصيبتو فى بنيه ومن بنيه المتعلمون مدعى الثقافة
شوف كم واحد اتى بالاجنبى للسودان لبرتقى الى منصات الحكم
عيب والمصيبة الكبيرة انو هناك من يموتليرتقى هذا الطفيلى سدة الحكم حركات تحرر اشكال والوان واحزاب لا انزل الله بها من سلطان والله قبل فترة وجيزة التقيت باخ سودانىيقيم فى اورباوبعد التعارف والونسة سالتو لماذا هو هناك اى من اجل الدراسة ولا عمل فاجأنى بانو لاجى سياسى لم استغرب فى البداية لانو كثير من السودانين اتخذوا اللجوء زريعة للعيش فى الخارج لكن دا قال انو شيوعى وانوالحكومة ظالمة وما الى ذلك وفى مرة سالتو عن عمرو قال عشرين سنة ضحكت وضحكت قلت ليهو من عشرين سنة يعنى لما ولدوك الشيوعية كان انتهت!!!!؟ كيف تكون شيوعى وانت طفل وكمان لاجى سياسى
ارجعوا لناس اليوم اتفقوا مع الحكومة تجد انهم تسببوا فى مقتل شبابمن خيرة شباب السودان فى الشرق وفى الغرب وفى الجنوب وفى الشمال وفى الوسط
وتجدهم امام الكاميرات ومنهم من تسبب فى تدمير مصانع ومزارع ومنهم من باع نفسو لللاجنبى ويتشدق بان ذلك سببو تحرير السودان والان حركتى العدل والمساواة وتحرير السودان تدعوان وبلا خجل وبلا حياء امريكا والدول الاوربية وغيرها من اذناب الاستعمار للتدخلف ى السودان كل واحد لقى ليهو كرفتة وقال ماشى يتفاوض كان فى ابوجا وكان فى اسمرا وكان فى تشاد وبعضهم كل يوم فى امريكا عشان يجى يحكم بالله شوف كان الله فى عون انسان السودان
خال اماسى

[waheeb]

الأخوين أمير وبدر الدين..
أولا الشكر الجزيل للرد...
يجب ان يفرق الناس بين السودان الوطن وبين الحكومات التي تحكم , ولكن هنالك من لا يرضي بأي شئ مهما كان وتسمع كثيرا من يلعن هذا البلد علي الرغم من الكثير الذي قدمه لهم هذا الوطن حتي الان.... المشكله ليست مشكلة وطن ولكن مشكلة وطنيه... و هي مشكله لابد ان نجد لها حل ولا رايكم شنو؟

[aborawan]

السودان هو وطننا وبيتنا وملاذنا رضعنا وارتوينا بماء نيله واكلنا من خيراته فلزامنا علينا ان نحب وطننا ونموت من اجله بس يا حليل زمااااااااااااااااااااان زمن الناس مستعدة تموت عشان واحد غريب عايز يشيل ذرة من تراب الوطن وشوف شفتو بعيني شباب وفي مقتبل اعمارهم يسبون في وطنهم وينهالون عليه بكل الشتائم ناسين او متناسين انه طال الزمن او قصر فهو مكانهم الذي اليه سوف ينتمون

تحياتي

[waheeb]

أخي أبو روان:
تحيه خاصه لك ولكل الاخوان.
السودان وطن عزير والسوداني معروف للجميع بصفاته المشهوده ولكن عندما نجد بعض من من يحسبون عليه يسبون ويلعنون لا نملك الا ان نقول حليل الناس الضحو بارواحهم ليبقي وطن العزه شامخ فوق.






نحن أولاد بلد نقعد نقوم علي كيفنا في لقا في عدم دائما مخرف صيفنا....