المساعد الشخصي الرقمي

مشاهدة النسخة كاملة : الأمارات وأخواننا الحلوين هناك رسالة ومعنى


Madanawi
09-03-2007, 12:28 PM
هبطت الطائرة بعد رحلة تجاوزت الساعتين من جدة الى دبي التي مكثت فيها يومين بينها وبين الشارقة قبل ان اتوجه الى ابوظبي لحضور حفل زفاف اخي وصديق عمري وعضو منتدانا الحبيب منتدي ودمدني اخي الطيب "Tayboun" ، فكانت هنالك محطات جميلة وعديدة الا ان كلها تحكي عن روعة وشهامة اولاد وبنات بلدي الحبيب - السودان.... الحديث لن يسعه بوست او اتنين فساختصر حتي لا تملو القراءة وساضيف من خلال مشاركاتكم وردودي ما تبقي..

أخي وصديقي نزار - محطة لا بد من الوقوف عندها فهو مثال للاخوة الحقيقية والصداقة النادرة في زمن غلبت فيه المصالح على المعاني والاخلاق. دمت يا نزار نبراسا ورمزا ولك مني شكر خاص جدا فما بذلته كان اكثر من مقدر ويستوجب الثناء وفاء لا مجاملة...

نور العيون - لم تتوانى في الاتصال عبر الهاتف مع كل الاخوة وكانت حضورا رغم بعد الامارة التي تقطنها عن ابوظبي مكان اللقاء الرائع ، اتصالاتك كانت حضورا يا نور العيون فلك الشكر والثناء على اهتمامك رغما عن مغص الكسرة الذي عافانا الله منه بعدم احضار المسافر للوجبة.

المسافر اخ كريم وشخصية اكثر من لطيفة تأخر قليلا في الحضور لمكان الحفل الا انه عوضنا عن تاخيره بانسه وشخصيته البراقة التي تجل الانسان لا يمل الحديث معه فهو شخص ايجابي ومنفتح الذهن يجيد فن الحوار وادارة المحاورة فلمسنا له العذر بعد ان عرفنا قصة عمه والذي هو مديره في العمل ويا بخت من كان الباشا عمه!!

ود المطامير وما ادراك ما ود المطامير ،،، متفرد بكآبتي ومتفرد بصبابتي ، شاعر من شعراء المهجر. تأخر في الحضور وطال انتظاري ونزار حتي استكشف مكان الحفل الواضح جدا لكل اهل ابوظبي التي هو من سكانها والغريب ان نزار هو من كان يوصف لود المطامير صاحب الارض والجمهور مكان الحفل ورغما عن ذلك تاه وضل الطريق لانه لا يعلم سوي طريق واحد هو طريق المطامير مدني والعكس......

نفحات الصباح اخت راقية جدا وتحمل من الصفات الجميلة ما تفتقده الكثير من اترابها في رقي تعاملها واصالتها وانا احييها واشكر لها تعاملها الاكثر من راقي وهذا هو ديدن بنات البلد عموما وبنات مدني على وجه الخصوص...

زول فرده - تحمل الانفلونزا القوية واتي ليلتقي بالعقد الفريد والجلسة الفريدة بصالة المشرف بابو ظبي شخص اكثر من رائع ويحمل خلف عدسات نظارته بريق المستقبل ونظرة الذكاء المستنير ولا اخفيكم سرا لو قلت انني قرأت في عدسات النظارة كمية من الشمارات الاتيات قريبا....لك تحية خاصة جدا يا فردة ومشكور على اللحظات الرائعات بصحبة الاخوان،،،

عبد المنعم رجل هادئ وشخصية تحمل في طياتها كل الحكمة والجمال!!!!!!

يا سلام عليك يا جمال الماحي وانت تصر على مهاتفة المجموعة من امريكا وتطيل الحديث مع الكل بصورة عكست مدى ما تحمله من روعه وحب للجميع ، واحلى شئ انك اصررت العودة لنزار بعد ان غادرنا بعد منتصف الليل لتجعله يعود من منتصف الطريق بين ابوظبي ودبي... لك الود والاحترام وتمنياتنا لك باجازة سعيدة وربنا يتتم زواج اخوك واخينا على خير وما تقصر من الهجيج....


مدخل للنهاية...

الشكر كل الشكر لكل الاحباب والاخوان والاخوات بالامارات فهم بالجد لم يفسحوا لي المجال كي اشيل حالهم كما اسلفت الذكر بل على العكس جعلوني اتصبب عرقا وأخلع القبعة احتراما لرقي تعاملهم ولطفهم ، باقات من الورد اهديها لهم وبقول ليهم ربنا ما يحرمنا منكم ويجمعنا بيكم في ساعات الخير دائما وشكرا للجميع دون فرز اقل ما يمكن ان يقال...
الصور لاحقا فيبدو ان هنالك شكلة في رفع الصور...
سواااح
09-03-2007, 06:34 PM
مدناوي ..

لك تحياتي وحمدا لله علي سلامة العودة ..
لكن وقبل كل شئ يجب علينا وقفة احترام للرائعة مدني
التي جمعت شمل الجميع القاصي منهم والداني
وما اجمله اللقاء حين يكون تحت سقف المودة والاخاء الصادق
هنيئا لكم اللقاء وهنيئا لنا جمال ما التقيتم فيه

دمــــــــــــــــــــــــت ،،
غسان
09-03-2007, 10:46 PM
حبيبنا مدناوي...

1000 حمدلله علي السلامة
وجدة نورت رغم انو الدنيا صباح
انشالله ال... عملت صدا الملاعب وكده
تحياتي لكل الذين شكلو حضورا جميلا في زواج اخونا الطيب العريس
نزار, زول فردة, نفحات الصباح, المسافر, نورالعيون
وأخونا ود المطامير خليهو بعدين دايرلو قعدة طويلة لاني بصراحة بعمل في دراسة عنو
Madanawi
10-03-2007, 01:15 AM
مدناوي ..

لك تحياتي وحمدا لله علي سلامة العودة ..
لكن وقبل كل شئ يجب علينا وقفة احترام للرائعة مدني
التي جمعت شمل الجميع القاصي منهم والداني
وما اجمله اللقاء حين يكون تحت سقف المودة والاخاء الصادق
هنيئا لكم اللقاء وهنيئا لنا جمال ما التقيتم فيه

دمــــــــــــــــــــــــت ،،

مرحبتين سواح وسلمك الله

مشكور على كلماتك الصادقة ومداخلتك الرائعة وكم تمنيت ان يكون معنا كل الحلوين في منتديات ودمدني المختلفة،،،،،،
Madanawi
10-03-2007, 01:17 AM
حبيبنا مدناوي...

1000 حمدلله علي السلامة
وجدة نورت رغم انو الدنيا صباح
انشالله ال... عملت صدا الملاعب وكده
تحياتي لكل الذين شكلو حضورا جميلا في زواج اخونا الطيب العريس
نزار, زول فردة, نفحات الصباح, المسافر, نورالعيون
وأخونا ود المطامير خليهو بعدين دايرلو قعدة طويلة لاني بصراحة بعمل في دراسة عنو

الله يا سلمك يا دقش

جدة منورة بي اهلها يا غسان وبالجد روعة اللقاء كانت ستكون اروع بوجودك ولكني اعلم ظروف عملك التي منعتك من التواجد لكن بقول لي قدام يا فردة والكل حملني السلام لك ،،،
zoolfrda
10-03-2007, 06:23 AM
http://www.y1y1.com/u/uploads1/aa1d2a1a21.jpg (http://www.y1y1.com/u)
Madanawi
10-03-2007, 08:11 AM
لقد قلت ان زول فردة بالانجليزي يحمل الكثير المثير من الشمارات في مقبل الايام وهاهو ذا يؤكد ما قلته ، تحية وصفقة لك اخي الوقور وانا وبقية الشباب مستنين منك بقية الصور وارجوا ان لا تنسى ايا منها فكلها تحمل معاني جميلة وصلة وثيقة بين اصدقاء واخوة طالما جمعتهم الكلمات من خلف الشاشات والان نلتقي في البوم واحد وفي صف واحد ، اي والله انه البنيان المرصوص،،،،،،
امير عبدالباقي
10-03-2007, 08:17 AM
والله لكن لمتكم حلوه وعيني عليكم بارده
دائما ياها دي حال اولاد مدني في الغربه
يد واحده ومتكاتفه ........ سجم خشمي
والرماد كال حماد اذا ماكنت من مدني
مصريه
10-03-2007, 08:15 PM
حمد الله علي السلامه
وربنا يديم بينكم المعروف
magdi
10-03-2007, 08:48 PM
الأخ مدناوي .... وبقية العقد الفريد

أثلجتم صدورنا بهذا التجمع الرائع الذي يحكي عظمة هذه المدنية وأبنائها الرائعين داخل وخارج السودان ، وهذا يدل على مدى الترابط والتواصل والأخوة الصادقة .

أولاً :أحييكم من على البعد على هذه البادرة الجميله .

ثانياً : كنت اتمنى أن اكون حضوراً معكم والإلتقاء بإخوة أعزاء .

وربنا يديم المعروف بيننا ..
Madanawi
11-03-2007, 01:12 AM
حمد الله علي السلامه
وربنا يديم بينكم المعروف

سلمك الله يا مصرية وبقول ىمين على الدعوات الصالحات!!!

مشكورة على المرور ونورتي البوست
Madanawi
11-03-2007, 01:37 AM
الأخ مدناوي .... وبقية العقد الفريد

أثلجتم صدورنا بهذا التجمع الرائع الذي يحكي عظمة هذه المدنية وأبنائها الرائعين داخل وخارج السودان ، وهذا يدل على مدى الترابط والتواصل والأخوة الصادقة .

أولاً :أحييكم من على البعد على هذه البادرة الجميله .

ثانياً : كنت اتمنى أن اكون حضوراً معكم والإلتقاء بإخوة أعزاء .

وربنا يديم المعروف بيننا ..

حياك الله يا مجدي وصدقني لو قلت لك اني وددت لو ان كل من بالمنتدى كان حاضرا حتى تزدان الجلسة وتكتمل اللوحة.....
Madanawi
11-03-2007, 01:47 AM
والله لكن لمتكم حلوه وعيني عليكم بارده
دائما ياها دي حال اولاد مدني في الغربه
يد واحده ومتكاتفه ........ سجم خشمي
والرماد كال حماد اذا ماكنت من مدني

والله يا أمير بالجد اكتر من حلوة والضحكات الصافيات كانت تجلل من قفشات الشباب واللحظات الجميلة دي ستبقى في الذاكرة ما حيينا وانشاء الله نعمل على تكرار اللمات مع الشباب وانا بقول انو كل ناس في دولة معينة يكونوا على اتصال مع بعض ومن ثم يقننوا الاتصال بالبقية...
جيفارا
11-03-2007, 02:52 AM
عقبال الباقين
جيفارا
11-03-2007, 02:53 AM
بس الصورة رهيييييبة
هيثم بابكر
11-03-2007, 03:06 AM
التحية ليك الاستاذ مدناوي وحمد لله على سلامة الوصول وشئ رائع ان يتلم شمل اولاد مدني في مكان واحد وانشاء الله دائما متلمين تامين وسالمين .... وياريت لو الواحد كان عارف اللمة دي كان شارك علي الاقل الواحد يلاقي الناس البقرا ليهم من زمن وخصوصا انو شخصي جديد في الامارت منذ فترة قريبة جدا ولااعرف اي ناس من مدني هنا أمارة الشارقة .... تاني بقول مدني منارة شامخة ابيه ، وهي اصلا مدني جمالها في ناسها في اولاد مدني الرائعين والمبدعين دوما في شتى المجال ...
عوض صقير
11-03-2007, 03:48 AM
أخونا مدناوى

والله لمة حلوة
تؤكد مدى حقيقة مايقال عن أبناء هذه المدينة
من ترابط وأنسجام وأنس

ألف حمدلله على السلام

وإن شاء الله زواج مبارك
Madanawi
11-03-2007, 05:11 AM
أخونا مدناوى

والله لمة حلوة
تؤكد مدى حقيقة مايقال عن أبناء هذه المدينة
من ترابط وأنسجام وأنس

ألف حمدلله على السلام

وإن شاء الله زواج مبارك

الله يحلي ايامك يا استاذنا العزيز عوض ،

مدني ما كل الجمال زي ما قال فنانها الاول الكاشف وهي ينبوع الصلات الجميلة والروابط المستاصلة

الله يسلمك يا حبة وبقول ولا الضالين!!
Madanawi
11-03-2007, 05:16 AM
التحية ليك الاستاذ مدناوي وحمد لله على سلامة الوصول وشئ رائع ان يتلم شمل اولاد مدني في مكان واحد وانشاء الله دائما متلمين تامين وسالمين .... وياريت لو الواحد كان عارف اللمة دي كان شارك علي الاقل الواحد يلاقي الناس البقرا ليهم من زمن وخصوصا انو شخصي جديد في الامارت منذ فترة قريبة جدا ولااعرف اي ناس من مدني هنا أمارة الشارقة .... تاني بقول مدني منارة شامخة ابيه ، وهي اصلا مدني جمالها في ناسها في اولاد مدني الرائعين والمبدعين دوما في شتى المجال ...

يا سلام عليك يا هيثم والله بالجد لو علمت لك تلفون او اي وسيلة اتصال لاتصلت بك وجيتك في محلك عشان نمشي نتلم مع اخواننا الحلوين ديلك وبالجد اللمة كانت اكتر من رائعة لكن الجايات اكتر انشاء الله والمرة الجاية خليك قريب!!
Madanawi
11-03-2007, 05:17 AM
عقبال الباقين

جيفارا ،

بقول ولا الضاااااااااااااااااااااااااااااااااااااااااااالين
ود المطامير
11-03-2007, 06:37 AM
حبيبنا مدناوي...


1000
وأخونا ود المطامير خليهو بعدين دايرلو قعدة طويلة لاني بصراحة بعمل في دراسة عنو

الله يستر , عملتوه فار تجارب ؟
أها لمّا تخلص الدراسه قول عوووووووك
ود المطامير
11-03-2007, 06:40 AM
يا الحبيب مدناوينا
كويس و أخفيتوا صلعة أخونا
وبقيتونى أنا قصير
طيب و المره اللى جايه إنشاء الله
بطلع فى بنبر .
يا فرده نزل باقى الصور .
المسافر
11-03-2007, 08:29 AM
الغالي جداً مدناوي
بداية لك كل تقدير وإحترام على هذه الكلمات الراقية وإنها لن تأتي إلا من شخص بروعتك
فأنت أدخلت السرور إلى نفوسنا طوال إقامتك معانا . . . وإننا نرى قصرنا معك فأنت تستحق
أكثر من ذلك . . .
نأمل أن تتكرر هذه الزيارة مرات أخرى . . . فإننا نسعد جداً بوجودك وسطنا .
وحمد الله على سلامة العودة
ودمت يا الغالي
Madanawi
11-03-2007, 01:08 PM
الغالي جداً مدناوي
بداية لك كل تقدير وإحترام على هذه الكلمات الراقية وإنها لن تأتي إلا من شخص بروعتك
فأنت أدخلت السرور إلى نفوسنا طوال إقامتك معانا . . . وإننا نرى قصرنا معك فأنت تستحق
أكثر من ذلك . . .
نأمل أن تتكرر هذه الزيارة مرات أخرى . . . فإننا نسعد جداً بوجودك وسطنا .
وحمد الله على سلامة العودة
ودمت يا الغالي

مشكور يا زوق والله انتم اخجلتموني بتعاملكم اللطيف وهذا اقل من حقكم وانا اكن لكم في صدري تقدير ودين ارجو من الله ان يمكنني من رده ولو القليل منه كما ارجو ان نلتقي ثانية ويكون المجال افسح وارحب.
Madanawi
11-03-2007, 01:14 PM
يا الحبيب مدناوينا
كويس و أخفيتوا صلعة أخونا
وبقيتونى أنا قصير
طيب و المره اللى جايه إنشاء الله
بطلع فى بنبر .
يا فرده نزل باقى الصور .

يا ود المطامير شايفك من اول صورة بديت الجرسة ولسه انت ما شفت باقي الصور والتي سيعرضها اخونا زول فردة بالانجليزي على كل الشباب واحب ان اؤكد ان الصور ستنزل كما صورتها دون اي مونتاج وعليك الله يا اخوي بطل التمهيدات والاعلام المضلل واحسن ترجى الراجيك والله يقدرك على لسان ابورجاء وشبارقة وكمان تومتي مدنية لانها لابده ليك يا حبة،،،
samah
11-03-2007, 10:40 PM
ماشاالله عيني باااااااردة.....................مجتمعين في الفردوس الاعلي انشاالله
Madanawi
12-03-2007, 01:59 AM
ماشاالله عيني باااااااردة.....................مجتمعين في الفردوس الاعلي انشاالله

وانت معانا يا رب - قولي ولا الضالين!!
رهيب
12-03-2007, 11:41 PM
والله بصراحة ياجماعة بي لمتكم دي خليتونا نحبكم اكثر واكثر وربنا يحفظكم ويجمعنا بكم في الوقت القريب ان شاء الله
انا عندي اقتراح :
رأيكم شنو تجو ألسنه دي عمرة المولد كل اعضاء المنتدى وطبعاً نفقات السفر على العضوا ونفقات الاقامة والسكن والإعاشة اكيد حتكون على نفقة المشرفين الكبار امثال ابو روان وادمين وابو المهتدي وووو
اكيد ما حيقصروة وعلى صاحب الفكرة اوديكم المزارات واعزمكم عندي شاي المغرب وكيكة من يد نور العيون انا عارف نور العيون بتعمل كيكة تاكل اصابعك وراها يا ودالمطامير وانا بعدين بوزع كل واحد يعمل حاجة بالله تخيلوه الفكرة دي حصلت كيف حتكون
اها رايكم شنو انا مستني ردودكم عشان نفتح اضان المشرفين.
مدنيّة
13-03-2007, 02:37 AM
http://www.y1y1.com/u/uploads1/aa1d2a1a21.jpg (http://www.y1y1.com/u)




:eek: :eek: :eek: :eek: :eek: :eek: :eek: :eek:

ود المتامير لابس تي شيرت :confused:

اصبر لابوك العمدة ياود المتامير اول ما يسمع كان مااقام فيك الحد ما اظنه يبقي ابوك العمدة


دي مدني يا التوم ومدني ام الجمال في كل شئ وياقول نفحات ربنا يديم المعروف
Madanawi
13-03-2007, 02:55 AM
والله يا تومتي اصبت مربط الفرس (ما البنفسجي) ،،،

بس الكزي لينا زوول فردة بلغة الخواجات ده وقولي ليهو ورينا باقي الصور لانو انا عذبتني عشان ارفعها فارسلتها له كلها بالايميل !!!!!!!!!!
مدنيّة
13-03-2007, 03:02 AM
والله يا تومتي اصبت مربط الفرس (ما البنفسجي) ،،،

بس الكزي لينا زوول فردة بلغة الخواجات ده وقولي ليهو ورينا باقي الصور لانو انا عذبتني عشان ارفعها فارسلتها له كلها بالايميل !!!!!!!!!!


التوم بعد كدا ما بنقدر نلكز زول فردة الرتب اقصد المقامات محفوظة

كان عايزني الكز ود المتامير مافي مشكلة لكن فردة دا بقي عاااااااااااااااااالي واعمل حسابك يا التوم :p
Madanawi
13-03-2007, 04:10 AM
انتي يا التومة دايرة تلكزيهو ولا ترشيهو بي نووي..

هو اسمو زول فردة وبالخواجاتي كمان يعني فريند ،،،
امل حياتى
13-03-2007, 05:26 AM
يا جماعة نحن وين من الهيلمانة دى مافى واحد ادانا خبر ان مدناوى كان موجود بالامارات
ود المطامير
13-03-2007, 05:44 AM
يا جماعة نحن وين من الهيلمانة دى مافى واحد ادانا خبر ان مدناوى كان موجود بالامارات
والله الهيلمانه دى بدأت هنى فى العام دا فى بوست كامل قبل سفر الحبيب مدناوى للإمارات
بإسبوع , والناس كلهم وصوهوا , اللى عاوز بنطلون واللى عاوزه طرحه واللى
واللى والسؤال إنت كنت وين ؟
غسان
13-03-2007, 08:55 AM
شنو ياود المطامير غاشينا ومثبت لينا صورتك وانت في الثانوي... الشيب ده داسيهو وين؟
لكن الحق يقال مدناوي قال لي ودالمطامير اتظلم في الصورة
ود المطامير
13-03-2007, 10:29 AM
شنو ياود المطامير غاشينا ومثبت لينا صورتك وانت في الثانوي... الشيب ده داسيهو وين؟
لكن الحق يقال مدناوي قال لي ودالمطامير اتظلم في الصورة
يا زول فرده .. يا فرده نزل باقى الصور اللى جوّه الصاله
مع الأضواء وخلى صلعة أخونا تلفت الأنظار من شيبى دا .
يا أخوى غسان بنتى لما شافت صورتى قالت لى يا أبوى
البعيو دا منو ؟ يعنى ملعوب فى الصوره من قبل زول فرده ومدناوى
وحرشهم عمّى نزار
zoolfrda
13-03-2007, 11:37 PM
http://www.y1y1.com/u/uploads1/780b6e26e9.jpg (http://www.y1y1.com/u)
مدنيّة
13-03-2007, 11:41 PM
انتي يا التومة دايرة تلكزيهو ولا ترشيهو بي نووي..

هو اسمو زول فردة وبالخواجاتي كمان يعني فريند ،،،


انت يا التوم شكلك لسة ما استوعبت النقلة :confused:
مدناوية
13-03-2007, 11:44 PM
http://www.y1y1.com/u/uploads1/780b6e26e9.jpg (http://www.y1y1.com/u)



تبش تبش عجور ,,,, الصلعة تولع نور,,,

صلعة ونضارات يامسافر ياخوي ,,, الكبر شيييييييييين,,,


وربنا يديم المعروف,,,
مدناوية
13-03-2007, 11:46 PM
زول فردة يافردة,,,
الله يديك العافية على مجهوداتك,,,
أتحفنا بالمزيد ,,,,


ربنا يديم المعروف,,,
zoolfrda
13-03-2007, 11:56 PM
http://www.y1y1.com/u/uploads1/067475ad7d.jpg (http://www.y1y1.com/u)
ود المطامير
14-03-2007, 12:25 AM
تبش تبش عجور ,,,, الصلعة تولع نور,,,

صلعة ونضارات يامسافر ياخوي ,,, الكبر شيييييييييين,,,


وربنا يديم المعروف,,,

صلعه ونضارات و ( كرش ) يا خوى ,,, الكبر شيييييييييييييييين ,,
ربنا يديم المعروف ,,,
ود المطامير
14-03-2007, 12:31 AM
http://www.y1y1.com/u/uploads1/067475ad7d.jpg (http://www.y1y1.com/u)
يا مدناوينا يا حبيب ماشاء الله تبارك الله وعينى بارده
لكن كورة التنس اللى جمبك دى شنو يا خوى ؟
Madanawi
14-03-2007, 01:08 AM
يا ود المطامير انا كلمتك وقلت ليك انت خايف من الصور ، والليلة ارجا الراجيك ناس ابو رجاء وناس ...... وايييييييك العجب كان جوك ناس .................... ، يا اخوي انت انضربت في الانكل وما اظنك تقدر تدبل بعد ما الفيك اتعرفت وما تحاول تقول للجماهير انو في مؤامرة مني انا والمسافر وزوول فردة عليم وكل شئ انكشفن وبان...
Madanawi
14-03-2007, 01:09 AM
يا مدناوينا يا حبيب ماشاء الله تبارك الله وعينى بارده
لكن كورة التنس اللى جمبك دى شنو يا خوى ؟

وين يا زول كورة شنو وتنس شنو انت بقيت مشيب وما بتشوف كمان؟؟؟
Madanawi
14-03-2007, 01:09 AM
والله الهيلمانه دى بدأت هنى فى العام دا فى بوست كامل قبل سفر الحبيب مدناوى للإمارات
بإسبوع , والناس كلهم وصوهوا , اللى عاوز بنطلون واللى عاوزه طرحه واللى
واللى والسؤال إنت كنت وين ؟

إنت كنت ويييييييييييييييييييييين؟؟؟
Madanawi
14-03-2007, 01:10 AM
شنو ياود المطامير غاشينا ومثبت لينا صورتك وانت في الثانوي... الشيب ده داسيهو وين؟
لكن الحق يقال مدناوي قال لي ودالمطامير اتظلم في الصورة

صح اتظلم لانو قال لينا خلوني اعمل الحنة في شعري وبعدين نتصور لكن الزمن ما اسعفو للعملية التجميلية ؟؟؟
Madanawi
14-03-2007, 01:12 AM
يا زول فرده .. يا فرده نزل باقى الصور اللى جوّه الصاله
مع الأضواء وخلى صلعة أخونا تلفت الأنظار من شيبى دا .
يا أخوى غسان بنتى لما شافت صورتى قالت لى يا أبوى
البعيو دا منو ؟ يعنى ملعوب فى الصوره من قبل زول فرده ومدناوى
وحرشهم عمّى نزار

نزار وكلنا بره الموضوع انت يا قسيم الريد كان قصير وراسك ابيض زي لوزة القطن نسوي ليك شنو؟؟؟
المسافر
14-03-2007, 08:45 PM
تبش تبش عجور ,,,, الصلعة تولع نور,,,

صلعة ونضارات يامسافر ياخوي ,,, الكبر شيييييييييين,,,


وربنا يديم المعروف,,,



والله يا ماما نفحات الكبر صعب عديل كده
وقالوا عندكم في دبي زراعة الشعر
وشد الجلد رخيص . . . يا ريت تشوفي
لي مركز رخيص كده أمكن أحصل الباقي
من عمري

ودمتي
المسافر
14-03-2007, 08:47 PM
يا مدناوينا يا حبيب ماشاء الله تبارك الله وعينى بارده
لكن كورة التنس اللى جمبك دى شنو يا خوى ؟




إنت يا قصير يا وتد . . أكان ما أنا شلتك في صفحتي دي كان ظهرت في الصورة

لكن ( الحسنة في ود المطامير زي الشرى في القندول )

ودمت
مدناوية
14-03-2007, 09:06 PM
يا مدناوينا يا حبيب ماشاء الله تبارك الله وعينى بارده
لكن كورة التنس اللى جمبك دى شنو يا خوى ؟



ههههههههههههها,,,
الله يجازي محنك ياودالمطامير,,,


لا تعليق,,,

وربنا يديم المعروف,,,
مدناوية
14-03-2007, 09:14 PM
والله يا ماما نفحات الكبر صعب عديل كده

وقالوا عندكم في دبي زراعة الشعر
وشد الجلد رخيص . . . يا ريت تشوفي
لي مركز رخيص كده أمكن أحصل الباقي
من عمري



ودمتي



المسافر ياجناي,,,
إنت قصدك عيادة التجميل القاعدة أمشيها أنا ولا وحدة تانية,,,؟؟؟

وربنا يديم المعروف,,
مدناوية
14-03-2007, 09:16 PM
http://www.y1y1.com/u/uploads1/067475ad7d.jpg (http://www.y1y1.com/u)
والله ماشاء الله يامدناوي,,,
إيه الوجاهة والحركات دي؟؟؟
Madanawi
14-03-2007, 10:14 PM
يا شباب اقول ليكم حاجة كلكم نونوات وصغار عشان ما تزعلو ،،،

خليتو للنواعم شنو يا الكايسين تسغروا نفسكم ....................

يعني الا يجيكم اسغر واحد ويحل ليكم المشكلة ،،،
المسافر
14-03-2007, 10:17 PM
المسافر ياجناي,,,
إنت قصدك عيادة التجميل القاعدة أمشيها أنا ولا وحدة تانية,,,؟؟؟

وربنا يديم المعروف,,



لا لا ما قصدي البنفخوا فيها الشلاليف ( الشفائف )
قصدي الثانية ديل البشدو فيها الجلد زي الدبركة
( البنقز ) . .

ودمتي
مدناوية
14-03-2007, 10:24 PM
لا لا ما قصدي البنفخوا فيها الشلاليف ( الشفائف )

قصدي الثانية ديل البشدو فيها الجلد زي الدبركة
( البنقز ) . .



ودمتي



ما ياها زاتها البمشيها أنا؟؟؟
كان بتعرف ليك واحد أحسن وأرخص كلمني عليك الله.,,


وربنا يديم المعروف,,,
مدناوية
14-03-2007, 10:26 PM
يا شباب اقول ليكم حاجة كلكم نونوات وصغار عشان ما تزعلو ،،،

خليتو للنواعم شنو يا الكايسين تسغروا نفسكم ....................

يعني الا يجيكم اسغر واحد ويحل ليكم المشكلة ،،،



مدناوي كيف يعني كلنا نونوات؟؟؟؟؟
HaSsOoN
15-03-2007, 03:12 AM
واللهي لكن يابختكم احلا لمه وأحلى ناس وربنا يديما على طول لكن ياود المتامير ((على قولة مدنيه)) طلعتا غاشينا ساي خاتي ليك صوره من الثانوي ههههههههههه لكن ماشاء الله برضوا وجاهه شديده وياعمنا نزار لكن خلاص الكبر الكبر ههههههههه ووتحياتي ليك يامدناوي وعلى الصور الجميله دي وبرضوا تحايا عطره للمسافر وزول فرده وللجميع وربنا يديم المعروف
magdi
16-03-2007, 05:00 AM
لكن يامدناوي ما تقول لي ما شاء الله إنت بس الطلعت في الكفر ومعاك ذو الفرده طبعاً
أما التانيين فالصورة الكنا خاتنها طلعت ما هي الفي الراس خاصة ود المطامير خاتي لينا صورته القبل العرس ....
Madanawi
16-03-2007, 10:38 PM
لكن يامدناوي ما تقول لي ما شاء الله إنت بس الطلعت في الكفر ومعاك ذو الفرده طبعاً
أما التانيين فالصورة الكنا خاتنها طلعت ما هي الفي الراس خاصة ود المطامير خاتي لينا صورته القبل العرس ....

كفر شنو يا مجدي ، ما تبالغ لانو الشباب كان نورهم عاكس فينا انا وزول فردة - والمسافر عرف اني قادم للامارات بعد ما ظبط الصلعة وكانت سؤ طالع بس لكنه يصغرنا سنا ، اما ود المطامير فالتي شيرت قبض بيهو الجو وحهحه الجكس بتاع الحفلة كلهم بوسامتو ، اخونا نزار طبعا العريس واهل العريس وسلام معاهم وبعدين تلفون الاخ جمال الماحي وبعدين بقية الصور ومشي لحدي قريب دبي ورجع لينا تاني في ابوظبي وكان مليون حاجة في دماغه وفي آن واحد ،،،
نزار حسن محمد
17-03-2007, 09:54 PM
مدناوى .. يااجمل خبر ..
وصلت الامارات وانتظر الشمارات ... منقوله راسا من مراسلكم قناة الجزيره بحلة الجنيد
Madanawi
18-03-2007, 04:37 AM
مدناوى .. يااجمل خبر ..
وصلت الامارات وانتظر الشمارات ... منقوله راسا من مراسلكم قناة الجزيره بحلة الجنيد

حمدا لله على السلامة ومنتظرين منك الشمارات ويا ريت لو معاها شوية صور عشان توثيق الصلع وقطعة البنطون تكون على الهواء مباشرة ،،،،،