في رحاب وترحاب .. جمال الماحي

[عمك تنقو]

نكهة لقاء ود الماحي معنا في سلطنة عمان ، ومن أروقة الأسرة الراقية لود الماحي معنا في سلطنة عمان الأستاذ محمد الفاتح الجنيد وحرمه وزاهر الجنيد وحرمه كان لقاء حارا وبسمة لم تنفك الا عند المنام وكانت ليلة السبت ( عمك تنقو وحرمه ) .. مائدة عشاء علي شرف جمال الماحي وهو الجمال في كل شيء ..
أصداء الفصول المبتلة فينا بعشق ليالي السودان القديمة كانت محور حديث سباتة ليلة السبت وما من مشهد متدفق في الذكريات الا اقبل علينا دروب و مضارب للحبوبات والخالات والعمات فرحين بعدم سقوط شموسهم ونحن نحملها شعاعا في دواخلنا ..

بروتوكول ود الماحي كانت الصلعة ( تومة صلعتي :D ) لدرجة الانبهار ولكن الخواجة كان يرتدي الجاكت والبنطلون الما خمج ! ربما كان يلزمه السديري والعراقي البلدي والسروال وهذه الترجمة تاهت في عمق العالم ( قلت أرحل ) .. وسيعانق مدينة الجنيد وبطانتها غدا لزواج شقيقة الأوحد والأصغر وهاك القول في مدينة الجنيد فوهة البطانة النيلية :


الجنيد الربة قافاها البليب طربان
ناطح المنو ميثاق قلبي مو خربان
فوسيت السواقي البي اللدوب شربان
بلودو بعيدة فوق في بادية العربان

ولكم اسعدني وجود ود الماحي في سلطنة عمان وهو في طريقه للسودان .. كان يحمل هم المنتدي ويسأل عن مهيرة فلا يجدها ويخبرني بأن نزار حسن ولواء وآخرين اتصل بهم لحضور زواج شقيقه في الجنيد ويقول لي في طريق عودتي حجزت عن طريق البحرين لملاقاة ود المأذون خصيصا وساتصل بالأدمن ابوبكر مبارك وخالد هاشم ويفتخر بصداقته مع الأخ صالح أبو شوارب يتحدث اليك عن المنتدي
الذي يعتز كثيرا بكوادره المثقفة وبصفة ولونية وخصوصية المنتدي .. يهرول بك في كل لحظة من مكان لي مكان ويتحدث عن جذور أسرة الجنيد وجدهم الكبير والخالة بتول ( التي ألهمته هذا التوقيع المبهر )
الأصلو نخلة ...


مسك القبلة في كوع الشمال براقك

وقشط سدرو في عامر سحابو وساقك

تبوتك قرنن والسيل دهك شقاقك

الضايق نشوقك حار عليهو فراقك

أبشر ياود الماحي بس أركز لي السوط :D

قَجَّ السادرة فى الوادى أب نِعاماً دكَّك
وضايق سوقها قبال الضرير يتمكك
أنا أخو النايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك


هذه جذورك في عينيك تشتعل يامدينة الجنيد أفرحي عندما تملؤك هواطل ابنك جمال وهي تهدر نشوة وشوق وسط الاهل وأقيف وسط البلد وأهتف بريدك يا صباح عمري .

ما أجمل اللحظات معك
والي ان نلتقي عبر السطور ببقايا الرحلة العطشي
أحي من خلالك محمد الفاتح الجنيد وأسرته (نجوم الشعر والأدب )
وللجميع ينابيع الود ودعاء مانتلوه من صلوات ...

مشاققة :

( صورة ود الماحي وعمك تنقو في التحميض :D ) ستظهر فجأة !

[Madanawi]

التحية لك يا عمك تنقو وانت تسترسل بالعبارات البراقة التي تليق ومقامك ومقام الاخ جمال الماحي فهو في الحقيقة انسان يتسم بالشفافية وصدق الاخوة وطيب المعشر........

دمتم للتلاقي وبالتلاقي تأتلف الكلمات وتبتسم الايام ويستمر التواصل عبركم وبكم وانشاء الله اللمة دائما في الافراح!!

[امير عبدالباقي]

حقيقه دي حال اولاد بلدي دائما يجمعهم حب الاخوه ونينسون حب النفس بالامس كان لقاء الاحبه مجدي بالاخوهفي الامارات واليوم لقاء ودالماحي بالاخوه في البحرين ومن قبل لقاء مزوني ايضا بالامارات دي الاخوه ولابلاش
وسوف يتم القاء الاكبر بالجنيد في عرس اخو ودالماحي

[عمك تنقو]

http://www.arb7.com/uploads/bd69b24089.jpg (http://www.arb7.com)

عمك تنقو يسارا
ود الماحي يمينا بالبدلة ( الماخمج ) :D

[عمك تنقو]

http://www.arb7.com/uploads/bd69b24089.jpg (http://www.arb7.com)

في رؤية مغايرة تماما للنورس ( الخواجة ) ود الماحي الذي شرفنا في مسقط ( سلطنة عمان )
التقطت هذه الصور للذكري :

عمك تنقو يسارا
ود الماحي يمينا بالبدلة ( الماخمج ) :D

[عمك تنقو]

http://www.arb7.com/uploads/da4537de75.bmp (http://www.arb7.com)

ود الماحي يمدح مهيرة ويسأل عنها ويحكي عن روافد المنتدي

[عمك تنقو]

http://www.arb7.com/uploads/3ef6f07a0a.jpg (http://www.arb7.com)

صورة اخري لعمك تنقو وود الماحي عقب حفل العشاء

[صالح ابوشوارب]

الاخ العزيز تنغو
والله بختك الشفته عم الله جابو .. والله انا سعيد وانت تشرح بفرحة هذا اللقاء الاخوى . فعلا انا شاعر بانك شفته اخوك الكان غايب عنك لمدة طويلة .. وعارف الفرحة الانته فيها .. ولكن والله الاخ جمال نعم الاخ واتمنى اشوفو قريب .. قول آميييييييييين
لكن الزول ده بيشبهك شديد
ربنا يدوم علينا الخوة
ياعزيز
ياتنغو

ابو الله جــــــــــابو

[Madanawi]

عمك تنقو والاخ جمال الماحي ، بختكم وبخت صلعكم الاتنين والله،،،،،،،،،،،،،،،

[عمك تنقو]

http://www.arb7.com/uploads/5c7b69be4e.jpg (http://www.arb7.com)

ضيافتنا لود الماحي في ليلة السبت التي سعدنا بها كثيرا مع الأهازيج المسافرة وانعاش الذكري لزمن
بعيد .. كانت مصطلحاته شليل وينو والجوابات ( البوستة ) بدلا للاميل :D زمن الحبوبات وابقرشين
والتعريفة ..

[مهيرة]

غايتو ياعمك تنقو عليك جنس دغالة :)

تقول لي التلفون ضاع منك وانا مسجونة في جزيرة !

فاتتني الدردشة مع العزيز ود الماحي وكنت عايزة منو شمارات!
وصلها لي ابو شوارب والادمن :confused:

لكن بصراحة الصلعات تومات جد جد وشبه مبالغة انتو الظاهر
أخوان ونحن ماجايبين خبر ...

التحية لهذه النخبة التي جمعتكم في مسقط والتحية لهذا المنتدي
الذي ضم أمثالكم

دمتم ودامت العافية للجميع .

[فادي الماحي]

زارنا اليوم بمنزلنا العامر انشاء الله الاخ جمال الماحي متفقدا ابننا فادي الذي لم يكن موجودا وكان في رحلت عمل بمدينه كوستي وفتحنا ترحاب عمك تنقو واكراميته التي تدل على متانت العلاقه بين اصدقاء المنتدى والكرم السوداني الاصيل وتعليقات ابو الله جابو جعله الله من ابناء المنتدى البرره وتعليقات الابنه مهيره وفي الختام لكم تحياتي عمكم الماحي الامين الجنيد ابوفادي

[waheeb]

عمك تنقو اولا لك التحيه وانت تغرس فينا روح الاخوه الصادقه والمحبه في الله..سيظل المنتدى اسره واحده تفرح عندما تلتقي وتحزن للفراق الاحبه ولكن يحدوها امل اللقاء..
الف تحيه ليك وللاخ العزيز ود الماحي.. والف حمد لله على سلامته في السودان ... وربنا يتم الفرحه بتتويج اخيه العريس...
وعقبال العزابه ورجال النسوان-ههههههههههههه- ولا شنو؟

[waheeb]

مرحب بي عمنا الماحي الامين الجنيد ونتمني انو يواصل طوالي ..
تحياتي ليك عمنا وللاسره الكريمه ونتمني زيارتكم لينا ...

[فادي الماحي]

اول حاجه نشكر العم عمك تنقو علي كل هذه الحفاوه لأخ عزيز جمال الماحي الذي كنت أتمني ان اشاركه فرح اخونا بكري بعد طول انتظار ولكن لظروف العمل لم استطيع الحضور لعروس القري السودانيه ( الجنيد ) كما أراها . ولكن ساحاول ان اقابل الاخ جمال قبل ان يغادرنا , كما انني اشكر الوالد العزيز علي مشاركته بالنيابه عن شخصي فاوفي عني فله التحيه من البعد .
كما نتمني ان يكون يكون التواصل عبر الاعضاء اكبر وابعد من هذه الشاشه الساحره
فلكم الشكر وجزاكم الله عنا خير

[عمك تنقو]

التحية لك يا عمك تنقو وانت تسترسل بالعبارات البراقة التي تليق ومقامك ومقام الاخ جمال الماحي فهو في الحقيقة انسان يتسم بالشفافية وصدق الاخوة وطيب المعشر........

دمتم للتلاقي وبالتلاقي تأتلف الكلمات وتبتسم الايام ويستمر التواصل عبركم وبكم وانشاء الله اللمة دائما في الافراح!!

والتحية لك يامدناوي بالآلاف ومنور الترحاب يازينة الإشراف .. أهلا بنجم المنتدي العام

[عمك تنقو]

حقيقه دي حال اولاد بلدي دائما يجمعهم حب الاخوه ونينسون حب النفس بالامس كان لقاء الاحبه مجدي بالاخوهفي الامارات واليوم لقاء ودالماحي بالاخوه في البحرين ومن قبل لقاء مزوني ايضا بالامارات دي الاخوه ولابلاش
وسوف يتم القاء الاكبر بالجنيد في عرس اخو ودالماحي


امير الأمير يا اخي والله ليك وحشة عند عمك تنقو وين صولاتك الزمان اهلا بيك في ترحاب ود الماحي

[عمك تنقو]

الاخ العزيز تنغو
والله بختك الشفته عم الله جابو .. والله انا سعيد وانت تشرح بفرحة هذا اللقاء الاخوى . فعلا انا شاعر بانك شفته اخوك الكان غايب عنك لمدة طويلة .. وعارف الفرحة الانته فيها .. ولكن والله الاخ جمال نعم الاخ واتمنى اشوفو قريب .. قول آميييييييييين
لكن الزول ده بيشبهك شديد
ربنا يدوم علينا الخوة
ياعزيز
ياتنغو

ابو الله جــــــــــابو

:D أبيع حواشتي بس داير اعرف سر ( الله جابو ) بينك وبين ود الماحي - ودي فاتت علي كيف ماعارف - يدوم الخوة بيناتكم - بس ماتنسونا الله جابو ماعندو توم !

[عمك تنقو]

[B][COLOR="MediumTurquoise"]التحية لهذه النخبة التي جمعتكم في مسقط والتحية لهذا المنتدي
الذي ضم أمثالكم

دمتم ودامت العافية للجميع .


ومليون تحية لك يابت ملوك النيل ولو عارفين كنا رسلنا الهلكوبتر ( شحدة من الجيران ):D

[عمك تنقو]

زارنا اليوم بمنزلنا العامر انشاء الله الاخ جمال الماحي متفقدا ابننا فادي الذي لم يكن موجودا وكان في رحلت عمل بمدينه كوستي وفتحنا ترحاب عمك تنقو واكراميته التي تدل على متانت العلاقه بين اصدقاء المنتدى والكرم السوداني الاصيل وتعليقات ابو الله جابو جعله الله من ابناء المنتدى البرره وتعليقات الابنه مهيره وفي الختام لكم تحياتي عمكم الماحي الامين الجنيد ابوفادي

الماحي أخوي عقاب الجنيد وأبو فادي المفدي شكرا لك لهذه اللفتة الرائعة وانت تستقبل ابنك جمال
وتعود لنا بأجمل الحديث نيابة عن فادي وربنا يكتب ليهو السلامة ويعود لينا قريب في المنتدي .

[عمك تنقو]

عمك تنقو اولا لك التحيه وانت تغرس فينا روح الاخوه الصادقه والمحبه في الله..سيظل المنتدى اسره واحده تفرح عندما تلتقي وتحزن للفراق الاحبه ولكن يحدوها امل اللقاء..
الف تحيه ليك وللاخ العزيز ود الماحي.. والف حمد لله على سلامته في السودان ... وربنا يتم الفرحه بتتويج اخيه العريس...
وعقبال العزابه ورجال النسوان-ههههههههههههه- ولا شنو؟


الباشمهندس ولدنا وهيب التحية لك من الأعماق وخاصة انت من الرعيل الأول الذين اثروا في هذا المنتدي - احي فيك الصمود والتواصل واهلا في ترحاب ود الماحي .

[عمك تنقو]

عمك تنقو اولا لك التحيه وانت تغرس فينا روح الاخوه الصادقه والمحبه في الله..سيظل المنتدى اسره واحده تفرح عندما تلتقي وتحزن للفراق الاحبه ولكن يحدوها امل اللقاء..
الف تحيه ليك وللاخ العزيز ود الماحي.. والف حمد لله على سلامته في السودان ... وربنا يتم الفرحه بتتويج اخيه العريس...
وعقبال العزابه ورجال النسوان-ههههههههههههه- ولا شنو؟


الباشمهندس ولدنا وهيب التحية لك من الأعماق وخاصة انت من الرعيل الأول الذين اثروا في هذا المنتدي - احي فيك الصمود والتواصل واهلا في ترحاب ود الماحي .

[عمك تنقو]

اول حاجه نشكر العم عمك تنقو علي كل هذه الحفاوه لأخ عزيز جمال الماحي الذي كنت أتمني ان اشاركه فرح اخونا بكري بعد طول انتظار ولكن لظروف العمل لم استطيع الحضور لعروس القري السودانيه ( الجنيد ) كما أراها . ولكن ساحاول ان اقابل الاخ جمال قبل ان يغادرنا , كما انني اشكر الوالد العزيز علي مشاركته بالنيابه عن شخصي فاوفي عني فله التحيه من البعد .
كما نتمني ان يكون يكون التواصل عبر الاعضاء اكبر وابعد من هذه الشاشه الساحره
فلكم الشكر وجزاكم الله عنا خير


شكرا يافادي ونحن نفتخر معك بعروس القري الجنيد وهي تتوسد ضفة النيل الأزرق وعقبال الكبري زي رفاعة ولا خلاص تاني مافي بنطون الجنيد - نقول الجنيد باللفة :D كبري رفاعة الجنيد .

[ود المطامير]

عمّى العزيز , عمّى تنقو
لا أدرى بأى أحرف أصف لك فرحتى الهادره وأنا أجدك
تحقق لى أمنية الأمنيات , وإنك والله أهديتنى سعاده
لا يصفها خيال الخيال إذ كانت أمنية حياتى أن أرى صورتك
وصورة حبيب القلوب جمال .. هذا الإنسان الرائع فى كل شئ وأى شئ
والله شوقى لرؤية صورته كانت كالجمره على الفؤاد
يا عمّى الغالى .. فى ميزان حسناتك إنشاء الله تعالى
وبالجد قدمت لشخصى خدمة العمر بالصور
جزاك الله عنى خير الجزاء

[نزار حسن محمد]

جايناكم .. ياحبايبنا .. بعد .. سفره كانت اكثر من رائعه ...
الرائع دوما .. عمك تنقــــــــــــــــــــــو .. هذا اول دخول لى للمنتدى بعد عودتى من ارض المحنه ..
ولن اطيل لمواصلة سرد رحلة الغالى بن بطوطه .. ودالماحى ..
فور وصلى لمدنى اتصلت على اخى نبيل حمدتو ووجدته بالخرطوم واخبرنى بانه سوف يمكث حتى يوم الاربعاء فطلبت منه اننتقابل بالخرطوم ويتصل هو بالاخ صول سودان لكى نذهب سويا للجنيد لمقابلة ودالماحى وحضور زواج شقيقه بكرى العريس النفض الكيس..وصلت الخرطوم بسيارتى وقابلت الوجيه نبيل حمدتو ... وابتداء المشور ..كانت مــــــدنيه حلقة الوصل بيننا وبين ود الماحى ..لان العريس بكرى والذى كنت على اتصل شبه دائم به قد وقع منه المبايل وراح فى حق الله ..عند مشارف الجنيد .. اخبرنى العريس بان نحضر عن طريق بنطون رفاعه ..
وبالفعل عبرنا ببنطون رفاعه الى ان وصلنا الى الجنيد الحله ...
وهنا توقفت عقارب الساعه عند اللقاء.. الاحباب .. كان سلام يفوق كل اتفاقيات السلام المبرمه فى العالم... وكانت اصالة .. اهل العوض وكرام اهل العوض ... حرم صنية الغداء مابشيلوها الا راجلين بى شنبات.. جلسنا نتغداء وحكى لنا ود الماحى عن مقابلته .. لشريكه ابوصلعه عمك تنقو يعنى ياعم تنقو بقن ثلاثه صلعات ام صلعة نبيل حمدتو .. باروكه سمير غانم مابتغطيه..
بعد صلاة المغرب ... اخبرت ود الماحى بان يعطنى الاذن على وعد ان يعود نبيل حمدتو وخالد الصول يوم الخميس لحضور الليله الكبرى ... حلف ود الماحى ماامشى الا بعد ما اعرض عرضه عرضتين.. قمنا كده دخلنا على حوش النسوان. بعد ماسلمته على خالة بتول والوالده والاخوات ... دقت الدلوكه..
طبعا ده برنامج لى حاله .. سوف احكى لكم على حلقات ... لك الود العزيز الراقى العم تنقو ...

تخريمه بالدقداق...
انت ياعم تنقو ..ماحولة الموضوع ده فى ودمدنيات ليه انشاء الله المانع خير...

[عمك تنقو]

عمّى العزيز , عمّى تنقو
لا أدرى بأى أحرف أصف لك فرحتى الهادره وأنا أجدك
تحقق لى أمنية الأمنيات , وإنك والله أهديتنى سعاده
لا يصفها خيال الخيال إذ كانت أمنية حياتى أن أرى صورتك
وصورة حبيب القلوب جمال .. هذا الإنسان الرائع فى كل شئ وأى شئ
والله شوقى لرؤية صورته كانت كالجمره على الفؤاد
يا عمّى الغالى .. فى ميزان حسناتك إنشاء الله تعالى
وبالجد قدمت لشخصى خدمة العمر بالصور
جزاك الله عنى خير الجزاء


ههههههههههه ههههههههههه

ود المطامير المبدع في كل شيء ضحكة هي لكن لما وقعت علي قفاي ياولدي معقولة امنية حياتك تشوفنا ( اسمع انا غايتو وصلتي مدني بلمكم كلكم والتور الماخمج مقيلة عديل) بس تعال لي بالسديري بتاعك ده عشان ماتوه علي يمكن تجيني ممسي شوية .

[Jamal Elmahi]

الاخ الحبيب زين الشباب الخزين ...الطيب إسم علي مسمي ...غايتو عمك تنقو ما بتشبهك وخميتنا بيها ...ولاّ ياربي خايف من العين والعرض الشين...
الكلام الحاولته أرتبو عشان أقول كلمة حق في أخي وصديقي الطيب (عمك تنقو) طار مني وكل كلمه أهبشا تتواري خجلاَ وتقول ما قدر المقام ...أسوي شنو أسكت وأكطعو في مصاريني ولاّ الدرّاب و لا صمة الخشم ...المابتلحقو جدّعو ...أخونا الطيب كضّاب البقول يلحقو ...هو بتلحق لينا ...أخير نجدّعو بي كلمتين تلاته ...وياريت جدعتنا تبقي طويله تلحقو ...وكان ما لحقتو النيّه واصله مع دعواتنا ليهو بالصحّه والعافيه وربنا يعمّر دارو ويذيد مقدارو ويخدّر ضراعو ويكتّر نفاعو ويجعل البركه فيهو وفي وليداتو وأم وليداتو وربنا يسعدهم ويهنيهم ويديهم الفي مرادهم وربنا يحفظهم ويغطيهم ويضاريهم من كل أزيّه وبليّه ...

مشاققه ...
ياخوانّه كان رقتو بوصّف الشفتو ....لسه دلوكة العرس بي شتامتا مخنّقه في راسي ...والذاكره مليانه فيديو كليبس دايره مضايره وترتيب ...بجيكم صاد ...وأهريكم حجا أم ضبيبينه ...

بالردميه ...
الشكر لكل الاخوه علي مداخلاتهم الحميمه ..والحي مصيرو يلاقي وأشوفكم واحد واحد ...والحب المزروع تجاهكم في قلبي بخليني أسافر ليكم في سمت لقط ....

ود الماحي

[خالد هاشم علي]

عم تنقو ..
التحية ليك ولأفراد أسرتك الكريمة وماقصرت ياحبيبنا وعارفنك بتسدها وبتقوم بالواجب مع ود الماحي...


ود الماحي ...
بركة الجيت بركة الجيت...
وحمد لله علي السلامة والبركة بي الشوفة... بس منتظرنك علي الوعد في العمرة بإذن الله.

مستنيين الشمارات وحكايات السكسبندة والميرندا يعني ( الجكس ) ...ماتغيب

[أبوبكرحامد]

الناس القيافة .... مكملين الروعة والقيافة
حكى لى جمال الماحى عن روعة اللقيا بمسقط ، ياسلام ياعمك تنقو ، كم أسعدنى جمال الماحى بتغيير وجهة رحلة الطيران والتوقف بالبحرين لمدة يوم واحد مضى " كالخيال أحلام " على رأى المغنى ، أدام الله هذه الأخوة الصادقة وجمعنا بكم جميعاً فى أسعد اللحظات، وسأعود لأروى تفاصيل رحلة ود الماحى.

[مهيرة]

الليلة يا اخواني
انتو شايفين ولا أنا براي
الهلال هلّ في المنتدي
ود المأذون ظهر مع عمك تنقو وجمال الماحي
يافرحتنا بعودتك
الأخ الناطق الرسمي للمنتدي

مرحب بيك والف اهلا في ديارك