لله يا محسنين - عشان مدني

[هيثم عبدالعال]

هو إقتراح أعلم تماما أنه سيجد منكم الإستحسان والقبول لثقتي بحبكم وإهتمامكم بمدينتكم مدني بس ياجماعة بصراحة الإستحسان وحده لا يكفي عاوزين خطوات جادة وشروع في التنفيذ على طول
ندخل في الموضوع : كل واحد يخت لينا على جنب كل شهر ثلاثين ريال سعودي أومايعادلها بعملة البلد الذي يتواجد فيه على أن توضع في حساب لصالح مشروع وبإسم المشروع نفسه ( ولنا في مشروع مستشفى السرطان بمصر أسوه ) .كل المسألة بالنسبة للتنفيذ تبقى أمور إدارية وبعيده عن التعقيد تحويل مباشر دائم من حسابك على رقم حساب التبرع
ويا جماعة الخير ضرائب وشالوها عنكم وزكاة بقت بالحد الأدنى يعني ماعندنا عذر ( والمعذور ما بنلوموا أصلوا الناس ظروف )
تعالوا نحسبها حسبة بسيطة :
على إفتراض أن المغتربين من أبناء المدينة (4000) فقط
يعني كل شهر 4000*30*500=60.000.000 ( بس ستين مليون جنيه سوداني )
يعني كل سنة 60.000.000*12=720.000.000 ( سبعمائة وعشرين مليون )
أظن كل سنتين ممكن نشوف حاجة جديدة في مدني ولا أنا غلطان أرجو إن لا نستصعب الشغلة فكل الدول أصبحت تعتمد على العمل الطوعي والخيري والجمعيات الداعمة في الدول العربية والأجنبية خير مثال .
والله من وراء القصد [/SIZE][/SIZE]

[امير عبدالباقي]

الاخ هيثم
لك التحيه وانت تحمل هموم مدني ؛ والله فكره حلوه وفيها خير لمدني كتير ياريت الناس تعمل بيها

[الفارس البنفسجي]

أشكرك يا أخ هيثم على الإقتراح وطريقة عرضك ليه بسيطة وحلوة وسهلة جداً وأنا أول المتبرعين ، والملتزمين لانو الإلتزام هو مرض السودانين كلهم للأسف الشديد ، بس لازم واحد يتفق مع بنك عشان يعمل الحساب ، يا لله مافي ناس شغالين في البنوك أو عندهم علم يقدروا يفتونا عن الإجراءات.
وانا بقترح المبلغ يكون أقل من كدا عشان الناس ما تحس بيهو بالذات اللي في مدني والسودان عموماً وبقترح عشرة ريال بس ، واللي بقدر يدفع اكتر يدفع
في ميزان حسناتك

[عوض صقير]

الأخ هيثم عبدالعال

تشكر على هذه الفكرة النيرة
ونحن معك قلب وقالب

ومدنى تستأهل أكثر وأكثر

[هيثم عبدالعال]

الأخوان الأعزاء : أمير والفارس وعوض
دي المحرية فيكم
وبالنسبة للتنفيذ إن شاء الله أنا حأكون في مدني الأسبوع القادم (رغم زحمة القراية أم دق) حأحاول التنسيق بالنسبة للمسائل الإجرائية عشان الموضوع ياخد طابع رسمي ويتخطى حاجز التمنيات وكمان عشان قصة التبرعات والتحويلات دايرة تغطية قانونية نسبة لمستجدات الأحداث في العالم اليومين دي
بس أهم حاجة عاوز مساعدتكم بلإقتراح مشروع يكون إستهلالية ويسمى الحساب بإسمه

[الفارس البنفسجي]

الأخوان الأعزاء : أمير والفارس وعوض
دي المحرية فيكم
وبالنسبة للتنفيذ إن شاء الله أنا حأكون في مدني الأسبوع القادم (رغم زحمة القراية أم دق) حأحاول التنسيق بالنسبة للمسائل الإجرائية عشان الموضوع ياخد طابع رسمي ويتخطى حاجز التمنيات وكمان عشان قصة التبرعات والتحويلات دايرة تغطية قانونية نسبة لمستجدات الأحداث في العالم اليومين دي
بس أهم حاجة عاوز مساعدتكم بلإقتراح مشروع يكون إستهلالية ويسمى الحساب بإسمه

لازم الأسم يكون مقترن بي مدني
مشروع مدني العطاء
مشروع مدني الإنسانية.
مشروع مدني في حدقات العيون.
مشروع مدني في انتظار أبناءها.

[هيثم عبدالعال]

[size="3"]لك الشكر على المثابرة والإهتمام أخي الفارس البنفسجي ، لكن الظاهر بالونة الإختبار فشلت في إجتذاب المتوقع من عاشقي مدني ، والظاهر الواحد حيقتنع بكلام أحد الأخوان والذي إتهمني يوماً بالإهتمام (بالفارغة) وقال لي ( أولاد مدني ريدتهم لمدني دي في اللسان بس أول ماتقرب من القروش بعملوا أضان الحامل طرشه ، أو ضيعوا ليك الموضوع وشبكوك مشكور وتسلم وكتر خيرك وبس)
ويبدو إن كلام أخونا ده ما من فراغ بل هو عن تجربة وخبرة .
غايتو مره أخيرة يا شباب مدني عليكم الله وربنا يرزقكم كمان وكمان ويخلي ليكم كل عزيز وغالي ويستركم في الدنيا والآخره وما يحوجكم لي زول أبداً ، والله ريال في اليوم ما كتير على مدني الربتكم وعلمتكم وآوتكم وصنعت منكم أعلام وأرقام في شتى مناحي ومجالات الحياة ( ريال بس ، ريال بس ، ريال بس) والله يهون عليكم

[Madanawi]

الأخ هيثم عبدالعال

مشكور كتير على الفكرة الايجابية دي وانا بتمنى ان نرى مشاريع مدني واقع نعيشو والما فيهو خير لي بلدو ما فيهو خير لي شئ تاني!!!!!!!!!!!!!!!!!!!!!!!!!!!!!!!!!!!!!!

[هيثم عبدالعال]

[size="3"]كتر خيركم مدناوي وعماد النخلي
أخوي عماد بما أنك معنا بالدوحة في القريب العاجل ستسمع ما يسرك عن تجمع أبناء مدني بالدوحة حيث ستنتظم حركة نشطة لتفعيل دور الرابطة وبشكل مغاير عن التقليدية السائدة والأفكار البالية التي تحصر العمل في المصلحة الشخصية للأعضاء ( وكأنها صندوق عدة) كم وصفها أحد الأصدقاء .
يقود هذا الإتجاه مجموعة من أبناء مدني أتشرف أن أكون من ضمنهم ، مثل محمد السني دفع الله ، ربيع كباشي ، محمد ميرغني ، عبدالعزيز كباشي ، وهبي أبو الحسن ، د.عبدالرحيم عبدالرحمن ، عوض عيدابي ، معاوية عبدالدائم ، طارق عبدالمجيد ، مكي عباس مكي مدني، وغيرهم كثر ، بالطبع سنوجه لك الدعوه حتى تشارك بفاعلية ونحن في إنتظار أي شخص ينظر صوب مدني وتهمه رفعتها
لك الشكر مكرر، بالمناسبة هذا لن يجعلنا نتجاهل المقترح الموجود في هذا البوست بل سيكون أول أهدافنا

[هيثم عبدالعال]

بكل حزن وإحباط أعلن سحب إقتراحي وأرجو من المشرف العزيز سحب البوست حيث أنني أخطأت العنوان أو قل أسرفت في التفاؤل
على الوعد أن نلتقي في كل فارغة ومقدوده

[السلامى]

الاخ هيثم عبد العال أحيك على فكرتك النيره والتى تدل على مدى حبك لعمل الخير ومن هذا المنطلق أطلب منك الصبر على كلما هو سلبى وأترك جانب اليأس فى أقصى مكان من حياتك
أخى مثلما الصالح موجود فى حياتنا فهنالك ايضا الطالح وهو الذى يبخس أشياء الناس ولايهمه الى أين تتجه الفكرة وما مدى أستفادته أن كان هو شخصيا أو عائلته أو أقربائه لذلك أخى ضع الحكمة أمامك ولايتملكك اليأس لانه العدو الاول لكل ما هو مفرح وواصل فى مشوارك حتى النهاية والدنيا يا عزيزى لاذالت بخير ونحن معك أنشاء الله

[خالد أحمد الصول]

أخي هيثم
مداخلتي هذي يوم 14/4/2007 و أتمني أن لا يسبق السيف العزل
مالي أري أخرك دائما قريب جدا ... و بتزعل بي سرعة ... و الله كان كنت معانا هنا .. ضغط و سكري و قلب و مرارة و إسهالات متكرره ... يا أخي أعمل ما تراه صحيحا و يمليه عليك ضميرك فإن نجح المشروع لك حسنته و حسنة من عمل به الي يوم القيامة و إن فشل فلك حسنة الاجتهاد .. لا تلتفت للمحبطين و المسبطين و المتفيقهين و المحسوبين علي المثقفين
خايف عليك من المرض

[mcreio]

اخى العزيز هيثم

احيى اقتراحك الجميل والجرئ لكن اخى لابد من التنسيق حتى يكون الموضوع جد وافتكر انو ممكن ينجح لكن بالخطوات التالية

1- لابد من موافقة مبدئية من جهة حكومية وليس شرطا ان تتبنى المشروع.
2- لابد من لجنة تتابع وممكن تنصيبها من داخل المنتدى على ان تضم خبرات قانونية ومحاسبية ولا اظن ان هذا بالعسير.
3- لابد من ان يعين مشروع بعينه قبل بدء التبرع له ( يعنى اذا قلت مستشفى امراض شرايين الناس كدا بتعرف هى بتعمل فى شنو)
4- بعد عمل هذه الخطوات الثلاثة وحتى لا نجنى الفشل بعد الامل
تقوم اللجنة فى الفقرة اثنين بتنصيب شخص يعرف عن المشروع فى المنطقة الهو موجود فيها ويدى الناس رقم الحساب والالية

وصدقنى لمن نصل مرحلة التعريف بالمشروع ستجد انك اقل الناس اهتماما مقارنة بالبقية

وهو المطلوب

[هيثم عبدالعال]

الأخ السلامي لك التحايا لكن أهو انت شايف براك ، حتى وكحد أدنى وأضعف الإيمان المداخلات بإثراء الموضوع عشان يمش لقدام ضئيلة . المسألة مش يأس أو تشاؤم بل هي قناعه ترسخت لدي انو العمل الجماعي رغم إنو هو الأفيد والأكثر مردوداً إلا نن كسودانيين أدمنا الوقوف في منصات النقد فقط
أوعدك إنو المقترح ده سيرىالنور حتى لو تفرغت له طول عمري .

[هيثم عبدالعال]

صول سودان والله أنا لايوق وبالي طويل وكان سألت ناس الدوحه يقولوا ليك ياخي ديل بقوا لما يشوفوني بزوغوا (بقولوا أكيد لافي بجمع في شيرينق لي حاجة ولا إشتراكات الرابطة) ،لكن في حاجات الواحد بعتبرها من المسلمات ومافي داعي تقعد تترجى في الناس عشان يستجيبوا لأني ما بعتقد إنو زول يدفروا لي خير بلدو بغض النظر عن الإختلاف والتمايز في الإمكانيات لأن دي أمور بتاعت ربنا سبحانه وتعالى .

[هيثم عبدالعال]

mcreio عزيزي كل موجهاتك سليمة ولابد منها أشكرك على الفكر النير وأهي دي ذاته خطوه لقدام
أما بالنسبة لرقم واحد سمعنا إنو الوالي حيصل الدوحه بعد إسبوع وإن شاء الله نناقش معاهو الموضوع وربك يسهل ونطلع بنتيجه.
آسف للتأخير في التواصل كنت مزنوق في القراية

[سموءل]

الي الامام ياشباب التحية ليك ياهيثم

[mcreio]

الاخ هيثم

نتمنى ان تبقينا على اطلاع بالمستجدات

حتى نحاول ان نكسب هذا الاقتراح الجرئ

والذى نتوقع انشاء الله ان ياتى بالخير على مدنى الحبيبة

[هيثم عبدالعال]

الأخ mcreio الأخوان الأعزاء : إن شاء الله خلال الأسبوعين القادمين سيتم طرح المقترح على نطاق رابطة أبناء مدني بالدوحه من أجل التبني ووضع الأطر العامة وآلية التنفيذ ومن ثم محاولة التواصل مع الجهات المعنيه بالسودان وسأتابع من مدني إبتداء من النصف الأول من شهر يونيو خلال إجازتي السنويه.
وربنا يكفينا شر البيروقراطيه والمنتقداتيه والمنظراتيه ومن مشى مشيهم .

[mcreio]

اااااااااامين

[أبوبكرحامد]

أولاً أعتذر عن تأخر الرد بسبب إنقطاعى عن المنتدى لفترة جاوزت الستة أشهر ، مبدئياً أدعم الفكرة وأقترح التنسيق مع الأخ خالد ود الصول " صول السودان " فهو رجل عفيف اليد واللسان ، أما عن إحجام البعض عن التفاعل فربما مرده للإحباط الذى أصاب الكثيرين وخصوصاً حين يرتبط الأمر بالتنسيق مع جهة حكومية ما ، وأذكر هنا فى مطلع التسعينات قاد مجموعة من شباب حى بانت غرب بقيادة الزميل والصديق عماد صادق سليم حملة للتخلص من " براميل الأوساخ " وتم جمع مبلغ من سكان الحى حسب الإستطاعة وتم تصميع عربة وشراء حمار لجرها ، وحين تم الإتصال بالمسئولين وافقوا شريطة توفير مرتب لعامل البلدية ، وقد تم كل ذلك رغم الأسى على الموقف الحكومى الذى بخل على الفكرة حتى بمرتب العامل ، فى حين أن الفكرة أغنتهم عن منصرفات عربة الأوساخ ومخلفات الحرق وآثاره ووو آه .
أحيى فيك أخى هيثم هذا الإنفعال بقضايا مدنى ، المدينة ياسيدى تحتضر فقد زرتها فى شهر ديسمبر الفائت ، الطرق داخل الأحياء مظلمة بسبب عدم وجود بند للكهراباء يغطى منصرفات أعمدة الإضاءة فى ظل " الجمرة الخبيثة " ، لا أريد أن أبخس الوالى مجهوداته ، غير أن الناس فى مدنى يتمنون لو أولاها نصف اهتمامه بنادى الهلال " وقد أطلق إسم الهلال على أحد شوارع المدينة " فيما اتشحت بصات مواصلات الجزيرة باللون الأزرق !! ولاعزاء للمريخاب.

[حاتم مرزوق]

اتمني ان تكون يا أخ هيثم قد قطعت شوطا مقدرا عبر رابطة ابناء مدني بالدوحة فنحن في انتظار هذا المقترح الرائع حتي يتنزل علي ارض الواقع ويكون بادرة خير لأهلنا بمدني وانا بدوري كامين مال جمعية ابناء مدني الخيرية بالرياض اتبني هذا المشروع عبر جمعيتنا وتقديم كل الدعم الذي تريدون وكلنا من اجل مدني.

[محمد السر احمد]

الاخ هيثم عبد العال ساتي
والله الفكرة ما فيها كلام وكل ابناء مدني جاهزين وما بقصرو وؤبنا يديك العافية
بس بسال ليه رابطة ابناء مدني في الدوحة ما نشطة انا هنا في الدوحة منذ شهرين ولم اسمع بها من ابناء مدني القدما هنا واتمني ان ارا رابطة ابناء مدني في الدوحة مع بعضهم وكلهم ايد واحدة
ودمته

[هيثم عبدالعال]

الأخوان أبوبكر وحاتم لكم التحيه ، بإذن الله سيرى هذا المشروع النور ويكون فيه كل الخير لمدني ، أنتظر ذهابي للسودان بداية يونيو حتى أتمكن من إتخاذ الإجراءات التمهيديه والتنسيق وإن شاء الله سأحاول الألتقاء بكل حادب على مصلحة مدني ، وبالتأكيد يا أبوبكر سأسعى للقاء الأخ (صول سودان) لأجل هذا الموضوع ولأني أتمنى مقابلته . نرجو أن يفعل التنسيق بين رابطتي مدني بكل من الدوحه والرياض وكل روابط مدني في كافة أرجاء الدنيا من أجل خيرها .

[هيثم عبدالعال]

الأخ محمد السر الرابطه يا عزيزي في حالة بيات شتوي وصيفي وكله ، لكن الكيان لازال قائم وماليته لا بأس بها ، اليوم الخميس تحديداً سيعقد إجتماع لبحث أمر الرابطه والإعداد للجمعيه العموميه وإستقطاب الأعضاء بدءاً لمسيره فاعله وإنجازات تفيد إنسان مدني .
وهذا رقم تلفوني 5200767 لأي إستفسار
لك ودي

[mcreio]

دعواتنا القلبية الحارة

يا اخ هيثم

بالتوفيق فما تقومين به لصاح مدينة ودمدنى سيتذكره الجميع وسيكون من اجمل ما يحدث للعزيزة

نشكر مجهودك الوافر