المساعد الشخصي الرقمي

مشاهدة النسخة كاملة : سؤا ل لشبارقه + شبرقيه


بت الشبارقه
13-03-2007, 07:01 PM
من هي اول طالبه بمدرسة الشبارقه للبنات؟
من هو سباح الشبارقه الاول والذي ينطبق عليه المثل القائل (البحر شال عوامو) ؟
سواااح
13-03-2007, 07:11 PM
بت الشبارقة ..

باين الحكاية ح تبقي
رابطة الشبارقة بالمنتدي
مرحب بيكم وحبابكم
ومنتظرين شبارقة وشبرقية
يجاوبوا علي السؤالين ..

دمـــــــــــتي ،،
بورتبيل
13-03-2007, 07:16 PM
انا انا انا انا بجاوب ليكم
اول طالبة بمدرسة الشبارقة للبنات واحدة من الشبارقة واكيد هي الان حاجة كبيرة ومشلخة
والسباح دا انا على ما اظن واحد غرق في البحر زمان كدا

اها لقيتي اجابتي كيف ... حالتي ما من الشبارقة!!!!
بت الشبارقه
13-03-2007, 07:57 PM
اول حاجه ياسواح ويا برتبيل عرفتها .. عرفت منو الشمارو تقييييييييييل في المنتدى دا
الاجوبه نص نص حاول مره تانيه ولو داير خيارات نديك ........ بس هي السؤال ما لي شبارقه وشبرقيه .
خواطر
13-03-2007, 08:00 PM
مرحب بيكم ناس الشبارقة اهلنا والبيت بيتكم لاكن يا بت الشبارقة دا سوال حزف الاسامي ولا شنو؟!!!!
المابيجاوب صح اسحبي الاسم منو وبعدين الاجابة تكون في الخاص عشان ما يغشو من بعض
ودمتي
عماد عبدالشكور
13-03-2007, 08:23 PM
نحن بنطالب با ضافة منتدى جديد يحمل اسم (شبارقيات)
التحية للشبارقة وناس الشبارقة الطيبين
شبارقة
13-03-2007, 09:14 PM
في داعي للإحراج بت الشبارقة؟؟
أخوك عارف بس خلي تجاوب شبرقية الأول!
samah
13-03-2007, 09:29 PM
انا جيراني بالحيطة من الشبارقة ممكن.............................................. .. اشترك
بت الشبارقه
13-03-2007, 10:04 PM
مشكورين ياعماد وخواطر علي التعليقات الظريفه دي
والله انا كنت بتذكر في السودان فخطرت لي فكرة السؤال ده اصلو نحن ناسنا حنان وطيبيييييين وبيعرفوا تاريخ بلدنا من كبيرنا لي صغيرنا ما دايره ابالغ واقول رضيعنا
دمتم ودام الحب بيننا
بت الشبارقه
13-03-2007, 10:05 PM
طيب يا شبارقه رسل الجواب في رساله خاصه!
انا متاكده انها عارفه ولو غلبك اديك خيارات
Madanawi
13-03-2007, 10:07 PM
اول طالبه بمدرسة الشبارقه للبنات هي اول طالبه بمدرسة الشبارقه للبنات،،
سباح الشبارقه الاول والذي ينطبق عليه المثل القائل (البحر شال عوامو) هو سباح الشبارقه الاول والذي ينطبق عليه المثل القائل (البحر شال عوامو)،،

يآآآآآه تعبت جنس تعب لحدي ما قدرت اوصل للاجابة!!!
بت الشبارقه
13-03-2007, 10:10 PM
يا سماح حمدلله علي السلامه الجماعه وصلوكم امس الساعه كم ؟ ومالكم ما زرتو السوق ؟ كل الناس اتلموا هناك
بالنسبه للاشتراك ممكن.
بت الشبارقه
13-03-2007, 10:13 PM
والله يا مدناوي زكرتني امي اصلها استاذه مره كنت بصحح معاها الامتحان بتاع سابع واتخيل ديل بعد شويه ماشين الجامعه كانت نسبة 70%من الطلبه بيجاوبوا السؤال نفسو!!!!!!!!
شبرقية
13-03-2007, 10:58 PM
اول طالبة دي عارفاها
اول سبح مامتاكدة
مابجاوب هسه الود شبارقة بغش مني.

بس عشان اتاكد يعني
ممكن الاستعانة بصديق???
شبرقية
13-03-2007, 11:01 PM
باين الحكاية ح تبقي
رابطة الشبارقة بالمنتدي
مرحب بيكم وحبابكم

اخوي سواح اولا شكرا علي ترحيبك بينا
ثانيا لسه في ناس جاين كتااااااااار
لالالالالالالا اتنين بس
بت الشبارقه
13-03-2007, 11:16 PM
مرحبتين انتي وين ؟ والجايي منو اوعى يكون شبروق وشبرق وود الشبارقه وشبرقاويه وبنية الشبارقه والشبرقي والشبرقيه و................ ما بصدق!
كلمه تحت تحت(دايره اعمل للجماعه رعب)
الطالبه عارفاك عرفتيها لكن دا مستحيل لاانتي ولا شبارقه ما بتعرفوه
شبرقية
13-03-2007, 11:21 PM
انا فتحت لي مدرسة ماسمعتي بيها بالله جيبي شوشو تدرس العيال ديل
ان شاء الله جاية الشبرقية ودالشبارقة ووووووووو
البقية خليهم بعدين
ماقلتي لي ممكن استعين بصديق
المسافر
13-03-2007, 11:50 PM
من هي اول طالبه بمدرسة الشبارقه للبنات؟
من هو سباح الشبارقه الاول والذي ينطبق عليه المثل القائل (البحر شال عوامو) ؟


يعني السؤال ده خاصة بمنطقة الشبارقة وما جاورها . . . صح
وبعدين مش كفاية أحتليتوا المنتدى وكمان جايين تعملوا لينا مسابقات
ولكن برضو ناس الشبارقة أعزائي وحأجاوب ليك
أول طالبة بمدرسة الشبارقة للبنات هي إما بت الشبارقة أو شبرقية
أم إجابة السوال الثاني فأكيد هذا السباح ما حيكون شبارقة .

ودمت أختي أبدا
بت الشبارقه
14-03-2007, 01:43 AM
اخي المسافر
الرجعه قالوا متين؟
انا حا ابصصك الامتحان عشان انت مسافر يعني ابن السبيل والرسول وصى عليك
شوف يا عم اول طالبه هي..

هي..

هي..
وي غشيتك مااااااابوريك
الفارس البنفسجي
14-03-2007, 08:21 AM
عندي سؤال شبريقي
من هي أول شبرقية جات الشبارقة.
من هو أول شبريق جاء الشبارقة.

مع تحياتي
شبارقة
14-03-2007, 09:16 AM
عندي سؤال شبريقي
من هي أول شبرقية جات الشبارقة.
من هو أول شبريق جاء الشبارقة.

مع تحياتي

والله قال: موسم التفاح طلع ، الفارس البنفسجي قال داير يلقط الدوم!!
الناس في شنو ، والحسانية في شنو؟؟!!
بت الشبارقه
14-03-2007, 04:45 PM
يرتدي لون البنفسج ...يعتلي لغة ال....شنو؟
السؤال الاول :-اول شبرقيه هي (حبوبتي انا وشبارقه وشبرقيه)
السؤال الثاني:-اول شبرقي هو(جدنا شبرق ابو حبوبتنا )
ياللا يا الفارس القدل بي جاي انا جاوبت ليك جاوب انت!
ابودجانه العباس
14-03-2007, 09:15 PM
السلام عليكم يا ناس الشرق
حاجه تخجل لما الزول يكون ما عارف
ابسط المعلومات عن المكان العاش فيه
مسقط راسه (راسكم انشاءالله اقول ليكم شنو)
لكن أخجلكم أنا بتاع الشهاده العربيه.

أول طالبه دخلت مدرسه في الشبارقه:
هنايه بت إسمو منو داك وكان ذلك سنه
تقريبا كدا بالميلادي ما الهجري.
والسباح الاتلحس الله يرحمو كان
ود ناس هناي أخو إسمو منو داك.
وغرق في النيل ولا في الترعه ولا في
اب عشرين ولا اب سبعه ما عارف.

هسع دي اجابه دايره ليها كواسه.
المسافر
14-03-2007, 09:19 PM
اخي المسافر
الرجعه قالوا متين؟
انا حا ابصصك الامتحان عشان انت مسافر يعني ابن السبيل والرسول وصى عليك
شوف يا عم اول طالبه هي..

هي..

هي..
وي غشيتك مااااااابوريك



هههههههههههههه

تسلمي يا أم البنات الحلوات على كرمك الفياض
بس تصدقي برضو ما عرفتَ . . . لكن قربتَ

ودمتِ أبداً
شبارقة
14-03-2007, 09:25 PM
السلام عليكم يا ناس الشرق
حاجه تخجل لما الزول يكون ما عارف
ابسط المعلومات عن المكان العاش فيه
مسقط راسه (راسكم انشاءالله اقول ليكم شنو)
لكن أخجلكم أنا بتاع الشهاده العربيه.

أول طالبه دخلت مدرسه في الشبارقه:
هنايه بت إسمو منو داك وكان ذلك سنه
تقريبا كدا بالميلادي ما الهجري.
والسباح الاتلحس الله يرحمو كان
ود ناس هناي أخو إسمو منو داك.
وغرق في النيل ولا في الترعه ولا في
اب عشرين ولا اب سبعه ما عارف.

هسع دي اجابه دايره ليها كواسه.

التاية الدعاية قمت للمقاحطا .. راسك انشاء الله في كنتوش امي آمنة ..
ود حنتوب
14-03-2007, 11:18 PM
شكله كده ده حايكون ركن الشبارقة
ولاننى جار الشبارقة فلابد ان ادلى بدلوى ولكنه تساؤل عن اخرين ليسوا معنا..

يا ناس الشبارقة بسأل عن صديق قديم جدا جدا اسمه عيدروس الطيب ....
هل منكم من يعرف له خبر ؟؟؟ واين هو الان ؟؟؟

كما اسال ( وكأن يجب أن اسأل عنه بداية تأدبا لمقامه الرفيع ) عن عمنا المهدى يوسف جميل ....

لكم تحياتى جميعا ولكل اهل الشبارقة ....
بت الشبارقه
15-03-2007, 12:49 AM
العم عيدروس ده في كسلا
المهدي يوسف جميل خبرو عند شبرقيه
yassir elamin
15-03-2007, 01:39 AM
شبارقه وشبرقيه بت الشبارقه ود الشبارقه وبالعكس الناس ديل متفقين يضيعوا زمن الامتحان، كدى جاوبوا لينا عليه لانو فى اسئله جايه عن الشرق والشبارقه واولها
مامعنى كلمة شبارقه ؟ ومن اين اتت هذه التسميه ؟
ولسه....................
بت الشبارقه
15-03-2007, 02:03 AM
اللييييييييييييييله استاذ ياسر جانا وجاب معاهو امتحان صعب صعوبه الحقوني يا ناس الحله هوي
بت الشبارقه
16-03-2007, 06:21 AM
شبارقه وشبرقيه بت الشبارقه ود الشبارقه وبالعكس الناس ديل متفقين يضيعوا زمن الامتحان، كدى جاوبوا لينا عليه لانو فى اسئله جايه عن الشرق والشبارقه واولها
مامعنى كلمة شبارقه ؟ ومن اين اتت هذه التسميه ؟
ولسه....................استاذ ان بجاوب ليك سعالك ده الا تاني خفف الشطه شويه...... اولا في التبادي الشبارقه وناس الشبارقه كلهم بينحدروا من جدنا الله يسامحو شبرق(انت عارف اخوانوا كم؟)
بت الشبارقه
16-03-2007, 06:48 AM
عسيل
حلو
المعارك
زنفل
معضاد
على الاشقر
حجاج
قاسم
عامر محمد طويل
فرج
شبيل
ظلموط
شبرق
عبدالله القرين
هلال
حسن وحسين
كتمور
عقيل

دا جدنا و اخوانوا قدرت اتحصل عليهم من منتدى تاني
ارجو ان يسامحني الكاتب فالسرقه في الامتحان حلال
ود ام تريبات
17-03-2007, 05:10 AM
هوي يابنت الشبارقة ياتورينا ياما تورينا ...... :d :d تورينا ولا ما تورينا !!!؟؟ ...طيب بين تورينا ولا ما تورينا في شنو ؟؟؟

أول طالبة في الشبارقة هي ......ما عارفها
بس السباح ده اظنو ...علي فوله !!! ولا شنو !!

عموماً لك ودي ولكل اهل الشبارقة الجميلين ....

مووووووووووووزة

والله الشبارقة دي فيها بت دفعتنا كاااااسرة خمسين ضلعة في دفعتنا ... بس انا ما كاسرة فيني ولا ضلعة ......


كاتلاني عدييييييييييييييييييييييييييييل ...
بت الشبارقه
17-03-2007, 11:17 PM
والله ! علي فوله ده لميت فيه وين دا ابوي
بنات الشبارقه ما بكسرن ضلع .. ديل بودرن
شبرقية
17-03-2007, 11:36 PM
السباح اللحوي صاح مش
اي شاااااااااطرة عارفة نفسي
اول طالبة خليتا لاخوي شبارقة
ود حنتوب
18-03-2007, 02:03 AM
العم عيدروس ده في كسلا
المهدي يوسف جميل خبرو عند شبرقيه


شكرا يا بتى بت الشبارقة
ووين شبرقية لكن ؟؟؟

يديك العافية
شبرقية
18-03-2007, 05:21 AM
المهدي يوسف جميل الله يرحمة اتوفي من 10 سنين تقريبا
انت بتعرفه من وين ؟
بت الشبارقه
18-03-2007, 06:09 AM
يا عمي لو صح القول : شبرقيه دي سامعه بيها عندها مدرسه اليومين دي كدي امش كوسا بي غادي ولو ما لقيتا انا بجي اجيبا ليك ... اقول ليك انا سامعه صوتا جايه .. اّاّي هدي جات خلاص.
بت الشبارقه
18-03-2007, 06:13 AM
اهلييييييييييييييييين ست الحبايب اخيرا جيتي والله البركه في ناس عمي الوروك عليك الله اغشي معاك شبارقه قولي ليه الحل خليه اليظهر
امل حياتى
18-03-2007, 06:32 AM
يا جماعة الحكاية شنو شبارقة وشبرقية وبنت الشبارقة مافضل الا شبردقك ههههههههههه

تسلمو يا غليين المنتدى بيكم منور
شبرقية
18-03-2007, 06:45 AM
ام البنات وبت الجيران الغالية انا لو علي المدرسة
هييييييييييييييييينة مانا المديرة بطلع علي كيفي
المدرسة ماهي المغيباني لكن
الامتحنااااااااااااااااااااااااااااااااااااااااااا اااااااااااااااااااااااااااااااااااات

وتعالي هنا عمك منو الوراني برااااااااااااي عرفتوا
ماعارفاني شااااااطرة
بامانة عمك الله يدي العافية هو الوراني
ماقلتي لينا الجايزة شنو ؟
شبارقة اوووووووووووووووووعك تدي موبايل لو جاوب صاح
بت الشبارقه
18-03-2007, 07:32 AM
ازيك يا شبرتينه قيه الامتحانات باين عامله فيك عمايله الله يعين
الاجازه ما نازله. . ؟
بت الشبارقه
18-03-2007, 07:34 AM
امل حياتي والله كلام احسدينا خلينا الننقرض ..
اسمك رائع شديد والله
شبارقة
18-03-2007, 10:15 AM
شبارقة يأتي متأخراً كعادته ..
ما أجمل مداخلات الإخوة الأعضاء ....
لكم التحية جميعاً ،، ولاختي الغالية بنت الشبارقة تحية خااااااااااااااصة وهي تفتح نافذة على هذه المنطقة السامقة ..
دعوى للجميع لزيارتنا ...
شبرقية
18-03-2007, 08:31 PM
ياهييييييييييييييييي شنو جاي تخطب فينا
سالوك سوال واضح .....جااوب
منو اول طالبة في الشبارقة
قال محامي
ولا هو اصلا الفيك انعرفت من البنبر الساخن
alewedaby
18-03-2007, 08:50 PM
الشكر كل الشكر و التقدير للمنتدى العامر الاتاح لينا الفرصة للاطلاع على اخبار الاخيار من البقعة الطاهرة الشبارقة, لولا انو السؤال موجه للرائع عبده(شبارقة) كنت جاوبت لكن ح اساعده و اقول انو اول طالبة في الشبارقة الان تسمى عليها مدرسة اساس للبنات قرب الجامع الكبير
شبرقية
18-03-2007, 08:59 PM
لاحول الله
مغششو مالك
لكن برضو ماياها !!!!!
بت الشبارقه
18-03-2007, 10:15 PM
بعد البحث الطويل وصلنا الى الاتي:-
اولا:التهناه لشبرقيه بالنجاح وعقبال الامتحان الكبير
ثانيا:ناسف يا شبارقه لرسوبك في الامتحان
ثالثا:برحب بالشبرقي الجديد