المساعد الشخصي الرقمي

مشاهدة النسخة كاملة : بكره راجعين في المغيرب


بت الشبارقه
17-03-2007, 05:04 AM
القومه ليك ياوطن
يا ملاذ كل الحزانى
ويا شرقنا
وريحة الجرف الهناك باكي وينادي علينا في كل الجهات
الفين سلام
الفين سلام
الفين سلام ليك ياشرق الله الباااااااااااااااااارد
الفين سلام لي امي ديك الواقفه من يوم فارقت عيني عيونا
الفين سلام يا يابا يا قلبا رجف ساعة الفراق والدمعه نازله تبللو
الفين سلام ليك يا الوحيد الصرت من غيرك سراب
الفين سلام كل الاهل الجوه والبره الحنان
اهنئ نفسي
وزوجي
وبناتي
واهلي في السودان بالرجعه ليك يا امنا ويا عزنا
الفرحه تاني تعمنا
zoolfrda
17-03-2007, 05:21 AM
درب السلامة وتلقي كل الأهل بألف خير وعافية
ابورجاء
17-03-2007, 06:15 AM
بتنا بت الشبارقة الغالية
انت ما بيزوروا فوقك عدييييييييييييييييييييل كده
ماشية البلد درب السلامة ان شاء الله
وتلقي كل الاهل في اتم صحة وعافية
وتملي عينك بالبلد والاحباب ولو اجازة
تكون اجازة سعيد ليك وللبنيات وابوهم
ولو رجعه نهائية تكوني انتي الاسعد
وربنا يوصلكم سالمين غانمين يا رب...

ودوما في رعاية الله وحفظه...
مع كل الود باقة ورد....
شبرقية
25-03-2007, 10:11 PM
ماتنسي سلامي للطيبين هنالك
سدرتنا ديك بتعرفيها
بالله عليك سلامي ليها
جيرنا الحنان كلميهم
والله كل يوم بجيب طاريهم

توصلوا بالسلامة
بورتبيل
27-03-2007, 11:46 PM
توصلوا بالف سلامة
وتحياتنا لاهلنا في الشبارقة
وتحيات خاصة لامك ولابوك .. كل الاحباب
وقولي ليهم بورتبيل بسلم عليكم كتيييييييييييييييييير

وقولي للنيل ضفا ضفا
والعشيات لما تصفى
والنسيمات البشيلن من عفاف ريدتنا عفا
انو شوقي بفيض بحر
صالح ابوشوارب
28-03-2007, 01:00 AM
الابنة بت الشبارقة
تمشى وتجى بالسلامة .. وتلقي كل الاهل بخير .. وتحياتى الخاصة لزوجك وبناتك وعند الوصول تحية حارة للوالد والوالدة وكل الاهل .. ومنتظرين دخولك المنتدى من السودان

ابو منــــــــــار
ود المطامير
28-03-2007, 09:29 AM
درب السلامه إن شاء الله يارب وتلقى
كل الأهل بخير وعافيه وسلامى للجميع
والله أجمل لحظه هى لحظة أن تطأ الأقدام
أرض مطار الخرطوم والهواء السمح داك ينعش
الروح وحاة الله نحنا هنى الرطوبه تخلينا
نعطس ليل نهار .