حبوبه & شليل

[بت الشبارقه]

شليل وينو؟ شليل وين راح شليل فات الشرق صبح مرق
شليل يايمه للبايتات عشاهن ولي المرقن ستر!
شليل عزوتنا عزه بلاهو ما بتبقى وشليل التايه وامي هنايه
عاد يايمه يوم حبوبه تقعد في الزمان الطال وتتحكر تجر النم ونحن نصيح
نكورك فيها يما تعالي ياللا خلاص وساعة النوم ننوم بالغول وفاطمه السمحه ياها هي زاتا كل عشيه تغشانا
وتجي الحبوبه تسال (احكي شنو؟)نصيح فيها:- احكي...... ونسرد كل حكاويها وتبدا تقول:-(حجيتكم ما بجيتكم) ونحن نقول:-( خير الله جاناوجاكم) وتبدا القصه نحن ننوم وما نعرف محمد جاء ؟ والدهبايه شن سوت ؟وتاجوج ؟ والجلابه جابو شنو؟ وصبحت لينا واطاطنا وننادي عليها ساعة الشاي في الصبحيه يما تعالي تاني........وتابى تب ما تقول
شليل وينو؟ شليل يا عازه يا ضل الضحى الصبح صباحك بالبشر
شليل وينو؟ شليل ضهريه شايل كسرتو ومويتو ومصبح للحبيبه هناك
شليل وينو؟ ونمشي نكوس شليل في الحله لي نص النهار وبعد الروحه تاني نعود نكوس في شليل اشد الحيل

[سواااح]

بنت الشبارقة

وروعة اجترار الزمن الجميل
السؤال اين اطفالنا الان من
ذلك العمر القديم الذي عشناه ؟
وايهما افضل الحبوبة وحجاويها
ام زمن امرااااض التكنولوجيا ؟

دمــــــــــــــــــــتي ،،

[بت الشبارقه]

شليل وينو؟ المحترم سواااح
اشكرك مره ومره ومره و.........لاهتمامك الدائم بالمشاركه في مواضيعي
والله شليل رااااااح يا سواااح جاتنا روبي ونانسي وهيفا واخواتها تفتكر شليل بقعد بعد كده؟
ضؤ اخضر
مالك تنحت في التوقيع

[samah]

شليل وينو اكلو الدودو........شليل وين راااااح بلعوالتمساح!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!

[بت الشبارقه]

الله يديك الف عافيه ياسماح الجاره البي الحيطه

[احمدمحمدعلي]

البابو حبيبي ابو شعرا سبيبي************************نلعب لعب الغتاتا**********مع بقراتنا التلاته الله يديك العافيه وبصراحه خليتيني دايره ابكي لاني ماسمعت شليل من حبوبه******اختك رنده

[اميمه عشريه]

منذ ان غادر شليل حكاوينا غادرنا بعده كل شليل ويا حليييييييييييييييل ..

شكرا بت الشبارقه ..

[زول ضيف]

شليل , ذلك الحلم الذي زارنا منذ الصغر وصار يكبر ويكبر ويكبر حتى بلغ بنا المراتب العاليه
ترى هل سياتي في يوم من الايام ليزور صغارنا؟
بت البلد الطيبه زي ناسا , بت الشبارقه والله رجعتينا لي زمن جميل جدا

[بت الشبارقه]

الاعزاء رنده وبت عشريه والضيف الخفيف .. اسعدتني زيارتكم للحبوبه وربنا يديكم العافيه
دمتم ودام التواصل!

[ود ام تريبات]

الرائعة روعة عبق هذه الارض البكر بت الشبارقة .... شكراً كثيراً لك وانت تطوفين بنا في حدائق ذكرياتنا الجميلة .....

شكراً جميلاً لا بداعك اللا متناهي

[magdi]

الله يديك العافية بت الشبارقة .. شليل والغول .. وفاطمه السمحه

حليل أيام الحبوبات ... هسى بقينا في زمن العولمه ... ولو جيتو تحكوا كلام زي لي جيل الكمبيوتر

والبلاي استيشن أكيد حا يطلعوكم بتهضربو

[بت الشبارقه]

الرائع دائما ود ام تريبات تدخل في نفوسنا البهجه لدخولك علينا دوما بالجميل المنمق
لك الود والشكر الجزيل

[بت الشبارقه]

مجدي .. الطفل الذي يدخل في العولمه بتلك النظاره السوداء ترى هل قابلت شليل ؟ انه يختبيء خلف هاتيك العيون فحاول ان تخرجه حتى يعود بنا الى زمنه الجميل .. من اجمل الاشياء ان صغيراتي الجميلات لاياتيهن النوم الا بعد ان نحكي لهن هذه الحكاوي والاجمل ان الزمن عندما يعيد نفسه ياتي ذلك الشليل ومنذ ان ابدا الحكايه ب(كان يا مكان ...) اجدهن في عالم الاحلام!!!!!!! حاولوا ان تعيدوه فانه موجود ينتظر النداء
لك كل الود ..

[شبرقية]

ارجع تعال ياشليل درع الاميرة سرق
سوهو حدوة خيل
بحر العطاشا نشف نشرب بواقي السيل

شليل وين راح???????:confused: اكلو التمساح!!!!
اي تمساح????:confused:
شيليل وينو:confused: :confused: اكلوا الدودو

ياتو دودو :confused: :confused:

امكن يكونا العولمة:( :o

[زهرة الشمس]

حبوبة بنت الشبارقة
حليل الزمن الرَّوح بلا ميعاد
حليل الدنيا البتابا الفرح وبسمة الأطفال والأعياد
حليلنا نحنا كمان
ساكنين مدن الوضوح وما بنعرف شليل الراح؟؟؟ ولا نحنا الروحنا شليل رغم اننا تحت ظل الشمس البتحرق

لكي عميق امتناني أختي بت الشبارقة على هذه العودة الفريدة للزمن الجميل

[بت الشبارقه]

شبرقيه... شكرا علي الدخله اللذيذه دي لكن عندي سعااااال ممكن؟ انتي حضرتي زمن شليل؟ لو ما حضرتبه انا بحكي ليك واحده من قصصنا زمان

[بت الشبارقه]

الرائعه بروعة الشمس زهرة الشمس.. دائما الكلمات الجميله تتراقص معك
دمت اختي ودام التواصل

[مصعب الريح]

عندما قرأ هذه الكلمات رجعت بذاكرتي الي الوراء ايام القمره واللعب في نورها والحبوبة عندما كنت صغيراًً وانا بين احضانها وكانت ايام حلوة ليس ملئية بالمشاكل والهموم .

[مصعب الريح]

شوق للنيل

وشمساً باردة وراه تميل
وأرضاً طيبة وطينا وحيل
وشجر النيم الضله ضليل
وغصن البان فرحان بيميل

شوق لليل

وسمر الليل

وشلة ونسة مساهرة الليل
في ضو القمرة الكاشفة الليل
في الرملة الباردة الشاربة النيل
وفي نص الونسة الشاقة الليل
نسمع صوت غناوي الليل
ونتنفس نسايم الليل ..

[بت الشبارقه]

عندما قرأ هذه الكلمات رجعت بذاكرتي الي الوراء ايام القمره واللعب في نورها والحبوبة عندما كنت صغيراًً وانا بين احضانها وكانت ايام حلوة ليس ملئية بالمشاكل والهموم .

المحترم مصعب الريح........ الكلمات جميله لانها بتجتر ذكريات الزمن الفات ... والفات الفات ... والاجمل منها الذكريات زاتا .. وكلماتك زادت الكلام حلاوه .. رايك شنو لو نقوم نخصص بوست للحكاوي الزمان؟

[شبرقية]

فكرة يابت

عشان ناس نحن ماحضرن الزمن الجميل
وحكاوي شليل النص الليل
والفات الفات ووووووووووووو


احكي انا منتظراك

[مصعب الريح]

المحترم مصعب الريح........ الكلمات جميله لانها بتجتر ذكريات الزمن الفات ... والفات الفات ... والاجمل منها الذكريات زاتا .. وكلماتك زادت الكلام حلاوه .. رايك شنو لو نقوم نخصص بوست للحكاوي الزمان؟


الاخت : بت الشبارقة فعلاً فكرة بوست لحكاوينا الزمان كل واحد فينا مر بهذه المرحلة وفكرة تخصيص البوست أنا ارحب بها لكي يحكي فيها ايضاً كل الأعضاء ذكرياتهم الجميلة .

[عصام الدين عموش]

وفيكي النفس لسه ... وتندهي لي شليل بي وين ؟
شليل عدا البحر مسدار
حليلو شليل شليلنا زمان في عز الضلمة نلقاهو
وهسه نكوسو في ضو الكهارب .. تب عميناهو .. ولسه بتندهي لي شليل بي وين ؟
شليلنا زمان ما بنكوسو عند قصاب .. وما بنجيبو بي صولجان
شليل جوه البيوت عنوان ... وعنوان خير وفال وسماح ..
أرجعي للزمن مرات ما مرة ..
عشان ما ترجعي الآهات وتغرقي في الحشا المحروق .. ..كفانا أسى وزمن مسروق .. ونحن صغار بنلعب كمبلت .. حرينا .. والترتار .. ونحن كبار أظنك عارفه لعبات الكديس والفأر .. غش وخداع وصبحت كل حياتنا ودار .. وكل العابنا عار في عار ..

أخوك عصام عموش

[بت الشبارقه]

لك الود عموش واتحفنا بالمزيد دائما

[احمدمحمدعلي]

شليل وين راح.......................
شليل وين فات؟؟؟؟؟؟؟
ارض البلد ريحة البلد
طين البلد زول البلد!!!!!!!!!!!!!
شليل بنت البلد لابسه توب العفاف
شليل كلمة رجال لي ضفا نزل
(حرم تزوروا الفريق بتفوتوا انحن مقابر)
شليل

[المكاشفى]

يابت الشبارقه دايما تنكتى فى المعتق وتشحتفى رويحتنا
للزمن الكان دقولو ود ابقرعه مابرجع
زكرتينى امى الحرم الله يرحمها
دائما ما ننام على انغام
هوى يا الجلابه * مافيكم ابوى * ود النمير
اخضر قصير* صوتو صوت حرير *صوتو الوروار*
جملو الهدار* عمى خى ابوى* كتل امحمد اخوي*
فى شان قندول* والقندول اكلو الزرزور* وكطع بيه سبع بحور.

[شبرقية]

احيييييييييي منك يالمكاشفي
رجعتني لزمن جميييييييل
والمقطع دا بالزات
بذكرني بليالي

اااااااااااااااا
خليها ساي

[احمدمحمدعلي]

[شليل
طيب وين الغول ؟؟؟؟؟؟؟؟؟؟؟؟؟؟
وين الدهبايه؟؟؟؟؟؟؟؟؟؟؟؟؟؟؟؟
وين فاطمه السمحه؟؟؟؟؟؟؟؟؟؟؟؟؟
وين شميك رميك في قيف البحر بنو ليها بيت؟؟؟؟؟؟؟؟؟؟؟؟؟؟
وين اغول ابو نومتا سه وقمتا سنه؟؟؟؟؟؟؟؟؟؟؟؟؟؟؟؟
انت عارفه انا فاهمك ما بتقصدي كلامي دا لكن
اشتقنا لي الحبوبه البتحجي
اسي الحبوبه لمل تسألها ممكن تقول ليك
(لنتظر شويهه خلينا نخلص اللاب او السمستر )
( now iam working please cool me in other time)