جيفارا
18-03-2007, 03:22 AM
أم تكتب لابنتها لتطمئن عليها .. رسالة
|السلام عليكم ورحمة الله وبركاته
بتي العزيزة كيفنك
بكتب ليك بعض الكلمات لتعرفي أنني بكتب ليك. ولو وصلتك رسالتي دي، ده معناهو رسالتي وصلتك لو ما وصلتك أضربي لي ، عشان ارسلا ليك تاني. يا بتي انا بكتب ليك برااااااحة عشان عااارفة انتي ما بتقري سريع.
حبيبة قساي
أبوك قرا في الجريدة أنو غالبية الحوادث بتحصل جمب البيت، وعشان كدة قررنا أن نرحل في شقة جديدة. البيت حلوووو فيهو غسالة ، بس مشكلتي ما عارفاها شغالة ولا لأ. البارح ختيت فيها عراريق أبوك سحبت الخيط الفوق الغسيل كلو يا بت أمي ما لقيتو! عشان كدة كلمتا أخوك يجيب لينا كتلوجا.
الجو هنا أووووو مقدرة الأسبوع الفات المطرة كبت مرتين بس،المرة الأولى كبت ثلاثة يوم والمرة الثانية 4 يوم.
حبيبتي
بالنسبة لي فنيلة الصقط حقتك الكنتي بتفتشي فيها خالك يوسف قال انو اذا انا رسلتها ليك بي زرايرا دة بكلفنا كتير حبيبتي لأنو زرايرا ثقيلة شديد ، عشان كدة قلعتهم ليك وختيتم في جيب الفنيلة.
وبالمناسبة أبوك يايمة أشتغل زي العجب تحته حكاية 500 زول تصوري، أييي يا بتي ما هو بنضف النجيلة في المقابر.
اختك منى الإتزوجت قالت عاملة ليك مفاجأة حلوة لمن تضرب ليك الأسبوع الجاي . بقدر أوريك انك حتبقي خالة ولا لا. على فكرة اذا جابت بت حتسميها على اسمي. دي اول مرة اسمع فيها زول يسمي بتو (يمه).
على فكرة اخوك رائد وقع في مشكلة كبيرة. قفل عربيتو والمفاتيح جواها . والله المسكين مشا كداري للبيت عشان يجيب المفتاح التاني عشان يطلعنا من جواها .
ويا حشاي قبال أختم اذا صادفت ابنة خالتك امال، سلمي عليها . ولكن اذا ما لاقيتيها حسك عينك تفتحي خشمك دة .
مع حبي امك العزيزة
ملاحظة: كنتا يا بتي داير أخت ليك قريشات جوة الظرف لكن إتذكرتهم بعد قفلتو
كورنة معكوسة.... وأنا شته ليكم على الطاير
|السلام عليكم ورحمة الله وبركاته
بتي العزيزة كيفنك
بكتب ليك بعض الكلمات لتعرفي أنني بكتب ليك. ولو وصلتك رسالتي دي، ده معناهو رسالتي وصلتك لو ما وصلتك أضربي لي ، عشان ارسلا ليك تاني. يا بتي انا بكتب ليك برااااااحة عشان عااارفة انتي ما بتقري سريع.
حبيبة قساي
أبوك قرا في الجريدة أنو غالبية الحوادث بتحصل جمب البيت، وعشان كدة قررنا أن نرحل في شقة جديدة. البيت حلوووو فيهو غسالة ، بس مشكلتي ما عارفاها شغالة ولا لأ. البارح ختيت فيها عراريق أبوك سحبت الخيط الفوق الغسيل كلو يا بت أمي ما لقيتو! عشان كدة كلمتا أخوك يجيب لينا كتلوجا.
الجو هنا أووووو مقدرة الأسبوع الفات المطرة كبت مرتين بس،المرة الأولى كبت ثلاثة يوم والمرة الثانية 4 يوم.
حبيبتي
بالنسبة لي فنيلة الصقط حقتك الكنتي بتفتشي فيها خالك يوسف قال انو اذا انا رسلتها ليك بي زرايرا دة بكلفنا كتير حبيبتي لأنو زرايرا ثقيلة شديد ، عشان كدة قلعتهم ليك وختيتم في جيب الفنيلة.
وبالمناسبة أبوك يايمة أشتغل زي العجب تحته حكاية 500 زول تصوري، أييي يا بتي ما هو بنضف النجيلة في المقابر.
اختك منى الإتزوجت قالت عاملة ليك مفاجأة حلوة لمن تضرب ليك الأسبوع الجاي . بقدر أوريك انك حتبقي خالة ولا لا. على فكرة اذا جابت بت حتسميها على اسمي. دي اول مرة اسمع فيها زول يسمي بتو (يمه).
على فكرة اخوك رائد وقع في مشكلة كبيرة. قفل عربيتو والمفاتيح جواها . والله المسكين مشا كداري للبيت عشان يجيب المفتاح التاني عشان يطلعنا من جواها .
ويا حشاي قبال أختم اذا صادفت ابنة خالتك امال، سلمي عليها . ولكن اذا ما لاقيتيها حسك عينك تفتحي خشمك دة .
مع حبي امك العزيزة
ملاحظة: كنتا يا بتي داير أخت ليك قريشات جوة الظرف لكن إتذكرتهم بعد قفلتو
كورنة معكوسة.... وأنا شته ليكم على الطاير