مشاهدة النسخة كاملة : ارجو منكم اعطائي عنوان لهذا الموضوع
بت الشبارقه
18-03-2007, 07:25 AM
(سلامات داتانق) ياناس الهوج والشرق
انا عندي ليكم نم
كلام سمحا.. لذيذ بالحيل
او عندي ليكم اقتراح في الحقيقه
رايكم شنو.. لو كل زول يدخل البوست ده يكتب عن المنطقه الساكن فيها.. وكل واحد يستفسر منه وبعد الانتهاء يختار المشترك البعدو..
انا احاول ابدا
الشبارقه
هي في عيني اجمل المدن واروع البلاد وارقى المناطق
تقع شرق النيل الازرق وجنوب ودمدني وتبعد عنها 30 كيلو
يحترف الغالبيه العظمى مهنة التجاره حيث ان معظم رجال المنطقه الصناعيه مدني من الشبارقه
البقيه ينقسمون ما بين مزارعين ومعلمين
الشبارقه ندرجها نحن ابنائها في قائمة المدن السودانيه لكبر مساحتها كما انها تحتوي القرى المجاوره لها
الاحياء:-بها خمسه احياء تقريبا!!!!!
التعليم :- بدا التعليم سنة سته(المجاعه)بها ثلاث مدارس اساس للبنات(حفصه, ماريا والريان)
وثلاث مدارس اساس للاولاد(يوسف جميل, سلمان الفارسي والريان بنين)
المدارس الثانويه (زينب العوض بنات والثانويه بنين)
كانت بها محلية الا انها حولت مثلما يحول كل شيء ونحن نامل ان تعود كعوده كل شيء ايضا
الاميه غير مدرجه في قاموس الشبارقه.
الصحه:- بها مركز صحي كبير وقريبا ستكتمل المستشفى انشاء الله
الاجتماعيات :- مثلها مثل كل المناطق في الجزيره , يمتازون بالحنيه والطيبه والروح السمحه وما خاب من زارها .
الزراعه مطريه وانشىء بها مشروع الحرقه ونور الدين
بها جناين وجروف وما أجمل البحر فيها الا انه غدار!!!!
الان المجال مفتوح للسؤال .. لمن يرغب
sami_alkaer
18-03-2007, 07:39 AM
تقريبا السكان كم عددهم يابت الشيارقه
شبرقية
18-03-2007, 08:07 AM
اساس للبنات(حفصه, ماريا والريان)
ياحليلك يالنايمة علي حيلك انتي وين
نسيتي احتفال مئوية التعليم غيرو فية اسم ماريا وبقت فاطمة
بس ياتو فاطمة خلوها مفتوحة الاسما فاطمة كلها تقول سموها علي
بت الشبارقه
18-03-2007, 05:03 PM
والله انا ما متاكده بالظبط من عدد السكان
(خمسه وخميسه في عين اللي ما يصلي علي النبي)
بت الشبارقه
18-03-2007, 05:05 PM
يا شبرقيه ما نسيت بس كنت شاكه غيروهو لي منو؟
شبرقية
18-03-2007, 08:24 PM
يااختي الحي ابقي من الميت
فهمت غيروها لمنو?
عماد عبدالشكور
18-03-2007, 08:53 PM
:-(لو داير ذريه اتزوج شبرقيه
كم عدد البنات الغير متزوجات ؟؟؟؟؟؟؟؟؟؟؟؟؟؟؟؟
بت الشبارقه
18-03-2007, 10:50 PM
بعدد البنات الما متزوجات في 114
مدنيّة
18-03-2007, 10:55 PM
البوست جميل يا بت الشبارقة والله
واكتر حاجة عجبتني او معلومة عرفتها انه الامية غير مدرجة في قاموس الشبارقة
Madanawi
19-03-2007, 12:51 AM
ما وريتينا يا بت الشبارقة مدينة الشبارقة دي فيها كم مسجد وكم جامعة وكم مركز شرطة وكم سجن وكم بيت فيهو دش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابوالنور
19-03-2007, 01:03 AM
والله الامثال عندكم يا ناس الشبارقه
قلتي شنو لو داير تسيبنا ولا شنو ؟
بت الشبارقه
19-03-2007, 05:46 PM
الشبارقه فيها المسجد الكبير ومسجد الحي الاول ومسجد المدرسه وحي الريان والحي الثالث وانصار السنه وما عارفه بعدي عملو واحد واللا لا؟ يعني سته مساجد
فيها مركز شرطه واحد , الجزيره كلها فيها كم جامعه؟ ورغم ذلك هناك خطة انشاء كليه تمريض بعد اكتمال المستشفى ...
اغلبية ناس الشبارقه عندهم دش يعني 75%
انت نطيت من الكرسي وقبلت علي؟
بت الشبارقه
19-03-2007, 05:48 PM
لو داير تسيبنا يكون افضل!!!!!!!!!
شبرقية
19-03-2007, 08:34 PM
مابنوا مسجد جديد علي مااعتقد بس المسجد الكبير هدموه وشغالين في واحد اكبر
واحدث قالوا شي فخم جدا
samah
19-03-2007, 09:42 PM
اسفييييييييييين دخلناغلط
meshanshow
20-03-2007, 12:01 AM
الشبارقه دي الطلع منها الفنان شبارقه
بت الشبارقه
20-03-2007, 12:47 AM
ايوه هي الطلع منها محمد شبارقه!
بت الشبارقه
20-03-2007, 12:52 AM
السباح هو :
الطالبه هي :
رايك شنو؟
ابوزيد محمد نور
21-03-2007, 04:07 AM
ما وريتينا يا بت الشبارقة مدينة الشبارقة لو الكبرى مافى بتخلوا مدنى بيوين ؟؟؟؟
لكى التحية والود
بت الشبارقه
21-03-2007, 05:33 PM
ما وريتينا يا بت الشبارقة مدينة الشبارقة لو الكبرى مافى بتخلوا مدنى بيوين ؟؟؟؟
لكى التحية والود
مع كل الاحترام !!!!الاخ ابو زيد وبقيه من شارك معي .... الشبارقه كانت قبل وبعد الكبري وستكون انشاء الله به ومن دونه(غاليتي جدا) اتمني ان ياخذ البوست حيز الجديه حتى النهايه اتمنى ان اكون معكم وبكم اتشارك حب البلده التي رعتني واخرجت الكثيرين من ابناء الوطن الشرفاء والاوفياء ........
لكم مني كل الود والاحترام واعتذر جدا...
samah
21-03-2007, 07:45 PM
[ ياام البنيات هيييي بهظر واسفه جاده والله[/SIZE][/COLOR]
بت الشبارقه
21-03-2007, 09:53 PM
الاخت الغاليه سماح
لك الود انا ما ممكن كل ما اعمم كلام تاخديه شخصي !
الحكايه شنو؟ ؟
نزار حسن محمد
22-03-2007, 12:17 AM
الاخت الغاليه بت الشبارقه ...
قراة بتمعن كل ماكتبته وكم انا فخور بما كتبت عن الشبارقه واهل الشبارقه فهم اهل علم ومعرفه واهل كرم حاتمى ..فلك الشكر على هذه المعلومات القيمه .. اما بخصوص ردود بعض الاعضاء .. اتمنى ان ترجعى للوراء وتبحثى عن كل الردود لى اخوانا ود الماحى فهو من منطقة الجنيد الحله و90% من الاعضاء عند مداخلتهم يكلونا بكل مصطلحات السخريه والهزليه !!! هل انقص هذا من مكانة الجنيد الحله او من مكانة الانسان الفريد ود الماحى لا ..بل العكس هو الصحيح تمام
اولا ود الماحى يرد عليهم باكثر من ما كتبوا ... وياريت لو تشوفى بوستات تعليم الحناكيش من اهل ود العوض بعدين ماتمشى بعيد عندك ود المطامير ...هذا الانسان الرائع لاتفتكرى بانه هزلى فهو انسان حكيم متميز ولك الفخر بانه من ابناء شرق الجزيره كذلك اخوانا المحامى الاستاذ شبارقه وجميع اعضاء المنتدى من الشبارقه وما جاورها فاتمنى ان لاتخذى الموضوع شخصى .. وان تفتحى النيران الهزليه التى يفهم مضمونها من خلال سخريتك .. ولك العتبى حتى ترضى مع خالص مودتى ... اخوك ودحسن
صلاح ودالطاهر
22-03-2007, 04:17 AM
(سلامات داتانق) ياناس الهوج والشرق
انا عندي ليكم نم
كلام سمحا.. لذيذ بالحيل
او عندي ليكم اقتراح في الحقيقه
رايكم شنو.. لو كل زول يدخل البوست ده يكتب عن المنطقه الساكن فيها.. وكل واحد يستفسر منه وبعد الانتهاء يختار المشترك البعدو..
انا احاول ابدا
الشبارقه
هي في عيني اجمل المدن واروع البلاد وارقى المناطق
تقع شرق النيل الازرق وجنوب ودمدني وتبعد عنها 30 كيلو
يحترف الغالبيه العظمى مهنة التجاره حيث ان معظم رجال المنطقه الصناعيه مدني من الشبارقه
البقيه ينقسمون ما بين مزارعين ومعلمين
الشبارقه ندرجها نحن ابنائها في قائمة المدن السودانيه لكبر مساحتها كما انها تحتوي القرى المجاوره لها
الاحياء:-بها خمسه احياء تقريبا!!!!!
التعليم :- بدا التعليم سنة سته(المجاعه)بها ثلاث مدارس اساس للبنات(حفصه, ماريا والريان)
وثلاث مدارس اساس للاولاد(يوسف جميل, سلمان الفارسي والريان بنين)
المدارس الثانويه (زينب العوض بنات والثانويه بنين)
كانت بها محلية الا انها حولت مثلما يحول كل شيء ونحن نامل ان تعود كعوده كل شيء ايضا
الاميه غير مدرجه في قاموس الشبارقه.
الصحه:- بها مركز صحي كبير وقريبا ستكتمل المستشفى انشاء الله
الاجتماعيات :- مثلها مثل كل المناطق في الجزيره , يمتازون بالحنيه والطيبه والروح السمحه وما خاب من زارها .
الزراعه مطريه وانشىء بها مشروع الحرقه ونور الدين
بها جناين وجروف وما أجمل البحر فيها الا انه غدار!!!!
الان المجال مفتوح للسؤال .. لمن يرغب
اختي العزيزه اولا لك الشكر والتقدير علي هذه الفكره الرائعة رواعة اهل الشبارقه التي اعتز بها لاسيما بها استاذي الذي تعلمت علي يديه اصول التدريس بمعهد التأهيل التربوي مدني الدفعة السادسة وكان له الفضل علي كثير وهو الاستاذ والمربي الفاضل الذي مهمها كتبت عنه لااستطيع ان اوفيه حقه استاذي العزيز علي نفسي عثمان يوسف جميل وهو يعتبر من ابناء مدني والشبارقة ومن الوجوه التي يجب الكتابه عنها لك التحية اختي
بت الشبارقه
22-03-2007, 05:00 AM
شكرا ود حسن للنصائح الجميله ولو رجعت تاني بتلقاني غيرت في المواضيع
انا احترم جدا ودالمطامير وشلتو اللي بيقول عليها وشاركت في بوستاتهم كتير وبقرا اللي ما شاركت فيه لكن انا ما حكيت عنهم انا كان اعتراضي علي تناول المواضيع الجاده بهزليه والعكس
لك التحيه..
صلاح ودالطاهر
22-03-2007, 05:07 AM
اختي العزيزه اولا لك الشكر والتقدير علي هذه الفكره الرائعة رواعة اهل الشبارقه التي اعتز بها لاسيما بها استاذي الذي تعلمت علي يديه اصول التدريس بمعهد التأهيل التربوي مدني الدفعة السادسة وكان له الفضل علي كثير وهو الاستاذ والمربي الفاضل الذي مهمها كتبت عنه لااستطيع ان اوفيه حقه استاذي العزيز علي نفسي عثمان يوسف جميل وهو يعتبر من ابناء مدني والشبارقة ومن الوجوه التي يجب الكتابه عنها لك التحية اختي
samah
22-03-2007, 05:07 AM
[[COLCOLOR="Red"][LIST=1]
بت الشبارقه لا لا هوي مافي حاجه شخصيه ابدآ انا بنسى الكلام ده اول مأاقوم من الكرسي اناوالله شفتك زعلانه قلت ان نفورك حبه ولقيتك جاده لكن انا فعلا بعتذر جاده عن سؤالي داك لانو انا كنت بهزل معاك وانا بس بعتذر عن نفسي لاني واحده من المعنين ونحن بنتعارف يعني مازي التانين ونا والله ابدا ماحصل اخذت اي موضوع من موضيعك شخصي والكلام ده كلو كان هزل لكن اتفأجأت بردك لي وموضوع شخصي دي شديده شويه ولا ماكده
بت الشبارقه
22-03-2007, 05:08 AM
الاخ صلاح يشرفني ويسعدني مشاركتك لي باجمل الحديث واطال الله عمر استاذنا وممثل دائرتنا الاستاذ عثمان يوسف جميل العلم البارز في تاريخ الشبارقه وود مدني
لك التجله والاعتزاز
شبارقاوية
22-03-2007, 06:30 AM
الشبارقة مدينة صغيرة وقرية كبيرة وجميلة واحيى موضوعك الجميل هو الشبارقة ما بيعرفوها الا بمحمد شبارقة ;)
شبروق
22-03-2007, 06:45 AM
كلما غابت شمس باتجاه الكريبة، ظهرت تاني من اتجاه الشبارقة.
شبروق
22-03-2007, 06:55 AM
هل تعلم أن :
1/ الشبارقة هي المنطقة التي أقترحت لتأسيس أول مدرسة أسطى في البطانة. وكان ذلك عام 1910م!
2/الشبارقة معلم تحت رقابة الأمم المتحدة!
3/الشبارقة معلم ينتسب إليه كل حوض مشروع الحرقة و نور الدين!
4/هناك قرية تحمل نفس الاسم موجودة بجنوبي غرب السعودية!
5/إختيار التوطين الأول تم وفق شروط بيولوجية أولية!
6/هناك مقبرة قديمة بها معالم و كنوز من مخلفات حروب الهجانة !
...
يتبع...
شبارقاوية
22-03-2007, 07:01 AM
الشبارقة مدينة العلم والنور والما بيعرفها معناها ما بيعرف مدن السودان لانها قديمة وجميلة واهلها كلهم متعلمين والعندو اعتراض يرد
بت الشبارقه
22-03-2007, 04:18 PM
تحية احترام خالصه والقومه ليكم يا ريحة البلد
والله يا شبارقاويه وشبروق اعدتو لي قلبي الحياه ولي عيني الامل والتفاؤل .. ايوه كده ادونا مشاركات حيه القلب يسعد بيها وتنفرج الاسارير ... لذيذه جدا حركة (البنقونق) دي يا شبروق .. والله كان اعمل الموضوع ده من يوم اشتركت عشان الناس البعاينو بي بره ديل يدخلو عديل..
الله يديكم العافيه ويجعلنا دائما وابدا معنى للحب والكفاح داخل وخارج الحبيبه .. لكم دوما كل الاحترام.
( بت البوش)
شبرقية
22-03-2007, 09:35 PM
معناك في أحرفك
أنت بطاقتي وعنواني
وأنت وجه حقيقتي
ودفاتري والواني
فيك نظمت أشعاري
وشددت أوتار قيثاري
وعزفت احلي الحاني
حبي لك سرمدي
لا يعرف المواسم
عارم في كل الفصول
يعجز المواسم
لا يعرف أنصاف الحلول
لاشي بينك وبينة يحول
لا يعرف الذبول
ولا يخامرة عنك العدول
فلحبك عندي أصول
وسفري في فصول
عاطفتي تحتويك
دوما نشوي
وهجرك سقطة وكبوة
فكلما طفتي بخاطري
تهجرني قفوة
وتقبلني صبوة
وتحضنني صفوة
ذوبيني في شين الشهامة
واسقيني باء البر والكرامة
وانصبي الف تسامي
يعلو كل قامة
حبيتي الرقة فيك
تزين كل هامة
شبارقتي
انت بطاقتي وعنواني
وانت وجة حقيقتي
ودفاتري والواني
فيك نظمت اشعاري
وشددت اوتار قيثاري
وعزفت احلي الحاني
شعرالاستاذ عبدالغفار احمد جميل
بت الشبارقه
22-03-2007, 09:44 PM
قم للمعلم واوفه التبجيلا كاد المعلم ان يكون رسولا
اطال الله عمر استاذنا الجليل والكاتب العظيم الاستاذ عبد الغفار الذي قدم ولازال يقدم الرئع والجميل دوما
له الف تحية وتقدير واعاد الله غربته حتى نسعد وتسعد به الارض التي طالما نادت على ابنائها
ابوزيد محمد نور
22-03-2007, 11:15 PM
مع كل الاحترام !!!!الاخ ابو زيد وبقيه من شارك معي .... الشبارقه كانت قبل وبعد الكبري وستكون انشاء الله به ومن دونه(غاليتي جدا) اتمني ان ياخذ البوست حيز الجديه حتى النهايه اتمنى ان اكون معكم وبكم اتشارك حب البلده التي رعتني واخرجت الكثيرين من ابناء الوطن الشرفاء والاوفياء ........
لكم مني كل الود والاحترام واعتذر جدا...
اختى بنت الشبارقة لكى التحية اولا
تلك الكلامات من باب الدعابه لا اكثر من ذلك......
ومع ذلك :
لكى العتبى حتى ترضى مع خالص مودتى واحترامى لكى اولا وثانيه لكل اهل الشبارقة تلك البقعة الجميله التى يزينها كثير من اصدقائى
شبارقاوية
24-03-2007, 05:17 AM
اشكرك يا شبرقية على كتابة روائع للاستاذ الفاضل عبد الغفار جميل ويا بت الشبارقة لتلك الانامل التى شكرته با بت الشبارقة بالنيابة عنه واطال الله فى عمر الاستاذ الجليل
بت الشبارقه
24-03-2007, 09:12 AM
العزيزه شبرقاويه ... من حقه ان يمدح ومن واجبنا ان نمدح كل من هو منا وكل من هو بقامته الاستاذ الرفيع المعلم الجليل والمربي الفاضل .. من حق كل المعلمين ان يذكر فضلهم فهم الاول والاخر لنا ومن هنا احيي احب اثنين لي في هذا الوجود.. الحبيبة دوما امي المعلمه التي علمتني وعلمت الكثيرين من ابناء الجزيره (ام نعيم) التي كانت ملاذ لنا من الجهل وقسوته... والعالي في سمائي ومتربع في قلبي .. الذي لم يكن اقل شانا من امي .. المعلم والمربي والصديق الصادق الصدوق والدي .. البوش.. الحب والتبجيل لكل اعلام بلادي ...
عبدالرحيم سعيد
25-03-2007, 12:43 AM
...
حينما تذكر الشبارقة تعني من الرجال ثلاثة .. ادريس القرشي .. القانوني الضليع .. والطيب شبارقة .. الناطق بالضاض.. ويوسف جميل .. المصلح الاجتماعي .. ومن النساء ثلاثة .. فاطمة علي .. شيخة خلاوي القرءان للنساء.. وفاطمة يوسف ..ام المعلمات .. والمبدعة الصغيرة بت الشبارقة ومن المباني تعني خمسة مساجد عتيقة .. ومن المني تتمني ان يصلي عليك بالشبارقة لماذا ؟ لان هنالك الفي شخص سيصلون خلفك .. تقلي شنو .. تقولي .. منو .. شن..قولك .. هوي ..ياوليد .
شبرقية
25-03-2007, 01:05 AM
استاذي لك التحية والتجلة
من زكرتهم هم قامات شبرقية حقيقتا
لكن فلنقل هذا علي سبيل المثال لا الحصر
يوجد الكثيرين ممن تفخر بهم الشبارقة
وانت واحد منهم
عبدالرحيم سعيد
25-03-2007, 01:09 AM
...
ان الاطراء مافتأ بسوحي جدلا ولكن لكل مقام مقال لجهلي بالكل ذكرت الجل فرضا
شبروق
25-03-2007, 01:20 AM
لا يمكن أن نميز الشبارقة بشخص.. فكل من ينتمي للشبارقة عبارة عن جزء من هبة نسمة لطيفة تشفي الوجدان والوجد.. كما النسيم لا نقدر أن نقول هذا الجزء أبرد وهذا أحر.. وذاك مغبر وهذا صافي..
فسمة الشبارقة هي في الكل و ليس الجزء.. وإلا ما قلنا (نحن).
صلاح ودالطاهر
25-03-2007, 01:38 AM
الاخ صلاح يشرفني ويسعدني مشاركتك لي باجمل الحديث واطال الله عمر استاذنا وممثل دائرتنا الاستاذ عثمان يوسف جميل العلم البارز في تاريخ الشبارقه وود مدني
لك التجله والاعتزاز
اقول الشين والشين تحلو في فمي حتي كاد يقال لي شبرقاوي ولي الشرف ان انتمي روحا الي هذه المنطقة التي انحي لها اجلالاً خاصة بها استاذي العزيز عثمان يوسف جميل وهذا ليس نقصاً في بقية افراد منطقة الشبارقة واكن لها تقدير خاص حيث دعت ظروف العمل ان تسكن اختي فترة منذ الزمن في منطقة الشبارقه حيث وجدت الترحيب والتقدير من اهلي الشبارقه حيث تربطها صلات حتي الان ودمتم
مرتضى يوسف العركي
25-03-2007, 03:24 AM
اختنا الرائعة بحق بت الشبارقة :
كم اسف ان دلفت بلا سابق بل تمنيت ان تمتد عقارب الساعة للوراء لا لشيء الا لاشكركم على معلوماتك الطيبة عن اهلنا السمحين بالشبارقة وفوقهم سماء يهمي غماما يكفيهم فخرا شرف الانتماء للطين وابعشرين وعرق السنيين المبذول بسخاء لا يعرف التمرد والاقتتال معركته حقول دونها الملاء ونجميعات بعيدات ساحرات وتحتها انسان قوامه عطاء بلا من ولا اذى خيرا وودا وطيبة خطها المتعالى بصورة لا تخطئها عين على مشارف ام المدائن في شرق الله البارد الذي لا يحتاج لمكيفات ودشوش وبورصات وتنامي الدخول الطفيلية وقيم البذخ الاستهلاكي بقدر ما يكفيه ما قدم للناس والوطن
الحقائق لدينا منقوصة في عام 1906 م حينما كانت مدرسة الشبارقة وعلى مستوى البلد كانت لتوها حلة عباس الخرطوم ست الاسم لو سلمنا بها كقمة الهرم المتمدن لتوها يوطن فيها الاستعمار اهلنا الطيبنين بالجوار من الجريف حاليا بعد ان استتب الامر للقائد الانجليزي ونجت باشا ومن قبلها وبخمسة عشر سنة فقط نزح الامام المهدي للفتيحاب في 1885 فيما بعد ام درمان العراقة والتاريخ والاذاعة والثقافة والسلطة وحقيبة الفن والخ .... ان كان ذلك غير التاريخ فليتكرم علينا احد بمغالطة لا يحسن تقديرها بلا شك .
سيدتي لاعليك فالشبارقة الخير والبركة التحية لانسانها ان اصابة رشاش ما فرشاش الخريف الرباني سيمسح من جديد مزيدا من الشرفاء السمر الذين سيشكلون البلد يوما ما وليصنع الصانعون مدنا ولكن الشبارقة لا تضارع شكلا .
اخوكم مرتضى العركي
ــــــــــــــــــــــــــــــــــــــــــــــــــ ــــــــــ
كلمة طيبة كغيث أًاب ارضا طيبة فأنبتت كلأ وعشبا كثيرا
بت الشبارقه
25-03-2007, 06:11 AM
...
.. والمبدعة الصغيرة بت الشبارقة .. .. .
الاخ عبد الرحيم .. اسعدني جدا مشاركتك لي ووصفك الجميل الذي زادني ثقه واعتزاز فالشبارقه هي سائق الكارو والركشه والبص .. هي العامل تحت الشمس بقوت يومه وهي الطالب المجتهد .. الشبارقه السوق وساحه السوق ... حقيقه لكم الحق في ان تكتبوا ما شئتم عنها ولها بشخوصها ومن غيرهم فان لم يزيدوها رفعه لن ينقصوا منها درجه
بت الشبارقه
25-03-2007, 06:21 AM
الغالي شبروق.. كلنا من هبة النسمه اللطيفه الا اننا عندما نذكر بعض ممن اسهموا في مسيرة التطور واكيد انا ما منهم لن يزيد البقيه الا فخرا فهم ايضا قد كرموهم في كثير من المناسبات ومن حقنا ان مروا بنا ان نذكر عنهم القليل فهم كما قلت مسبقا ان لم يزيدوها اعزازا فلن ينقصوها شيء
لك مني كل التجله والاحترام واتمنى المواصله
بت الشبارقه
25-03-2007, 06:24 AM
الجميله دوما شبرقيه ... معك يحلوا دوما الحديث!!!!!!!!!!!! لك كل الحب
بت الشبارقه
25-03-2007, 06:30 AM
اختنا الرائعة بحق بت الشبارقة :
كم اسف ان دلفت بلا سابق بل تمنيت ان تمتد عقارب الساعة للوراء لا لشيء الا لاشكركم على معلوماتك الطيبة عن اهلنا السمحين بالشبارقة وفوقهم سماء يهمي غماما يكفيهم فخرا شرف الانتماء للطين وابعشرين وعرق السنيين المبذول بسخاء لا يعرف التمرد والاقتتال معركته حقول دونها الملاء ونجميعات بعيدات ساحرات وتحتها انسان قوامه عطاء بلا من ولا اذى خيرا وودا وطيبة خطها المتعالى بصورة لا تخطئها عين على مشارف ام المدائن في شرق الله البارد الذي لا يحتاج لمكيفات ودشوش وبورصات وتنامي الدخول الطفيلية وقيم البذخ الاستهلاكي بقدر ما يكفيه ما قدم للناس والوطن
الحقائق لدينا منقوصة في عام 1906 م حينما كانت مدرسة الشبارقة وعلى مستوى البلد كانت لتوها حلة عباس الخرطوم ست الاسم لو سلمنا بها كقمة الهرم المتمدن لتوها يوطن فيها الاستعمار اهلنا الطيبنين بالجوار من الجريف حاليا بعد ان استتب الامر للقائد الانجليزي ونجت باشا ومن قبلها وبخمسة عشر سنة فقط نزح الامام المهدي للفتيحاب في 1885 فيما بعد ام درمان العراقة والتاريخ والاذاعة والثقافة والسلطة وحقيبة الفن والخ .... ان كان ذلك غير التاريخ فليتكرم علينا احد بمغالطة لا يحسن تقديرها بلا شك .
سيدتي لاعليك فالشبارقة الخير والبركة التحية لانسانها ان اصابة رشاش ما فرشاش الخريف الرباني سيمسح من جديد مزيدا من الشرفاء السمر الذين سيشكلون البلد يوما ما وليصنع الصانعون مدنا ولكن الشبارقة لا تضارع شكلا .
اخوكم مرتضى العركي
ــــــــــــــــــــــــــــــــــــــــــــــــــ ــــــــــ
كلمة طيبة كغيث أًاب ارضا طيبة فأنبتت كلأ وعشبا كثيرا
والله شرفتنا بطلتك علينا وكلامك الجميل ... هكذا كنت اتمنى للحوار ان يكون .. ودائما انت للحديث الجميل والتاريخ العظيم تذكر فلك منى كل الاحترام وارجو المواصله .
بت المطامير
25-03-2007, 07:47 AM
الاستاذة ابنت الاستاذ
محمد احمد محمد موسى (البوش)
تسلمي والله على اللفته البارعة دي
وفعلا من شابه اباه فما ظلم
لو ما كنتي بت البوش برضوا كان
حتكوني بت البوش استاذ بمعنى
الكلمة ومربي جليل وفنان تشكيلي
بارع وخطاط ماهر له بعض الحلقات
لتعليم الخط في تلفزيون ولاية سنار
وان شاء الله تكوني اخدتي منو ا شئ
ولو اخدتي منو حاجة نتمنى نستفيد منك
فيها في المنتدى وتسلمي مره تانية ومية...
ود ام تريبات
25-03-2007, 08:15 AM
يابت الشبارقة الواحد اكان جاء يعرس من الشبارقة دي ...المهر عنكم كم .... والزواج عادتو شنو ؟؟؟ يعني في شيلة فتحة خشم وصمة خشم ؟؟ والارض بيكم في الشبارقة ... عشان رغبة العروس وكده ...... ولا كيف كدي ورينا.....
الباقي اخوك وااااااقع في بلدكم دي ومكسورة فيهو كم ضلعة !!!!
شبارقاوية
25-03-2007, 08:21 AM
يا سلام على كل من كتب الجميل فى هذه الصفحة ويا سلام على كل من ذكر روائع اهلنا الطيبين وسماحتهم والذين شاركوا فى تعليم ورفعة اهلنا وما احلى ان اقرا ما كتبتوه وانتم تفتخرون بالشبارقة ونحن نعلم بان الشبارقة لا تعنى شخصا واحدا ولكن كل ما ابتعد شخص عنها وسالوه انت من وين وقال من الشبارقة نسمعه يقول يا سلام درسنى فلان وكان له الفضل وقرا معاى فلان ولازال تواصلنا .انهم اعلام نفتخر بهم ونعتز بهم .ويا سلام يا شبارقتنا ويا اهلنا الطيبين
بت الشبارقه
25-03-2007, 05:19 PM
بت المطامير!!!!!!! انتي اخت ود المطامير واللا شنو؟ والله مرحب بيك في ركن الشبارقه
كانك رسلتي لي الغالي علي جدا والدي بهذه الكلمات والله انا بكتب ليك وهو في عيوني
والله نحن كلنا اخدنا منو لكن ما وصلنا لي مرحلتو دي واتمنى من الله يديه الصحه والعافيه اكتر واكتر عشان يدينا اكتر .
لك الشكر اجزله على هذه الكلمات الجميله وعلى المشاركه الغاليه
بت الشبارقه
25-03-2007, 05:25 PM
ود ام تريبات والله الكلام ده بتاباهو نحن البنات عندنا غاليات وبراك شايف ونسيت بت الشبارقه الكاتلاك في الجامعه؟ الاراضي حسب البعد عن البحر والقرب منو.. وبعدين انا قالوليك ماذون واللا سمسار اراضي؟ ماتمش تشوف انفصال جنوبك داك ... هي ما سمعت بانفصال الجزيره؟
بت الشبارقه
25-03-2007, 05:31 PM
بالمناسبه محمد شبارقه الفنان ليس من مواطني الشبارقه بل من بانت مدني فالتفخروا به معنا ياااااااا اهل ود مدني!!! لانو برضو زي محمد الامين اللي اهلو من ود النعيم وساكن مدني وغيرهم كثيرين.
لكم مني كل الود وارجو التواصل
صلاح ودالطاهر
25-03-2007, 08:40 PM
اقول الشين والشين تحلو في فمي حتي كاد يقال لي شبرقاوي ولي الشرف ان انتمي روحا الي هذه المنطقة التي انحي لها اجلالاً خاصة بها استاذي العزيز عثمان يوسف جميل وهذا ليس نقصاً في بقية افراد منطقة الشبارقة واكن لها تقدير خاص حيث دعت ظروف العمل ان تسكن اختي فترة منذ الزمن في منطقة الشبارقه حيث وجدت الترحيب والتقدير من اهلي الشبارقه حيث تربطها صلات حتي الان ودمتم
بت الشبارقه
26-03-2007, 10:21 PM
الشين .. شهدت ليالي الحب في طرقاتها
الباء .. باتت كل احلامي لها
الالف .. الود والعشق الجميل لكل جنباتك
الراء .. رايتك دائما في كل احلامي الجميله
القاف .. قدر ما اقول مقصر فيك وكل كلامي ما بيوفيك..
الهاء .. هي بلدتي ولئن حفظت صنيعها فانا ابن سرحتها الذي غنا لها
بورتبيل
26-03-2007, 10:37 PM
منورين يا ناس الشبارقة
طيب انا عايز اكتب ليكم عن بورتبيل ... بس ما معاي لا بورتبيلية ولا بورتبيلي .. ولا بورتبيلات؟؟
بكتب ليكم قريب عن بورتبيل .. الشبارقة مدينة مازالت في الخاطر
للشبارقة .. كل الود وكل التحايا
صلاح ودالطاهر
27-03-2007, 05:05 AM
ود برتبيل وضح لماذا سميت بهذا الاسم ونفس السؤال لبت الشبارقه ماهوسبب تسميت الشبارقه بهذا الاسم
بت الشبارقه
27-03-2007, 10:52 AM
الاخ الغالي بورتبيل... تعرف الرساله ديك هي الادتني الدافع للكتابه عن الشبارقه حتى يعرف الجميع الشيء المخفي عنهم ... وايضا لأعرف انا عن المناطق الاخرى مثل بورتبيل والعزازه وام تريبات والشرفه ..و..و..و...و..و..و كل ما هو حول وداخل ود مدني ارجو ان يكون التواصل مستمر حتى نفيد ونستفيد
بت الشبارقه
27-03-2007, 10:58 AM
الاخ صلاح ...
انا عارفه بورتبيل سميت بهذا الاسم لي شنو..بس حا اخلي بورتبيل يرد اول
اما عن الجميله ومستحيله الشبارقه فقد سميت بهذا الاسم نسبه لجدنا الاول شبرق ... ذكرت الحته دي في سوال لشبارقه وشبرقيه ونزلت لستة اخوان جدنا العشرين اللي اتفرقوا في جميع مناطق السودان واسسوا باسمائهم قرى ... لذا تجدني دائما مهمومه باخبار الهوج والشرق لانهم اهلنا بالدم .
لك كل الود
مصعب الريح
28-03-2007, 01:21 AM
يا بت الشبارقة والله الشبارقة تستحق ان تكون مدينة لانها حاربت الامية
بس عندي سؤال فارجو الرد عليه
بالرغم من انكم حاربتو الامية بس مافي اي شخصية بارزة في الولاية ؟؟؟؟؟؟؟؟
بت الشبارقه
28-03-2007, 01:44 AM
الشخصيات البارزه من ابناء الشبارقه:
الطيب احمد الفكي (طيب الاسماء او الطيب الشبارقه ) الاتحادي الكبير واحد مؤسسي حركة الاصلاح
الاستاذ عثمان يوسف جميل .. ممثل الدائره لا اذكر عام كم لكن في نهاية التسعينات
الاستاذه فاطمه بوزارة التربيه والتعليم
مولانا القاضي ادريس القرشي كان نائب رئيس القضاء في السودان ....
الاستاذه ست البنات يوسف ...
كل هؤلاء وغيرهم معالم بارزه في تاريخ الجزيره قديما وحديثا
ربما اختفى بعضهم من الساحه ولكن لكل حدث حديث ولكل وقت ناسه ونحن عموما ما ناس الزمن ده
مصعب الريح
28-03-2007, 07:31 AM
نتمني ان يأتي زمانكم في القريب العاجل لاننا كلنا ننتظره بأحر من الجمر
عصام الدين عموش
01-04-2007, 11:59 PM
يكفينا فخرأ نحن طلاب معهد التـاهيل التربوي للمعلمين الدفعة8 أن يكون مديرنا الأستاذ العملاق / يوسف جميل وهذ منذ ربع قرن مضى حينما لم يكن الناس بعرفون حتى أحياء ودمدني المجاورة لهم كنا نحن نعلم بهذه المنارة الشبارقة من خلال علمائها ومعلميها ( طبعاً ده غير الرأسماليين المالين سوق مدني من أهل الشبارقة )
ليكي الحق تفتخري
وليكي الحق تكتبي لفنار عالي
ما أنتو العلم بدري ..
وأنتو مفاخر أجيالي ....
ومايهمك كلام قالوا ... وقلم مبري
سيري في خطك الراسمهو طوالي
ونحن على المحك جنبك ولاد مدني .. وأصلو النيل فرق بين عمي وأخوالي
أخوك عصام عموش
بت الشبارقه
02-04-2007, 12:04 AM
لك الود الرائع عموش
دائما تاتي بالحديث الجميل
ود ام تريبات
02-04-2007, 05:26 AM
الرائعة بنت الشبارقة لك التقدير وخالص الود ... ولكل اللذين تسكنهم الشبارقة ويسكنونها ماشائوا من الروعة والامتنان ..
بت الشبارقه
02-04-2007, 06:51 AM
لك الشكر الجزيل ولام تريبات التحايا الصادقه
شبرقية
28-04-2007, 12:02 AM
بت الشبارقة انتي وين ???
ماقالوا في عنترنت في الشبارقة اها ابقي داخلة
يابت تعالي ورينا الحصل شنو في البلد والاتغير شنو والناس كيفنهن
ود الأصيل
15-05-2013, 09:58 PM
ود برتبيل وضح لماذا سميت بهذا الاسم ونفس السؤال لبت الشبارقه ماهوسبب تسميت الشبارقه بهذا الاسم
حبيبنا الغالي / ود الطاهر،
سؤالك وجيه جداً، لكن بس الإجابة
دايرة ليها بحث في شوارد من حظيرة /
بنت عدنان حيث (حدث و لا حرج) لو فتحناها ليك
لتعرضن عنا حتى نخوض في حديث غيره. هذا علماً
أن الأسماء لا تعلل. وكل زول عاجبو الصارو! فدونك مثلاً
هنا شاعر يتغزل في قريته بقصيدة عصماء حين يقول:
هِيَ (العُرَيْجَـاءُ)، مَا فِي رِجْلِها عَرَجُ
خَـضْــراءُ يَعْـبُـقُ في أَجْـوَائِـها الأرَجُ
لَكِنَّـهُ الاسْــــــمُ لا مَـــدْلُـولَ يَحْـمِـلُـــهُ
**** مِثْـل(الهُمَـيْـجِ)، فهَلْ سُكَّانُها هَـمَــجُ؟
و بالعودة إلى الشبارقة فلست غريباً عنها.و لي فيها
بنو عمومة ناس صلاح عبد الرحمن المهدي (ود المأذون).
و صحبان و معارف:ن ناس الزبير الياس و أبناء عبيد الاسد و
سليمان صديق و أخوه المرحوم عبد الرحمن و كمال
أبو ضرس و عمنا المهندس/ يوسف عبد الله
[size=5]و للأمانة فهي حاضرة لجزء مقدر من الريف الجنوبي الشرقي
لمدني و هي أم رؤوم للقرى والنجوع النائمة في حضنها من هنا و هناك:
(ناس الحرقة،المنقة،دوبة، القوز،الجميعاب، النهيواب، الرحيماب، الشدايدة ود عجبنا،
ود الركين،حفيرة ، الحريز و كمان لا عند المحكرة، و بهنا جبر والتنوبة و البقاصة و راما
و بابنوسة ، وأنت نازل على الجرابيع و العوضية الهجليج و حلة الناظر).و إن كان لابد لها
من مزاحم ينازعها الزعامة فهناك لاعبون آخرون كثر لا يقلون ثقلاً متل العريباب و الدناقلة
و الشريف يعقوب و أبو حراز ات و الحديبة، بل هناك من تضاهيها صيتاً و سمعة: ناس حنتوب،
تبمول ، هلالية ، الشرفة بركات ، ود راوة شمالاً. و عن الريادة فقد نشأ عداء تاريخي محتدم ما بين
الشبارقة وجارتها اللدود/ الدناقلة، يشبه أحداث رواية "قصة مدينتين"(Tale of Two Cities)لتشارلز
ديكن. و نحن كنا (شفع ثانوي عام) قمنا بمساعٍ جبارة لتلطيف حدة التوترات و رتق ما كاد يفسده الدهر
بين العلملاقتين. فمرة نظمنا يوماً ترفيهياً في غابة العفنة المجاورة لحلة فضل الله) جعمنا له ثلةً من أعيان
و وجهاء الطرفين، حيث جرى فيه عقد صلح و مؤاخاة ، بل توأمة بين الجميع حتى تفرقوا أخواناً بعضهم بأيدي
بعض ، بدلاً من تلابيبهم. و لعل من أبرز مظاهر اعتداد أبناء الشبارقة بشبرقيتهم إنو لمن قام كبري حنتوب،
سارع الشبرقية إلى نصب لوحة عملاقة فوق حنك الكبري طوالي جنب ضريح و مزار الفكي الصيني الشهيرة
(المربعات، حالياً) و كتبوا عليها بالبنط العريض(الشبارقة/ بوتسودان) مباشرةً، يعني راحو مهمشين كل المدن
الواقعة على الطريق، لا قضارف، لا كسلا ، لا حلفا،ناهيك من ناس هيا و لا خشم قربة و لا هم يحزنون. و أعظم شبرقي
كان أبونا يوسف ود جميل ناظر الخط و كان و احداً من أبرز رموز الادارة الأهلية الذي سبق و أوردنا نبذه عنه ضمن سلسلة
"خمائر سودنة"و سجلنا له مواقف نيرة و مآثر رائعة كرمز لنجاحات نظم الإدارة الأهلية في زمانه (الجميل)، و قلنا إنه كم كان
واعياً يوم أن استنسنة حسنة بألا يسمحلأي فتى شبر قي أو فتاة شبرقية بلغا االحُلُم بأن يتجاوز عمرهما أكثر منسن البلوغ
و هم في العزوبية ، فكان يجمع في حوشتكيته كل حاقٍ و حاقةٍ للزواج لمراسم عقد قرانهم جماعياً علىسنةالله ورسوله و على
غرار عرس الكورة . و من لم يكن ذا سعةب حيث يملك مهر عروسه حاضراً، كان يندفع جنيهين فقط من جزلان أبونا ود جميل،
و أنا أعرف شياباً و لا تزال مهور أمهاتهم ديوناً هالكة في بطون آبائهم إلى يومنا هذا. و من الطرائفأذكر لما جعفر نميري
جانا زاير لحدت كيلو 16 من مدني ، كان ينتهي عندالعريباب التي ذبح أهلوها عجلاً سميناً و له خوار، ثم خرجوا به
زرافات ووحداناً يصطفون على جانبي حتة ميزان الشاحنات الحالي ؛ وكمان بهناك ناس الشبارقة و تجار
الشريف يعقوب سمعنا قالو: طعمو ليك صهاريج البيارات، كابين فيهن شواويل سكر و حوالي كم
كرتونة عصير روزة (حتى الوضوء اليوم داك بقى بماء طهور بنكهة الفراولة).و لكن مع كل
التعب داك غلبت على ريسن و قائدنا الملهم عنصرية مقنعة، الظاهر دمو حن لأهله
الدناقلة فطار إليهم بهليكوبتر و نزل بساحتهم ، متجاهلاً كل تلك
الجموع الحاشدة للقائه بكل حفاوة الغبش.
*************&&&&&*************
[/
size]
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir