لعبة الغلوتيات ....... حل الغلوتية واكسب ربع جنيه

[ابراهيم]

دي لعبة اخترعتها حسي وعموماً هي حلوة بنستفيد منها كتير وخاصة الناس خارج السودان.

انا عندي غلوتية البحلها ليهو ربع جنيه جايزة تقديرية مني لكن على شرط اي واحد يحل غلوتية يكتب واحدة للبعدو ....

يلا حلو دي


اربعة واقفين ... واربعة راقدين ... والباقى مصارين ...

دا شنوووووووووو؟؟؟؟؟؟؟

ما تنسو في ربع جنيه
باااااااااااااااي

[مازن الجمّال]

دي الطعمية!!؟؟ :cool:

[admin]

والله يا راستا حالتك اريتها حالتي .. في الطراوة كلو كلو ياخي البتاعة دي ما تقرصها بعد دا اصلوا شنو شبع ..

يا ابراهيم دا اكيد العنقريب اربع واقفين ديل كرعين العنقريب والرقدين ديل مروق (جمع مرق) العنقريب والمصارين ديل الحبال .. جيب الربع جنيه وخلينا من حركات المصاروة دي

[ابراهيم]

ههههههههه والله يا راستا لكن يعني ما بسألك نهائي في الطعمية وزي ما قال ليك آدمن اقرصها شوية ولا فكها لي جارك هههههههه.

يا ابراهيم دا اكيد العنقريب اربع واقفين ديل كرعين العنقريب والرقدين ديل مروق (جمع مرق) العنقريب والمصارين ديل الحبال .. جيب الربع جنيه وخلينا من حركات المصاروة دي

كلامك صح يا آدمن دا العنقريب ، علا مالك مستعجل لي ربع الجنيه كدا الارباع دي بتتجمع في نهاية اللعبة أما بالنسبة لحركات المصاورة دي فمن عاشر قوماً 40 يوماً صار مثلهم او فر منهم وانا بيني وبينك الفرار دا ما بعرفو هههههههه عشان كدا بقيت زيهم.وبعدين طالبنك غلوتية لانو شروطنا البحل غلوتية يجب واحدة للبعدو..
لكم جميعاً تحياتي وجزيل شكرى على المشاركة

[admin]

دخل القش وما قال كش

دا شنو؟؟؟

[امير عبدالباقي]

يابكري ياخوي ماجيب واحده صعبه شويه
ده الضل
طيب خد دي
قالو في واحد عجوز عاويز يكتشف زكاء حفيدو قام اداهو 100جنيه
الجد قال للولد هاك القروش وجيب لي شي اكله واشرب منه وتسليني واكل حماري
تفتكرو الولد جاب شنو؟
تحياتي

[رهيب]

اصلة الولد مافكر في الجد فكر في الحمار

وقام جاب ( قلقت قش )

هههههههههههه

هاكم القلتية دي؟؟؟؟؟؟

حزر فزر ماهي ....

قرية خضراء بيوتها حمراء سكانها سود مفتاحها حديد ؟؟؟؟؟

يلى بسرعة حلها وادينه ماعندك

ولكم تحياتي ......

:D

[امير عبدالباقي]

بايخه يارهيب الحل البطيخه


يابكري ياخوي ماجيب واحده صعبه شويه
ده الضل
طيب خد دي
قالو في واحد عجوز عاويز يكتشف زكاء حفيدو قام اداهو 100جنيه
الجد قال للولد هاك القروش وجيب لي شي اكله واشرب منه وتسليني واكل حماري
تفتكرو الولد جاب شنو؟
تحياتي

[ابراهيم]

دي البطيخة والقبالة برضو بطيخة

دايرين حاجات صعبة شوية وبعدين الشغلانة فيها قروش وكدا يعني ربع جنيه يطلع من جيب العدو ساي

طيب هاكم دي


صفيحة الزيت فيها كم نقطة؟
.................................................. .........................................

:D تحياتي:D

[aborawan]

صفيحة الزيت فيها عشره نقاط
نقطة على حرف الفاء ونقطتين على حرف الياء ونقطتنين على التاء المربوطة ونقطة على حرف الزين ونقطتين على الياء وتاني اتنين على حرف التاء كده المجموع بعمل عشرة طوالي

هاكم دي

كم حيوان فيالصورة التحت دي
يلا همتكم يا شباب
http://www.latef.net/Picture/files/aborawan-1095678075.jpg

[ابراهيم]

أول حاجة يا ابو روان ليك تحياتي
وشكراً على اللوحة الجميلة لكن ، لكن داير اقول ليك حاجة دي ما بربع جنيه لانو ياخ انا بحسب اليوم كلو في والنهاية طعلت الاجبة

22 حيوان ، والله أعلم

[aborawan]

قرررررررررررررررررررررررررررررررررربت

[admin]

والله يا ابو روان كلام تلش دا صاح ما ممكن دي بي ربع جنيه .. عموما انا بقول 23

[aborawan]

والله حسب الاجابة العندي كلامك ده غلط بس صدقوني حايمين حواليها انتو
طبعا فى النهاية الله اعلى واعلم

[امير عبدالباقي]

الاخ ابوروان
خلونا ندخل الحراج بقول من20 الي 25 صح اه يابوروان ماتخزلنا
تحياتي

[aborawan]

مبرووووووووووووووووووووووووووووووووووووك والله اخوي امير كلامك سليم 100% والله اعلى واعلم

[ابراهيم]

اربع برتقالات عايزين نقسمهم على 3 اشخاص
بشرط ماف واحد ياخد اكتر من التانى


اها دي حلوها كيييييييييييييييييييييييييييف؟؟؟:confused:

[aborawan]

عندي حلين الاول واعتقد انو هو الصاح
اي واحد ياخد ليه برتقالة واحدة والرابعة اشيلا انا عشان حضرت القسمة

الثاني :
انو اى واحد ياخد برتقالة وثلث

[ابراهيم]

قرررررررررررررررررررررربت يا ابو روان
وبعدين نحن خارج القسمة هههههههههههههههههههه والارباع والانصاص ما داخلات معانا
تحياتي

[aborawan]

كده صعبتها شديد يا فردة :)

[نورا]

لووول انا عرفتها...
ادي الاول برتكانة والتلت برتكانة والتاني برتكانتين يبقى الاول والتالت ما اخدوا اكتر من التاني صااح؟؟؟

[ابراهيم]

كلامك صح يا نورا
مبررووك وحصلتي على ربع جنيه
وحظ أوفر يا ابو روان

لكن يا جماعة في حاجة ما ننساها قلنا البحل غلوتية يجيب غلوتية للبعدو

[aborawan]

يلا يا نورا منتظرين لغزك

[ابراهيم]

نورا ما جات يبقى طالبين منك غلوتية يا نورا ولا حيضيع منك ربع جنيه

طيب حلو دي

ما هو الفرق بين

شرطي المرور

والمنقة؟

[aborawan]

حيرتنا يا ود http://www.latef.net/Picture/files/aborawan-1096110025.gif

[امير عبدالباقي]

ابراهيم اخوي
والله حيرتنا لكن بحاول والامر لله
شرطي المرور بقيف في الاشاره الوان الاشاره هي احمر واصفر واخضر زي الوان المنقي
صح يابراهيم هي مجرد محاوله
لك تحياتي

[ابراهيم]

والله يا أمير محاولتك حلوة فعلاً دي علاقة حقيقية لكن ما القاصدا انا وعند خمستاشر قرش عشان المحاولة؟ وفي انتظار الاجابة الحقيقية

[امير عبدالباقي]

ابراهيم اخوي
والله حيرتنا لكن بحاول والامر لله
شرطي المرور بقيف في الاشاره الوان الاشاره هي احمر واصفر واخضر زي الوان المنقي
صح يابراهيم هي مجرد محاوله
لك تحياتي

[نورا]

سلالالالالام يا أخوانا معليييييش بس كنت مشغولة اليومين الفاتو ديل...
أها لكن الربع جنيه ده وينو؟؟؟ لووول
حسة حلو غلوتية ابراهيم حتى اجيب ليكم واحدة رهيبة بس أهم شئ تكونو شاطرين في الرياضيات:D

[نورا]

المنجة ممكن تتعمل عصير لكن الشرطي لا...لوووول

حل الغلوتية كده يا ربي؟؟؟:confused: ;)

[منتصر ميرغنى]

ممكن انا احاول احلها ليكم لكن شايف الربع ماوصل لحد طمنونى اول القروش استلمها كيف؟
المنقة بتتلحس وشرطى المرور بلحس
ولكم تحياتى

[admin]

انا اديك كم حل يا تلش

حل مصري:
شرطي المرور بأشر للسيارات بس المنقة هي نفسها بتتأشر

حل سوداني:
شرطي المرور بقيف في الصينية وهي دائرية بس المنقة بيضاوية

حل سعودي:
شرطي المرور مر (كلمة مرور جاية من المر) والمنقة حلوة

[ابراهيم]

والله كلكم حلولكم منطقية لكن برضو ما الحل المقصود
وبعدين يا آدمن رغم انو اجابتك ما المقصودة ليك ليك عندي نص جنيه للإجتهادات والحلول بكل اللهجات
ههههههههههههه

الحل يا جماعة














إنو
































شرطي المرور بصفر
والمنقة بتصفر
:D :D :D :D :D

[HAMADTO]

http://hamad2family.jeeran.com/nameofallah.gif

لعبة الغلوتيات ده لعبة جميلة يا ابراهيم احييك عليها ......


http://a3rak.jeeran.com/mubmubm-1068145754.gif

[aborawan]

يا ابراهيم انا كنت عارف الحل ده بس سؤالك هو الجهجهني لانك قلت الفرق بين شرطي المرور والمنقه شنو كان مفروض تقول ( وجه الشبه بين شرطي المرور والمنقه شنو )

[ابراهيم]

لوووووووووول
أنا ما لاحظت للغلطة دي أنا آسف على الغلطة المطبعية الحصلت ودي غلطة كبيرة بالمناسبة عموماً ليك ربع جنيه تبع الحل وربع تاني غرامة لي
ولكم العتبى حتى ترضو

وفي انتظار غلوطياتكم

[ابراهيم]

تسلم يا آدمن حمدتو وألف شكر
وحقيقة دا قليل مما اتعلمناه من عباقرة المنتدى فكلهم أرقام تستحق الاشادة


:D :D :D

[امير عبدالباقي]

هاكم الغلوتيه دي
في10 تنفار و9 سراير وعاوزين كل واحد في سرير
يلا شباب

[نورا]

لووول حلوة..هاكم دي طيب

ماهو وجه الشبه بين الحمار والفار؟؟

[نورا]

اووووه آسفة شديد ما شفته في غلوتية قبلي...معليييش
حلو ديك وبعدين حقتي:)

[ابراهيم]

والله يا أمير قدر ما حسبتها غلبتني

ماف اي خيارات؟

:D :D :D :D

[elshaigi]

سلام جاكم كلكم
ارجو الحل على مهلكم وما تستعجلوا واللي حيحل ليهو جائزة مني قيمة بس انا طبعاً في ليبيا يعني بعد ما اجي السودان سوف احضرها له معي
يلا شوفو **

في واحد ماشي في الشارع لقي اتنين متشاكلين وقام زولنا عايز يحجزهم فقال ليهو واحد منهم يزول انت مالك ومالنا التحشر ليك شنو هو خالي وأنا خالو
عاوزين نعرف كيف كل واحد يكون خال التاني ؟
مع تحيات/الشايقي من ليبيا:p

[امير عبدالباقي]

ابراهيم اخوي والله مافي خيارات لكن بسيطه بس فيها شويه لعبه وكده
حاول

[aborawan]

هم 10 تنفار و9 سراير طبعا تن فار يعني رقم عشره فارمن فر يفر كده ببقوا من العشرة تسعه وبقوا بعدد السراير ده حسب تنظيراتي يا امير اها صاح ولا غلط

[امير عبدالباقي]

ماده المقصود ابوروان طيب10 اخوان لكن قربته منها حاول مره تانيه

[ابراهيم]

أمير يا اخوي والله انا تعبت بفكر

كدى حاول تسهل الشغلانة شوية

:D :D

[نورا]

ما يكون فيهم اتنين توأم ملتصق؟؟ :rolleyes:

[امير عبدالباقي]

شنو ياابراهيم خليك صبور وفكر شويه
نورا عسل والله ؛ والله قطعتي مصاريني بالضحك


اقوليكم وابسطه شويه زي ماقالت نوره ابدو بنفرين لكن هم مامتلصقين زي ماقالت نورا
اه وروني شطارتكم

[نورا]

امير حسة انا سحابة الغباء معششة فوق نفوخي والله بقيت ما قادرة أفكر
لوووول...
أسمع بعد يحلوا حقتك حلو حقتي كاتباها في الصفحة القبل دي...وممنوع منعا باتا اصحاب الآلات الحادة من سكاكين وغيره...:D

اها آخر محاولة...
آآآآآ.....تنفار....تن عشرة بالعربي..يعني نمرة عشرة جرى بقو تسعة..كده كيف؟؟:eek:

[ابراهيم]

اخوى يا أمير والله الشغلانة ادتني احساس بالغباء العوير

ههههههههههههه

خلاص فكنا عليك الله

[امير عبدالباقي]

يلجماعه مالكم قلتو الروب بدري
طيب اسمعو الحل
الارقام التحت السراير

1 نخت نفرين في السرير ده





2 النفر رقم 3 هنا



3 والنفر رقم4 هنا

4والنفر رقم5 هنا

5والنفر رقم6 هنا

6والنفر رقم7 هنا

7والنفر رقم8 هنا

8والنفر رقم9 هنا


وفي السرير الاول في نفرين الاول والعاشر نشيل العاشر ونخته في السرير التاسع خلاص


شنو مش ساهله يااخوان
طيب البلاده شنو

[aborawan]

امير ده الحل ولا ده لغز جديد :D:D

والله اخير منها كان ما تحلها

[ابراهيم]

ههههههههههههههه

والله بالغت يا امير لكن حلوة منك

نشوف اللغز بتاع نورا





ماهو وجه الشبه بين الحمار والفار؟؟

[aborawan]

وجه الشبه انهم الاتنين دمهم تقيل

[امير عبدالباقي]

وجه الشبه بين الحمار والفار
اخرهم الف ورا

[ابوقيس]

الصورة والله حلوة

واظنهم 25 والله أعلم

[نورا]

قاعدين تحلوا في حقتي؟؟:eek
ووب علينا الفليق بدا...اسمعوا أنا ما مسؤولة عن أي آثارجانبية للغز ده...



أها اجاباتكم كلها ماااا صح..:D :

[نورا]

امير على فكرة يطرشني كان فهمت حلك كنت فاهمة اللغز أكتر منه:confused:
:D

[ابراهيم]

حمد عرس أم سعد جابو ولد اسمو فهد
وسعد عرس أم حمد جابو ولد اسمو رعد
فهد ببقى لي رعد شنو

وعلي المستمعين في بقية الولايات مراعاة فروق الوقت



اها ورونا شطارتكم

[ابوقيس]

فهد يبقي لي رعد عمه اخو ابوه ود امه

فهد ود اخو رعد بي امه


اراد امير الامراء ان يحفر بئراً في الصحراء فكم راء في ذلك

يلا ياشطار

[aborawan]

يا سيد سمعة ذلك مافيها ولا راء :):)

[wadmadani]

يبقو لي بعض اولاد خاله شقيايق من ولد عمهم







مجرد مشاركه يا ابراهيم



واجمل تحيه

[خالد حمد موسى]

التحيه لكل اعضاءالمنتدي علي المشاركات الطيبه..
اودان اطرح اليكم سوالي وهوشبيه بالغلوتيه والسوال هو..
خمسه اشياء خلقت من غيررحم ماهي...

[امير عبدالباقي]

خالد الاشياء التي خلقت من غير رحم هي
1/ سيدنا ادم
2/ امنا حواء
3/ كبش فداء سيدنا ابراهيم
4/ الناقه التي ارسلت الي اليهود
5/ عصا موسي



صح

[ابوقيس]

صح ياأمير

وانا سؤالى ليكم

واحد دخل حديقه طيب

قطف ليه كم ليمونه ولمن جاء طالع قابل سبعه حراس

كل حارس بيقابله بديه نص الليمون والحارس بيرجع ليه واحده

لمن طلع نهائي كان طالعه بنفس كميه الليمون القطفه من الجنينه

الزووول ده قطف كم ليمونه؟؟

[خالد حمد موسى]

اديك الف عافيه اخوي اميركلام صح ..لك جائزه ريال وربع..لكن مطالب بواحده لانوانت حليت لازم تسال والان الفرصه لك...

[ابراهيم]

يبدو لي سبعة ليمونات والله أعلم

[تورنادو]

طيب يا ابراهيم خذ هاذي من السعودية عندنا

(حمزة طقش طاح وانفقش)

ايش معناها ؟؟؟؟

يالله وروني الربع جنيييييييييييييييييييييييييه

[ابراهيم]

شنو يا جماعة مافي زول عرفها ولا شنو؟

[marwa]

fahed '7al ra3ed

[ابراهيم]

يا مروة قربتي معليش ضاع عليك ربع جنيه لكن المشتاق كلامك صح ليك مني ربع جنيه

[ابراهيم]

كيفكم ان شاءالله تمام

جيناكم تاني

عباره عن لغز والبتوصل لي حل يجيب لينا لغز أوكي

يالله نبدأ

*
8

*
8

*




انشدك عن رجل صغير مقاسـه
يسير في بطنه ملاييـن الانفـار
له دور واضح بـارز بالسياسـه
وله في قضايا المجتمع كل الادوار
لو ترسله على الجبل شال راسـه
ياللاسف لو تنفخه بالنفس طـار

[marwa]

allo'3z ana zaty ma fehemto ya ebraheeeeem
b3deeeeeen '7ly alrob3 7'neeeeeeh m3ak l7dy ma asl llmelyoon

[ابراهيم]

دققي في الكلام يا مروة حتعرفي اللغز عشان ما تضيعي الربع

وماف مشكلة بخليه معاي لغاية ما يبقى مليون جنيه

[الزمن المريح]

السلام عليكم

اعتقد ان الفرق ان المنقة تؤكل و الشرطى يأكل !!!!! ديه بالنسبة للمنقة

و هاك حل ديه و لك هدية قيمة

ثلاثة من اكلت لحوم البشر و ثلاثة آدميين ( بشر ) و قفوا على نهر يريدون العبور و لديهم معدية واحدة تحمل داخلها كحد اقصى شخصين لا اكثر.
و عليك ان تعرفى ان آكلى لحوم البشر اذا تغلب عددهم فى البر او البحر و لو بواحد على الادمين سوف يقضون عليهم ، مثال


اذا كان فى احدى ضفاف النهر ادميين و ثلاثة آكلى لحوم البشر لانقضو عليهم و قتلوهم ارجو ان اكن توفقت فى توصيل الفزورة

[marwa]

طيب
اول حاجه يركب ادمي وغير ادمي
يرجع الادمي وياخد غير الادمي

يرجع تانى يشيل ادمى يختو ويرجع غير ادمى
يشيل ادمى ويعبر بيهو
كدا يكون اتبين ادمي واحد غير ادمى عبروا واتنيين غير ادمي لسه
يرجع يشيل كل مره واحد

[ابراهيم]

اها صح ولا ما صح يا الزمن المريح؟

[ابراهيم]

جيناكم يا حبايبنا ...


اللغز هو :

ملكين فوق ككر

واحد غاب والتاني حضر





دي يا جماعة البحلها ليه جائزة رمزية معنوية

[marwa]

nfsero y3ny

[ابراهيم]

ايوة يا مروة انا راجي الحل

[ابراهيم]

شنو يا جماعة ماف ولا زول عبرني
:mad:

[ابراهيم]

بعد غيبة نعود:
حل الغلوتية السابقة
الشمس والقمر

[ابراهيم]

كلمة مكونة من خمسة حروف اذا قرأتها من اليمين الى اليسار تجدها اسم لمدينة سودانية مشهورة
واذا قلبتها من اليسار الى اليمين تجدها كلمة بمعني التعب و الفتور فما هي؟

يلا يا شباب ما يفوتكم ربع الجنيه
بعدين ربع الجنيه سعرو مرتفع اليومين ديل

[ابراهيم]

دخل القش وما قال كش

دا شنو؟؟؟

اخوى الصغير عايز يشترك في المسابقة


قال ليك دة جون قرنق