النسابة

[رضا حسن محمد]

ليه دايما فى مشكلة بين النسابة
بين ام الزوج والزوجة
فى الدول العربية وفى السودان بالاخص
وهل ان ام الزوج بتفتكر انها تعبت فى الولد وانو مرتو اخدتو جاهز
ام ان المراة بتفتكر انو الراجل دةما فى زول يشاركها فيهو
وليه بعض المدامات ( اريتم ما مداماتى ) بغنو :
امو تتوفا رجالة كدة واولع الحفرة رجالة كدى

[سواااح]

عزيزي رضا ..

يعني لازم تولع النيران
ما كفاية انها مولعة في البيوت
لكن عموما اعتقد ان حل الخلافات
بين الاهل والزوجة يكمن في ان الزوج
يستقر في منزل منفصل وخاص به
بعيدا عم اهله واهل زوجته

دمــــــــــــــــت ،،

[الفارس البنفسجي]

الأخ رضا حسن محمد

تحياتي لك ، موضوعك
مشكلة إجتماعية بعاني منها
المجتمع السوداني كتير ، لي
درجة إنها بقت وجبة من وجبات
المائدة السودانية.
والملاحظ ان الغير متعلمين
والمتعلمين في سلوكيات النسابة
كلهم سواء ، عداء عزيزي استحكم
في نفس حواء.وهو متجزر في عالمنا
الشرقي بي شدة.
وزي ما قال اخونا سواح المشاكل بتظهر
لمن الناس كلها تسكن مع بعض.
ودا السبب اللي ما بخليها تظهر في المجتمعات
الغربية.
والمشكلة دي من المشاكل اللي لازم
يحلها الزمن والظروف للأسف الشديد.

معاً يا أخ رضا لنزيد من مساحات الرؤية
ولنزيل العتمة والضباب من زجاج النوافذ.

[meshanshow]

نسابتك بتحبك

[رضا حسن محمد]

عزيزي رضا ..

يعني لازم تولع النيران
ما كفاية انها مولعة في البيوت
لكن عموما اعتقد ان حل الخلافات
بين الاهل والزوجة يكمن في ان الزوج
يستقر في منزل منفصل وخاص به
بعيدا عم اهله واهل زوجته

دمــــــــــــــــت ،،
سواح الانيق
كلامك فى محلو
زمان يابا صديق الله يرحموا قال البيت بشيل 100راجل لكن ما بشيل مرتين

[رضا حسن محمد]

الأخ رضا حسن محمد

تحياتي لك ، موضوعك
مشكلة إجتماعية بعاني منها
المجتمع السوداني كتير ، لي
درجة إنها بقت وجبة من وجبات
المائدة السودانية.
والملاحظ ان الغير متعلمين
والمتعلمين في سلوكيات النسابة
كلهم سواء ، عداء عزيزي استحكم
في نفس حواء.وهو متجزر في عالمنا
الشرقي بي شدة.
وزي ما قال اخونا سواح المشاكل بتظهر
لمن الناس كلها تسكن مع بعض.
ودا السبب اللي ما بخليها تظهر في المجتمعات
الغربية.
والمشكلة دي من المشاكل اللي لازم
يحلها الزمن والظروف للأسف الشديد.

معاً يا أخ رضا لنزيد من مساحات الرؤية
ولنزيل العتمة والضباب من زجاج النوافذ.
ازيك يا بنفسجى
انا اظن ان النساء هن اساس المشكلة مع حبنا الشديد لهن والمثل بقول : الشيطان استاذ الرجل وتلميذ المراة
شكرا على التواصل

[رضا حسن محمد]

نسابتك بتحبك
Meshanshow سلام يا فردة
نسيبتى الله يرحمها كانت تحبنى جدا
انت شكلك نسيبتك بتحبك او حتحبك لو ما كنت متزوج
شكلك بكاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااى
سلملم

[mamdoh]

لوكانت مشاكل وخلافات كويس بين اهل الزوجين ,بس لو كان هناك مشي للفقرة والمشايخ عشان يعملوا ليه شي يكون تحت معيت بنتهم أو ولدهم ,ده مابنقبلوا منهم ده عين التخلف؟؟؟؟؟؟؟؟

[خالد هاشم علي]

أخي رضا...
لك التحية والتقدير...( ياجار وباخل بالزيارة )...
في إعتقادي أن الحل في يد الطرفين ( الزوج والزوجة) والحل هو ( الإحترام والتقدير) فلو الراجل تربي علي إحترام الكبير واحترام والديه فبالتالي حيحترم والدة زوجته ويوقرها... وكمان لو الزوجة اهلها ربوها علي الإحترام والتقدير فبالتأكيد حتعتبر والدة زوجها في مقام والدتها تجلها وتقدرها... وكمان احترام الزوجين لي بعضهم وتقدير أشيائهم ومحاولة أرضائهم لبعضهم البعض وخلق جو نقي وصحي للطرفين حتي تمتد العشرة..
وفي إعتقادي لو لا قدر الله وحصل التصادم والمعركة بين الزوجة وأم الزوج فهي معركة خاسرة مية في المية بالنسبة للزوجة ( ده لو كان الزوج راجل متربي وعارف حقوق والدته عليهو) عشان كده حقو الزوجات يعتبروا النسيبة ( أم ) ليهم وماحيخسروا...

[مدنيّة]

ماعارفة لكن دايما انا بقول انه الحاجات دي بيد الزوج
بيده انه يبقي المسيطر علي الامور
وبيده انه يدع نفسه للاخرين عشان يسيروه

وفي الاول والاخر اللي ماعنده خير في اهله ما عنده خير في اي كائن

[Madanawi]

يا رضا انا اعتقد انها حمى وعدوى تنتقل عبر الجينات من جيل انثوي الى آخر ،،،

[رضا حسن محمد]

لوكانت مشاكل وخلافات كويس بين اهل الزوجين ,بس لو كان هناك مشي للفقرة والمشايخ عشان يعملوا ليه شي يكون تحت معيت بنتهم أو ولدهم ,ده مابنقبلوا منهم ده عين التخلف؟؟؟؟؟؟؟؟
ممدوح الراقى
كلنمك فى السلك والبمشى للفقرا دة متخلف ومريض وما عندو ايمان
شكرا جميلا

[رضا حسن محمد]

ماعارفة لكن دايما انا بقول انه الحاجات دي بيد الزوج
بيده انه يبقي المسيطر علي الامور
وبيده انه يدع نفسه للاخرين عشان يسيروه

وفي الاول والاخر اللي ماعنده خير في اهله ما عنده خير في اي كائن
مدون سلامين
البسيروه دة اريتو ما اخوى ، والراجل البسيرو يوم العرس ما مشكلة لكن غير كدة دة راجل التابا
سلام يا طيبة

[رضا حسن محمد]

يا رضا انا اعتقد انها حمى وعدوى تنتقل عبر الجينات من جيل انثوي الى آخر ،،،
وانا ارى نفس رايك يا السمح
وانا ارى ان نغير اسمك الى بركاتاوى زى ما قال ابو النيز
سلام رايق زيك

[نزار حسن محمد]

رضا .. كنت .. داير الرد عليك لكن نسيبتى طالبنى فى التلفون برد عليها بعدين بجيك ...

[رضا حسن محمد]

أخي رضا...
لك التحية والتقدير...( ياجار وباخل بالزيارة )...
في إعتقادي أن الحل في يد الطرفين ( الزوج والزوجة) والحل هو ( الإحترام والتقدير) فلو الراجل تربي علي إحترام الكبير واحترام والديه فبالتالي حيحترم والدة زوجته ويوقرها... وكمان لو الزوجة اهلها ربوها علي الإحترام والتقدير فبالتأكيد حتعتبر والدة زوجها في مقام والدتها تجلها وتقدرها... وكمان احترام الزوجين لي بعضهم وتقدير أشيائهم ومحاولة أرضائهم لبعضهم البعض وخلق جو نقي وصحي للطرفين حتي تمتد العشرة..
وفي إعتقادي لو لا قدر الله وحصل التصادم والمعركة بين الزوجة وأم الزوج فهي معركة خاسرة مية في المية بالنسبة للزوجة ( ده لو كان الزوج راجل متربي وعارف حقوق والدته عليهو) عشان كده حقو الزوجات يعتبروا النسيبة ( أم ) ليهم وماحيخسروا...
خالد الجميل سلام
انا اتصلت عليك وجيتك فى مكتبك وما حصلتك
عشان كلامك السمح دة مسالة الاختيار دى مهمة
شكرا على كلامك العميق

[عماد عبدالشكور]

انا نسيبتي عندها اهتمامات (عنكبوتية) يعني ممكن تخش علينا هنا وتشوف البنكتبوا دا عشان كدا انا بقوووووووووول
بدون تعليق

[مدنيّة]

انا نسيبتي عندها اهتمامات (عنكبوتية) يعني ممكن تخش علينا هنا وتشوف البنكتبوا دا عشان كدا انا بقوووووووووول
بدون تعليق


هههههههههه
غايتو ياعماد الله يديك العافية

[همسة شوق]

انا بثنى على كلام كل الحبايب الذين ادلوا بأرائهم
وبقول الحاجات دى كلها بى يد الزوج
( بس اوع من ضبح الكديسة )
وانا الحمد لله نسيبتى بتموووووووووت فينى

[بورتبيل]

امتنع عن التعليق!!!!!

[مختار بازى]

الحاصل شنو يا جماعة خوفتونا

[رضا حسن محمد]

رضا .. كنت .. داير الرد عليك لكن نسيبتى طالبنى فى التلفون برد عليها بعدين بجيك ...
ما بتقصر يا الكاردلب
يا الكل ما تزعل مرتك تشترى ليها دهب
( اها دة كلام النسابة ذاتو )

[رضا حسن محمد]

انا نسيبتي عندها اهتمامات (عنكبوتية) يعني ممكن تخش علينا هنا وتشوف البنكتبوا دا عشان كدا انا بقوووووووووول
بدون تعليق
الليييييييييييية يا عمدة شيل شيلتك

[رضا حسن محمد]

[QUOTE=بورتبيل;160439]امتنع عن التعليق!!!!![/
Pourqou pas
انا رديت ليك بالفرنسى عشان ما تعمل فيها مطقق التنقليزى

[رضا حسن محمد]

الحاصل شنو يا جماعة خوفتونا
الحكومات قوية يابازى

[مدنيّة]

ما بتقصر يا الكاردلب
يا الكل ما تزعل مرتك تشترى ليها دهب
( اها دة كلام النسابة ذاتو )




هسي مالك علي نزار دا عايز تعمل ليه مشاكل :o

غايتو يارضا اريتك ما اخو غسان :cool:

[رضا حسن محمد]

انا بثنى على كلام كل الحبايب الذين ادلوا بأرائهم
وبقول الحاجات دى كلها بى يد الزوج
( بس اوع من ضبح الكديسة )
وانا الحمد لله نسيبتى بتموووووووووت فينى
شكرا على الكلام الطيب الجاى من زول طيب

[رضا حسن محمد]

هسي مالك علي نزار دا عايز تعمل ليه مشاكل :o

غايتو يارضا اريتك ما اخو غسان :cool:


اها يا مدنية انديك الشمار دة
انا اصلو خشمى خفيف
شفتى اخوانى كلهم عينى عليهم باردة بخافوا من نسوانم جنس خوف
وكان شفتينى انا رغم انو المرة مجكسة مما كنا طلبة فى جامعة الخرطوم لكن انا الامر الناهى
ههههههههههع
انا البوبار الما بسكن فى الايجار
انا المغطى وملان شطة
انا الكعب
ههههههههههههههههههههههههههع

[زهرة الشمس]

بسم الله الرحمن الرحيم
وبه نستعين
قضية المشاحنات الاجتماعية في جو الأسر الحديثة التداخل الاجتماعي كالنسابة مثلاً قضية منذ الأزل
فروح الغيرة ممزوجة في كل صفات النساء
فحينما تصف المرأة بالحنان لا بد أن تسبقها بالغيرة
وحينما تصفها بالشفافية لا تنسى الغيرة
وحينما تتذكرها بالضعف والعاطفة الجياشة أضف الغيرة
هكذا هي حواء
بمعنى أنه لا يمكن إلغاء أو إزالة أو تغييب الغيرة كحاسة من ضمن الحواس أو كشعور أساسي ينتاب كل حواء

ولكن لنتحدث عن ايجابيات الغيرة ولنترك السلبيات إن أردنا أن نعالج القضية بموضوعية ولنبرز بوادر الإيمان وأن الكلمة الطيبة هي مصدر الرأفة والتوادد والتراحم وأن لا شيء يدوم لإنسان ما سوى الكلمة الطيبة ومواقف العشرة الجميلة والحسنة
كيف نجعل هذه الغيرة مدخلاً لعلاقة جميلة بين الزوجة وأهل زوجها فالمسئولية لها وحدها وهي الدخيلة الجديدة عليهم وليس هم من تداخلوا بأسرتها
أي أنها هي الوحيدة التي تستطيع أن تقرب المسافات أو تبعدها
تشد وترخي
وهي المسئولة عن التجاذب والتضاد بعقلانية مطلقة طبعاً
ليس معناه أن يبتعد الزوج وأن يتفرج ولكن الحكمة والعقلانية لها دور فلا ينهي دوره القديم في حياة أسرته وعائلته بمجرد أن تزوج وأن يبقى كما كان سابقاً مع والدته وأخواته حنوناً رءوفاً عطوفاً
وصحيح أن السكن مع الأهل قد يكون سبب أو عامل يستثير المشاكل ولكنه ليس شرط أساسي طبعاً والدليل أن الكثير من الخلافات تحدث وكل في منزله وبحياته الخاصة وقد يكونوا في مدن بعيدة كل البعد عن البعض وقد لا يتلاقوا إلا في المناسبات ولكن يبقى الشجار هو الغالب على تلك العلاقة
أما الزوجة فعليها أن تبدأ بإظهار جوانب الصداقة حتى تكسب القلوب وتأسر العقول إلى درجة إن حدث موقف ما بينها وبين زوجها فأهله أنفسهم لا يرضون أي أذي يلحقها أو إساءة تتعرض لها حتى من ابنهم نفسه
وليتذكر الناس .. كل الناس.. الزوج .. الزوجة.. أهل الزوج.. أهل الزوجة بأن الدنيا لا تستحق تعكير النفوس مهما كانت هذه النفوس شريرة
كل البشر لهم نزعتان
نزعة خير ونزعة شر
لما لا يقوم الناس أنفسهم حتى تطغى وتسيطر نزعة الخير على مقاليد الأمور وتصبح هي المحرك الأساسي للتعاملات؟؟
ولا ننسى بأنه كما تدين تدان وكما تزرع سوف تحصد
أما الزوجة وبصفة عامة (ودون إجحاف في حقها أو إجبارها على الخنوع والضعف والاستسلام والذل) فمهما كان الوضع خطيراً أو متأزماً من حولها فلا يجب أن تصل الأمور إلى حد المهاترات والانفعالات والمناقشات الحادة ولتبرر أن كل ما يحصل ما هو إلا بوادر غيرة عادية يمكن أن تصدر من أي أنثى حتى وإن كانت منها هي شخصياً ولإحدى زوجات إخوتها
وعليها أن تتحلى بالصبر والإيمان وأن تداوم على الدعاء بتهدئة النفوس وتغيير الحال إلى ما هو أفضل وأن تلتزم الهدوء والتأني في إطلاق الأحكام على تصرفات من هن حولها وأن تبدأ ردة فعلها مهما كانت المواقف بالابتسام وأن تحفظ أسرار أهل الزوج ولا تقدمها لزوجها باستفزاز وخبث بقصد إشعال فتيل المشاكل وأن تقدم النية الطيبة والحسنة إن لم يكن لأهل زوجها فمن أجل الله سبحانه وتعالى
(كل ما سبق من تعاملات يجب أن ينطبق بالحرف الواحد على كل زوج متداخل مع أهل زوجته)

[رضا حسن محمد]

زهرة الشمس سلامين
كلامك موزون وخاتى اللكنة
مالك دايرانى اغير رائى انو الشيطان استاذ الرجل وتلميذ المراة
رائى الجديد :
ان الشيطان بيتعب شديد مع الملائكة الزيك
اديك الفى مرادك

[سامر حسن]

نداء الى أولاد أمي ...
قاطعوا رضا ...

قالوا الـ(...) لا تهازروا لا تخليهو يهازرك .... والـ(...) في ذمة الواعي ...
كلام جد:
أنا شخصيا بقول الأصل في الموضوع الحب .. لو صادق بستوجب احترام وحب كل من له صلة بطرفك الآخر يعني علي الطرفين لو صادقين في الشئ ده أنهم يدمجوا الأسرتين في بعض بشكل يضمن التجانس والترابط .. ربنا سبحانه وتعالى قال:( شعوبا وقبائل لتعارفوا) صدق الله العظيم .. لو احتسبنا الحاجات دي عند ربنا بتتسهل ... يا ناس حبوا بعض شديد ..حبوبتي عزنا بتقول أمك من يد ومرتك من يد .. أنا النصيحة بجتهد شديد أنو أمسكم يدين بعض وأمشي أحضر التلفزيون


مودتي

[مدنيّة]

نداء الى أولاد أمي ...
قاطعوا رضا ...

قالوا الـ(...) لا تهازروا لا تخليهو يهازرك .... والـ(...) في ذمة الواعي ...
كلام جد:
أنا شخصيا بقول الأصل في الموضوع الحب .. لو صادق بستوجب احترام وحب كل من له صلة بطرفك الآخر يعني علي الطرفين لو صادقين في الشئ ده أنهم يدمجوا الأسرتين في بعض بشكل يضمن التجانس والترابط .. ربنا سبحانه وتعالى قال:( شعوبا وقبائل لتعارفوا) صدق الله العظيم .. لو احتسبنا الحاجات دي عند ربنا بتتسهل ... يا ناس حبوا بعض شديد ..حبوبتي عزنا بتقول أمك من يد ومرتك من يد .. أنا النصيحة بجتهد شديد أنو أمسكم يدين بعض وأمشي أحضر التلفزيون


مودتي


تعرف يا سامر بالجد حبوبتك دي جابت اللي فيها الفائدة ولو فعلا الواحد بيعمل كدا بيمسك زوجته بيد وامه بيد ما كان بتكون في خلافات بس للاسف بتلقاه ماسك في يد واحدة وفي الغالب الاعم بتكون يد زوجته وامه خلا راحت عليها

[عصام هبار]

الجعلي المحكوم ....المّسير...ومامخير...والمشكلة الكبرى ......انك ما عارف
بصراحة المشكلة دى حقيقية والواحد لازم يوازن بين حقوق الطرفين
وذى ما قالوا الام مافيها لعب ......ماشايف اخوك ضافر جماعتوا كيفن

[نزار الكاشف]

ليه دايما فى مشكلة بين النسابة
بين ام الزوج والزوجة
فى الدول العربية وفى السودان بالاخص
وهل ان ام الزوج بتفتكر انها تعبت فى الولد وانو مرتو اخدتو جاهز
ام ان المراة بتفتكر انو الراجل دةما فى زول يشاركها فيهو
وليه بعض المدامات ( اريتم ما مداماتى ) بغنو :
امو تتوفا رجالة كدة واولع الحفرة رجالة كدى

يا رضا
انت بتقول الكلام ده لشنو
واهلنا زمان قالو

الجمرة بتحرق الواطيها

وانت شكلك محكوم حكمة شديدة خلاص
اعفي لي انا جيت شوفت بي عيني
ما حكو لي
وبعدين انت زعلان لشنو انت جايبو من عندك ما
كلهم كدة
والله مشتاقيييييييين عديل
اخوك

[رضا حسن محمد]

الجعلي المحكوم ....المّسير...ومامخير...والمشكلة الكبرى ......انك ما عارف
بصراحة المشكلة دى حقيقية والواحد لازم يوازن بين حقوق الطرفين
وذى ما قالوا الام مافيها لعب ......ماشايف اخوك ضافر جماعتوا كيفن
اريت ضفرتك ما ضفرتى
انت نسيبك الكجر اكيد تكون مكجر
انت وسامر انا منكم وابرى منكم
بالمناسبة يا هبار انت الطلعت فينى اشاعة انو انا مهروش وقايل نفسى ماسك الرسن

[رضا حسن محمد]

يا رضا
انت بتقول الكلام ده لشنو
واهلنا زمان قالو

الجمرة بتحرق الواطيها

وانت شكلك محكوم حكمة شديدة خلاص
اعفي لي انا جيت شوفت بي عيني
ما حكو لي
وبعدين انت زعلان لشنو انت جايبو من عندك ما
كلهم كدة
والله مشتاقيييييييين عديل
اخوك
افو يا ابو النيز
انت شفت بعينك ما تطلع النصيحة
بعدين ما كلهم كدة
افو يا ابو النيز
انا جدى كاتل ليهو اسد
افو يا ابو النيز
انا البوبار
انا موية النار
ما تعرف كلامى جد ولا هزار
طبعا انتو الجيل بتاعكم البقول والله اورك الخضرة لكن ما بفركها
سلام يا زول جميل
تشبه النيل
تشبه مدنى عديل

شفتا امس الهلال دة رشا الفلاتا ديل كيف
ونن دورو واكا شيقى ( دى معناها الفلاتا يشتموت الحكم )

[بورتبيل]

شفتا امس الهلال دة رشا الفلاتا ديل كيف
ونن دورو واكا شيقى ( دى معناها الفلاتا يشتموت الحكم )

يا رضا الهلال دش الجماعة درش جد
بس موضوع الهلال دا وانحلينا منو
الله يحل الباقيين من ناسبتم.... اقصد من ناس الجزائر

[رضا حسن محمد]

يا رضا الهلال دش الجماعة درش جد
بس موضوع الهلال دا وانحلينا منو
الله يحل الباقيين من ناسبتم.... اقصد من ناس الجزائر
الله يجازيك يا الاستاذ ضحكتنى
ياخ انا اليلة مع المريخ وسودانا فوق