الغالية بت الشبارقة ضيفة خفيفة الظل علي الكرسي الساخن

[مدنيّة]

http://www.asmilies.com/smiliespic/FAWASEL/005.gif (http://www.asmilies.com)
http://www.asmilies.com/smiliespic/txtsmall/aaa0asmilies.gif (http://www.asmilies.com)



الإخــــــــوة الأعـــــــــــــــزاء .

مرة أخرى نلتقيكم في رحاب هذا الملتقى

ضيفتنا اليوم أخت عزيزة وغالية علينا..
دخلت إلى قلوبنا بسلاسة وسرعة
وتحمل بين طياتها الكثير الكثير
فيسعدنا جميعاً أن نستضيفها لأيام وأيام
بدءاً نتركها تتحدثاً قليلاً معرفةً بنفسها ..
<center><font color="red" size="5">
<DIV STYLE="width: 504; height: 108; filter: wave(strength=4, freq=2, lightstrength=40, add=0, phase=20)">
<p align="center">
<marquee direction="up" height="198" scrollamount="2" width="337">

بت الشبارقة<a href=""></a><a href=""></a>
</marquee></DIV></FONT>

<bgsound src="http://www.sudaneseonline.com/SudaneseMusic/music/manal/manal@sudaneseonline.com.mp3" loop="-1">



http://www.asmilies.com/smiliespic/FAWASEL/005.gif (http://www.asmilies.com)

[مدناوية]

أهلين ومرحبتين بت الشبارقة ،،،
ربنا يهون عليك ويبرد عليك الكرسي الساخن,,,,
ويحلك بالسلامة منو ،،،

ولنا لقاء أخر ،،،،


وربنا يديم المعروف,,,,

[الفارس البنفسجي]

http://www.asmilies.com/smiliespic/FAWASEL/003.GIF (http://www.asmilies.com)
انه تشريف للمنتدى العام
قبل أن يكون تشريفاً لبت الشبارقة
تلك الفتاة الشبارقوية التي دخلت
في قلوب الجميع.


تلك الفتاة التي هلت علينا بأغنية
حمد الريح

الليلة جيت شايل الفرح
قصدك تعوضي اللي فات

فنقول لها


http://www.asmilies.com/smiliespic/ar_welcome/3.gif (http://www.asmilies.com)


ونأمل أن يكون هذا الكرسي قليل الرماد كثير الحطب
http://www.asmilies.com/smiliespic/FAWASEL/003.GIF (http://www.asmilies.com)

[سواااح]

بت الشبارقة ..

دعي الشمس تلبس حُلة من رونق بهارك

وطرزي من خيوطها .. ثوباً

ملؤة الجمال والتفرد والصفاء

ابقي دوما بخير اختي

[نزار حسن محمد]

مرحبتين حبابك واليوم السعيد الليله جابك يابت الشبارقه.. مايغشك ترحيب الجماعه ديل بس داير اذكرك فى حاجه كانت وقعت بتكتر سكاكينه ...دى شنو ياربى ... ابقى داخله لجوه ..وربنا معاك ..يسهلك كل القاسيه ....

[Madanawi]

مرحب بالرائعة بت الشبارقة ضيفة عزيزة على الاعضاء الكرام بين طيات الكرسي الساخن ، نترك لك مساحة من الود مليئة بالاسئلة ومرتعها الخصب هو عنوان البوست - الكرسي الساخن، هلا تفضلتي معرفة بنفسك ورافعة بعض الحجب التي كانت بينك وبين اعضاء المنتدى الرائعين ،،،،،،،،،،،،،،،،

[بت الشبارقه]

باسمك يا علي يا قدير ابدا


باسمك يا من امرت النار ان تكون بردا وسلاما على ابراهيم ... اجعل نار الكرسي بردا وسلاما علينا


بسم الله الرحمن الرحيم

الحقوني يا ناس الشبارقه هوووووووووووووووووووي

انا ... نازك محمد احمد عبد الله
مواليد الشبارقه ولو انو مافي داعي لذكر العمر الا اني من مواليد 20\8\1978 عشت الفتره الاولى من عمري بمنطقة ام تريبات ريفي الحوش ودرست الروضه بها درست المرحله الابتدائيه باليمن واكملتها بقرية ود النعيم بالجزيره... المتوسطه والثانوي بالشبارقه .. جامعة الجزيره كلية العلوم الزراعيه الدفعه 22 ولم اكمل الدراسه نسبه للظروف الاسريه
متزوجه ولي بنتين (شهد 4 سنوات ولوجي سنتين)
اقيم الان في ماليزيا مرافقه لزوجي للدراسات العليا
الوالد والوالده معلمين ولي شقيق وااااااااااااااحد فقط اطال الله عمرهم ومتعهم بالصحه والعافيه
والدي من قرية ام طلحه ريفي المناقل الوالده من الشبارقه وانسب نفسي للشبارقه لاننا عشنا فيها كل عمرنا

[شبارقة]

بت الشبارقة الرائعة ... المبدعة ..
حبابك ألف ،، واقعد في الكرسي البارد باذن الله ..
أنحن معاك نشد من ازرك ...
السكين في الضراع والعين حمرة منقد ...
وما أوصيك .. أركزي زي أخوك ما ركز ..
وبالتوفيق..

[بت الشبارقه]

الاعزاء الغاليين ...
مدنيه , نفحات , الفارس البنفسجي , ود حسن , سوااااح ومدناوي بالانجليزي
اشكركم جدا علي المدح الجميل وربنا يدينا خيركم لي قدام وخليكم علي النهج ده طواااااالي
لكن اّنفحات بتبالغي خليت ليك المدرسه انت وسماح بقيتي تكوسي لي بالحله .. عاد الله يطرش مني ود المطامير ويزيد سمع اختو ام كلاما سمح

[مدنيّة]

بت الشبارقة الرائعة ... المبدعة ..
حبابك ألف ،، واقعد في الكرسي البارد باذن الله ..
أنحن معاك نشد من ازرك ...
السكين في الضراع والعين حمرة منقد ...
وما أوصيك .. أركزي زي أخوك ما ركز ..
وبالتوفيق..


يعني ما حرام عليك ياشبارقة توصيها وصية زي دي :mad:

[بت الشبارقه]

بت الشبارقة الرائعة ... المبدعة ..
حبابك ألف ،، واقعد في الكرسي البارد باذن الله ..
أنحن معاك نشد من ازرك ...
السكين في الضراع والعين حمرة منقد ...
وما أوصيك .. أركزي زي أخوك ما ركز ..
وبالتوفيق..

والله ياشبارقه طلتك ريحتني شويه لكن ما تمش مني بعيد بحتاج لي خبرتك في الزوغان

[مدنيّة]

والله ياشبارقه طلتك ريحتني شويه لكن ما تمش مني بعيد بحتاج لي خبرتك في الزوغان



اي يابنوتة شايفاك عايزة تزوغي
والله غايتو كان زغتي بعد شبارقة دا بتشوهوا سمعة الشبارقة والكلام دا ما صح منكم
يعني الشبارقة هي العلمتكم والربتكم والكبرتكم ما ممكن يكون دا جزاها منكم ( اها حسيتي بتأنيب الضمير ولا لسة :p )

كدي اول سؤال يابنوتة ::
لية بتدخلي متخفية ؟؟

[شبارقة]

والله ياشبارقه طلتك ريحتني شويه لكن ما تمش مني بعيد بحتاج لي خبرتك في الزوغان

خبرتي في شنو ...
طبعاً يا اخوانا بت الشبارقة قاصدة الثبتان ،، بس لوحة المفاتيح عندها شوية تعبانة ..
الا بالامارة ما صلحتيها لسه؟؟

[شبارقة]

اي يابنوتة شايفاك عايزة تزوغي
والله غايتو كان زغتي بعد شبارقة دا بتشوهوا سمعة الشبارقة والكلام دا ما صح منكم
يعني الشبارقة هي العلمتكم والربتكم والكبرتكم ما ممكن يكون دا جزاها منكم ( اها حسيتي بتأنيب الضمير ولا لسة :p )

كدي اول سؤال يابنوتة ::
لية بتدخلي متخفية ؟؟

مدنية !!
اشتقتي للنونية !!
فتحي عينك قدر التعريفة ....

[مدنيّة]

مدنية !!
اشتقتي للنونية !!
فتحي عينك قدر التعريفة ....


هي ياشبارقة هسي انا مالي :eek:

وبعدين يعني نسيت الصلح التم ولا نفهم شنوووووووووو :confused:

[ابوزيد محمد نور]

أهلين ومرحبتين بت الشبارقة
بس وصية الى ناس المنتدى بالله عليكم خليكم لطيفين وظريفين مع بت الشبارقة
ومرحب بيك مره ثانية على الكرسى الساخن...
وراجع ليك مره ثانية

ولكى التحية والود

[شبرقية]

خضراء تاتين
يبشرني بك نسيم الروح
وشمس تنحني بين يديك
خضراء تاتين
خصبة وملاى غلالا واغنيات
مباركة كمواسم خير
نقية كدموع الامهات
مقبلة كمطر طال انتظارة


اهلا وسهلا وخلي نصيحة شبارقة خلف ظهرك
اووووووووووووووووووووعك تعملي زيو

[بت المطامير]

الاستاذة بت الاستاذ الرائع
الله يبرد عليك الكرسي ده
وتمرقي منو بالسلامة وترجعي
لاهلك سالمه غانمه وخليكم حنين
يا جماعة البت ما قدركم يا استاذه
لو غلبوك جيبي الاستاذ خليهو يقعدهم
في علبهم ويوريهم المكشن بلا بصل
انا سوالي انت كام كيف معاملتك مع بنياتك
مصاحباهم والا شغاله فيهم كفيت وخبيت
شغل المدرسين داك ههههههههههه
الاسالة كتيره لكن اسه ما متزكره برجع
ليك بعد اروق وتكوني استويتي مع الجماعة
ديل عشان القاك هادية واتعودتي على الاساله
اها بمشي وبرجع .

[Madanawi]

يا بت الشبارقة - اولا انا ظني انك حا تخزلي شبارقة وحا ترفعي راس الشبارقاب كلهم ، ويقيني انك حا تكوني خير خلف لخير سلف في الكرسي "من ناحية عدم الزوغان وكده" ، ويا ريت بعدين في الاخر توريني احساسك شنو؟ لانو الواحد قعدتو في الكرسي بتتأثر سلبا او ايجابا بمدى شفافية ووضوح الذي سبقه في الكرسي الساخن ،،،،،،،
ولانو ود المطامير ثبت بجدارة جاء شبارقة وزاغ برضو بجدارة ،،، ولانو مدناوي بالانجليزي ثبت برضو "لأانو ما سمعت زول قال انا زغت زي شبارقة" اتمنى انك تحذين حذو اللذين يثبتهم الله بالقول الثابت في الحياة الدنيا والاخرة ،،،،

ودمتي يا رائعة،،،،

[بت الشبارقه]

شبارقه هي انا قاصده الثبتان صاح خلاص برضو ما تمش
همسه: الزوغان انت ناسي واللا شنو؟

[samah]

والله كلام بت الشبارقه المعلقكك هنا شنو !!!!!!!!!!!!!!!!!!يازوله قدرها انشاالله وربنا معاك .......................ـولا مجال للاسئله طبعا ونتابعك للاخر

[بت الشبارقه]

كدي اول سؤال يابنوتة ::
لية بتدخلي متخفية ؟؟

والله يا التومه عجبتني الفكره بس .. لقيت السؤال لما جيت اسجل فاخترتو

[بت الشبارقه]

أهلين ومرحبتين بت الشبارقة
بس وصية الى ناس المنتدى بالله عليكم خليكم لطيفين وظريفين مع بت الشبارقة
ومرحب بيك مره ثانية على الكرسى الساخن...
وراجع ليك مره ثانية

ولكى التحية والود


ايوه عليك الله وصيهم علي انا ويحيده وما عندي ضهر
الله يخلي لي الناس الزيك

[بت الشبارقه]

خضراء تاتين
يبشرني بك نسيم الروح
وشمس تنحني بين يديك
خضراء تاتين
خصبة وملاى غلالا واغنيات
مباركة كمواسم خير
نقية كدموع الامهات
مقبلة كمطر طال انتظارة


اهلا وسهلا وخلي نصيحة شبارقة خلف ظهرك
اووووووووووووووووووووعك تعملي زيو
والله يا شبرقيه كلامك درر زي العصير البيحوموا بيهو الخالات ساعة الامتحان واللي انا مافي شيء جابرني علي الامتحان الا هو
وليك علي كان ما عقدت ليك الجماعه لمن يقولو الرووووووووووووب

[بورتبيل]

الخبر اللكيد قالوا بت الشبارقة اتغشت
وقعدت فوق الكرسي الساخن وما اتعشت
وشها اتورم .. وكضوما تب ما اتفشت
ام البنات .. بفزعوك ناس ام طلحة .. وناس الشبارقة
وناس بورتبيل .... والقري الطشت

الف مرحب بيك يا بت الشبارقة ... ولله بالجد .. سعدت كثيراً كونك تكوني في الكرسي الساخن!!!
اللهم لا شماتة
هههههههههههههههههههههههههههههههه

[بت الشبارقه]

والله البنيات رويحتن مارقه يعني الواحده لو اخدت كف خلاص الله يعوض لكن الشده مرات مطلوبه لاصحاب الراس الناشف .. انا البنيات الكبيره بس البتفهم حاليا لانو الصغيره لسه ما مفتحه وعامله ببغاء لاختها

[بت الشبارقه]

مدناوي ...
ليك علي اعمل بي نصيحتك .. عاد ما شفتك تقدل في الكرسي زي الفارس البرتقالي

[شبرقية]

دا كلام المبدع زاهي وهبي

هاك دي مني

زي نسمة طلت
عبرت كل الحواجز
وفي القلوب اتربعت
قالوا البلد........ والله تب ماتاخرت
ويا الله ليها في جمرا ملهلب اتحكرت:p :D


سوال علي خفيف
بتقري لمنو؟

[بت الشبارقه]

والله كلام بت الشبارقه المعلقكك هنا شنو !!!!!!!!!!!!!!!!!!يازوله قدرها انشاالله وربنا معاك .......................ـولا مجال للاسئله طبعا ونتابعك للاخر

اخيرا ظهرتي ..؟ عاد جارة الهنا من قبيل بسكلب واكورك .. كواريكي جابت ناس الخليج انتي المعاي في 16 ما جيتي ...
انت في دا واللا المعلقات معاي ديل شهد قعدتها من الروضه ولوجي استاند باي للعض من الصباح وكان علي مكوة السفر والله الا اعمل نفير لي حسي في حتتا

[بت الشبارقه]

الخبر اللكيد قالوا بت الشبارقة اتغشت
وقعدت فوق الكرسي الساخن وما اتعشت
وشها اتورم .. وكضوما تب ما اتفشت
ام البنات .. بفزعوك ناس ام طلحة .. وناس الشبارقة
وناس بورتبيل .... والقري الطشت

الف مرحب بيك يا بت الشبارقة ... ولله بالجد .. سعدت كثيراً كونك تكوني في الكرسي الساخن!!!
اللهم لا شماتة
هههههههههههههههههههههههههههههههه
اها ياود حسن السكاكين بدت تجي لكن قول ليهم انا بتك يا البوش اكان تقدرو علي
ابشر خليت ليك الموضوع حقك امش رد علي صلاح وتعال انا قاعده
الا بالمناسبه القعده دي ما فيها وجبه اصلها قرصت شدييييييييييييييييييد

[بت الشبارقه]

يا شبرقيه الشربات دي سكرا كتير بتجيبي لي سكري خففيه شويه واكان في حتة سندوتش كده علي الطايريكون اجمل
بعشق نزار قبانى وبموت في كاظم

[samah]

اسمعي لمي المكوه وجيب الشنط خليني انجهزن وجيب البنات وبكره جيبي الملاح انعملو لمن تنزلي بالعافيه................. والله حمودي شاني علي حمله لاتلفزيون ولاكمبيوتر الله يكون في العون

[مدنيّة]

غايتو المكوة يا بنوتة اصلك ما تشيلي ليها هم زولها قاااااااااااااااااعد



























هسي انا قلت ود المتامير ؟؟

[ود المطامير]

مين ؟ بت الشبارقه فى الكرسى الساخن
والله دى فرصة العمر
هسى أنا بس جيت جبت ليك الفطور وحاجه بارده
وعارفك أكّاله والساندويتشات ديل ما بكفوك إجابة
سؤال سؤالين , بس ما تخافى العصيده فى النار
أها .. لسانك الطويل دا قرص ناس كتاااار وهسى أنا
بمشى أحرّشهم وألمهم ونجيك وفى الطريق بنغشى الكماين
نشيل كسار الطوب والله يا بت الشبارقه شفع فلسطين
ما يلحقون فى الفليق
أها... هسى بجيك راجع

[بت الشبارقه]

والله ما بتقصري يا سموحه الا كفايه عليك حمودي شايفه مدنيه ورتني زول كده للمكوه اما عن الملاح النتوجه علي الناسي ايام ساكت مافي طريقه لي ملحات المشكله الاسواق الا امش الصباح واجي باليل لانو ناس السودان والخليج صباحم ليلنا وليلم صباحنا

[بت الشبارقه]

انا جيعااااااااااااااااااااااااااااااااااااااااااااااا ااااااااااااانه ممكن امش اتعشى ؟

[بت الشبارقه]

مين ؟ بت الشبارقه فى الكرسى الساخن
والله دى فرصة العمر
هسى أنا بس جيت جبت ليك الفطور وحاجه بارده
وعارفك أكّاله والساندويتشات ديل ما بكفوك إجابة
سؤال سؤالين , بس ما تخافى العصيده فى النار
أها .. لسانك الطويل دا قرص ناس كتاااار وهسى أنا
بمشى أحرّشهم وألمهم ونجيك وفى الطريق بنغشى الكماين
نشيل كسار الطوب والله يا بت الشبارقه شفع فلسطين
ما يلحقون فى الفليق
أها... هسى بجيك راجع
اليله ووب علي الجاب ليك الخبر منو؟ وانت ما فرده واللا شنو؟ والله يا ود المطامير ما طالبني حليفه كل يوم نحن بنذكرك( بالسمح طبعا) وقلت لي ناس حلتنا الهناك انك راجل شهم وظريف ...... رايك شنو؟ قصرت معاك ؟ اها انت ما تتلوم......
وسوسه :-
( اكان لاقيت ود ام تريبات ما تقوليهو انا هنا) والفوراوي كمان فارق لي الدرب عشان ما يسعلك مني باين انا عارفه لسانك الخفيف ده...هي السمح ده

[ود المطامير]

اليله ووب علي الجاب ليك الخبر منو؟ وانت ما فرده واللا شنو؟ والله يا ود المطامير ما طالبني حليفه كل يوم نحن بنذكرك( بالسمح طبعا) وقلت لي ناس حلتنا الهناك انك راجل شهم وظريف ...... رايك شنو؟ قصرت معاك ؟ اها انت ما تتلوم......
وسوسه :-
( اكان لاقيت ود ام تريبات ما تقوليهو انا هنا) والفوراوي كمان فارق لي الدرب عشان ما يسعلك مني باين انا عارفه لسانك الخفيف ده...هي السمح ده
لا لا لا ... لا فرده ولا فرده والكلام السمح دا بعمل نفسى ما سمعتو
وود أم تريبات والفوراوى هم هسى قايدين ناس المظاهرات عليك
ماشايفه عجاجهم قايم كيف هناك ؟
واللى جاب لى الخبر مدنيه وحرشتنى عليك شديد
وعارفك قلتى لناس الحله كلام سمح فينى وقلتى ليهم
ود المطامير المكوجى صاح ؟ طيب .. النملى مخلايتى
طوب وأجيك راجع

[ود المطامير]

غايتو المكوة يا بنوتة اصلك ما تشيلي ليها هم زولها قاااااااااااااااااعد



























هسي انا قلت ود المتامير ؟؟

هوووووى يا مدنيه أحسن ليك
هسى بنادى شيطان شعرى

[ود المطامير]

شايفه مدنيه ورتني زول كده للمكوه الملاح ا
دا منو دا ؟

[الفارس البنفسجي]

بالنسبة لي سخانة الكرسي
والله بجيب ليك عمدتنا،
(عماد محمد بالإنجليزي) وهو
من ناس الحيكومة يعني ما بتاع
معارضة، وهو متخصص في
اسئلة الكراسي السخنة ، بس
إلا تجري.عماد أقل حاجة بسألك
تلتمية (300) سؤال ومن النوع
الما بفتر

يا عمااااااااااااااااااااااااااااااد
أها هسه بجيك أصبري.

[شبارقاوية]

ولا يهمك واثقين منك يا بت الشبارقة وعارفنك ما بتتوصى بس اركزى شوية واثبتى ونحن جنبك

[بت الشبارقه]

هي يا ود المطامير ما كلموك ... ما سحبت المواضيع الجاده كلها ونزلت بيان عند ناس حوشنا يسمحوا ليك بالدخول انت وام عمرو وعمرو واخوانه و ما سمعت كمان ناس الكماين ما ماشين اهلم لانهم عايزين يبقوا دوله براهم . يا الفارس انا بقول عليك زول عاقل تمش تلقط لي في ناس الكاسوري.... عماد بالانجليزي دا صورتوا براها مسويه لي فزعه كل ما ادخل بوست القاهو فيهو يغلبني النوم من الخوف ... عاد انت يا شبرقاويه الله يديك العافيه علي الكلام القلتيه ... بحس بيه دايما زي كلام بت المطامير التي لا تمت لود المتامير بصله قرابه لامن بعيد ولا قريب ولا حتى بالاسلوب كلامك باااااااااارد يكون دي دعواتي الفي البدايه؟

[عماد عبدالشكور]

بالنسبة لي سخانة الكرسي
والله بجيب ليك عمدتنا،
(عماد محمد بالإنجليزي) وهو
من ناس الحيكومة يعني ما بتاع
معارضة، وهو متخصص في
اسئلة الكراسي السخنة ، بس
إلا تجري.عماد أقل حاجة بسألك
تلتمية (300) سؤال ومن النوع
الما بفتر

يا عمااااااااااااااااااااااااااااااد
أها هسه بجيك أصبري.


اخونا وفارسنا البنفسجي
اسعد الله صباحك بكل خير
وليك علي اخلي ليك الكرسي بتاع ام البنيات دا مولع ناااااااااااااااااااااااااااااار عديل بس خليني افضى ليها شوية لاني حسي مشغول في تجهيزات اجتماع ناس الرياض بالمنتدى المقرر عقدة اليوم الخميس 29/3 بعد صلاة العشاء بغبيرا ويا بت الشبارقة شيلي شيلتك وارجي الراجيك وخلي بالك طويل واخلاقك رياضية زي اخونا وحبيبنا مدناوي

[بت الشبارقه]

والله يا جنابك ان قاعده وراجيه الا القعاد ما طول اي واحد يجي يقول لي بمش وبجيك وهاديك يا مرقه تاني الا اسمع حسو عند الجيران كدي شوف لي حل اول شي وبعد داك امش..







قلت ليك ... انت يدك دي ما واجعاك من التعلقه دي؟

[Madanawi]

مشكور يا عمدة على الشهادة التي اعتز بها لاني بالجد حسيت انو صبري عليك آتى أكله ،،،

يا بت الشبارقة انا عندي ليك وصية كرسية ساخنة كده ، اهم حاجة لما تجي تجاوبي لازم تقرأي السؤال مرتين تلاتة عشان الكلام البين السطور وما يورطوك ناس عمدة وغيره ديل لانهم مجرمين كراسي وكانوا بسخنوا الحفلات وبيكسروا الكراسي ،

[بت الشبارقه]

شكرا يا مدناوي علي الوصيه الا انا شغاله اسخن من يوم امبارح لي حسي الحفله ما بدت!!!!!!!!!

[عماد عبدالشكور]

اختنا بت الشبارقة
نبدأ معاك بالخفيف (تسخينة) كدا يعني
رأيك بصراحة في الاتي :-
1/ منتدى ود مدني وما يطرح فيه من مواضيع في الاونة الاخيرة
2/ المشرفين ودورهم في تسيير امور المنتدى والارتقاء به
3/ منتدى النواعم وماذا اضاف
4/ لو كنت المشرف العام للمنتدى ماذا ستضيفين
5/ ماذا استفدتي من المنتدى

وخليك قريبة بجيك بعد شوية اذا مد الله في الاجال

[رضا حسن محمد]

بت لبشبارقة صباح الخير
كيف الحياة فى ماليزيا ؟
برجع تانى

[بت الشبارقه]

emad mohmmed
رأيي بصراحة في الاتي :-
1/ منتدى ود مدني وما يطرح فيه من مواضيع في الاونة الاخيرة
والله منتدى ود مدني جميل جدا والمواضيع في الاونه الاخيره اعتقد جميله رغم العثرات التي كانت تصادفه من حين الى اخر
2/ المشرفين ودورهم في تسيير امور المنتدى والارتقاء به
المشرفين.... ما لقيت زول اسالني في الحيكومات الا انت؟ عموما هم مجتهدين قدر استطاعتهم ولو كانوا ماسكين الدوله كان اتغيرت فينا حاجات كتيره
3/ منتدى النواعم وماذا اضاف
منتدى النواعم اضاف للمرأه احساسها بالمسؤليه والانتماء الحر وامكانية المشاركه بما كانت تستحي ان تشارك به في المنتديات العامه ... (الزول بيابا يدوه بيت خاص؟)
4/ لو كنت المشرف العام للمنتدى ماذا ستضيفين
ما اعتقد انو اقدر اضيف اكتر من ما اضاف المشرف العام الحالي .....كلام دقاق(انتو كدي جربوا شوف اسوي شنو؟)
5/ ماذا استفدتي من المنتدى
اولا احسست بالامان في بلد انا احوج فيها له
ثانيا منذ دخولي للمنتدى وانا احس باني مع اهلي وكم اشتاق له كلما ذهبت للنوم وانتظر الصباح ليطل علي حتى اجري مسرعه لالتقيكم مره اخري
ثالثا اخرج مني كل ما اخفي من شوق وحب لعازه

راجياك ما تتاخر

[بت الشبارقه]

بت لبشبارقة صباح الخير
كيف الحياة فى ماليزيا ؟
برجع تانى

صباح النور
الحياه بالجد زي الحياه في بركات السرايات
خضره وطيور وغيوم وجمال ما ليه مثيل
لكن اخير لينا كتاحة بلدنا من المطر البجيب السيول ده

[رضا حسن محمد]

يا والدة يا شامة
يا فيض من الرحمة
يا وهبه اياما
تمرقنا من زحمة
يا نور وسط عتمة
برق اكتمل تما
شال الالم لما
والزهرتين ما شاءالله
قلبك فرد لما

( مش احسن من الاسئلة )

[بت الشبارقه]

والله زي شربات شبرقيه وشبرقاويه وكلام بت المطامير العسل
وشندوشتات ناس مدرسة الانجليزي .... زيدنا كمان حاجه كده للخليل

[بورتبيل]

بت الشبارقة :
داير اقول حاجة صغيييرة

ماذا اضافت لك الغربة .. وماذا سلبتك الغربة ... وماذا تتوقعي ان تلاقي فيها!!

[صالح ابوشوارب]

الابنة بت الشبارقه نهارك سعيد بي مواعيدنا .. واتمنى من الاعضاء يسخنوا لينا لاسئلة شوية . شايف الاسئلة باردة !!
السؤال الاول : هل تخجلين اذا قال ليك زوجك يا حبيبتى امام الناس ؟ .. وهل ممكن يعملا ؟
بما انو كانت لنا تعاملات مع الشركات الماليزية لكن مناديب الشركات البزورونا دائما من الصينيين . فالسؤال الثانى اين اهل ماليزيا الاصليين المسلمين ؟ بما انو شعب ماليزيا يتكون من الملاويين والهنود والصينيين .. والسؤال الثالث هل في بيناتم زواج او روابط اجتماعية ؟

بعض الأعضاء قال بقي بلخبط من تشابه الاسماء وخاصة اذا عندو مداخلة مع احد الاعضاء في موضوع سابق وجات فرصة في موضوع تانى عايز يناقش فيها العضو ..
والسؤال الرابع بما انك احد الاعضاء المذكورين ادناه كيف تكون المعالجة ؟؟ علما بان المنتدى غير ملزم بقيمة الخروف لتغيير الاسم للاعضاء !!
... مدني... وبت مدني ... ولد مدنى... ومدناوي... ومدنيه ...ومدناوي بالانقليزي .. ومدناويه ... بت الشبارقة ...شبروق.... وشبرقيه ..ودالشبارقه... وشبارقه... وشبارقيه.. وشبارقاويه...
وبس

ابوالله جــــــــابو

[صلاح ودالطاهر]

اليوم قمته من النوم مخلوع جنس خلعه اصلو جاني تلميذي عماد لابس الزي الرسمي وخفت جنس خوفه قال لي ماجيت دعوة منتدي مدني حتي الان وجريت علي الولاب ولبست الجلابيه بسرع اصلها جناح ام جكوه تلبس بجميع الاتجاهات ولبست العمه بعد شوي اشوف صورة اخوي ود المطامير قال لي يازول البس سكينك في دراعك ولفت يسار الق اخونا شبارقه يقول لي المديده حرقتني انت يازول ماصاحي وماسمعت الخبر قلت ليه يازول خبر شنو انشاء الله خي قال اسمع ودبرتبيل شن قال(الخبر اللكيد قالوا بت الشبارقة اتغشت
وقعدت فوق الكرسي الساخن وما اتعشت
وشها اتورم .. وكضوما تب ما اتفشت
ام البنات .. بفزعوك ناس ام طلحة .. وناس الشبارقة
وناس بورتبيل .... والقري الطشت
وانا بطول حسي اليوم امانه ماوقعت مره بت الشبارقه وموقعت تب بس خلينا اليوم نخلص من الاجتماع وتشل شيلته بس اصح الق المره واولاد بابا انت جنيت ولاشنو شنو الكلام الممفهم دي عماد تب خلاص انا جاي الاجتماع ود المطامير السكين في الدراع ودالشبارقه المديده حرقتني كان اصح من النوم ولقت نفس جنب الكرسي الساخن بتاع بت الشبارقه هوووووووووووووو شدي حيلك ودمتي

[بت الشبارقه]

بت الشبارقة :
داير اقول حاجة صغيييرة

ماذا اضافت لك الغربة .. وماذا سلبتك الغربة ... وماذا تتوقعي ان تلاقي فيها!!

اضافت لي حب الناس الزياده والصداقات الجديده من كل نواحي السودان الحبيب بعد ان كانت تقتصر علي مناطق معينه
عرفت قدر كيف انا غاليه علي ناس بيتنا والعائله
عرفتكم انتو ودا اكبر مكسب ربما لو كنت في السودان ما كان لقيت فرصه زي دي
لم تسلبني شيء بقدر ما سلبتني رؤيتي للاهل الذين لم افارقهم الا بسببها.
التوقعات كتيييييييييره بس ربك يستر.

[بت الشبارقه]

العم الغالي ابو شوارب
تفتكر اجمل كلمه بتحبها المراه شنو؟ ... انا بحب اسمع كلمه بحبك كل دقيقه وكل لحظه وكل ساعه بشرط .... ان يقولها زوجي او الوالدين او البنيات ... ولو قالا قدام الناس بكون جواي طايره من الفرح وبره بكون سعيده بقدر السعاده الجواي.... نحن معودين بنياتنا اول ما تصحا الواحده تقولgood morning وبعد الرد ilov you ولو الواحده ما قالت كده اضمن انو اليوم كلو حا يكون نكد لانها حا تكون زهجانه
الصينيين انشط من الماليزيين بالذات في معاملات الالكترونيات والماليزيين بيهتموا بالتوظيف في المكاتب والراحه والركلسه الهنود بيحبو التجاره لذالك تجدهم دائما في الاسواق ..( البقالات .. العطاره.. الاقمشه والمطاعم)
يتزوج الماليزيين الهنود والعكس ويتزوح الاثنين من الصينيين ولا يهتموا للدين في العلاقات والزواج فمثلا تجد واحده مالي مسلمه متزوجه من هندي غير مسلم اخوه اواخوها متزوج من صينيه بوذيه
يعني بي تفسيراتنا نحن سوداني جعلي متزوج جنوبيه اختو متزوكا واحد من الغرب واخوه متزوج ادروباويه ... تفتكر اهل الجعلي ده تاني بيناسبوهم ... والله كان جابوهن زي تاجوج ما يمشوا عليهن ولو وقفت علي كده هينه.
يا عمنا اكان بقت علي الخروف بنسوي بليله الا الاسم سمح تب وكونو اسمي بالشبارقه والا مدني دي ما هي المشكله المشكله هل اعي انا معنى التسميه؟
والله ياعمنا فرحت لمن شفت اسمك مسجل قلت الزول ده انا وهو فرد لكن ... هريت يدي بالكتابه...

[عماد عبدالشكور]

اختنا بت الشبارقة
ابو البنيات دا وقعتي في شباكك كيف ؟
شفتي وين ؟
البداية كانت كيف ؟
العرس كان وين وكيف ؟
جبتو اسامي البنيات من وين ومنو الاختار الاسامي ؟
بتربي بناتك كيف ؟
الحرية الشخصية للابناء بتعني ليك شنو ؟
بناتك بعرفوا شنو عن السودان ؟

دي برضو تسخينة والتقيل جاي لسة ورا

[بت الشبارقه]

اليوم قمته من النوم مخلوع جنس خلعه اصلو جاني تلميذي عماد لابس الزي الرسمي وخفت جنس خوفه قال لي ماجيت دعوة منتدي مدني حتي الان وجريت علي الولاب ولبست الجلابيه بسرع اصلها جناح ام جكوه تلبس بجميع الاتجاهات ولبست العمه بعد شوي اشوف صورة اخوي ود المطامير قال لي يازول البس سكينك في دراعك ولفت يسار الق اخونا شبارقه يقول لي المديده حرقتني انت يازول ماصاحي وماسمعت الخبر قلت ليه يازول خبر شنو انشاء الله خي قال اسمع ودبرتبيل شن قال(الخبر اللكيد قالوا بت الشبارقة اتغشت
وقعدت فوق الكرسي الساخن وما اتعشت
وشها اتورم .. وكضوما تب ما اتفشت
ام البنات .. بفزعوك ناس ام طلحة .. وناس الشبارقة
وناس بورتبيل .... والقري الطشت
وانا بطول حسي اليوم امانه ماوقعت مره بت الشبارقه وموقعت تب بس خلينا اليوم نخلص من الاجتماع وتشل شيلته بس اصح الق المره واولاد بابا انت جنيت ولاشنو شنو الكلام الممفهم دي عماد تب خلاص انا جاي الاجتماع ود المطامير السكين في الدراع ودالشبارقه المديده حرقتني كان اصح من النوم ولقت نفس جنب الكرسي الساخن بتاع بت الشبارقه هوووووووووووووو شدي حيلك ودمتي
شرفت والله يا صلاح ... وتبرى من الخلعه الحكايه بسيطه وعكه خفيفه وبتروح بس انت كان بقيت لي راس حربه تكون ما قصرت تب
وانت ليك بي ود المطامير وشلتو الاجنابو ده خلي علي بمنجهو ليك... بس شبارقه حنين علي ما منو مشكله

[بت الشبارقه]

ابو البنيات دا وقعتي في شباكك كيف ؟
ابو البنيات هو الوقعني في شباكو وكيف دي خليها بس

شفتي وين ؟
ود خالتي لكن ما قدح
البداية كانت كيف ؟ تفتكر حا اقول نظره فاب.... كلام الشباب داك؟
كانت كاجمل ما تكون البدايات واحلى من كل الحكايات
العرس كان وين وكيف ؟في اجمل مكان واجمل بلد واجمل فريق واجمل بيتين....
جبتو اسامي البنيات من وين ومنو الاختار الاسامي ؟شهد من مسلسل اميره في عابدين كان في طفله ممثله شهد وهي شهد فصيحونه ولذيذونه وحنينونه قررنا لما اولد نسمي شهد نحن الاتنين... لجين برضو من مسلسل اين قلبي ليسرا كان في واحده اسمها لوجي ولما جات البت بقى عندنا شك انو لوجي دا يكون اسم والا دلع فسميناها لجين وبناديها لوجي

بتربي بناتك كيف ؟

التربيه دي خليها بس .. والله مرات احس اني قاعده اربي ومرات احس انو انا زاتو محناجه للتربيه معاهن .. ومرات تلفوناتي تطاقش لي السودان لو غلبني التصرف مع واحه في موقف .. وبالجد اماتنا الله يديهن الجنه
الحرية الشخصية للابناء بتعني ليك شنو ؟
انا ما كان في قيود في حياتي من اهلي ولا كان كمان فاتحنها علي الاخر والحريه تقريبا ولن افتي ابعد من كده هي علاقه محترمه بين الوالدين وابنائهم ومشاركه لها حدود في احتياجانهم
بناتك بعرفوا شنو عن السودان ؟بيعرفو جدو وحبوبه وعمتو وعمو وخالو والجيران والاصحاب ويكفي الطفولة ان تحس بان ذلك هو انتمائها حتى يمتد الى حب ما هو اكبر في المستقبل

[مدنيّة]

بنوتة

طلة سريعة

لية غيرتي مضمون البوست أياه في منتدي النواعم :p - ولو في مشكلة في الاجابة بسحب السؤال - مع انه عادي جدا وبالعكس موضوع مهم جدا جدا

بس والله عشان استغربت وخصوصا لما الناس بتجي تدخل البوست وتلقي الكلام ماياهو وتبعا شعرتي بالحاجة دي انتي :D

[بت الشبارقه]

الغاليه مدنيه .. غيرت المضمون لاني حسيت باني كبرت الموضوع اكتر من الازم بالذات لما لقيت الدخول كبير والمشارك واحد لمدة 3 ايام مافي زول رد علي الا سواااح ورد قال لي استشيري مختص
عندها جد حسيت انو انا كنت كطوره الموضوع رغم انو المشكله كانت مارقاني وكتبنا انا وابو البنات للمنتدى لعلمي ان فيه ناس خبره اكثر مني في التربيه وحاولنا نعالج مشكلة رفض البنوته برانا والحمد لله نجحت الفكره رغم اننا كنا خايفين من العواقب لكن جات سليمه وكل يوم بقت تصحى وتستحمي وتمشي بطيب خاطر ... انت عارفه اكتشفنا انهم في الروضه فصلوها من صديقا السوداني عشان كده كانت رافضه المشي ومشى ابوها وابو الفرده اللي رفض هو برضو المشي وقال ليهم رجعوهم جمب بعض وسلكت بعد داك الحكايه.............. شفت بوادر الجيل القادم.. الله يدينا خيرهم

[الفارس البنفسجي]

ما رائك في الآتي:-


1) تربية الحبوبات.
2) الأولوية للزواج أم الدراسة بالنسبة للفتاة؟
3) كيف نمنح أبناءنا الثقة في انفسهم؟
4) كيف يكون في زواج متعدد بدون مشاكل؟
5) هل تقبلين بضيفة دائمة معك ؟ يعني صاحبة بيت؟
6) رتبي الآتي حسب الغلاوة في القلب
أ. بيتكم القديم.
ب. بيت نسابتك
ج. بيتك.
د.حلة الشبارقة.
هـ. مدني.
و. الخرطوم.
7) موقف إنساني في الذاكرة؟


بمشي وبجيك

[سواااح]

الغاليه مدنيه .. غيرت المضمون لاني حسيت باني كبرت الموضوع اكتر من الازم بالذات لما لقيت الدخول كبير والمشارك واحد لمدة 3 ايام مافي زول رد علي الا سواااح ورد قال لي استشيري مختص
عندها جد حسيت انو انا كنت كطوره الموضوع رغم انو المشكله كانت مارقاني


الاخت بت الشبارقة ..

تحيات لا تحد .. وهنيئا لنا بك .. وهنيئا لك بنا ..

اسف جدا اذا كنتي فهمتي حديثي معك باي صورة اخري ..

ولكن والله علي ذلك شهيد .. لم اقصد الا الحقيقة

ومن قال لا اعلم فقد افتي

وكذلك وحال الجميع هنا ليس هناك المختص بالتربية

وبالذات بالنسبة للامور التي تهم المراة والاسرة .. فلو كان ولد

اخوك جاهر والحلول ما تديك الدرب .. فعذرا وسماحا اذا اصابك شئ من قولي

* مشاققة :

اين ذهبتي بذاك التوقيع الجميل .. يا شمس عودي ؟؟

واكيد لك معه حكاية .. انا في انتظارك ..

دمـــــــــــــــــتي ،،

[بت الشبارقه]

تربية الحبوبات.
في حاجه لاحظتها ... الوالدين بيربوا اولادهم بالشده في مواقف كثيره ولكن لو الابن بقى والد ومر بنفس الموقف مع ابنو وحاول يطبق النظريه اللي اتعملت فيه الوالد(الجد.. او الحبوبه ) بيزعلو ويوصفو الابن بانو قاسي علي الحفيد ... الدلع كمان.. بيدلعوا الاطفال بطريقه ما عاديه

2) الأولوية للزواج أم الدراسة بالنسبة للفتاة؟
زمااااااااااااان كنت بقول هي الواحده عايزه شنو بعد تتزوج وتعمل اولاد ... واجمل شيء انو اقعد في البيت لاهم قرايه ولا يحزنون والقرو عملو شنو؟... عندنا راجل فاضل رحمه الله بنتو درست كلية القانون وكان طاير بيها السماء ويوم مشى ليها في بيتا بعد الزواج لقاها بتطبخ وفي كانون ... جا راجع متاثر وزعلان علي القرت الجامعه ورجعت لي شغلة امها الما متعلمه في الجامعات وقال مقوله كنت دائما ارددها : لو قريتي القانون مصيرك الكانون.
كان هذا مبداي ولكن الان عينك ما تشوف الا النور ... كل يوم ببكي علي حظي وعلي القرايه الراحت شمار في مرقه وانصح جميع البنات انها حتى لو اتزوجت لازم تكمل دراستا والكانون ملحوق...(بالمناسبه انا زوجي فتر في اقناعي بالرجوع للدراسه الا انا والله ماااااااااا زولة قرايه ركانيه بس.)
3) كيف نمنح أبناءنا الثقة في انفسهم؟
الكلام ده ما بقدر افتي فيه لانو خبرتي ما بتمتد ابعد من الاربعه سنين العندي وبتختلف الثقه من زول لي زول حسب الطبيعه البشريه4)

كيف يكون في زواج متعدد بدون مشاكل؟
دي كمان صعبه علي خالص لاني زي الفريك ما بحب شريك خصوصا في العمده.. يا عمنا اكان شفت عين جات طايره من فوق ليه بلحقا قدوم صقر وبحري غويص البدخل فيه محال امرقو بالساهل

5) هل تقبلين بضيفة دائمة معك ؟ يعني صاحبة بيت؟
فقط لو كانت امي او احدى بنات خالتي او احدي زوجات اولاد خالتي او العمات .. او بنات خلاني غير كده والله الباب زاتو ما بفتحو.. وانا امك يا شهوده غنماياتي وديتن المدرسه وبناتي دخلتهن الزريبه

6) رتبي الآتي حسب الغلاوة في القلب
أ. بيتكم القديم.
ب. بيت نسابتك
ج. بيتك.
د.حلة الشبارقة.
هـ. مدني.
و. الخرطوم.
الاولويه لبيتين تربيت فيهم اصلا وانا ما عندي في القاموس حاجه اسمها نسابتك لانو بيتنا القديم هو بيت نسابتي اذا كنت احسبهم نسايب اما ان كنت تقصد بيت امي وابوي فهو نفس الشيء
بقى عندنا اصلا خمسه نقاط الباقي لي منهم اربعه بيتي هو نفس الشيء بس نحن كثيري الترحال لذلك فصلته واصبح خيار لوحده يليه (مدينة)الشبارقه وارجو ان تظل مدينه لانها مدينه... مدني عزيزه علي شديد لكن عملت بالحديث.. الاقرب فالاقرب... الخرتوم...دي تستبعد من الخيارات نهائي

7) موقف إنساني في الذاكرة؟ ما اتخيل لي انو الزول بيعمل موقف انساني ويجي يحكي بيه لانو لحظتا بيبقى اسمو (من)

يا الفارس امكن ردودي دي تكون فيها شيء من الجفاف ولكن صدقني لو قلت ليك انها مكتوبه وانا بضحك( مرات الزول بحس كده في الكتابه ..لاني انا ما عندي اسلوب السرد الكتابي اللذيذ) اعتذر ان مسست ذلك الشيء فهو دون قصد مني

[بت الشبارقه]

الاخت بت الشبارقة ..

تحيات لا تحد .. وهنيئا لنا بك .. وهنيئا لك بنا ..

اسف جدا اذا كنتي فهمتي حديثي معك باي صورة اخري ..

ولكن والله علي ذلك شهيد .. لم اقصد الا الحقيقة

ومن قال لا اعلم فقد افتي

وكذلك وحال الجميع هنا ليس هناك المختص بالتربية

وبالذات بالنسبة للامور التي تهم المراة والاسرة .. فلو كان ولد

اخوك جاهر والحلول ما تديك الدرب .. فعذرا وسماحا اذا اصابك شئ من قولي

* مشاققة :

اين ذهبتي بذاك التوقيع الجميل .. يا شمس عودي ؟؟

واكيد لك معه حكاية .. انا في انتظارك ..

دمـــــــــــــــــتي ،،
يا اخوانا انتو الزول بيلقى حرف من اسمو طاير طوالي يعملا مشكله ... بالعكس انا قلت انت الوحيد الرديت ودي حسنه في حقك ولا انكر انك شديتني بالكلام ده وبالجد سالنا زميل معانا في السايكاتري لكن اتضح انو محتاج اكتر للعلاج وانا مقرره بعد ما اجي من السودان انشاء الله اتخصص فيه

سوف نبقى مثل نجم السعد
نحيا بالدواخل ريثما تصفو السماء
وعائدون باذن من نهوى هلالا في سماء
ياااااااااااشمس عودي .. حريه عودي...
او فعودي .. لا خيار سوى البقاء
او دونه موت جليل درب كل الشرفاء
... حكايتي معاهو . قصة زول بيعشق عزه من جواه..
حكايتى وكت تحس بالطعنه لحظه يقتل العسكر قريبا ليك طااااااالت امو منتظراه
حكاية معتصم يوم فات اجهز في هدوم تخريجو جات العسكر الملعونه شالت روحوا للتخريج
حكايتي شنو؟ واقول لي منو؟ لناس بطاطي من الصاح وترفع راسا شان تنداس والحراس يزيدو علينا شان العازه تمرق توبا من راسا .. وتتكشف .. شرفنا انداس ويا الخراس امرقوا خلاص .. ويا العسكر كفاكم تاني ما بنقدر ..

فيكم زول بيعرف واحد اسمو معتصم من عتره العباسيه ؟
امو اسمها السره وكان بيدلعا بيقول الساره ... دي حكايتي مع القصيده ولا اظن ان المجال يسمح بان استرسل اكثر من ذلك
لك الود يا سواااح
بالمناسبه انت قريت الدفعه 22؟

[بت العزازة]

تحياتى ليك يا بت الشبارقة بالجد ادهشتينى بردودك البسيطة المقنعة التى تخرج من القلب وتستقر فى القلب
ما عندى سؤال يا رائعة غير دعاء صااااااااادق من كل قلبى ان يحفظ ليك شهودة ولوجى ويخليك ليهم انتى وابوهم ويرد غربتكم سالمين غانمين .
دمتى فى امان الله وحفظه.

[بت الشبارقه]

الغاليه بت العزازه ... قريبة جيرانا ... والله انا سعيده جدا انك طليتي علي اليوم .. اعتز باطرائك الجميل وارجو ان اكون عند حسن ظن الجميع بي ....
انا من المعجبين ايضا بكتاباتك في الثقافي ومعجبه اكثر بتوقيعك الذي يفطر القلب
رحم الله الوالده واسكنها فسيح جناته

[Madanawi]

بت الشبارقة ماليزيا دولة ذات تجربة متفردة وعبقرية معاصرة للتحول الى الافضل في زمن قياسي واصبحت من اجمل الدول واكثرها تطورا ليس في العمران والصناعة فحسب بل حتى انسانها تطور واصبح في مصاف البشر من الرقي و المعاملة الجيدة،،،
في اعتقادك ما هي الاسباب التي اسهمت في ذلك ؟؟؟

وهل هنالك امكانية لنقل الحضارة والثقافة الماليزية الى مجتمعاتنا في الشرق الاوسط؟؟ هل ستنجح؟؟

[رضا حسن محمد]

بت الشبارقة ازيك
هل انت بوبارة ؟
هل انت غيورة ( على راجلك يعنى ) ؟
ليه ما بتقبلى بتعدد الزوجات مع انو حلال ؟
( لو لا قدرالله ابو البنيات عرس (بعد الشر) هل حبك ليهو بتغير ؟
كيف علاقتك مع نسابتك ؟
سلامين

[بت المطامير]

الاستاذة الجميلة بن الاستاذ الرايع
والله الجماعة زانقنك زنقه شديده
وبناتي اسم من البكا معاي ما قدرنا نرد عليكم
هن عندهن سوال انتي عرفتي الراجل من وين
وكان بينكم قصة حب وكده والا زواج عادي زواج اهل يعني
وعلى فكره بقولن ليك بنات حلوات جدا الله يحفظهن ليك
برجع ليك تاني

[بورتبيل]

تلاتة في تلاتة
1- تلاتة اشياء صعبة بالنسبة لك !!!
2- تلاتة مناطق في الجزيرة ( غير الشبارقة وام طلحة)!!!
3- ثلاتة اشياء تتمنى تحقيقها قريباً!!!
4- تلاتة مواضيع في المنتدى تمنيتي ان تكوني كاتبتها!!!
5- ثلاتة هدايا لمن تقدميها !!!

[المكاشفى]

دقيقه ياخى استهدى بالله ياود المطامير الطوب ده كلو لى بت الشبارقه
دقيقه بتضرب البنات العسل ديل يا بت الشبارقه ابعدى بناتك غلبنى اسبت المكوجى ده هى قصدي ود المتامير ده
ياود المتامير كلنا محموقين من ناس الشبارقه لاكن ماتعملها ظاهرة كده بالدس
فى الجامعه كان مشروع التخرج مع واحد قريبها من ناس الشبارقه بالله للمناقشه ناديناه مناده ماعمل اي حاجه.
اسى كان قلتى من ام طلحة كان كلنا برمنا سكاكينا ووقفنالك عشان كلنا من الخلا داك
ربنا يبرد عليك الكرسى .......
برجع ليك.......

[بت الشبارقه]

بت الشبارقة ماليزيا دولة ذات تجربة متفردة وعبقرية معاصرة للتحول الى الافضل في زمن قياسي واصبحت من اجمل الدول واكثرها تطورا ليس في العمران والصناعة فحسب بل حتى انسانها تطور واصبح في مصاف البشر من الرقي و المعاملة الجيدة،،،
في اعتقادك ما هي الاسباب التي اسهمت في ذلك ؟؟؟

وهل هنالك امكانية لنقل الحضارة والثقافة الماليزية الى مجتمعاتنا في الشرق الاوسط؟؟ هل ستنجح؟؟

ببساطه ... انت رديت علي نفسك بنفسك.... واصبح في مصاف البشر من الرقي و المعاملة الجيدة،،،
تفتكر الشرق الاوسط ممكن يتنازل عن التفرقه العنصريه؟السؤال دا لي انا ...اذا ردي:- يستحيل الشرق الاوسط يرتقي الى هذا الحد طالما عندهم ابيض واسود ومسلم ومسيحي واظن دا هو نفس الكلام القلتو لي عمنا ابو شوارب
اما عن نقل الثقافات فدي من زمان حاصله من زمن التجاره الهنديه والبغداديه ... يعني ثقافات الشرق الاوسط فيها الكثير من ثقافات شرق اسيا.......... دا اجتهاد شخصي لاني لي يادوب 10شهور وهي فتره قصيره جدا لمثل هذه الاسئله
والله يا مدناوي شكلك كده مربط لي انت وعمك ابو الشوارب ما دايرين تمرقوني من الاطار بتاع ماليزيا
(علي العموم الديمقراطيه الكطبقه هنا واللي بيمارسها الشعب قبل الحكام يستحيل العرب يعملوها)

[بت الشبارقه]

رضا حسن محمد
بت الشبارقة ازيك
يا مراحب بي ود بركات
هل انت بوبارة ؟والله دي المفروض تحكموا انتو عليها

هل انت غيورة ( على راجلك يعنى ) ؟


ليه ما بتقبلى بتعدد الزوجات مع انو حلال ؟
ما فارق معاي لو زول اتزوج في زوجتو لو كان قادر لكن تقول شنو في رجال الزمن ده العينيهم طايره الواحد عايش عاله علي زوجتو واهلو ويمش يعرس تاني؟

( لو لا قدرالله ابو البنيات عرس (بعد الشر) هل حبك ليهو بتغير ؟ مستحيييييييييييييييييييييييييييييييييييييييييييييي يييييييييييييييييييييييييييييييييييييييييييل يتغير لانو اصلا ما بيفكر في كده وهو كمان عندو راي في الرجال البيعرسو فوق حريمهم
كيف علاقتك مع نسابتك ؟
علاقتي مع نسابتي ان سميتهم بهذا الاسم فهي اجمل علاقه ... ام زوجي رحمها الله امي التي ربتني وعشت معها اجمل الايام والسنين وكم اتمنى لو كانت الايام ترجع للوراء لاريها كم كنت احبها ولا زلت وساظل ... اخواته بقى ديل حكايه براهن واقفات معاي من يوم اتولدت وحتى الان ... اخوانه هم اخواني وهم من رعوني وكانو لي دائما في السمح والشين زي ما بيقولو.. والده هو راس القبيله وسيد العائله وكبيرنا اللذي يحترمه الجميع
سلامين
الفين سلام

[بت الشبارقه]

الاستاذة الجميلة بن الاستاذ الرايع
والله الجماعة زانقنك زنقه شديده
وبناتي اسم من البكا معاي ما قدرنا نرد عليكم
هن عندهن سوال انتي عرفتي الراجل من وين
وكان بينكم قصة حب وكده والا زواج عادي زواج اهل يعني
وعلى فكره بقولن ليك بنات حلوات جدا الله يحفظهن ليك
برجع ليك تاني

والله ليك كل الاحترام يا استاذه
زوجي هو ود خالتي ...
اما عن طريقة الزواج فكان بالجد علاقه امتدت سنين بيحكو بيها ... يمكن الاهل كان ليهم دور لكن نحن بنات الزمن داك الواحده لو اتزوجت من غير حب الزواج بيفشل من اول يوم وغير كده انا كنت بموت في الروايات الغراميه ولا زلت انفعل جدا معها

[بت الشبارقه]

الاستاذة الجميلة بن الاستاذ الرايع
والله الجماعة زانقنك زنقه شديده
وبناتي اسم من البكا معاي ما قدرنا نرد عليكم
هن عندهن سوال انتي عرفتي الراجل من وين
وكان بينكم قصة حب وكده والا زواج عادي زواج اهل يعني
وعلى فكره بقولن ليك بنات حلوات جدا الله يحفظهن ليك
برجع ليك تاني

مرحب بيك الغاليه بت المطامير
زوجي ود خالتي وكانت بينا قصه جميله من اروع ما حكي وكتب والاسره ما كان عندها تاثير في الحته دي ...
الله يديك العافيه ويحفظ ليك بناتك ويكبر لي بنياتي وقولي ليهن مشكورات شديد علي الاطراء

[صلاح ودالطاهر]

بسم الله الرحمن الرحيم


أختي العزيزة بت الشبارقه أولا أحب أن أتحدث لك بلسان أمي رحمها الله واسكنها فسيح جناته مع الصديقين والشهداء وأمك وأنت في دار الغربة أنت وزوجك وبناتك ربنا يحفظهم أقول كما ذكرت بلسان أمي وأمك وأنت في دار الغربة أتمني أن تعجبك ابنتي ودعتك أنت وزوجك والبنيات وداعةً لاتحرقوا ولا تغرقوا ودعتكم وداعة السيف للجفيل والمويه لمن تطير انا عافيه عفواً يتقيكم ويوقيكم عافيه ليكم من لبن شطر ومن شيل حكري تبقوا غابه والناس حطابه تبقوا بحر والناس تغرف منه .
أختي ألان نبدأ في الجد وشدي حيلك عندي عدة اسئله أنشاء الله تكون خفيفة عليك....................................
1/ ماذا تعني ليك الكلمات السابقة وخاصة التي تحتها خط ؟
2/ أنت تتقلدي منصب وزيرة الثقافة والإعلام ولاية الجزيرة ماهي الروي المستقبلية لتلك المدينة والإصلاحات التي تقومين بها في هذا المجال؟
3/ متي كانت اخر زياره الي السودان عامه ومدني والشبارقه خاصة وماهي التغيرات التي شاهدتيها؟
4/ ماذا تعني ليك الغنية الت فعلت ضجة في السودان راجل المره حلو حلا ونفترض جدلا أنها انطبقت علي زوجك لاقدر الله ؟ ماذا تفعل هل ترضي بالواقع ان تكون عندك ضره ؟
5/ معليش هذا سوال حار جدا لكن انت في الكرسي الساخن السؤال تركتي الدراسة الجامعية من اجل الزواج هرباً من البوره ؟
6/ الظواهر السالبه في مجتمع النساء السودانيات في الغربه ؟
اختي لك العتبة حتي ترضي وتحياتي الي ذالك الفارس المسكين الذي يدفع حق التلفون لاستخدام النت زوجك الحبيب والتحية الي بناتك ولنا عوده ..................................

[صلاح ودالطاهر]

بت الشبارقه اعوه تزوقي وماتردي علي الاسئلة

[بت الشبارقه]

تلاتة في تلاتة
1- تلاتة اشياء صعبة بالنسبة لك !!!
الغربه... التربيه... الغربه
2- تلاتة مناطق في الجزيرة ( غير الشبارقة وام طلحة)!!!
ام تريبات .. ود النعيم .. بركات
3- ثلاتة اشياء تتمنى تحقيقها قريباً!!!
الرجوع للسودان... نجاح زوجي .... اكمال الدراسه
4- تلاتة مواضيع في المنتدى تمنيتي ان تكوني كاتبتها!!!5
لم اتمنى ابدا ان اكتب موضوع لم يكن لي ولكني كلما اعجبت بموضوع دخلت وشاركت فيه ويكفيني جدا ذلك
- ثلاتة هدايا لمن تقدميها !!!

لمن وضعاني في هذه البسيطه... لكل اهلي في السودان ... لمن وهبني الشهد والفضه

[صلاح ودالطاهر]

بسم الله الرحمن الرحيم


أختي العزيزة بت الشبارقه أولا أحب أن أتحدث لك بلسان أمي رحمها الله واسكنها فسيح جناته مع الصديقين والشهداء وأمك وأنت في دار الغربة أنت وزوجك وبناتك ربنا يحفظهم أقول كما ذكرت بلسان أمي وأمك وأنت في دار الغربة أتمني أن تعجبك ابنتي ودعتك أنت وزوجك والبنيات وداعةً لاتحرقوا ولا تغرقوا ودعتكم وداعة السيف للجفيل والمويه لمن تطير انا عافيه عفواً يتقيكم ويوقيكم عافيه ليكم من لبن شطر ومن شيل حكري تبقوا غابه والناس حطابه تبقوا بحر والناس تغرف منه .
أختي ألان نبدأ في الجد وشدي حيلك عندي عدة اسئله أنشاء الله تكون خفيفة عليك....................................
1/ ماذا تعني ليك الكلمات السابقة وخاصة التي تحتها خط ؟
2/ أنت تتقلدي منصب وزيرة الثقافة والإعلام ولاية الجزيرة ماهي الروي المستقبلية لتلك المدينة والإصلاحات التي تقومين بها في هذا المجال؟
3/ متي كانت اخر زياره الي السودان عامه ومدني والشبارقه خاصة وماهي التغيرات التي شاهدتيها؟
4/ ماذا تعني ليك الغنية الت فعلت ضجة في السودان راجل المره حلو حلا ونفترض جدلا أنها انطبقت علي زوجك لاقدر الله ؟ ماذا تفعل هل ترضي بالواقع ان تكون عندك ضره ؟
5/ معليش هذا سوال حار جدا لكن انت في الكرسي الساخن السؤال تركتي الدراسة الجامعية من اجل الزواج هرباً من البوره ؟
6/ الظواهر السالبه في مجتمع النساء السودانيات في الغربه ؟
اختي لك العتبة حتي ترضي وتحياتي الي ذالك الفارس المسكين الذي يدفع حق التلفون لاستخدام النت زوجك الحبيب والتحية الي بناتك ولنا عوده ..................................

منتظرين الرد وخايفين من الزوقان

[بت الشبارقه]

دقيقه ياخى استهدى بالله ياود المطامير الطوب ده كلو لى بت الشبارقه
دقيقه بتضرب البنات العسل ديل يا بت الشبارقه ابعدى بناتك غلبنى اسبت المكوجى ده هى قصدي ود المتامير ده
ياود المتامير كلنا محموقين من ناس الشبارقه لاكن ماتعملها ظاهرة كده بالدس
فى الجامعه كان مشروع التخرج مع واحد قريبها من ناس الشبارقه بالله للمناقشه ناديناه مناده ماعمل اي حاجه.
اسى كان قلتى من ام طلحة كان كلنا برمنا سكاكينا ووقفنالك عشان كلنا من الخلا داك
ربنا يبرد عليك الكرسى .......
برجع ليك.......

ولله يا المكاشفي النسوي معاهو غلبنا ود المتامير ده شبارقه المنتكله علي زايغ كالعاده... انا قلت من امطلحه ما تبرم سكينك .. والله البلد بقت عامره بالذات ايام الرجبيه العالم تقول الحج!!! والله انا عندي قصه حلوه خالص مع المكاشفيه (يلحقونا)

[بت الشبارقه]

[QUOTE=صلاح;161718]بسم الله الرحمن الرحيم


أختي العزيزة بت الشبارقه أولا أحب أن أتحدث لك بلسان أمي رحمها الله واسكنها فسيح جناته مع الصديقين والشهداء وأمك وأنت في دار الغربة أنت وزوجك وبناتك ربنا يحفظهم أقول كما ذكرت بلسان أمي وأمك وأنت في دار الغربة أتمني أن تعجبك ابنتي ودعتك أنت وزوجك والبنيات وداعةً لاتحرقوا ولا تغرقوا ودعتكم وداعة السيف للجفيل والمويه لمن تطير انا عافيه عفواً يتقيكم ويوقيكم عافيه ليكم من لبن شطر ومن شيل حكري تبقوا غابه والناس حطابه تبقوا بحر والناس تغرف منه .
أختي ألان نبدأ في الجد وشدي حيلك عندي عدة اسئله أنشاء الله تكون خفيفة عليك....................................
1/ ماذا تعني ليك الكلمات السابقة وخاصة التي تحتها خط ؟
والله بالجد تعني لي الدنيا كلها والدعوات دايما بتدينا دافع لي قدام , والياها الام بتدي ما بتشيل وتدعي لينا ما بتدعوا علينا... بتعني لي كتير والله

2/ أنت تتقلدي منصب وزيرة الثقافة والإعلام ولاية الجزيرة ماهي الروي المستقبلية لتلك المدينة
والإصلاحات التي تقومين بها في هذا المجال؟
والله كان شفت مدني قريب ما بتسالني ... بقت اجمل من الخرطوم ولو غيروا الوزير ده الياها الخربانه

3/ متي كانت اخر زياره الي السودان عامه ومدني والشبارقه خاصة وماهي التغيرات التي شاهدتيها؟
انا جيت قبل 10 شهور ودي كانت اول مغادره للسودان الخركوم في ضيق زي ضيق الهدوم الفي السودان عامه والسخانه مسخنه بي كل البشر الواحد لو ضايقوا ضلوا في الطريق يسب ليه
مدني بقت سمحه شديد ودا ما تحيز ... الشبارقه الجميله بقت اجمل بكتير

4/ ماذا تعني ليك الغنية الت فعلت ضجة في السودان راجل المره حلو حلا ونفترض جدلا أنها انطبقت علي زوجك لاقدر الله ؟ ماذا تفعل هل ترضي بالواقع ان تكون عندك ضره ؟
البتقبل بالضره زي السياسي السوداني البيقبل يحكموا امريكي انت ممكن تتزوج مره تانيه !!! انا ما سمعت الاغنيه

5/ معليش هذا سوال حار جدا لكن انت في الكرسي الساخن السؤال تركتي الدراسة الجامعية من اجل
الزواج هرباً من البوره ؟
انا اتزوجت اثناء الجامعه وتركتها بعد ان اكملت ابنتي الاولى عامها الاول وكانت عندي مشاكل اكاديميه كنت واثقه100% انها في الوضع الراهن ما بتتحل وربما ارجع تاني بعد موضه التغييرات دي

6/ الظواهر السالبه في مجتمع النساء السودانيات في الغربه ؟
اقرا موضوع حق الجار لبت الشبارقه... بس في استثناّت باختلاف طبيعة السكن زي السودان .. الناس المروقين ما بيداخلوا زي الناس العاديين...

اختي لك العتبة حتي ترضي وتحياتي الي ذالك الفارس المسكين الذي يدفع حق التلفون لاستخدام النت زوجك الحبيب والتحية الي بناتك ولنا عوده .................................
انت وكت حاني عليهو متل ده بتكتبني نص ساعه مالك؟

[شبارقاوية]

والله يا بت الشبارقة شرفتينا باجاباتك والتى تدل على انك قمة فى الرقى
لكن برضو ما بتمرقى منى انا عايزة اسالك سؤال بسيط انا زرت ماليزيا قبل سنة ونص اجازة واعجبت جدا بها وبخضرتها وباماكنها السياحية التى يحتار الشخص الى اين يذهب وماذا يزور رغم انها اجتهاد بسيط جدا جدا لجعل البلد سياحية يعنى بس الاكثر جمالا الخضرة (حديقة القرود والتماسيح والسمك والطيور والحيوانات ونحن نملك كل تلك الثروة):
هل تعتقدين السودان بكل مساحته وبهذا النيل العظيم غير قادر على فعل هذا البسيط الساحر ليكون سياحيا؟

[عوض صقير]

الأخت بت الشبارقة

أولا بعتذر بشدة لتأخرى فى الترحيب بيك فى هذا الكرسى الساخن

مرحب بيك وأتمنى أن تكونى مرتاحة فى الكرسى

وبرجع ليك مرة أخرى

[المكاشفى]

شعورك شنو زمان وكت رحت فى الرجبيه...........
انا منتظر الحكاية بتاعت المكاشفيه

[بت الشبارقه]

والله يا بت الشبارقة شرفتينا باجاباتك والتى تدل على انك قمة فى الرقى
لكن برضو ما بتمرقى منى انا عايزة اسالك سؤال بسيط انا زرت ماليزيا قبل سنة ونص اجازة واعجبت جدا بها وبخضرتها وباماكنها السياحية التى يحتار الشخص الى اين يذهب وماذا يزور رغم انها اجتهاد بسيط جدا جدا لجعل البلد سياحية يعنى بس الاكثر جمالا الخضرة (حديقة القرود والتماسيح والسمك والطيور والحيوانات ونحن نملك كل تلك الثروة):
هل تعتقدين السودان بكل مساحته وبهذا النيل العظيم غير قادر على فعل هذا البسيط الساحر ليكون سياحيا؟

مرحب بالحبيبه .... وشكرا ليك علي الاطراء الجميل والله كده بس دا شوييه مما عندكم ... لك الشكر مره اخرى
انا لحدي الان مندهشه من ماليزيا ولحدي الان بستغرب الناس ديل بلد قدر الخرطوم عاملين فيها البدع وكل ما اتصل علي اهلي بقول ليهم... (ان الجنه ما لا عين رات ولا اذن سمعت ولا خطر ببال احدكم...) طيب لو كانت اجمل من ماليزيا دي يبقى حا تكون كيف؟ والله الواحد العايز يزيد ايمانوا بقدرة الخالق اليجي هنا... ديل عملوا للفراشات حديقه!!!!!!! نحن في السودان يادوب الناس بقوا يفكروا في الزهور ياترى بعد كم عام بيفكروا في الطيور ؟
البلد هي عموما زي الاستوائيه لانها هي برضو استوائيه يعني لو نحن عايزين نعمل زيهم الا نتوجه الجنوب ولكن ناس الجنوب بقوا يكوسوا للانفصال ... الامكانيات كمان ليها دور كبير نحن مواردنا كلها رايحه في الحروب والدخل الباقي يادوب بيكفي القطاعات الحكوميه غايتو الا بعد 100 سنه ونتمنى لو بعد 1000 سنه المهم انو يكون السودان زي ماليزيا وكل المناطق السياحيه في العالم ... علي الاقل اليعملوا انشاء الله ملعب قولف

[بت الشبارقه]

الأخت بت الشبارقة

أولا بعتذر بشدة لتأخرى فى الترحيب بيك فى هذا الكرسى الساخن

مرحب بيك وأتمنى أن تكونى مرتاحة فى الكرسى

وبرجع ليك مرة أخرى

والله شرفت وزاد الكرسي بي قدومك بروده ومتين ما جيت انحنا قاعدين
بس ما تطول الغيبه

[بت الشبارقه]

شعورك شنو زمان وكت رحت فى الرجبيه...........
انا منتظر الحكاية بتاعت المكاشفيه
من اجمل المناطق الشكينيبه ومن اجمل الايام فيها ..المولد والرجبيه...
لم اذهب وانا طفله ابدا لان اهلي كانوا يخافوا علينا من الروحه لكن بعد ان اصبحنا كبار كانت اغلب الزيارات لامكلحه في ذلك الوقت من السنه حتى نتمكن من الذهاب للشكينيبه التي ياتيها البشر من كل اطراف السودان يوم الرجبيه ونانس بالعشاق للرسول الذين يزينون الساحه ... بالجد الرجبيه كانت ولسه من الحاجات التي تعلق بذهن الانسان ولا تفارقه
الحكايه بتاعة المكاشفيه فيها شيء من الطرفه والكثير من التراجيديا
كانت عندنا عربيه هي اصلا بتاعة الحكومه .. العربيه بتجي من ابونعامه لحدي مدني بي نفس واحد زي ما بيقولوا رغم انها ما سمحه شديد.. ولما اتزوجنا قررنا نمشي بيها لي امطلحه لزيارة الاهل (حركات العرسان) اتحركنا الساعه9صباحا ومعانا اخوي وود خالتي الصغير وبنات خالنا اتنين.. ديل كانت اول زياره ليهم لي غرب الجزيره
بعد وصلنا الزلط بتاع الشبارقه وقبل ما نبعد نص كيلو العربيه وقفت.... لحسن الحظ كان معانا اولاد لقيناهم في الزلط من التدريب المهني... قعدوا يصلحوا بي جاي يلقو مشكله بي جاي .. ما اطول... العربيه لحدي ما وصلت كوردقيل الجمب الشبارقه كانت الساعه 3 ظهر وصممنا انوا نواصل السفر... الجماعه الماشين المدرسه رجعوا لانوا الدوام بيكون انتهى ونحن بقينا شويه نمشي وشويه ندفر لحدي ما وصلنا قريب الملكيه اخوي مشى جاب مكنيكي ولقوا المشكله في الفحمات .. اتصلحت العربيه ومشنا ..اتعدينا حنتوب العربيه وقفت وشويه ضحك وشويه سخط لكلكوا فيها ودفرنا المغرب دخل ولسه مغررين انوا ما نرجع مشينا المنطقه لقينا دكان واحد بس واشتغلوا فيها قالوا دي الفيوزات ... صلحوها ... اخيرا خلاص اتصلحت .. اكلنا فطور وغدا وعشاء .. واتحركنا ليك يا ام طلحه... لما قربنا لي الكبري بتاع بيكه العربيه وقفت وبعد داك الجرس كترت الحته مقطوعه .. تاني اشتغلت مره دفر ومره تمش وقطعنا الكبري وجازفنا لحدي ما وصلنا المدينه عرب الساعه 10 المكنيكي قال النور الطويل ينطفي والقصير يبقى هوالشغال ... اتخيل بعد داك مشت بالعكس اول ما بعدنا رجعت لحالتا ونزلنا من الزلط عشان النور واللواري وصلنا المناقل الساعه12 بالليل ومشينا الطرمبه الفي الشارع قلنا نبيت هناك والصباح نتصل بي اهلنا يجو يسوقونا انت يا بتاع الطرمبه حلفت ما تخلينا .. مشينا بعد داك قلنا نواصل زي ما كنا رغم التعب الفينا والبرد الدخل ووازينا المجر لانوا اقرب وانت عارف الرباطيه في الحتات ديك الواحد بيضبحوه عشان يشيلوا منو العندوا ... الحبيبه حلفت ما تتحرك جمب الغابه البره المناقل والمحاولات ابت تجيب نتيجه ... بقى الحل اجباري اننا نبيت هنا .. انا كنت من الناس الغير مومنين بحاجه اسمها الشيوخ وبركات الشيوخ... فجاه خطرت خي بالي كلمات والله ما عارفه جات من وين لحدي الان .... (يا الله ويا المكاشفي ابو عمر انحن في جوارك والبلد دارك والمكان غافر .. الحقنا وارفع قدمنا .. يا رب ويا المكاشفيه الحيين والميتين.. الحقونا وانا ارجف من الخوف والادعيه تجي واقول .. الجماعه الوراء يضحكوا مني ومستغربين ... زوجي قال في نفسوا يحرك المفتاح شويه واول تكه العربيه ماشه نص ساعه ما وقفت الا في بيتنا قدام الباب والكانوا بيضحكوا وجموا من الدهشه وما نطقوا بي كلمه وان ما وقفت من الدعاء الا بعد العربيه ما وقفت الساعه حينها كانت ماشه لي الواحده صباحا وبدل ما ندق الباب قمنا نكورك (وصلنا .. وصلنا .. ) اهلنا جو مخلوعين من الناس والكواريك .. حكينا ليهم الحكايه جدي قال انوا المكاشفيه طالبننا زياره ...........
رايك شنو بالله ما كرامات الاولياء ؟ انا من داك اليوم وكل ما ادخل في استرس برجع لي القلتوا والله وبتنفرج باذن الله

[meshanshow]

مرحبا بي بت الشبارقه التي تمتعنا دائما بموضوعاتها البناءه و الجميله فاهلا بك

[Madanawi]

كل شئ بأمر الله ، وبالتاكيد لكثير من اهلنا الصوفية كرامات و لكن يبقى تحريك الساكنات بامر الله عز وجل،،

سؤال ،،،

يقال في الغربة علاقة الاسرة اقوى منها في السودان ، بمعنى ان علاقة الزوجين مع بعضهما البعض ومع ابناءهم تكون اقوى في الغربة ، ما هو رأيك؟؟؟؟؟؟؟؟؟

[مدنيّة]

يا اخوانا بت الشبارقة دي تكون سافرت ونستنا ؟؟ :confused:

ياسمووووحة تعالي ورينا خبر جارتك دي

[ود المطامير]

أختى بت الشبارقه
بكل أمانه وصدق , برافو عليك ( لسااااااان طويل ) ومقدره هائله فى تطويع الحروف لصالحك
ودم خفيف وردود تبعث على الإبتسامه الصادقه والضحكه من القلب , أحيّيك بحراره وصدق ( أريتو حال المحاميين ) .

[ود المطامير]

دقيقه ياخى استهدى بالله ياود المطامير الطوب ده كلو لى بت الشبارقه
دقيقه بتضرب البنات العسل ديل يا بت الشبارقه ابعدى بناتك غلبنى اسبت المكوجى ده هى قصدي ود المتامير ده
ياود المتامير كلنا محموقين من ناس الشبارقه لاكن ماتعملها ظاهرة كده بالدس
فى الجامعه كان مشروع التخرج مع واحد قريبها من ناس الشبارقه بالله للمناقشه ناديناه مناده ماعمل اي حاجه.
اسى كان قلتى من ام طلحة كان كلنا برمنا سكاكينا ووقفنالك عشان كلنا من الخلا داك
ربنا يبرد عليك الكرسى .......
برجع ليك.......
هازول إنت بصحك ؟ بت الشبارقه دى تبيع الواحد فى سوق الله أكبر
وتشتريه وتبيعه تانى وهو يكون ما جايب خبر . خليك معاى وهاك الطوب فلّق ساااى

[ود المطامير]

يا اخوانا بت الشبارقة دي تكون سافرت ونستنا ؟؟ :confused:

ياسمووووحة تعالي ورينا خبر جارتك دي

غايتو يا مدنيه لو فعلاً سافرت إلا تودوا ليها
كمبيوتر بشتغل بحجار بطاريه , أصلو الشبارقه
والمطامير أخوات بنات أم وأبو عدييييييييييييل .

[مدناوية]

الاعزاء الغاليين ...
مدنيه , نفحات , الفارس البنفسجي , ود حسن , سوااااح ومدناوي بالانجليزي
اشكركم جدا علي المدح الجميل وربنا يدينا خيركم لي قدام وخليكم علي النهج ده طواااااالي
لكن اّنفحات بتبالغي خليت ليك المدرسه انت وسماح بقيتي تكوسي لي بالحله .. عاد الله يطرش مني ود المطامير ويزيد سمع اختو ام كلاما سمح

والله يابت الشبارقة ليك وحشة ،،،
طفشتيني من المدرسة وقعدتي،،،،
أها مشيت ناديت ليك ود المتامير،،،
إن شاء الله يكون عمل معاك الواجب وماقصر؟؟؟
عليك الله ماإشتقتي لي ولي مساختي ياستي الناظرة؟؟؟

[ود المطامير]

هي يا ود المطامير ما كلموك ... ما سحبت المواضيع الجاده كلها ونزلت بيان عند ناس حوشنا يسمحوا ليك بالدخول انت وام عمرو وعمرو واخوانه و ما سمعت كمان ناس الكماين ما ماشين اهلم لانهم عايزين يبقوا دوله براهم .
أيوه كلمونى وقالوا قلتى يوم كتبتى البوست حق المواضيع الجاده
كان هضربة ملاريا سااااى ,

[بت الشبارقه]

أختى بت الشبارقه
بكل أمانه وصدق , برافو عليك ( لسااااااان طويل ) ومقدره هائله فى تطويع الحروف لصالحك
ودم خفيف وردود تبعث على الإبتسامه الصادقه والضحكه من القلب , أحيّيك بحراره وصدق ( أريتو حال المحاميين ) .

غنوا معانا غنوة العيد والفرح الليله يوم ميلاد فرحنا
دا منو ده... ود المطامير بي نفسو ؟ واللع شرفتنا يا خ وشنو الكلام ده انشاء الله ما يكون هزار ؟
شكرا ليك شديييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييد ومره تاني شرفتنا والله

[بت الشبارقه]

مرحبا بي بت الشبارقه التي تمتعنا دائما بموضوعاتها البناءه و الجميله فاهلا بك

مرحبتين ... الدار دارك ابقى داخل

[بت الشبارقه]

كل شئ بأمر الله ، وبالتاكيد لكثير من اهلنا الصوفية كرامات و لكن يبقى تحريك الساكنات بامر الله عز وجل،،

سؤال ،،،

يقال في الغربة علاقة الاسرة اقوى منها في السودان ، بمعنى ان علاقة الزوجين مع بعضهما البعض ومع ابناءهم تكون اقوى في الغربة ، ما هو رأيك؟؟؟؟؟؟؟؟؟

صدقت اخي مدناوي كل شيء بامر الله
الغربه يمكن علاقة الاسره بتكون اقوى لانها محصوره بين ثلاثه ... اب وام وبينهم الاولاد.. والزوجين بيحاول كل واحد منهم انو يخفف علي التاني وحشه البعاد .... البلد العلاقات بتبقى جدوا وحبوبه والخلان والاعمام والجيران احيانا الاولاد ما بيلاقوا ابوهم وامهم الا المساء فبتبعدهم شويه عن بعض
يمكن في ناس ادرى مني في الموضوع ده

[بت الشبارقه]

يا اخوانا بت الشبارقة دي تكون سافرت ونستنا ؟؟ :confused:

ياسمووووحة تعالي ورينا خبر جارتك دي

والله قاعده انتو المشيتو وين؟
اكان علي سموحه والله حمودي موريها النجوم عز الضهر
حرم عليها التلفزيون والكمبيوتر والنوم زاتو .....

[بت الشبارقه]

غايتو يا مدنيه لو فعلاً سافرت إلا تودوا ليها
كمبيوتر بشتغل بحجار بطاريه , أصلو الشبارقه
والمطامير أخوات بنات أم وأبو عدييييييييييييل .


لاحول ولا قوه الا بالله
دا شنو يا ود المطامير ما كنت جاري ناعم لحدي ما خليتني ارد عليك قبال الجماعه كلهم ...
الحصل شنو؟ زعلك شبارقه واللا شنو؟ بعدين قاصد ياتو مطامير؟

[بت الشبارقه]

والله يابت الشبارقة ليك وحشة ،،،
طفشتيني من المدرسة وقعدتي،،،،
أها مشيت ناديت ليك ود المتامير،،،
إن شاء الله يكون عمل معاك الواجب وماقصر؟؟؟
عليك الله ماإشتقتي لي ولي مساختي ياستي الناظرة؟؟؟

انتو الطفشتوا من يوم ما قالو بت الشبارقه في الكرسي البارد وانتوا واقفين بالحيط قايلني ما شايفاكم؟
مشيتي تناديه للفليق جيتي لقيتيهو واقف انتباه ... والله برد علي زي عصير شبرقيه .. الله يديكم العافيه يا ناس المدرسه .. ما عارفه لو ختيتكم كنت وصلت الصفحه الخامسه دي كيف.....
ووب علي من قبيل تنضمي قايلاني الناظره؟

[المكاشفى]

من اجمل المناطق الشكينيبه ومن اجمل الايام فيها ..المولد والرجبيه...
لم اذهب وانا طفله ابدا لان اهلي كانوا يخافوا علينا من الروحه لكن بعد ان اصبحنا كبار كانت اغلب الزيارات لامكلحه في ذلك الوقت من السنه حتى نتمكن من الذهاب للشكينيبه التي ياتيها البشر من كل اطراف السودان يوم الرجبيه ونانس بالعشاق للرسول الذين يزينون الساحه ... بالجد الرجبيه كانت ولسه من الحاجات التي تعلق بذهن الانسان ولا تفارقه
الحكايه بتاعة المكاشفيه فيها شيء من الطرفه والكثير من التراجيديا
كانت عندنا عربيه هي اصلا بتاعة الحكومه .. العربيه بتجي من ابونعامه لحدي مدني بي نفس واحد زي ما بيقولوا رغم انها ما سمحه شديد.. ولما اتزوجنا قررنا نمشي بيها لي امطلحه لزيارة الاهل (حركات العرسان) اتحركنا الساعه9صباحا ومعانا اخوي وود خالتي الصغير وبنات خالنا اتنين.. ديل كانت اول زياره ليهم لي غرب الجزيره
بعد وصلنا الزلط بتاع الشبارقه وقبل ما نبعد نص كيلو العربيه وقفت.... لحسن الحظ كان معانا اولاد لقيناهم في الزلط من التدريب المهني... قعدوا يصلحوا بي جاي يلقو مشكله بي جاي .. ما اطول... العربيه لحدي ما وصلت كوردقيل الجمب الشبارقه كانت الساعه 3 ظهر وصممنا انوا نواصل السفر... الجماعه الماشين المدرسه رجعوا لانوا الدوام بيكون انتهى ونحن بقينا شويه نمشي وشويه ندفر لحدي ما وصلنا قريب الملكيه اخوي مشى جاب مكنيكي ولقوا المشكله في الفحمات .. اتصلحت العربيه ومشنا ..اتعدينا حنتوب العربيه وقفت وشويه ضحك وشويه سخط لكلكوا فيها ودفرنا المغرب دخل ولسه مغررين انوا ما نرجع مشينا المنطقه لقينا دكان واحد بس واشتغلوا فيها قالوا دي الفيوزات ... صلحوها ... اخيرا خلاص اتصلحت .. اكلنا فطور وغدا وعشاء .. واتحركنا ليك يا ام طلحه... لما قربنا لي الكبري بتاع بيكه العربيه وقفت وبعد داك الجرس كترت الحته مقطوعه .. تاني اشتغلت مره دفر ومره تمش وقطعنا الكبري وجازفنا لحدي ما وصلنا المدينه عرب الساعه 10 المكنيكي قال النور الطويل ينطفي والقصير يبقى هوالشغال ... اتخيل بعد داك مشت بالعكس اول ما بعدنا رجعت لحالتا ونزلنا من الزلط عشان النور واللواري وصلنا المناقل الساعه12 بالليل ومشينا الطرمبه الفي الشارع قلنا نبيت هناك والصباح نتصل بي اهلنا يجو يسوقونا انت يا بتاع الطرمبه حلفت ما تخلينا .. مشينا بعد داك قلنا نواصل زي ما كنا رغم التعب الفينا والبرد الدخل ووازينا المجر لانوا اقرب وانت عارف الرباطيه في الحتات ديك الواحد بيضبحوه عشان يشيلوا منو العندوا ... الحبيبه حلفت ما تتحرك جمب الغابه البره المناقل والمحاولات ابت تجيب نتيجه ... بقى الحل اجباري اننا نبيت هنا .. انا كنت من الناس الغير مومنين بحاجه اسمها الشيوخ وبركات الشيوخ... فجاه خطرت خي بالي كلمات والله ما عارفه جات من وين لحدي الان .... (يا الله ويا المكاشفي ابو عمر انحن في جوارك والبلد دارك والمكان غافر .. الحقنا وارفع قدمنا .. يا رب ويا المكاشفيه الحيين والميتين.. الحقونا وانا ارجف من الخوف والادعيه تجي واقول .. الجماعه الوراء يضحكوا مني ومستغربين ... زوجي قال في نفسوا يحرك المفتاح شويه واول تكه العربيه ماشه نص ساعه ما وقفت الا في بيتنا قدام الباب والكانوا بيضحكوا وجموا من الدهشه وما نطقوا بي كلمه وان ما وقفت من الدعاء الا بعد العربيه ما وقفت الساعه حينها كانت ماشه لي الواحده صباحا وبدل ما ندق الباب قمنا نكورك (وصلنا .. وصلنا .. ) اهلنا جو مخلوعين من الناس والكواريك .. حكينا ليهم الحكايه جدي قال انوا المكاشفيه طالبننا زياره ...........
رايك شنو بالله ما كرامات الاولياء ؟ انا من داك اليوم وكل ما ادخل في استرس برجع لي القلتوا والله وبتنفرج باذن الله

المكاشفيه يلحقونا ويفزعونا
ويا المكاشفى ابو عمر بت الشبارقه فى الزريبه وتبرد عليها الكرسى

[samah]

يا اخوانا بت الشبارقة دي تكون سافرت ونستنا ؟؟ :confused:




ياسمووووحة تعالي ورينا خبر جارتك دي

في زول بكورك لي ولا دا ابو السعد
اها وكت دخلتا مابمرق ساي بت الشبارقه سمعتي بي شمار جيرانا ماسافرو
وماجابو لي عدتي اها انتو كمان سافرو وماتجيبو لي صحني واعملو رايحين فوتك بعافيه

[شبرقية]

بت الجيران ازيك
لو كنت محل سلطه في الشبارقة تغيري شنو?
لما ترجعي بالسلامه ان شاء الله اول مكان بعد بيتكم وبيت ناس عمدة( ولو انه الاتنين بيت واحد )
حتمشي وين?
ممكن تقعدي تكملي دراستك وتخلي عمده في ماليزيا لوحدو ?

[مرتضى يوسف العركي]

الاخت الكريمة بت الشبارقة
تحيات طيبات زاكيات
اولا نأسف لتأخرنا عن المداخلة

ثانيا : سيدتي أتساءل عن بنتيك الحلوتين حفظهما الله وماليزيا ماذا أعددت لهما من هوية سودانية وقيم تثبتهما أمام المد المجتمعي من القيم الغير ما هي الأجندة والوسائل والبرامج ؟؟ التي ربما ترين فيها غرس يتوءام مع متطلبات الغربة وتحقيق الهوية لصغارنا ويتدارك كثير ان لم يكن كل السلبيات التي قد تجعل منهم نسخ شائهة لا قدر الله فانا في السعودية اخاف على ابنائي من الروضة والمفردات ومضايقة الصغار للونهم الاسود والخ....ولاهمية الامر أفكر بفرد بوست منفصل لهذا الامر لتحس بقية اعضاء المنتدى ؟
مع التحية .

ــــــــــــــــــــــــــــــــــــــــــــــ
كلمة طيبة كغيث أصاب أرضا طيبة فأنبتت كلأ وعشبا كثيرا

[بت الشبارقه]

في زول بكورك لي ولا دا ابو السعد
اها وكت دخلتا مابمرق ساي بت الشبارقه سمعتي بي شمار جيرانا ماسافرو
وماجابو لي عدتي اها انتو كمان سافرو وماتجيبو لي صحني واعملو رايحين فوتك بعافيه

اتاريك من امس مادخلتي المنتدى عشان العده... اصبري امكن تلقي ليك معاها حلة رز!!!!!!!!
صحنك؟ ياتو صحن؟ انا ما عندي صحن غريب.. كلهن حقاتي..

[بت الشبارقه]

بت الجيران ازيك
لو كنت محل سلطه في الشبارقة تغيري شنو?
لما ترجعي بالسلامه ان شاء الله اول مكان بعد بيتكم وبيت ناس عمدة( ولو انه الاتنين بيت واحد )
حتمشي وين?
ممكن تقعدي تكملي دراستك وتخلي عمده في ماليزيا لوحدو ?

لو كنت محل سلطه بجيب ناس الكشه للاولاد البيقعدوا جمب الدكاكين بالعصريات ويخلوا النوادي
اول مكان حا امشيه وانتي عارفاه... اشيل الفاتحه في جارنا الغالي علينا( عبدالله ابكريق)
... .. كان علي الدراسه انا اصلا ضيعت زمان وما فرقت لو ضيعت تاني .. الاولويه اكيد للعمده ..

[شبرقية]

لو كنت محل سلطه بجيب ناس الكشه للاولاد البيقعدوا جمب الدكاكين بالعصريات ويخلوا النوادي
اول مكان حا امشيه وانتي عارفاه... اشيل الفاتحه في جارنا الغالي علينا( عبدالله ابكريق)
... .. كان علي الدراسه انا اصلا ضيعت زمان وما فرقت لو ضيعت تاني .. الاولويه اكيد للعمده ..

اصيلة وبت بلد

[بت الشبارقه]

الاخت الكريمة بت الشبارقة
تحيات طيبات زاكيات
اولا نأسف لتأخرنا عن المداخلة

ثانيا : سيدتي أتساءل عن بنتيك الحلوتين حفظهما الله وماليزيا ماذا أعددت لهما من هوية سودانية وقيم تثبتهما أمام المد المجتمعي من القيم الغير ما هي الأجندة والوسائل والبرامج ؟؟ التي ربما ترين فيها غرس يتوءام مع متطلبات الغربة وتحقيق الهوية لصغارنا ويتدارك كثير ان لم يكن كل السلبيات التي قد تجعل منهم نسخ شائهة لا قدر الله فانا في السعودية اخاف على ابنائي من الروضة والمفردات ومضايقة الصغار للونهم الاسود والخ....ولاهمية الامر أفكر بفرد بوست منفصل لهذا الامر لتحس بقية اعضاء المنتدى ؟
مع التحية .



مرحبتين انت ما طولت بس نحن المشينا بسرعه
البنات ..او السودانيين عموما هنا لا يواجهون اي نوع من انواع التفرقه بل بالعكس يلاقوا ترحيب من الجميع ... نحن لمن نطلع تلقى البنات بيشاغلوا ده ويلعبوا مع ده وبيحبوهم شديد .. الروضه لا تقل شيء عن المجتمع الخارجي المربيات بيعجبوا بذكاء ابناء السودانيين والتزامهم باللبس والنظافه والاتيكيت

[بورتبيل]

بت الشبارقة
في رحلتكم الجميلة دي للشكينبة ..... وبعد ما وصلتو المدينة عرب .. كان قبل المدينة عرب وقفت بكم العربية قصاد بورتبيل .. وكان قالتو ( يا شيخ بورتبيل) كان عربيتكم دي بقت ليلى علوي بالجد

عموماً رحلتكم كانت جميلة .. ولله انا من سرد القصة حسيت اني فعلاً راكب معاكم الراكوبة حقتكم دي

[بت الشبارقه]

بت الشبارقة
في رحلتكم الجميلة دي للشكينبة ..... وبعد ما وصلتو المدينة عرب .. كان قبل المدينة عرب وقفت بكم العربية قصاد بورتبيل .. وكان قالتو ( يا شيخ بورتبيل) كان عربيتكم دي بقت ليلى علوي بالجد

عموماً رحلتكم كانت جميلة .. ولله انا من سرد القصة حسيت اني فعلاً راكب معاكم الراكوبة حقتكم دي

لك الود يا بورتبيل .... انا كان بقت العربيه ليلى علوي كان انا بقيت روبي!!
الراكوبه كانت اجمل بكتييير...
عمي اول ما صحينا الصباح لقيناه جاب بهيه وفرشه وكتب عليها اسعاف!

[بت الشبارقه]

اصيلة وبت بلد

رائك شنو بالله اعملا؟

[ود المطامير]

يا بت الشبارقه
1+1 = 2
فمتى 1+1= 3

[بت الشبارقه]

يا بت الشبارقه
1+1 = 2
فمتى 1+1= 3
عندما يتزوج الواحد الاول من الواحد التاني اكيد الناتج بيبقى 3

[ود المطامير]

يا بت الشبارقه
1+1 = 2
فمتى 1+1= 3
عندما يتزوج الواحد الاول من الواحد التاني اكيد الناتج بيبقى 3
برافووووووووووو عليك
أقسم بالله دا كان مغذى سؤالى
غايتو .. عشره على عشره
وما شاء الله عليك

[عماد عبدالشكور]

اها طيب 1+1=1 بتين

[بت الشبارقه]

لما الواحد يجن ويقوم جاري والواحد التاني محتار الحصل شنو؟

[بورتبيل]

بسم الله الرحمن الرحيم
دي حصة رياضيات ولا شنو !!!
كدي خلوني انقول سوالي دا وبعدين واصلو انتو!!

سوال رقم خمستاشر من تسعة وربعين بيقول:
ما هي الدكتاتورية في البيت ( منافع وعيوب)؟

[شبارقاوية]

غايتو يا مدنيه لو فعلاً سافرت إلا تودوا ليها
كمبيوتر بشتغل بحجار بطاريه , أصلو الشبارقه
والمطامير أخوات بنات أم وأبو عدييييييييييييل .

هوووووووووووووووى يا ود المطامير ما تلف وتدور فاهمنك تعالوا اشحنوا كمبيوتراتكم عندنا ساى ما بنقول ليكم لا

[بت الشبارقه]

بسم الله الرحمن الرحيم
دي حصة رياضيات ولا شنو !!!
كدي خلوني انقول سوالي دا وبعدين واصلو انتو!!

سوال رقم خمستاشر من تسعة وربعين بيقول:
ما هي الدكتاتورية في البيت ( منافع وعيوب)؟

زي الدكتاتوريه الفي البلد
منافعها تخص الشخص الدكتاتور
عيوبها الاستيلاء على حريات الاخر
عموما نحن لا نمارس الدكتاتوريه فنحن ديمقراطيون في كل شيء

[بت الشبارقه]

هوووووووووووووووى يا ود المطامير ما تلف وتدور فاهمنك تعالوا اشحنوا كمبيوتراتكم عندنا ساى ما بنقول ليكم لا

عليك الله كلميهم .. انا كان اتكلمت بخرب علي روحي ساكت

[ود المطامير]

هوووووووووووووووى يا ود المطامير ما تلف وتدور فاهمنك تعالوا اشحنوا كمبيوتراتكم عندنا ساى ما بنقول ليكم لا
هههههههههههههههههههههه
إشتريتوا جنى ريتر ولأ شنو ؟

[احمدمحمدعلي]

اختي بت الشبارقه 000غايتو دخلتي دخله بس ربنا يهونها عليك 000على فكره انت قلت درست في ود النعيم 0000بتعرفي ودالشافعي يعني?

[احمدمحمدعلي]

اختي بت الشبارقه 000غايتو دخلتي دخله بس ربنا يهونها عليك 000على فكره انت قلت درست في ود النعيم 0000بتعرفي ودالشافعي يعني?

[بت الشبارقه]

ايوه ... بعرف ود الشافعي و99 وشلعوها وتقريبا اغلب المناطق حول ود النعيم

[بت الشبارقه]

هههههههههههههههههههههه
إشتريتوا جنى ريتر ولأ شنو ؟

اشترينا رايتر في روحا....

[المكاشفى]

بت الشبارقة
في رحلتكم الجميلة دي للشكينبة ..... وبعد ما وصلتو المدينة عرب .. كان قبل المدينة عرب وقفت بكم العربية قصاد بورتبيل .. وكان قالتو ( يا شيخ بورتبيل) كان عربيتكم دي بقت ليلى علوي بالجد

عموماً رحلتكم كانت جميلة .. ولله انا من سرد القصة حسيت اني فعلاً راكب معاكم الراكوبة حقتكم دي

الحمد لله الماقالوها كان لليوم ده ماوصلوا وله شنو يامدثر
رايك شنو فى كلامى يابت الشبارقه

[شبارقاوية]

هههههههههههههههههههههه
إشتريتوا جنى ريتر ولأ شنو ؟

نحن اشترينا ريتر ولما تجيب جناها بنتيرع بيهو ليكم

[بنت الرفاعي]

مرحب بيك يابنت الشبارقة(عااااااارفاهو متأخر وبعتذر لظروف خارجة عن الارادة كالعادة) المهم ماشاءالله عيني باردة عليك في الكرسي القدرت تكوني فيهو بروف في الردود وردودك جميلة , طبعا في أسئلة كتيرة كانت في بالي ولقيت انها اتسألت..
بس ما مشكلة أسألك عن طفولتك كيف كانت؟؟

[ود المطامير]

نحن اشترينا ريتر ولما تجيب جناها بنتيرع بيهو ليكم
هههههههههههههههههههه
ريتر دى نحنا ربيناها وبعناها للباعوها ليكم
هع هع هع هع

[بت الشبارقه]

مرحب بيك يابنت الشبارقة(عااااااارفاهو متأخر وبعتذر لظروف خارجة عن الارادة كالعادة) المهم ماشاءالله عيني باردة عليك في الكرسي القدرت تكوني فيهو بروف في الردود وردودك جميلة , طبعا في أسئلة كتيرة كانت في بالي ولقيت انها اتسألت..
بس ما مشكلة أسألك عن طفولتك كيف كانت؟؟

الشكر للغاليه مرام ..
طفولتي .....
كنت وحيده بين ولدين... محبوبه لدرجه ما بطاله ..
حتى الان لدي مشكله في التاقلم مع النواعم
اختار صديقه واحده في كل مرحله من حياتي وانا طفله ومن النادر جدا الاستمرار معها ولكني احمل في داخلي كل ذكرياتي مع صديقاتي ... الاختيار ليس بسبب انني لا احب الصداقات بالعكس فانا كنت غير مرحب بي كثيرا في عالم البنات(الصغار) لاني كنت دائما اشتكي لامي اتفه الاشياء
اخواني وابن خالتي الذي يكبرني بعامين كانوا عالمي الممتع رغم انني كنت اختلق المشاكل معهم ولكني كنت استمتع بصحبتهم.

[بت الشبارقه]

الحمد لله الماقالوها كان لليوم ده ماوصلوا وله شنو يامدثر
رايك شنو فى كلامى يابت الشبارقه

عليك الله ما لك علي ... بورتبيل اليومين دي علاقتي معاه كويسه الكرسي بيتطلب التنازلات عن الحقائق

















بيني وبينك كده كان قلتها اكانت رجعتنا لي كردقيلي تاني

[بت الشبارقه]

هههههههههههههههههههه
ريتر دى نحنا ربيناها وبعناها للباعوها ليكم
هع هع هع هع

خع خع خع خااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااع
قلت شنو؟ ماك خايف يجيك صاروخ زي حق الشفاء الضهبان؟؟؟؟؟؟؟؟؟؟؟؟؟؟؟؟؟

[شاكسس]

ههههههههههههههههه


طيب ماتسمو منتدى الشبارقه بالمره


كلو شبارقه ده هنا الموقف بتاعن ولا شنو


خخخخخخخخ





خليك حماسيه يابتنا ولا ياخاله ونتلاقى تانى



اخوانك التيمان

[التيمان]

اناااااااااااااااااااااا


جيت


ياخاله



كيفك مع الكرسى


ونورتى المنتدى والله

[المكاشفى]

اناااااااااااااااااااااا


جيت


ياخاله



كيفك مع الكرسى


ونورتى المنتدى والله

والله البركه فى بت الشبارقه النكتتكم
كنت وين والحاصل شنو
ومافاهمين حاجه
المهم يامجتبى ومصطفى انا لسه
راجيكم تجونى عشان اعمل عرسى

[بت الشبارقه]

ههههههههههههههههه


طيب ماتسمو منتدى الشبارقه بالمره


كلو شبارقه ده هنا الموقف بتاعن ولا شنو


خخخخخخخخ





خليك حماسيه يابتنا ولا ياخاله ونتلاقى تانى



اخوانك التيمان

ازيكم يا التيمان....
عاد انا شاحده الله يا وليداتي يديني من فضلو ولدين زيكم كده ...
بعدين مدني ما هي الشبارقه والشبارقه هي مدني ونحن كان خلينا مدني نمشي وين ...

[بت الشبارقه]

الكرسي بعد ما طليتو عليه يا التيمان بقى من دهب ....














مش انتو برضو عضو ذهبي؟

[المسافر]

أختنا الرائعة الراقية بت الشبارقة
طبعاً متأسفين على التأخير لأني كنت طافش
وبفتش في شبارقة . . . .
أحب أشيد بأسلوبك وطريقتك السلسلة في الكتابة
برغم حداثة عضويتك . فلكِ كل حب وتقدير . . .
وهذا ما أردت أن أوصله لكِ في بداية مشاركاتي
في كرسيك . . .
دي المنظار ولسع الفلم قدام

ودمتي

[صلاح ودالطاهر]

والله كل يوم ادخل واشاهد الصور واقراء تعليقات سوباوي الجميله .. اقول اعلق والقى نفسي ما قادره
ربما لاحساسي بالضاّله امام هذه القمم ....
عندما كنت ادخل بوست لاي من هؤلاء واعلق كانت اضع صوره في داخلي لهم وكل الصور اللي كنت اضعها وجدتها مخالفه للحقيقه ...
لكم مني كل التحايا واتمنى من العلي القدير ان تكونوا دائما هكذا فخرا لنا وللبلاد عامه وللحنينه مدني خاصه...
ام البنات
ام البنات بت الشبارقه سؤالي ماهي الصور التي وضعتيها في ذاكرتك ووجدتها عكس
السؤال الثاني الذي لم تجيبي عليه اجابه صحيحة عندما سألتك مجموعه من الاسئلة هو اذاكنتي وزيرة ثقافه واعلام ولاية الجزيره ماذا تقدمي لمدني ودمتي

[بورتبيل]

اقتباس:
المشاركة الأصلية كتبت بواسطة المكاشفى
الحمد لله الماقالوها كان لليوم ده ماوصلوا وله شنو يامدثر
رايك شنو فى كلامى يابت الشبارقه

عليك الله ما لك علي ... بورتبيل اليومين دي علاقتي معاه كويسه الكرسي بيتطلب التنازلات عن الحقائق

بيني وبينك كده كان قلتها اكانت رجعتنا لي كردقيلي تاني

ليس هكذا تورد الأبل يا سعد
بركة الماقلتيها ..... واصبري .. ( تنازل عن الحقائق ) ... يا ناس خليكم شاهدين البت دي ختت عليا براها

مجهز ليك سؤال .. يخلي الكرسي يدور بيك لم راسك يلف .. وبردلب طاااااخ تقعي من .. استني بس

[بت الشبارقه]

أختنا الرائعة الراقية بت الشبارقة
طبعاً متأسفين على التأخير لأني كنت طافش
وبفتش في شبارقة . . . .
أحب أشيد بأسلوبك وطريقتك السلسلة في الكتابة
برغم حداثة عضويتك . فلكِ كل حب وتقدير . . .
وهذا ما أردت أن أوصله لكِ في بداية مشاركاتي
في كرسيك . . .
دي المنظار ولسع الفلم قدام

ودمتي

عاينو عينة ده الناس تزغرد وتكورك والفرحه عمت في البلاد وشبارقه رجع وهو لسه بكوس!!!
هي يا المسافر الله يرد غربتك العملت فيك كده ... المشكله عندنا ليك تاني سفره لي ماليزيا اصلو سماح برضو اختفت .. ياربي يكونوا اخططفوها ناس الالزاميه اصلها زايغه منهم

[بت الشبارقه]

والله كل يوم ادخل واشاهد الصور واقراء تعليقات سوباوي الجميله .. اقول اعلق والقى نفسي ما قادره
ربما لاحساسي بالضاّله امام هذه القمم ....
عندما كنت ادخل بوست لاي من هؤلاء واعلق كانت اضع صوره في داخلي لهم وكل الصور اللي كنت اضعها وجدتها مخالفه للحقيقه ...
لكم مني كل التحايا واتمنى من العلي القدير ان تكونوا دائما هكذا فخرا لنا وللبلاد عامه وللحنينه مدني خاصه...
ام البنات
ام البنات بت الشبارقه سؤالي ماهي الصور التي وضعتيها في ذاكرتك ووجدتها عكس
السؤال الثاني الذي لم تجيبي عليه اجابه صحيحة عندما سألتك مجموعه من الاسئلة هو اذاكنتي وزيرة ثقافه واعلام ولاية الجزيره ماذا تقدمي لمدني ودمتي

المحترم ابو الوليدات الحلوين ديل والحجزتهم من الليله لي البنات
الصور لم تكن سيئه لكن كنت مثلا بتخيل الاستاذ عماد محمد قريب لي صورة المكاشفي الفي المنتدى
ويعني كل واحد احدد ليه عمر وشكل في خيالي بلقاهو ما ياهو يا اما كبير عليه او صغير
السؤال جاوبت عليه قلت ليك انو الوزير الحالي لو غيروه بتخرب

[بت الشبارقه]

ليس هكذا تورد الأبل يا سعد
بركة الماقلتيها ..... واصبري .. ( تنازل عن الحقائق ) ... يا ناس خليكم شاهدين البت دي ختت عليا براها

مجهز ليك سؤال .. يخلي الكرسي يدور بيك لم راسك يلف .. وبردلب طاااااخ تقعي من .. استني بس

هي يا بورتبيل انا قلت شنو؟
نحن ما زمان رفعنا الرايه البيضاء لي بعض

[صلاح ودالطاهر]

بالمناسبه الولد الكبير ابن اخونا مرتضي يوسف واسمه يوسف والصغير ابني واسمه مجتبي المهم نحن ماعندنا مانع بس كتروا الهلل واقيفوا في الصف مع الحاجزين سؤال صغير جدا ذكرتي في طفولتك انو كان معك ولد اكبر بسنتين وهو ابن خالتك هل هو رجل المره حلو حلا وتسلمي

[ابوزيد محمد نور]

بت الشبارقة ازيك
انتى لسع قاعده على هذا الكـــــــــــــــــــــــــــــــــــــــــــــــ رسى الحاصل عليك شنو انشاءالله اموارك ماشه تمام ربنا يكون فى عونك
لكى خالص الود والاحترام

[المكاشفى]

ليس هكذا تورد الأبل يا سعد
بركة الماقلتيها ..... واصبري .. ( تنازل عن الحقائق ) ... يا ناس خليكم شاهدين البت دي ختت عليا براها

مجهز ليك سؤال .. يخلي الكرسي يدور بيك لم راسك يلف .. وبردلب طاااااخ تقعي من .. استني بس

الحمدلله انا طلعت منها




























على فكره يابت الشبارقه اخونا (مديكل) محمداحمد الطيب اوعى يكون قريبكMEDICAL

[بت الشبارقه]

بالمناسبه الولد الكبير ابن اخونا مرتضي يوسف واسمه يوسف والصغير ابني واسمه مجتبي المهم نحن ماعندنا مانع بس كتروا الهلل واقيفوا في الصف مع الحاجزين سؤال صغير جدا ذكرتي في طفولتك انو كان معك ولد اكبر بسنتين وهو ابن خالتك هل هو رجل المره حلو حلا وتسلمي

ربنا يحفظ ليكم العيال
صف شنو ياعمنا ... انحن من الزحمه الفي الباب زاتنا ما قادرين نطلع وكل نا نمش مكان الصفوف تترص.. كدي غايتو بنحاول بالاشتراك مع مدنيه ونزار ابو البنات اننا نعمل ليكم صندوق خيري للاولاد عشان يقدروا يتزوجوا وما تجيهم عقده الشيله وسد المال قدام



لا .. لا .. ما ياهو ... دا اخوه الصغير... في الحقيقه هو اخوي الكبير لانو امي رضعتو

[بت الشبارقه]

بت الشبارقة ازيك
انتى لسع قاعده على هذا الكـــــــــــــــــــــــــــــــــــــــــــــــ رسى الحاصل عليك شنو انشاءالله اموارك ماشه تمام ربنا يكون فى عونك
لكى خالص الود والاحترام

والله اقول ليك شنو غايتو.... تقبل الله

[بت الشبارقه]

الحمدلله انا طلعت منها
على فكره يابت الشبارقه اخونا (مديكل) محمداحمد الطيب اوعى يكون قريبكMEDICAL



طلعت وشايل معاك روحي ....
قال طلعت قال...
اتاريك تتسحلب لحدي ما خربت علي وزولك شد علي الزناد وحالف الا يجيبني الواطا







من الشبارقه واللا ام طلحه؟

[المكاشفى]

طلعت وشايل معاك روحي ....
قال طلعت قال...
اتاريك تتسحلب لحدي ما خربت علي وزولك شد علي الزناد وحالف الا يجيبني الواطا







من الشبارقه واللا ام طلحه؟

من ام مليحه.........












ماتخافى برتبيل ده خليه على باقى هن نسابتنا ومدنهم مره .......




اها ماقلت لى مديكل قريبك.........

[عماد عبدالشكور]

اختنا بت الشبارقة
صباح الخير
دا تعليقك في موضوع (لقاء الخميس ولا اروع)
والله كل يوم ادخل واشاهد الصور واقراء تعليقات سوباوي الجميله .. اقول اعلق والقى نفسي ما قادره
ربما لاحساسي بالضاّله امام هذه القمم ....
عندما كنت ادخل بوست لاي من هؤلاء واعلق كانت اضع صوره في داخلي لهم وكل الصور اللي كنت اضعها وجدتها مخالفه للحقيقه ...
لكم مني كل التحايا واتمنى من العلي القدير ان تكونوا دائما هكذا فخرا لنا وللبلاد عامه وللحنينه مدني خاصه...
ام البنات .
السؤال :-
عايزنك تورينا الصورة الكنت خاتاها للناس ديل قبل ما تشوفيهم كانت كيف ؟؟؟

[مدنيّة]

سعدنا جدا بلقاء بت الشبارقة ولكن نسبة لظروف سفرها للسودان الذي حرمنا من تواجدها معنا

ينتهي كرسي بت الشبارقة اليوم علي امل ان نلتقيكم غدٍ بضيف جديد علي الكرسي الساخن

شكرا ليك كثييييييييييرا عزيزتي بت الشبارقة

<embed width="281" height="79" src=http://www.sudaneseonline.com/SudaneseMusic/music/nahla/nahla@sudaneseonline.com.wma>

[amino]

والله يابنت الشبارقة

البوست دا عامل لينا زحمة فى قوقل

يروح فترة ويرجع تانى

انا عايز افتح بلاغ عند ناس قوقل

وحاصعدا لى بيل قتس زاتوا لو ماحلوا لى مشكلتى



:p:):):o:o:p:p:mad:;):rolleyes::rolleyes::):)
:p:p:p:p:p:p:p:p:p

[ودالصليحابى]

عندى هدية بسيطةوبدون تعليق