المساعد الشخصي الرقمي

مشاهدة النسخة كاملة : حلمان أنا


عصام الدين عموش
31-03-2007, 08:10 PM
...حلمان أكون جالس وحيد ....
نشوان عشان طاريك كتير ... دايب معاك في كون غنا
وشايلك حنان سرحان بعيد خارج حدود الأزمنة ...
شايلك وفرحان بيك شديد ... فرحة صغير والدنيا عيد ...
حلمان يجيء الصوت النغوم يا زاهية من خلف الغيوم
ويقول صباحك إنتي نور ... أفرح وأحلق في النجوم
أبرى الغمام نشوة وأطير ...
بتمر سنين وبتمر شهور...
والجوه جوه القلب زي الوردة بيحاضن العطور ..
مهما الزمان جار او قسا ما اظنو عطر الوردة جوه الوردة في يوم إتنسى
دائماً يفوح زي يوم مطير ...
زي النسيم شايل الدعاش .. وزي حبك إنتي الشايلو في جوايا عاش ...
مشتاق أقول ليك يا حبيب .. الشوق زمان طار بي جناح الفرحة بيفتش عليك ..
زي الفراشة تحوم هناك وتحوم هنا وسكرانة بي نفح العبير ...
وأنا أصلي ما قايلك بعيد دايماً هنا إنتي المليكة والأمير ..
ويدق على صوت نغمتك وأشيل أنا السماعة أحضن فيها عاد من إيد لإيد
ويجيني همسك يا حنون ... نتلاقى لحظة وبالأحد .. وأرد عليك يمكن يكون .. ما قال بخاف من العيون
وبديت أفكر في اللقا وياااااربي عاد القاها كيف؟
بي همسة أو لمسة حنان وكيفن يكون شكل المكان ...
أشحد من الغيم البمر غيمات عشان أبنيها سور
واعمل سياج حول المكان وأطوف الم ورد كل البلاد ...
واشيل كوم من النجوم ... وبين كل وردة ووردة أزرع نجمتين ..
وأسوي من القمرة باب ...ومن قلبي أعمل مقعدين
وأعمل وسادة من السحاب .. وافرش رموش عيني درب ..
يااخوانا ما ولهان بحب .. هايم وأنسج بالحرير فوق السياج كلمة بحب ..
تايه شرق وهيمان غرب ... وأسمع موسيقى بتقترب ومن السياج نسمات تهب
الصمت عم على المكان وسمعت دقات القلب وسمعت باب القمرة دار ...
وطل لي وش الحبيب خطواتو .. من فوق الرموش
زي وشوشة ينبوع رقيق وأنا زول خفيف ..
والدموع بالفرحة شرقتني وبكيت .. وخطاي سبقتني وجريت ..
.داير أضمو أنا وأغيب لكن عيوني اتفتحت يا اخوانا فجأة أنا وصحيت ...
حلمان أنا .. وحزن معاي ضو النهار والشمش ذاتها اتوقفت أبت المدار ...
والقمرة جات وضلمت توبة وبكيت ..
وأتباكو لي كل النجوم .. وبدا الرحيل سرب الغيوم ..
وعشان اشوفك يا جميل في حلمة بس
رضيان أنوم لو الف يوم
عصام عموش
مرتضى يوسف العركي
01-04-2007, 09:37 PM
استاذنا عموش :
ما اجملك ايها المسكون صاحي أو حتى نائم وحتى وان لم تداعب شعرك النسائم او تغشاها الطيور .باستمرار الح على انكم متعددي المواهب ما اسعدنا بعودتك تنشر الالق وعذب الكلم ولا زلت على راي بانك كسلان وبخيل في الكتابة اتوقع سلسلة زكريات ومشاهدة يخطها قلمكم الانيق فالتوثيق لهذه المدينة واحداثها التاريخية وتفاعل انسانها بها بسيط في هذا المنتدى فهلا تكرمتم اخي عموش .
اخوكم / مرتضى يوسف العركي
الرياض
ــــــــــــــــــــــــــــــــــــــــــــــــــ ـــــــــ
كلمة طيبة كغيث أصاب أرضا طيبة فأنبتت كلأ وعشبا كثيرا
عصام الدين عموش
01-04-2007, 10:34 PM
حسب قولكم : أن كنت مسكوناً صاحياً فأنا شاعر لا محالة
وإن كنت مسكوناً نائماً فأنا حالم لا محالة
وإن كانت النسائم لا تمس شعري فانا خارج نطاق الجاذبية لا محالة
وإن كانت الطيور لاتمر برأسي فانا خيال مآته لمزارع الإبداع الفكري من تغول الدخلاء لا محالة
وإن كنت كسلان وبخيل فهذا رأي السعوديين والمصريين فينا وليس رأيك لا محالة
وإن كنت سأوثق للمدينة العملاقة وأنا العبد الضعيف فأنا كاتب سحارة ود الكاشف لا محالة

يامرتضى مالك مقلب علينا الناس بعد الراحة الطويلة دي وكلامك الحلو ده نحن ما قدروا لكن بوعدك غداً أجمل والقادم منا أحلى وأزهى

ولك العتبى حتى ترضى
بت الشبارقه
01-04-2007, 11:43 PM
الفنان المبدع... الكاتب الرائع .. عصام الدين ... ارجو ان تلبي رغبة الاخ الحلامابي حتي تتحفنا بروائعك الجميله ...
لك الود
زهرة الشمس
10-04-2007, 03:12 AM
الأخ الفاضل عصام الدين عموش
حلمت وجعلتنا نحلم معك بجنان الحب
وجنون الحب
كان أروع حلم ولا يزال يصاحبنا في زمن اليقظة
حتى إذا ما اكتملت القصيدة وجدنا آثار الابتسام مندهشة على أهداب اللهفة لندرك بأننا كنا في نفس الحلم معك....


لك كل التحية والاحترام
اميمه عشريه
10-04-2007, 10:47 AM
شاعرنا المبجل ...صاحب فكره جميله انت هنا .. صاحب حلم حزنت كثيرا لانه لم يكن من الواقع .. كان حلما وتمني .. كل هذا الحب وكل هذه الامنيات هي حبيسه الخاطر فقط ... شئ محزن يدعوا الانسان مره اخري للنوم ... علنا نتلمس فيه قليل من السعاده والفرح :confused: ..
بالله ده حلم ده هسه كلوووووو حلم ... طيب حاول نوم تاني وتالت ...وخلي الثقافي ينتعش من نوع سباته الغريب ده ..:D ..


شكرا عموش شكرا كتيرا ... نورت بيتك ...ننتظر كل ما عندك فهو حتما سيكون مشرق وبهي ..كن بخير

ملحوظه تخريمه بزاويه مستقيمه:D

كيف اهلي بالله كلهم تحياتي ليهم وحارب الله الغربه كم اخذت منا ومن اعمارنا ومن حق فرحنا بوجودنا معهم ووجودهم معنا ...
zaher
10-04-2007, 10:35 PM
الاديب ... الفنان ... اللاعب الحريف ...

اديب .... انت ...... بما تخطه اناملك من كلمات .... تدهشنا ان تكون كل حرف فيها معنا ...

فنان... انت...... بريشة صغيرة تصنع كونا في اطار لا يتعدى افكاري

لاعب حريف .... انت .... ادهشتنا في الملاعب .. وزاددت دهشتنا عندما قرأنا لك ..


وليك مليون تعظيم سلام من صقر الجديان
عصام الدين عموش
13-04-2007, 10:28 PM
رة الشمس;165584]الأخ الفاضل عصام الدين عموش
حلمت وجعلتنا نحلم معك بجنان الحب
وجنون الحب
كان أروع حلم ولا يزال يصاحبنا في زمن اليقظة
حتى إذا ما اكتملت القصيدة وجدنا آثار الابتسام مندهشة على أهداب اللهفة لندرك بأننا كنا في نفس الحلم معك....


]لك كل التحية والاحترام

الحياة نصفها حلم
ما ذا عندنا نمنحه للأخرين سوى الحلم .. والحلم الجميل
عزيزتي زهرة الشمس
أقرأ لكم دوماً ولكن ضعيف في الرد عليكم والسبب هو أن كلامكم جميل كأنكم تغسلونه قبل الحديث به للمنتدى فكيف أجاريكم وأنتم تتطاولون معنى وقيمة دوما في ناظرينا
[/RIGHT]!!
[/SIZE]
عصام الدين عموش
13-04-2007, 10:38 PM
[=اميمه عشريه;165704][]شاعرنا المبجل ...صاحب فكره جميله انت هنا .. صاحب حلم حزنت كثيرا لانه لم يكن من الواقع .. كان حلما وتمني .. كل هذا الحب وكل هذه الامنيات هي حبيسه الخاطر فقط ... شئ محزن يدعوا الانسان مره اخري للنوم ... علنا نتلمس فيه قليل من السعاده والفرح :]
[B"]بالله ده حلم ده هسه كلوووووو حلم ... طيب حاول نوم تاني وتالت ...وخلي الثقافي ينتعش من نوع سباته الغريب ده ..:
[شكرا عموش شكرا كتيرا ... نورت بيتك ...ننتظر كل ما عندك فهو حتما سيكون مشرق وبهي ..كن بخير

اين أنتم منا ما كنت أتوقع ردك بهذه السرعة عزيزتي أميمة
لو قالوا لي أوصف وقول صدقني ما بقدر أقول
دي الحروف أبت الكتابة والمشاعر شيبت رأس الفصول
تمتد لينا ذكريات مدني الجميلة في ظل رعايتك النبيلة
وزحمت آلاف الخواطر في الورق
نشفت ريق المحابر والقلم كسرت سنونه حدت القلب النزف
يعجبني فيك أذبح وريدي واسقي بيهو شتل محنة

أبهجني ردك اليوم غاليتنا / أميمة
لك الشكر قفاف .. ولك الشوق خدرة ضفاف
ولك التقدير حق واعتراف
عصام الدين عموش
13-04-2007, 10:41 PM
الاديب ... الفنان ... اللاعب الحريف ...

اديب .... انت ...... بما تخطه اناملك من كلمات .... تدهشنا ان تكون كل حرف فيها معنا ...

فنان... انت...... بريشة صغيرة تصنع كونا في اطار لا يتعدى افكاري

لاعب حريف .... انت .... ادهشتنا في الملاعب .. وزاددت دهشتنا عندما قرأنا لك ..


وليك مليون تعظيم سلام من صقر الجديان
عزيزنا زاهر وين ذكرياتكم إنتو ما أجمل الأشياء تختزنونها عندكم
ولا الحكاية مخازن للسوق الأسود بعدين
يا أخي الربح لينا نحن ما ليكم إنتو أفهموها بقى
الشوربجي
02-05-2007, 04:28 PM
...حلمان أكون جالس وحيد ....
نشوان عشان طاريك كتير ... دايب معاك في كون غنا
وشايلك حنان سرحان بعيد خارج حدود الأزمنة ...
شايلك وفرحان بيك شديد ... فرحة صغير والدنيا عيد ...
حلمان يجيء الصوت النغوم يا زاهية من خلف الغيوم
ويقول صباحك إنتي نور ... أفرح وأحلق في النجوم
أبرى الغمام نشوة وأطير ...
بتمر سنين وبتمر شهور...
والجوه جوه القلب زي الوردة بيحاضن العطور ..
مهما الزمان جار او قسا ما اظنو عطر الوردة جوه الوردة في يوم إتنسى
دائماً يفوح زي يوم مطير ...
زي النسيم شايل الدعاش .. وزي حبك إنتي الشايلو في جوايا عاش ...
مشتاق أقول ليك يا حبيب .. الشوق زمان طار بي جناح الفرحة بيفتش عليك ..
زي الفراشة تحوم هناك وتحوم هنا وسكرانة بي نفح العبير ...
وأنا أصلي ما قايلك بعيد دايماً هنا إنتي المليكة والأمير ..
ويدق على صوت نغمتك وأشيل أنا السماعة أحضن فيها عاد من إيد لإيد
ويجيني همسك يا حنون ... نتلاقى لحظة وبالأحد .. وأرد عليك يمكن يكون .. ما قال بخاف من العيون
وبديت أفكر في اللقا وياااااربي عاد القاها كيف؟
بي همسة أو لمسة حنان وكيفن يكون شكل المكان ...
أشحد من الغيم البمر غيمات عشان أبنيها سور
واعمل سياج حول المكان وأطوف الم ورد كل البلاد ...
واشيل كوم من النجوم ... وبين كل وردة ووردة أزرع نجمتين ..
وأسوي من القمرة باب ...ومن قلبي أعمل مقعدين
وأعمل وسادة من السحاب .. وافرش رموش عيني درب ..
يااخوانا ما ولهان بحب .. هايم وأنسج بالحرير فوق السياج كلمة بحب ..
تايه شرق وهيمان غرب ... وأسمع موسيقى بتقترب ومن السياج نسمات تهب
الصمت عم على المكان وسمعت دقات القلب وسمعت باب القمرة دار ...
وطل لي وش الحبيب خطواتو .. من فوق الرموش
زي وشوشة ينبوع رقيق وأنا زول خفيف ..
والدموع بالفرحة شرقتني وبكيت .. وخطاي سبقتني وجريت ..
.داير أضمو أنا وأغيب لكن عيوني اتفتحت يا اخوانا فجأة أنا وصحيت ...
حلمان أنا .. وحزن معاي ضو النهار والشمش ذاتها اتوقفت أبت المدار ...
والقمرة جات وضلمت توبة وبكيت ..
وأتباكو لي كل النجوم .. وبدا الرحيل سرب الغيوم ..
وعشان اشوفك يا جميل في حلمة بس
رضيان أنوم لو الف يوم
عصام عموش
اخي العزيز عصام عموش
كم انت رائع فهذه الروعة لم تاتي من فراغ فانت ابن مدينة الجمال ودمدني فحق لك ان تلون لنا الافق بمثل هذه الروعة والتي تاخذ كثير من معانيه منك ياصديقي كم انا سعيد بمعرفتك
واظن ان الاقدار شات ان تكون هذه القصيدة بحوزتي عندما سجلتها والقيتها في تلك الامسية علي شرف تكريم اخونا ابوبكر .واسمح لي انا حااجيك من الاخر طوالي .لو انت نمت الف يوم راجي الحلمه دي نحنا الراجينك ديل نروح وين خليك صاحي ياعموش هنالك الكثير في انتظارك وعندما نفرغ منه يمكنك ان تذهب لكي تحلم كما تشاء وتعزمنا معاك لانه مااجمل احلامك وحتي انت صاحي .لك مني خالص الاحترام ووسع الطاقه
اخوك شوربجي
هشام نورالدائم
05-05-2007, 02:51 AM
شكرا عموش
الواحد محتاج للكلام ده
جلناره
05-05-2007, 10:46 PM
الاستاذ عصام الدين حلمك كان جميل وبالجد زعلت لم صحيت منو ولقيت انو الروعه دي حتنتهي بس بما انك مستخرج من صدفه من قاع بحر ودمدني الزاخر فما غريبه عليك وجد بتمني تتحفنا بالمزيد ايها الرااااااااااااااااااااااااااااااائع
شبندر
07-05-2007, 04:51 AM
الشاعر الفنان عصام عموش عادةً لا ارد على المبدعين ولكن هذا الحلم استوقفني كما استوقفتني في أول لقاء حقيقة إبداع ونتمني ان نسمع المخزون
تخريمة : حقيقة أي عضو في المنتدي لو ما سمع حلمان انا من عصام عموش نص عمره ضائع
عصام الدين عموش
07-05-2007, 07:36 PM
العزيزة جلنارة
لك التحايا العطرة
وبما إنو زعلانة عشان حلم بوعدك بقصيدة ((صحيان أنا )) قريباً
وإن شاء الله أصلو ما ننوم[/color]
عصام الدين عموش
07-05-2007, 07:40 PM
حبيبنا شبندر
ياأيها الرائع والذي يتندر علينا بروائعه
قرأت لك أخيراً قصتك الطوييييييييييييييييييييلة التي كتبتها وفي ناس ما عجبهم طول القصة
ولا يهمك المرة الجايه أكتب ليهم واحدة بكلمتين لا غير
عبدالمجيد عشريه
09-05-2007, 10:18 AM
الزاهي عموش كلامك جميل وما يسعني الا ان اقول ليك
نوم شان تاني بيها تحلم
صالح شرف
09-05-2007, 11:29 AM
ساعة كنتا حلمان أنا بيها براي...
جات الدنيا اتلمت عندي...
وجاء الحرمان
جونا جماعة...
قلوب طماعة
وناس (.....)
ساعة كنتا براي حلمان...
انا بيها براي...

جاني عصام عموش...
وخلي حلمي انا اي كلام...
تعيش ليك براك انت الاحلام


يا عصااااام


صااااااالح