جابت ليها بت !!!!!

[مدنيّة]

عندي صديقة كانت علي وشك الوضوع وبعد فترة اتصل بي زوجها وقال لي انها قد وضعت قلت ليه بفرحة حمدا لله علي السلامة واها جابت شنو ؟ قال لي جابت ليها بت !!!!!!!

ليه الناس بتتعامل بالشكل دا لما ربنا سبحانه وتعالي يرزق اسرة ابنة ؟؟ لية ما بنشوف انه في ناس بتتمني ضفر الابنة دي وما لاقينه ؟ لانه ربنا سبحانه وتعالي ابتلاءهم وامتحن صبرهم بعدم الذرية ؟

الابنة دي هي اللي بتدخل الجنة لمن يُحسن التربية الابنة دي هي الام هي الاخت هي الزوجة هي الابنة الحنون التي لا تحتمل في ابيها وامها أي شئ وبعد دا كله يجي ويوقل جابت ليها بت !! عليكم الله بس الواحد يقول شنووو ؟؟

[ابودجانه العباس]

عندي صديقة كانت علي وشك الوضوع وبعد فترة اتصل بي زوجها وقال لي انها قد وضعت قلت ليه بفرحة حمدا لله علي السلامة واها جابت شنو ؟ قال لي جابت ليها بت !!!!!!!

ليه الناس بتتعامل بالشكل دا لما ربنا سبحانه وتعالي يرزق اسرة ابنة ؟؟ لية ما بنشوف انه في ناس بتتمني ضفر الابنة دي وما لاقينه ؟ لانه ربنا سبحانه وتعالي ابتلاءهم وامتحن صبرهم بعدم الذرية ؟

الابنة دي هي اللي بتدخل الجنة لمن يُحسن التربية الابنة دي هي الام هي الاخت هي الزوجة هي الابنة الحنون التي لا تحتمل في ابيها وامها أي شئ وبعد دا كله يجي ويوقل جابت ليها بت !! عليكم الله بس الواحد يقول شنووو ؟؟



مدنية ولا تزعلي وما تقولي أي حاجه
غير حسبنا الله ونعم الوكيل.
(يهب لمن يشاء إناثاً ويهب لمن يشاء الذكور).
والبت صحي مرض وتعب قلب ونقه وجيب وعايزه
هههههههههههههههههههههههههههههههههه
بس والله حلوه بطبعها بحنيتها وصفات تانيه خاصه
بيها هي وبس وبالاخص إذا كانت من الذين قال فيهم
الرسول صلي الله عليه وسلم :-
فأظفر بذات الدين تربت يداك.
روقي المنقه يا حاجه.

[جيفارا]

لسة النـــــاس دي ما نست الرجعية لأنـــو دا ولد ودي بنت والله الزمن دا أخير الواحد يجيب بـنات وأذكر بحديث الرسول ( ص ) الفي ما معناه :-

من عال ثلاث بنات وأدبهن وأحسن إليهن دخل الجنة

في الحقيقة البنت أقرب لعائـــــــلتها ولأهلهــــــــا من الرجل خصوصا في الايــــام دي والواحدة تجر الواحد من أضانـــــو وربنــــا يستر ما تنسيهو أهلوا ذاتم .

[همسة شوق]

والله يااخوانا أحن من البت مافى

[الفارس البنفسجي]

يا حبوبة مدنية
الكلام دا ولا حاصل
ولا حاجة.
انتي جبتي من وين؟
الناس كلها بتحب
البنات، واحلى من البنات
في؟

انتي قولي دايرة تعملي
ليك موضوع سااااااااي
يا حبووووووووووووبة

[سواااح]

مدنية ..

ليست كل الاسر السودانية الان تتعامل مع الوضع بنفس الصورة

او بنفس الفهم والاداراك .. نعم هناك قليل من رجعية وتخلف في الافكار

لكن ذلك لا يعني ان نشمل الجميع في اطاااااار واحد ... خلاصة القول .. الامر يرجع للايمان

والرضا بما جعله الله من نصيبك من ذرية .. ومثل هولاء المتاففين

لو فضلتيه وخيرتيه بين عدم الخلفة ووجود الذرية .. ووجود الاناث .. حتما ستكون الاجابة

انه يفضل الاناث علي ان لا يبقي دون ذرية ...

دمـــــــــــــــــــــتي ،،

[MASS77]

الاخت مدنيه
تحيه مقدره
البت كانت زمان بيتعامل الناس بي مفهوم غريب
ولكن في الزمن الحالي لا انكر ان البعض يحملون تلك المفاهيم
ولكن ثقتي في ان الان اصبح البشاره بي جابت بت اكبر او موازيه للولد
والبت في الزمن ده برغم بعض الهنات البتعكس عن البت حاجات ما حلوه من بعضهن
واكرر من بعضهن الا ان البت رائعه البت هي مربية الاجيال وهي التي تبني المجتمع هي الام والاخت والزوجه والابنه
المفهوم ده اندثر ولكن فيه ما تبقي
واتمني ان يتلاشي المفهوم بالوعي وبنمازج طيبه تخلدها الفتيات
حتي تدحض تلك النظره
ولكن اؤكد لك انها ليست كبيره تلك المفاهيم في دواخل السودانيين.
ودمتي

[بت الشبارقه]

والله يا مدنيه قولن فوق قولك ... مره قبل شهرين عندنا واحد زوجتوا وضعت في السودان كان متجرس شدييد قبل الوضوع.. اتصلوا عليه قالو لي جابت بت قال(خت) ما مشكله عقبال الوليد..

[نزار حسن محمد]

مدنيه وراء الكلمات كتبتى حروف انا عارفك انتى مشتاقه تجيبى البت قوليها كده بصريح العباره ... بركت البغداى والجبار يامدنيه تومات بنات قولى امين .... ابو البنات ودحسن

[samah]

هيييييي يايمه حلاتن وحلات الدنيا عليهن اريتن بنياتي بعد الحال مالن يايمه
انا عندي فرد ولد ها منجضني نجوض امشى علي بت الشبارقه اقوليها البنات سمحات بسمعن الكلام اها هي تقول لي اسكتي الاولاد سمحين بسمعو الكلام شفتي متل دا
انا ابوي طوالي بقول اريت اكان جبت لي سبع بنات تفتكري يامدووون ليه

[Madanawi]

التومة مالك علينا ، دي هسه ما تهمة ولبستينا ليها............

يا فردة انت ما شفتيني وانا الكرسي الساخن مفور راسي كنت بقول ليكم انو انا اسمع كلام بنتي آية وبس دون بقية اخوانها يعني البنت عندي مميزة وهذا دليل على ان كلامك لا ينطبق على كل الناس ،، اما بالنسبة لهذا الزوج المعني فربما كان به ما ينتقص من فرحته مثل حق الخروف ولا يمكن السماية متطلباتها اكبر من استطاعته يعني قد يكون له عذره....

[رضا حسن محمد]

البنات بنات السرور بركة الهى وسيدى مدنية ومدناوى ونزار وسماح يجيبو توام بنات

[شبرقية]

حبوبتي الله يديها العافية
بتقول سجم الولادتو بنات والسبب كل بناتا اتزوجن وخلنها
واولادا يومي معاها الله يخليهم ليها وخليها ليهم

ممكن الاب دا يكون خايف من الوحدة بعدين

[مختار بازى]

يهب من يشاء ذكورا ويهب من يشاء اناثا ويجعل من يشاء عقيما


صدق اللة العظيم



الابنة دي هي اللي بتدخل الجنة لمن يُحسن التربية الابنة دي هي الام هي الاخت هي الزوجة هي الابنة الحنون التي لا تحتمل في ابيها وامها أي شئ وبعد دا كله يجي يقول جابت ليها بت !! عليكم الله بس الواحد يقول شنووو ؟؟
يقول الحمد للة

[مرتضى يوسف العركي]

مدنية :سيدتي الكريمة ولااخوة المتداخلون
نعم لازال مجتمعنا الشرقي بتركيبته البيلوجية يتطلع للذكر كاولوية خاصة في المجتمعات التي تسمي الرجل بابو فلان وليس ابو فلانه والذي لا يأتية التوازن الا بعد انجاب الولد حتى تتغير من ابو فلانة الى ابو فلان هذه حقيقة مهما ادعى الذكر غيرها فهو لا يجانب الحقيقة وهي تخالف قيم الدين باعتبار الحمد على الهبة أدعى بصرف النظر عن كونها ولد او بنت
الشاهد في الامر ان الوقت لم يحن بعد للتغيير وهي آمل ان لا تكون جينية حتى يستحيل التغيير وان كانت سلوك فتلقائيا تكون ظاهرة والزمن كفيل بالتغيير واعلن جهلي بهذه الناحية التي تحتاج لدراسات متخصصة لتاصيل الامر لكن من منظور حياتي وواقع معاش فالعصابة ابنائي احلاهم اصغرهم البت( سعة) التي تنتظرني في الباب عند قدومي وهي اخر من يودعني وتلتصق بي كل الوقت مع ان عمرها اقل من سنتين مما مهد لعلاقة خاصة تجاوزت بقية الذكور العصابة (يوسف وحسن) فهم ما شغالين بي الشغلة كنت بسمع انو البت حنينة والله الكلام ده حقيقي القيم المضافة البنت ام واخت وزوجة ما اعظمها وقول رسوله الكريم صلوات وسلامه الله عليه قال أمك قال ثم من قال أمك قال ثم من قال أمك قال ثم من قال ابوك فهلا وعينا هذه الاسوة الحسنة .
ــــــــــــــــــــــــــــــــــــــــــــــــــ ـ
كلمة طيبة كغيث أصاب أرضا طيبة فأنبتت كلأ وعشبا كثيرا

[مدنيّة]

مدنية ولا تزعلي وما تقولي أي حاجه
غير حسبنا الله ونعم الوكيل.
(يهب لمن يشاء إناثاً ويهب لمن يشاء الذكور).
والبت صحي مرض وتعب قلب ونقه وجيب وعايزه
هههههههههههههههههههههههههههههههههه
بس والله حلوه بطبعها بحنيتها وصفات تانيه خاصه
بيها هي وبس وبالاخص إذا كانت من الذين قال فيهم
الرسول صلي الله عليه وسلم :-
فأظفر بذات الدين تربت يداك.
روقي المنقه يا حاجه.





والله تعرف يا ابولبانة لو سمعت الصورة القالها بيها بالجد بتتالم

همسة : يا ابو لبانة انت اعرف اختار كويس وكلامك عن البنات انهن مرض وتعب الكلام دا ح يتغير ;)

[مدنيّة]

لسة النـــــاس دي ما نست الرجعية لأنـــو دا ولد ودي بنت والله الزمن دا أخير الواحد يجيب بـنات وأذكر بحديث الرسول ( ص ) الفي ما معناه :-

من عال ثلاث بنات وأدبهن وأحسن إليهن دخل الجنة

في الحقيقة البنت أقرب لعائـــــــلتها ولأهلهــــــــا من الرجل خصوصا في الايــــام دي والواحدة تجر الواحد من أضانـــــو وربنــــا يستر ما تنسيهو أهلوا ذاتم .


والله فعلا دا الحاصل الزمن دا انه البنت هي الاقرب لاهلها

[مدنيّة]

والله يااخوانا أحن من البت مافى


انا مقتنعة البقنع الديك شنووووووووو

[مدنيّة]

يا حبوبة مدنية
الكلام دا ولا حاصل
ولا حاجة.
انتي جبتي من وين؟
الناس كلها بتحب
البنات، واحلى من البنات
في؟

انتي قولي دايرة تعملي
ليك موضوع سااااااااي
يا حبووووووووووووبة


والله ياود جيرانا دا الحاصل

وامبارح عندنا واحد زملينا في المكتب ربنا رزقه بابنة رقم (4) الناس يحسسوك كدا باحساس غريب جدا والله اها دي البت الرابعة وح يعمل شنو فيهن ديل وكلام ما انزل الله به من سلطان
ومديرنا مسافر لما كلمته قال لي هسي تلقيه وشه يلعن قفاه
وبرضو تقول لي ماعندي موضوع ياود جيرانا

[مدنيّة]

مدنية ..

ليست كل الاسر السودانية الان تتعامل مع الوضع بنفس الصورة

او بنفس الفهم والاداراك .. نعم هناك قليل من رجعية وتخلف في الافكار

لكن ذلك لا يعني ان نشمل الجميع في اطاااااار واحد ... خلاصة القول .. الامر يرجع للايمان

والرضا بما جعله الله من نصيبك من ذرية .. ومثل هولاء المتاففين

لو فضلتيه وخيرتيه بين عدم الخلفة ووجود الذرية .. ووجود الاناث .. حتما ستكون الاجابة

انه يفضل الاناث علي ان لا يبقي دون ذرية ...

دمـــــــــــــــــــــتي ،،


تعرف يا سواااح بمثلك الاخير دا جيت تكحلها عميتها لانك عملت البنت زي تمومة صينية الجرتق

[مدنيّة]

الاخت مدنيه
تحيه مقدره
البت كانت زمان بيتعامل الناس بي مفهوم غريب
ولكن في الزمن الحالي لا انكر ان البعض يحملون تلك المفاهيم
ولكن ثقتي في ان الان اصبح البشاره بي جابت بت اكبر او موازيه للولد
والبت في الزمن ده برغم بعض الهنات البتعكس عن البت حاجات ما حلوه من بعضهن
واكرر من بعضهن الا ان البت رائعه البت هي مربية الاجيال وهي التي تبني المجتمع هي الام والاخت والزوجه والابنه
المفهوم ده اندثر ولكن فيه ما تبقي
واتمني ان يتلاشي المفهوم بالوعي وبنمازج طيبه تخلدها الفتيات
حتي تدحض تلك النظره
ولكن اؤكد لك انها ليست كبيره تلك المفاهيم في دواخل السودانيين.
ودمتي


والله يا ماس كبيرة كبر بس تكون انت لسة في البر
والنماذج موجودة وبكثرة وفي كل المجالات بس برضو لما واحد ربنا يرزقه بابنة يجي يقول ليك جابت ليها بت !!!!!

[مدنيّة]

والله يا مدنيه قولن فوق قولك ... مره قبل شهرين عندنا واحد زوجتوا وضعت في السودان كان متجرس شدييد قبل الوضوع.. اتصلوا عليه قالو لي جابت بت قال(خت) ما مشكله عقبال الوليد..


بنوتة والله انا (خت) دي ما فهمتها بس لما قلت لود المتامير ترجمها لي قال ( ( خت ) ما مشكله عقبال الوليد يعنى يختوها مع أخواتها يعنى متعوده تجيب ليهو البنات ولكن هو مستنى الولد ) يعني زعلان برضو لكن سماها رضينا ودا خير دليل

[مدنيّة]

مدنيه وراء الكلمات كتبتى حروف انا عارفك انتى مشتاقه تجيبى البت قوليها كده بصريح العباره ... بركت البغداى والجبار يامدنيه تومات بنات قولى امين .... ابو البنات ودحسن


جمعا ياود حسن :p

[مدنيّة]

هيييييي يايمه حلاتن وحلات الدنيا عليهن اريتن بنياتي بعد الحال مالن يايمه
انا عندي فرد ولد ها منجضني نجوض امشى علي بت الشبارقه اقوليها البنات سمحات بسمعن الكلام اها هي تقول لي اسكتي الاولاد سمحين بسمعو الكلام شفتي متل دا
انا ابوي طوالي بقول اريت اكان جبت لي سبع بنات تفتكري يامدووون ليه


تعرفي ياسموحة دي المشكلة انه العنده الولد عايز البت والعنده البت عايز الولد والماعنده عايز اي حاجة

بالنسبة للامنية تكون ياربي عشان زي ما بيقولوا ابو البنات بنوم متعشي ؟؟

[مدنيّة]

التومة مالك علينا ، دي هسه ما تهمة ولبستينا ليها............

يا فردة انت ما شفتيني وانا الكرسي الساخن مفور راسي كنت بقول ليكم انو انا اسمع كلام بنتي آية وبس دون بقية اخوانها يعني البنت عندي مميزة وهذا دليل على ان كلامك لا ينطبق على كل الناس ،، اما بالنسبة لهذا الزوج المعني فربما كان به ما ينتقص من فرحته مثل حق الخروف ولا يمكن السماية متطلباتها اكبر من استطاعته يعني قد يكون له عذره....


والله يالتوم البنات بعد ما يكبروا ببقوا ليكم حلاوت شديد لكن الواحد فيكم واذا بشر احدكم بانثي ظل وجهه مسودا وهو كظيم في لحظة الولادة يعني بس بعد كدا بحلن بطيبتهن وحنيتهن

[مدنيّة]

البنات بنات السرور بركة الهى وسيدى مدنية ومدناوى ونزار وسماح يجيبو توام بنات


جمعا يارضا
عشان ندخلك معانا في الخير ;)

[مدنيّة]

حبوبتي الله يديها العافية
بتقول سجم الولادتو بنات والسبب كل بناتا اتزوجن وخلنها
واولادا يومي معاها الله يخليهم ليها وخليها ليهم

ممكن الاب دا يكون خايف من الوحدة بعدين


الله يديها العافية حبوبتك دي
الغريبة انه الاية عندها مقلوبة لانه في العادة البنات هم اللي ببقوا قراب من اهلهم وليس العكس

[مدنيّة]

يهب من يشاء ذكورا ويهب من يشاء اناثا ويجعل من يشاء عقيما


صدق اللة العظيم



الابنة دي هي اللي بتدخل الجنة لمن يُحسن التربية الابنة دي هي الام هي الاخت هي الزوجة هي الابنة الحنون التي لا تحتمل في ابيها وامها أي شئ وبعد دا كله يجي يقول جابت ليها بت !! عليكم الله بس الواحد يقول شنووو ؟؟
يقول الحمد للة


اكيد الحمد لله

[مدنيّة]

مدنية :سيدتي الكريمة ولااخوة المتداخلون
نعم لازال مجتمعنا الشرقي بتركيبته البيلوجية يتطلع للذكر كاولوية خاصة في المجتمعات التي تسمي الرجل بابو فلان وليس ابو فلانه والذي لا يأتية التوازن الا بعد انجاب الولد حتى تتغير من ابو فلانة الى ابو فلان هذه حقيقة مهما ادعى الذكر غيرها فهو لا يجانب الحقيقة وهي تخالف قيم الدين باعتبار الحمد على الهبة أدعى بصرف النظر عن كونها ولد او بنت
الشاهد في الامر ان الوقت لم يحن بعد للتغيير وهي آمل ان لا تكون جينية حتى يستحيل التغيير وان كانت سلوك فتلقائيا تكون ظاهرة والزمن كفيل بالتغيير واعلن جهلي بهذه الناحية التي تحتاج لدراسات متخصصة لتاصيل الامر لكن من منظور حياتي وواقع معاش فالعصابة ابنائي احلاهم اصغرهم البت( سعة) التي تنتظرني في الباب عند قدومي وهي اخر من يودعني وتلتصق بي كل الوقت مع ان عمرها اقل من سنتين مما مهد لعلاقة خاصة تجاوزت بقية الذكور العصابة (يوسف وحسن) فهم ما شغالين بي الشغلة كنت بسمع انو البت حنينة والله الكلام ده حقيقي القيم المضافة البنت ام واخت وزوجة ما اعظمها وقول رسوله الكريم صلوات وسلامه الله عليه قال أمك قال ثم من قال أمك قال ثم من قال أمك قال ثم من قال ابوك فهلا وعينا هذه الاسوة الحسنة .
ــــــــــــــــــــــــــــــــــــــــــــــــــ ـ
كلمة طيبة كغيث أصاب أرضا طيبة فأنبتت كلأ وعشبا كثيرا


اخي الفاضل مرتضي
تعرف انت اول واحد يأمن علي الكلام دا وكويس انه لقيت زول امن عليه

وربنا يخلي ليك العصابة وزي ما قلت للتوم انه البنات لما يكبرن بحلن في نظر اباهن بحنيتهن وبطيبتهن

[بت الشبارقه]

والله يا مدنيه امي قالت الدنيا اتفتحت ليهم بعد ما ولدوني... اشتروا تلاجه وتلفزيون والحاجات المتمنينها بدت تتحقق
كمان نحن من يوم جبنا بناتنا الدنيا فاتحه لينا يديها بي كل جميل

[مدنيّة]

والله يا مدنيه امي قالت الدنيا اتفتحت ليهم بعد ما ولدوني... اشتروا تلاجه وتلفزيون والحاجات المتمنينها بدت تتحقق
كمان نحن من يوم جبنا بناتنا الدنيا فاتحه لينا يديها بي كل جميل


دوووووووووووم يارب
يفتحها عليكم ويعدلها عليكم محل ما تقبلوا يابنوتة

وزي ما قلت يابنوتة انه الواحد بزعل في لحظة التبشير بالمولود بس بعد تكبر البنت شوية بالجد بحبها جدا وبتعلق بيها لانها هي بتحبه اكتر وبتتعلق ليه اكتر وما بتديه اي مجال غير انه يحبها

[ود المطامير]

لما أدخل البيت فى نهاية الإسبوع على الطول تجينى شجن طايره وتتعلق برقبتى وهاك يا سلامات
وتجيب لى العصير ووالمويه وغايتو الله يخليها لى .
أها .. عمرو يجى طاير ومن بعيد يكورك أبوى أدينى خمسه دراهم .
غايتو البنت ذى ما قالوا الاخوان حنينه بشكل مذهل والله .

[مدنيّة]

لما أدخل البيت فى نهاية الإسبوع على الطول تجينى شجن طايره وتتعلق برقبتى وهاك يا سلامات
وتجيب لى العصير ووالمويه وغايتو الله يخليها لى .
أها .. عمرو يجى طاير ومن بعيد يكورك أبوى أدينى خمسه دراهم .
غايتو البنت ذى ما قالوا الاخوان حنينه بشكل مذهل والله .


هي حنينة مافي شك
وشفت الفرق بين مقابلتها هي ومقابلة عمروووو ؟؟

بس يااخوانا انا كلامي عن استقبال خبر المولود لحظته الواحد فيكم بيزعل بيزعل

[هيثم بابكر]

جابت لينا بنية حلوة وامورة وعسولة ونحمد الله سبحانه وتعالى على نعمة الولد ....... انا بدلو بقول ليك الكلمات دي ولاتزعلي نفسك كل واحد وليه طريقة تفكيرو .....

[ود المطامير]

هي حنينة مافي شك
وشفت الفرق بين مقابلتها هي ومقابلة عمروووو ؟؟

بس يااخوانا انا كلامي عن استقبال خبر المولود لحظته الواحد فيكم بيزعل بيزعل

أنا بصراحه طنطنت بس ما زعت

[elmuez]

ana 3aaaaaaaaaaaaaaaaaaaaaaarfik inty shayla hm shnu ya 7booba (Mdon) lakin nswi shnu 7ikmt Allah... 3la ayi 7aaaal ana mutbari3 lw btdeeeeni Umniah:D :D :D :D :D :D

[مدنيّة]

جابت لينا بنية حلوة وامورة وعسولة ونحمد الله سبحانه وتعالى على نعمة الولد ....... انا بدلو بقول ليك الكلمات دي ولاتزعلي نفسك كل واحد وليه طريقة تفكيرو .....


والله ياهيثم ياخوي الغالبية العظمي بتقول قولي دا
وانت ربنا يكتر من امثالك

[مدنيّة]

أنا بصراحه طنطنت بس ما زعت


وتييييييييييييييييب

[مدنيّة]

ana 3aaaaaaaaaaaaaaaaaaaaaaarfik inty shayla hm shnu ya 7booba (Mdon) lakin nswi shnu 7ikmt Allah... 3la ayi 7aaaal ana mutbari3 lw btdeeeeni Umniah:D :D :D :D :D :D


لالا يامعز والله ما شايلة اي هم
بس الايام دي بالجد ظاهرة وحكيت قصة زميلنا للي معانا في المكتب
وبعد دا ماعندك اي مشكلة كون نفسك وتعال نتفاهم في موضوع امنية :D

[نزار حسن محمد]

جاكم كان الله اداكم ابوالبنات معاكم فى الخط ...
تعرفى ياست البنات مدنيه اول ماجابوا لى البنت حسيت بشوية زعله كدى لكن كتمتها بينى وبين نفسى لمن جات التانيه طرت بالفرح ولمن جات التالته سعادتى كانت لاتوصف ،،، وهذا الكلام من جوه قلبى سعادتى لاتوصف ببناتى وكان جات الرابعه والخامسه حبابه الف وكان جاأأ اخوهم ببقى ليهن سند،

[مدنيّة]

جاكم كان الله اداكم ابوالبنات معاكم فى الخط ...
تعرفى ياست البنات مدنيه اول ماجابوا لى البنت حسيت بشوية زعله كدى لكن كتمتها بينى وبين نفسى لمن جات التانيه طرت بالفرح ولمن جات التالته سعادتى كانت لاتوصف ،،، وهذا الكلام من جوه قلبى سعادتى لاتوصف ببناتى وكان جات الرابعه والخامسه حبابه الف وكان جاأأ اخوهم ببقى ليهن سند،


عايز تسكتي يانزار ياخوي مش كدا ؟؟ لاني قلت الواحد فيكم بيزعل لحظة التبشير الاولي بالمولود لما يلقاه أنثي :D

ربنا يحفظهم ليك ويخليهم ويبقي عز ومفخرة ليك ولامهم وربنا يرزقه بالببقي ليهن سند

[خالد عبدالماجد]

العزيزة مدنية ..
تختلف رغبة الناس في ولادة ولد أو بنت وهذا شئ طبيعي ولكن الغير طبيعي أن يحس الفرد بالضيق لولادته بنت فكم من البنات كن أفيد من الأولاد داخل الأسر وقمن بأدوار لايمكن لرجل أن يقم بها ، إذا الأمر أفكار متخمرة عن أفضلية الولد عن البنت وهذا شئ خاطئ أعتقد أن كثير من الناس قد أدركوا فحواه وتبدلت رغبتهم في ولادة الأولاد ..
عن نفسي أتمنى ان يكون أول مولود لي من الأناث .
مع تحياتي مدنية ..

[مدنيّة]

العزيزة مدنية ..
تختلف رغبة الناس في ولادة ولد أو بنت وهذا شئ طبيعي ولكن الغير طبيعي أن يحس الفرد بالضيق لولادته بنت فكم من البنات كن أفيد من الأولاد داخل الأسر وقمن بأدوار لايمكن لرجل أن يقم بها ، إذا الأمر أفكار متخمرة عن أفضلية الولد عن البنت وهذا شئ خاطئ أعتقد أن كثير من الناس قد أدركوا فحواه وتبدلت رغبتهم في ولادة الأولاد ..
عن نفسي أتمنى ان يكون أول مولود لي من الأناث .
مع تحياتي مدنية ..


تعرف ياخالد حال الناس في الدنيا دي اصلا ما مفهووووم
العنده بنات يكوس للاولاد والعنده اولاد يبحت علي البنات واللي اصلا ما طايل اي حاجة تلقاه بتحسر وبتندم

همسة : ربنا يحقق ليك امنيتك

[mohd.dafalla]

الاخت مدنيه بت بتجيب ولد بعدين يعني مافي مشكلة لكني من خلال الردود اتوقع ان يكون هذا الشخص من نااس المنتدي واتوقع انا ممكن اكون عرفتو لو كان ذكاءئي لم يخني والله اعلم الله يرزقه باكثر منها

[بت الشبارقه]

عايز تسكتي يانزار ياخوي مش كدا ؟؟ لاني قلت الواحد فيكم بيزعل لحظة التبشير الاولي بالمولود لما يلقاه أنثي :D

ربنا يحفظهم ليك ويخليهم ويبقي عز ومفخرة ليك ولامهم وربنا يرزقه بالببقي ليهن سند



طيب يا مدون ما انتي شايفه انو البنت محتاجه لي سند..(ولد) يبقى من حق الراجل يزعل عشان جابت ليها ولد بنفس المفهوم ده..
الحقيقه انو السند والسلاح الاول والاخير للبنت هو الايمان بانها شخصيه مستقله قادره على ان تحمى نفسها بنفسها وان تكون للوالد سند ليفخر بالبنت عندما تولد له مره اخرى

[مدنيّة]

الاخت مدنيه بت بتجيب ولد بعدين يعني مافي مشكلة لكني من خلال الردود اتوقع ان يكون هذا الشخص من نااس المنتدي واتوقع انا ممكن اكون عرفتو لو كان ذكاءئي لم يخني والله اعلم الله يرزقه باكثر منها



فعلا البت بتجيب الولد في زمنا دا بعد ما يكون بقي راجل
والله انا شايفة كمية من الرجال شايلين نسابتهم اكتر من اهلهم


همسة : ابدا والله الشخص دا ما من المنتدي

[مدنيّة]

طيب يا مدون ما انتي شايفه انو البنت محتاجه لي سند..(ولد) يبقى من حق الراجل يزعل عشان جابت ليها ولد بنفس المفهوم ده..
الحقيقه انو السند والسلاح الاول والاخير للبنت هو الايمان بانها شخصيه مستقله قادره على ان تحمى نفسها بنفسها وان تكون للوالد سند ليفخر بالبنت عندما تولد له مره اخرى



مافي سند اكتر من ربنا سبحانه وتعالي لاي كائن مين كان اذا كان ولد او بت

همسة : دي امنية ليه وحبت اردد معاه دعاء لتحقيق امنتيه دي

[عمار هبّار]

الحنون مدنيه ..
رغم إنك مجافياني وما عبرتيني ولا مريتي علي لكن ببقى أحسن منك ..
طبعاً يامدنيه وبي كل صراحه الخوف من إنجاب البنات بي سبب الخوف من العار وللأسف ما قدرنا نتخلص من فهم الجاهلية الأولى ..
لكن والله البت لو أحسنت تربيتها وقرايتها أحسن منها مافي ..
يديكم العافيه وإنشاء الله بناتنا يحافظن على روحن عشان الناس يغيروا الفهم دا ..
ولك التحيه والإحترام ..

[مدنيّة]

الحنون مدنيه ..
رغم إنك مجافياني وما عبرتيني ولا مريتي علي لكن ببقى أحسن منك ..
طبعاً يامدنيه وبي كل صراحه الخوف من إنجاب البنات بي سبب الخوف من العار وللأسف ما قدرنا نتخلص من فهم الجاهلية الأولى ..
لكن والله البت لو أحسنت تربيتها وقرايتها أحسن منها مافي ..
يديكم العافيه وإنشاء الله بناتنا يحافظن على روحن عشان الناس يغيروا الفهم دا ..
ولك التحيه والإحترام ..


العفو ياعمار
ولو كنت ما مريت عليك بكون انا الخسرانة لانك مبدع في كل كتاباتك

تعرف ذكرتني مرة واحد زملينا في الجامعة اتلاقينا بعد فترة انا بعد ما انجبت امنية بتي الكبيرة وهو انجب ولد الكلام اخدنا في التربية وكدا قال لي تربية البنات صعبة قلت ليه لية ؟ قال لي يعني لازم تكوني خاته عينك عليها 24 ساعة ما زي الولد ممكن من سنة ستة سنوات افكه في الشارع قلت ليه ما هو لازم انا اخت عيني علي بتي 24 ساعة عشان ولدك اللي انت فكيته في الشارع من عمر ستة سنوات وماربيته

[لااااااوحبك]

والله يا مدنية انتى جبتى الكلام فى الجرح



انا عندى بنتين


واسى حامل وكل يوم حماتى تسال اها عملتى سونار ولا لسة ......ز
مستنية الولد


اها كان جبتا التالتة حتقع البحر


ما دة ما من عندى من الله عاد



ربنا يستر

[abu_ola]

الغالية ام البنيات

صراحة انا ما كنت فاكر لحدي اليوم في ناس بتجادل في مسألة البنت و الولد لانو القرآن حسم الموضوع زماااااان و المعروف انو البنت و الولد كلهم نعمة من الله و اخير من العدم

صحي الولد ببقي السند في البيت لكن الراجل من دون مرة شن طعمو !!!!!

البنت لها فضل و ميزات لا يمكن ان تتوفر في الولد يعني هي النسمة و الفرحة و الواحة في البيت هدفها كلو راحة والديها و سعادتهم و متي ما تجي داخل البيت تلقاها منتظراك و كان سالت وين اخوك يقولو ليك ( مرق ) و ما معروف يرجع متين ... و بعدين لما تكبر و زي ما أمي بتقول البنات بجيبو الرجال بي عممهم ( يعني البنت دي لمن تكبر بتجيب ليها راجل و قبيلة من الرجال عشان يجو يحنو راسهم و يتحككو و يوقولو و الله يا عمي انا في الحقيقة ...............

بعدين البنات ديل شرف كبير و ما في داعي الواحد يخجل من انو ابو البنات ما دام النبي ( صلي الله عليه و سلم ) معروف بي ابو فاطمة و عمر بن الخطاب ملقب بي ابو حفص يعني بكون شرف لي لمن يقولوا ( ابو علا ) و لا رأيك شنو يا ام البنات ؟؟؟ بعدين اخونا ود حسن ما شاء الله تبارك الرحمن عندو ثلاثة و فرحان بيهن و طاير السماء و زي ما قال ود المطامير بتو بتهتم بيه و تسعد بي خدمتو بس الولد داير القروش و المعروف الواحد لمن يكبر ما بلقي بيت يلمو غير بيت بتو حتى و ان كان زوجها غريــــــــــــــــــــــب عن الأسرة

الدين قال من عال ثلاثة جواري و في رواية اخري جاريتان و في الصحبة ثبتت احقية الأم ثلاث مرات و الأب مرة واحدة و في الحكمة قالو ورى كل عظيم أمرأة (( طيب المرأة دي جات من وين ؟؟؟ )

بعد دا كلو في واحد داير يقول في احسن من البنات !!!!!

[عمار هبّار]

سلام يا الغاليه ..
مساكم الله بي الخير ..
عليك الله يا مدنيه الزول القال ليك الكلام دا بعد ما كتب في البوست ما غير رايه ..
خليه يمر ويشوف قيمة البنات ..
وقولي ليه لو ما النساء لما كان لك وجود في هذه البسيطه ..
ولك التحيه والإحترام ..

[مدنيّة]

والله يا مدنية انتى جبتى الكلام فى الجرح



انا عندى بنتين


واسى حامل وكل يوم حماتى تسال اها عملتى سونار ولا لسة ......ز
مستنية الولد


اها كان جبتا التالتة حتقع البحر


ما دة ما من عندى من الله عاد



ربنا يستر



اها شوفي يا لا وحبك حتي بنات جنسنا لما يكبرن فهمن ببقي كيف ؟؟
سبحان الله

[مدنيّة]

الغالية ام البنيات

صراحة انا ما كنت فاكر لحدي اليوم في ناس بتجادل في مسألة البنت و الولد لانو القرآن حسم الموضوع زماااااان و المعروف انو البنت و الولد كلهم نعمة من الله و اخير من العدم

صحي الولد ببقي السند في البيت لكن الراجل من دون مرة شن طعمو !!!!!

البنت لها فضل و ميزات لا يمكن ان تتوفر في الولد يعني هي النسمة و الفرحة و الواحة في البيت هدفها كلو راحة والديها و سعادتهم و متي ما تجي داخل البيت تلقاها منتظراك و كان سالت وين اخوك يقولو ليك ( مرق ) و ما معروف يرجع متين ... و بعدين لما تكبر و زي ما أمي بتقول البنات بجيبو الرجال بي عممهم ( يعني البنت دي لمن تكبر بتجيب ليها راجل و قبيلة من الرجال عشان يجو يحنو راسهم و يتحككو و يوقولو و الله يا عمي انا في الحقيقة ...............

بعدين البنات ديل شرف كبير و ما في داعي الواحد يخجل من انو ابو البنات ما دام النبي ( صلي الله عليه و سلم ) معروف بي ابو فاطمة و عمر بن الخطاب ملقب بي ابو حفص يعني بكون شرف لي لمن يقولوا ( ابو علا ) و لا رأيك شنو يا ام البنات ؟؟؟ بعدين اخونا ود حسن ما شاء الله تبارك الرحمن عندو ثلاثة و فرحان بيهن و طاير السماء و زي ما قال ود المطامير بتو بتهتم بيه و تسعد بي خدمتو بس الولد داير القروش و المعروف الواحد لمن يكبر ما بلقي بيت يلمو غير بيت بتو حتى و ان كان زوجها غريــــــــــــــــــــــب عن الأسرة

الدين قال من عال ثلاثة جواري و في رواية اخري جاريتان و في الصحبة ثبتت احقية الأم ثلاث مرات و الأب مرة واحدة و في الحكمة قالو ورى كل عظيم أمرأة (( طيب المرأة دي جات من وين ؟؟؟ )

بعد دا كلو في واحد داير يقول في احسن من البنات !!!!!



كفيت ووفيت اخي ابوعُلاء
مابزيد علي كلامك دا الا انه ربنا يهدي كل ما فكره وفهمه علي نهج ( جابت ليها بت )

[مدنيّة]

سلام يا الغاليه ..
مساكم الله بي الخير ..
عليك الله يا مدنيه الزول القال ليك الكلام دا بعد ما كتب في البوست ما غير رايه ..
خليه يمر ويشوف قيمة البنات ..
وقولي ليه لو ما النساء لما كان لك وجود في هذه البسيطه ..
ولك التحيه والإحترام ..


والله ياعمار دي مشكلة ما اظنها بتتحلا لما يجي يشوف الكلام دا لانه دي حاجة اتربي عليها وزي مثال اختنا لا وحبك وانه نسيتها منتظراها تشوف الولدة التالتة دي ح تجيبها شنو - وكانما هي اللي بتجيب وليست عطية من رب العالمين - فالمشكلة كبيرة ومااظنها تتحلا

[بنت الرفاعي]

فعلا يامدنية أختي كلامك صحيح فللأسف مازال بعض أو فلنقل قليلون يفكرون بهذا التفكير وهناك من طلق زوجته بسبب البنات!!! وقد نسي أن الله هو من قال لها كوني فأصبحت ما أراد هو (الله) وليست هي. نسأل الله الهداية لمن هم بهذا التفكير.

[مدنيّة]

فعلا يامدنية أختي كلامك صحيح فللأسف مازال بعض أو فلنقل قليلون يفكرون بهذا التفكير وهناك من طلق زوجته بسبب البنات!!! وقد نسي أن الله هو من قال لها كوني فأصبحت ما أراد هو (الله) وليست هي. نسأل الله الهداية لمن هم بهذا التفكير.


ماقلة يامرام كتااااااااااااااااااااااااار يابت امي
ربك يدي العافية بس

ودي المشكلة يامرام عشان كدا بينسب ليها الفعل - انها جابت !! -

[محمد السر احمد]

الاخت مدنية الغالية البت في الزمن بقت ذي الولد و ماف فرق بينهم البعملو الولد بتعنلو البت وفي النهاية الحاجة من رب العالمين كان ولد ولي بت ومن الله كلو سمح
يسلمو اخت مدنية

[مدنيّة]

الاخت مدنية الغالية البت في الزمن بقت ذي الولد و ماف فرق بينهم البعملو الولد بتعنلو البت وفي النهاية الحاجة من رب العالمين كان ولد ولي بت ومن الله كلو سمح
يسلمو اخت مدنية


وحاة الله ياود السر انا مقتنعة لكن البقنع الديك شنوووووووو