المساعد الشخصي الرقمي

مشاهدة النسخة كاملة : دكان ود الصول فى ثوبه الجديد


نزار حسن محمد
01-04-2007, 10:51 PM
اعلان هام ...."]
ترقبووووووووووو الافتتاح الكبير لدكان ود الصول بعد الصيانه العامه ،،،
بى فروعه الجديده فى جميع انحاء المدينه1/ فرع رئيسى حى الاندلس
2/فرع رئيسى حى المنيره
3/فرع رئيسى حىالزمالك
4/فرع رئيسى حىالمطار
5/فرع رئيسى احىالدرجه
6/ فرع رئيسى الحى السودانى
افروع بكل من ...جزيرة الفيل ، حى مايو ،دردق،القسم الاول، المدنين،القبه، ودكنان، بانت،حى التلفزيون، البيان، عووضه ،حنتوب،سنكات جبرونه.....
وترقبوووو بقية الاحياء كل من يريد فرع عليه الاتصال بالاخ ود الصول والاخ السلامى[/COLOR]
سواااح
02-04-2007, 09:34 AM
يعني يا نزار الدكان القديم قفلتوهو ..

ولا عايزين تعملوهو سوبر ماركت ؟؟

استعدادا لدخول عصر العولمة
عوض صقير
02-04-2007, 08:27 PM
حبيبنا نزار
والله ده خبر جميل

بس ركزوا لينا على وضع عنقريب قدام كل دكان عشان الوقفة قدام الدكان صعبة لمدة طويلة
نزار حسن محمد
02-04-2007, 11:40 PM
يعني يا نزار الدكان القديم قفلتوهو ..

ولا عايزين تعملوهو سوبر ماركت ؟؟

استعدادا لدخول عصر العولمة

ياسواااح عندنا عناقريب موديل 2008 صنعت خصيصا فى مصنع الجنيد ليمتدد تم احتكار العقد لمدة عامين لى اخوانا ودحمدتو ... لاتفوت الفرصه كمان ماتقول انت داخل القفص الذهبى قريبا،،،
نزار حسن محمد
02-04-2007, 11:43 PM
حبيبنا نزار
والله ده خبر جميل

بس ركزوا لينا على وضع عنقريب قدام كل دكان عشان الوقفة قدام الدكان صعبة لمدة طويلة

ياخوى عوض ارقد قفه احدث العناقريب اخر موديل 2008 مع مفاجاة اخرى مدخل خاص للجكس
مع التكيف الربانى وهبوبك يالله...
عصام الدين عموش
03-04-2007, 12:12 AM
هي يا نزار العندو القروش الكتيرة دي وبفتح بيها عشرين دكان في كل أحياء مدني ما تسوي ليك هايبر ود الصول في السوق الكبير وكلنا بنجي نشتري ونبيع بدل الشحططة دي ... وتعال نسألك الدكاكين دي كلها بتبيع شنو ولا الحكاية تخصصات ونحن ما عارفين
ونحن ناس سنكات البودينا للزمالك شنو عشان ننفضح مش ده قصدك ؟
نزار حسن محمد
03-04-2007, 12:56 AM
هي يا نزار العندو القروش الكتيرة دي وبفتح بيها عشرين دكان في كل أحياء مدني ما تسوي ليك هايبر ود الصول في السوق الكبير وكلنا بنجي نشتري ونبيع بدل الشحططة دي ... وتعال نسألك الدكاكين دي كلها بتبيع شنو ولا الحكاية تخصصات ونحن ما عارفين
ونحن ناس سنكات البودينا للزمالك شنو عشان ننفضح مش ده قصدك ؟

يعنى ياعصام كان عملنها فى السوق الكبير اجيك سامبا من الصباح اطفش لك كل الزبائن عشان كدى قولنا نوزعه على الاحياء وفى كل حى بتكون البضائع مختلفه يعنى فى الزمالك بكون فى بيرغر وهامبرغر وايسكريم وفى سنكات بكون فى سندوتشات طعميه بالسلطه والشطه الحاره ..موكدى
مدنيّة
03-04-2007, 01:15 AM
يعنى ياعصام كان عملنها فى السوق الكبير اجيك سامبا من الصباح اطفش لك كل الزبائن عشان كدى قولنا نوزعه على الاحياء وفى كل حى بتكون البضائع مختلفه يعنى فى الزمالك بكون فى بيرغر وهامبرغر وايسكريم وفى سنكات بكون فى سندوتشات طعميه بالسلطه والشطه الحاره ..موكدى


هههههههههههه
والله ضحكتني كيف يانزار
اضحك الله سنك
وبعدين عصام زعل عشان ما عملتوا ليهم دكان خاص بسكان يانزار

ماعندك مشكلة ياعصام تعالوا كلكم ياناس سنكات لدكان ود كنان لاننا جيران والنبي وصي علي سابع جار :D
السلامى
03-04-2007, 06:55 AM
يانزار مكان نعمل مول أحسن عشان ننوع أبتداء من التفاح حتى الدوم والعرديب والملابس من التشيرتات حتى المرحوم كان قدرك يعنى مول يكون حدث المدينة وماتنسى جميع أنواع التمباك فى رف واحد مع الكريمات والودك وزيت الكركار يعنى نخلط القديم مع الحديث وكله عند العرب ليمون
نزار حسن محمد
03-04-2007, 10:24 PM
هههههههههههه
والله ضحكتني كيف يانزار
اضحك الله سنك
وبعدين عصام زعل عشان ما عملتوا ليهم دكان خاص بسكان يانزار

ماعندك مشكلة ياعصام تعالوا كلكم ياناس سنكات لدكان ود كنان لاننا جيران والنبي وصي علي سابع جار :D



انتى يامدنيه اقعدى للشمارات... كدى انت تعالى ارجعى مدنى حتكونى مسئولة من قسم الداردمه والدوم.. قصرة معاك هههههههه
نزار حسن محمد
03-04-2007, 10:27 PM
يانزار مكان نعمل مول أحسن عشان ننوع أبتداء من التفاح حتى الدوم والعرديب والملابس من التشيرتات حتى المرحوم كان قدرك يعنى مول يكون حدث المدينة وماتنسى جميع أنواع التمباك فى رف واحد مع الكريمات والودك وزيت الكركار يعنى نخلط القديم مع الحديث وكله عند العرب ليمون

السلامى ..حمدالله على السلامه يابوى بركه شفناك طيب.. ارجوا الاهتمام بموضوع الاستمارات بتاعت الاحياء ماتمشى تعمل ذى ناس الااراضى انت ودصول بعد يومين نسمع بيكم سايقين لليلى علوى
ابراهيم
03-04-2007, 11:06 PM
نزار صباح الخير يا عمدة
مبروك السلسلة الجديدة من دكاكين ود الصول
بس نصيحتي ابعدو زيت السمسم من الدكاكين دي
عشان الدكان القديم من دخل زيت السمسم ما قامت ليهو قايمة
اما فرع جزيرة الفيل لو مافي مانع ادوني التوكيل بتاعو
وتجارتكم رابحة بإذن الله
وجاهزين
نزار حسن محمد
04-04-2007, 09:20 PM
نزار صباح الخير يا عمدة
مبروك السلسلة الجديدة من دكاكين ود الصول
بس نصيحتي ابعدو زيت السمسم من الدكاكين دي
عشان الدكان القديم من دخل زيت السمسم ما قامت ليهو قايمة
اما فرع جزيرة الفيل لو مافي مانع ادوني التوكيل بتاعو
وتجارتكم رابحة بإذن الله
وجاهزين

الزعيم شيخ الطريقه ابرهووووووته ..
حرام بلاك خربانه ام بنايتا قش ...قلت لى كيف زيت السمسم هو زيت السمسم قفل دكان ود الصول براه حتى كافتريا ابوعلاء بقى شمار فى مرقه ..الله يجازى زيت السمسم الخلانا نغنى رجلا المرا حلو حلاه
اما فرع جزيرة الفيل وام بارونه تم حجزه مسبقا باسمك بس اعمل حسابك زبائن جزيرة الفيل ..بحبه حلاة الجمعه يوما وحلوا ام بارونه مقيله ..كتر من الكشاتين والكرتله ام اسد
خالد أحمد الصول
08-04-2007, 01:34 AM
شكيت محنك ((يا نيزو)) و نيزو ده إسم الدلع بتاع نزار . شنو يعني داير تبقي زي اليمانية كل زاوية عندك دكان ... و تجي أخر الشهر تلملم في الايراد ... يا زول دردق دي فيها بقالات ما فيها دكاكين و كناتين و بعدين هم بملوك سهر عشان الناس هنا تنوووووووم و ما تصحي إلا بعد إطناشر بالليل تقومو هاك يا قعده في الخيران عشان كدة نحنا مرتاحين ما عندنا أي حرامية ..ز الحرامي يجي يزهج يقول ناس دردق ديل سقد ما بنوموا ...
و الله يا نزار الشوق كاتلني كتله ليك و أأسف ما أتأسف علي أنني لم أقابلك في أجازتك القصيييييره دي غايتو صرف النظر عن المساكين رحمة .. وخلاص الامجاد غيرناها بي آكسن
نزار حسن محمد
09-04-2007, 12:51 AM
شكيت محنك ((يا نيزو)) و نيزو ده إسم الدلع بتاع نزار . شنو يعني داير تبقي زي اليمانية كل زاوية عندك دكان ... و تجي أخر الشهر تلملم في الايراد ... يا زول دردق دي فيها بقالات ما فيها دكاكين و كناتين و بعدين هم بملوك سهر عشان الناس هنا تنوووووووم و ما تصحي إلا بعد إطناشر بالليل تقومو هاك يا قعده في الخيران عشان كدة نحنا مرتاحين ما عندنا أي حرامية ..ز الحرامي يجي يزهج يقول ناس دردق ديل سقد ما بنوموا ...
و الله يا نزار الشوق كاتلني كتله ليك و أأسف ما أتأسف علي أنني لم أقابلك في أجازتك القصيييييره دي غايتو صرف النظر عن المساكين رحمة .. وخلاص الامجاد غيرناها بي آكسن

هلا ابوالدكتور ... هلا مالك الاكسن... شنوا يابوى هى بعملوها واضحه كدى كلها اسبوعين فى الاشراف وحولت الامجاد لى آكسن ..والله شغلك نضيف... وكمان سمعت انك اتفقت مع عوض صقير وبقى مستشارك الخاص ... الله يستر على الكديسه ما جايبه خبر .. الخوف من باكر تجيبها حنكوشه موديل 2008 ... والله الشوق مطر عديل كده...
HAMADTO
09-04-2007, 01:07 AM
اهلا حبيبنا نزار ... مبروك افتتاح كل هذه الفروع
وأول دفعة من العناقريب استلمناها ... وابقوا داخلين
السلامى
09-04-2007, 01:17 AM
هلا ابوالدكتور ... هلا مالك الاكسن... شنوا يابوى هى بعملوها واضحه كدى كلها اسبوعين فى الاشراف وحولت الامجاد لى آكسن ..والله شغلك نضيف... وكمان سمعت انك اتفقت مع عوض صقير وبقى مستشارك الخاص ... الله يستر على الكديسه ما جايبه خبر .. الخوف من باكر تجيبها حنكوشه موديل 2008 ... والله الشوق مطر عديل كده...
نزار أنت كان على الاكسن ماهينه الزول دى بقى فطوره فى الكافتريات العجيبه ديك ... اليوم داك بعد ماركبت الاكسن عذمنى فطور لمن حردت الغداء عشان كده مسكو فرع العناقريب ساكت
خالد أحمد الصول
10-04-2007, 12:57 AM
يا زول الكديسة أدتنا إبرة ... و قالت البنات في الشغل قالن ليها إنتي معرسه سواق أمجاد .. قامت أدتني صرفة الصندوق و الدهيبات .. قالت لي يا الاكسن يا بالحسنه كدة تشوف ليك واحدة من عووضة ... و أخوك بي الفرحة ديك ختف القروش بس قالت لي لا لازم يكون بيناتنا شروط ... قلت ليها موافق علي أي شرط .... جابت ليك مصحف أبوي داك قدر البمبر و قالت لي كدي أمشي إتوضاء و تعال مشيت غسلت ليك وشي و بليت شعري قايل روحي غشيتها ... لقيتها شايلة ليك ورقة فلسكاب و دايرة تحلفني بس التقول عاوزين يمسكوني وزارة ... قول أقسم بالله العظيم و كتابة الكريم يا زول لما جات في محل عرس ما تعرس و شوف ما تشوف قلت ليها أنا الفقرة الاوله ما عندي إعتراض عليها بس الفقرة التانية مجحفة لانو ممكن الواحد يدقش ... قالت لي دقيقة ... إتصلت بي أمها و كلمتها بالموضوع .. أمها عقدت مجلس أمن مكون من خالتها و جارتهم السرة شمارات و نادو علي سكينة مدني لانو قالوا راجلها عسكري و مثقفة قانونيا ... يا زول بعد نصف ساعة جانا النص المعدل و هو ما تعاين لي أي بت بغرض العرس أو الاعجاب المقرون بالجراءه ... قلت ليها والله أمك دي بالغت عديل يا ريت لو عرسناها لي عمر البشير كان حال البلد بقت حال ... و من يومها بقيت زي البنقالي ... البت تقول لي سلام ... اقول ليها ... مافي سلام
نزار حسن محمد
10-04-2007, 10:13 PM
اهلا حبيبنا نزار ... مبروك افتتاح كل هذه الفروع
وأول دفعة من العناقريب استلمناها ... وابقوا داخلين

ودحمدتو...

هلا ..هلا على الجد والجد هلا هلا على ... الوكيل المعمتد ودحمدتو اسمعنى كويس.. العناقريب تعرض فى فروع معينه يعنى تركز على احياء ناس عصام عموش وماشابها ..عشان العين وكده يعنى ..وبعدين مامعقول تقوم تعرض العناقريب دى فى الحى السودانى ولا الزمالك. ولا الاندلس حرم معتز حمدتو تانى يوم ابيع بيته بامر من مرته ..ويا السوريبه جاك زول...
نزار حسن محمد
10-04-2007, 10:18 PM
نزار أنت كان على الاكسن ماهينه الزول دى بقى فطوره فى الكافتريات العجيبه ديك ... اليوم داك بعد ماركبت الاكسن عذمنى فطور لمن حردت الغداء عشان كده مسكو فرع العناقريب ساكت


ياخوى السلامى ..انت الكديسه بحرسوها اللبن... وماادراك من كدايس دردق بالله تقول كدايس بورسودان..قولة لى الفطور بقى فى الكافتريات بتاعت البخار والرزاز ... هبوبك يالله والله الآكسن عندكم...
نزار حسن محمد
10-04-2007, 10:33 PM
يا زول الكديسة أدتنا إبرة ... و قالت البنات في الشغل قالن ليها إنتي معرسه سواق أمجاد .. قامت أدتني صرفة الصندوق و الدهيبات .. قالت لي يا الاكسن يا بالحسنه كدة تشوف ليك واحدة من عووضة ... و أخوك بي الفرحة ديك ختف القروش بس قالت لي لا لازم يكون بيناتنا شروط ... قلت ليها موافق علي أي شرط .... جابت ليك مصحف أبوي داك قدر البمبر و قالت لي كدي أمشي إتوضاء و تعال مشيت غسلت ليك وشي و بليت شعري قايل روحي غشيتها ... لقيتها شايلة ليك ورقة فلسكاب و دايرة تحلفني بس التقول عاوزين يمسكوني وزارة ... قول أقسم بالله العظيم و كتابة الكريم يا زول لما جات في محل عرس ما تعرس و شوف ما تشوف قلت ليها أنا الفقرة الاوله ما عندي إعتراض عليها بس الفقرة التانية مجحفة لانو ممكن الواحد يدقش ... قالت لي دقيقة ... إتصلت بي أمها و كلمتها بالموضوع .. أمها عقدت مجلس أمن مكون من خالتها و جارتهم السرة شمارات و نادو علي سكينة مدني لانو قالوا راجلها عسكري و مثقفة قانونيا ... يا زول بعد نصف ساعة جانا النص المعدل و هو ما تعاين لي أي بت بغرض العرس أو الاعجاب المقرون بالجراءه ... قلت ليها والله أمك دي بالغت عديل يا ريت لو عرسناها لي عمر البشير كان حال البلد بقت حال ... و من يومها بقيت زي البنقالي ... البت تقول لي سلام ... اقول ليها ... مافي سلام

ياخالد اخوى ..
المثل بقول الجاتك فى ابرتك سامحتك ...وانت بالغته كمان مركب معاك السلامى من عووضه
والله ياخوى اتفاقيات نيفاشا وا.. ابوجا مافيها ذى الشروط دى وكمان جابت لك الحكومه المركزيه وحلفاءها ... يازول ابشر بالخير اخوك رفع موضوعك لى ود الماحى للاطلاع وهو خبير فى مثل هذه الامور وعند شهادات من معهد راجل المره ده حلوه حلا.. بس انت اصبر عليه اطلع من محاكمات الدجيل العاملها ليه حكومته بعد رجوعه من عرس اخوه ...قلت لى بقيت ذى البنغالى اخير انت نحن بقينا هنود عدددددددديل
خالد أحمد الصول
10-04-2007, 10:58 PM
و الله يا ود حسن صبرا جميلا ... بس الخوف كلو قالوا بنات الحور من ما شافو شهداء السودان ناس آدم بريمة و عيسي موسي و الضاوي نورو ... قالن عايزات يقرن ... و الخوف كلو يوم القيامة يرجعونا لي كدايسنا القديمة و تاني ننتظر القيامة الجاية
نزار حسن محمد
10-04-2007, 11:41 PM
و الله يا ود حسن صبرا جميلا ... بس الخوف كلو قالوا بنات الحور من ما شافو شهداء السودان ناس آدم بريمة و عيسي موسي و الضاوي نورو ... قالن عايزات يقرن ... و الخوف كلو يوم القيامة يرجعونا لي كدايسنا القديمة و تاني ننتظر القيامة الجاية

يازول مالك مخوفنا..كديسنا ديل ورانا ورانا ماكفايه فى الدنيا كمان لحقننا لى هناك ...غايتو ربك يستر ساكت ...انا شفتك فى النوم جالس فى كوشه وجنبك كديستك بتحسبك فى الايراد ...ربك اكضب الشينه
نور عبدالله
11-04-2007, 10:09 AM
اعلان هام ...."]
ترقبووووووووووو الافتتاح الكبير لدكان ود الصول بعد الصيانه العامه ،،،
بى فروعه الجديده فى جميع انحاء المدينه1/ فرع رئيسى حى الاندلس
2/فرع رئيسى حى المنيره
3/فرع رئيسى حىالزمالك
4/فرع رئيسى حىالمطار
5/فرع رئيسى احىالدرجه
6/ فرع رئيسى الحى السودانى
افروع بكل من ...جزيرة الفيل ، حى مايو ،دردق،القسم الاول، المدنين،القبه، ودكنان، بانت،حى التلفزيون، البيان، عووضه ،حنتوب،سنكات جبرونه.....
وترقبوووو بقية الاحياء كل من يريد فرع عليه الاتصال بالاخ ود الصول والاخ السلامى[/COLOR] مبرووووووووك سلسلة الدكاكين دي والله عجبني ليك... اسمع ادينا بالله الموقع بتاعكم عشان الناس البره لو عاوزين يعملو( شوبنج) ولاحاجة .. بتقبلو فيزاكارد؟؟
نزار حسن محمد
12-04-2007, 12:29 AM
مبرووووووووك سلسلة الدكاكين دي والله عجبني ليك... اسمع ادينا بالله الموقع بتاعكم عشان الناس البره لو عاوزين يعملو( شوبنج) ولاحاجة .. بتقبلو فيزاكارد؟؟

انتى يانور بس تعالى بالعندك والماعندك تاخدى الدايرا بس ركزى على الفروع الريئسيه..كان مشيتى على فرع سنكات والله الفيزاء كارت بتاعتك دى بفتكروها(( اسكراتش)) وارجعوا ليك الباقى بالسودانى
كان فول كان طعميه ...
معتز حمدتو
12-04-2007, 04:57 AM
والله ياالنقيب انت بتاع مشاكل انا سالتك ولا عاوز توقعني ساي مع الحكومه ... خلي ود عمي بتوصي بي وبجيب عنقريب مدنكل كده عشان الحكومه بتكون مشغوله في الدراسة وانا مع الاولاد اقوم اطلع ليك داك يالعنقريب الهبابي وجنس فرجه متقول المساحات قدام البيت تشوف للمغابر يعني يانزار لا تطير ولو كمان المره جات قبضتني ( بعيونك تقول لي تعال وتعال وبقليبك تقول لي مافي مجال ) طوالي بتعزر بالاولاد وبقول طلعت الشفع بره عشان اشمُ هواء ( هوي ) نقي !!!!!!!!!!!!!!!!!!!!
بعدين ياخي عاوز اكون ذي الصول اغير الاكسن العندي لكورلا ، ولا رايك شنو ....
بابكر
12-04-2007, 08:09 AM
ايه رأكم لوعملنا الدكان ذى المول بتاع عفراء وعملنا ليهو سلالم متحركه وجبنا لينا خواجيه واندونوسيه كده تبيع التمباك وفلبينيه للفول رأيكم شنو ياجماعه ؟؟؟؟؟؟؟؟؟؟؟؟؟؟؟؟؟؟؟
نزار حسن محمد
15-04-2007, 11:07 AM
والله ياالنقيب انت بتاع مشاكل انا سالتك ولا عاوز توقعني ساي مع الحكومه ... خلي ود عمي بتوصي بي وبجيب عنقريب مدنكل كده عشان الحكومه بتكون مشغوله في الدراسة وانا مع الاولاد اقوم اطلع ليك داك يالعنقريب الهبابي وجنس فرجه متقول المساحات قدام البيت تشوف للمغابر يعني يانزار لا تطير ولو كمان المره جات قبضتني ( بعيونك تقول لي تعال وتعال وبقليبك تقول لي مافي مجال ) طوالي بتعزر بالاولاد وبقول طلعت الشفع بره عشان اشمُ هواء ( هوي ) نقي !!!!!!!!!!!!!!!!!!!!
بعدين ياخي عاوز اكون ذي الصول اغير الاكسن العندي لكورلا ، ولا رايك شنو ....

الحبيب معتز حمدتو ...
قلت لى كيف ..لو جاتك الحكومه بتعزز بالعيال ..ده كان زمان ياحبيب المصيبه فى العيال بقوا......انقشوها وهى طايره ... امسك الخشب ساكت يازول لو قالت ليك سيك وميك ..خلى البيت وامشى السوريبه عديل ..عشان تسمع اغنية راجل المره حلوه حلا ...
نزار حسن محمد
15-04-2007, 11:16 AM
ايه رأكم لوعملنا الدكان ذى المول بتاع عفراء وعملنا ليهو سلالم متحركه وجبنا لينا خواجيه واندونوسيه كده تبيع التمباك وفلبينيه للفول رأيكم شنو ياجماعه ؟؟؟؟؟؟؟؟؟؟؟؟؟؟؟؟؟؟؟


بابكر الحبيب عندنا ..يازول ...طلباتك مجابه يامشوار سمحينا ..قلت كيف سلالم متحركه وكمان خواجيه تبيع التماك ..وينك ياود الماحى حلمك مااتحقق فى قول جبيبنا بابكر والتماك .. حكمت الله بقى ايسكريم ساكت وناس مانيلا ..شوف عينى ود الصول والسلامى ..بعملوا ليهم فى المعاينه..عفراء فرع ودالصول
والدخول بالدور... والكفيل بتاع الاجانب طال عمرك الشيخ ود الماذون..
السلامى
19-04-2007, 07:57 AM
ياود حسن شنو التفرقه دى يعنى نخش القطن ولاشنو لانو مافى غابة الا بتاعت ام بارونا وعملوها منتزه جادعنى فى مكتب توريتو كلها فكه يعنى أشترى الاكسن بتين
نزار حسن محمد
22-04-2007, 12:25 AM
ياود حسن شنو التفرقه دى يعنى نخش القطن ولاشنو لانو مافى غابة الا بتاعت ام بارونا وعملوها منتزه جادعنى فى مكتب توريتو كلها فكه يعنى أشترى الاكسن بتين

السلامى اخوى ... انت ليه مامشيت للفكى ابكرونه ..شفته ود الصول حريف كيف يومين بايت فى الدباغه
حرم خلى الوليه كلاما براه...كدى حاول اقنعه ورينى النتيجه شنوا انشاء الله ركشه مابطاله
طلال الصول
23-04-2007, 11:04 PM
والله عجبنا وسر بالنا لكن لكن مايكون زي الدكان القديم يوم فاتح وعشرة اجازة وصلحوا ليهم المرتبات عشان يواظبوا طوالي
نزار حسن محمد
24-04-2007, 12:08 AM
والله عجبنا وسر بالنا لكن لكن مايكون زي الدكان القديم يوم فاتح وعشرة اجازة وصلحوا ليهم المرتبات عشان يواظبوا طوالي

طلال الصول ..مشاءالله هو الدعايه بتاعت الفروع وصلتكم بالسرعه دى ..طوالى ركبت الصول بعد طلال ...يازول مبرووووك وتعال بالعندك مفيش مشكله ودكان ودالصول بسندك مفيش مشكله...
طلال الصول
29-04-2007, 09:02 AM
يا زول هي الصول دي تفوتني تمش وين
حسي انا بعد شوية حا اقول ليك دي حقوق الاسم
واشتكيك في البلدية
نزار حسن محمد
29-04-2007, 09:15 PM
يا زول هي الصول دي تفوتني تمش وين
حسي انا بعد شوية حا اقول ليك دي حقوق الاسم
واشتكيك في البلدية

لاحول ..يازول الشكيه فى شنوا ..ناس البلديه مره واحده .. ياسيد الاسم صول سودان ..الحقنا ..انت صاحب الاسم الحقيقى ..ولاتقليد ..كدى تعال حلنا . من شيخ طلال
طلال الصول
30-04-2007, 07:26 AM
تصدق صول السودان وطلال الصول وشوية اسامي كده حاجة واحدة
صول السودان دا عمي طبعاً
نزار حسن محمد
02-05-2007, 09:15 PM
تصدق صول السودان وطلال الصول وشوية اسامي كده حاجة واحدة
صول السودان دا عمي طبعاً
والله ياخوى طلال كان قعدنا وفتشنا فى الجذور يا تطلع ودعمى ياتطلع ودخالى يانطلع اخوى عديل...كدى عليك البينا ماعندك سفه لى اخوك اصلوا سعوط خالد صول سودان بايت ليه يومين
اشتراه من فرع الدباغه..وماعارف العطرون بتاعه حامض ذى موية النار ياربى اكون ممطر بمويه بلح :confused:
صلاح ودالطاهر
02-05-2007, 10:01 PM
والله ياخوى طلال كان قعدنا وفتشنا فى الجذور يا تطلع ودعمى ياتطلع ودخالى يانطلع اخوى عديل...كدى عليك البينا ماعندك سفه لى اخوك اصلوا سعوط خالد صول سودان بايت ليه يومين
اشتراه من فرع الدباغه..وماعارف العطرون بتاعه حامض ذى موية النار ياربى اكون ممطر بمويه بلح :confused:

ود امي نزار ودحسن اخوي خالد ودالصول ياا ولاد امي انا ماحصل فيني مقلب بس اسكتو ساااااي اخوي نزار انا كل يوم الق رساله من واحد اسمو صول السودان وانا ماكنت عارفه حبيب قلبي وحبيب قساي انو هو خالد ودالصول البقعد معه في المكتب ومعي وزارة الداخلية اصلاً هي تلميذته في كلية الطب اه قلت نشوف اخر صول السودان ده شنو رسلت رساله ليه وطلبته منو الرقم يازول زولك الرائع صول السودان رسل الرقم وشوف اول ماوضعت الرقم كان يظهر عندي حبيب قساي ودالصول يازول اخوك مافضل ليه الا الارض تبلعه عشان كده والله الاسماء المستعره دي تخلي الواحد مايعرف الناس وزي مابيقول في المثل المابتعرفوا تجهلوا اخوي ودحسن احب في هذه العجالة ان ابين بعض صفات اخونا خالد الصول ولوكتبت الالف الصفحات لااستطيع ان افي خالد حقه بس يكفي انه الرائع اخي خالد تجدني اسف كل الاسف ولك العتبه حتي ترضي ياصديقي
صلاح ودالطاهر
02-05-2007, 10:03 PM
تصدق صول السودان وطلال الصول وشوية اسامي كده حاجة واحدة
صول السودان دا عمي طبعاً

نعمه العم وربنا يديه بقدر خدمته للناس في الجامعة
طلال الصول
03-05-2007, 12:08 AM
نزار يا اخوي والله كان منا ي ارسل ليك من بوش والا عبدالحق الجيد ياسيد
لكن والله انا خليت الصعود لي 4 سنين حسي عقبالك
وبعدين عمنا دا حريف في اي حاجة يازولة
يكون عامل ليك فيو عمل
طلال الصول
03-05-2007, 12:09 AM
الرائع صلاح مشكور الف شكر على الكلمات الحلوة
الجميلة دي وانا بشكرك عن نفسي وعن عمي خالد
وتسلم يا غالي
mcreio
05-05-2007, 12:54 PM
يا صول مبرووووووووووووووووووووووك

وما تفوتنا الافتتاح

ترا نحنا فى القديم والجديد عندنا فرع
محمد أحمد الشيخ
06-05-2007, 02:36 AM
والله يا أخوانا كل حاجه ولا عصام عموش ده أنحن بنفتح ليهو سوبر ماركت في القسم الأول محل الحضاره وهاك يا منافسه مع اخونا نزار أنتو تبيعو عناقريب ونحن نبيع بيرقر وشوكولاتا وباسطة ونشوف البكسب منو .


أخوكم / محمد باسطة
محمد أحمد الشيخ
09-05-2007, 07:39 AM
والله يا أخوانا كل حاجه ولا عصام عموش ده أنحن بنفتح ليهو سوبر ماركت في القسم الأول محل الحضاره وهاك يا منافسه مع اخونا نزار أنتو تبيعو عناقريب وتماك ونحن نبيع بيرقر وشوكولاتا وباسطة ونشوف البكسب منو .


أخوكم / محمد باسطة
محمد السر احمد
16-05-2007, 03:12 AM
والله يا نزار حسن نحنا ناس المنيرة والدكان مهم عشان ناس المنيرة ديل دايرين ياكلو الايسكريم والمشاوي بس الزير مهم عشان العطشة والضيوف البجونا من بعيد ذي ناس استاذنا عصام عموش