خبر عاجل الخرطوم تشهد انفجار مدوي الان

[النزير محمد شريف]

احبة منتدي ودمدني


تشهد الخرطوم منذ الساعه الثاله ظهراً انفجار داوي بالقياده العام لقوات الشعب المسلحه وانا اكتب الان اسمع صوت الاسلحه المنفجره

هذا وقد منع جميع الصحفيين من التغطيه علماً بان مصور قناة الجزيره قد صدرت كاميرته

لم يكشف عن اسباب الحريق ولكن تفيد بعض الاخبار انه نتيجه التماس كهربائي


هنالك خسائر بالغه لم يتم الكشف عنها ايضاً


غداً المزيد


مع مودتي

[ابوزيد محمد نور]

اللهم احفظ السودان من الكوارث و الانفجارات يارب ااااااااااااحفظنا جميعا.....

[النزير محمد شريف]

اللهم امين ياااااااااااااااااااااااااااااااااااااااااااارب



والله في اللحظه يزداد هذا الانفجار المفاجئ



مودتي

[الفارس البنفسجي]

لا حول
ولا قوة
إلا بالله


نسأل الله السلامة

[s nger]

والله يا النذير انت بتاع شمرات ربنا يحفظ بلددنا

[مدنيّة]

الانفجار سببه حرارة الجو الشديدة ادت لانفجار احدي الحافلات التي كانت محملة بالاسلحة ومنها شبت النيران لحافلتين اخرتين كانتا تحملات اسلحة لتفريغها في مخزن للذخيرة

[مازن الجمّال]

سلام ومحبة
على حسب المعلومات السمعتها قبل شوية انها شاحنة معبية زخيرة
وتابعة لمصنع زخيرة في الخرطوم
بس وبدون خسائر بشرية


تخريمة :
مسكين يا شعبي
ما عارف من وين جاييك الموت

[الشريف الهندي]

يارب سترك يارب

[الشوربجي]

الله يستر وبعدين يااخوي مافي غنماية بتاكل الافراح اجي غنماية شنو قول تماسيح والله الغنمايه برئيه براة الذئب من دم ابن يعقوب بس صلح نظاراتك وعاين كويس
مع خالص احترامي
الشوربجي

[همسة شوق]

الحمدلله مافى خسائر بشرية

[ابراهيم]

يا جماعة فهمونا
هو حادث حركة ولا في حاجة تانية
وبعدين حصل نسبة لالتماس كهربا ولا سخانة جو ولا في حاجة تانية؟؟؟
الشمار جيبو جاهز
جهجهتونا

[المكاشفى]

مشكور اخونا النزير مراسل البى بى سى من الخرطوم
واحييك ع سرعه نقل الخبر كما اخاف الكزب النقل اسرع من الجزيرة
وانفى خبر مصادره كاميرات الجزيره لانو شفنا الخبر مباشر من الجزيره
والشكر لمراسلتنا مدنيه
ونقول الله يستر ويحفظ ناس البلد الكفاويها كترت

[Madanawi]

والله انا شفت وسمعت الخبر في قناة الجزيرة يوم امس ، لكن اليوم في الجرايد قالوا في سبعة مصابين بالمستشفى ، ربنا يشفيهم ويستر عليك يا بلد،،،،،،،،،،،