ايش تبغى ! تميس ولبن مراعى؟؟؟؟؟

[بابكر]

هذا الموضوع وجدته فى احد المنتديات ,,, عجبتنى بساطته .. اسمحوا لى ان انقله لكم !!

السلام عليكم ورحمه الله وبركاته

اولا انا بعتذر علي العنوان يا اخوانا لكن والله الكلام ده ما كلامي ده كلام العديد من اخوانا المغتربين

المرتاحين علي قول احمد بورتسودان (مع الاعتذار )

لكن هل المقوله الوردت في العنوان دي صاااح؟؟

اكييييييييييد لا ثم لا واخيرا لا

طبعا الخلاني اكتب الموضوع انو انا اثناء كتابته وفي نفس الوقت بالتحديد كنت اتكلم مع احد الاصدقاء

وهو موجود باحدي الدول النفطيه ( الخليجيه تحديدا) المهم اثناء الحديث لاحظت انو بيتكلم بلهجه خليجيه

قلتا ليه انت ليييه بتتكلم خليجي وبتتكلم بلهجه بلدك السودان ؟

قال لي لانهاة لهجه متخلفه !!!!

في هذه اللحظه جن جنوني وكان بودي اخش ليو جوه الشاشه واكسر وشو (اي شي الا الغلط في السودان )

اتمالكت اعصابي وقلتا ليو عيب تقول علي بلدك كده الف عيب يا حمودي (لانو صغير بعض الشي في السن )

لكن ما لدرجه التخلف الكان بتكلم بيو ده

المهم بديت اتجادل واصلح معلوماتو لكن في الاخر ( كانك يا ابو زيد ما غزيت )

المهم قلتا ليو انت الخلاك تقول كده شنو ؟؟

تصوروا الاجابه _ في بلد ما فيو صرف صحي غير السودان والله دي اكبر مصيبه !

قمتا قلتا ليو والله كونو انو زول زيك ما عندو مخ دي اكبر مصيبه

المهم النقاش بخيرو بشروا انتهي ومسحتوا من الايميل

وايضا في حوار اخر مع خطيب احدي الصديقات كالتالي

يا ........ انت اها بعد التخرج ما ناوي تمشي علي السودان كده تشوف الحاصل شنو ؟؟

....... السودان!!!!! السودان امشي اسوي شنو؟؟

ليه يا ........ ؟ السودان مالو يا اخوي (مع العلم بانو ......... عايش نص عمرو في السعوديه)

(السودان كلام فارغ ساي السودان ...... كوم من الالفاظ والله انا خجلان وانا بكتب الكلام ده)

ليييييييه يا .......... ؟

........... -انا والله خسرتا في السودان تجاره ب 200 مليون

قلتا ليو والله يا ......... كلامك ده ما معناهو انو السودان كعب و .......... زي ما انت بتقول

........- اها معناهو شنو يا عمر ؟؟؟

معناهو انك تاجر فاشل بس ليس الا

.......... لييييييييييه ؟؟

ياما ناس اتحكت في السوق واتضربت وخسرت وماقالت كلامك الزي وشك ده

لانو التجاره ربح وخساره

المهم لمن زهجت من .......... قلتا ليو يا مان كدي اقلب الصفحه دي عشان ما نختلف

لانو انا فاض بي منك .

ختام حواري مع حمودي و .......... كان نفس الختام

امشوا اسالوا ماما وبابا عن السودان واقروا عنو وعن تاريخو بعدين الداير ينبح ويجعجع

يجي وانا افضي ليكم الساحه

وبقول لاي زول بتفق مع حمودي و ........ نفس ختامي


عذرا عن الاطاله والاسلوب اذ شابه بعض الهجوم ولكن اي انسان شرب من مويه بلدنا

حيرد اكتر من كده



واخيرا وليس اخرا (الا السودان)

[الفارس البنفسجي]

الغالي بابكر

للأسف دي واحدة من مساوي الإغتراب
وبقع كل العبء على أولياء الأمور

والمسألة عاوزه شوية أدراك لأنو
الكلام قد يبدو بسيطاً ولكنه كما ذكرت
يحمل دلالات اكبر وأكبر.

كلنا آمل أن يملأ التألق وجه السودان
دائماً وأبداً وأن يظل في حدقات عيون
كل السودانين.

[Madanawi]

حبيبنا بابكر ،

الغدر دخيل .. والوفاء من شيمنا .. والما فيهو خير لي اهله وبلده ما فيهو خير لي بلد تاني ،،

والسودان دولة وشعب هم أساس نهضة وتعلم المجتمعات الخليجية والافريقية أيضا ،،

وأنا بقول لحمودي والآخر .. سوداني الجوة وجداني بريدو ،،

والحمد لله اننا سودانيين .. واهل شهامة .. وأهل كرم .. والفينا مشهودة !!

[rasheed]

الأخ الغيور على بلده بابكر ،،
لك ألف تحية وأنت تقف سداً منيعاً لكل من سولت له نفسه ولو بخلسة أن يكون كهؤلاء الرجرجة الدهماء بغاث الطير 00
ألم ينظر حوله هذا الحمودي وفي أي مكان يعيش فيه في الخليج أو غيره ، ألم ينظر إلى أحوال السوق وبعض الناس الذين يتسولون وهم في أغنى الدول وهم مواطنين 00 هل يا ترى إذا كان السودان ذو سعة من أمره هل كان يكون لنا متسولين مثلهم ؟؟ هل يوجد شعب متكافل متراحم مترابط - رغم ما ألمّ بهذه الأوصاف من شوائب نتمنى أن تزول - وتلك هي مشيئة الله أن نكون كذلك حتى نصحى ،، هل يعرف هذا الحمودي ومن شابهه جاره الذي يسكن بجواره تماماً قرابة أكثر من سنتين ؟؟ وهل هو حقيقة أستثمر أكثر من 200 مليون ولا هي نفخة من نفخات أمثاله الذي يدعون كل شيء 000
تذكير 00 بلادي وإن جارت علي عزيزة ،، تصور كيف يكون الحال لو ما كنت سوداني وأهل الحارة ما أهلي ،، نيلك أرضك زرعك ناسك ،، بحبك يا سودان ،، رغم كل شيء كان واجب عليك أن تقول لهم كما قال ود الماحي اللي في بيتو نخله من الخير ما بخلا 00 وخليهم في الشقق المؤجرنها ليهم دي إن شاء الله يسجلوها ليهم 00 مغترب غاظو الكلام

[بابكر]

الاوفياء الرائعون
الفارس البنفسجى
مدناوى
رشيد
لكم الحب يامن تزرعــــــــــــــــــــــــــون بذور المحبه والالفه وتزيدون من مساحات الامل فى هذا المنتدى
لكم الاحترام والتجله ايها الاوفياء الغيورين
دمتم ودام الوطن عزيزا بكم وبسواعدكم وفكركم

[جيفارا]

ياريت لو الحكاية بقت على الكلام وبس يا أخ بابكر لو شفت الحاصل في دارفور وكمية العملاء والخونة تقول شنو لو قاعد تسمع كلامهم في لندن وتشاد

ناس حمودي دا من أسمو باين ومقدور عليهم



أسمح لي أن أطرح من خلال مقالك الرائع مساحة عن أسباب ما ذكرته في موضوعك الهام للغاية

[بابكر]

العزيز الغالى جيفارا
لك الود
الشىء المؤسف ان الطعنات تكال لنا دائما من ذوى القربى
وكما قال الشاعر
وظلم ذوى القربى اشد مضاضة من وقع الحسام المهند

[همسة شوق]

العزيز بابكر ليك الف تحية
الكلام دة فهم كتير من ابناء المغتربين
والمشكلة اولا واخيرا من اولياء الامور
لأنهم ماغرزوا فيهم حب الوطن

وكيف يكون الحال لو ماكنت سودانى

[بابكر]

وكيف يكون الحال لو ماكنت سودانى
ياسلام عليك ياهمسة شوق
كلام قل ودل

[sandra]

الزي ديل ماتكتر معاهم الكلام.. وقول ليهم...
تخيل كيف يكون الحال لوماكنت سوداني!!؟؟

[شبارقاوية]

الاخ الفاضل
انا من اولئك الذين غادروا وطننهم منذ الصغر وترعرنا فى احدى الدول العربية منذ الابتدائية وحتى التخرج من الجامعة واريد ان اقول لك بان للاب والام دور فى ذلك حيث كان الوالد لا يسمح لنا بتغيير لهجتنا او عاداتنا ولم نحاول نحن وكان والدى ووالدتى حفظهم الله واطال فى عمرهم كثيرا ما يقومون بسؤالنا عن الكلمات الدارجية البحتة التى انقرضت وتكون كمسابقة وبجائزة حتى نلم بالقديم ايضاولهم كل التقدير
ونحن نعتز ونفتخر بانا سودانيون .
والاكثر غرابة اخى الصغير حينما غادرنا الوطن كان عمره 7شهور وهو الان يتكلم العامية بطلاقة
بل ونحب جميع الاكل السودانى من الكسرة وحتى ام فتفت هههههههه
لذا اقول لك للام والاب دور هام فى تربية ابنائهم تربية سودانية
ولك التحية

[بابكر]

الابن سندرا
اهـــــــــــــــــــــــو الكلام كده واللابلاش!!
شكرا لك !!

[بابكر]

الغاليه الرائعه شبارقاويه
لك التحيه
وفعلا ان لمستى الجرح لان الاهل هم الذين يحملون العبء الاكبر فى تصرف ابناءهم فى الغربه وخاصه هنالك اسر تشجع اطفالها على التحدث بلهجات البلد المتواجدين فيه ,بل ويفاخرون بذلك

[ود المطامير]

الله يديك العافيه والله يا أخوى العزيز
مره كنا فى مناسبه وكنت قاعد مع ناس كتار ودخل على إبنى وعمره خمسه سنوات وإتولد فى الغربه .. دخل علينا وهو ينادى لى .. أبو ى .. أبوى .. أبوى
وقاموا علىّ الجماعه كأنه إرتكب جريمه .. كيف يقول ليك أبوى ؟ ( وليش ) ما يناديك ب يا بابا
وقلت ليهم والله كلمة أبوى دى ليها طعم خاص فى نفسى , وذى ما قال واحد من أخوانى ياريت لو بقت على الكلام وبس , وبقول ليهم مصيركم ترجعوا السودان وهناك فى ناس يمه وناس يابا

[samah]

واسأل عن بلد مجروح
وعارف الجارحو ليه جارِح
عارف ديل الواجعني شديد
وياريت بس الكلام
دا كلام كتير
وتسلم بابكر علي هذا الهم الكبير الذيـ تحمله للوطن

[بابكر]

شكرا ود المطامير على المداخله الطيبه
وشكرا الغاليه سماح على المرور الكريم

[صالح شرف]

اخي الغيور
أعجبني الطرح ( وإن كان ساخن شوية)
وصدقني أنا شخصيا أحببت العنوان وانا واحد من محبي التميس الافغاني تحديدا المعمول بالعسل
واسأل الله أن يردني سالما في حج أو عمرة فأكله مرة ثانية
ولكن يا صديقي أرجع وأقول للأسرة دور رئيس ومحوري
فإن يكن لم ذات الشخص كبيرا كان أو طفلا ... ك حمودي
مهتما أن يعرف عن بلده الكثير
وأن يتعلق به
فلن تنفع محاولات الاهل
ولا اود أن أمثل بمن اعرف وأهلي خاصة
ولكن المرء في الأخر يضرب الأمثال بمن وما يعرف
فأنا لدي خالة مغتربة في احدي الدول النفطية بالسنوات
ولكنها وإن كانت مقلة جدا في زياراتها ولكن وعلي لسانها تقول انها تعمل علي ربط بناتها وابناها بارض الوطن
والنتيجة(بدون لكن) انهن اصرين علي العيش هناك نافياتٍ اي سبب للمجئ إلا مع ازواجهن الذين كان أول شروط الموافقة عليهم الا يفكروا مدي العمر وعلي الاطلاق
في يوم من الايام ولو علي سبيل المزاح في امر وشان الذهاب والعيش في السودان
لك التحية
مجددا
والسلام

[بابكر]

الغالى صالح
لك التحيه
والله لوجيت الحج انا عازمك تميس بالعسل لانى برضه بحبه كذلك
وبعدين ياخى انت لو عرست واحده من بنات قريبتك دى ما كان احسن ليك من قعاد الكتاحه دى وتجى تركلس معانا ونبقى اصحاب على طول
وانا جاى السودان فى الاجازه ,, والله تدينى عنوانك اجيب ليك معاى تميز وعسل ولبن مراعى كمان !!! شنو ليك ؟؟؟؟

[صالح شرف]

أنا موافق
وعنواني
إذاعة ودمدني
واي واحد تسألوا بتصل
السكن قالو عووضة
والله يعوض علينا وعليك
يا وليييييييييييد
زي ما بقولنها أمهاتنا
وقصة العرس
من قريبتي
دي
عليك الله
وكمان (ثم) أمك وكل غالي عليك
تسيبها
أصلها بقت معقداني عديل كده
اجارك الله انا مُمتحن في رفض اهلي لكل واحدة أقول دايرها
لحدي هسه اربعة والعدد في ازدياد
والله كريم

[بابكر]

أنا موافق
BBBBGGGGGGGGGGGGGGG