المساعد الشخصي الرقمي

مشاهدة النسخة كاملة : ابحثوا معي عن مرتضي عبد العال ساتي والعريس المفتري غسان


الجندي المجهول
15-04-2007, 02:15 AM
حبيبنا الغالي مرتضي عين وحبيبنا الغالي غسان بالله وين انتو يالرحتو طولتو وعلى ما سألتوا
طبعاً زنقة شديدة والامتحانات على الأبواب وانا كابي الجرسة واحتمال اكب الزوغة وما عارف اعمل شنو والحاجة الحلوة ( انو في اتجاه قول لتعديل فترة الدوام في الشركة لتصبح فترة واحدة من 8 الي الساعة 5 تتخللها ساعة راحة وصلاة ( مدني يا وطن الجمال يا لوصفك محال اريتك وكل الصحابك في احسن حال ))
بهدي الاغنية الجاية لكل زول غاب في الفترة الماضية عن هذا المنتدي الرائع لظروف الانشغال في هذه الحياة الصعبة وبنقول انو الغياب ما جفا وخلاص تعالوا كفي
بيقولوا الغائب عذروا معاهو وفي غيابك ياما نشيل اللوم
مرت لحظات وكمان ساعات وحياتك منتظرين
لو وشوش صوت الريح في الباب يسبقنا الشوق قبل العينين
سلام لكل الرائعيين ،،،:)
سامر حسن
15-04-2007, 02:41 AM
غايتو مرتضى ده ما عارفو وين لكن العريس المفتري ده بكون some where
الجندي المجهول
15-04-2007, 03:21 AM
ما قصرته يا سامر ،،، و some where دا من راسك ولا من كراسك .... مرحب بيك سامر اخونا وحبيبنا واكيد لو ما لقيت الجماعة ديل اخيرا حا ارجع لي قلبك الكبير الذي يسع الجميع واكيد حا يكونو موجودين فيه ... تسلم يا جدع
رضا حسن محمد
15-04-2007, 06:05 AM
انت ذاتك وين يا الحبيب والله ليك وحشة
غسان موجود بكثرة وهو الان فى طريقه الى مكه لادء العمره مع عبد السلام جاد الله
الفارس البنفسجي
15-04-2007, 06:44 AM
الأخ الجندي المجهول

تسلم على روح التواصل
وأن شاء تتحل من موضوع
الإمتحانات.

وندعو عبركم كل الغائبين
للعودة لحضن هذا المنتدى

ودمت ، ،
مرتضى ساتى
15-04-2007, 08:09 PM
اشكركم على السوال عن شخصى الضعيف وانا طبعا كنت فى عاصمة الثقافه
فى ارض الجزيره الخضراء لقضاء الاجازة السنويه
سامر حسن
15-04-2007, 08:55 PM
الحمد لله الجمعوا
انا طبعا كنت عاوز احرر سوق البوست بس
Madanawi
15-04-2007, 10:37 PM
غسان ماشي يعمل عمرة!!!!!!!!!!!!!!!!!!!!!!!

والله صحي البعيش بشوف!!!!!!!!!!!!!!!

أنا لي هسه يا رضا ما مستوعب اليوم القابلتك فيهو أيام الحج في منى .. تجي تقول لي كبري رفاعة عملوهو .. قصدي غسان في العمرة
الجندي المجهول
16-04-2007, 01:48 AM
الاعزاء
الفارس البنفسجي
رضا حسن
مرتضي عبد العال
سامر الوجيه
مدناوي الحاوي
غسان الغائب الحاضر
انت احلى ناس وياريت التقيكم وجه لوجه وانا موجود في كل مكان باذن الله بس وروني دربكم بي وين بس الحتة الوحيدة الما بقدر اصلها قطر يا مرتضي وانت عارف ليه ويا حليل ايام مدثر القطر ربنا يطول في عمروا ويعطيه الصحة والعافية ...
تسلموا يا رب
مدنيّة
16-04-2007, 02:55 AM
اها يالجندي المجهول بركة الجمعت في واحد

والعريس المفتري دا اهديه الاغنية دي

<embed width="281" height="79" src=http://www.sudaneseonline.com/SudaneseMusic/music/MohamedElamin/Shal%20al%20nuwwar.mp3>
الجندي المجهول
16-04-2007, 05:56 AM
اها يالجندي المجهول بركة الجمعت في واحد

والعريس المفتري دا اهديه الاغنية دي

<embed width="281" height="79" src=http://www.sudaneseonline.com/SudaneseMusic/music/MohamedElamin/Shal%20al%20nuwwar.mp3>




مشرفنا العام مدنية كم انا سعيد بهذا المرور الرائع واغنيتك هزت فينا اوتار غريبة عجيبة انت ما مفروض تكون مشرف المنتدي انت مفروض تكون رئيس السودان عديل كدا ....تسلم يا تاج راسنا