مافي زول بموت..عبر أدمانه الدموع..!!

[BiT@lNiLe]

كم هي تعيسة هذه الحياة....(يابنتي عرفنا ما دايرين نقا في الليل دا )..!!

لا أعلم ولكنني أشعر باليأس..(والله حالة صعبة لكين..!!)

أشعر به يتسلل الي نفسي..(وتاني؟.!.؟.!)

أشعر به وهو يفوز في أغلب معاركه مع الأمل..(معليش ما الدهر يوم لك ويوم عليك..!!)

أري الأمل ضعيف..(بكرا بسمن..!!)

أحاول أنا أمده بقوة ولكنه سرعان ما يضعف مجددا"..(اجي؟.!.؟.! عوجا دي..ممكن يكون عندوا فقر دم ياربي ولا هي أنيميااا؟.!.؟.!)

هل الذنب ذنبي أم أنها الأيام؟(والله يابت أمي ما معروف ذاتو..))

أشعر بأنني فقدت طعم هذه الحياة..(أسمعي؟.!.؟.! أديك ملح؟.!.؟.!)

أشعر بأن أجزائي تموت..أشعر بأنني خدعت(أجزائك منو يآنسة؟.!.؟.! ما بعرفها..ليه هي قالت بتعرفني؟.!.؟.!)

تعرضت للخيانة..قتلت بسكين غير حادة..أشعر بأنني أصبحت ميتة من دواخلي..أشعر بأن قلبي يعتصر الما" بالرغم من أحساسي بالموت..(أجي؟.!.؟.! خروف الضحية حضرتك وأنحنا ما عارفين؟.!.؟.!)

أشعر بأنني لست أنا..أشعر بأنني غريبة عني..أشعر بأنني فاقدة للوعي..أشعر بأنني في عالم بعيد عن عالمي..أشعر بأنني في كابوس ولن أستطيع الأستيقاظ منه أبدا"..ماذا عساي أن أفعل؟(بتسعلني أنا قالت؟.!.؟.!)

هل أصرخ؟ لاأعتقد أنه الحل..هل أقتلع قلبي وألقيه في القمامة لأحس بتحسن؟ لا أستطيع..فذاك الوحيد الذي أشعر أنه ملكي..وماذال هنا عندما أحتاجه(خلاص أرح نشوف حل في دكتور فيل..!!)

أشعر بأنني سأستسلم..سألقي بنفسي في أي نار من نيران هذه الدنيا..فما عدت أشعر بالدماء تجري في أوردتي..لم أعد أحس بأنني أتنفس..لم أعد أحس بنبضات قلبي تزداد أو تنقص..أو حتي بأنها طبيعية الخفقان..(يابت والله القلوب دي هي الجايبة لينا الكفوا..خلينا عليك الله..!!)

لم أعد أرغب في أن أراقب السماء وهي تمطر..والقمر وهو يظهر..والنجوم وهي تبرق بشدة..ولا الطيور وهي تكون أسراب جميلة تتميل هنا وهناك..ولا حتي ذاك الشلال الذي يتدفق معبرا عن جمال كل تلك الطبيعة..(الكلام دا وين ياجماعة؟.!.؟.! ما نكون في عالم الأحلام بس؟.!.؟.!)

لم أعد قادرة حتي علي القراءة..الكتابة..الرسم..التفكير..ولا حتي للأكل القمردين ولا حتي للأستماع لكاظم الساهر الذي يتغني بها دوما" وأعيش وأحلم بأنه يفعل لي أنا وحدي..(المفجوعة دي..هسي القمردين دا الجاب هنا شنو؟.!.؟.!(طبعا أنا ما بشرب عصير القمردين..بأكلوا بس..دي مرضة تانية)..!!)

لم أعد أعشق ذاك القلم فوق الطاولة وراحة الورق الأبيض الصافي كما الحليب..لم أعد أعشق حركة القلم ولمساته الرقيقة الناعمة للورقة..(القمردين والحليب..البت دي شكلها جاعت ياجماعة..!!)

لم أعد أعشق الحياة ولا حتي القليل فيها ..لم أعد أحب رياضياتي..ولا حتي علومي..(يييييييييييييع رياضيات شنو يابت وعلوم شنو في الصقط دا..انتي ما جادة ولا شنو؟.!.؟.!)

لم أعد أروق نفسي..ولا نفسي تروقني..لم أعد أشعر بالسعادة تغمرني وتدفيني..لم أعد عاشقة للأبيض ولا حتي الأسود..صار الرمادي محور حياتي..(الرمادي مالو يأختي؟.!.؟.! ما ثمح..وما بتوسخ..لون كدا..ما عارفة المهم ثمح ماكو عوجا فيهوا..!!)

لم أعد أرقص وأنا طائرة بين السحاب كما كان سابق عهدي..لم أعد أريد أن أتعلم العزف علي ذاك الشئ الذي كنت دوما" أنسي أسمه..(هئ هو كان أسمو شنو قلتي لي؟.!.؟.!)

لم أعد أقفز من هنا لهناك وانا حاملة في عيناي ذاك اللمعان الغريب علي فتاة في سني..(لا تعليق..!!)

لم أعد قادرة بعد من الأن بفعل ما كنت أفعل؟ هل أختلت الموازين عندي؟ أم هو القدر من أخلها لي؟ (هي بقت علي موازينك يابت أمي؟.!.؟.! ما موازين العالم دا كلوا مخلولة..!!)
لالالالا..ليس من المهم الأن أن أعرف من الفاعل..لا..بل أريد موازنة ما أخل عندي..(هع..كان غيرك أشطر..!!)

أريد حلا"..أريد قلما جديد لا ينكسر مع الضغط عليه..أريدا" عمرا"جديد..عمرا" ملئ بالحسنات..أريد قلبا" أكبر لأدفن فيه أحبتي..أريد قبرا" لأدفن فيه وأرتاح..أريد قدرا" يحملني بعيدا" عن ما هو مقدر لي الآن..(البت قامت تتفلسف فينا..هوووووووووي يافلانة أنتي كفاكي قومي نومي..!!)

لا أحمل الكثير من الكلمات لأقول..ولكنني اتألم..لا بل أعني أنني أموت ألما"..ولكنني أكد أختنق حزنا" لا بل أعني أني أحاول أن اموت حزنا"..ولكن عبر أدماني للجراح..(مافي زول بموت من جرحة ولو حتي كانت في القلب..!!)

أحاول أن أنسي بأنني أنسانة.. ثم أعود لأحاول أن أكون نفسي من جديد..أحاول أن أرجع من حيث بدأت لأبدا من جديد..ولكن ها أنا أعود من جديد..وانا محطمة أكثر..(معليش..بكرا تكبري وتنسي..!!)

أنا من تتألم هنا..أنا من تتعذب هنا..أنا من تحاول أن تلملم جراحها دوما" ولكني يأبي القدر الأ أن يهزمها مجددا"..(ياجماعة أرحكوم..البت دي حتقلبها لينا مسلسل مكسيكي..يأخي ما تخلصي عايزة شنو هسي؟.!.؟.!)

هل تبقت كلمات للمحطمين أمثالي لم تقال بعد؟؟ هل لازلت نقطة دماء بعد لم تنزف؟ هل لازلت دمعة بعد لم تذرف؟
اااااااااااااااااه..لقد صرت للحزن مدمنة..وليس لأدمان الحزن علاج..ااااااااه لقد قتلني الوجع..قتلني وماعدت قادرة أن أحيا من جديد..(أمممممممممممم غيرو؟.!.؟.!)

لم أعد حائطا" منيعا" بعد الأن..فقد صرت هشة تقدر أن تحطمني أقل رياح..لم أعد تلك..بل صرت هذه..مهشمة من دواخلي..(وأنحنا نعمل ليك شنو يأنتي؟.!.؟.!)

صرت لنفسي لا أحتمل..صرت مملة من كثرت أحزاني..صرت تعيسة من كثرت دموعي..صرت ممنوعة من الفرح..وقررت أن أجهض أملي حتي لو أنتصر في معركة له..لأنه في كلتي الحالتين سيموت وأموت أنا من جديد..!!(وأخيرا" خلصتي..دي شنو البراية دي..!!)....

تعليق قديم(تخريمة): شافعة وبتفلسف.....................................؟.!.؟. !

ســــــــــــــــــــــــــــــــــ(بت النيل)ــــــــــــــــــــــــــــــــــرورة!!

[اميمه عشريه]

احييييييييييي ما خليتي فيني فشفاش يعني زول واحد تاني يكتب معاك مافي مش ...؟؟
نقفل الثقافي ونجي نصاقرك وانت بتمرمطي الادب بالشكل ده .. يعني لا واحد يكتئب معاك ولا وحده تطلع احزانا ياهو بتعملي ليها كده :D :D الله يجازي محنك يا سروره عثل عثل بث ..:D

[عبدالرحيم سعيد]

ويصدقنا ماقيل قديما ذو العقل يشقي في النعيم بعقله واخو الجهاله في الشقاوة ينعم كم مات فينا البلبل وانت بناظريك تبصر اكوام الجمال في مزبلة المدن النفطية وترحل ذاكرة الايام بك ليد مرتعشة هنالك تأكل فتات الخبز خلسة خوفا من لسعات السياط التي تطالها فهذا الفتات للبيع0 وتتجازبك الأنا بين هذا وذاك 0وتموت حتي النخاع عضوا عضوا0 وتشرب الروح فيك خلق الحظ جمانا وحصي خالق الانسان من ماء وطين فوليد تسجد الدنيا له ووليد في زوايا المهملين0 وتبكي مطراوتعيش يبابا 0فمقدورك ان تبقي عقلا بين الماء وبين الناروالجسد الهامد فيك تعبا لن يبلغه ومثلك من بني جلدتك 0والامل الاجدر بك افترش الثري واسجد لربك وسبحه طويلا فمال هؤلاء خلقت0وارحل عنا حتي لاتسوأك ماخفي فهنالك يمكن لك ان تدفن فاهك صمتا حتي الموت الابدي وتسكت الآه 0اما هو نفس الروح يابنت النيل والعقل الذي اشقانا ,

[magdi]

سرورة ... تحياتي ...
شنو يافرده الإحساس التعيس دا .. الدشدشك كده شنو ... ولا جار عليك الزمان ...

بس صراحه موضوعك عجبني شديد ... موضوع كده .. لمن غلط ...
إحساس عالي بالوصف وتوصيل ماهو مطلوب ...
بالفعل ابدعتي فالكلمات التي بين السطور ابدعت في وصف
الجرح ,, والخيانة ,, والألم ,, الحطام .... الخ

الواحد حسه نفسه كأنه بيحضر في مسرحية هههههههه


معاني كثيرة جداً أظهرتيها الالم,, القسوه,, الحزن,, الاسى,, والخيانة في بعض المواقف
وغيرها من المعاني...

فالجرح المعنوي الذي له صله بالمشاعر هو اصعب انواع الجروح
التي تصيبنا فهي تألمنا في الصميم ولا مداوي منها الا الزمن والوقت
ما اصعب هذا الشعور والاحساس وخصوصاً عندما يأتيك الجرح والالم من اقرب الاشخاص اليك
اقصد ستكون صدمه بالنسبه لنا ان نرى اقرب الناس الينا واحبهم
طعنونا وجرحونا في ظهورنا.. اقسى شعور!!

وفي رايي ان هذا النوع من الجروح من الصعب ان يشفى ويتعافي
فالذي انهار من الصعب ان يرجع كما كان,,
الانسان قد يصاب بمصائب وصدمات ونكبات في حياته وقد يصبح
انسانا مجروحا وتعيسا,, ولكن هذا لا يعني ان نستسلم لكل جروحنا
لندعها تقضي على بقية حياتنا وتدمرها,, فهذا ليس من مظاهر القوه
بل بالعكس هذا ما يضعف الانسان ويهز من عزيمته,,

لذا يجب علينا ان نرجع سريعاً لنقف على ارجلنا من جديد مها حصل لنا
ومهما مر بنا من المواقف الصعبه,, لانها الحياة هي كده ...

فيها ماسي وفيها أفراح
بها حزن وبها فرح
بها بكاء وبها ابتسامات

فليس كل يوم كالذي قبله,,

لذا لا تستسلمو لاحزانكم وجروحكم لكي لا تقضي على ما تبقى من حياتكم...
لأن عقولنا الباطنة تتقبل وتُصدق أي شيء نختار نحن تصديقه ..
فيجب علينا جميعاً أن نعلم تأثير ردت فعلنا على الحياة وما فيها من مواقف
فهي التي تحول الأحلام الى حقائق .. صاح ولا لا !!!!
وردات الفعل لن تغير أي ماضي لنا .... لن تشكل مستقبلنا للأفضل
لن تغير ظروفنا .... ولن تغير فشلنا الى نجاح ..
فما نراه في عقولنا من " أفكار " هي طريقنا الوحيد لننال ما نريده من هذه الحياة

أتمنى لك دوماً التوفيق ... وتحياتي الحارة لمن غلط .. ياعبقرور ...

[عمار هبّار]

بت النيل ..
فعلاً بت نيل .. فكل هذا الجمال وكل هذه الحكاوي لا يستطيع أن يرويها غير سكان النيل وسماره ومن يسترق السمع لكل من يأتي ليرمي همومه في النيل ..
شكراً لك .. وأظنك قادرة على تخطي كل هذه الأزمات ما دمتي قادرة على هذا الفصام المفتعل في الشخصية ..
لك كل التحية والإحترام ..

[BiT@lNiLe]

احييييييييييي ما خليتي فيني فشفاش يعني زول واحد تاني يكتب معاك مافي مش ...؟؟
نقفل الثقافي ونجي نصاقرك وانت بتمرمطي الادب بالشكل ده .. يعني لا واحد يكتئب معاك ولا وحده تطلع احزانا ياهو بتعملي ليها كده :D :D الله يجازي محنك يا سروره عثل عثل بث ..:D


ياحليلك لكين..سلامتك وسلامة فشفاشك ياقلب..(دخلنا مجال الطب)..وبعدين كيييييييييييييف الكلام دا..؟.!.؟.! هو لو وقفتوا أنتوا الكتابة منو البكتب تاني بعدكم؟.!.؟.! فصدقيني عزيزتي أنتم من تشجعوني علي وضع تلك الحروف والنقط فوقها فلولا تعقيباتكم الجميلة لما أستطعت أن أكتب وأمضي قدما" لأري مثلا تلك الأبتسامة علي وجهك..فأنا من المفروض أن أشكرك الالأف المرات علي رفع معنوياتي وجعلي أستمر..أما بالنسبة للحزن الممزوج مع الهزار دي حالة أنا طوالي فيها عشان أقدر أعيش..عشان صدقيني الضحك بطول العمر وأسالي مجرب ولا تسألي طبيب وبعدين أدينا كم سنة كدا..لا اقولك 10 لا اقولك 20 وحنبقي أنحنا المجرب والطبيب بس دعواتك معانا ياعيني..يلا أسمعي؟.!.؟.! مشكور علي المرور والتعقيب..ما بتقصري يازوق وما يحرمنا منهم نهااااااااائي نهائي كدا..تحياتي الحارة لمن مسخنة..!!

ســــــــــــــــــــــــــــــــــــــــــ(بت النيل)ـــــــــــــــــــــــــــــــــــــرورة!!

[BiT@lNiLe]

ويصدقنا ماقيل قديما ذو العقل يشقي في النعيم بعقله واخو الجهاله في الشقاوة ينعم كم مات فينا البلبل وانت بناظريك تبصر اكوام الجمال في مزبلة المدن النفطية وترحل ذاكرة الايام بك ليد مرتعشة هنالك تأكل فتات الخبز خلسة خوفا من لسعات السياط التي تطالها فهذا الفتات للبيع0 وتتجازبك الأنا بين هذا وذاك 0وتموت حتي النخاع عضوا عضوا0 وتشرب الروح فيك خلق الحظ جمانا وحصي خالق الانسان من ماء وطين فوليد تسجد الدنيا له ووليد في زوايا المهملين0 وتبكي مطراوتعيش يبابا 0فمقدورك ان تبقي عقلا بين الماء وبين الناروالجسد الهامد فيك تعبا لن يبلغه ومثلك من بني جلدتك 0والامل الاجدر بك افترش الثري واسجد لربك وسبحه طويلا فمال هؤلاء خلقت0وارحل عنا حتي لاتسوأك ماخفي فهنالك يمكن لك ان تدفن فاهك صمتا حتي الموت الابدي وتسكت الآه 0اما هو نفس الروح يابنت النيل والعقل الذي اشقانا ,


النبببببببببببببببببببببببببي بعد كلامك دا تاني بتسألني؟.!.؟.! أساسا" والله أنا كنتا مقتنعة وباصمة بالعشرين..وهسي أقنعتني ألللللللللف..أنا وحدة من الناس تقول لي الكلام دا..تبدا لي بس بالسطر الأول أقول ليك يسلم فمك..عشتا الكلام دا جد..عانيت جد جد من العقل كدا بشكل ما عادي..والكلمات ذاتو ما حتكفيني عشان أوصف ليك الحصل لي وياما حيحصل لكين خليها كدا بس علي الرحمن وبالنية..غايتو أقول ليك شنو؟.!.؟.! شكرا"؟.!.؟.! لالا بسيطة فكلماتك دي تمت الحاجة الجد الحسيت أنه ناقصة من الموضوع..لكين شكرا" شديييييييييييييييييييييييييييد علي مرورك الراقي وعلي تعقيبك اللذيذ..ما بتقصر والله..تحياتي الحارة لمن حرانة..!!

ســــــــــــــــــــــــــ(بت النيل)ـــــــــــــــــــــــرورة!!

[BiT@lNiLe]

سرورة ... تحياتي ...
شنو يافرده الإحساس التعيس دا .. الدشدشك كده شنو ... ولا جار عليك الزمان ...

بس صراحه موضوعك عجبني شديد ... موضوع كده .. لمن غلط ...
إحساس عالي بالوصف وتوصيل ماهو مطلوب ...
بالفعل ابدعتي فالكلمات التي بين السطور ابدعت في وصف
الجرح ,, والخيانة ,, والألم ,, الحطام .... الخ

الواحد حسه نفسه كأنه بيحضر في مسرحية هههههههه


معاني كثيرة جداً أظهرتيها الالم,, القسوه,, الحزن,, الاسى,, والخيانة في بعض المواقف
وغيرها من المعاني...

فالجرح المعنوي الذي له صله بالمشاعر هو اصعب انواع الجروح
التي تصيبنا فهي تألمنا في الصميم ولا مداوي منها الا الزمن والوقت
ما اصعب هذا الشعور والاحساس وخصوصاً عندما يأتيك الجرح والالم من اقرب الاشخاص اليك
اقصد ستكون صدمه بالنسبه لنا ان نرى اقرب الناس الينا واحبهم
طعنونا وجرحونا في ظهورنا.. اقسى شعور!!

وفي رايي ان هذا النوع من الجروح من الصعب ان يشفى ويتعافي
فالذي انهار من الصعب ان يرجع كما كان,,
الانسان قد يصاب بمصائب وصدمات ونكبات في حياته وقد يصبح
انسانا مجروحا وتعيسا,, ولكن هذا لا يعني ان نستسلم لكل جروحنا
لندعها تقضي على بقية حياتنا وتدمرها,, فهذا ليس من مظاهر القوه
بل بالعكس هذا ما يضعف الانسان ويهز من عزيمته,,

لذا يجب علينا ان نرجع سريعاً لنقف على ارجلنا من جديد مها حصل لنا
ومهما مر بنا من المواقف الصعبه,, لانها الحياة هي كده ...

فيها ماسي وفيها أفراح
بها حزن وبها فرح
بها بكاء وبها ابتسامات

فليس كل يوم كالذي قبله,,

لذا لا تستسلمو لاحزانكم وجروحكم لكي لا تقضي على ما تبقى من حياتكم...
لأن عقولنا الباطنة تتقبل وتُصدق أي شيء نختار نحن تصديقه ..
فيجب علينا جميعاً أن نعلم تأثير ردت فعلنا على الحياة وما فيها من مواقف
فهي التي تحول الأحلام الى حقائق .. صاح ولا لا !!!!
وردات الفعل لن تغير أي ماضي لنا .... لن تشكل مستقبلنا للأفضل
لن تغير ظروفنا .... ولن تغير فشلنا الى نجاح ..
فما نراه في عقولنا من " أفكار " هي طريقنا الوحيد لننال ما نريده من هذه الحياة

أتمنى لك دوماً التوفيق ... وتحياتي الحارة لمن غلط .. ياعبقرور ...


بعد سلاااامي..اليك كلامي..والله يافردا الزمن دا بجور بالحيل ما دايرة ليها قول..والدشدشني دا ما شاكوش هوووووووووي..عشان ما يحصل لبس ولا حاجة..(لشماتا..والشمات أبوكم مات..المهم هسي دا ما موضوعنا)..الأحساس التعيس دا ممكن يجيك من طعنة أبرة لكين وين؟.!.؟.! في القلب بس..(مع أنو الحقن بتحرقني شديد في الحقيقة ولا بقدر أخدها أساسا..برضو ما موضوعنا)..!!

وبالنسبة لي أنو الموضوع عجبك خلاص تمام أتفضلوا طوووووووووووالي ما عندك مشكلة يافردا..بس خلي لي معاك نص..ما تأكلوا كلوا..هع هع هع وبعد دا حقوقي محفوظة......ياسيدي مشكور والله من زوقك شديد..فشكرا" علي الأطراء العالي وقولك بأنو
إحساس عالي بالوصف وتوصيل ماهو مطلوب ...
بالفعل ابدعتي فالكلمات التي بين السطور ابدعت في وصف

تقول شنو أصلي كنتا مأخدة حقنة..ههههههههههههههههه..لالا أبرا يايمة..بس زعلة كدا..ونفسيات كدا..وحالة صعبة كدا..عشان كدا عبرتا بالزعلة دي..ولمن جيت أنزل الموضوع كنتا مبسوطة أو وهمتا روحي أني مبسوطة وكتبتا التعليقات البين قوسين ديل..وبعدين مسرحية شنو ياعم الحاج؟.!.؟.! قالوا ليك الحاج متولي؟.!.؟.! هئ قصدي عادل الأمام؟.!.؟.! يازول ها..بدون ما تتمسخر علينا..هههههههههههههههههههه يافردا والله كان عرفتا اضحكم كويس..الضحك بقي عملة نادرة صدقني..غايتو أنا سعيدة جدا" انو الموضوع عجبك يافلسفة..!!

وشايفاك بقيت طبيب جرااااااااااااااااااااح كمان..الجرح المعنوي أصعب أنواع الجروح..طيب العميق كيف؟.!.؟.! ماشي في حوادث الأيامات دي ولا كيف؟ هههههههههههههه والله بهزر معاك ما تشمني كويس؟.!.؟.!..عارفة والله..ومافي زول فينا ما انجرح في فؤادو في الدنيا دي..نصيب..ونصيبك حصيبك..ومرات ياعزيزي الزمن ذاتو ما بعرف يأدوينا من جراحنا المعنوية..ليسة بتكون في صميمنا وفي فؤادنا..

وكلمات أخيرة..علي النعمة كلااااااااااامك في الصميم..ولا بغالطك..يأخي فلسفة جد..خلاص اطلقنا عليك أسم فلسفة من اليوم ورايح..أو أطلقت أنا بما انك قررتا يكون أسمي سرور العبقرور..غايتو لكين تمام شديد..كلامك بقنع..وأنا أقتنعتا مع أني ما بقتنع بسهولة..غايتو مشكوووووووووووووووور علي المرور الراقي والتعقيب الأرقي..عاد أنتا بتقصر؟.!.؟.! بري والله..ما بتقصر نهائي كدا..تحياتي الحارة لمن مسخنة..!!

ســـــــــــــــــــــــــــــــــــ(بت النيل)ــــــــــــــــــــــــــــــــرورة!!

[BiT@lNiLe]

بت النيل ..
فعلاً بت نيل .. فكل هذا الجمال وكل هذه الحكاوي لا يستطيع أن يرويها غير سكان النيل وسماره ومن يسترق السمع لكل من يأتي ليرمي همومه في النيل ..
شكراً لك .. وأظنك قادرة على تخطي كل هذه الأزمات ما دمتي قادرة على هذا الفصام المفتعل في الشخصية ..
لك كل التحية والإحترام ..


الله عليهوا...لكييييييييييييييييين ما كلامك شديد وما بقدر علي جنس دا أنا..النيل ما أبونا..أنا بنتوا وأنتوا أبناءوا وأكيد تحملين نفس الجينات والصفات..فأذا حملتا الجمال فتحملونه أيضا"..وأذا كنت قادرة علي تخطي ما ذكرت فتسطعيون أيضا"..هؤلاء نحن..أبناء النيل......!!
عاد تاني أقول ليك شنو؟.!.؟.! ما ما خليت لي شئ..رأسي قد السقف وهسي أنحنا قاعدين في السهلة..عاد دا كلام شنو؟.!.؟.! ايز ديز توك ايز ديز؟.!.؟.! لكين لا يسعني سوي قول مشكوووووووووووووور علي المرور الراقي والتعقيب الأرقي..ما بتقصر والله..تحياتي الحارة لمن حرانة أخي..!!

ســـــــــــــــــــــــــــــــــ(بت النيل)ـــــــــــــــــــــــــــــــــــرورة!!

[Madanawi]

كن جميلاً .. ترى الوجود .. جميلا

شنو يا سلك .. الاحاسيس المتشبعة بالقنوط .. أقول ليك حاجة دي مرحلة لابد وأن تمر بخاطر كل ابن حواء .. فالانسان المدرك لها يستطيع "تو .. أوفر كم" ... والانسان الداقس بيمشي ينتحر ،،،،،

خليك من جماعة المدرك .. وما تمشي تعملي لينا جريمة !!!!!!!

[سواااح]

سرورة العسل ..

الموضوع عايز
باااااال رايق
بجيك راجع ..

دمـــــــــــــــتي ،،

[المها]

سرور ياعرور شنو الحكاية والاحباط والتجدع بالالم الشديد دة ماسمعتى الشاعر لما قال ............... كلما اوغل الحزن حفرا فى اعماقنا اتسع المجال للفرح....؟ ولا مافى مجال للكلام الكبار دة معاك؟

[صالح شرف]

طبعا
احترت(لمن غلط شنو)
ده أنا معاك الغلط ذاتو
المهم
جيت(كيف ما عارف) المهم دخلت
لقيت كلامك...
قريتو ...
عشت حالتك(الله يطلعني منها ساااااااااكت)
حاولت ارد(زي الناس)
ما عِرفتا
قريتو تاني
صدقيني (بي كترتو دي قريتو مرتين)
غايتو الله يعينك( بس خافي علي هديماتك)دلاقينك يا نيلية
حلوة نيلية دي موووووووش
وادي ردي علي موضوع الدموع
دموع وموجوع وموضوع وانا قربت اقول (اووووو ....)



بت النيل اديك العافية عليك شوية
وسمحة
ما بتوصفك حقا
وربي ارعاك احس دعاي برضو قليل عليك
يا خ اقول ليك حاجة انتي شربكتيها
وتحليها
غير كده ما بعرف؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

[BiT@lNiLe]

كن جميلاً .. ترى الوجود .. جميلا

شنو يا سلك .. الاحاسيس المتشبعة بالقنوط .. أقول ليك حاجة دي مرحلة لابد وأن تمر بخاطر كل ابن حواء .. فالانسان المدرك لها يستطيع "تو .. أوفر كم" ... والانسان الداقس بيمشي ينتحر ،،،،،

خليك من جماعة المدرك .. وما تمشي تعملي لينا جريمة !!!!!!!


ما معروفة ليسة ياكهربجي المنتدي..وصدقني أسال مجرب ولا تسأل طبيب..ما كل مرة بتنجح..بتموت الحكمة من كثرت أستعمال الناس لها..وأنا حاولت مرارا" وتكرار" أن اكون جميلة نفسيا" لأري الوجود أجمل ولكنني أفقد نفسي في كل محاولة فشل لي..يمكن ذنب والدي..ولا أنفي أن ليس لي يدا" في هذا..يمكن ذنبهما أنهما لم يعلماني أن الفشل جزء من حياتنا..تركاني لأتعلم ذلك بنفسي..ولكنني مجرد مراهقة..لا أستطع أحتمال الكثير من تلك الأمور....نعم نعم..فعلا"..أخيرا" اكتشفت أنني لا أستطيع أن أحتمل وقلتها بصوت عالي حتي يسمعني من يظنوني مثل ما كنت..لم أعد تلك القوية منذ الطفولة..فقدت قوتي..وها أنا أضعف شيئا" فشيئا"..كذاك الضوء الذي يتلاشي أمام عينيك...تلك أنا..فأدعوا لي أحبتي بأن أظل حية علي الأقل من داخلي..وبالمناسبة أنتحر شنو قالوا ليك بصور في فيلم أمريكي أنا؟.!.؟.! ما بنتحر قاااااااااااااااااااعدة ليك ياكهربجي منتدانا أجننك كدا لمن تفقد المنطق..وما تشيل هم..ما بعمل شئ..غايتو يديك الف عافية علي المرور الراقي والتعقيب الأرقي..قلتا ليك قبل كدا أنك ما بتقصر؟.!.؟.! المهم هسي أقول ليك..ما بتقصر نهااااااااااااااااائي كدا..يلا تحياتي الحارة ياكهربجينا يااااا..!!

ســــــــــــــــــــــــــــــــــ(بت النيل)ــــــــــــــــــــــــــــــــــــرورة!!

[BiT@lNiLe]

سرورة العسل ..

الموضوع عايز
باااااال رايق
بجيك راجع ..

دمـــــــــــــــتي ،،


أهليييييييييييييييييييييييييييييين ياسواح..كيفك عساك بخير؟.!.؟.! المرور المؤقت دا زاتو نور لينا الصفحة..وبالمناسبة سلاااامة بالك الما رايق..ربنا يعدلوا ليك يارب بأسرع فرصة ممكنة وما يحرمنا من مرورك الراقي وتعقيبك الأرقي..ما بتقصر ياعزيزي..يدك الف عافية كمان مرة..تحياتي الحاااااااااارة لمن حرانة.. وفي أنتظار عودتك اخي..!!

ســـــــــــــــــــــــ(بت النيل)ـــــــــــــــــــــــرورة!!

[BiT@lNiLe]

سرور ياعرور شنو الحكاية والاحباط والتجدع بالالم الشديد دة ماسمعتى الشاعر لما قال ............... كلما اوغل الحزن حفرا فى اعماقنا اتسع المجال للفرح....؟ ولا مافى مجال للكلام الكبار دة معاك؟


شنو يامهووووووووووووووية يعني يعني يعني يعني؟.!.؟.! سرور ياعرور دي ما هنا..بتودينا في دهية..وبالمناسبة ياحبيبة الشوق مواسير محلوجة والله ليك ولسرور ياعرور دي ذاتها..بس خليها بالنية وربك كريم..وبالمناسبة ياعزيزتي..شايفة الكلام البين قوسين دا؟.!.؟.! كان بالذات عشان الهيك أنتي من السؤال ليه الأحباط والتجدع في الألم..لكين مفتحة..برضو ليه الأحباط والتجدع في الألم اتسأل..ردي ليك برضو خليها بالنية..وبالنية النية النية النية بس..والنية بيضاء والله وربك كبير..وبالنسبة للشاعر والله ما قصر..حكمة الف والله ومليانة وطالعة من زول فاهم..لكين الزول ياحبيبة لمن يكون موجوع هسي هسي ما بفكر في حالوا لمن يروح وجعوا ويرجع فرحان..ذي لمن يكون عندك وجع صداع..هئ قصدي وجع رأس ما بتفكري رأسك حيبقي رايق كيف لمن تبلعي بندول وتبقي كويسة مع أنو البندول دا ما بعمل لي اي شئ بالنسبة لوجع الرأس ..هع هع هع لكين بتفكري بس في الوجع وبس..ولا ما معاي؟..!.؟.!..غايتو فكري في كلامي دا..وأن شاءالله تقتنعي بس..يلا ياحبيبة تيك كير شديد..وييدك الف الف عافية علي المرور والتعقيب..ما بتقصري نهاااائي كدا..تحياتي الحارة لمن مسخنة ..!!

ســـــــــــــــــــــــــــــ(بت النيل)ــــــــــــــــــــــــــــرورة!!

[BiT@lNiLe]

طبعا
احترت(لمن غلط شنو)
ده أنا معاك الغلط ذاتو
المهم
جيت(كيف ما عارف) المهم دخلت
لقيت كلامك...
قريتو ...
عشت حالتك(الله يطلعني منها ساااااااااكت)
حاولت ارد(زي الناس)
ما عِرفتا
قريتو تاني
صدقيني (بي كترتو دي قريتو مرتين)
غايتو الله يعينك( بس خافي علي هديماتك)دلاقينك يا نيلية
حلوة نيلية دي موووووووش
وادي ردي علي موضوع الدموع
دموع وموجوع وموضوع وانا قربت اقول (اووووو ....)



بت النيل اديك العافية عليك شوية
وسمحة
ما بتوصفك حقا
وربي ارعاك احس دعاي برضو قليل عليك
يا خ اقول ليك حاجة انتي شربكتيها
وتحليها
غير كده ما بعرف؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛



بعد سلامي اليك كلامي..عارف شنو؟.!.؟.! تستاهل أنك تحتار..عارف ليه؟.!.؟.! أساسا لأنو بوستاتي أنا وبالذات أنا..وبالذات دي جمع بذا دايما" بتكون بتحير..هو عليك الله أنا نفسي متحيرة وعايزة زول يشرح لي خلي أنتا..يازول هاااااااا خليها بالنية سااااااااااكت..لكين الحمدلله الجابك لكين..أهم شئ أنك تدخل وتقول لي أني أتحيرتا يابت ياسارة..ما هي هنا نقطة النظام..أنك تتحير وما تعرف الحاصل..

وبالنسبة لي حالتي آميييييييييييييييين..ربنا يطلعك منها لأنو أنا الوحيدة العارفاها شكلها كيف..ومتأكدة أنها ما ثمحة نهااااااااااااائي كدا..فربنا يحلك منها قريب عشان ما تبقي زيي كدا ...

ما عرفتا ترد كيف؟.!.؟.! هسي في أحسن من كدا رد..والله ما قصرتا معاي نهائي..وبعدين تقراهو مرتين ما كثير علينا يأخي؟.!.؟.! دا شرف كبير والله..وأنتا ما قصرتا معاي ولا مع الموضوع بيتاع الدموع..لكين تعقيبك وجيه الف..دموع وموجوع وموضوع..تنفع شديد عنوان للموضوع لكين حقوق النشر وكدا..هع هع هع..شفتا دي؟.!.؟.! دي الحالة المريت بيها وأنا بكتب في الموضوع دا..بالضبط كدا..فهمتا نقطة من المقصود..عقبال الباقي..ولقب نيلية حلووووووووووووووووو شديد..ما خليت لي شئ والله..يديك الف الف الف عافية علي الأطراء الجميل وعلي مرورك الراقي وتعقيبك الأرقي..ما بتقصر نهاااااااااااائي كدا وشنو؟.!.؟.! وربنا ما يحرمنا من دعواتك يارب..تحياتي الحاااااارة لمن حرانة ..!!

ســـــــــــــــــــــــــــ(بت النيل)ــــــــــــــــــــــــــرورة!!

[madaniboy]

احلى يا مكسرة انتي يسلموو على الموضووع والله يديك العافيه فاقد حنان

[BiT@lNiLe]

احلى يا مكسرة انتي يسلموو على الموضووع والله يديك العافيه فاقد حنان


أهليييييييييييييييييييين يامدشدش وراقد مستشفي انتا..ربي يسلمك يارب وما يحرمنا من مرورك الراقي وتعقيبك الأرقي..ما بتقصر يابو الشباب..يا فااااااااااااااااااقد حنان..هع هع هع تحياتي الحارة لمن حرانة ياسيدي..!!

ســــــــــــــــــــــــــ(بت النيل)ــــــــــــــــــــــــــرورة!!

[خطاب العبيد]

ياست الجن مرحب بيك اها الحنة اخبارها شنو والشيلة وكده والتكلفة كانت كيف ....... الخ

موضوعك جميل بس زى ماقالت ليك عشرية ادى غيرك فرصة يكتبو والناس المادايرين يكتبو اديهم فرصة يقرو شوية دودودودودودودودودودودو نقة فى نقة فى نقة والله اناعجبنى الموضوع بس دايرلى يومين عشان اكملو انتى دايرة ليك منتدى براك ياستى عشان تمرحى وتسرحى فيه براك بعدين بعدين خلاص بوريك بعدين

[magdi]

سرور .. العبقرور ....

سلام ......

شنو يافردا ... لسه ما طلعتي من الحالة دي ... فهل الوضع يستاهل كل هذا العناء والشقاء

كفاك ألم ودموع وحزن .... في دنيا مليئة بالظلم في كل شيء

اتركي عنك البحث عن دنيا مثالية بالحب والجمال فقط !!!

فانت هنا مع اناس مع بشر .....
اختلفت معهم معايير النقاء والصفاء والبراءة باختلاف الوانهم واجناسهم!!

لا تجعلي نفسك تعيش وتسرح مع الألم والدموع
استمتعي بيومك الحاضر .. فالذي يذهب لن يعود أبداً !!!!
لا تدعي الأحزان تسيطر عليك .... نحن نأمل منك الكثير
يادكتورة ... ياعبقرور ...شنو ...
طيب ...مش ممكن تتخصصي في واحده من الحاجات دي
قلب ، جراحه ، دموع أقصد عيون .. يعني لازم تكوني قوية ومليئة بالثقة
كما عرفناه عنك .. والصورة المرسومه لك طبعاً !! ...
عشان تقدري تتعاملي معاهم وبعدين نحن الحاناخد منك الإستشارة وطرق العلاج !!
أها ... بعدين كيف مع البكا الشديد دا !!!!!
يخطىء من يعتقد بأنه مُحصن من الآلام والمحن ...
فأجمل لحظات الحياة على الإطلاق:
عندما تبتسمين بصدق المشاعر وتجدين من حولك
يبا دلونك نفس الا بتسامه دونما زيف او خداع !!!
أمنياتي لك دوماً من داخل قلبي بغدٍ مشرق .... ومليء بالنجاح..
وربنا يبارك لك ويبارك فيك إن شاء الله
ويجعل كثير من العلاج والشفاء لكثير من الناس على يديك إن شاء الله ..

[sami_alkaer]

نقول شنو الله يكون في عونك ويشوف ليك عريس لانو ما اظنك متزوجه ودي اعراض البوره وكمان في مراحل متقدمه

[صالح شرف]

عجيب أمر هذه النييلية

يا بت أنتي مركب (شراعي... ولا أبو رفاس)
حاولت اجتهد(حلوه اجتهد دي مووووووووووش) في الرد عليها
تقوم تجيني بي رد علي الرد

جهجه باكاتي الاتنين
(خليهم اربعة)خطة جديدة وكدة..أصلو البت دي ختتتتييييييييييييييرة لمن حارة ومحرورة..زي موية مطبخنا...
عذاب معاك
ده عنوان الرد

يا سرورة
بعدين
سؤال حقك براك
انتي بتجيبي الكلام ده من وين
وبتكوني بتتكلمي بيهو وانتي بتكتبي فيهو ولا شنو

علي كل مجنونة
جنس جن

والله...
الا ابنو فوق ليك جامع عديييييييل كده(زي بيت الشواطين بتاع مدني)حتي نعرف نتكلم(نتكلم بس)معاك




كان الله في العون



وسماحتك
جايبانا ليك تاني



وخايف من هسه من الرد عاي الرد بتاع الرد علي الموضوع


شوفتي الردود دي كيف




أحييييييك


يا بت ...الكرة الارضية وانهارها(جت)قالت النيل بس
والله جنس اقتناع وتواضع عليه البنية السُكرية دي

الله بس لينا يخليها

ولي المنتدي
عشان الجماعة وكدة

[BiT@lNiLe]

ياست الجن مرحب بيك اها الحنة اخبارها شنو والشيلة وكده والتكلفة كانت كيف ....... الخ

موضوعك جميل بس زى ماقالت ليك عشرية ادى غيرك فرصة يكتبو والناس المادايرين يكتبو اديهم فرصة يقرو شوية دودودودودودودودودودودو نقة فى نقة فى نقة والله اناعجبنى الموضوع بس دايرلى يومين عشان اكملو انتى دايرة ليك منتدى براك ياستى عشان تمرحى وتسرحى فيه براك بعدين بعدين خلاص بوريك بعدين


أهلييييييييييييييييييييييييييييين ياااا بمستر خطاب..المان دا شوفوا ليهو تكاليف العرس بالله أنا مافاضية..هيييييييييييع قال الحنة والشيلة..والله دي عوجا يامعلم..

وبالنسبة للموضوع..مشكوووووور يازوق علي الأطراء..وبالنسبة لأني أدي غيري فرصة عشان يكتبوا الله ما كثر الا الورق والحبر في المنتدي مجاناااااااااا وملح وعلي حساب الدولة..ما تخلينا نقوم نكوريك وننفعل فيك يامااااااان وندير ليك برنامج مكهرب..هع هع هع..وبعدين انا ما عرفتا حارقك وين؟.!.؟.! ما أتكلم التقول الكلام بقروش..سبحاااااااااااااااااااااااان الله..وبعدين ما تكملوا ذاتو..دا حالتك قبل ما تكملوا لو كملتوا حتطلع عيني شكلك..وبعدين ياجماعة فلان دا مالو مغيوظ مني كدا؟.!.؟.! ياجدع هاااااااا..قوم شوف شغلك أحسن ليك..ولا بعدين ولا قبلييين..وجر الباب وراك..!!

ســــــــــــــــــــــــــــــــــــ(بت النيل)ــــــــــــــــــــــــــــــــرورة!!

[BiT@lNiLe]

سرور .. العبقرور ....

سلام ......

شنو يافردا ... لسه ما طلعتي من الحالة دي ... فهل الوضع يستاهل كل هذا العناء والشقاء

كفاك ألم ودموع وحزن .... في دنيا مليئة بالظلم في كل شيء

اتركي عنك البحث عن دنيا مثالية بالحب والجمال فقط !!!

فانت هنا مع اناس مع بشر .....
اختلفت معهم معايير النقاء والصفاء والبراءة باختلاف الوانهم واجناسهم!!

لا تجعلي نفسك تعيش وتسرح مع الألم والدموع
استمتعي بيومك الحاضر .. فالذي يذهب لن يعود أبداً !!!!
لا تدعي الأحزان تسيطر عليك .... نحن نأمل منك الكثير
يادكتورة ... ياعبقرور ...شنو ...
طيب ...مش ممكن تتخصصي في واحده من الحاجات دي
قلب ، جراحه ، دموع أقصد عيون .. يعني لازم تكوني قوية ومليئة بالثقة
كما عرفناه عنك .. والصورة المرسومه لك طبعاً !! ...
عشان تقدري تتعاملي معاهم وبعدين نحن الحاناخد منك الإستشارة وطرق العلاج !!
أها ... بعدين كيف مع البكا الشديد دا !!!!!
يخطىء من يعتقد بأنه مُحصن من الآلام والمحن ...
فأجمل لحظات الحياة على الإطلاق:
عندما تبتسمين بصدق المشاعر وتجدين من حولك
يبا دلونك نفس الا بتسامه دونما زيف او خداع !!!
أمنياتي لك دوماً من داخل قلبي بغدٍ مشرق .... ومليء بالنجاح..
وربنا يبارك لك ويبارك فيك إن شاء الله
ويجعل كثير من العلاج والشفاء لكثير من الناس على يديك إن شاء الله ..



اهليييييييييييييييييييييييين بفلسفة..وعليكم السلااااام والرحمة يامعلم..صدقني لو قلتا ليك مافي يدي والله..ما هي ما بالكلام..ما بتقدر تقول والله حأطلع من الحالة دي وتطلع..وأذا كنت من هؤلاء فأبصم لك بالعشرة أنك أقوي مني وأنك من المحظوظين كمان..لأني ما بقدر..دموعي الحاجة الوحيدة الما بقدر أوقفها وانا بتألم..وكما قلت ياريتني أكف عن البحث عن الدنيا المثالية لأعود لأرض الواقع..ولكنني كل ما أحاول أن أعود للواقع أنصدم من جديد..ليتني أفعل عزيزي ولكن تلك أصعب..وياليتني أستطيع تنفيذ وصايك وأمضي قدما" في حياتي ولكنني لا أستطيع بكل بساطة..لأ أستطيع أن أتحكم في نفسي..فلا أستطيع في مثل حالتي هذه سوا التمني بأن أستطيع..وياليتني أستطيع..ليتني أستطيع.........

وما أجمل ما حملت لي من كلمات ودعوات..يااااااارب ما يحرمني من دعواتكم..وما تحرمني منها..وآميييييييييييييييييييييييييييييييييين يارب..عاد خليت لي شنو تاني؟.!.؟.! ما خليت لي شئ وربي..غايتو يديك الف الف الف الف عافية يارب وما يحرمني لا من دعواتك ولا من مرورك ياااااارب..تحياتي الحاااااااارة شديد يافردا..!!

ســــــــــــــــــــــــــــــــــ(بت النيل)ـــــــــــــــــــــــــــــــــــــــرورة! !

[BiT@lNiLe]

نقول شنو الله يكون في عونك ويشوف ليك عريس لانو ما اظنك متزوجه ودي اعراض البوره وكمان في مراحل متقدمه


هههههههههههههههههههههههههههههههههههههههااااااااااا ااااااااااي..دا اللي وصلتا ليهو؟.!.؟.! أني عايزة عريس؟.!.؟.! قالوا ليك باريكس ولا باريكس؟.!.؟.! يامااااااااااان ها ..خليك ساكت سااااي وقت دا الفهمتوا..بعدين متزوجة شنو ياخووووووووووي؟.!.؟.! فنطووووووووطة انا لهسي..قال متزوجة قال..وبعدين البورة التمسك الفي بالك..شووووووووووف دا كمان؟.!.؟.! أبرا يايمة أنا من البورة..بعدين تعال أوريك الطوابير الجنب الطابونة...كلهم عرسان..هيهيهيهيهي عليك الله أسكت سااااكت..أحرجتنا مع جماعة الثقافي..غايتو بس يديك ال فعافية علي المرور والتعقيب المضحك لمن وقعني من الكرسي..هع هع هع..تحياتي الحاااااارة يامستر سااااامي..!!

ســـــــــــــــــــــــــــــــــــــ(بت النيل)ــــــــــــــــــــــــــــرورة!!

[BiT@lNiLe]

عجيب أمر هذه النييلية

يا بت أنتي مركب (شراعي... ولا أبو رفاس)
حاولت اجتهد(حلوه اجتهد دي مووووووووووش) في الرد عليها
تقوم تجيني بي رد علي الرد

جهجه باكاتي الاتنين
(خليهم اربعة)خطة جديدة وكدة..أصلو البت دي ختتتتييييييييييييييرة لمن حارة ومحرورة..زي موية مطبخنا...
عذاب معاك
ده عنوان الرد

يا سرورة
بعدين
سؤال حقك براك
انتي بتجيبي الكلام ده من وين
وبتكوني بتتكلمي بيهو وانتي بتكتبي فيهو ولا شنو

علي كل مجنونة
جنس جن

والله...
الا ابنو فوق ليك جامع عديييييييل كده(زي بيت الشواطين بتاع مدني)حتي نعرف نتكلم(نتكلم بس)معاك




كان الله في العون



وسماحتك
جايبانا ليك تاني



وخايف من هسه من الرد عاي الرد بتاع الرد علي الموضوع


شوفتي الردود دي كيف




أحييييييك


يا بت ...الكرة الارضية وانهارها(جت)قالت النيل بس
والله جنس اقتناع وتواضع عليه البنية السُكرية دي

الله بس لينا يخليها

ولي المنتدي
عشان الجماعة وكدة



أولا" أخي أهليييييييييييييييييييين فيك..فقد كان ردي لك أحتراما" لردك لي..فلو لم أفعل فقد كنت قللت من أحترامي لقلمك ومرورك الراقي اخي..فلذالك قررت أن أرد علي الرد ليس الأ..وبعدين لكل مجتهد نصيب..أذا أجتهدتا فيالرد معقولة أنا أطنشوا وما أرد ليك عليهوا؟.!.؟.! في بريتكوووول بقول كدا؟.!.؟.! ولا أوتكويت؟.!.؟.! مافي طبعا"..وبعدين ياااااااااااااارب ما تجيب الجهجهة..ماناقصين بالله في الحر الجاااي علينا دا..أما عن السؤال اللي حقي براااااي دا فأليك ردي..ياسيدي طبيعبيييييييييييييييييية..تنقنق كدا بطبيعتك..ما السودانييين جنهم نقنقة يلا أنا بس بنقنق بجااااااي..وقع ليك ولا أعيدوا ليك؟.!.؟.!..وبعدين مليوووووووون مرة قلتا أنا وحدة من عقلاء المجانين..ما مجنونة توتلي كدا..جن مع حبة عقل مع بعض الشمارات والبهارات ..كيييييييييف معاك؟.!.؟.!..وذي ما قلتا كان الله في عون الجميع ياسيدي..وما يحرمنا من مرورك كمان وكمان..وبعدين يافردا تخاف من شنو؟.!.؟.! خليها بالنية وعاين للكيبورد دا ودوير رد علي الرد بيتاع الرد بيتاع الرد بيتاع الموضوع بيتاعك..أهااا عاد ول ما فهمتا حاجة ما تسألني..أنا ذاتي ما فهمتا..هع هع هع..وياسيدي يديك الف عافية علي الكلمات الرقيقة..والله ما بتقصر تتتتتتتتتتتب يازوق..تحياتي الحااااااااارة كدا لمن مسخنة ذي مويتكم الفي المطبخ..!!

ســـــــــــــــــــــــــــــــــــــــ(بت النيل)ـــــــــــــــــــــــــــــــــــــــــرور ة!!

[الشريف الهندي]

ثروره العثل ... والله الموضوع عثل بث

انتي عارفه زمان ( المرحوم الفاضل سعيد) في مسرحية ( الكسكته ) مرت عليهو زي الحاله دي بالضبط وكنا في المسرح محنانين معاهو شديد وهو مالاقي ليهو طريقه وروحو محرقاهو شديد .
ففكر ينتحر .. قام جاب المسدس لقا مافيهو طلقات .. مشى على الكهرباء لقاها قاطعه ..
جاب السكين لقاها مكسوره
وكل مره يزداد حيره ويحيرنا معاهو .... وانا حنيت في حالو ومن نص الجمهووووووور كوركت ليهو شديد وقلت ليهو
( السِبغه السِبغاااااااااااااااااااااااااااااااه )
قام هو زانتو قعد يضحك شديد في المسرح والجمهور قعدو يضحكو وقال لي ..
(( فنان والله فنان انت الِسبغه ما تموت بيها انت مالك على )) والحكايه كانت ظريفه شديد وقطع مصارينا من الضحك فدحين اكان احترتي شديد ...السبغاااااااااااااااااااااااااااااااااااااااااا اااه ...لكن معاها كباية قهوه تقيله علشان ما تظهر وماتلاوزي وقلوينا معاك
هههههههههههههه والله الموضوع عجبني بالحيل وشكرا ليك كتير
بث شفتي اكان السين سويتيها ثين يكون عجيييييب والله
كل الود

[BiT@lNiLe]

ثروره العثل ... والله الموضوع عثل بث

انتي عارفه زمان ( المرحوم الفاضل سعيد) في مسرحية ( الكسكته ) مرت عليهو زي الحاله دي بالضبط وكنا في المسرح محنانين معاهو شديد وهو مالاقي ليهو طريقه وروحو محرقاهو شديد .
ففكر ينتحر .. قام جاب المسدس لقا مافيهو طلقات .. مشى على الكهرباء لقاها قاطعه ..
جاب السكين لقاها مكسوره
وكل مره يزداد حيره ويحيرنا معاهو .... وانا حنيت في حالو ومن نص الجمهووووووور كوركت ليهو شديد وقلت ليهو
( السِبغه السِبغاااااااااااااااااااااااااااااااه )
قام هو زانتو قعد يضحك شديد في المسرح والجمهور قعدو يضحكو وقال لي ..
(( فنان والله فنان انت الِسبغه ما تموت بيها انت مالك على )) والحكايه كانت ظريفه شديد وقطع مصارينا من الضحك فدحين اكان احترتي شديد ...السبغاااااااااااااااااااااااااااااااااااااااااا اااه ...لكن معاها كباية قهوه تقيله علشان ما تظهر وماتلاوزي وقلوينا معاك
هههههههههههههه والله الموضوع عجبني بالحيل وشكرا ليك كتير
بث شفتي اكان السين سويتيها ثين يكون عجيييييب والله
كل الود



أهلييييييييييين أخي..والله من زوقك..يديك الف عافية أنشاءالله علي الأطراء الجميل ما بتقصر..

وبعديييييييين ربنا يرحموا ويغفر ليهو يارب لكيييييييييين أنتا قايل شنو؟.!.؟.! بكون مطنش..يعني معقولة ما تكون جات في بالو؟.!.؟.! بس الفكرة ما وقعت ليهو ليسة..هيهيهيهي..وبعدين حرام عليك..هسي دي نصيحتك لي؟.!.؟.! أني أشرب صبغة؟.!.؟.! هي طريقة سهلة شديد ولذيذة لأنتحار لكين في مشكلة واااااااااااااااااااااااحدة بس..أني ما بشرب قهوة عشان أكبها معاها..فأحسن ننسي الفكرة ولا شنو؟.!.؟.! هع هع هع..يأخي والله عايزة أكمل قرايتي وأعيش حياتي وأكبر براحة..وأبكي وأضحك واعيش أي شعور..أبرا من الأنتحار..وأهم شئ الجنة..أنتا ما جادي ولا شنو؟.!.؟.! غايتو لو فكرتا في تفكير تفكيري في الكلام دا بتكون انتا السبب..سامعين ياجماعة؟.!.؟.! بعدين كان عملتا في روحي حاجة أمشوا للمان دا طوالي وحاسبوهوا لي بالله ..هع هع هع وبعد اشلر عنييييييييييييييييييييييي يارب..هيهيهيهي غايتو يديك الف عافية علي المرور والتعقيب تصدق أنك ما بتقصر..تحياتي الحاااارة ياسيدي..!!

ســــــــــــــــــــــــــــ(بت النيل)ـــــــــــــــــــــــــــــــرورة!!

[صالح شرف]

عجب..ده اسم لاعب..عجب في عجب
كل ما تكتبيه جميل حد الابهار
وعظيم هذا الاحساس
كلام معاد
لاو حضرتك كملتي كل الاطراء الفي اللغة والمجاملات وكسير التلج ذاتو
ارد الان لاضيف مشاركة في رصيد العبد لله...بس...صدقي
وبصراحة اكتر الرد عليك نوع من انواع الهزيمة المبطنة
كيف...أوريك
الواحد لمن ما يعرف يعمل زيك بقوم يصاحبك عشان..يشتشف..حلوة موووووش..يستشف دي
يستشف...ح أهررريييييك...علي راي عادل امام
يستشف منك شوية من البقدر يلقطوا


يا غالية يا بت النيل يحفظك للنيل واولاد النيل ...يا ام النيل واخت النيل وبت النيل وحبوبتو كمان..
يحفظك الله


مع تحياتي

واحد مغلوب...
وبحاول ما يوضح انو مغلوب ...

[BiT@lNiLe]

عجب..ده اسم لاعب..عجب في عجب
كل ما تكتبيه جميل حد الابهار
وعظيم هذا الاحساس
كلام معاد
لاو حضرتك كملتي كل الاطراء الفي اللغة والمجاملات وكسير التلج ذاتو
ارد الان لاضيف مشاركة في رصيد العبد لله...بس...صدقي
وبصراحة اكتر الرد عليك نوع من انواع الهزيمة المبطنة
كيف...أوريك
الواحد لمن ما يعرف يعمل زيك بقوم يصاحبك عشان..يشتشف..حلوة موووووش..يستشف دي
يستشف...ح أهررريييييك...علي راي عادل امام
يستشف منك شوية من البقدر يلقطوا


يا غالية يا بت النيل يحفظك للنيل واولاد النيل ...يا ام النيل واخت النيل وبت النيل وحبوبتو كمان..
يحفظك الله


مع تحياتي

واحد مغلوب...
وبحاول ما يوضح انو مغلوب ...



شوووووووووووف؟.!.؟.! أنا أثنين ما بفهم فيهم ..تقريبا" كدا..الكورة والسياسة..فلا عجب ولا غيروا..ما بعرفوش ياعم الحاج.. وعلي العموم أن شاءالله يكون بعرف يعلب بعد دا كلوا..وبعدين ياسيدي أذ كان كلام معاد كل مرة بتزيد عليه نفس وروح..وطريقة في القول..ولاماكدا؟.!.؟.! وبعدين أنا مع المجاملة مع البيستاهل أنو يتجامل..ولاكيف يابشر؟.!.؟.!

بعدين اسمعني..ما تقول لي الكلام دا..بتفلهم علي البحبوني والبحبهم..وببقي شييييييريرة شديد..هع هع هع علي قول حبيبتي مهوية..براحة علي عشان رأسي قد السقف ووصل السماء..بعدين انا لاقية ناس حلووووييين وراقيييين مثلكم أنو يصاحبوني؟.!.؟.! تمام والله شديد..وأن شاءالله بس تعرف تستشف بعد دا ياعادل الأمام..وتفضل رايح جاي رايح جاي ويقع ليك عشان ما نعيدوا ليك..غايتو يديك الف عافية عزيزي علي المرور والتعقيب..ما بتقصر صدقني..ورب العالمين ما بتقصر..تحيااااااااتي الحااااارة لمن مسخنة ياود البلد..!!

ســــــــــــــــــــــــــــــــــــ(بت النيل)ـــــــــــــــــــــــــــــــــــــــــرور ة!!

[طلال الصول]

بت النيل لمن وصلت النهاية نسيت البداية
سلالالالالام

[مصريه]

كلمات جميله
بس تعلقاتك لذيذه
شكرا ليكي يا سكر

[BiT@lNiLe]

بت النيل لمن وصلت النهاية نسيت البداية
سلالالالالام


أحم..لكين ما بالغتا...ما أكون أنا البراية قدر دا..ولا تكون أنتا الذاكرتك ضعيفة قدر دا؟.!؟.! شكلي أنا البراية..المهم ياسيدي..ما قريت الحكاية بيتاعت المرة السألت زوجها بتحبني ؟.!.؟.! فقام دخل وطلع ودخل وطلع وبت الناس لمن نست هي سألتوا شنو أساسا في البداية..بس أديتني أحساس أني عملتا كدا..لكين أنا ما كان قصدي كدا..أبدا" نهاااااااااااااااااائي كدا..لكين علي العموم يديك الف عافية علي المرور الراقي والتعقيب الأرقي..ما بتقصر والله..تحياتي الحااارة لمن مسخنة..!!

ســـــــــــــــــــــــــــــــ(بت النيل)ــــــــــــــــــــــــــــــرورة!!

[BiT@lNiLe]

كلمات جميله
بس تعلقاتك لذيذه
شكرا ليكي يا سكر


العفو يازوووووووووووووووووق..بت النيل برضو حضرتك..وصدقي تعقيبك الالذ..يديك الف الف عافية عزيزتي علي المرور الراقي والتعقيب الأرقي..ما بتقصري والله..تحياتي الحااااارة لمن حرانة..!!

ســــــــــــــــــــــــــــــــــــ(بت النيل)ـــــــــــــــــــــــــــــــــــرورة!!

[صالح شرف]

فترتا...
نفسي اتقطع...
كملت البنية(الشقية)النيلة كل مخزون الجمل وتراكيب الكلمات لدي...
ها انا انسحب..طواعية(بت اخت رواعية)من هذا المارثون

ونلتقي في مباريات(ما خلاص عرفتك ما فاهمة في الكورة كوعك من بوعك)في مباريات اخري اكون قد استعديت لها جيدا

حبي واعزازي..صاااااااااااااااااالح