من يشاركني تلك الهواية الظريفة

[رافع]

هناك بعض الاغاني السودانية القديمة المسموعة والمشهورة معظمنا لا يعرف شاعرها أو مغنيها وندندن بها ونحبها كثيرا فهوايتي هذه ان نقوم بطرح عنوان او نص الاغنية ونبحث عن شاعرها في محوالة لاعطاء كل دي حق حقة 00 وبما اني صاحب الهواية ساكون اول المشاركين واليكم النص الكامل وشاعر اغنية (قام اتعزز الليمون ) يغنيها الفنان محمد سلام وهو لاحد الشعراء من مدينة طابت علي ما أظن وهو الشاعر أزهري عبد الرحمن أبو شام



قامْ إتعزَزْ الليمونْ …
عشانْ بالغنا فى رِيدو
بدورْ أشكِيهو للقمرةْ …
وأشوفِكْ من أجاويدو
حَارِقْ جُوفنا دة الليمونْ …
نِجِضْ قُبال مواعيدو
وهارى حشاى أنا الليمونْ …
وهـَدهَدْ لى أغاريدو
ورُحنا نصيدو دا الليمونْ …
عشانْ مانحنَ بنريدو
وراحْ صايدنا دة الليمونْ …
قُبال نحنَ مانصيدو
ليه صايدنا ياليمونْ …
قُبال نحنَ مانصيدَكْ
عشانْ السُمرة فى خديكْ …
وقلبى الشِلتو فى إيدكْ
عشانْ نديانْ …
لأنى دوامْ بجيكْ فَرحانْ
تَشَفِقـنا وتَفرِّحنا …
وتخالِفْ فى مواعيدكْ
ودخَلنا القَمر واسطة …
لأنو القمرة بتريدكْ
عليكْ عينيهو يا قمرةْ …
حديثى معاكْ تَسويهو
هناكْ فى طابتْ الخضراءْ …
تشيلى الريدْ توديهو
بتلقى حنينْ .. بتلقى بَرا
بتلقى مستنى فى ظُلْ نِيمةْ …
زى ليلاً بعدْ مطرةْ
بتلقى مِنَدِى ياقمرةْ
تقعدى معاهو ياقمرةْ …
دقايقْ كانْ تريديهو
كانْ جِيعانْ تعشيهو …
كانْ زهجانْ تحجيهو
كانْ نعسَـانْ تلوليهو
وكان بردانْ ياقمرة …
بى توب الحنانْ غطيهو
قولى ليهو الحكاية شِنـو …
حبيبَكْ ورحـتَ ناسيهو
وكانْ شَتَتْ دميعاتو الحُنانْ …
خِفى عليهو ضُميهو