(...... انا أمشي وين ......)نص شعري ... صريح

[صالح شرف]

أنا أمشي وين
لفيت كتير
في كل مكان بلقالي واحدة بتشبهك
يا ريت حياتي
حلم .. حلم
لمن خلاص
يوم إنتهي
لا تَبقي في
لا حتي عيني بتلمحك
يا واحدة مين غيرك .. بعيش
احلامي لمن تفقدك
أنا إستحالة أكون حقيقة لدنيا فاكراك إغتراب
أو مرة أنسي الفكرة يوم
يا واحدة مافي البشبهك
يا سر صباح بكر وهناي
كضبتا غلطان بعترف
لمن زمان يالسمحة قلتا
بتشبهك
دايما مواعيدك براك
دايما عيونك امتلاك
دايم حضورك زي قدر
يا رت أعيشوا كمان
معاك
مسكينة يا ريت يا قمر
حتي التمني كمان بعيد
طول عمروا ما أظن
يلحقك
أنا أمشي وين
لافي الحقيقة ولا الخيال
يا بت ح ألقي البِشبهك

17/4/2007م
فداسي

صالح شرف

[reeem]

تسلم اخوي صالح ويديك العافيه بالجد روعه

[درويش]

ثقتي كبيرة بانك ان اغمضت عينيك
وتحسست داخل ستدري الي اين ومن في انتظارك
كلنا حولك وواضياعنا ان لم تشعر بنا
فرجاء اغمض عينيك لترانا .
( بييني وبينك هذا رجاء ان يكون بيننا دائما رد )
ودخلت بيت الدهشة
لحظة شوفتا
حسيت تراب الغربة
همهم فيني
مازحني انتصار الشوق
علي جيوش الحزن والانبهار
وانا زي تقول ما بينا كانت عرفة
او كان انتظار ..


درويش

[صالح شرف]

قبل الرد علي الكلمات البسيطة التركيب عظيمة المعني



ريم

انا متأكد
أني أعرف
صاحبة هذا التوقيع


فإن كنت علي صواب فذلك دليل من القدر بأننا مازال بيننا فرصة أن نتلاقي(لا أن نلتقي)

وإن لم يكن
فهي فرصة التعرف علي عظيمة ..في القدر رفيعة في الجناب

واثقة في الدروب والخطوات...








لك الشكر



درويش...
أعلم أن الرد مُشتركُ



ولكن اتفاق الرائعين..
في الروعة

ولا احب ابدا ان ارد علي كل واحد منهما لوحده
فذلك تفريق لجمع الرائعين
وهذا من الكبائر في عالم الادب والذوق الرفيع الذي اتمني ادخل ساحته ليلة..
أو ليلية....




وبس (غلبني الكلام)


صاااااااالح

[زهرة الشمس]

الأخ الفاضل صالح شرف
في كل لحظة تفاجئنا بصدق الإحساس المستوطن كلماتك الجميلة
حتى في حظك وفي ألمك وفي بعض مما تعلمته
والآن ليس لدي ما أقوله سوى الصبر وكل الاحتمال في حياة لا ترى فيها إلا وجهاً واحد ولا تنبض إلا نبضاً واحد ولا تتنفس إلا عشقاً لشخص واحد


لك كل التحية والاحترام والتقدير

[زهرة الشمس]

لمحت زولاً بيشبهك
رقصت حواسي
وفرهدت مسامي وعيوني برقت
وابتسمت بفرح ممزوج بحنين
أنا وين وانت وين؟؟
لمحتك وانتشيت
كنت بتمناك انت تكون
تفرح غربتي لحظة
تزين ليل وحدتي بكون
والوحشة تغيب في حياتي ولو مرة
يبتسم فؤادك أو تضحك لي العيون
تساعدني ظلالك وتقدرني على احتمال الظنون
والعواصف ألفي عمري يمكن تهدأ
تجلب لي نسايم محبة ومحنة ووئام وسكون
تطرأ في خيالي رجفة الشوق المجنون
ما انت ما عارف غلاوتك
وريدتي ليك ما ليها فصول
انت أمل دنياي البيفرح
وطن وحقيقة ومعزة وطفولة وغصون

[صالح شرف]

زهرة الشمس

عظيم هذا الاحساس

والرد أجمل


هل لي في طلب...
لا تحرمينا مرورك




فنحن من وهج الرضي يا أيتها الشمس
(منك)نستقي
الابداع
فلا تدعين هذا النبع عنا ينقطع

[اميمه عشريه]

أنا أمشي وين
لفيت كتير
في كل مكان بلقالي واحدة بتشبهك




شوف انت ما تمشي اي حته انت بس تشيل كلامك ده ودغري عليها البد معاها هناك لمن تقراهو ليها كلو وتعال وريني حصل شنو بعداك .:D ..

[صالح شرف]

يكفيني انك قراتيه انتِ يا شاهقة
الود
والكلم
والحرف
والاتحاف
والتواصل
وكفي
فلن اجد الكلمات المناسبة
شكرا بقامتك انت
فلا قامة تندانيك
سيدتي