المساعد الشخصي الرقمي

مشاهدة النسخة كاملة : انتى ذاتك .. ذاتى


ياسرالشيخ
20-04-2007, 11:15 AM
رشة خطاك .. غمام
بملك .. مساحة الفراش جواك ..
والصبح الجميل ..
بربطنى بيك نخل الكلام ..
و الدهشة .. الفرح .. الوصول ,
تربطنى بيك .. عين الشمس
قمة جبل مرة ..
ونسج الشعور موال ,
عارفك بتنبتى فى مفاصل الدهشة ..
وتدخلى فى مسارب الروح سؤال ..
عن الذى صك الموازين تخطى وتصيب ..
زرع الالم راية ..
وقلد تواقيعك هزال....
ما انتى ذاتك ..
ما واحدة تانية بتشبهك ..
الكنتى شايلة فى كفك تسومى روحك برتقال ..
والسرقتى اشتعال عود الثقاب ,
دربك مبصم بالعشرة ..
فى دفاتر الطين المشقق والرمال ..
وانتى ذاتك .. المرقتى تاوقتى .. كيف تطلع شمس ..؟
ما واحدة تانية بتشبهك ..
توبك ..
اساورك ..
مشيتك ..
وجه الشبه بينك وقمة جبل مرة ..
كل الادلة .. بتثبتك ..
تذكرى ...؟
وقت الارض كانت غنا...؟
وقت النفس الطووويل راحة ..؟
واكتمال الرؤية فى ذهنك شرافتى ..؟
يا حليل زمانك ..
سيرة فاطمة يوم جاها الندى ..
رصة بنات المولد ..
صفقة زهور الحلة ..
عشق القمح تربالو ..
رقصة جدايل الحنة ..
ونجم الدغش ضواى .
وفرة قليب الناى ...
لما الحبيبة تبين .
كنتى هناك ... جواى
تتاوقى ..كان طلعت شمس على الزنزانة ..
كان رشت خطيواتك خريف ..
كنتى جواى .. تدندنى فى الغنا ..
وتعزفى فى الوتر الرهيف.
ما انتى ذاتك ..
ما واحدة تانية بتشبهك ..
توبك ..
اساورك ..
مشيتك ..
ووجه الشبه بينك وقمة جبل مرة .
كل الادلة بتثبتك ..
وما انتى ذاتك ...
ذاتى .
reeem
20-04-2007, 05:33 PM
يديك العافية ومافي كلام ينوصف روعه يارائع
درويش
21-04-2007, 04:06 AM
كنا في حيرة من يكتب الرد لا تندهش فنحن لسنا بغرباء في زمان الغربة
بيني وبين صالح شرف شي اكبر من المودة
يقول لي ادخل باسمك ورد علي الزعيم ياسر
واقول سادخل باسمي واترك لك الرد عليه
صالح لك العزيز ياسر :




ياسر ختيت الكي بورد في رجولي
عشان اعرف اعيش قصيدتك
وقصتك



رائع
واحساسك براك
رائع
ومافي البشبهك
رائع براك


اظن كفاية عليك كدة
بس عشان باكر نعرف نكلمك
يا ابن الروعة
وحفيد العظمة
وابن اخ الاندهاش



لك منا
درويش.. و .. ود شرف
مليون تحية شوق
وفكرة انتظار


سلام ....



درويش






صالح شرف
ياسرالشيخ
21-04-2007, 09:33 AM
يديك العافية ومافي كلام ينوصف روعه يارائع
التحية لك الغالية ريم ..
وشكرا .. شكرا على الكلمات الرائعة ..
وحقيقة نحن نفتقدك ..داومى .. ولاا تحرمينا من كتاباتك
ياسرالشيخ
21-04-2007, 09:50 AM
كنا في حيرة من يكتب الرد لا تندهش فنحن لسنا بغرباء في زمان الغربة
بيني وبين صالح شرف شي اكبر من المودة
يقول لي ادخل باسمك ورد علي الزعيم ياسر
واقول سادخل باسمي واترك لك الرد عليه
صالح لك العزيز ياسر :




ياسر ختيت الكي بورد في رجولي
عشان اعرف اعيش قصيدتك
وقصتك



رائع
واحساسك براك
رائع
ومافي البشبهك
رائع براك


اظن كفاية عليك كدة
بس عشان باكر نعرف نكلمك
يا ابن الروعة
وحفيد العظمة
وابن اخ الاندهاش



لك منا
درويش.. و .. ود شرف
مليون تحية شوق
وفكرة انتظار


سلام ....



درويش






صالح شرف
التحية ليكم اخوتى ..الدرويش وصالح.. وكل الشكر لكم على هذا الاطراء ..
التحية ليكم وانتم تنيرون وتزينون الملتقى .. بكلمات شيخى الدرويش الرائعة .. وبكائيات صالح ..
يا صالح .. ابكى فى السر ولا تدع دموعنا تنهمر مع كتاباتك ..( ويا راجل ماذا لو انهم ذبحوا الناقة ؟)
اميمه عشريه
21-04-2007, 02:31 PM
والله يا شيخنا انت زاتك الاندهاش

غمزت الدارجي بمياه ملونه من الفصيح مهدت الطريق لبناء مدرسه ادبيه جميله تتعملق فيها كلماتنا الدارجه البسيطه فترتدي حله من المعاني الكبار والكبار جدا .. سنعود عندما يصير احساسنا مقاس هذه الكلمات البوتقه ..

نزدان بك وصدر الثقافي يتبرج بجميل كلامك ..
ود النيل
22-04-2007, 01:23 AM
شكراً أيها الرائع..ياسر..منك نستمد الجمال ..لكم أحب الحديث عن الذات ...فوجدتك تتحدث عن ذاتنا شكراً نثق تماًماً إنو ذاتك ذاتنا فاكتب عنا أو لنا إلا أن ينصلح (قلمنا المكسور) وتتشكل حلقات (الوجود ) داخلنا وتندثر ( الهياكل) من أوراقنا الرثة ...حينها سنقدم لك ( تمرة) عربوناً لشجرة أصلها ثابت وفرعها في السماء
ومزيداً من الإبداع...ود النيل
ياسرالشيخ
22-04-2007, 10:07 AM
ايتها الرائعة اميمة .. لك التحية و لك كل الود ,
انا فخور جدا ان تكتبى عنى (انتى بالذات ما كتبتى) فانا يا سيدتى قطرة فى بحرك العميق ..
وانى لكلماتى ان تضاهى كلماتك .. وتذكرى دائما انه لست انا وحدى الذى يكتب .. فهناك انتى , وهى ,
وهو. كل السودان ياسيدتى يكتب ,و (كلنا فى الهم شرق )
فقط نتمنى ان يكون السودان كله( منتديات ودمدنى )... حتى يصل لنا انين الاخرين
ياسرالشيخ
22-04-2007, 10:13 AM
شكراً أيها الرائع..ياسر..منك نستمد الجمال ..لكم أحب الحديث عن الذات ...فوجدتك تتحدث عن ذاتنا شكراً نثق تماًماً إنو ذاتك ذاتنا فاكتب عنا أو لنا إلا أن ينصلح (قلمنا المكسور) وتتشكل حلقات (الوجود ) داخلنا وتندثر ( الهياكل) من أوراقنا الرثة ...حينها سنقدم لك ( تمرة) عربوناً لشجرة أصلها ثابت وفرعها في السماء
ومزيداً من الإبداع...ود النيل
العزيز جدا والغالى ود النيل( دى سويتها كيف ؟) ولكن لا عجب فانت دائما تحيرنى فيما تكتب ..
لك التحية اخى العزيز ..وكم اتمنى ان لا نفترق ابدا حتى تحكى لى ... واقراء كلماتك .. طول العمر
فانت رائع وانا ادرى ذلك .. وانت (كتاب) وايضا انا اعرف ذلك .. فقط لا تحرمنا مما كتبت قديما .
شكرا لك
طلال الصول
23-04-2007, 08:03 PM
زاتك في زاتا وزاتكم الاتنين جميلة
زهرة الشمس
26-04-2007, 02:44 AM
الأخ الفاضل ياسر الشيخ
كل خاطرة أو قصيدة تجعلني أدرك تماماً بأنني لم أكن مخطئة حينما رددت في كثير من الأحيان بأن قلمك لم ولن يكن مكسوراً
هنيئاً لنا بقلمك الثابت والمعتز بالأبجدية الرائعة المضمون والإحساس

أما عن "انتي ذاتك... ذاتي" فأنا واثقة أيضاً بأنها ما هي إلا فصل من فصول الإلهام للكثير والكثير من جوانب الإبداع الثقافي المتبحر في محيط العامية السودانية
"حتى غدت علماً يرفرف على قمة جبل مرة"

لك كل التحية والاحترام
ياسرالشيخ
28-04-2007, 10:37 AM
وانت الاجمل يا طلال .. ابقى ..
وماتحرمنا من طلتك.
ياسرالشيخ
28-04-2007, 10:42 AM
عودتينى دائما فى اطلالتك على ان اندهش..
ونعم قلتيها مرة .. ولكنى لازلت انقل (كتاباتى القديمة )
لك التحية اختى زهرة الشمس .. ودائما افخر باطلالتك على ..